Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Байлдан дагуулах ажлын дотоод үнэн (1)

Хүн төрөлхтөн Сатанаар хэт гүнзгий ялзруулагдсаны улмаас Бурхан байдгийг мэддэггүй ба Бурханыг шүтэхээ больсон. Анх Адам Ева бүтээгдэх үед Еховагийн алдар, Еховагийн гэрчлэл үргэлжид байсан. Гэхдээ ялзруулагдсаныхаа дараа бүгд Бурханы эсрэг тэрсэлж, Түүнийг хүндлэн бишрэхээ бүрмөсөн больсон учраас алдар болоод гэрчлэлийг хүн алдсан юм. Өнөөгийн байлдан дагуулах ажил нь бүх алдар суу, гэрчлэлийг буцаан авчирч, бүх хүмүүсээр Бурханыг шүтүүлэх бөгөөд ингэснээр бүтээгдсэн зүйлсийн дунд гэрчлэл бий болох билээ. Ажлын энэхүү үе шатанд хийгдэх хэрэгтэй зүйл нь энэ юм. Хүн төрөлхтнийг яг хэрхэн байлдан дагуулах вэ? Хүнийг бүрэн дүүрэн итгүүлэхийн тулд үгний энэ ажлыг ашиглан энэ нь хийгдэх болно; түүнийг бүрмөсөн үнэмшүүлэхийн тулд илчлэлт, шүүлт, гэсгээлт, өршөөлгүй хараалыг ашигласнаар; мөн хүний тэрслүү байдлыг илрүүлж, түүний эсэргүүцлийг шүүснээр хийгддэг, ингэснээр тэр хүн төрөлхтний шударга бус байдал болон бузар булай байдлыг мэдэж чадах ба энэ нь Бурханы зөвт зан чанарыг тодруулахад ашиглагдах болно. Үндсэндээ, хүнийг байлдан дагуулж, түүнийг бүрэн итгүүлэх зүйл нь эдгээр үгийн хэрэглээ байх болно. Үг нь хүн төрөлхтнийг байлдан дагуулах арга зам бөгөөд байлдан дагуулах ажлыг хүлээн зөвшөөрдөг бүх хүмүүс үгний цохилт, шүүлтийг хүлээн зөвшөөрөх ёстой. Өнөөгийн ярих үйл явц нь байлдан дагуулах үйл явц юм. Хүмүүс яг хэрхэн хамтран ажиллах ёстой вэ? Эдгээр үгийг үр ашигтайгаар идэж, ууснаар мөн тэдгээрийг ойлгосноор. Хүмүүс өөрсдөө байлдан дагуулагдаж чадахгүй. Эдгээр үгийг идэж ууснаар тэд өөрсдийн ялзрал, бохирдол, тэрслүү байдал болон зөв шударга бус байдлыг мэдэж авч Бурханы өмнө сөхрөн унах ёстой. Хэрвээ чи Бурханы хүслийг ойлгож, үүнийг хэрэгжүүлж, цаашлаад үзэгдэлтэй байж, мөн хэрвээ эдгээр үгэнд бүрэн дуулгавартай хандаж, өөрийнхөөрөө ямар ч сонголт хийхгүй бол чи байлдан дагуулагдсан байх болно. Чамайг байлдан дагуулсан зүйл чинь эдгээр үг байх юм. Хүн төрөлхтөн яагаад гэрчлэлээ алдсан бэ? Учир нь хүн Бурханд итгэх итгэлгүй эсвэл Бурханыг зүрх сэтгэлдээ огтхон ч агуулдаггүй. Хүн төрөлхтнийг байлдан дагуулах нь энэхүү итгэлийг хүмүүст сэргээнэ гэсэн үг юм. Хүмүүс үргэлж дэлхий ертөнцөд анхаарлаа хандуулж, хэтэрхий их итгэл найдвар тавьж, ирээдүйнхээ төлөө хэтэрхий ихийг хүсч, хэмжээ хязгааргүй маш олон шаардлага тавьдаг. Тэд үргэлж өөрсдийнхөө махан биеийн талаар бодож, төлөвлөдөг бөгөөд Бурханд итгэх замыг эрж хайхыг хэзээ ч сонирхдоггүй. Тэдний зүрх сэтгэл Сатанд олзлогдож тэд Бурханыг хүндлэх хүндлэлээ алдсан ба өөрсдийн зүрх сэтгэлээ Сатанд зориулж байгаа. Гэхдээ хүн Бурханаар бүтээгдсэн. Тиймээс хүн гэрчлэлээ алдсан гэдэг нь тэр Бурханы алдрыг алдсан гэсэн үг юм. Хүн төрөлхтнийг байлдан дагуулахын зорилго нь Бурханыг хүндлэх хүний хүндлэлийн алдрыг эргүүлэн авах явдал юм. Үүнийг ингэж хэлж болно: Амийг эрж хайдаггүй хүмүүс олон байдаг; зарим нэг хүмүүс байсан ч гэсэн тэдний тоо гарын арван хуруунд багтана. Хүмүүс өөрсдийнхөө ирээдүйн талаар хамгийн их санаа зовдог бөгөөд аминд ямар ч анхаарал хандуулдаггүй. Зарим хүмүүс Бурханы эсрэг тэрсэлж, эсэргүүцэж, Түүний нүднээс далдуур Түүнийг шүүдэг ба үнэнийг хэрэгжүүлдэггүй. Одоогоор Би энэ хүмүүсийг үл ойшоож, ийм төрлийн тэрслүү хөвгүүдийг зохицуулахаас одоохондоо түдгэлздэг. Ирээдүйд чи харанхуйд амьдарч, мэгшин уйлж, шүдээ хавирах болно. Чи гэрэл дотор амьдарч байх үедээ үүний үнэ цэнэтэй байдлыг мэдэрдэггүй боловч харанхуй шөнөөр амьдарч эхэлмэгцээ чи үүний үнэ цэнэтэй байдлыг ухаардаг. Тэр үед чи харамсах болно. Чамд одоо зүгээр санагдаж байгаа боловч чиний харамсах өдөр ирэх болно. Тэр өдөр ирж, харанхуй нөмрөн авч, гэрэл байхаа болих үед чиний харамсал хэтэрхий оройтсон байх болно. Учир нь, чи өнөөгийн ажлыг ойлгохгүй хэвээр байдаг болохоор өөрийн