Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХЭВ ЧАНАРЫГ ӨСГӨХ НЬ БУРХАНЫ АВРАЛЫГ ХҮЛЭЭН АВАХЫН ТӨЛӨӨ ЮМ

Хүмүүсийн хэв чанарыг өсгөнө гэдэг нь, Бурханы үгийг ойлгож, хэрхэн хэрэгжүүлэхээ мэддэг болохын тулд ойлгох чадвараа сайжруулахыг та нараас шаардана гэсэн үг юм. Энэ бол хамгийн үндсэн шаардлага. Юу хэлж байгааг минь ойлгохгүйгээр Намайг дагадаг бол итгэл чинь будилуу бус уу? Би хэчнээн их үг айлдлаа гээд хэрэв та нар ойлгож хүчрэхгүй, Намайг юу ч хэлсэн бай нэг л сайн ойлгохгүй байвал та нар дорд хэв чанартай байна гэсэн үг юм. Ойлгох чадваргүйгээр та нар Миний хэлдэг зүйлээс юу ч ойлгохгүй тул хүссэн үр дүнд хүрэхэд маш хэцүү болдог; Би та нарт шууд хэлж чаддаггүй маш их зүйл байдаг бөгөөд зорьсон үр дүнд хүрч чаддаггүй тул нэмэлт ажил шаардагддаг. Та нарын ойлгох чадвар, аливааг харах чадвар болон амьдардаг стандарт хэтэрхий дутагдалтай болохоор “хэв чанарыг өсгөх” ажлыг та нар дээр хэрэгжүүлэх ёстой. Энэ нь зайлшгүй, мөн гарцаагүй билээ. Тэгснээр л зарим нэг үр дүнд хүрч чадна; эс бөгөөс, Миний хэлдэг бүх үг ямар ч хэрэггүй болно. Тэгвэл та нар түүхэнд нүгэлтэн болж үлдэх биш үү? Хамгийн өөдгүй хүмүүс болохгүй гэж үү? Та нар дээр ямар ажил гүйцэтгэж байгааг, та нараас юу шаардаж байгааг мэдэхгүй гэж үү? Та нар хэв чанараа мэдэх учиртай: Хэв чанар чинь Миний шаардлагад огт нийцдэггүй. Тиймээс энэ нь Миний ажлыг хойш татахгүй гэж үү? Одоогийн хэв чанар, ёс жудагт чинь үндэслэвэл та нарын хэн нь ч Надад гэрчлэл хийхэд тохирохгүй, мөн хэн нь ч ирээдүйн ажлын минь хүнд хариуцлагыг үүрэх чадваргүй. Та нар ихэд ичихгүй байна уу? Ийм маягаар үргэлжлүүлбэл бүх хүслийг минь та нар хэрхэн хангаж чадах билээ? Чи амьдралаа бүрэн дүүрэн, үр өгөөжтэй болгох ёстой. Цаг хугацааг дэмий бүү өнгөрүүл—тэгэх нь ямар ч үнэ цэнгүй. Өөрийгөө юугаар зэвсэглэх учиртайгаа чи мэдэх ёстой. Өөрийгөө арван хуруу тэгш гэж бүү бод—туулах зам чинь мөн л урт байна! Хүн чанарын жаахан ч атугай эрүүл ухаан чамд байхгүй бол өөр юу ч хэлэх билээ? Бүх зүйл дэмий болох биш үү? Миний шаарддаг хүн чанар, хэв чанарын тухайд бол, та нараас хэн чинь ч шаардлагад бүрэн нийцдэггүй. Ашиглахад тохирох нэгнийг олох туйлын хэцүү байдаг. Та нар өөрсдийгөө Миний төлөө илүү агуу ажил хийж, Надаас илүү агуу даалгавар авч чадна гэж итгэдэг ч үнэндээ өмнө чинь илхэн байгаа олон хичээл рүү хэрхэн орохоо ч мэддэггүй юм чинь илүү гүнзгий үнэн рүү хэрхэн орж чадах билээ? Та нарын оролт дэс дараатайгаар, түвшинтэйгээр явагдах ёстой. Эмх замбараагүй байх ёсгүй—тэгвэл нэмэргүй. Хамгийн өнгөцхөн оролтоос эхэл: Ойлголт, тодорхой байдалд хүртлээ эдгээр үгийг мөр мөрөөр нь унш. Ах эгч бүр ядаж уншиж чаддаг байх ёстой. Мориор давхингаа цэцэгсийг бахдан харах адил бүү гүйлгэн унш, бас уншсан нэр ч бүү зүү. Чи бас