Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ИЗРАИЛЬЧУУД ШИГ ҮЙЛЧИЛ

Өнөө үед олон хүн, бусадтай хамтран ажиллах явцдаа ямар хичээлүүдийг сурах ёстой талаар анхаарал хандуулдаггүй. Бусадтай харилцан уялдаатай байх явцдаа та нарын олонх нь хичээлүүдийг огтхон ч сурдаггүй гэдгийг Би олж илрүүлсэн. Та нарын ихэнх нь үзэл бодолтойгоо зууралдаж, чуулганд ажиллах үедээ чи өөрийнхөө, тэр өөрийнхөө үзлийг хэлж, нэг нь нөгөөтэйгээ ямар ч холбоогүй байдаг бөгөөд үнэндээ огтхон ч хамтран ажилладаггүй. Та нар амийг огтхон ч хайхгүйгээр, зөвхөн өөрсдийнхөө дотоод мэдлэг ухааныг харилцан ярилцахад татагддаг, зөвхөн өөрсдийнхөө доторх “ачааг” чөлөөлөхөд л татагддаг. Чи ердөө ажлаа хааш яаш хийж, бусад хүмүүс ямар байх нь хамаагүй өөрийнхөө замыг дагах ёстой ба бусад хүмүүс ямар байхаас үл хамааран Ариун Сүнс чамайг залж чиглүүлэхийн хэрээр нөхөрлөх ёстой гэж үргэлж итгэдэг юм шиг байдаг. Та нар бусдын давуу талыг олж илрүүлэх чадваргүй ба өөрсдийгөө шинжлэх чадваргүй. Аливааг хүлээн авах арга зам чинь үнэхээр буруу. Одоо ч гэсэн та нар өөрсдийгөө ихэд зөвтгөж, хууч өвчин чинь сэдэрсэн мэт байдаг гэж хэлж болно. Та нар бүрэн нээлттэй байдалд хүрэхийн тулд юм уу тодорхой чуулганд ажиллаад ямар үр дүнд хүрсэн, дотоод байр байдал чинь саяхан ямархуу байсан гэх мэтээр ярилцдаггүй—та нар ердөө ингэж ярилцдаггүй. Жишээ нь, өөрсдийн үзлийг хаях, өөрсдийгөө орхих гэх мэт хэрэгжүүлэлт та нарт үндсэндээ байдаггүй. Удирдагчид болон ажилчид нөхөрлөлөөрөө дамжуулан ах эгч нарыг зоригжуулж, эрч хүчтэй болгох талаар л боддог ба дагадаг хүмүүс өөрсдөө эрж хайхаа л мэддэг. Та нар үйлчлэл гэж юу болох, эсвэл хамтран ажиллах гэж юу болохыг үндсэндээ ойлгодоггүй бөгөөд өөрсдөө Бурханы хайрыг хариулах хүсэлтэй байж, өөрсдөө Петрийн хэв маягийг амьдран харуулах хүсэлтэй байх талаар л боддог, өөр юу ч боддоггүй. Бусад хүмүүс яаж ч байсан хамаагүй, чи ямартай ч сохроор захирагдахгүй, мөн бусад хүмүүс ямархуу байх нь хамаагүй өөрөө л Бурханаар төгс болгуулахыг эрж хайх ба тэр нь хангалтай байх болно гэж ч чи хэлдэг. Үнэндээ чиний хүсэл тэмүүлэл бодит байдал дээр огтхон ч хэрэгжээгүй. Энэ нь бүхэлдээ та нарын одоо гаргадаг бүх төрлийн зан авир биш гэж үү? Та нар бүгд өөрсдийн мэдлэг ухаантай зууралддаг ба бүгд төгс болгуулахыг хүсдэг. Та нар ийм удаан хугацаанд үйлчилсэн бөгөөд тийм ч их ахиц дэвшил гаргаагүй, ялангуяа