Үг нь махбодоор илэрсэн

Агуулга

Хэрэгжүүлэлт (7)

Та нарын хүн чанар хэтэрхий дутмаг, та нарын амьдралын хэв маяг хэтэрхий дорд агаад гутамшигтай, та нарт ямар ч хүн чанар байхгүй ба та нарт мэдлэг ухаан дутагддаг. Тийм учрааас та нар өөрсдийгөө хүн чанарын зүйлсээр зэвсэглэх ёстой. Мөс чанар, ухаалаг байдал, мэдлэг ухаантай байх, аливааг хэрхэн ярьж, харахаа мэдэх, цэвэр байдалд анхаарал хандуулах, энгийн хүн шиг үйлдэх – энэ бүхэн нь хэвийн хүн чанарын мэдлэг, чадвар юм. Та нар эдгээрийг зүй зохистойгоор хийх үед хүн чанар чинь стандартад нийцэх болно. Нөгөө тал нь өөрсдийгөө сүнслэг амьдралын төлөө зэвсэглэх явдал. Та нар Бурханы газар дээрх ажлыг бүхэлд нь мэдэх ёстой бөгөөд Түүний үгийг туулж мэдрэх ёстой. Чи Түүний зохицуулалтанд хэрхэн дуулгавартай байхаа болон бүтээгдсэн зүйлийн үүргээ хэрхэн биелүүлэхээ мэдэх ёстой. Эдгээр нь чиний өнөөдөр орох ёстой хоёр тал юм. Нэг тал нь хүн чанартай амьдралын төлөө өөрийгөө зэвсэглэх, нөгөө тал нь сүнслэг амьдралтай холбоотой хэрэгжүүлэлт – аль аль нь зайлшгүй шаардлагатай. Зарим хүмүүс хөгийн бөгөөд өөрсдийгөө хүн чанартай хамаатай зүйлээр зэвсэглэхээ л мэддэг. Тэд сайхан хувцас өмсдөг ба тэдний үс үргэлж цэвэрхэн байдаг; тэдний гадаад төрхөөс ямар ч өө олдохгүй. Тэдний хэлдэг зүйл болон тэдний ярьж байгаа байдал зохистой байдаг бөгөөд тэдний хувцас тун хүндтэй агаад зохимжтой байдаг. Гэхдээ тэдний дотор юу ч байдаггүй; тэдний хэвийн хүн чанар нь ердөө л гадаад талынх. Тэд зөвхөн юу идэх, юу өмсөх, юу хэлэхдээ л анхаардаг. Тэр ч байтугай шал шүүрдэж, ор дэрний хэрэглэл эвхэж, цэвэрлэгээ хийхэд онцгойлон анхаардаг хүмүүс ч байдаг. Тэд энэ бүх зүйлсэд сайн дадсан байдаг боловч чамайг, эцсийн өдрүүдийн Бурханы ажлын талаарх өөрсдийн мэдлэгийн тухай, гэсгээлт, цэвэршүүлэлт, шалгалт болон шүүлтийн тухай ярихыг тэднээс хүсэх үед тэдэнд тийм зүйлсийн талаар өчүүхэн төдий ч туршлага байдаггүй. Чи тэднээс ингэж асууна: “Бурханы газар дээр хийдэг үндсэн гол ажлыг та нар ойлгодог уу? Бурханы бие махбод болоод хийсэн ажил юу вэ? Энэ нь Есүсийн ажлаас юугаараа ялгаатай вэ? Мөн энэ нь Еховагийн ажлаас юугаараа ялгаатай вэ? Тэд нэгэн Бурхан уу? Тэр эрин үед төгсгөл авчрахаар ирсэн үү эсвэл хүн төрөлхтнийг аврахаар ирсэн үү? Түүний хийдэг ажил юу вэ?” Тэдэнд хэлэх зүйл юу ч үгүй байх болно. Гадна талдаа тэд маш сайхан гоёдог: Эгч нар өөрсдийгөө цэцэг мэт хөөрхөн болгодог ба ах нар ханхүү шиг эсвэл залуухан баян эр шиг харагддаг. Тэд зөвхөн өөрсдийн иддэг, гадна талдаа өмсдөг зүйлийн талаар л анхаардаг; дотроо ядуу зүдүү агаад Бурханы талаар өчүүхэн төдий ч мэдлэггүй байдаг. Энэ нь ямар хэрэгтэй юм бэ? Бусад нь гуйлгачид шиг салан задгай хувцаслаж, дорнын боолууд шиг харагддаг! Миний та нараас гуйдаг зүйлийг та нар үнэхээр ойлгоогүй гэж үү? Өөр хоорондоо ярилцацгаа: Та нар юу олж авсан бэ? Та нар энэ бүх жилүүдийн туршид эрж хйасан ба энэ нь та нарын хураасан бүхэн – та нар сандарч тэвдэхгүй байна гэж үү? Та нар ичихгүй байна гэж үү? Та нар энэ бүх жилүүдэд жинхэнэ замыг эрж хайсан бөгөөд өнөөдөр та нарын сүнсний өндөр бүр бор шувууныхаас ч жаахан байдаг. Өөрсдийнхөө дунд байгаа цэцэг шиг хөөрхөн болсон залуу хатагтай нарыг хараад өөрсдийгөө нэг нэгэнтэйгээ харьцуул. Та нар бие биетэйгээ харьцуулахдаа юу ашиглаж байна вэ? Энэ нь зугаа цэнгэл биш гэж үү? Мөн та нарын тавьдаг шаардлагууд? Би загвар өмсөгчдийг элсүүлэхээр ирсэн гэж та нар бодож байна уу? Та нарт ямар ч ичгүүр алга! Та нарын амь хаана байна вэ? Та нар хэмжээ хязгааргүй их хүслийг хөөдөггүй гэж үү? Чи өөрийгөө маш үзэсгэлэнтэй гэж боддог. Гоёмсог байж болох боловч чи бол овоолсон өтөг баасан дунд төрсөн мурилзсан өт биш гэж үү? Өнөөдөр чи энэ тэнгэрлэг ерөөлийг эдлэх хувьтай байгаа нь Бурхан чамайг онцгойлон өргөснөөс болсон болохоос биш чиний хөөрхөн царайнаас болоогүй; чи одоо ч хаанаас ирсэн тухайгаа тодорхой мэдэхгүй байна уу? Амийн талаар дурдангуут чи амаа хамхиад, юу ч хэлдэггүй, яг л модон тахиа мэт байдаг боловч чамд нүүрээ будах зориг зүрх байна гэж үү? Чи нүүрэндээ энгэсэг тавих талаар бодсоор байна гэж үү? Мөн өөрсдийнхөө дундах зугаа цэнгэл хөөсөн залуусыг хар – тэд маш эрх дураараа байдаг ба нүүрэн дээрээ хайхрамжгүй илэрхийлэлтэйгээр тэд бүхий л өдрийг хий дэмий өнгөрүүлдэг. Тэд хаашаа ч явсан муухай авирладаг, тэдний тухайд хүн шиг зүйл ер нь байна уу? Та нар эрэгтэй ч бай эсвэл эмэгтэй ч бай өөрсдийнхөө анхаарлыг бүхий л өдөржингөө юунд зориулдаг вэ? Идэхдээ хэнд найддагаа та нар мэдэх үү? Өөрийнхөө хувцсыг хар, гартаа юу хурааснаа хар, гэдсээ ил – та нарын төлсөн хөлс, цусны төлөөсийн үр жимс юу вэ? Чи дурсгалт газруудыг үзэхээр явах тухай бодсоор байдаг, чи өөрийнхөө өмхий биеийг гоёх тухай бодсоор байдаг – үүнд ямар үнэ цэнэ байх билээ дээ! Чамаас хэвийн байхыг гуйсан боловч өнөөдөр чи хэвийн биш байгаад зогсохгүй эсрэгээр нь байдаг. Тийм хүн яаж Миний өмнө ирж зүрхлэх юм бэ? Ийм хүн чанартайгаар өөрийнхөө махан биеийг харуулж, илчилж, үргэлж махан биеийн шунал тачаал дунд амьдарч байгаагаараа чи бузар чөтгөр болон муу ёрын сүнсний үр удам биш гэж үү? Тийм бузар чөтгөрийг удаан үлдэхийг Би зөвшөөрөхгүй! Зүрх сэтгэл дотроо юу бодож байгааг чинь Намайг мэдэхгүй гэж бүү бод. Чи өөрийнхөө шунал тачаал болон махан биеэ хатуу чанд хазаарлаж болох боловч чиний зүрх сэтгэл дэх бодол болон нүдний чинь хүсэмжилж байгаа бүхнийг Би мэдэхгүй гэж үү? Залуу хатагтай нар та бүхэн махан биеэ харуулахын тулд өөрсдийгөө цэцэг мэт хөөрхөн болгон будаж шунхдаггүй