өдөр хоногуудыг нандигнаж чаддаггүй. Бүхий л орчлон ертөнцийн ажил эхэлмэгц буюу Миний өнөөдөр хэлж байгаа бүхэн биелэх үед олон хүн толгойгоо барин гашуунаар уйлах болно. Тэр нь, мэгшин уйлж, шүдээ хавиран харанхуйд унаж байгаа хэрэг биш гэж үү? Амийг үнэхээр эрж хайдаг агаад бүрэн дүүрэн болгуулсан хүмүүсийг ашиглах боломжтой байдаг байхад ашиглагдахад тохирохгүй бүх тэрслүү хөвгүүд харанхуйд унах ба Ариун Сүнсний ямар ч ажлыг хүлээн авахгүй, ямар ч зүйлийн учрыг олох чадваргүй байдаг. Тиймээс тэд гашуудан уйлах шийтгэлд унах болно. Хэрвээ чи ажлын энэ үе шатанд сайтар зэвсэглэсэн бөгөөд чиний амь төлөвшсөн бол чи ашиглагдахад тохирох хүн юм. Хэрвээ муу зэвсэглэсэн бол хэдий чи ажлын дараагийн үе шатанд орсон ч гэсэн тохирохгүй байх болно. Тэр мөчид чи өөрийгөө зэвсэглэхийг хүссэн ч гэсэн боломж өнгөрөн одсон байх болно. Бурхан явчихсан байх болно; тэгвэл одоо өмнө чинь байгаатай адил боломжийг олохоор чи хаашаа явах вэ, мөн Бурханы биечлэн хангаж байгаа сургуулилтыг хүлээн авахын тулд чи хаашаа явах вэ? Тэр мөчид Бурхан биечлэн үгээ хэлж эсвэл Өөрийн дуу хоолойг биечлэн илэрхийлэхгүй байх болно. Чи зөвхөн өнөөдөр хэлсэн зүйлийг л унших чадвартай байна; чи яаж амархан ойлгож чадах юм бэ? Хожмын амьдрал яаж өнөөдрийнхтэй адил тэнцүү байж чадах юм бэ? Тэр мөчид чиний мэгшин уйлж, шүдээ хавирч байгаа чинь үхлийн амьдралыг туулж байгаа хэрэг биш гэж үү? Одоо чамд ерөөл хүртээгдэж байгаа боловч чи үүнийг хэрхэн эдлэхээ мэддэггүй; чи ерөөгдсөн байдал дунд амьдарч байгаа, гэсэн ч үүнийгээ ухаардаггүй. Чи бол зовох заяатай гэдгийг энэ нь баталдаг! Одоогоор зарим хүмүүс эсэргүүцэж, зарим нь тэрсэлж, зарим нь энийг тэрийг хийдэг. Би зүгээр л чамайг үл ойшоодог; Би та нарын тэр үйл ажиллагаануудын талаар мэддэггүй гэж бүү бод. Би та нарын мөн чанарыг ойлгодоггүй гэж үү? Яагаад Намайг эсэргүүцсээр байгаа юм бэ? Чи өөрийнхөө төлөө амь болон ерөөлийг эрэлхийлж байгаа биш гэж үү? Чи өөрийнхөө төлөө л итгэлтэй байдаг биш гэж үү? Яг одоо Би Өөрийнхөө үгээр байлдан дагуулах ажлыг хийж байгаа. Энэхүү байлдан дагуулах ажил дуусмагц чиний төгсгөл илэрхий болох болно. Би бүр илүү тодорхой хэлэх хэрэгтэй гэж үү?

Өнөөгийн байлдан дагуулах ажил нь хүний төгсгөл ямар байхыг ил тод болгохоор зорьсон ажил юм. Өнөөдрийн шүүлт, гэсгээлт нь эцсийн өдрүүдийн агуу цагаан сэнтийн өмнөх шүүлт юм гэж Би яагаад хэлдэг вэ? Чи үүнийг харахгүй байна уу? Яагаад байлдан дагуулах ажил нь сүүлчийн үе шат вэ? Энэ нь төрөл бүрийн хүний төгсгөл ямар байхыг нарийвчлан харуулахын төлөө биш гэж үү? Энэ нь гэсгээлт, шүүлтийн байлдан дагуулах ажлын явцад, өөрсдийн жинхэнэ төрхөө харуулж, тэгээд дараа нь төрөл төрлөөрөө ангилагдах боломжийг хүн бүхэнд олгохын төлөө биш гэж үү? Энэ нь хүн төрөлхтнийг байлдан дагуулж байгаа гэж хэлэхийн оронд энэ нь төрөл бүрийн хүний төгсгөлийг харуулж байгаа гэж хэлсэн нь дээр байж магад. Өөрөөр хэлбэл, энэ нь тэдний нүглийг шүүж, дараа нь хүний янз бүрийн төрлийг харуулж, тэгснээрээ тэд муу юу эсвэл зөв шударга уу гэдгийг шийдэх явдал юм. Байлдан дагуулах ажлын дараа сайныг шагнах, мууг шийтгэх ажил явагддаг: Бүрэн дүүрэн дуулгавартай дагадаг буюу бүрмөсөн байлдан дагуулагдсан хүмүүс бүхий л орчлон ертөнцөд ажлыг түгээх дараагийн алхамд орох болно; байлдан дагуулагдаагүй хүмүүс нь харанхуйд орж, гай гамшигтай тулгарна. Тиймээс хүн төрөл төрлөөрөө ангилагдах ба мууг үйлдэгчид муугийн бүлэгт ангилагдаж дахин хэзээ ч нарны гэрлийг харахгүй, сайн бүлэгт ангилагдсан зөв шударга хүмүүс гэрлийг хүлээн авч үүрд мөнхөд гэрэлд амьдарна. Бүх зүйлийн төгсгөл ойртож, хүний төгсгөл түүний нүдэнд тодорхой харагдсан бөгөөд бүх зүйлс төрөл төрлөөрөө ангилагдах болно. Хүмүүс энэ ангилалтын зовлонгоос хэрхэн зугтаж чадах вэ? Бүх зүйлийн төгсгөл ойртох үед төрөл бүрийн хүний төгсгөл илчлэгддэг ба энэ нь бүхий л орчлон ертөнцийг байлдан