лавлах номуудыг (дүрмийн, эсвэл яруу илтгэх зүйн номууд гэх мэт) тогтмол уншиж болно. Хэт өдөөсөн аливаа юм (романтик роман, эротик зохиол, сэтгүүл, эсвэл агуу хүмүүсийн намтар) бүү унш; эдгээр нь ямар ч ашиг тусгүй бөгөөд хор хөнөөл учруулж л чадна. Чи орох, ойлгох ёстой бүхнээ эзэмших ёстой. Хүмүүсийн хэв чанарыг өсгөх нь тэдэнд мөн чанар, ялгамж чанар, байр суурь, үнэ цэнийх нь талаар мэдлэг өгөх зорилготой юм. Доор буй чуулгануудын хувьд юу ороход хамгийн чухал вэ? Өнөөдөр, хүмүүсийн хэв чанарыг өсгөх явдал биш гэж үү? Чи сурч боловсрохыг оролтын цэг болгон баримтлах шаардлагатай; үүнийг хаяж болохгүй! Яагаад хүмүүсийн хэв чанарыг өсгөх ёстой, яаж өсгөх ёстой, мөн ямар талууд руу орох хэрэгтэйг та нар ойлгох ёстой. Хүний зүй зохистой хүн чанарыг амьдран харуулахын ач холбогдол, энэ ажлыг яагаад хийх ёстойг болон хүний гүйцэтгэх учиртай үүргийг ч ойлгох ёстой. Жишээлбэл, боловсролтой болохдоо та нар, аль талуудыг судлах хэрэгтэйг, хүн тэдгээрт яаж орох вэ гэдгийг ойлгох ёстой. Сурч боловсрохын зорилгыг та нар бүгд мэдэж байх хэрэгтэй. Энэ нь Бурханы үгийг ойлгож, үнэн рүү орохын төлөө биш гэж үү? Чуулганууд даяар өнөөдөр юу давамгайлдаг вэ? Хүмүүсийг боловсролтой болгуулах нь Бурханы үгийг эдлэхээ мартахад тэднийг хүргэдэг бөгөөд тэд бүхэл өдөржингөө сурч боловсрохоос өөр юу ч хийдэггүй. Чи тэднээс зүй зохистой хүн чанарыг амьдран харуулахыг шаардвал тэд гэр орноо цэвэрлэж, хоол хийж, эсвэл гал тогооны хэрэгсэл худалдан авахад л санаа тавина. Эдгээр зүйлд л тэдний гол анхаарал төвлөрнө; тэд бүр чуулганы хэвийн амьдралаар хэрхэн амьдрахыг ч мэдэхгүй байх болно. Хэрвээ чи ийм нөхцөл байдалд байгаа бол хэрэгжүүлэлтээсээ хазайгаад явчихжээ. Тэгвэл яагаад чамаас сүнслэг амьдрал руу орохыг шаарддаг юм бэ? Ердөө л тэдгээр зүйлийг сурах нь чамайг шаардлага биелүүлэх чадваргүй болгож орхино. Амь руу орох нь мөн л хамгийн чухал зүйл юм; харин тэр ажлыг хийж буйн шалтгаан нь туршлагынх нь явцад хүмүүст тулгардаг бэрхшээлүүдийг шийдвэрлэхийн тулд байдаг. Хэв чанарыг чинь өсгөх нь чамд хүний уг чанар, мөн чанарын тухай мэдлэг өгдөг бөгөөд үүний гол зорилго нь хүмүүсийн сүнслэг амийг өсгөж, зан чанарыг нь өөрчлөх явдал юм. Чи яаж хувцаслаж, өөрийгөө яаж сайхан харагдуулахаа мэддэг байж болно, мөн ажигч гярхай, ухаалаг байж ч болно, гэхдээ эцсийн эцэст ажилдаа явах өдөр ирэхэд чи явж чадахгүй. Тиймээс хэв чанараа өсгөх явцад өөр бас юу хийх ёстойгоо чи мэдэж байх ёстой. Зорилго нь чамайг өөрчлөх явдал; хэв чанарыг чинь өсгөх нь нэмэлт юм. Хэв чанар чинь сайжрахгүй бол нэмэргүй, зан чанар чинь өөрчлөгдөхгүй бол бүр ч долоон дор. Алийг нь ч орхигдуулж болохгүй. Зүй зохистой хүн чанарыг эзэмших нь цангинасан гэрчлэл хийчихсэн гэсэн үг биш—чамаас шаарддаг зүйл тийм ч энгийн биш.