гэж үү? Та нарын хувьд эрэгтэйчүүд ямар ашигтай юм бэ? Тэд та нарыг гаслангийн далайгаас үнэхээр аварч чадна гэж үү? Мөн зугаа цэнгэл хөөсөн залуучууд та нар бүгд өөрсдийгөө боловсон, гоё ганган харагдуулахын тулд хувцасладаг – энэ нь өөрсдийнхөө зүс царайгаар чамирхахын тулд биш гэж үү? Та нар хэний төлөө үүнийг хийж байгаа юм бэ? Та нарын хувьд эмэгтэйчүүд ямар ашигтай юм бэ? Тэд та нарын нүглийн эх сурвалж биш гэж үү? Эрчүүд, эмэгтэйчүүд та нарт Би олон үг хэлсэн боловч та нар тэдгээрийн цөөхнийг нь л мөрддөг. Та нарын чих хатуу, нүд чинь сүүмгэр болсон бөгөөд зүрх сэтгэл чинь цэвдэг, тиймээс та нарын биед шунал тачаалаас өөр юу ч байдаггүй; та нар үүнд урхидуулсан ба зугтах боломжгүй. Бузар буртаг, хөө тортог дотор мурилзаж байгаа өтнүүд та нарт хэн ойртон очихыг хүсэх юм бэ? Та нар бол овоолсон өтөг баасан дотроос Миний өргөсөн хүмүүсээс өөр юу ч биш бөгөөд анхнаасаа та нарт хэвийн хүн чанар байгаагүй гэдгийг бүү март. Миний та нараас гуйж байгаа зүйл бол хэвийн хүн чанар бөгөөд энэ нь та нарт анхнаасаа байгаагүй; Би та нараас шунал тачаалаа харуулахыг эсвэл маш олон жилийн туршид диаволаар сургагдсан өөрсдийн илжирсэн махан биеэ дураар нь тавихыг гуйгаагүй. Та нар ингэж хувцаслах үедээ бүр илүү гүн урхидуулах болно гэдгээс айхгүй байна уу? Та нар анхнаасаа нүгэлтэй гэдгээ мэдэхгүй гэж үү? Махан бие чинь шунал тачаалаар дүүрсэн гэдгээ та нар мэдэхгүй гэж үү? Та нарын шунал тачаал бүр хувцаснаас чинь нэвчин гарч, та нарын тэвчихийн аргагүй муухай, бузар заваан чөтгөр шиг байдлыг илчлэх хэмжээнд очдог. Энэ нь та нарын хувьд хамгийн тодорхой зүйл биш гэж үү? Та нарын зүрх сэтгэл, нүд, уруул – тэдгээр нь бүгд бузар заваан чөтгөрөөр бузарлагдсан биш гэж үү? Тэдгээр нь бузар заваан биш гэж үү? Ямар нэгэн ёс суртахуунгүй[a] зүйл хийхгүй байгаа цагт чи бол хамгийн ариун гэж чи боддог; сайхан хувцаслах нь та нарын сувдаг сэтгэлийг нууж чадна гэж чи боддог – тэгэх ямар ч боломжгүй! Би та нарт илүү бодит байдалд үндэслэхийг зөвлөж байна: Заль мэхтэй, хуурмаг бүү бай, мөн өөрсдийгөө бүү гайхуул. Та нар өөрсдийнхөө шунал тачаалыг нэг нэгэндээ гайхуулдаг боловч та нарын хүртэх бүхэн нь үүрд мөнхийн зовлон болон өршөөлгүй цээрлүүлэлт байдаг! Нэг нэгэнтэйгээ аальгүйтэж, дурлалцах чамд ямар хэрэгтэй юм бэ? Энэ нь та нарын шударга зан уу? Энэ нь та нарыг үнэнч шударга болгодог уу? Та нарын дунд байгаа хар дом хэрэглэдэг болон хар шидэнд оролцдог хүмүүст Би дургүйцдэг бөгөөд та нарын дунд байгаа өөрсдийн махан биеэ хайрладаг залуу эрэгтэй, эмэгтэйчүүдэд Би дургүйцдэг. Та нар өөрсдийгөө хазаарласан нь дээр, учир нь өнөөдөр Би чамаас хэвийн хүн чанартай байхыг, өөрийнхөө шунал тачаалыг гайхуулахгүй байхыг гуйдаг. Та нар чадах бүх боломжоо ашигладаг, учир нь та нарын махан бие хэтэрхий элбэг дэлбэг агаад та нарын шунал тачаал хэтэрхий их!

Гадна талдаа чи өөрийн хүн чанарын амьдралыг нэлээд сайн зохицуулсан боловч амийн талаарх мэдлэгээ ярихыг чамаас хүсэх үед чамд хэлэх юм юу ч байдаггүй – энэ талаар бол чи үгээгүй хоосон. Чи өөрийгөө үнэнээр зэвсэглэх ёстой! Хүн чанарын амьдрал чинь илүү дээр болж өөрчлөгдсөн ба чиний доторх амь ч мөн өөрчлөгдөх болно – өөрийн бодлоо өөрчилж, Бурханд итгэх итгэлийн талаарх үзэл бодлоо өөрчлөх, өөрийнхөө доторх мэдлэг болон сэтгэлгээг өөрчлөх, өөрийн үзэл доторх Бурханы талаарх мэдлэгийг өөрчлөх. Харьцалт, илчлэл болон хангалтаар дамжуулан чи өөрийнхөө талаарх мэдлэг, өөрийн амьдралын зам, Бурханд итгэх итгэлээ аажмаар өөрчилж, өөрийнхөө мэдлэгийг цэвэр байх боломжтой болгодог. Ийм байдлаар хүний доторх бодол өөрчлөгдөх болно, тэдний аливааг харах байдал өөрчлөгдөх болно, мөн тэдний сэтгэл зүйн төлөв байдал өөрчлөгдөх болно. Зөвхөн тэр үед л тэдний амийн зан чанар өөрчлөгдсөн байх болно. Бүхэл өдөржингөө ном уншиж эсвэл өрөөгөө цэвэрлэж эсвэл хувцсаа угааж, цэвэрлэгээ хийж өнгөрүүлэхийг чамаас гуйгаагүй. Угаасаа чиний хэвийн хүн чанарт асуудал байх ёсгүй – энэ бол хамгийн наад захын шаардлага. Гадуур гарах үед чамд мөн л мэдлэг ухаан болон ухаалаг байдал байх ёстой боловч хамгийн чухал зүйл бол чи амийг үнэнээр зэвсэглэсэн байх явдал юм. Сүнстэй холбоотой зүйлсийг ярих үед чи хүн чанарын хэрэг явдлуудыг үл тоох магадлалтай байдаг; тэр нь буруу. Өөрийгөө амьтай холбоотойгоор зэвсэглэх үедээ чи Бурханы талаарх мэдлэгийн тухай, амьдралын замын талаарх өөрийн үзэл бодлынхоо тухай болон ялангуяа эцсийн өдрүүдэд Бурханы хийсэн ажлын талаарх мэдлэгийнхээ тухай ярьж чаддаг байх ёстой. Амийг эрж хайдаг тул чи өөрийгөө эдгээр зүйлсээр зэвсэглэх ёстой. Бурханы үгийг идэж, уух үедээ чи тэдгээрийг өөрийнхөө бодит байдалтай харьцуулан жиших ёстой. Өөрөөр хэлбэл бодит туршлагынхаа явцад өөрийнхөө дутагдлыг олж илрүүлснийхээ дараа чи хэрэгжүүлэх замыг олж, өөрийн буруу сэдэл болон үзлээ орхих чадвартай байх ёстой. Хэрвээ чи үргэлж энэ талаар шаргуу оролдож, зүрх сэтгэл чинь үргэлж эдгээр зүйлс дээр төвлөрч байвал чи дагах замтай байх бөгөөд чамд хий хоосон санагдахгүй, тиймээс чи хэвийн байдлаа хадгалж чадах болно. Зөвхөн тэр үед л чи өөрийнхөө амьд ачаа үүрсэн нэгэн байх болно, зөвхөн тэр үед л чи итгэлтэй нэгэн байх болно. Бурханы үгийг уншсаныхаа дараа хүмүүс яагаад тэдгээрийг хэрэгжүүлж чаддаггүй вэ? Энэ нь, тэд гол зүйлийг ухаарч чадахгүйгээс болдоггүй гэж үү? Тэд амиар тоглож байгаагаас болдоггүй гэж үү? Тэд гол зүйлийг ухаарч чаддаггүй ба хэрэгжүүлэх ямар ч замгүй байдаг нь тэд тэдгээрийг өөрсдийнхөө байдалтай харьцуулж чаддаггүйгээс мөн өөрсдийн