Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХЭВ ЧАНАРАА САЙЖРУУЛАХ НЬ БУРХАНЫ АВРАЛЫГ ХҮЛЭЭН АВАХЫН ТӨЛӨӨ ЮМ

Хүмүүсийн хэв чанарыг сайжруулах нь та нараас хүлээн авах чадвараа сайжруулахыг шаарддаг, ингэснээр та нар Бурханы үгийг ойлгож, үгийнх нь дагуу хэрхэн хэрэгжүүлэхээ мэдэж чадна. Энэ нь хамгийн үндсэн шаардлага юм. Хэрвээ чи Намайг дагадаг атлаа Миний хэлснийг ойлгохгүй юм бол энэ нь төөрч будилсан итгэл биш гэж үү? Би хэчнээн олон үг айлдсан ч бай, хэрвээ та нар авч чаддаггүй бол, Намайг яаж ч хэлсэн бай ойлгож чаддаггүй бол, хэв чанар чинь дэндүү тааруу байна гэсэн үг юм. Та нарт хүлээн авах чадвар байдаггүй учраас Миний хэлж байгаа зүйлийн талаарх өчүүхэн төдий ойлголт ч байдаггүй. Ийм болохоор хүссэн үр дүндээ хүрэхэд тун хэцүү байдаг. Олон зүйлийг та нарт шууд хэлж болохгүй бөгөөд анхдагч үр нөлөө үзүүлж чадахгүй. Тиймээс Миний ажилд нэмэлт төсөл хэрэгтэй. Та нарын хүлээн авах чадвар, аливааг харах чадвар болон амьдралын чинь стандарт хэтэрхий дорд учраас “хүмүүсийн хэв чанарыг өсгөх” энэ ажлыг та нарын дунд эхлүүлэх шаардлагатай. Энэ нь мөн зайлшгүй хандлага; өөр хувилбар байхгүй бөгөөд үүнийг ингэж хийснээр л тодорхой үр дүнд хүрч болно. Эс бөгөөс Миний хэлдэг бүх үг талаар болж, та нар түүхэнд нүгэлтнүүд хэмээн үлдэхгүй гэж үү? Та нар түүхийн нүгэлтнүүд болохгүй гэж үү? Та нар дээр хийгдэж байгаа энэ ажил юу болохыг, мөн та нараас юу шаарддагийг та нар мэдэхгүй юу? Та нар хэв чанараа мэдэх учиртай; энэ нь Миний шаарддаг зүйлд огтхон ч хүрдэггүй. Энэ нь ажлыг удаашруулахгүй гэж үү? Одоогийн энэ хэв чанар, ёс зүйн байдалтайгаар та нарын нэг нь ч Миний төлөө гэрчлэл хийхэд тохирохгүй бөгөөд Миний ирээдүйн ажлын хүнд хариуцлагыг үүрэх даалгаврыг биелүүлж чадах нэг ч хүн байхгүй. Та нар үүнээсээ маш их ичихгүй байна гэж үү? Хэрвээ энэ хэвээр үргэлжлэх юм бол Миний бүх хүслийг хангалуун байлгаж яаж чадах юм бэ? Чи өөрийн амьдралыг бүрэн дүүрэн агаад бүтэлтэй болгох ёстой. Цагийг дэмий бүү өнгөрүүл. Ингэх нь ямар ч үнэ цэнгүй. Чи өөрийгөө ямар зүйлсээр зэвсэглэх учиртайгаа мэдэж байх ёстой. Өөрийгөө тал бүрийн авьяастай гэж бүү бод. Чи хэтэрхий хол байна! Хэрвээ чамд хүн чанарын талаарх хамгийн үндсэн мэдлэг хүртэл байхгүй бол юу ярих билээ дээ? Энэ нь бүхэлдээ хий хоосон байхгүй гэж үү? Та нарын дундаас хүний хэв чанарын талаар Миний шаарддаг зүйлд бүрэн тохирох нэг ч хүн байхгүй. Ашиглахад тохирсон хүнийг олоход хэцүү байдаг. Та нар өөрсдийгөө Миний төлөө агуу ажил хийж, Надаас илүү их итгэл хүлээж чадах хүмүүс гэж итгэдэг. Үнэндээ та нар өөрсдийн өмнө байгаа олон хичээлд хэрхэн орохоо ч мэддэггүй, иймээс яаж илүү гүнзгий үнэнд орох боломжтой байх юм бэ? Та нарын оролт аргачлалтай байх ёстой. Үүнийг дэс дараалалгүйгээр бүү хий. Энэ нь сайн юм болохгүй. Хамгийн гүехэн хэсгээс нь ор—ойлголт болон тодорхой байдалд хүрэх хүртлээ эдгээр үгийг мөр мөрөөр нь унш. Ах эгч нар болгон ядаж уншиж чаддаг байх