эв зохицолтой хамтран ажиллах энэ хичээлд огтхон ч ахиц гаргаагүй гэдгийг чинь Би хардаг! Чуулган руу явахдаа чи өөрийнхөө арга замаар ярилцдаг ба харин тэр өөрийнхөөрөө нөхөрлөдөг. Хааяа эв зохицолтой уялдаа холбоо байдаг. Доор дагадаг хүмүүс бүр ч ийм байдалтай байдаг. Өөрөөр хэлбэл, та нарын дундаас цөөхөн нь л Бурханд үйлчлэх гэж юу болохыг, хүн хэрхэн Бурханд үйлчлэх ёстойг ойлгодог. Та нар хайнга хандаж, иймэрхүү хичээлийг ялихгүй асуудал гэж үзэн, олон хүн үнэний энэ талыг хэрэгжүүлдэггүйгээр үл барам, бүр зориуд зөрчдөг. Олон жилийн турш үйлчилсэн хүмүүс ч гэсэн үнэндээ өөр хоорондоо тэмцэлдэж, маргалддаг. Энэ нь та нарын бодит биеийн хэмжээ биш гэж үү? Хүмүүс та нар өдөр бүр хамтдаа үйлчилж байгаа нь сүм дотор өдөр бүр Бурханд Өөрт нь шууд үйлчилж байсан израильчуудтай адилхан. Тахилчидтай адилхан хүмүүс та нар хэрхэн хамтран ажиллаж, хэрхэн үйлчлэхээ мэдэхгүй байж яаж болох юм бэ?

Тухайн үед израильчууд сүмд Еховад шууд үйлчилж байв. Тэдний ялгамж чанар нь тахилчийнх байсан юм. (Мэдээж хүн болгон тахилч байгаагүй; сүмд Еховад үйлчилж байсан зарим хүн л тахилчийн ялгамж чанартай байв.) Тэд Еховагийн өгсөн титмийг (Ехова титмийг тэдэнд шууд өгөөгүй, харин тэд Еховагийн шаардлагын дагуу титэм хийсэн гэсэн үг) өмсдөг байсан. Тэд өглөөнөөс орой болтол Еховад шууд үйлчлэхийн тулд Еховагийн өөрсдөд нь өгсөн тахилчийн хувцсыг өмсөн, сүмд хөл нүцгэн ордог байсан. Еховад үйлчлэх тэдний үйлчлэл нь огтхон ч санаандгүй байгаагүй, эсвэл хүссэнээрээ зөрчдөг байгаагүй; энэ нь бүгд дүрэм журмын дагуу байсан ба Еховад шууд үйлчилж байсан хэн ч үүнийг зөрчиж болохгүй байсан юм. Тэд бүгд эдгээр дүрэм журмыг чанд сахих ёстой; эс бөгөөс сүмд орох нь хориотой байлаа. Хэрвээ тэдний хэн нэг нь сүмийн дүрэм журмыг зөрчвөл, өөрөөр хэлбэл, хэрвээ хэн нэгэн Еховагийн тушаалд дуулгаваргүй хандвал тэдэнд Еховагийн гаргасан хуулийн дагуу хандах ёстой ба эсэргүүцэхийг хэнд ч зөвшөөрдөггүй, мөн хэнд ч тэднийг хамгаалахыг зөвшөөрдөггүй байв. Тэд хэчнээн олон жил Бурханд үйлчилсэн нь хамаагүй бүгд дүрэм журмыг чанд сахих ёстой байлаа. Ийм учраас маш олон тахилч тахилчийн өмсгөл өмссөн ба хэдийгээр Ехова тэдэнд ямар нэгэн байдлаар онцгойлон хандаагүй боловч ийм байдлаар бүтэн жилийн туршид Еховад үйлчилдэг байсан, тэд бүр бүхий л амьдралаа тахилын ширээний өмнө, эсвэл сүмд өнгөрөөдөг байсан. Тэр нь