байдлаа захирч чаддаггүйгээс болдог. Зарим хүмүүс: “Би тэдгээрийг өөрийнхөө байдалтай харьцуулсан, би өөрийнхөө завхарсан гэдгийг, дорд муу хэв чанартай гэдгийг мэддэг боловч би Бурханы хүслийг хангалуун байлгах чадваргүй” гэж хэлдэг. Эндээс чи зөвхөн өнгөн хэсгийг л харсан; махан биеийн зугаа цэнгэлийг хэрхэн хойш тавих, өөрийгөө зөвтгөх байдлыг хэрхэн хойш тавих, өөрийгөө хэрхэн өөрчлөх, эдгээр зүйлсэд хэрхэн орох, өөрийнхөө хэв чанарыг хэрхэн сайжруулах, ямар талаас эхлэх – эдгээр нь бүгд бодитой зүйл юм. Чи ердөө цөөн хэдэн гадаад талын зүйлсийг л ухаардаг ба өөрийгөө үнэхээр их завхарсан гэдгээ л мэддэг. Ах эгч нартайгаа уулзах үедээ чи өөрийнхөө хэр завхарсан талаар ярьдаг ба чи үүнийг мэддэг мэт, өөрийнхөө аминд ачаа үүрсэн мэт санагддаг. Үнэндээ чи өөрчлөгдөөгүй ба энэ нь хэрэгжүүлэх замыг олоогүй гэдгийг чинь баталж байна. Хэрвээ чи чуулган удирдаж байгаа бол чуулган дахь ах эгч нарын байдлыг зааж үзүүлэх үедээ чи: “Өөр хаана ч эндхээс илүү хоцрогдмол биш; хүмүүс та нар дуулгаваргүй!” гэж хэлж болох юм. Тэд юутай хамаатайгаар дуулгаваргүй, хоцрогдмол болохын тухайд гэвэл чи тэдний илэрхийллийн талаар буюу тэдний дуулгаваргүй байдал болон дуулгаваргүй зан авирын талаар ярих ёстой бөгөөд тэднийг бүрэн итгүүлэх ёстой. Чи баримтуудын талаар ярьж, асуудлыг жишээгээр тайлбарлах ёстой, өөрийгөө энэхүү тэрслүү зан авираас үнэндээ хэрхэн салгах талаар ярих чадвартай байх ёстой ба хэрэгжүүлэх замыг зааж үзүүлэх ёстой. Зөвхөн тэр үед л чи тэднээр зөвшөөрүүлэх болно! Хэрвээ чи зөвхөн “Би энэ газарт зочлохыг хүсэхгүй байна; та нараас илүү хоцрогдмол хэн ч байхгүй, та нар бол хэтэрхий тэрслүү” гэж хэлэх юм бол чамайг ийм маягаар ярих үед, тэд сонссоных нь дараа тэдний хэнд ч зам байхгүй байх болно – чи хүмүүсийг хэрхэн удирдах юм бэ? Чи тэдний бодит байдал болон бодит илэрхийллийн талаар ярих ёстой; зөвхөн тэр үед л чамд хэрэгжүүлэх зам байх бөгөөд зөвхөн тэр үед л чамд бодит байдал байх болно.

Өнөөдрийн байдлаар олон үнэнийг гаргасан. Гэхдээ чи цэгүүдийг холбох ёстой: Чи хэдэн үнэн байгааг дүгнэх чадвартай байх ёстой. Хэвийн хүн чанарын ямар талуудыг хүн эзэмших ёстой, хүний амийн зан чанарын өөрчлөлтийн үндсэн талууд, үзэгдлүүдийн гүнзгийрэл, эрин үеүдийн туршид байсан хүмүүсийн мэдэх болон туршлагажих ямар алдаатай арга барилуудыг чи ухаарсан – эдгээр зүйлсийг ялган таниж, мэдэх чадвартай болсон үедээ л чи зөв замд орсон байх болно. Шашны хүмүүс Библид Бурхан мэт шүтэн мөргөдөг. Ялангуяа тэд Шинэ Гэрээний Дөрвөн Сайн Мэдээг Есүсийн дөрвөн нүүр царай мэт үздэг. Иймээс ч Эцэг, Хүү, Ариун Сүнсний Гурвалын тухай яриа байдаг. Эдгээр нь бүх зүйлээс хамгийн учир утгагүй нь юм. Та нар тэдгээрийг нэвт харах ёстой бөгөөд цаашлаад та нар бие махбод болсон Бурханы мөн чанар болон эцсийн өдрүүдийн ажлыг мэдэх ёстой. Сүнсэнд амьдрах, Ариун Сүнсээр дүүргэгдэх, золгүй явдлын өмнө бууж өгөх, эрх мэдэлд захирагдах гэх мэт хэрэгжүүлэлтийн хуучин арга барилууд бас байдаг – чи мөн хэрэгжүүлэлттэй холбоотой эдгээр эндүүрэл болон гажуудлыг мэдэж байх ёстой; хүмүүс өмнө нь хэрхэн хэрэгжүүлж байсныг болон өнөөдөр хүмүүс хэрхэн хэрэгжүүлэх ёстойг чи мэдэж байх учиртай.[b] Чуулганд ажилчид хэрхэн бие биетэйгээ хамтран ажиллах учиртай, өөрийгөө зөвтгөх занг хэрхэн хойш тавих, байр сууринд найдахгүй байх, ах эгч нар бие биетэйгээ хэрхэн харилцах ёстой, бусад хүмүүс болон Бурхантай хэрхэн хэвийн харилцааг бий болгох, хүний амьдралын хэвийн байдалдхэрхэн хүрэх, сүнслэг амьдралдаа хүмүүс юу эзэмших ёстой, тэд Бурханы үгийг хэрхэн идэж, уух ёстой, мэдлэгтэй юу холбоотой, үзэгдэлтэй юу хамаатай болох, хэрэгжүүлэх зам юу болох – энэ бүх зүйлс яригдаагүй гэж үү? Эдгээр үгс нь эрж хайдаг хүмүүст нээлттэй байдаг бөгөөд хэнд ч давуу эрх олгогддоггүй. Өнөөдөр та нар бие даан амьдрах чадвараа хөгжүүлэх ёстой. Хэрвээ та нар үргэлж бусдаас хамаарах сэтгэхүйтэй байдаг бол ирээдүйд чамайг залж чиглүүлэх хэн ч байхгүй байх үед чи Миний энэ үгнүүдийн талаар бодох болно. Гай зовлонгийн цаг үед чуулганы амьдралаар амьдрах боломжгүй: Ах эгч нар бие биетэйгээ уулзаж чадахгүй ба тэдний ихэнх нь бие дааж, нэг газар байгаа хүмүүстэйгээ л ярилцаж чадна, иймээс чиний одоогийн сүнсний өндөр хангалттай биш. Гай зовлонгийн дунд олон хүмүүс бат зогсоход хэцүү гэдгийг мэдэх болно. Амийн замыг мэддэг болон үнэнээр зэвсэглэсэн хүмүүс л ахин дэвшсээр, ариун байдалд хүрч чадна. Чиний хувьд гай зовлонг туулах нь амаргүй; хэрвээ чи гай зовлонг туулахад ердөө хэдхэн өдөр л хэрэгтэй гэж бодож байвал чиний бодож байгаа чинь хэтэрхий энгийн байна! Бурханы үгийг сохроор идэж, ууснаар цаг нь ирэх үед бат зогсож чадах болно гэж чи боддог – тэр тийм биш! Хэрвээ чи мөн чанарын эдгээр зүйлсийг мэдэхгүй, юу нь гол чухал болохыг ухаарч чадахгүй, хэрэгжүүлэх замгүй бол цаг нь ирж, ямар нэгэн зүйл чамд тохиолдох үед чи сандрах болно, чи Сатаны уруу таталтыг ч, цэвэршүүлэлтийн эхлэлийг ч даван туулж чадахгүй. Хэрвээ чамд ямар ч үнэн байхгүй бөгөөд чамд үзэгдэл дутмаг бол цаг нь ирэх үед чи өөрийнхөө сүйрэн унахыг болиулж чадахгүй байх болно; тэр үед чи бүх итгэл найдвараа орхиж “За яахав, би яасан ч үхнэ, би эцсээ хүртэл гэсгээгдсэн нь бараг дээр! Энэ нь надад хамаагүй, гэсгээлт ч бай эсвэл галан нуур руу орох ч бай би хоёуланг нь хүлээн зөвшөөрнө – би тохиолдож байгаа зүйлсийг тайвнаар хүлээн авна!” гэж хэлэх болно. Энэ нь үйлчлэл үзүүлэгчдийн цаг үеийнхтэй адилхан: Нэгэнт тэд үйлчлэл үзүүлэгчид болохоор тэд цаашид амийг эрж хайх хэрэггүй ба тамхи татаж, архи уусан ч зүгээр гэж хүмүүс бодсон.