дагуулах ажлын явцад (өнөөгийн ажлаас эхэлсэн бүх байлдан дагуулах ажлыг оролцуулан) хийгддэг. Бүх хүн төрөлхтний төгсгөлийг илчлэх энэхүү илчлэлт нь гэсгээлтийн явцад мөн эцсийн өдрүүдийн байлдан дагуулах ажлын явцад шүүлтийн ширээний өмнө хийгддэг. Хүмүүсийг төрлийнх нь дагуу ангилах нь хүмүүсийг анхдагч төрөл рүү нь буцаах явдал биш. Учир нь дэлхий ертөнц бүтээгдэх үед ердөө нэг төрлийн хүн, өөрөөр хэлбэл эрэгтэй, эмэгтэй хүн байсан. Олон өөр төрөл байгаагүй. Зөвхөн хэдэн мянган жилийн ялзралын дараа л өөр өөр төрлийн хүмүүс гарч ирсэн бөгөөд зарим нь бузар чөтгөрийн эзэмшил дор, зарим нь муу ёрын чөтгөрүүдийн эзэмшил дор, мөн амийн замыг эрэлхийлдэг зарим нь Төгс Хүчитийн ноёрхол дор гарч ирсэн. Зөвхөн ийм байдлаар хүмүүсийн дунд аажмаар төрөл бий болж, хүн төрөлхтний өнөр гэр бүл дотор хүмүүс, тус тусдаа төрөл болж хуваагдсан. Хүмүүс бүгд өөр өөр “эцэгтэй” болж эхэлсэн; хүн бүхэн бүхэлдээ Төгс Хүчитийн ноёрхол дор байдаг юм биш, учир нь хүмүүсийн тэрслүү байдал хэтэрхий их. Шударга шүүлт нь төрөл бүрийн хүний жинхэнэ төрхийг ил болгож, нууцлаг зүйл юу ч үлдээдэггүй. Хүн бүхэн, гэрэлд жинхэнэ нүүр царайгаа харуулдаг. Адам Евагийн тоо томшгүй олон үр удам хэдийнээ Сатанд олзлогдож, тэнгэрнарыг дахин хэзээ ч мэдэхээргүй болсон учраас мөн хүмүүс Сатаны бүх төрлийн хороор дүүрсэн учраас энэ мөчид хүн анх байсан шигээ байхаа больсон бөгөөд өвөг дээдсийнх нь анхдагч төрх байдал аль хэдийн алга болсон. Тиймээс хүмүүст зүй зохистой хүрэх газар байдаг. Түүнээс гадна өөрсдийн ялгаатай хорын үндсэн дээр тэд төрлийнхөө дагуу ангилагддаг буюу өнөөдөр байлдан дагуулагдаж байгаа хэмжээгээрээ ялгагддаг гэсэн үг юм. Хүний төгсгөл нь дэлхий бүтээгдсэнээс хойш урьдчилан тогтоогдсон зүйл биш юм. Яагаад гэвэл эхэндээ ердөө нэг л төрөл байсан ба үүнийг нийтэд нь “хүн төрөлхтөн” гэж нэрлэдэг байсан, мөн хүн анх Сатанаар ялзруулагдаагүй байсан учраас тэдэнд ямар ч түнэр харанхуй тохиолдолгүйгээр тэд бүгд Бурханы гэрэлд амьдарч байсан. Гэхдээ хүн Сатанаар ялзруулагдсаны дараа бүх төрөл зүйлийн хүмүүс буюу нийтээрээ “хүн төрөлхтөн” гэж нэрлэгддэг эрэгтэй, эмэгтэй хүмүүсээс бүрдсэн гэр бүлээс гарсан бүхий л төрөл зүйлийн хүмүүс газар дэлхий даяар тархсан. Тэд бүгдээрээ, өөрсдийн хамгийн дээд өвөг дээдэс буюу эрэгтэй, эмэгтэй хүнээс бүрдсэн хүн төрөлхтнөөс (өөрөөр хэлбэл, тэдний хамгийн эхний өвөг дээдэс болох анхдагч Адам, Ева хоёроос) холдон явахдаа өвөг дээдсээрээ удирдуулсан. Тэр үед газар дээр амьдрахдаа Еховагаар удирдуулж байсан цорын ганц хүмүүс нь израильчууд байсан билээ. Бүхий л Израилиас (анхдагч гэр бүлийн овгоос гэсэн үг) янз бүрийн төрлийн хүмүүс үүсч, дараа нь Еховагийн удирдлагыг алдсан. Энэ эртний хүмүүс хүний ертөнцийн хэрэг явдлуудыг огт мэдэхгүй ба өнөөдрийг хүртэл, өөрсдийн эзэмшсэн газар нутагтаа амьдрахаар өвөг дээдсээ даган явсан. Тиймээс тэд хэрхэн Еховагаас хөндийрсөн ба өнөөдрийг хүртэл бүх төрлийн бузар чөтгөр болон муу сүнсээр хэрхэн ялзруулагдсан тухайгаа одоо ч мэддэггүй. Өнөөг хүртэл хамгийн гүн гүнзгий ялзруулагдаж, хордуулагдсан хүмүүс, тухайлбал эцэстээ аврагдаж чадахгүй хүмүүс өөрсдийн өвөг дээдэс–өөрсдийг нь ялзруулсан бузар чөтгөрүүдтэй хамт явахаас өөр сонголтгүй байх болно. Эцэстээ аврагдаж чадах хүмүүс нь хүн төрөлхтөнд тохирох хүрэх газар буюу аврагдаж, байлдан дагуулагдсан хүмүүст зориулсан төгсгөл рүү явах болно. Аврагдаж болох бүх хүмүүсийг аврахын төлөө бүхнийг хийх болно, харин мэдрэмжгүй, засаршгүй хүмүүсийн хувьд тэдний цорын ганц сонголт нь өвөг дээдсээ даган гэсгээлтийн ёроолгүй хар нүх рүү унах юм. Чиний төгсгөл анхнаасаа урьдчилан тогтоогдсон ба одоо л илчлэгдэж байгаа гэж бүү бод. Хэрвээ чи тэгж бодож байгаа бол, хүн төрөлхтнийг анх бүтээх үед Сатаны төрөл тусдаа бүтээгдээгүй гэдгийг чи мартав уу? Адам, Ева хоёроос бүрдсэн (зөвхөн эрэгтэй, эмэгтэй хүн бүтээгдсэн гэсэн