ёстой. Морин дэл дээрээс цэцэгсийг бахдан харж байгаа юм шиг бүү гүйлгэн хар, мөн зүгээр л хийсэн дүр бүү үзүүл. Ерөнхийдөө чи мөн зарим нэг лавлагаа зохиолыг (хэлзүйн дүрэм эсвэл илтгэх урлагийн ном гэх мэт) уншиж болно. Оюун ухааныг чинь хэтэрхий их өдөөх номуудыг (хайрын роман, порно, сэтгүүл, эсвэл агуу хүмүүсийн намтар) унших хэрэггүй, энэ нь сайнаасаа илүү хор хөнөөл учруулдаг. Чи өөрийн орох ёстой, ойлгох ёстой бүхнийг эзэмших учиртай. Хэв чанараа сайжруулахын зорилго нь өөрсдийн мөн чанар, ялгамж чанар, байр суурь эсвэл үнэ цэнийг мэдэхэд нь хүмүүст туслахаас өөр юу ч биш. Чуулганы орох ёстой гол зүйл юу вэ? Одоо хүмүүсийн хэв чанарыг өсгөж байгаа биш уу? Боловсролтой болох энэ оролтыг баримтлах нь чухал шаардлагатай; үүнийг орхигдуулж болохгүй! Хүмүүсийн хэв чанарыг яагаад сайжруулах ёстой, хэв чанарыг хэрхэн сайжруулж болох болон ямар талуудад орох талаар та нар ойлгох ёстой. Та нар, хэвийн хүн чанарыг амьдран харуулахын утга учрыг, энэ ажлыг яагаад хийх хэрэгтэйг болон хүмүүс хэрхэн хамтран ажиллах ёстойг ойлгох учиртай. Боловсролтой болоход ямар талуудыг сурах, хүн хэрхэн орох ёстойг та нар тодорхой мэдэх хэрэгтэй. Та нар бүгд боловсролтой болохын зорилго юу болохыг мэдэх ёстой. Энэ нь Бурханы үгийг ойлгож, үнэнд орохын төлөө биш гэж үү? Чуулгануудын нийтлэг төлөв байдал одоо ямар байгаа вэ? Хэрвээ та нар хүнээс боловсролтой болохыг шаардвал тэд Бурханы үгээс авах таашаалын талаар мартдаг. Тэд бүхэл өдөржингөө боловсролтой болохоос өөрийг хийдэггүй. Хэрвээ та нар хэвийн хүн чанарыг амьдран харуулахыг тэднээс шаардвал тэд зөвхөн гэрээ эмхэлж цэгцлэн, хоол хийх юм уу хоолны хэрэгсэл худалдаж авахад санаа тавьдаг. Тэд эдгээр зүйлийг л анхаардаг бөгөөд ерөнхийдөө чуулганы амьдралаар хэрхэн амьдрахыг мэддэггүй. Хэрвээ чи одоогийн нөхцөл байдалдаа үлдвэл хэрэгжүүлэлт чинь гажуудсан байна. Тэгвэл яагаад та нараас сүнслэг амьдралд орохыг шаарддаг вэ? Чиний сурдаг бүхэн чамаас шаарддаг зүйлийг биелүүлэхэд чамд тусалж чаддаггүй. Хамгийн чухал зүйл бол мөн л амийн оролт юм. Энэ ажлыг хийх шалтгаан нь хүмүүсийн туршлагад тулгардаг бэрхшээлүүдийг шийдвэрлэх явдал юм. Хэв чанарыг өсгөх нь хүний уг чанар болон хүний мөн чанарыг мэдэх боломжийг чамд олгодог—эдгээр зүйлийг мэдэхийн үндсэн зорилго нь хүмүүсийн сүнслэг амийг өсгөж, тэдний зан чанарыг өөрчлөхийн тулд байдаг. Чи хэрхэн хувцаслаж, сайхан харагдахаа мэднэ; чамд мэдлэг ухаан, мэргэн ухаан байгаа ч эцсийн эцэст чиний ажиллах өдөр ирэх үед чи үүнийг хийж чаддаггүй. Тиймээс хэв чанараа өсгөх зуураа чи бас юу хийж байх ёстойгоо мэдэх ёстой. Чамайг өөрчлөх гэдэг нь зорилго. Хэв чанараа өсгөх гэдэг нь нэмэлт зүйл. Хэрвээ чиний хэв чанар сайжрахгүй бол энэ нь нэмэргүй. Хэрвээ зан чанар чинь өөрчлөгдөхгүй бол энэ нь бүр ч муу. Аль нь ч дутагдаж болохгүй. Хэвийн хүн чанартай байна гэдэг нь чи цангинасан гэрчлэл хийсэн гэсэн үг биш. Чамаас шаарддаг зүйл тийм ч энгийн биш.