[c] Телевиз үзэх, кино үзэх – тэд бүгдийг нь хийсэн. Орчин нөхцөл дайсагнасан байдалтай байх үед хэрвээ чи үүнийг даван гарч чадахгүй бол өөрийгөө бага зэрэг сул тавьмагцаа зөнд нь орхимогцоо чи бүх итгэл найдвараа хаях болно. Ийм маягаар өөрийн мэдэлгүйгээр чи Сатанд олзлогдоно. Хэрвээ чи Сатаны нөлөөллийг даван гарч чадахгүй бол Сатанд олзлогдох бөгөөд дахин сүйрэлд хүрэх болно. Иймээс өнөөдөр чи өөрийгөө зэвсэглэх ёстой, бие даан амьдрах чадвартай байх ёстой ба Бурханы үгийг унших үедээ чи хэрэгжүүлэх замыг хайх чадвартай байх ёстой. Хэрвээ хэн ч чуулганд ажиллахаар ирэхгүй бол чи мөн л дагах замтай байх ёстой, чи өөрийнхөө дутагдлыг олж, амьдралд хэрэгжүүлж, өөрийгөө зэвсэглэх учиртай үнэнийг олох чадвартай байх ёстой. Газар дээр ирснийхээ дараа Бурхан хүнийг үүрд дагалдах уу? Өөрсдийн үзэлдээ зарим хүмүүс ингэж итгэдэг: Хэрвээ Та тодорхой хэмжээнд биднийг хүн болгохгүй бол Таны ажил дууссан гэж тооцогдохгүй, учир нь Сатан Таныг буруушаах болно. Би чамд хэлье, Би Өөрийн үгээ хэлж дуусах үед Би Өөрийн ажлаа амжилттай дуусгасан байх болно. Миний айлдварууд дуусмагц Миний ажил дууссан байх болно. Миний ажлын төгсгөл нь Сатаны ялагдлын баталгаа бөгөөд тиймд Сатаны ямар ч буруушаалтгүйгээр амжилттай биелсэн гэж хэлж болно. Гэхдээ Миний ажил дуусах үед хэрвээ та нарт ямар ч өөрчлөлт байхгүй байвал та нар шиг хүмүүс аврагдахын аргагүй байх ба таягдагдах болно; Би хэрэгтэй байгаагаас илүү ямар ч ажил хийдэггүй. Чамайг тодорхой түвшинд байлдан дагуулагдах үед – та нар бүгд тодорхой мэдлэгтэй байж, чиний хэв чанар сайжирч, гаднаа болон дотроо хоёулангаар нь гэрчлэл хийсэн үед газар дээрх Миний ажил дуусах юм биш. Тэгэх боломжгүй! Өнөөдөр Миний та нарт хийдэг ажил бол та нарыг хэвийн амьдрал руу хөтлөхийн төлөө, мөн шинэ эрин үеийг эхлүүлж, шинэ ажлыг удирдахын төлөө юм. Алхам алхмаар хийгддэг энэхүү ажил та нарын дунд шууд хийгддэг: Та нартай нүүр тулгаран, гар гараа барилцан заадаг; та нарын ойлгоогүй юм бүхнийг Би хэлж, дутагдаж байгаа бүхнийг чинь та нарт хайрладаг. Та нарын хувьд энэ бүх ажил нь та нарын амийн хангалт бөгөөд та нарыг хэвийн хүн чанарын амьдрал руу залж чиглүүлдэг гэж хэлж болно; энэ нь гагцхүү эцсийн өдрүүдийн үеэр бүлэг хүмүүсийн амийг хангахын төлөө юм. Миний хувьд энэ бүх ажил нь эрин үеийг төгсгөж, шинэ эрин үеийг эхлүүлэхийн төлөө юм; Сатаны тухайд гэвэл түүнийг ялахын тулд Бурхан бие махбодтой болсон. Одоо та нарын дунд Миний хийдэг ажил нь өнөөдрийн хангалт ба цагаа олсон аврал боловч энэ хэдэн богинохон жилүүдэд Би та нарт бүх үнэнийг, амийн замыг болон хожмын ажлыг ч хэлэх ба та нарын хувьд энэ нь ердийн байдлаар ирээдүйд туулж мэдрэхэд хангалттай байх болно. Миний хэлдэг бүх үгс бол та нараас хүсэх Миний цорын ганц уриалга юм. Би өөр ямар ч уриалга гаргахгүй; өнөөдөр Миний та нарт хэлдэг бүх үгс нь та нараас хүсэх Миний уриалга, учир нь өнөөдөр та нар Миний хэлсэн ихэнх үгийг туулж мэдрээгүй бөгөөд эдгээр үгний дотоод утга учрыг ойлгодоггүй. Миний өнөөдөр ярьж байгаагаар нэг л өдөр та нарын дадлага туршлага амжилттай болох болно. Эдгээр үгс нь та нарын өнөөдрийн үзэгдэл, та нарын хожим тулж түших зүйл, тэдгээр нь өнөөдрийн амийн хангалт, ирээдүйн уриалга бөгөөд өөр илүү дээр уриалга байхгүй. Учир нь Миний газар дээр ажиллах ёстой цаг хугацаа, та нарын Миний үгийг туулж мэдрэх хугацаа шиг урт биш; Би ердөө Өөрийн ажлыг дуусгана, харин та нар амийг эрж хайдаг ба энэ нь амийн урт удаан аяныг агуулдаг. Зөвхөн олон зүйлийг мэдэрснийхээ дараа л та нар амийн замыг бүрмөсөн олж авах чадвартай байх болно, зөвхөн тэр үед л та нар Миний өнөөдөр ярьж байгаа үгсийн дотоод утга учрыг таньж мэдэх чадвартай байх болно. Та нарын гарт Миний үг байгаа, та нар Миний бүх даалгаврыг хүлээн авсан ба хийх ёстой бүхнийг чинь та нарт даалгасан. Хэчнээн агуу үр нөлөөнд хүрэхээс үл хамааран үгний ажил төгсгөлдөө очих үед Бурханы хүсэл биелсэн байх болно. Энэ нь чиний төсөөлдөг шигээр чи тодорхой хэмжээнд өөрчлөгдөх ёстой биш; Бурхан чиний үзлийн дагуу үйлддэггүй.

Хүмүүсийн амь ердөө ганц хоёрхон өдөрт өсдөггүй. Тэдэнд өдөр бүр идэж уух олон зүйлс байдаг байж болох боловч тэр нь хангалттай биш – тэд өөрсдийн аминдаа өсөлтийн хугацааг туулах ёстой ба энэ нь зайлшгүй чухал үйл явц юм. Өнөөдөр хүмүүст байгаа хэв чанартайгаар тэдний амь хэр их өсөж чадах вэ? Бурхан хүмүүсийн хэрэгцээний дагуу ажиллаж, тэдний төрөлхийн хэв чанар дээр үндэслэн тохиромжтой шаардлага тавьдаг. Энэ ажил илүү өндөр хэв чанартай бүлэг хүмүүсийн дунд хийгдсэн гэж бодож үзье: Түүний айлдварууд та нарын дунд байгаагаас илүү өндөр байх болно, үзэгдлүүд илүү өндөр байх болно, мөн үнэн нь бүр ч илүү өндөр байх байсан. Бурханы үгс илүү хатуу агаад хүнийг хангаж, нууцуудыг илчлэх илүү их чадвартай байх байсан юм. Тэдний дунд ярихдаа Бурхан тэднийг хэрэгцээнийх нь дагуу хангах байв. Өнөөдөр та нарт тавьсан шаардлагууд нь та нарт тавьж болох хамгийн боломжтой шаардлага гэж хэлж болно; хэрвээ энэ ажил илүү өндөр хэв чанартай хүмүүсийн дунд хийгдсэн бол шаардлагууд нь ч мөн адил илүү өндөр байх байлаа. Бурханы бүх ажил нь хүмүүсийн төрөлхийн хэв чанарт үндэслэн хийгддэг. Өнөөдөр Бурханы хүмүүсийг өөрчилж, байлдан дагуулсан хэмжээнээс илүү өндөр юу ч байхгүй. Ажлын энэ үе шатны үр нөлөөг хэмжихийн тулд өөрийн үзлээ бүү ашигла. Та нар угаасаа юу эзэмшдэг талаар тодорхой мэдэж байх ёстой бөгөөд өөрсдийгөө хэтэрхий өндөр гэж үзэх ёсгүй; анхнаасаа