үг) дан ганц хүн төрөлхтөн бүтээгдсэн гэдгийг чи мартчихав уу? Хэрвээ чи анхнаасаа Сатаны үр удам байсан бол энэ нь Ехова хүнийг бүтээхдээ Сатаны бүлгийг багтаасан гэсэн үг биш гэж үү? Тэр үнэхээр тийм зүйл хийх байсан гэж үү? Тэрээр Өөрийн гэрчлэлийн төлөө хүнийг бүтээсэн; Тэр Өөрийн алдрын төлөө хүнийг бүтээсэн юм. Тэр, албаар Өөрийг нь эсэргүүцэх Сатаны хойч үеийн төрлийг яагаад зориудаар бүтээнэ гэж? Ехова үүнийг хийсэн байх уу? Хэрвээ тийм бол, хэн Түүнийг зөвт Бурхан гэж хэлж чадах юм бэ? Та нарын зарим нь эцэстээ Сатантай хамт явах болно гэж Би одоо хэлж байгаа нь чи анхнаасаа Сатантай хамт байсан гэсэн үг биш; харин энэ нь Бурхан чамайг аврах гэж оролдсон ч чи тэрхүү авралыг олж авч чадахааргүй болтлоо доройтсон гэсэн үг юм. Чамайг Сатантай хамт ангилахаас өөр сонголт үгүй юм. Чи аврагдахын аргагүй учраас ийм байгаа бөгөөд Бурхан чамд шударга бус хандсанаас болж байгаа юм биш, өөрөөр хэлбэл Бурхан чиний хувь заяаг санаатайгаар Сатаны биелэл болгон тогтоож, тэгснээрээ чамайг Сатантай хамт ангилж зориудаар чамайг зовоохыг хүссэн учраас биш юм. Энэ нь байлдан дагуулах ажлын дотоод үнэн биш. Хэрвээ чи тэгж итгэж байгаа бол, чиний ойлголт маш өрөөсгөл байна! Байлдан дагуулах эцсийн үе шат нь хүмүүсийг аварч, мөн хүмүүсийн төгсгөлийг илчлэх учиртай. Энэ нь, шүүлтээр дамжуулан хүмүүсийн доройтлыг илрүүлж, тэгснээр гэмшиж, өндийн босч, амь болоод хүний амийн зөв замыг эрж хайхад нь тэднийг хүргэх юм. Энэ нь хөшүүн маанаг хүмүүсийн зүрх сэтгэлийг сэрээж, шүүлтээр дамжуулан тэдний дотоод тэрслүү чанарыг харуулахын төлөө юм. Гэсэн хэдий ч хэрвээ хүмүүс гэмшиж чадахгүй, хүний амьдралын зөв замыг эрж хайж чадахгүй, эдгээр ялзралыг орхин хаях чадваргүй хэвээр байвал тэд Сатаны залгих аврахын аргагүй зүйлс болох болно. Хүмүүсийг аварч мөн тэдний төгсгөлийг харуулах нь байлдан дагуулахын ач холбогдол юм. Сайн, муу төгсгөл нь бүгд байлдан дагуулах ажлаар илчлэгддэг. Хүмүүс аврагдах эсвэл хараагдах эсэх нь бүгд байлдан дагуулах ажлын явцад илчлэгддэг билээ.

Эцсийн өдрүүд нь байлдан дагуулах ажлаар дамжуулан бүх зүйлс төрөл төрлөөрөө ангилагдах үе юм. Байлдан дагуулах нь эцсийн өдрүүдийн ажил; өөрөөр хэлбэл хүн бүхний нүглийг шүүх нь эцсийн өдрүүдийн ажил билээ. Эс бөгөөс хүмүүсийг яаж ангилах юм бэ? Та нарын дунд хийгдэж байгаа төрөл төрлөөр нь ангилах ажил нь бүхий л орчлон ертөнцөд хийгдэх тийм ажлын эхлэл юм. Үүний дараа, хаа сайгүй орших бүх үндэстнүүдийн хүмүүс мөн байлдан дагуулах ажилд захирагдах болно. Энэ нь, бүтээл дэх хүн бүхэн шүүгдэхийн тулд шүүлтийн ширээний өмнө очиж өөрсдийн төрлийн дагуу ангилагдах болно гэсэн үг юм. Хэн ч, ямар ч зүйл энэхүү гэсгээл шүүлтийг туулахаас зугтаж чадахгүй ба хэн ч, юу ч өөрийн төрлөөр ангилагдахаас тойрч чадахгүй; бүгд төрөл зүйл болон ялгагдах болно. Яагаад гэвэл бүх зүйлийн төгсгөл ойртож, бүх тэнгэр газар төгсгөлдөө ирсэн. Өөрийн оршин тогтнолын төгсгөлөөс хүн хэрхэн зугтаж чадах билээ? Тиймээс та нар өөрсдийн дуулгаваргүй үйлийг хэр удаан үргэлжлүүлж чадах вэ? Эцсийн өдрүүд чинь ойрхон байгааг та нар харахгүй байна гэж үү? Бурханыг хүндэлж, Түүнийг илрэн гарахыг хүсэн хүлээдэг хүмүүс Бурханы зөвт илрэлтийн өдрийг яаж харахгүй байх юм бэ? Тэд сайн сайхан чанарын сүүлчийн шагналыг яаж хүлээн авч чадахгүй байх юм бэ? Чи сайныг хийдэг нэгэн үү эсвэл хорон мууг хийдэг нэгэн үү? Чи зөвт шүүлтийг хүлээн зөвшөөрөөд, дуулгавартай дагадаг нэгэн үү эсвэл хараагддаг нэгэн үү? Чи шүүлтийн сэнтийн өмнө гэрэлд амьдарсаар ирсэн үү эсвэл тамын оронд, харанхуйд амьдарсан уу? Чиний төгсгөл шагнал байх уу эсвэл шийтгэл байх уу гэдгийг хамгийн сайн мэдэх хүн чи өөрөө биш гэж үү? Чи, Бурхан бол зөвт гэдгийг хамгийн тодорхой мэдэж, хамгийн гүнзгий ойлгодог нэгэн биш гэж үү? Иймээс үнэндээ чиний биеэ авч явах байдал ямар вэ мөн чиний зүрх сэтгэл хаана байна вэ? Өнөөдөр чамайг