Хүний хэв чанар сайжирснаар хэвийн хүн чанарын эрүүл ухаан, амьдралын хэв маяг, мөн түүнчлэн амийн оролттой байх бөгөөд зөвхөн тэр үед л тэд өөрчлөгдөж, гэрчлэл хийж чадна. Гэрчлэл хийх өдөр ирэх үед хүний амьдралын өөрчлөлтийн тухай болон тэдний доторх Бурханы мэдлэгийн талаар ярих хэрэгцээ гардаг. Зөвхөн энэ хоёр талын хослол нь л жинхэнэ гэрчлэл, чиний жинхэнэ олз юм. Хэрвээ зөвхөн гаднаа хүн чанар чинь өөрчлөгдөж, дотроо ямар ч ойлголтгүй байгаа бол энэ нь нэмэргүй. Хэрвээ дотроо ойлголт болон үнэнтэй боловч чи хэвийн хүн чанараа амьдран харуулах явдлыг орхигдуулбал энэ нь мөн л нэмэргүй. Чам дээр хийгдсэн ажил нь бусдад харуулахын төлөө биш, харин чамайг өөрчлөхийн тулд байдаг. Чи зүгээр л өөрийгөө өөрчлөхөд анхаарал хандуулах хэрэгтэй. Чи өдөр бүр бичиж, сонсож болох ч хэрвээ өөрийнхөө амьдралын бусад хэсэгт оролцохгүй бол энэ нь нэмэргүй. Чи бүх талд оролттой байх ёстой. Чи ариун хүний хэвийн амьдралтай байх ёстой. Олон эгч нар чинээлэг хатагтай нар шиг хувцаслаж, ах нар чинээлэг эр юм уу ноён шиг хувцаслаж, ариун хүний ёс журамтай байдлаа бүрэн алддаг. Нэг тал нь хүний хэв чанарыг өсгөх явдал бөгөөд үүнийг тохиолдлоор хийж болно. Чухал ач холбогдолтой нөгөө тал нь Бурханы үгийг идэж, уух явдал юм. Хэрвээ хэв чанар чинь өргөгдсөн боловч Бурханы үгийг идэж, уугаагүйн улмаас хэрэглэгдэхгүй бол суралцсаны гарз биш гэж үү? Хоёр талыг хоёуланг нь хослуулах ёстой. Та нараас шаарддаг зүйлийг хэлэлцэхэд Бурханы тухай мэдлэгийг яагаад татан оруулдаг вэ? Энэ нь хожмын ажлын үр дүнгийн төлөө биш гэж үү? Байлдан дагуулагдсаныхаа дараа чи өөрийнхөө хувийн туршлагаас гэрчлэл хийх чадвартай байх ёстой. Хэрвээ гаднах байдал чинь хэвийн хүн чанарынх боловч өөрийнхөө туршлагыг амаараа илэрхийлж чаддаггүй бол энэ нь хэрэггүй. Хэвийн сүнслэг амьдралтай байх үедээ чи хэвийн хүн чанарт хүрэх ёстой бөгөөд хэвийн хүн чанарын олон талыг тохиолдлоор суралцаж чадна. Шал шүүрдэхэд онцгой сургалт хэрэгтэй гэж чи хэлэх үү? Хэрвээ чи хоол идэхдээ савх хэрхэн барихыг сурахад нэг цаг зарцуулах хэрэгтэй бол тэрийг бүр ч хүлээн зөвшөөрөхийн аргагүй! Хэвийн хүн чанарт юу агуулагддаг вэ? Мэдлэг ухаан, эрүү ухаан, мөс чанар болон жудаг. Хэрвээ чи эдгээр тал нэг бүрд хэвийн байдалд хүрч чадвал, хүн чанар чинь стандартад нийцнэ. Чи хэвийн хүнтэй адилхан байж, Бурханд итгэгч шиг байна. Чи агуу өндөрт хүрч, дипломат харилцаанд оролцох албагүй. Чи зүгээр л хэвийн хүн байж, хэвийн хүний эрүүл ухаантайбайж, аливаа зүйлийг нэвт шувт харах чадвартай байж, дор хаяж хэвийн хүн шиг харагдаж байх учиртай. Тэр нь л