та нарын хэн нь ч амийг эрж хайгаагүй ба та нар бол гудамжинд хэрэн тэнүүчилдэг гуйлгачингууд байсан. Бурхан чамайг, чиний төсөөлдөг шиг та нар бүгд нүүрээрээ газар унан мөргөх хэмжээнд хүн болгож, чамайг агуу үзэгдэл харсан мэт бүрэн үнэмшүүлнэ гэвэл – тэр нь боломжгүй байх байсан! Учир нь тэмдгүүдийг хараагүй хэн ч Миний хэлсэн үгэнд бүрэн итгэж чадахгүй. Та нар тэдгээрийг нарийн шалгаж магад боловч та нар тэдгээрт мөн л бүрэн итгэхгүй байх байсан; энэ нь хүний угийн чанар юм! Эрж хайдаг хүмүүст зарим нэг өөрчлөлт байх болно, харин тэгдэггүй хүмүүсийн итгэл буурах ба бүр алга болж ч болох юм. Та нарын хамгийн том асуудал бол Бурханы үгийн биелэлтийг харахгүйгээр бүрэн итгэж чаддаггүй бөгөөд та нар тэмдгүүдийг харахгүйгээр эвлэлддэггүй. Тийм зүйлсээс өмнө хэн Бурханд хувиршгүй үнэнч байж чадах юм бэ? Иймээс, та нар Бурханд итгэдэггүй харин тэмдгүүдэд итгэдэг гэж Би хэлдэг. Өнөөдрийн байдлаар Би янз бүрийн талуудын талаар тодорхой ярьж, үнэний бүх талуудыг бэлэн болгосон бөгөөд эдгээр үнэн нь бас нэг нэгэндээ үйлчлэх чадвартай. Тиймээс чи одоо тэдгээрийг амьдралд хэрэгжүүлэх ёстой: Өнөөдөр Би чамд замыг харуулсан ба ирээдүйд чи тэдгээрийг өөрөө хэрэгжүүлэх учиртай. Өнөөдөр Миний хэлдэг үгс, өөрсдийнх нь бодит орчин нөхцөлд үндэслэн хүмүүст шаардлага тавьдаг бөгөөд Би тэдний хэрэгцээнд болон тэдний дотор байгаа зүйлс дээр үндэслэн ажилладаг. Практик Бурхан практик ажил хийхээр, хүмүүсийн бодит орчин нөхцөл болон хэрэгцээний дагуу ажиллахаар газар дээр ирсэн; Тэрээр бодлогогүй биш. Мөн Бурхан үйлдэх үедээ хүмүүсийг албаддаггүй. Жишээлбэл гэрлэх эсэх чинь чиний хувийн бодит нөхцөл байдлын дагуу байх ёстой; үнэн чамд тодорхой хэлэгдсэн бөгөөд Би чамайг хязгаарладаггүй. Зарим гэр бүлүүд хүмүүсийг, гэрлэхгүй л бол Бурханд итгэж чадахааргүй болтол нь дарамталдаг – иймээс гэрлэлт нь эсрэгээрээ тэдэнд ашигтай байдаг. Зарим хүмүүсийн хувьд гэрлэлт нь ямар ч ашиг авчирдаггүйгээр үл барам тэдэнд анх байсан зүйлийг нь зарлагаддаг. Энэ нь чиний бодит орчин нөхцөл болон чиний хувийн шийдвэрээс хамаарах ёстой. Би та нарт шаардлага тавих дүрэм журмыг бодож олдоггүй. “Бурхан бол бодит, Түүний ажил бодит байдал дээр үндэслэдэг бөгөөд бидний бодитой нөхцөл байдлын дагуу явагддаг” гэж олон хүмүүс үргэлж хэлдэг – гэхдээ юу үүнийг бодит болгож байгааг чи мэдэх үү? Бүхэл өдөржингөө дэмий хоосон үг бүү хэл! Бурханы ажил бол бодит бөгөөд энэ нь бодит байдалд үндэслэдэг, энэ нь хоосон номлолыг агуулдаггүй, энэ нь бүхэлдээ гаргагдсан ба бүгд нээлттэй агаад ил байдаг. Эдгээр зарчмууд юуг хамардаг вэ? Энэ нь Бурханы ямар ажилд хамаатайг чи хэлж чадах уу? Чи нарийвчилсан зүйлсийн талаар ярих ёстой ба хэд хэдэн талуудад туршлагажиж, гэрчлэл хийсэн байх ёстой. Зөвхөн энэ тал чамд тодорхой болж, чи үүнийг мэддэг болсон үедээ л эдгээр үгсийг хэлэх эрхтэй болно. Хэрвээ хэн нэгэн чамаас: “Газар дээр бие махбодтой болсон практик Бурхан ямар ажил хийх ёстой вэ? Яагаад та нар Түүнийг практик Бурхан гэж нэрлэдэг вэ? “Практик” гэдэг нь юуг агуулдаг вэ? Чи Түүний практик ажлын талаар, энэ нь тухайлбал юуг агуулдаг талаар ярьж чадах уу? Есүс бие махбодтой болсон Бурхан байсан ба практик Бурхан ч бас бие махбодтой болсон Бурхан – Тэдний хоорондох ялгаа юу вэ? Адил төстэй тал нь юу вэ? Тэд ямар ажил хийсэн бэ? Чи хэлж чадах уу? гэж асуувал энэ бүхэн нь гэрчлэл хийж байна! Эдгээр зүйлсийн талаар бүү төөрөлд. Мөн “Практик Бурханы ажил бол бодит, Тэр хэзээ ч тэмдэг, гайхамшиг үзүүлдэггүй” гэж хэлдэг зарим хүмүүс байдаг. Тэр үнэхээр тэмдэг, гайхамшиг үзүүлдэггүй юу? Чи үүнийг үнэхээр мэдэх үү? Миний ажил юу болохыг чи мэдэх үү? Тэмдэг гайхамшиг үзүүлдэггүй гэж хэлсэн, гэхдээ Түүний хийдэг ажил болон Түүний хэлдэг үг тэмдэг биш гэж үү? Тэмдэг гайхамшиг үзүүлдэггүй гэж хэлсэн, гэхдээ нөхцөл байдлаас хамаарна, энэ нь эдгээр үгсийг хэнд хэлснээс хамаарна. Чуулганд явахгүйгээр Тэр хүмүүсийн байдлыг илчилсэн ба өөр ямар нэгэн ажил хийхгүйгээр зөвхөн үг хэлснээрээ Тэр хүмүүсийг зоригжуулдаг – эдгээр нь тэмдэг биш гэж үү? Зөвхөн үг хэлснээрээ Тэр хүмүүсийг байлдан дагуулсан бөгөөд хэтийн ирээдүй эсвэл итгэл найдваргүйгээр хүмүүс мөн л баяртайгаар дагадаг – эдгээр нь тэмдэг биш гэж үү? Түүнийг ярих үед Түүний үгс нь хүмүүсийг сэтгэл санааны тодорхой байдалд буюу тэдэнд баяртай ч биш эсвэл уйтгартай ч биш, эсвэл цэвэршүүлэгдэж, гэсгээгдсэн ч биш санагддаг байдалд оруулдаг. Ердөө цөөхөн хурц үгээр Тэр хүмүүст гэсгээлт авчирдаг – энэ нь ер бусын биш гэж үү? Хүн ийм зүйл хийж чадах уу? Чи энэ бүх жилүүдийн туршид Библи уншсан боловч юу ч ойлгоогүй, юу ч хараагүй, өөрийгөө тэрхүү хоцрогдсон, уламжлалт итгэлийн арга барилаас ангижруулах чадваргүй байсан ба чи Библийг танин мэдэж чадаагүй. Гэвч Тэр Библийг нэвт шувт мэддэг – энэ нь ер бусын зүйл биш гэж үү? Хэрвээ Бурханыг газар дээр ирэх үед Түүнд ямар ч ер бусын зүйл байгаагүй бол Тэр та нарыг байлдан дагуулж чадах байсан уу? Түүний ер бусын, бурханлаг ажилгүйгээр та нарын дундаас хэн үнэмших юм бэ? Чиний нүдэнд энгийн хүн ажиллаж, та нартай хамт амьдарч байгаа мэт харагддаг – Тэр жирийн, энгийн хүний гадаад байдалтай харагддаг. Чиний хардаг зүйл бол хэвийн хүн чанарын гадаад байдал боловч үнэндээ ажиллаж буй Нэгэн бол бурханлаг юм. Ажиллаж буй Нэгэн бол хэвийн хүн чанартай биш харин бурханлаг; энэ нь Бурхан Өөрөө бөгөөд зүгээр л Тэр ажиллахдаа хэвийн хүн чанарыг ашигладаг – үүний үр дүнд Түүний ажил нь энгийн болон ер бусын аль аль нь байдаг. Түүний хийдэг ажлыг