байлдан дагуулах гэж байхдаа Би, чиний зан авир бол хорон муу эсвэл сайн гэдгийг үнэхээр нэг бүрчлэн хэлэх хэрэгтэй гэж үү? Чи Миний төлөө хэр ихийг хаясан бэ? Чи Намайг хэр гүн шүтэн мөргөдөг вэ? Надад хэрхэн ханддагаа чи өөрөө хамгийн сайн мэдэж байгаа–тийм биш гэж үү? Эцэстээ чиний үр дүн ямар байхыг чи хэнээс ч илүү дээр мэдэж байх ёстой! Би чамд чин сэтгэлээсээ хэлж байна, Би зөвхөн хүн төрөлхтнийг бүтээсэн ба чамайг бүтээсэн, гэхдээ Би та нарыг Сатанд өгөөгүй; Би зориуд чамайг, Миний эсрэг тэрсэлж, Намайг эсэргүүцэж, дараа нь Надаар шийтгэгдэхэд хүргээгүй. Зүрх сэтгэл чинь хэтэрхий хатуу, биеэ авч явах байдал чинь хэтэрхий жигшүүртэй байсан учраас та нар энэ гай гамшгийг хүртээгүй гэж үү? Иймээс та нар өөрсдийнхөө төгсгөлийг тодорхойлж чадна гэдэг нь үнэн биш гэж үү? Та нар хэрхэн төгсөхөө өөрсдийн зүрх сэтгэлдээ хэнээс ч илүү дээр мэдэж байгаа гэдэг нь худлаа гэж үү? Би хүмүүсийг байлдан дагуулдгийн шалтгаан нь тэднийг илчлэхийн төлөө, мөн чиний авралыг баталгаатай болгохын төлөө юм. Энэ нь чамаар хорон мууг хийлгүүлэхийн төлөө биш эсвэл чамайг зориудаар сүйрлийн там руу аваачихын төлөө биш юм. Цаг нь ирэх үед чиний бүх агуу зовлон, чиний уйлаан болон шүдээ хавирах явдал–тэр бүхэн нь чиний нүглээс болохгүй гэж үү? Тиймээс чиний сайн сайхан эсвэл хорон муу чамайг хамгийн сайн шүүхгүй гэж үү? Чиний төгсгөл ямар байхын хамгийн сайн нотолгоо энэ биш гэж үү?

Яг одоо Би тэдний бүх тэрслүү зан чанарыг илчилж, тэдний бүх муу муухай байдлыг илчлэхийн тулд Хятад дахь энэ хүмүүс дээр ажлаа ашиглаж байгаа. Энэ бол Би хэлэх хэрэгтэй бүхнээ хэлж байгаагийн цаад шалтгаан юм. Дараа нь Би бүх орчлон ертөнцийг байлдан дагуулах ажлын дараагийн алхмыг хийх болно. Би бүхий л орчлон ертөнц дээрх хүн бүхний зөв бусыг шүүхдээ та нарыг шүүсэн Өөрийн шүүлтийг ашиглах болно, учир нь хүмүүс та нар бол хүн төрөлхтний доторх тэрслүү хүмүүсийн төлөөлөгчид билээ. Урагшилж сайжирч чаддаггүй хүмүүс ердөө л товойлгогч, хүчин зүтгэгчид болох ба, харин чаддаг хүмүүс нь ашиглагдах болно. Урагшилж сайжирч чадахгүй хүмүүс нь зөвхөн товойлгогч болно гэж Би яагаад хэлдэг вэ? Учир нь Миний өнөөгийн үг ба ажил бүгд та нарын цаад шалтгаанд чиглэдэг ба учир нь та нар бүх хүн төрөлхтний доторх тэрслүү хүмүүсийн төлөөлөл, илэрхийлэл юм. Хожим нь Би та нарыг байлдан дагуулсан эдгээр үгийг харийн орнуудад аваачиж, тэндхийн хүмүүсийг байлдан дагуулахад ашиглах болно, гэсэн ч чи тэдгээрийг олж аваагүй байх болно. Тэгэх нь та нарыг товойлгогч болгохгүй гэж үү? Бүх хүн төрөлхтний ялзарсан зан чанар, хүний тэрслүү үйлдлүүд, хүний муухай дүр төрх, нүүр царай нь бүгд өнөөдөр та нарыг байлдан дагуулахад ашигласан үгэнд бичигдсэн. Та нар үлгэр дуурайл, өмнөх жишээ учраас бүх үндэстэн, бүх урсгал дахь хүмүүсийг байлдан дагуулахын тулд Би эдгээр үгийг ашиглах болно. Гэсэн хэдий ч Би та нарыг санаатайгаар орхихоор төлөвлөөгүй; хэрвээ чи өөрийн эрэл хайгуулаа сайн хийж чадаагүй тэгснээрээ чи засаршгүй гэдгээ баталбал чи зүгээр л хүчин зүтгэгч, товойлгогч болохгүй гэж үү? Миний мэргэн ухаан Сатаны арга мэхэн дээр үндэслэн хэрэгждэг гэдгийг Би нэгэнтээ хэлсэн. Яагаад Би тэгж хэлсэн бэ? Энэ нь Миний яг одоо хэлж, хийж байгаа зүйлийн ар дахь үнэн биш гэж үү? Хэрвээ чи урагшлан сайжирч чадахгүй бол, хэрвээ чи төгс болгуулалгүй харин ч шийтгэгдэх юм бол чи товойлгогч болохгүй гэж үү? Магадгүй чи амьдралдаа асар их зовсон байж болох боловч одоогоор юу ч ойлгоогүй л байгаа; чи амийн талаар юу ч мэддэггүй. Хэдий чи гэсгээгдэж, шүүгдсэн ч огтхон ч өөрчлөгдөөгүй бөгөөд сэтгэлийн гүндээ чи амийг олж аваагүй. Чиний ажлыг турших цаг ирэх үед чи гал шиг ширүүн шалгалтыг болон бүр ч илүү их гай зовлонг туулах болно. Энэхүү гал чиний бүхий л оршихуйг үнс нурам болгон хувиргана. Амийг эзэмшдэггүй хүн, дотроо өчүүхэн төдий ч шижир алтгүй хүн, хуучин ялзарсан зан чанартайгаа