хангалттай. Өнөөдөр чамаас шаардаж байгаа бүх зүйл чиний хүрч чадах хэмжээнд байдаг бөгөөд хэрээс хэтэрсэн зүйлийг шаардаж байгаа хэрэг яавч биш. Ямар ч хэрэггүй үг, эсвэл хэрэггүй ажил чам дээр хийгдэхгүй. Чиний амьдралд илэрхийлэгдэж, эсвэл илчлэгдсэн бүх булай муухай байдал хаягдах ёстой. Та нар Сатанаар завхруулагдсан бөгөөд та нарт Сатаны хэтэрхий их хор байгаа. Чамаас шаарддаг бүхэн нь энэ завхарсан сатанлаг зан чанараас салах явдал бөгөөд өндөр зиндааны хүн болох, эсвэл агуу, алдартай хүн болох явдал биш юм. Энэ нь хэрэггүй. Та нар дээр хийгдэж байгаа ажил нь та нарт угаасаа байгаа зүйлийн дагуу хийгддэг. Хүмүүсээс шаарддаг зүйлд минь хязгаар байдаг. Хэрвээ өнөөгийн хүмүүсээс бүгдээс нь Хятадын боловсон хүчнүүд шиг авирлаж, Хятадын боловсон хүчнүүдийн дуу хоолойны өнгийг хэрэгжүүлж, өндөр зиндааны төрийн албан хаагчдын ярих арга барилд суралцаж, эсвэл найруулан бичигчид, үргэлжилсэн үгийн зохиолчдын ярих байдал, өнгө аясад суралцахыг шаардсан бол энэ нь бас л нэмэргүй. Үүнд хүрэхийн аргагүй байх байсан. Хүмүүс та нарын хэв чанарын дагуу бол та нар ядаж мэргэн ухаантай, эв дүйтэйгээр ярьж, аливааг тодорхой, ойлгомжтой тайлбарлаж чаддаг байх ёстой. Тэгвэл л та нар шаардлага хангана. Хамгийн наад зах нь мэдлэг ухаан болон эрүүл ухаанд хүрэх ёстой. Одоогийн байдлаар гол зүйл бол сатанлаг завхарсан зан чанараас салах явдал юм. Чи өөрийн илэрхийлдэг булай муухай байдлыг хаях ёстой. Хэрвээ чи эдгээрийг хаяхгүй бол дээд зэргийн эрүүл ухаан болон мэдлэг ухаанд хэрхэн хүрэх юм бэ? Эрин үе өөрчлөгдсөн гэдгийг маш олон хүн хардаг, иймээс тэд ямар ч даруу төлөв байдал, тэвчээрийг хэрэгжүүлдэггүй бөгөөд тэдэнд бас ямар ч хайр, эсвэл ариун хүний ёс журамтай байдал байдаггүй. Энэ хүмүүс хэтэрхий гажууд! Тэдэнд өчүүхэн төдий ч гэсэн хэвийн хүн чанар байгаа юу? Тэдэнд ярих ямар нэгэн гэрчлэл байгаа юу? Тэдэнд ямар ч мэдлэг ухаан, эрүүл ухаан гэх юм байдаггүй. Мэдээж хүмүүсийн хэрэгжүүлэлтийн гажуудсан агаад алдаа мадагтай зарим талыг засах хэрэгтэй. Хүмүүсийн урьдын хөшүүн сүнслэг амьдрал, эсвэл мэдрэлгүй, мангуу байдал—энэ бүх зүйл өөрчлөгдөх учиртай. Өөрчлөх гэдэг нь замбараагүй байж, эсвэл махан биеэ өөгшүүлнэ, хүссэн бүхнээ хэлнэ гэсэн үг биш. Хааш яаш ярьж болохгүй. Хэвийн хүний авиртай байна гэдэг нь авцалдаатай ярих явдал юм. Тийм бол тийм, үгүй бол үгүй гэсэн үг. Баримтуудад нийцэж, зүй зохистойгоор ярь. Бүү зальд, бүү худлаа ярь. Зан чанарын өөрчлөлтийн тухайд хэвийн хүн ямар хязгаарт хүрч болохыг мэдэх ёстой. Хэрвээ үүнийг мэдэхгүй бол чи бодит байдалд орох аргагүй байх болно.