хүн хийж чадахгүй. Энгийн хүмүүсийн хувьд боломжгүй ажил ер бусын оршихуйгаар хийгддэг. Гэвч энэхүү ер бусын байдал нь бурханлаг; хүн чанар нь ер бусын биш харин бурханлаг чанар нь хүн чанараас өөр юм. Ариун Сүнсээр ашиглагдаж байгаа нэгэн ч бас жирийн, хэвийн хүн чанартай боловч тэр энэхүү ажлыг хийх чадваргүй. Энд ялгаа нь оршдог. Чи: “Бурхан бол ер бусын Бурхан биш, тэр ямар ч ер бусын зүйл хийдэггүй. Бидний Бурхан бодитой агаад практик зүйлийг ярьдаг, Тэр ажиллахын тулд үнэхээр, бодитоор чуулган руу явсан, өдөр бүр Тэр бидэнтэй нүүр тулан ярилцдаг ба Тэр бидний байдлыг нүүр тулан зааж өгдөг – бидний Бурхан үнэхээр бодит! Тэр бидэнтэй хамт ажилладаг, бүх зүйл нь маш хэвийн, энгийнээр хэлбэл Тэр бол Бурхан гэдгийг харуулах юу ч байхгүй. Тэр уурлах үе ч байдаг бөгөөд бид Түүний уур хилэнгийн сүр жавхланг хардаг, Түүнийг инээмсэглэх үед бид Түүний инээмсэглэж буй байдлыг ажигладаг. Тэр бол биет хэлбэртэй, мах цуснаас бүтсэн, бодитой агаад жинхэнэ Бурхан Өөрөө” гэж хэлж болох юм. Чи ийм байдлаар гэрчлэл хийх үед чиний гэрчлэл бүрэн гүйцэд биш юм. Энэ нь бусдад ямар тусламж болох юм бэ? Хэрвээ чи Бурханы Өөрийн ажлын дотоод түүх болон мөн чанарыг гэрчилж чадахгүй бол чи гэрчлэл хийгээгүй байна! Юуны өмнө гэрчлэл хийх нь Бурханы ажил, Бурхан хүмүүсийг хэрхэн байлдан дагуулдаг, Тэр хүмүүсийг хэрхэн авардаг, Тэр хүмүүсийг хэрхэн өөрчилдөг, Тэр хэрхэн хүмүүсийг ороход замчилж, тэдэнд байлдан дагуулагдаж, төгс болгуулж, аврагдах боломжийг олгодог тухай мэдлэгээ ярихыг чамаас шаарддаг. Гэрчлэл хийнэ гэдэг нь Түүний ажлын тухай болон өөрийн туулж мэдэрсэн бүхний тухай ярина гэсэн үг юм. Зөвхөн Түүний ажил л Түүнийг төлөөлдөг бөгөөд зөвхөн Түүний ажил л Түүний бүрэн дүүрэн байдлыг ил тод илчилж чадна; Түүний ажил Түүнд гэрчлэл хийдэг. Түүний ажил болон Түүний айлдварууд нь Сүнсийг шууд төлөөлж, Түүний хийдэг ажил нь Сүнсээр хийгддэг ба Түүний хэлдэг үгс нь Сүнсээр хэлэгддэг. Эдгээр зүйлс нь ердөө Бурханы махбод болсон биеэр дамжин илэрхийлэгддэг; үнэндээ тэдгээр нь Сүнсний илэрхийллүүд юм. Түүний хийдэг ажил болон Түүний хэлдэг үг нь Түүний мөн чанарыг төлөөлдөг. Хэрвээ Өөрийгөө хүмүүсийн дунд махан биеэр хувцасласны дараа Бурхан ярьж эсвэл ажиллаагүй бөгөөд та нараас Түүний бодит байдал, Түүний хэвийн байдал болон Түүний бүхнийг чадагч байдлыг мэдэхийг гуйсан бол чи чадах байсан уу? Чи Сүнсний мөн чанар ямар болохыг мэдэж чадах байсан уу? Чи Түүний онцлог шинж юу болохыг мэдэх чадвартай байх байсан уу? Та нар Түүний ажлын алхам бүрийг туулж мэдэрсэн учраас л Тэр та нараас Түүнд гэрчлэл хийхийг гуйдаг бөгөөд хэрвээ та нар үүнийг мэдрээгүй байсан бол Тэр та нарт тийм шаардлага тавихгүй байх байсан билээ. Тиймээс чи Бурханд гэрчлэл хийх үед энэ нь Түүний хэвийн хүн чанарын гадаад байдлыг гэрчлэх биш харин Түүний хийдэг ажил, Түүний хөтөлдөг замыг гэрчлэх явдал бөгөөд мөн чи Түүгээр хэрхэн байлдан дагуулагдснаа болон ямар талуудад төгс болгуулснаа гэрчлэх явдал юм. Энэ нь чиний хийх ёстой гэрчлэл юм. Хэрвээ чи хаашаа ч явсан: “Бидний Бурхан ажиллахаар ирсэн, Тэр үнэхээр бодитой! Тэр биднийг ямар ч ер бусын зүйлгүйгээр эсвэл ямар нэгэн тэмдэг гайхамшиггүйгээр олж авсан!” гэж хашхирвал өөр хүмүүс ийнхүү асууна: “Тэр тэмдэг гайхамшиг үзүүлдэггүй гэдэг чинь юу гэсэн үг юм бэ? Тэр тэмдэг гайхамшиг үзүүлэлгүйгээр чамайг байлдан дагуулж чадах уу?” Тэгэхэд чи: “Түүний хийдэг зүйл бол ярих. Тэр ямар ч тэмдэг гайхамшиг үзүүлэлгүйгээр биднийг байлдан дагуулсан – Түүний ажил биднийг байлдан дагуулсан” гэх болно. Эцсийн эцэст хэрвээ чи утга учиртай юм хэлж чадахгүй, дэлгэрэнгүй мэдээллийн тухай ярьж чадахгүй бол чи гэрчлэл хийж байна гэж үү? Бодитой Бурхан хүмүүсийг байлдан дагуулах үед Түүний бурханлаг үгс хүмүүсийг байлдан дагуулдаг. Хүн чанар үүнийг гүйцэтгэж чадахгүй, энэ нь зүгээр нэг жирийн хүний хүрч чадах зүйл биш бөгөөд хамгийн өндөр хэв чанартай хэвийн хүмүүсийн дундах хүмүүс ч үүнийг хийх чадваргүй, учир нь Түүний бурханлаг чанар нь ямар ч бүтээгдсэн зүйлсийнхээс илүү өндөр билээ. Хүмүүсийн хувьд энэ нь ер бусын зүйл; эцсийн эцэст Бүтээгч бол ямар ч бүтээгдсэн зүйлсээс илүү өндөр. Сурагчид багшаасаа илүү дээр байж чаддаггүй гэж хэлдэг. Бүтээгдсэн зүйлс нь Бүтээгчээс илүү өндөр байж чадахгүй; хэрвээ чи Түүнээс илүү өндөр байсан бол Тэр чамайг байлдан дагуулж чадахгүй байх байсан – Тэр чамаас өндөр учраас л чамайг байлдан дагуулж чадна. Бүх хүн төрөлхтнийг байлдан дагуулж чадах Нэгэн бол Бүтээгч бөгөөд гэхдээ Түүний хувьд өөр хэн ч энэ ажлыг хийж чадахгүй. Энэ бол гэрчлэл; энэ бол чиний хийх учиртай гэрчлэл юм. Чи гэсгээлт, шүүлт, цэвэршүүлэлт, шалгалт, бүтэлгүйтэл, гай зовлонгийн алхам бүрийг туулсан ба чи байлдан дагуулалтанд хүрч, махан биеийн хэтийн ирээдүй, өөрийн хувийн сэдэл болон махан биеийн хувийн ашиг сонирхлыг хойш тавьсан – өөрөөр хэлбэл бүх хүмүүсийн зүрх сэтгэл Бурханы үгсээр байлдан дагуулагдсан. Хэдийгээр чиний амь Түүний гуйсан хэмжээнд өсөөгүй боловч чи эдгээр зүйлсийг мэддэг ба Түүний хийдэг зүйлс чамайг бүрэн үнэмшүүлсэн – тэгвэл энэ нь гэрчлэл бөгөөд энэ гэрчлэл нь бодит юм! Бурханы хийхээр ирсэн ажил – шүүлт болон гэсгээлт – нь хүнийг байлдан дагуулахын төлөө боловч Тэр мөн Өөрийн ажлыг дуусгаж, эрин үеийг төгсгөж, Өөрийн ажлын сүүлчийн бүлгийг гүйцэлдүүлдэг. Тэр бүхий л эрин үеийг төгсгөж, бүх хүн төрөлхтнийг аварч, хүн төрөлхтнийг нүглээс бүрэн гэтэлгэж, Өөрийн бүтээсэн хүн төрөлхтнийг бүрэн олж авдаг. Энэ нь чиний гэрчлэл хийх ёстой бүхэн юм.