зууралдсан хүн, товойлгогч байхыг ч сайн хийж чаддаггүй хүн болохын хувьд чи яаж таягдахгүй байх юм бэ? Сохор зоосноос ч долоон дор үнэтэй, амьгүй хүнд байлдан дагуулах ажил ямар хэрэгтэй юм бэ? Тэр цаг ирэх үед та нарын өдөр хоногууд Ноа болон Содомынхоос ч илүү хэцүү байх болно! Тэр үед залбирлууд чинь чамд тус болохгүй. Авралын ажил дуусмагц, гэмшихийн тулд чи яаж дахин эхлэх юм бэ? Бүх авралын ажил дуусангуут цаашид авралын ажил гэж байхгүй байх болно. Юу байх вэ гэвэл хорон мууг шийтгэх ажлын эхлэл байна. Чи эсэргүүцэж, тэрсэлдэг бөгөөд хорон муу гэдгийг нь мэдсээр байж чи хийдэг. Чи хатуу чанга шийтгэлийн бай биш гэж үү? Өнөөдөр Би чиний төлөө энэ бүхнийг ойлгомжтой тайлбарлаж байна. Хэрвээ чи сонсохгүй байхыг сонгож хожим нь гай гамшиг чамд тохиолдвол чи тэр үед харамсаж, итгэж эхэлсэн ч гэсэн энэ нь хэтэрхий оройтсон байхгүй гэж үү? Би чамд өнөөдөр гэмших боломжийг өгч байгаа ч чи хүсэхгүй байгаа. Чи хэр удаан хүлээхийг хүсэж байгаа юм бэ? Гэсгээлтийн өдөр хүртэл үү? Чиний өмнөх гэм бурууг Би өнөөдөр санадаггүй; Би чамайг дахин дахин уучилж, зөвхөн эерэг талыг чинь харахын тулд чиний сөрөг талаас харц буруулдаг, учир нь Миний одоогийн бүх үг болон ажил чамайг аврах учиртай бөгөөд Би чамд ямар ч муу санаа агуулаагүй. Гэсэн ч чи орохоос татгалздаг; чи сайн мууг ялгаж чадахгүй мөн сайхан сэтгэлд хэрхэн талархахаа мэддэггүй. Ийм төрлийн хүн зүгээр л тэрхүү шийтгэл болон зөвт цээрлүүлэлтийг хүлээхээр шийдээгүй гэж үү?

Мосе хадыг цохих үед, Еховагийн өгсөн ус оргилон гарсан, энэ нь түүний итгэлийн улмаас болсон юм. Давид Ехова Намайг магтсан хөгжим тоглох үед—түүний зүрх сэтгэл баяр баясгалангаар дүүрсэн—энэ нь түүний итгэлийн улмаас болсон. Иов өөрийн малыг ууланд тараан алдаж, гэр бүлийн үнэлж баршгүй эзэмшлээ алдаж түүний бие хатгиар бүрхэгдэх үед энэ нь түүний итгэлийн улмаас болсон. Тэр Ехова Миний дуу хоолойг сонсож, Ехова Миний суу алдрыг харах үед энэ нь түүний итгэлийн улмаас болсон. Петр, Есүс Христийг дагасан нь түүний итгэл байсан. Тэр Миний төлөө загалмайд цовдлогдож, суу алдартай гэрчлэл хийсэн нь мөн түүний итгэлийн улмаас байсан. Иохан, Хүний хүүгийн гайхалтай дүрийг харах үед энэ нь түүний итгэлээс болсон. Тэр эцсийн өдрүүдийн үзэгдлийг харах үед энэ нь мөн л түүний итгэлээс болсон. Харь үндэстэн гэж нэрлэгддэг хүмүүс Миний илчлэлтийг авч, Би хүний дунд Өөрийн ажлаа явуулахаар махан биетэйгээр эргэн ирснийг мэдэх үед энэ нь мөн л тэдний итгэлийн улмаас байх юм. Миний хатуу үгээр цохигдож, аврагдсан бүхэн өөрсдийнхөө итгэлийн улмаас ингээгүй гэж үү? Хүмүүс итгэлээр дамжуулан маш их зүйлийг хүлээн авсан. Тэдний хүлээн авдаг бүхэн нь үргэлж, Давидын мэдэрсэн аз жаргал, баяр хөөрийг мэдрэх эсвэл Мосе шиг Еховагаар ус хайрлуулах зэрэг ерөөл байдаггүй. Жишээлбэл, Иовын тохиолдолд тэр итгэлээр дамжуулан Еховагийн ерөөлийг мөн түүнчлэн шийтгэлийг хүлээн авсан. Чи ерөөл хүртсэн ч эсвэл шийтгэл амссан ч, аль аль нь ерөөлтэй явдал юм. Итгэлгүйгээр чи энэхүү байлдан дагуулах ажлыг хүлээн авч чадахгүй, тэр ч байтугай өнөөдөр чиний нүдний өмнө харагдаж буй Еховгийн үйл хэргийг харж чадахгүй. Чи харж чадахгүй, тэр ч бүү хэл хүлээн авч чадахгүй байх болно. Эдгээр шийтгэл, эдгээр гай гамшиг болон бүх шүүлт—хэрвээ эдгээр нь чамд тохиолдохгүй бол чи өнөөдөр Еховагийн үйл хэргийг харж чадах уу? Өнөөдөр чамд байлдан дагуулагдах боломжийг олгосон зүйл нь итгэл бөгөөд Еховагийн бүх үйл хэрэгт итгэх боломжийг чамд олгосон зүйл нь байлдан дагуулагдах явдал юм. Итгэлийн улмаас л чи ийм гэсгээлт, шүүлтийг хүлээн авдаг. Эдгээр гэсгээлт, шүүлтээр дамжуулан чи байлдан дагуулагдаж, төгс болдог. Өнөөдөр чиний хүлээн авч байгаа ийм гэсгээлт, шүүлтгүйгээр чиний итгэл үр дүнгүй хоосон байх юм. Чи Бурханыг мэддэггүй учраас Түүнд хичнээн итгэдэг байх нь хамаагүй чиний итгэл бодит байдлаас хол, хоосон илэрхийлэл төдий