тэдний үнэнч зан, хүлцэнгүй байдал байсан юм. Ехова тэднийг ийм байдлаар ерөөсөнд гайхах зүйлгүй; үнэнч зангийнхаа улмаас тэд ивээл хүртэж, Еховагийн бүх үйл хэргийг харсан билээ. Ехова Өөрийн сонгосон хүмүүс болох Израильд ажиллаж байх үед, тэдэнд тавих Түүний шаардлага маш хатуу байлаа. Тэд бүгд маш дуулгавартай байсан ба хуулиар хязгаарлагдаж байсан нь тэд Еховаг хүндлэхийн баталгаа болж үйлчилсэн. Энэ бүхэн нь Еховагийн захиргааны зарлиг байлаа. Хэрвээ тэдгээр тахилчийн дунд Амралтыг өдрийг сахиагүй, эсвэл Еховагийн тушаалыг зөрчсөн хэн нэгэн байж таараад энэ нь жирийн иргэдэд мэдэгдсэн бол уг хүн нэн даруй тахилын ширээний өмнө хүргэгдэж, чулуугаар шидүүлж үхдэг байсан юм. Тэдний цогцсыг сүмд, эсвэл сүмийн эргэн тойронд тавихыг зөвшөөрдөггүй байлаа. Ехова үүнийг зөвшөөрөхгүй. Хэрвээ хэн нэгэн тэгсэн бол түүнд “бузар тахил” өргөсөн хүн хэмээн хандах бөгөөд том нүх рүү хаяж, үхүүлдэг байлаа. Мэдээж тийм бүх хүн амиа алдаж, нэг нь ч амьд үлддэггүй байв. Тэр ч бүү хэл “бузар гал” өргөсөн зарим хүмүүс ч байсан, өөрөөр хэлбэл, Еховагийн тогтоосон өдөр тахил өргөөгүй хүмүүсийг тэдний тахилынх нь зүйлтэй хамт Еховагийн галаар шатаадаг байсан ба тахилын ширээн дээр үлдээхийг зөвшөөрдөггүй байв. Тахилчдад тавих шаардлага нь: эхлээд хөлөө угаалгүйгээр сүмд орохыг, бүр сүмийн гадна хашаанд орохыг ч зөвшөөрдөггүй; хэрвээ тахилчийн өмсгөл өмсөөгүй бол сүмд орохгүй; тахилчийн титэм өмсөөгүй бол сүмд орохгүй; хэрвээ цогцсоор бохирдсон бол сүмд орохгүй; өөрийнхөө гарыг эхлээд угаалгүйгээр зөв шударга бус хүний гарт хүрсэн бол сүмд орохгүй; эмэгтэй хүнтэй бэлгийн харьцаанд орсны дараа сүмд орохгүй (энэ нь үргэлжид биш, зөвхөн гурван сарын хугацаанд байсан), тухайн хугацаа дуусах хүртэл Еховагийн царайг харахыг зөвшөөрөхгүй ба гурван сарын дараа л тэд тахилчийн цэвэрхэн өмсгөл өмсөж, Еховагийн царайг харахаар сүмд орох эрхтэй болохоосоо өмнө гадна хашаанд долоон өдрийн турш үйлчилнэ гэсэн үг; тэдэнд зөвхөн сүм дотор л тахилчийн бүх хувцсыг өмсөхийг зөвшөөрдөг байсан ба Еховагийн сүмийг бохирдуулахаас зайлсхийхийн тулд үүнийг сүмийн гадна өмсөхийг зөвшөөрдөггүй байсан; тахилч байсан бүх хүн Еховагийн хуулийг зөрчсөн хэрэгтнүүдийг Еховагийн тахилын ширээний өмнө авчрах ёстой ба тэнд тэд энгийн иргэдээр цаазлуулдаг байсан, эс бөгөөс үүнийг харсан тахилч дээр гал буудаг байв. Тиймээс Еховагийн хууль