Чи маш их Бурханы ажлыг туулж мэдэрсэн, чи үүнийг өөрийнхөө нүдээр харж, үүнийг биечлэн туулсан, иймээс эцэст нь хэрвээ чи өөрийн биелүүлэх ёстой чиг үүргээ ч биелүүлж чадахгүй бол энэ нь хэчнээн өрөвдөлтэй байх билээ дээ. Ирээдүйд сайн мэдээ түгээгдэх үед чи өөрийнхөө хувийн мэдлэгийн талаар ярьж, зүрх сэтгэлдээ олж авсан бүхнээ хичээл чармайлтаа хайрлахгүйгээр гэрчлэх чадвартай байх ёстой. Энэ нь бүтээгдсэн зүйлсийн хүрэх ёстой зүйл юм. Бурханы ажлын энэ үе шатны ач холбогдол нь юу вэ? Үүний үр нөлөө юу вэ? Мөн үүний хэр их нь хүнд хийгддэг вэ? Хүмүүс юу хийх ёстой вэ? Та нар бие махбодтой болсон Бурхан газар дээр ирснийхээ дараа хийсэн бүх ажлын талаар тодорхой ярих үед та нарын гэрчлэл бүрэн гүйцэд болох болно. Чи Түүний ажлын ач холбогдол, агуулга, мөн чанар, үүгээр төлөөлөгддөг Түүний зан чанар болон Түүний ажлын зарчмууд гэсэн энэ таван зүйлийн талаар тодорхой ярих үед чи гэрчлэл хийх чадвартай бөгөөд чи үнэхээр мэдлэгтэй гэдгийг энэ нь батална. Миний та нараас гуйж байгаа зүйл их биш бөгөөд үнэхээр эрж хайдаг бүх хүмүүс хүрэх боломжтой. Хэрвээ чи Бурханы гэрчүүдийн нэг байхаар шийдвэл Бурхан юунд дургүйцдэгийг болон Бурхан юунд дуртайг ойлгох ёстой. Чи Түүний ажлын ихээхнийг туулж мэдэрсэн ба энэ ажлаар дамжуулан чи Түүний зан чанарыг болон Тэр юунд дургүй, юунд дуртайг мэдэж авч, Түүний хүсэл, хүн төрөлхтөнд тавих Түүний шаардлагыг ойлгоод, Түүнийг гэрчилж, өөрийн үүргээ биелүүлэхдээ үүнийг ашиглах ёстой. Чи зөвхөн ингэж хэлж болох юм: “Бид Бурханыг мэднэ, Түүний шүүлт болон гэсгээлт маш хатуу. Түүний үгс маш ширүүн, тэдгээр нь зөвт агаад сүр жавхлантай, тэдгээр нь ямар ч хүн халдашгүй.” Гэхдээ эцсийн эцэст тэдгээр нь хүнийг хангадаг уу? Хүмүүст үзүүлэх тэдгээрийн үр нөлөө юу вэ? Энэ ажил сайн гэдгийг чи үнэхээр мэдэх үү? Бурханы шүүлт, гэсгээлт нь чиний зан чанарыг илчлэх чадвартай юу? Тэдгээр нь чиний дуулгаваргүй байдлыг илчлэх чадвартай юу? Тэдгээр нь чиний дотор байгаа зүйлсийг үлдэн хөөх чадвартай юу? Бурханы шүүлт, гэсгээлтгүйгээр чи юу болох вэ? Сатанаар хэр завхруулагдсан байснаа чи үнэхээр мэдэх үү? Энэ бүхэн нь та нарын өөрсдийгөө зэвсэглэж, өнөөдөр мэдэж байх ёстой зүйл юм.

Одоо үе бол та нарын төсөөлөлд оршдог тийм төрлийн, Бурханд итгэх итгэлийн цаг үе биш: Та нар зөвхөн Бурханы үгийг уншиж, залбирч, дуулж, бүжиглэж, өөрийн үүргээ биелүүлж, хэвийн хүн чанарын амьдралаар амьдрах хэрэгтэй биш ... аливаа зүйлс ийм энгийн байж болох уу? Гол зүйл бол үр нөлөө – чи хэр олон зүйлийг хийх нь биш харин чи хэрхэн хамгийн сайн үр нөлөөнд хүрэх вэ гэдэг явдал. Чи ном барьж байх зуураа бага зэргийн мэдлэгийнхээ талаар ярьж чадаж магадгүй боловч үүнийг доош тавих үед чамд ямар ч мэдлэг байдаггүй; чи зөвхөн үг болон хоосон номлол ярих чадвартай бөгөөд дадлага туршлагын мэдлэг байдаггүй. Өнөөдөр чи гол зүйлийг ухаарах ёстой – энэ нь бодит байдалд орохын шийдвэрлэх чухал хэсэг юм! Өөр юунаас ч өмнө дараах сургуулилтыг хий: Эхлээд Бурханы үгийг унш – тэдгээрийн дотор байгаа сүнслэг нэр томьёотой зууралдаж, тэдгээрийн дотроос гол үзэгдлүүдийг олж, хэрэгжүүлэлтийн замын хэсгүүдийг тодорхойлж, тэдгээрийг бүгдийг нь нийлүүл. Тэдгээрийг нэг бүрчлэн хайж, туршлагынхаа явцад тэдгээрт ор. Эдгээр нь чиний ойлгох ёстой гол зүйлс юм. Бурханы үгийг идэж, уух үеийн хамгийн чухал хэрэгжүүлэлтийн нэг нь Бурханы айлдваруудын нэгийг уншсаныхаа дараа, үзэгдэлтэй холбоотой гол хэсгүүдийг тодорхойлох чадвартай байж, мөн хэрэгжүүлэхтэй холбоотой гол хэсгүүдийг тодорхойлох чадвартай байж, өөрийнхөө амьдралд үзэгдлүүдийг үндэс болгож, хэрэгжүүлэлтийг хөтөч болгох явдал юм. Энэ бол та нарт хамгийн их дутагддаг зүйл бөгөөд энэ нь бас та нарын хамгийн том асуудал – зүрх сэтгэлдээ та нар үүнд анхаарал хандуулах нь ховорхон. Та нар бүгд дараах байдалтай: залхуу, урам зориггүй, төлөөс төлөх дургүй эсвэл идэвхгүйгээр хүлээдэг. Зарим хүмүүс бүр гомдол гаргадаг; тэд Бурханы ажлын зорилго, ач холбогдлыг ойлгодоггүй ба тэдний хувьд үнэнийг эрж хайх нь бэрх байдаг. Тийм хүмүүс үнэнийг жигшдэг ба эцэстээ таягдагдах болно. Тэдний дундаас хэн ч төгс болгуулж чадахгүй, хэн ч өршөөгдөхгүй. Хэрвээ хүмүүст Сатаны нөлөөг эсэргүүцэх багахан шийдвэр байхгүй бол тэдний төлөө хийж болох зүйл юу ч байхгүй!

