Үг нь махбодоор илэрсэн

Агуулга

Хэрэгжүүлэлт (8)

Хүмүүсийн тухайд гэвэл алдаатай буруу зүйл хэтэрхий их байдаг бөгөөд тэд хэзээ ч өөрсдийгөө ойлгож чаддагүй, тиймээс зөв замд ороход нь тэдэнд мөн л замчлах шаардлагатай байдаг; өөрөөр хэлбэл тэд өөрсдийн хүмүүний амьдрал болон сүнслэг амьдралаа зохицуулж, аль аль талыг нь амьдралд хэрэгжүүлэх чадвартай ба тэдний хувьд байнга дэмжүүлж, замчлуулах хэрэггүй байдаг. Зөвхөн тэр үед л тэд жинхэнэ сүнсний өндрийг эзэмших болно. Энэ нь, ирээдүйд чамайг залж чиглүүлэх хэн ч байхгүй байх үед чи өөрөө туршлагажих чадвартай байх болно гэсэн үг юм. Хэрвээ өнөөдөр чи юу чухал болох, юу чухал биш болохыг ойлгож авсан бол бодит байдалд орох чадвартай байх болно. Өнөөдөр та нар зөв зам руу хөтлүүлж, олон үнэнийг ойлгох боломжтой болсон ба хожим та нар илүү гүн явж чадна. Одоо хүмүүст ойлгуулж байгаа зүйл нь хамгийн цэвэр зам гэж хэлж болно. Өнөөдөр чамайг зөв зам руу аваачиж байгаа – ба нэг л өдөр чамайг залж чиглүүлэх нэг ч хүн байхгүй байх үед чи бүх замуудаас хамгийн цэвэр энэ замын дагуу хэрэгжүүлж, илүү гүн урагшлах болно. Одоо хүмүүст юу зөв, юу буруу болохыг ойлгуулж байгаа ба эдгээр зүйлсийг ойлгосны дараа ирээдүйд тэдний дадлага туршлага илүү гүн гүнзгий болох болно. Өнөөдөр та нарын ойлгодоггүй зүйлс урвуугаар эргэж байгаа ба эерэг оролтын зам та нарт илчлэгдэж байгаа, үүний дараа ажлын энэ үе шат төгсөж, та нар хүмүүсийн явах учиртай замаар алхаж эхлэх болно. Тэр үед Миний ажил дуусах болно, тэр мөчөөс эхлээд та нар Надтай дахин уулзахгүй. Өнөөдөр та нарын сүнсний өндөр хэтэрхий дутмаг хэвээр байгаа. Хүний мөн чанар болон уг чанарын олон хүндрэл бэрхшээл байгаа бөгөөд мөн хараахан ухаж гаргаагүй гүн-үндэслэсэн зүйлс ч бас байгаа. Та нар хүмүүсийн мөн чанар болон уг чанарын илүү нарийн хэсгүүдийг ойлгодоггүй бөгөөд Надаар тэднийг заалгах хэрэгтэй байдаг; хэрвээ тэгэхгүй бол та нар мэдэхгүй байх байсан. Энэ нь тодорхой хэмжээнд очиж, та нарын яс, цусан доторх зүйлс ил болгогдох үед энэ нь гэсгээлт, шүүлт гэж нэрлэгддэг зүйл юм. Миний ажил нэвт шувт, бүрэн гүйцэд хийгдсэн үед л Би үүнийг дуусгах болно. Та нар хэдийчинээ гүн гүнзгий ил болгуулна, төдийчинээ их мэдлэг эзэмших бөгөөд энэ нь та нарын хожмын гэрчлэл болон төгс төгөлдөржилтөнд ихээхэн ач холбогдолтой байх болно. Гэсгээлт, шүүлтийн ажил нэвт шувт явагдсан үед л энэ нь Миний ажлын бүрэн дүүрэн байдал байх ба Миний гэсгээлт, шүүлтээс Намайг мэдэх боломжийг та бүхэнд олгоно. Та нар Миний зан чанар, зөвт байдлыг мэдээд зогсохгүй мөн үүнээс ч илүүтэйгээр Миний гэсгээлт, шүүлтийг мэдэх болно. Та нарын дундах олон хүн, Миний ажилд харагддаг шинэ байдал болон дэлгэрэнгүй байдлын талаар асар их үзэлтэй