тэдэнд хэтэрхий хатуу ширүүн байсан учраас тэд Еховад хувиршгүй үнэнч байсан бөгөөд Түүний захиргааны зарлигийг санаандгүй зөрчиж огтхон ч зүрхэлдэггүй байлаа. Түүний галын дөлийг харж, хүмүүсийг гэсгээж байсан Еховагийн гарыг харсан учраас, мөн зүрх сэтгэлдээ анхнаасаа Еховаг хүндэлдэг байсан учраас израильчууд Еховад үнэнч байв. Тиймээс тэдний олж авсан зүйл нь зөвхөн Еховагийн галын дөл байгаагүй; тэд бас Еховагаас халамж, хамгаалалт олж авсан ба Еховагийн ерөөлийг хүртсэн. Хийсэн зүйлдээ Еховагийн үгийг чанд сахиж, хэн ч дуулгаваргүй хандаж байгаагүйд тэдний үнэнч зан оршдог. Хэн нэгэн дуулгаваргүй хандах юм бол хүмүүс мөн л Еховагийн үгийг хэрэгжүүлж, Еховаг эсэргүүцсэн хүмүүсийг нуун далдлах ямар ч эрх чөлөөгүйгээр, үхэлд хүргэж байлаа. Ялангуяа Амралтын өдрийг зөрчсөн хүмүүс, садар самууны гэм буруутай хүмүүс болон Еховагийн тахилыг хулгайлсан хүмүүс илүү хатуу шийтгүүлдэг байсан юм. Амралтын өдрийг зөрчсөн хүмүүс бүгд ялгаагүй тэднээр (энгийн иргэдээр) чулуугаар шидүүлж үхэх юм уу ташуурдуулж үхдэг байв. Завхай үйл үйлдсэн хүмүүс, сэтгэл татам эмэгтэйд шунан тачааддаг, эсвэл хорон муу эмэгтэйг хараад завхай бодол төрдөг, эсвэл залуу эмэгтэйг хараад тачаангуй болдог хүмүүс—энэ бүх хүн цаазлуулдаг байлаа. Хэрвээ нөмрөг, эсвэл гивлүүр өмсөөгүй ямар нэгэн бүсгүй эрэгтэй хүнийг зүй бус үйлдэлд уруу татсан бол тэр эмэгтэй ч бас цаазлуулдаг байв. Хэрвээ иймэрхүү хуулийг зөрчсөн хүн нь тахилч (сүмд үйлчилж байсан хүмүүс) байсан бол тэр цовдогдох юм уу дүүжлэгдэх байсан. Ийм төрлийн нэг ч хүнд амьдрахыг зөвшөөрдөггүй байсан ба нэг нь ч Еховагийн өмнө таалал хүртдэггүй байсан юм. Иймэрхүү хүний хамаатнуудад түүний үхлээс хойших гурван жилийн хугацаанд тахилын ширээний өмнө Еховад тахил өргөхийг зөвшөөрдөггүй байсан ба Еховагийн энгийн иргэдэд хайрласан тахилаас хуваалцахыг зөвшөөрдөггүй байв. Хугацаа нь дууссан үед л тэд Еховагийн тахилын ширээн дээр нэгдүгээр зэргийн хонь малыг тавьж болох байсан. Хэрвээ өөр ямар нэгэн гэм буруу байсан бол тэд Еховагийн нигүүлслийг хүсэж Түүний өмнө гурав хоног мацаг барих ёстой байв. Тэд Еховаг шүтэн мөргөж байсан нь Еховагийн хууль маш хатуу, маш чанд байснаас болоогүй; харин ч Еховагийн нигүүлслээс болсон бөгөөд мөн тэд Еховад үнэнч байснаас болсон юм. Иймд өнөөдрийг хүртэлх тэдний үйлчлэл нь үүнтэй адил үнэнч байсан бөгөөд тэд Еховагийн өмнө өөрсдийн