Та нарын эрэл хайгуул үр нөлөөтэй байсан эсэх нь та нарын өнөөгийн эрэл хайгуул дээр болон та нар одоогоор юу эзэмшиж байгаа дээр үндэслэн хэмжигддэг. Эдгээр нь та нарын төгсгөлийг тодорхойлоход ашиглагддаг зүйлс, өөрөөр хэлбэл та нарын төгсгөл төлсөн төлөөсөөр чинь болон хийсэн зүйлсээр чинь харагддаг. Та нарын төгсгөл чинь та нарын эрэл хайгуул, итгэл болон та нарын хийсэн зүйлсээр илчлэгдэх болно. Та нарын дунд аль хэдийн аврагдахын аргагүй болсон хүмүүс олон байдаг – учир нь өнөөдөр бол хүмүүсийн төгсгөлийг илчлэх цаг үе бөгөөд Би ажлыг мунхгаар хийж, аврагдаж чадахгүй хүмүүсийг дараагийн эрин үе рүү хөтлөхгүй. Миний ажил дуусах цаг байх болно. Би аврагдаж чадахгүй тэдгээр өмхий, сүнсгүй цогцоснууд дээр ажиллахгүй; өнөөдөр бол хүний авралын эцсийн өдрүүдийн цаг үе бөгөөд Би ямар ч хэрэггүй ажил хийхгүй. Тэнгэр, газрыг бүү загна – дэлхийн төгсгөл ирж байгаа ба энэ нь зайлшгүй; бүх юм ийм байдалд хүрсэн, хүн болохын хувьд чи тэдгээрийг зогсоох юу ч хийж чадахгүй, чи тэдгээрийг хүссэнээрээ өөрчилж чадахгүй. Өчигдөр чи эрж хайхдаа төлөөс төлөөгүй ба үнэнч бус байсан. Өнөөдөр цаг нь ирсэн, чи аврагдахын аргагүй бөгөөд маргааш чи таягдагдах болно. Чиний хувьд аврагдах ямар ч боломжгүй. Хэдийгээр Миний зүрх сэтгэл зөөлөн бөгөөд чамайг аврахын тулд Би чадах бүхнээ хийдэг боловч хэрвээ чи өөрийнхөө төлөө тэмцэж, өөрийгөө огт бодохгүй бол энэ нь Надтай ямар хамаатай юм бэ? Өөрсдийн махан биеийг л боддог, тав тухтай байдалд дуртай хүмүүс, итгэл нь тодорхойгүй хүмүүс, хар дом, болон хар шидэнд оролцдог хүмүүс, садар самуун, навсгар, ноорхой хүмүүс, Еховагийн тахилыг болон Түүний өмчийг хулгайлдаг хүмүүс, хээл хахуульд дуртай хүмүүс, тэнгэр лүү явах тухай хий дэмий мөрөөддөг хүмүүс, зөвхөн хувийн алдар нэр, эд хөрөнгийг эрмэлздэг биеэ тоосон, их зантай хүмүүс, эрээ цээргүй үг тараадаг хүмүүс, Бурханыг Өөрийг нь доромжилдог хүмүүс, Бурханы Өөрийнх нь эсрэг шүүлт хийж, гүжирдэхээс өөрийг хийдэггүй хүмүүс, бусадтай бүлэглэж, хараат бус болохоор оролддог хүмүүс, өөрсдийгөө Бурханаас илүү өргөмжилдөг хүмүүс, садар самуун байдалд урхидуулсан хөнгөмсөг залуучууд, дунд эргэм болон ахмад эрэгтэй, эмэгтэйчүүд, хувийн алдар нэр, эд хөрөнгийг таашааж, бусад хүмүүсийн дунд хувийн байр суурь хөөцөлддөг эрэгтэй, эмэгтэйчүүд, нүгэлдээ урхидуулсан, гэмшдэггүй хүмүүс – тэд бүгд аврагдахын аргагүй биш гэж үү? Садарлал, нүгэлтэй байдал, хар дом, хар шид хэрэглэх, хараал зүхэл болон эрээ цээргүй үгс бүгд та нарын дунд хяналтаас гарсан, үнэн болон амийн үгс та нарын дунд гишгэлэгдсэн бөгөөд ариун хэл та нарын дунд бузарлагдсан. Харь үндэстнүүд та нар бузар заваан болон дуулгаваргүй байдлаар дүүрсэн! Та нар хаана очиж төгсөх вэ? Махан биеийг хайрладаг, махан биеийн нүгэлт үйлийг үйлддэг, садарлалд урхидуулсан хүмүүс яаж үргэлжлүүлэн амьдарч зүрхлэх юм бэ? Та нар шиг хүмүүс бол аврагдахын аргагүй өт шиг гэдгээ чи мэдэхгүй гэж үү? Юу та нарыг энийг, тэрийг шаардах эрхтэй болгож байгаа юм бэ? Өнөөг хүртэл үнэнийг хайрладаггүй зөвхөн махан биеэ хайрладаг хүмүүст өчүүхэн төдий ч өөрчлөлт байгаагүй – иймээс тийм хүмүүс яаж аврагдах юм бэ? Өнөөдөр ч гэсэн амийн замыг хайрладаггүй, Бурханыг өргөмжилж, Түүнд гэрчлэл хийдэггүй, өөрсдийн байр суурийн төлөө хуйвалддаг, өөрсдийгөө магтдаг хүмүүс – тэд хэвээрээ л байгаа биш гэж үү? Тэднийг аврахын үнэ цэнэ хаана байна вэ? Чи аврагдаж чадах эсэх нь чи хэр сайн мэргэшсэнээс эсвэл чи хэдэн жил ажилласнаас хамаардаггүй, тэр ч бүү хэл чамд хэчнээн итгэмжлэл байгаагаас хамаардаггүй. Энэ нь чиний эрэл хайгуулд ямар нэгэн үр нөлөө байсан уу гэдгээс хамаарна. Аврагдсан хүмүүс бол жимсэлдэг мод, харин өтгөн навчтай, арвин их цэцэгтэй боловч жимсэлдэггүй мод биш юм гэдгийг чи мэдэх учиртай. Чи олон жилийг гудамжинд тэнэж өнгөрүүлсэн байлаа ч тэгээд юу гэж? Чиний гэрчлэл хаана байна вэ? Бурханыг гэсэн чиний хүндлэл өөрийгөө хайрлах хайр болон тачаангуй хүслээс чинь хамаагүй бага – ийм нэгэн бол доройтсон нэгэн биш гэж үү? Чи яаж авралын үлгэр дуурайл, загвар байж чадах юм бэ? Чиний угийн чанар өөрчлөгдөшгүй, чи хэтэрхий тэрслүү, чи аврагдаж чадахгүй! Тийм хүмүүс таягдагдахгүй гэж үү? Миний ажил дуусах үе нь чиний эцсийн өдөр ирэх үе биш гэж үү? Би та нарын дунд маш их ажил хийсэн ба маш олон үг хэлсэн – үүний хэр их нь та нарын чих рүү орсон бэ? Үүний хэр ихийг нь та нар дуулгавартай дагасан бэ? Миний ажил дуусах үе нь чи Намайг эсэргүүцэж, Миний эсрэг зогсохоо болих үе юм. Миний ажлын үеэр та нар үргэлж Миний эсрэг үйлддэг ба та нар хэзээ ч Миний үгийг мөрддөггүй. Би Өөрийн ажлыг хийдэг ба чи өөрийн хувийн ажлыг хийж өөрийн жаахан хаанчлалаа байгуулдаг – сүрэг үнэг, нохой та нарын хийж байгаа бүхэн чинь Миний эсрэг байдаг! Зөвхөн өөрсдийг чинь хайрладаг хүмүүсийг л та нар үргэлж тэвэртээ оруулахаар хичээдэг – та нарын хүндлэл хаана байна вэ? Та нарын хийдэг бүхэн чинь бусармаг! Та нарт ямар ч дуулгавартай байдал эсвэл хүндлэл байхгүй, хийдэг бүхэн чинь бусармаг агаад гүтгэн доромжилсон байдаг! Тийм хүмүүс аврагдаж чадах уу? Бэлгийн ёс суртахуунгүй, садар самуун эрчүүд өөрсдийн зугаа цэнгэлийн төлөө сээтэгнэсэн янхнуудыг өөрсөддөө татахыг үргэлж хүсэж байдаг. Би тийм бэлгийн ёс суртахуунгүй чөтгөрүүдийг аврахгүй, Би бузар чөтгөрүүд та нарыг үзэн яддаг ба хуял тачаал, сээтэгнүүр зан чинь та нарыг там руу умбуулсан – та нарт өөрсдийгөө өмөөрөх зүйл юу байгаа юм бэ? Бузар чөтгөрүүд болон муу ёрын сүнснүүд та нар маш зэвүүн! Та нар жигшүүртэй! Тийм хог хаягдлууд хэрхэн аврагдаж чадах юм бэ? Нүгэлд урхидуулсан хүмүүс мөн л аврагдаж чадна гэж үү? Эдгээр үнэн, энэ зам болон энэ амь та нарын сэтгэлийг татдаггүй; та нар нүгэлтэй байдал, мөнгө, зэрэг зиндаа, алдар хүнд, олз ашиг, махан биеийн зугаа цэнгэл, эрчүүдийн царайлаг байдал болон эмэгтэйчүүдийн сээтэгнүүр занд сэтгэл татагддаг. Юу та нарыг Миний хаанчлалд орох эрхтэй болгож байгаа юм бэ? Та нарын дүр зураг бүр Бурханыхаас ч илүү их, та нарын байр суурь Бурханыхаас ч өндөр бөгөөд хүмүүсийн дундах та нарын нэр хүндийн талаар ярихын ч хэрэггүй – та нар хүмүүсийн шүтэн мөргөдөг шүтээн болсон. Чи тэргүүн тэнгэрэлч болоогүй гэж үү? Хүмүүсийн төгсгөл илчлэгдэх үед энэ нь мөн авралын ажил дуусах дөхсөн үе байх бөгөөд та нарын олонх нь аврагдахын аргагүй, таягдан хаягдах ёстой цогцоснууд болох болно. Авралын ажлын үеэр Би бүх хүмүүст эелдэг зөөлөн агаад сайн ханддаг. Ажил дуусах үед өөр өөр төрлийн хүмүүсийн төгсгөл илчлэгдэх ба тэр үед Би эелдэг зөөлөн агаад сайн байхгүй, учир нь хүмүүсийн төгсгөл илчлэгдэж, бүгд төрлийнхөө дагуу ангилагдсан байх болно, тэгээд авралын ажлыг цаашид хийх ямар ч хэрэггүй байх болно. Учир нь авралын эрин үе өнгөрөн одсон байх болно; нэгэнт энэ нь өнгөрсөн учраас дахин эргэж ирэхгүй.

Тайлбар:

a. Анхдагч эх бичвэрт “ёс суртахуунгүй” гэдгийг орхигдуулсан.

b. Анхдагч эх бичвэрт “чи мэдэж байх учиртай” гэдгийг орхигдуулсан.

c. Анхдагч эх бичвэрт “гэж хүмүүс бодсон” гэдгийг орхигдуулсан.