байдаг. Ямартай ч та нар, Миний ажил бол шинэ агаад дэлгэрэнгүй гэдгийг болон Би та нартай нүүр тулан, гар барилцан хэрэгжүүлэхийг заадаг гэдгийг харах учиртай. Зөвхөн энэ нь л та нарын хэрэгжүүлэлт болон ирээдүйд бат зогсоход чинь ач тустай; эс бөгөөс та нар ямар ч үнэ цэнэгүй, гандаж, шарлаж хатсан намрын навчис шиг байх болно. Би та нарын зүрх сэтгэл болон сүнсний бүх зүйлийг мэддэг гэдгийг та нар мэдэх ёстой; иймээс Миний хийдэг ажил болон Миний хэлдэг үгс ч бас асар нарийн юм. Та нарын зан чанар болон хэв чанар дээр үндэслэн та нартай ингэж харьцах учиртай. Зөвхөн ийм байдлаар л Миний гэсгээлт шүүлтийн талаарх та нарын мэдлэг илүү тодорхой байх ба хэдий чи өнөөдөр мэдэхгүй байсан ч маргааш мэдэж болох юм. Ямар ч бүтээгдсэн зүйл Миний гэсгээлт, шүүлтийн үгэн дунд унах болно, учир нь Би ямар ч хүний Намайг эсэргүүцэх эсэргүүцлийг тэвчихгүй билээ.

Та нар бүгд өөрсдийнхөө амьдралыг хянаж байх ёстой. Өдөр бүр та нар хүссэнээрээ зохицуулж болно, та нар өөрийн хүссэнээ хийх эрх чөлөөтэй, та нар уншиж, сонсож, бичиж болох ба хэрвээ чиний сонирхлыг татвал чи магтан дуу бичиж болно. Энэ бүхэн нь тохиромжтой амьдралыг бүрдүүлдэггүй гэж үү? Эдгээр нь хүний амьдрал дотор агуулагдах учиртай бүх зүйлс юм. Хүмүүс аяндаа тохиолддог зүйлсийг хийх ёстой; тэд өөрсдийн хүн чанар болон сүнслэг амьдралаас үр жимс хураасан үед л хэвийн амьдралд орлоо гэж тооцогдох болно. Хүн чанарын тухайд гэвэл өнөөдөр чи зөвхөн мэдлэг ухаанаар дутмаг бөгөөд ухаалаг байдлаа алдсан байдаг юм биш. Хүмүүсийн зэвсэглэх ёстой, мэдэх учиртай олон үзэгдэл байдаг ба чи ямар ч хичээлтэй тулгарсан бай тэр нь чиний сурах ёстой хичээл юм; чи орчныг харж, үүнд зохицох чадвартай байх ёстой. Өөрийн боловсрол болон бичиг үсэгт тайлагдсан түвшнээ сайжруулах нь удаан хугацааны туршид хийгдэх ёстой. Зөвхөн тэр үед л чи ургац хураах болно. Хэвийн хүн чанартайгаар амьдрахын тухайд гэвэл өөрийгөө зэвсэглэх ёстой зүйл чамд байсаар байдаг бөгөөд чи мөн өөрийн амийн оролтыг ойлгох ёстой. Өнөөдрийг хүртэл ирчихээд, чиний ойлгоогүй өмнө нь яригдсан зүйлс зөндөө байдаг – гэхдээ өнөөдөр тэдгээрийг дахин уншсанаар чи ойлгох ба зүрх сэтгэлдээ чи хамаагүй илүү тууштай болдог. Энэ нь бас л ургац хураах явдал юм. Бурханы үгийг идэж уусан бөгөөд чиний дотор бага зэргийн мэдлэг байгаа өдрөө чи ах эгч нартайгаа чөлөөтэй ярилцаж болно. Энэ нь чамд байх учиртай амьдрал биш гэж үү? Заримдаа чи зарим нэг асуулт асууж эсвэл сэдвийг эргэцүүлэн боддог ба энэ нь чамайг ялган танихдаа илүү дээр болгож, чамд илүү их мэдлэг ухаан болон мэргэн ухааныг өгч, зарим нэг үнэнийг ойлгох боломжийг чамд олгодог – энэ нь өнөөдрийн ярьсан сүнслэг амьдрал дотор агуулагддаг зүйл биш гэж үү? Сүнслэг