айлтгалаасаа хэзээ ч буцаагүй. Өнөө үед Израилийн хүмүүс Еховагийн халамж, хамгаалалтыг хүлээн авсаар байгаа бөгөөд өнөөдрийг хүртэл Ехова тэдний дундах нигүүлсэл хэвээр байж, үргэлж тэдэнтэй хамт оршдог. Тэд бүгд Еховаг хэрхэн хүндлэх ёстойгоо болон Еховад хэрхэн үйлчлэх ёстойгоо мэддэг бөгөөд бүгдээрээ зүрх сэтгэлдээ Еховаг хүндэлдэг учраас Еховагаас халамж, хамгаалалт хүлээн авах ёстой гэдгээ бүгд мэддэг. Тэдний үйлчлэлийн амжилтын нууц нь хүндлэлээс өөр юу ч биш. Гэсэн ч та нар бүгдээрээ өнөөдөр ямар байгаа вэ? Та нарт Израилийн хүмүүстэй ямар нэгэн адил төстэй тал байгаа юу? Өнөөдрийн үйлчлэл нь агуу сүнслэг хүний удирдлагыг дагахтай адил гэж чи бодож байна уу? Та нарт зүгээр л ямар ч үнэнч зан, хүндлэл байдаггүй. Та нар нэлээд их нигүүлслийг хүлээн авсан ба Израилийн тахилчидтай адил тэнцүү, учир нь та нар бүгд Бурханд шууд үйлчилж байгаа. Хэдийгээр та нар сүмд ордоггүй ч та нарын хүлээн авдаг зүйл болон та нарын хардаг зүйл сүмд Еховад үйлчилж байсан тахилчдын хүлээн авснаас хамаагүй илүү их. Гэсэн ч та нар тэднээс илүү олон удаа тэрсэлж, эсэргүүцдэг. Та нарын хүндлэл хэтэрхий бага бөгөөд үүний үр дүнд та нар маш бага нигүүлсэл хүлээн авдаг. Хэдий та нар маш бага зориулдаг ч тэр израильчуудаас илүү ихийг хүлээн авсан. Энэ нь та нарт хандах эелдэг хандлага биш гэж үү? Израиль дахь ажлын үеэр хэн ч Еховаг өөрсдийн хүссэнээр шүүж зүрхэлдэггүй байлаа. Гэтэл та нар яадаг вэ? Хэрвээ та нарын дунд Миний хийдэг ажил та нарыг байлдан дагуулахын төлөө байгаагүй бол Миний нэрэнд ичгүүр авчрахаар зэрлэг авирлаж байгааг чинь Би хэрхэн тэвчих юм бэ? Хэрвээ та нарын амьдардаг эрин үе Хуулийн эрин үе байсан бол үйлдэл, үгийг чинь харгалзан үзвэл нэг нь ч амьд үлдэхгүй байх байсан юм. Та нарын хүндлэл хэтэрхий жаахан! Та нарт тийм их ивээл хайрласангүй гэж та нар Намайг үргэлж буруутгадаг бөгөөд тэр ч бүү хэл Би та нарт ерөөлийн хангалттай үг өгөөгүй, Надад зөвхөн та нарт зориулсан хараал л байдаг гэж хэлдэг. Та нарын хувьд тийм жаахан хүндлэлтэйгээр Миний ерөөлийг хүлээн авах боломжгүй гэдгийг та нар мэдэхгүй гэж үү? Та нарын үйлчлэлийн өрөвдмөөр байдлаас болж Би байнга харааж, та нар дээр шүүлт цутгадаг гэдгийг та нар мэдэхгүй гэж үү? Өөрсдөд чинь шударга бусаар хандсан мэт та нарт санагддаг уу? Тэрслүү агаад дуулгавартай дагадаггүй бүлэг хүмүүст Би яаж ерөөлөө хайрлаж чадах юм бэ? Миний