үлдэх болно. Чамайг бүрэн дуулгавартай болгодог тийм байлдан дагуулах ажлыг хүлээж авсны дараа л чиний итгэл жинхэнэ, бат бөх болж, зүрх сэтгэл чинь Бурхан руу эргэнэ. “Итгэл” хэмээх энэхүү үгнээс болж чи ихээхэн шүүгдэж эсвэл хараагдаж байсан ч чамд жинхэнэ итгэл байх ба чи хамгийн үнэн, хамгийн бодитой, хамгийн үнэ цэнэтэй зүйлийг хүлээн авдаг. Яагаад гэвэл зөвхөн шүүлтийн явцад л чи Бурханы бүтээлийн хүрэх газрыг хардаг; энэхүү шүүлтийн үед л чи Бүтээгч хайрлагдах ёстой гэдгийг ойлгодог; ийм байлдан дагуулах ажлын явцад л чи Бурханы гарыг хардаг; энэ байлдан дагуулах ажлын явцад чи хүний амьдралыг бүрэн ойлгож эхэлдэг; энэ байлдан дагуулах ажлын явцад чи хүний амьдралын зөв замыг олж авч, “хүн” гэдгийн жинхэнэ утга учрыг ойлгож эхэлдэг; зөвхөн энэ байлдан дагуулах ажлын үеэр л чи Төгс Хүчитийн зөвт зан чанар болоод Түүний сайхан, алдарт төрх байдлыг хардаг; энэхүү байлдан дагуулах ажлын явцад л чи хүний гарал үүслийг олж мэдэж, бүх хүн төрөлхтний “үхэшгүй мөнхийн түүхийг” ойлгодог; энэ байлдан дагуулах ажлын үеэр л чи хүн төрөлхтний өвөг дээдэс болоод хүн төрөлхтний ялзралын уг сурвалжийг танин мэдэж авдаг; энэ байлдан дагуулах ажлаар чи баяр баясгалан, тайтгарал, түүнчлэн эцэс төгсгөлгүй цээрлүүлэлт, сахилгажуулалт болон Бүтээгчээс Өөрийн бүтээсэн хүн төрөлхтөнд өгсөн зэмлэл буруушаалын үгийг хүлээн авдаг; энэ байлдан дагуулах ажлаар чи ерөөлийг хүлээн авдаг мөн хүний хүртэх ёстой гай гамшгийг хүлээн авдаг.... Энэ бүхэн нь чиний өчүүхэн итгэлээс болж байгаа биш гэж үү? Эдгээр зүйлийг олж авсны дараа чиний итгэл өсөөгүй гэж үү? Чи асар их хэмжээний зүйлийг олж аваагүй гэж үү? Чи Бурханы үгийг сонсож, Бурханы мэргэн ухааныг харснаар үл барам чи бас ажлын алхам бүрийг биечлэн туулсан. Хэрвээ итгэлгүй байсан бол чи ийм төрлийн гэсгээлт эсвэл ийм төрлийн шүүлтийг амсахгүй байх байсан гэж чи хэлж болох юм. Гэвч итгэлгүйгээр ийм төрлийн гэсгээлт эсвэл Төгс Хүчитийн ийм халамжийг хүлээн авч чадахгүйгээр зогсохгүй мөн Бүтээгчийг харах боломжоо үүрд алдах болно гэдгээ чи мэдэж байх ёстой. Чи хүн төрөлхтний гарал үүслийг хэзээ ч мэдэхгүй, хүний амьдралын ач холбогдлыг хэзээ ч ойлгохгүй. Бие чинь насан эцэслэж, сүнс чинь одсон ч гэсэн чи Бүтээгчийн бүх үйл хэргийг ойлгож чадахгүй юм. Түүгээр ч үл барам, Бүтээгч хүн төрөлхтнийг бүтээснийхээ дараа газар дэлхий дээр үнэхээр агуу ажил хийсэн гэдгийг чи мэдэхгүй. Түүний бүтээсэн энэхүү хүн төрөлхтний нэгэн гишүүн болохын хувьд чи ийнхүү ойлгож чадалгүйгээр харанхуй руу унаж мөнхийн шийтгэл амсахыг хүсч байна уу? Хэрвээ чи өөрийгөө өнөөдрийн гэсгээлт, шүүлтээс салгавал чамд юу тулгарах вэ? Чи өнөөгийн шүүлтээс салах л юм бол энэхүү хүнд хэцүү амьдралаас зугтаж чадна гэж бодож байна уу? Хэрвээ чи “энэ газрыг” орхиж явбал чиний тулгарах зүйл чинь зовлонт шаналал эсвэл диаволын учруулсан харгис шарх байх болно гэдэг нь худлаа гэж үү? Чамд тэвчихийн аргагүй өдөр, шөнүүд тохиолдох биш үү? Өнөөдрийн энэ шүүлтээс зугтсан учраас чи ирээдүйн тарчлалаас үүрд зайлж чадна гэж бодож байна уу? Чиний замд юу тулгарах вэ? Энэ нь үнэхээр чиний хүсэн хүлээж байгаа Диваажингийн орон байх уу? Чи одоогийнх шигээ бодит байдлаас зугтсанаар хожмын мөнхийн гэсгээлтээс бултаж чадна гэж бодож байна уу? Өнөөдрөөс хойш чи ийм боломж, ийм ерөөлийг хэзээ нэгэн цагт дахин олж чадах уу? Зовлон гамшиг чамд тохиолдох үед чи тэдгээрийг олж чадах уу? Бүх хүн төрөлхтөн амралтанд орох үед чи тэдгээрийг олж чадах уу? Чиний өнөөгийн аз жаргалтай амьдрал болон эв зохицолтой бяцхан гэр бүл чинь ирээдүйд чиний очих мөнхийн хүрэх газрыг орлож чадах уу? Хэрвээ чамд жинхэнэ итгэл байвал, мөн хэрвээ чи итгэлийнхээ улмаас асар ихийг олж авбал тэр бүхэн нь бүтээгдсэн зүйл болох чиний олж авах ёстой, чамд байх ёстой зүйл юм. Ийм төрлийн байлдан дагуулалт нь чиний итгэл болон чиний аминд хамгийн их ач тустай юм.