амьдралын зөвхөн нэг талыг хэрэгжүүлэх нь хүлээн зөвшөөрөгдөхгүй; Бурханы үгийг идэж, уух, залбирах, магтан дуу дуулах нь бүгдээрээ сүнслэг амьдралыг бүрдүүлдэг ба сүнслэг амьдралтай байх үедээ чи бас хэвийн хүн чанарын амьдралтай байдаг. Өнөөдөр хэлсэн зүйлсийн ихэнх нь хүмүүст ухаалаг байдал болон мэдлэг ухааныг өгөхийн төлөө, тэдэнд хэвийн хүн чанарын амьдралыг эзэмших боломж олгохын төлөө байдаг. Мэдлэг ухаантай байна гэдэг нь юу гэсэн үг болох, хүн хоорондын хэвийн харилцаатай байна гэдэг нь юу гэсэн үг болох, чи хүмүүстэй хэрхэн харилцах ёстой – Бурханы үгийг идэж, ууснаар чи өөрийгөө эдгээр зүйлсээр зэвсэглэх ёстой бөгөөд чамаас шаардаж байгаа зүйлд хэвийн хүн чанараар хүрэх боломжтой. Чи өөрийгөө зэвсэглэх учиртай зүйлээрээ зэвсэглэх ёстой боловч бүү хэтрүүл; зарим хүмүүс бүх төрлийн үг болон үгсийн санг ашигладаг ба үүгээрээ тэд онгирч байдаг. Мөн бүх төрлийн ном уншдаг хүмүүс бас байдаг ба энэ нь махан биеийн хүслийг дураар нь тавьж байдаг. Тэд бүр дэлхийн агуу хүмүүсийн намтар болон эшлэлийг судалж, дуурайдаг бөгөөд садар самуун ном уншдаг – энэ нь бүр ч илүү инээдтэй! Ийм хүмүүс амийн оролтын замыг мэдэхгүйгээр үл барам бүр цаашлаад өнөөдрийн Бурханы ажлыг мэддэггүй, мөн өдөр бүрийг хэрхэн өнгөрүүлэхээ мэддэггүй. Тэдний амьдрал маш хоосон байдаг! Тэд өөрсдөө юунд орох ёстой талаар бүрэн мэдлэггүй байдаг. Тэдний хийдэг бүхэн нь бусадтай ярьж, харилцах явдал ба ярих нь тэдний оролтын байрыг эзэлсэн мэт байдаг. Тэд ямар ч ичгүүрийг мэдэхгүй юу? Эдгээр нь хэрхэн амьдрахаа мэддэггүй, хүний амьдралыг ойлгодоггүй хүмүүс юм; тэд бүхий л өдрийг ховдоглон идэж, утгагүй зүйл хийж өнгөрүүлдэг – ийм байдлаар амьдрах нь ямар хэрэгтэй юм бэ? Олон хүмүүсийн хувьд үүрэг даалгавраа хийж, идэж, хувцаслахаас гадна хөгжилдөж, тоглож, найзуудтайгаа уулзаж, хов жив ярьж эсвэл бөх унтах гэх мэтээр өөрсдийнхөө үнэт цагийг бүхий л өдөржингөө утга учиргүй зүйлд зарцуулж байгааг Би харсан. Ийм амьдрал ариун хүмүүсийн амьдрал мөн үү? Энэ нь энгийн хүмүүсийн амьдрал мөн үү? Амьдрал чинь дорд, хоцрогдмол, хайхрамжгүй байх үед чи төгс болгуулж чадах уу? Чи өөрийгөө Сатанд дэмий алдахад бэлэн байна уу? Хүмүүсийн амьдрал амар хялбар байж, тэдний эргэн тойронд ямар ч зовлон байхгүй байх үед тэд туршлагажих чадваргүй байдаг. Тав тухтай орчинд хүмүүс доройтох нь амархан байдаг – гэхдээ тааламжгүй орчин нь чамайг илүү их яаралтайгаар залбирахад хүргэх ба чамайг Бурханыг орхин явж зүрхлэхгүй байхад хүргэнэ. Тэдний амьдрал хэдийчинээ амар хялбар, үлбэгэр байна, төдийчинээ амьдрах нь утгагүй бөгөөд үхсэн нь дээр мэт тэдэнд санагддаг. Хүмүүсийн махан бие ийм завхарсан байдаг; шалгалтуудыг туулах үедээ л тэд үр ашиг хүртэж чадна.