нэрэнд гутамшиг авчирдаг хүмүүст Би яаж нигүүлслээ хааш яаш хайрлаж чадах юм бэ? Хүмүүс та нарт хандах хандлага аль хэдийн туйлын энэрэнгүй байгаа. Израильчууд өнөөдрийн та нар шиг тэрслүү байсан бол Би тэднийг аль хэдийн устгачих байсан юм. Гэсэн ч Би та нарт зөвхөн хүлээцтэй хандаж байгаа. Энэ нь энэрэнгүй байдал биш гэж үү? Та нар үүнээс илүү их ерөөлийг хүсэж байна уу? Еховагийн ерөөдөг хүмүүс нь Түүнийг хүндэлдэг хүмүүс юм. Өөрийнх нь эсрэг тэрсэлдэг хүмүүсийг Тэр хэнийг нь ч өршөөхгүйгээр гэсгээдэг. Яаж илүү их үйлчлэхээ мэддэггүй өнөөдрийн хүмүүс та нарт гэсгээлт, шүүлт хэрэгтэй, ингэснээр зүрх сэтгэл чинь бүрэн засагдахгүй гэж үү? Ийм төрлийн гэсгээлт, шүүлт нь та нарын хувьд хамгийн сайн ерөөл биш гэж үү? Энэ нь та нарын хамгийн шилдэг хамгаалалт биш гэж үү? Үүнгүйгээр та нарын аль нэг нь Еховагийн дүрэлзсэн галыг тэвчиж чадна гэж үү? Хэрвээ та нар Израилийн хүмүүс шиг үнэхээр үнэнчээр үйлчилж чаддаг бол та нарт байнгын нигүүлсэл байхгүй гэж үү? Та нар мөн байнга баяр хөөртэй, хангалттай ивээлтэй байхгүй гэж үү? Та нар бүгд хэрхэн үйлчлэх ёстойгоо мэдэх үү?

Өнөөдөр та нараас хамтдаа эв зохицолтой ажиллахыг шаардаж байгаа нь Ехова Өөрт нь үйлчлэхийг израильчуудаас шаардаж байсантай төстэй. Эс бөгөөс үйлчлэлийг чинь зогсооно. Та нар Бурханд шууд үйлчилдэг хүмүүс учраас ядаж үйлчлэлдээ үнэнч, дуулгавартай байж чадах ёстой бөгөөд бодитой байдлаар хичээл сурах чадвартай байх ёстой. Ялангуяа чуулганд ажиллаж байгаа хүмүүсийн хувьд доор чинь байгаа ах эгч нарын хэн нэг нь та нартай харьцаж зүрхэлдэг үү? Хэн нэгэн та нарын алдааг нүүр тулан хэлж зүрхлэх үү? Та нар бусдаас өндөрт зогсож, үнэхээр хаад шиг хаанчилж байгаа! Та нар бүр тийм бодитой хичээлд суралцаж, эсвэл ордоггүй бөгөөд Бурханд үйлчлэх тухай ярьсаар байдаг! Одоогоор чамаас хэд хэдэн чуулганыг удирдахыг хүссэн бөгөөд чи өөрийгөө орхиогүйгээр үл барам бүр өөрийнхөө үзэл, бодолтой зууралдаж “бид бусдаар хязгаарлагдах ёсгүй ба өнөө үед бид сохроор захирагдах ёсгүй гэж Бурхан хэлсэн болохоор энэ зүйлийг ийм маягаар хийх ёстой гэж бодож байна” гэх мэтийн зүйл хэлдэг. Тиймээс хүн бүхэн өөрсдийн санал бодлыг баримталдаг ба нэг нь ч нөгөөгөө дагадаггүй. Үйлчлэл чинь мухардмал байдалд байгаа гэдгийг чи тодорхой мэдэж байгаа хэдий ч “Миний харж байгаагаар минийх тийм ч хол биш байна. Ямар ч тохиолдолд бидэнд бүгдэд нь нэг