Өмнөх:ИЗРАИЛЬЧУУД ШИГ ҮЙЛЧИЛ

Дараах:МОАБЫН ҮР УДМЫГ АВРАХЫН АЧ ХОЛБОГДОЛ

Холбогдох агуулга

  • ИТГЭГЧИД ЯМАР ҮЗЭЛ БОДОЛТОЙ БАЙХ УЧИРТАЙ ВЭ

    Бурханд анх итгэснээсээ хойш хүний хүлээж авсан зүйл юу вэ? Чи Бурханы талаар юу мэдсэн бэ? Бурханд итгэх итгэлийнхээ улмаас чи хэр их өөрчлөгдсөн бэ?…

  • БИБЛИЙН ТАЛААР (2)

    Библийг бас Хуучин ба Шинэ Гэрээ гэж нэрлэдэг. “Гэрээ” гэдэг нь юуг хэлж байгааг та нар мэдэх үү? Хуучин Гэрээн дэх “гэрээ” нь, Ехова Египетчүүдийг цо…

  • ПЕТРИЙН ТУРШЛАГА: ГЭСГЭЭЛТ, ШҮҮЛТИЙН ТАЛААРХ ТҮҮНИЙ МЭДЛЭГ

    Бурханаар гэсгээгдэж байх үедээ Петр, “Өө Бурхан минь! Миний бие дуулгаваргүй бөгөөд Та намайг гэсгээж, намайг шүүдэг. Би Таны гэсгээлт, шүүлтэд баярл…

  • БҮГД БУРХАНЫ ҮГЭЭР БИЕЛДЭГ

    Бурхан өөр өөр эрин үеийн дагуу үгээ хэлж, ажлаа хийдэг ба өөр өөр эрин үеүдэд өөр өөр үг хэлдэг. Бурхан дүрэмд захирагддаггүй, нэг ажлаа давтдаггүй, …