Есүсийн ажлын үе шат нь Иудейд болон Галилд хийгдсэн бөгөөд Харь үндэстнүүд энэ талаар мэдээгүй. Түүний хийсэн ажил тун нууц байсан бөгөөд Израилиас өөр ямар ч үндэстэн энэ талаар мэдээгүй юм. Есүс Өөрийн ажлыг гүйцээж, энэ нь үймээн шуугиан дэгдээх үед л хүмүүс үүнийг мэдсэн бөгөөд тэр үед Есүс явж одсон. Есүс ажлын нэг үе шатыг хийхээр ирж, бүлэг хүмүүсийг олж авч, ажлын нэг үе шатыг гүйцээсэн. Бурхан ажлын ямар ч үе шатыг хийсэн, эсрэг тал болон үйлчилдэг олон хүмүүс байдаг. Хэрвээ энэ нь зөвхөн Бурханаар Өөрөөр нь хийгдсэн бол энэ нь утга учиргүй байх байлаа; Бурханыг дагаж, ажлын энэ үе шатыг хамгийн эцэст нь хүртэл хийх хүмүүс байх ёстой. Бурханы Өөрийн ажил дуусах үед л хүмүүс Бурханы даалгасан ажлыг хэрэгжүүлж эхлэх ба зөвхөн тэр үед л Бурханы ажил түгэж эхэлнэ. Бурхан зөвхөн шинэ эринийг эхлүүлэх ажил хийдэг бөгөөд үүнийг үргэлжлүүлэх ажил нь хүмүүсээр хийгддэг. Тиймээс өнөөдрийн ажил удаан үргэлжлэхгүй; хүнтэй хамт байх Миний амьдрал маш удаан үргэлжлэхгүй. Би зөвхөн Өөрийн ажлыг гүйцээж, та нарын гүйцэтгэх учиртай үүргийг та нараар гүйцэтгүүлнэ, ингэснээр энэхүү ажил, энэ сайн мэдээ нь Харь үндэстнүүд болон бусад улс үндэстнүүдэд аль болох хурдан түгэж чадах юм – зөвхөн тэр үед л хүмүүс та нарын үүрэг гүйцэлдэх болно. Өнөөдрийн цаг үе бол хамгийн эрхэм нандин. Хэрвээ үүнийг үл ойшоовол чи тэдгээр мунхаг хүмүүсийн нэг юм; хэрвээ энэ орчинд чи эдгээр үгсийг идэж, ууж, энэ ажлыг мэдэрч туулсан ч эрэл хайгуул хийх санаа хараахан байхгүй, ачаа үүрэх өчүүхэн төдий ч мэдрэмжгүй байвал ямар хэтийн ирээдүйн талаар ярих юм бэ? Тийм хүмүүс таягдагдахгүй гэж үү?