тал бий; чи өөрийнхийгөө ярь, би өөрийнхийгөө ярина; чи өөрийнхөө үзэгдлийн тухай нөхөрлөж, би өөрийнхөө оролтын талаар ярина” гэж хэлдэг. Чи харьцах ёстой олон зүйлд хэзээ ч хариуцлага хүлээдэггүй, эсвэл чи зүгээр л аргалдаг ба хүн нэг бүр өөрсдийн саналыг илэрхийлж, өөрийн байр суурь, нэр төр, нэр нүүрийг хянамгайгаар хамгаалж байдаг. Бие биенийхээ дутагдлыг нөхөж, амиа хурдан ахин урагшлуулахын тулд хэн ч өөрийгөө даруухан болгох дургүй байдаг ба хэн нь ч санаачилгатайгаар өөрийгөө орхидоггүй. Та нарыг хамтдаа ажиллаж байх үед цөөн хэд чинь: “Үнэний энэ талын тухай надтай нөхөрлөхийг чинь би сонсмоор байна, учир нь би энэ талаар тодорхой мэдэхгүй” гэх юм уу “Энэ хэрэг явдлын талаар чамд надаас их туршлага байгаа; чи надад зарим нэг чиглэл өгөөч” гэж хэлдэг. Энэ нь үүнийг хийх сайн арга зам биш гэж үү? Дээд түвшинд байгаа та нар ихээхэн үнэнийг сонсож, үйлчлэлийн талаар ихийг ойлгодог. Хэрвээ чуулганд хамтран ажилладаг хүмүүс та нар бие биеэсээ суралцаж, ярилцаж, бие биенийхээ дутагдлыг нөхөхгүй юм бол та нар хаанаас хичээл сурах юм бэ? Та нар ямар нэгэн зүйлтэй тулгарах үедээ бие биетэйгээ нөхөрлөх ёстой, ингэснээр та нарын амь үр ашгийг нь хүртэнэ. Та нар шийдвэр гаргахаасаа өмнө ямар ч зүйлсийн талаар анхааралтай нөхөрлөх ёстой. Зөвхөн ингэснээр л та нар чуулганыг хариуцах ба хайхрамжгүй байхгүй юм. Та нар бүх чуулганаар зочилсныхоо дараа цугларч, өөрсдийн олж илрүүлсэн бүх асуудал болон ажилдаа тулгарсан бэрхшээлийн талаар нөхөрлөл хийж, өөрсдийн хүлээн авсан гэгээрэл, гэрэлтүүлэлтээ харилцан ярилцах ёстой—энэ нь үйлчлэлд зайлшгүй шаардлагатай дадал билээ. Та нар Бурханы ажлын зорилгын төлөө, чуулганы тусын тулд болон ах эгч нарыг урагш түлхэхийн төлөө эв зохицолтой хамтын ажиллагаанд хүрэх ёстой. Бурханы хүслийг анхаарахын тулд чи түүнтэй хамтран ажиллаж, тэр чамтай хамтран ажиллаж, дор бүрнээ нөгөөгийнхөө дутагдлыг засаж, ажлын илүү дээр үр дүнд хүрдэг. Зөвхөн энэ нь л жинхэнэ хамтын ажиллагаа бөгөөд тийм хүмүүс л жинхэнэ оролттой байдаг. Хамтын ажиллагааны үеэр зохисгүй зарим нэг үг яриа байж магад боловч тэр нь хамаагүй. Энэ талаар дараа нь нөхөрлөж, үүний талаар тодорхой ойлголт олж ав; үүнийг бүү орхигдуул. Иймэрхүү нөхөрлөлийн дараа чи ах эгч нарынхаа дутагдлыг нөхөж чадна. Өөрийн ажилдаа ингэж зогсолтгүйгээр гүнзгийрснээр л илүү дээр үр дүнд хүрч чадна. Үйлчилдэг хүмүүс