1-р бүлэг
Миний үгийг харсан хүмүүс тэдгээрийг үнэхээр хүлээн авдаг уу? Та нар Намайг үнэхээр мэддэг үү? Та нар дуулгавартай дагаж үнэхээр сурсан уу? Миний төлөө та нар өөрсдийгөө чин сэтгэлээсээ зарлагаддаг уу? Та нар агуу улаан лууны эсрэг Надад хүчтэй, гуйвшгүй гэрчлэл үнэхээр хийсэн үү? Та нарын үнэнч зан агуу улаан лууг үнэхээр шившиглэдэг үү? Би чуулганыг ариусгах, мөн Намайг үнэхээр хайрладаг хүмүүсийг сонгох зорилгоо Өөрийн үгийн шалгалтаар л дамжуулан биелүүлж чадна. Хэрвээ Би ийм маягаар ажиллаагүй бол хүн Намайг мэдэж чадна гэж үү? Миний үгээр дамжуулан Миний сүр жавхлан, уур хилэн, мэргэн ухааныг хэн мэдэж чадах юм бэ? Би ажлаа эхлүүлсэн, түүнийгээ заавал дуусгана, гэхдээ хүмүүсийн зүрх сэтгэлийг гүнд нь хүртэл хэмждэг нь мөн л Би билээ. Үнэндээ нэг ч хүн Намайг бүрэн мэддэггүй, иймээс Би бүх хүнийг үгээр залж, ийм маягаар шинэ эрин рүү хөтөлдөг. Эцэст нь Би үг ашиглан Өөрийн бүх ажлыг гүйцэлдүүлж, Намайг чин сэтгэлээсээ хайрладаг бүх хүнийг Өөрийнхөө хаанчлалд буулган авч, Өөрийнхөө сэнтийн өмнө амьдруулна. Нөхцөл байдал урьдынх шигээ биш болж, Миний ажил шинэ эхлэлд орсон. Тийм болохоор шинэ арга барил байх болно: Миний үгийг уншиж, үүнийг өөрсдийн амь хэмээн хүлээн авдаг хүмүүс Миний хаанчлалд байдаг бөгөөд тэд Миний хаанчлалд байдаг болохоор Миний хаанчлалын ардууд билээ. Миний үгийг удирдамж болгодог учраас тэднийг Миний ардууд гэдэг хэдий ч энэ цол нь Миний “хөвгүүд” гэж дуудуулахаас огтхон ч дорд биш юм. Бурханы ард болчихсоныхоо дараа бүгд Миний хаанчлалд дээд зэргээр үнэнч зүтгэж, үүргээ гүйцэтгэх ёстой. Миний захиргааны зарлигийг зөрчсөн хэн ч атугай Миний шийтгэлийг хүртэх ёстой. Энэ бол бүгдэд өгөх Миний зөвлөгөө билээ.
Одоо шинэ замд орсон бөгөөд урьдын зүйлсийг дахин дурдах нь цаашид тохиромжгүй. Гэхдээ Би өмнө нь ингэж хэлсэн: Би хэлсэндээ хүрдэг, Миний хэлсэн зүйл биелэх болно, хэн ч үүнийг өөрчилж чадахгүй—энэ бол туйлынх. Өнгөрсөнд Миний хэлсэн үг ч бай, ирээдүйд хэлэх үг ч бай, бүгд нэг нэгээрээ биелэх бөгөөд Би үүнийг бүх хүнд харуулна. Энэ бол Миний үг болон ажлын цаад зарчим юм. Чуулган байгуулж хэдийнээ дууссан тул одоо чуулган байгуулах цаг биш, харин хаанчлал амжилттай байгуулагдах цаг үе юм. Гэвч та нар дэлхий дээр байсаар байгаа цагт, газар дээрх хүмүүсийн цуглаан “чуулган” хэмээгдсэн хэвээр үлдэнэ. Гэхдээ чуулганы гол чанар урьд нэгэнтээ байснаасаа ондоо болсон ба тэр нь амжилттай байгуулагдсан чуулган юм. Тиймээс Миний хаанчлал газар дээр хэдийн бууж ирсэн гэж Би хэлдэг. Хэн ч Миний үгийн уг үндсийг ухаарч чадахгүй, үүнийг хэлсэнх Миний зорилгыг ч мэдэхгүй. Өнөөдөр Намайг ярьмагц та нар гэнэтийн их ухаарал авна. Зарим нь гашуунаар цурхиран уйлж магадгүй; зарим нь Миний ярьдаг арга замаас айж; зарим нь Миний үйлдэл нэг бүрийг харангаа хуучин үзэл бодолтойгоо зууралдаж магадгүй; зарим нь тухайн үед Надад гомдол дургүйцлээ илэрхийлж, Намайг эсэргүүцэж байсандаа магад харамсана; Миний нэрийг хэзээ ч орхиогүй зарим нь магад өнөөдөр сэргээж, нууцхан баярлан хөөрнө. Аль эрт хагас үхлүүт болж, цөхөрч, гутрах хүртлээ Миний үгээр “тарчлаагдаж”, хэдийгээр Би ярих арга замаа өөрчилсөн ч Миний хэлэх үгийг анхаарах зүрх сэтгэлгүй болсон хүмүүс байдаг байх; эсвэл хэзээ ч гомдоллож, хэзээ ч эргэлзэлгүйгээр тодорхой хэмжээнд Надад үнэнч байж, өнөөдөр чөлөөлөлтийг олж аван, зүрх сэтгэлдээ Надад үгээр илэрхийлшгүй талархах хувьтай хүмүүс бас байж магад. Дээрх бүх нөхцөл хүн бүрд янз бүрийн түвшинд хамаардаг. Гэхдээ эцсийн эцэст өнгөрсөн үе бол өнгөрсөн үе. Одоо үе хэдийн ирчихсэн болохоор цаашид өнгөрсөнтэй зууралдах юм уу ирээдүйн тухай бодох хэрэггүй. Хүн мөртөө бодит байдлын эсрэг явж, аливааг Миний удирдамжийн дагуу хийдэггүй хэн ч бай сайнаар дуусахгүй, харин өөрсдөдөө л төвөг удна. Орчлон ертөнц дэх бүх зүйлээс эцсийн шийдвэрийг нь Би гаргадаггүй юу ч үгүй. Миний гарт оршдоггүй юм байна уу? Ямар нэг зүйл хийгдэнэ гэж Намайг хэлэхэд тэр нь тийнхүү хийгддэг. Хүмүүсийн дундаас хэн Миний шийдэмгий байдлыг өөрчилж чадах юм бэ? Газар дээр байгуулсан Миний гэрээ байж болох уу? Миний төлөвлөгөөний ахиц дэвшилд юу ч саад болж чадахгүй. Би цаг ямагт ажлаа хийж, цаг ямагт удирдлагаа төлөвлөж байгаа. Хүмүүсийн дундаас хэн хөндлөнгөөс оролцож чадах юм бэ? Энэ бүхнийг биечлэн зохион байгуулсан нь Би биш гэж үү? Өнөөдрийн энэ үе шатанд орох нь Миний төлөвлөгөө, Миний урьдчилан харснаас мөн л гаждаггүй; үүнийг Би аль эрт урьдчилан тогтоосон. Та нарын дундаас хэн энэ алхмыг ухан ойлгож чадах юм бэ? Миний ардууд Миний дуу хоолойг лавтайяа сонсоно, Намайг чин сэтгэлээсээ хайрладаг бүх хүн Миний сэнтийн өмнө лавтайяа эргэж ирнэ!
1992 оны 2 дугаар сарын 20