Хүмүүсийн хэв чанар нь, зүй зохистой хүн чанартай хүмүүсийн эрүүл ухаан, амьдралын хэв маягт хүрэх хэмжээнд өргөгдөж, бас амь руу орсон үед л тэд ярих өөрчлөлт, гэрчлэлтэй болно. Гэрчлэл хийх өдөр ирэхэд амьдралдаа гарсан өөрчлөлт болон өөрийн доторх Бурханы тухай мэдлэгээ ч бас ярих ёстой. Энэ хоёр талын хослол л чиний жинхэнэ гэрчлэл болон ургац юм. Хүн чанар чинь гаднаа өөрчлөгдсөн боловч дотроо ямар ч ойлголтгүй байвал хангалтгүй, мөн дотроо үнэн болон ойлголттой байгаа ч зүй зохистой хүн чанарыг амьдран харуулахаа огоорч гүйцвэл бас л нэмэргүй. Өнөөдөр чам дээр хийгддэг ажил бусдад харуулахын тулд биш, харин чамайг өөрчлөхийн төлөө байдаг. Чи өөрийгөө өөрчлөхөд л анхаарлаа төвлөрүүлэх хэрэгтэй. Өдөр бүр бичиж, сонсохоос өөрийг хийхгүй амьдарвал нэмэргүй; тал бүрд оролттой байх ёстой. Чи ариун хүний зүй зохистой амьдралаар амьдрах ёстой. Олон эгч залуу бүсгүйчүүд шиг, ах нар сурвалжтан юм уу нөлөө бүхий хүмүүс шиг хувцаслаж, ариун хүний ямар ч төрхгүй байдаг. Хүний хэв чанарыг өсгөх гэдэг зүйл нь явцын дунд биелдэг. Бурханы үгийг идэж, уух өөр нэг зүйл бол гол түлхүүр юм. Хэв чанар чинь өссөн ч Бурханы үгийг идэж, уугаагүйгээс болоод хэрэглэгдэхгүй бол сурах хүчин чармайлт чинь талаар болох биш үү? Хоёр талыг хослуулах ёстой. Чамаас шаарддаг зүйлийн талаар хэлэлцэж байхад яагаад Бурханы тухай мэдлэгийг сөхдөг юм бэ? Энэ нь ажлын үр дүнг гаргахын төлөө байдаг бус уу? Байлдан дагуулагдсаныхаа дараа чи өөрийнхөө туршлагаар гэрчлэл хийж чаддаг байх ёстой. Гаднаа зүй зохистой хүн чанартай харагддаг хэр нь туршлагаа үгээр илэрхийлж чаддаггүй байвал нэмэргүй. Зүй зохистой сүнслэг амьдралтай байхын зэрэгцээ зүй зохистой хүн чанарт хүрэх ёстой бөгөөд үүний олон талыг явцын дунд сурч авна. Хог шүүрдэхэд хүртэл бага зэрэг дадлага хэрэгтэй гэж чи хэлэх үү? Үүнээс ч долоон дор зүйл бол хоол идэхдээ савхаа барьж сурахын тулд нэг цагийг зарцуулах явдал юм! Зүй зохистой хүн чанарт ямар талууд агуулагддаг вэ? Гүн ойлголт, эрүүл ухаан, мөс чанар болон ёс жудаг. Эдгээр тал бүрд хэвийн байдалд хүрч чадвал хүн чанар чинь зүйд нийцнэ. Чи зүй зохистой хүний төрхтэй, Бурханд итгэгчтэй төстэй байх ёстой. Хэтэрхий ихийг биелүүлж, эсвэл дипломат ёсонд оролцох хэрэггүй; чи зүгээр л зүй зохистой хүний эрүүл ухаантай зөв хүн байж, аливааг нэвт харж чаддаг, ядахдаа зүй зохистой хүн шиг харагддаг байх ёстой. Тэр нь л хангалттай. Өнөөдөр чамаас шаарддаг бүхэнд чадвар чинь хүрнэ; огт боломжгүй зүйл шаардаж байгаа хэрэг биш. Нэг ч хэрэгцээгүй үг, эсвэл хэрэгцээгүй ажлыг чам дээр гүйцэтгэхгүй. Амьдралд чинь илэрхийлэгдэж, илчлэгдсэн бүх муу муухай байдлаасаа чи ангижрах ёстой. Та нарыг Сатан завхруулсан бөгөөд Сатаны хороор бялхаж байдаг. Энэхүү завхарсан сатанлаг зан чанараасаа ангижрахыг л чамаас шаарддаг. Өндөр албан тушаалтай, эсвэл алдартай, агуу хүн бол гэж чамаас шаарддаггүй. Тэглээ гээд ямар ч хэрэггүй. Та нар дээр хийгдэж байгаа ажил та нарт төрөлхөөсөө байдаг зүйлийг харгалзан үздэг. Хүмүүсээс Миний шаарддаг зүйлд хязгаар бий. Өнөөдөр хүмүүсээс төрийн албан хаагчид шиг авирлан—төрийн албан хаагчийн дууны өнгөөр ярьж хэвших, төрийн өндөр албан тушаалтны хэв маягаар ярихад суралцах, эсвэл нийтлэлч, зохиолчийн өнгө, хэв маягаар өөрсдийгөө илэрхийлж сурахыг шаардвал энэ нь ч бас нэмэргүй; ингэж болохгүй. Хэв чанарыг чинь харгалзан үзвэл, та нар ядаж л мэргэн ухаан, эв дүйтэй ярьж, аливааг тодорхой, ойлгомжтой байдлаар тайлбарлаж чаддаг байх ёстой. Шаардлага хангахад энэ л хэрэгтэй. Хамгийн наад зах нь чи гүн ойлголт, эрүүл ухааныг олж авахад л болно. Яг одоо хамгийн чухал зүйл бол завхарсан сатанлаг зан чанараа хаях явдал юм. Өөрт чинь илэрдэг муу муухай байдлаа чи хаях ёстой. Тэдгээрийг хаяхгүй бол дээд зэргийн эрүүл ухаан, гүн ойлголтод яаж хүрч чадах билээ? Эрин үе өөрчлөгдсөнийг хараад олон хүнд даруу зан, эсвэл тэвчээр дутагддаг бөгөөд тэдэнд ямар ч хайр, эсвэл ариун хүний төрх ч бас магад байдаггүй. Ийм хүмүүс ямар утгагүй гээч! Тэдэнд өчүүхэн төдий ч болов зүй зохистой хүн чанар бий гэж үү? Яриад байх гэрчлэл тэдэнд байдаг уу? Тэдэнд гүн ойлголт юм уу эрүүл ухаан огт байдаггүй. Мэдээж хүмүүсийн хэрэгжүүлэлтийн гажууд, алдаа мадагтай зарим талыг засаж залруулах хэрэгтэй; жишээ нь, урьдын сүнслэг амьдралынх нь хатуу чанд байдал, хөшүүн, мунхаг гадаад төрх зэрэг нь бүгд өөрчлөгдөх ёстой. Өөрчлөх гэдэг нь замбараагүй болох юм уу махан биед ташуурч, юу хүссэнээ хэлнэ гэсэн үг биш. Чи амаа сул тавих ёсгүй. Зүй зохистой хүн шиг ярьж, биеэ авч явна гэдэг нь уялдаа холбоотой ярьж, тийм гэвэл тийм, үгүй гэвэл үгүй л гэдэг байхыг хэлнэ. Баримтад тулгуурлаж, зохих ёсоор ярь. Бүү хуур, бүү худал хэл. Зан чанарын өөрчлөлттэй холбоотойгоор зүй зохистой хүний хүрч болох хязгаарыг ойлгох ёстой. Эс бөгөөс, чи бодит байдал руу орж чадахгүй.