Одоогоор чи, байлдан дагуулагдсан хүмүүсээс Бурхан юу гуйж байгааг, төгс болсон хүмүүст хандах Түүний хандлага ямар болохыг, мөн чи юунд нэн даруй орох ёстойгоо ойлгох хэрэгтэй. Зарим зүйлийг нь чи зөвхөн бага зэрэг л ойлгох хэрэгтэй. Учрыг нь олохоор өөрийгөө зовоох хэрэггүй нууцуудын талаар зарим нь ярьдаг. Тэдгээр нь аминд тийм ч их хэрэггүй бөгөөд тэдгээрийг хальт харахад л хангалттай. Жишээлбэл, Адам Ева хоёрын тухай нууцуудыг чи харах хэрэгтэй. Тэр үед Адам, Ева хоёр ямар байсан болон өнөөдөр ямар ажил хийх хэрэгтэй байгаа—эдгээрийг л чи мэдэх хэрэгтэй.[a] Хүнийг байлдан дагуулж, төгс болгохдоо Бурхан хүнийг Адам, Ева хоёрын байсан байдал руу эргүүлэн аваачихыг хүсэж байгааг чи ойлгох хэрэгтэй. Бурханы стандартад нийцэхийн тулд хүн хэр төгс болсон байх ёстой—чи тэр талаар нарийн мэдрэмжтэй байж, үүнд хүрэхийг хүсэх ёстой. Тэр нь чиний хэрэгжүүлэлт бөгөөд энэ нь чиний ойлгох ёстой зүйл юм. Эдгээр хэрэг явдлын тухайд чи үгний дагуу орохоор эрж хайх хэрэгтэй. “Хүн төрөлхтний хөгжил хэдэн арван мянган жилийн тэртээгээс эхэлсэн” гэдгийг унших үедээ чи сониуч болдог, иймээс чи ах эгч нарын хамтаар үүнийг ойлгохоор оролддог. “Хүн төрөлхтний хөгжил зургаан мянган жилийн өмнөөс эхэлсэн гэж Бурхан хэлсэн, тийм үү? Тэгвэл энэ хэдэн арван мянган жил гэдэг нь юу гэсэн үг вэ?” Үүнийг ойлгохоор оролдох нь ямар хэрэгтэй юм бэ? Бурхан Өөрөө хэдэн арван мянган жилийн туршид эсвэл хэдэн зуун сая жилийн туршид ажилласаар ирсэн—чи үүнийг ойлгох нь Түүнд хэрэгтэй гэж үү? Энэ нь бүтээгдсэн зүйл болох чиний мэдэх хэрэгтэй зүйл биш. Чи иймэрхүү төрлийн яриаг зүгээр харахад л болно; үүнийг үзэгдэл шиг ойлгохоор бүү оролд. Чиний мэдэх хэрэгтэй зүйл бол чиний яг одоо орж, тодорхой олж авах ёстой зүйл юм. Эдгээрийг эргэцүүлэн үзэж, тодорхой мэдэж бай. Зөвхөн тэр үед л чи байлдан дагуулагдах болно. Дээрхийг уншсаны дараа чамд хэвийн хариу үйлдэл байж болох юм: Бурхан сэтгэл зовнилоор шатаж байгаа. Тэр биднийг байлдан дагуулж, алдар болон гэрчлэлийг олж авахыг хүсэж байгаа. Бид Түүнтэй хэрхэн хамтран ажиллах ёстой вэ? Түүгээр бүрэн дүүрэн байлдан дагуулагдаж, Түүний гэрчлэл болохын тулд бид юу хийх ёстой вэ? Бурханд алдрыг олж авах боломж олгохын тулд бид юу хийх ёстой вэ? Өөрсдийгөө Сатаны эзэмшил дор биш харин Бурханы ноёрхол дор амьдрах боломжтой болгохын тулд бид юу хийх ёстой вэ? Энэ нь хүмүүсийн бодож байх ёстой зүйл юм. Байлдан дагуулагдахын ач холбогдлын талаар та нар нэг бүрчлэн тодорхой мэдэж байх ёстой. Тэр нь та нарын хариуцлага. Зөвхөн ийм тодорхой байдлыг олж авсны дараа л та нар оролттой байж, ажлын энэ үе шатыг мэдэж, бүрэн дуулгавартай болох болно. Эс бөгөөс та нар жинхэнэ дуулгавартай байдалд хүрэхгүй.

Тайлбар:

a. Эх бичвэрт “эдгээрийг л чи мэдэх хэрэгтэй” гэдгийг орхигдуулсан.

Өмнөх:Хэрэгжүүлэлт (5)

Дараах:Байлдан дагуулах ажлын дотоод үнэн (2)

Танд таалагдаж магадгүй