болохын хувьд та нар бүгд хийж байгаа бүх зүйлдээ өөрсдийнхөө хувийн ашиг сонирхлыг анхаарахын оронд чуулганы ашиг сонирхлыг хамгаалж чаддаг байх ёстой. Чи түүнийг муутгаж, тэр чамайг муутгаж, ганцаараа үүнийг хийх нь зөвшөөрөхийн аргагүй зүйл юм. Ийм байдлаар үйлдэж буй хүмүүс Бурханд үйлчлэхэд тохирохгүй! Ийм төрлийн хүний зан чанар маш муу байдаг; тэдэнд дуслын төдий ч хүн чанар үлдээгүй байдаг. Тэд бол нэг зуун хувь Сатан мөн! Тэд бол араатнууд! Одоо ч гэсэн нөхөрлөлийн үеэр нэг нь нөгөө рүүгээ дайрах, санаатайгаар шалтаг хайх, жаахан зүйл дээр нүүрээ улайтал маргалдах, хэн нь ч өөрийгөө хойш тавихад бэлэн биш байх, хүн нэг бүр дотроо байгаа зүйлийг нөгөөгөөсөө нуух, нөгөө талаа санаатайгаар ажиглаж, сэрэмжлэх хүртэл хэмжээнд иймэрхүү зүйлс та нарын дунд тохиолдсоор байгаа. Ийм төрлийн зан чанар Бурханд үйлчлэхэд тохирох уу? Та нарынх шиг ийм ажил ах эгч нарт дэмжлэг өгч чадах уу? Чи хүмүүсийг амийн зөв замнал руу залж чиглүүлж чадахгүйгээр үл барам үнэндээ өөрийнхөө завхарсан зан чанарыг ах эгч нарт шингээж байдаг. Чи бусдад хор учруулж байгаа биш гэж үү? Чиний мөс чанар маш муу, голдоо хүртэл илжирсэн байдаг! Чи бодит байдалд ордоггүй ба үнэнийг хэрэгжүүлдэггүй. Түүнчлэн, өөрийнхөө чөтгөр шиг уг чанарыг бусад хүмүүст ичгүүргүйгээр харуулдаг, чи ичгүүрийг огт мэддэггүй! Ах эгч нарыг чамд даалгасан боловч чи тэднийг там руу аваачдаг. Чи мөс чанар нь илжирсэн хүн биш гэж үү? Чи туйлын ичгүүргүй юм!

Өмнөх:ХЭРЭГЖҮҮЛЭЛТ (8)

Дараах:ХЭВ ЧАНАРАА САЙЖРУУЛАХ НЬ БУРХАНЫ АВРАЛЫГ ХҮЛЭЭН АВАХЫН ТӨЛӨӨ ЮМ

Холбогдох агуулга

  • САЙН МЭДЭЭ ТҮГЭЭХ АЖИЛ НЬ БАС ХҮНИЙГ АВРАХ АЖИЛ МӨН

    Газар дээрх Миний ажлын зорилгыг, өөрөөр хэлбэл, Миний ажлын эцсийн зорилт болон үүнийг гүйцэлдүүлэхийн өмнө Би энэ ажлаар ямар түвшинд хүрэх ёстойг б…

  • БОДИТ БАЙДЛЫГ ХЭРХЭН МЭДЭХ ТУХАЙ

    Бурхан бол бодитой Бурхан: Түүний бүх ажил бодитой, Түүний ярьдаг бүх үг бодитой, мөн Түүний илэрхийлдэг бүх үнэн бодитой. Түүний үг биш бүхэн утгагү…

  • БУРХАН БОЛ ХҮНИЙ АМИЙН ЭХ СУРВАЛЖ

    Чи энэ ертөнцөд дуугаа хадаан мэндэлсэн тэр мөчөөс өөрийн үүргийг биелүүлж эхэлдэг. Бурханы төлөвлөгөө болон зохицуулалтын төлөө чи үүргээ биелүүлж, а…

  • АРАВДУГААР БҮЛЭГ

    Хаанчлалын эрин үе нь эцсийн эцэст өнгөрсөн үеэс ялгаатай. Энд хүн юу хийж буй нь хамаагүй байдаг. Үүний оронд Би газар дээр бууж ирснийхээ дараа Өө…