Өмнөх:ИЗРАИЛЬЧУУД ШИГ ҮЙЛЧИЛ

Дараах:МОАБЫН ҮР УДМЫГ АВРАХЫН АЧ ХОЛБОГДОЛ

Холбогдох агуулга

  • БҮЛЭГ

    Үнэндээ Бурханы хүмүүст хийсэн, тэдэнд өгсөн зүйлс дээр, түүнчлэн хүмүүсийн эзэмшдэг зүйл дээр үндэслээд хүмүүст тавьдаг Түүний шаардлага хэтэрсэн б…

  • ЧИ БУРХАНД ИТГЭДЭГ ТУЛ ҮНЭНИЙ ТӨЛӨӨ АМЬДРАХ ЁСТОЙ

    Бүх хүнд байдаг нийтлэг асуудал бол үнэнийг ойлгодог хэрнээ хэрэгжүүлж чаддаггүйд оршино. Нэг хүчин зүйл нь, хүн төлөөс төлөхийг хүсдэггүй ба өөр нэг …

  • БҮЛЭГ

    Хүн төрөлхтнийг амьдаа томоожиж, хүн төрөлхтөн болон Өөртөө хамтын чин эрмэлзлийнхээ үр дүнг үзэх боломжийг олгохын тулд Миний үгээс үр өгөөж, шим тэж…

  • БҮЛЭГ

    Та нар Миний ард гэж нэрлэгдсэн болохоор өмнөх шигээ байхаа больсон; та нар Миний Сүнсний айлдваруудыг сонсож, дуулгавартай даган, Миний ажлыг ойрхон…