Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

БУРХАНЫ АЖЛЫН АЛХМУУДЫН ТАЛААР

Гаднаасаа, одоогийн энэ үе шатан дахь Бурханы ажлын алхмууд нь аль хэдийн дууссан мэт, хүн Түүний үгийн шүүлт, гэсгээлт, цохилт болон цэвэршүүлэлтийг аль хэдийн амссан мэт, мөн үйлчлэл үзүүлэгчдийн шалгалт, гэсгээлтийн үеийн цэвэршүүлэлт, үхлийн шалгалт, товойлгогчийн шалгалт, Бурханыг хайрлах цаг үе[a] гэх мэт алхмуудыг туулсан мэт харагддаг. Хэдийгээр хүмүүс алхам болгонд асар их зовлон шаналлыг туулсан ч гэсэн тэд мөн л Бурханы хүслийг ойлгоогүй. Үйлчлэл үзүүлэгчдийн шалгалттай адилаар, хүмүүс үүнээс юу олж авсан, юу ойлгосон, үүгээр дамжуулан Бурхан ямар үр дүнд хүрэхийг хүссэн гэх мэт—эдгээр асуудлын талаар хүмүүс тодорхой мэдэхгүй хэвээр үлддэг. Бурханы ажлын хурднаас харвал одоогийн байдлын дагуу хүмүүс хөл нийлүүлэн явж огтхон ч чадахгүй мэт санагддаг. Бурхан Өөрийн ажлын эдгээр алхмыг хүнд эхлээд илчилж байгаа бөгөөд Тэрээр эдгээр алхмын алинд ч хүмүүсийн төсөөлж чадах түвшинд очих шаардлагагүй боловч асуудлыг тодорхой болгохын тулд үүнийг ашиглахаар хичээж байгаа гэдгийг эндээс харж болно. Бурхан үнэхээр олж авсан хүмүүсээ төгс болгохын тулд дээр дүрслэгдсэн алхмуудыг хэрэгжүүлэх ёстой. Энэ ажлыг хийхийн зорилго нь, бүлэг хүмүүсийг төгс болгохын тулд Бурхан ямар алхмуудыг хэрэгжүүлэх хэрэгтэй вэ гэдгийг хүмүүст харуулах явдал юм. Иймээс гадна талаас нь харвал Бурханы ажлын алхмууд дууссан боловч мөн чанартаа Тэр хүн төрөлхтнийг төгс болгох ажлаа дөнгөж албан ёсоор эхэлсэн. Энэ бол хүмүүсийн тодорхой харах учиртай зүйл—Түүний ажлын алхмууд дууссан боловч Түүний ажил дуусаагүй юм. Гэхдээ өөрсдийнхөө үзлийн улмаас хүмүүс, Бурханы ажлын алхмууд хүн төрөлхтөнд илчлэгдсэн бөгөөд Түүний ажил эргэлзээгүй төгссөн гэж итгэдэг. Аливааг ийм байдлаар харах нь тун буруу юм. Бурханы ажил хүмүүсийн үзэлтэй нийцдэггүй, энэ нь бүхэлдээ хүмүүсийн үзлийн эсрэг дайралт бөгөөд Түүний ажлын алхмууд нь ялангуяа хүмүүсийн үзэлтэй тохирдоггүй; энэ нь Бурханы мэргэн ухааныг харуулдаг. Үүнээс, хүмүүсийн үзэл бол хаа сайгүй сүйтгэсэн байдалтай байдаг бөгөөд хүмүүсийн төсөөлдөг бүхэн нь Бурханы хариу довтлохыг хүсдэг зүйлс байдаг гэдгийг харж болно. Энэ бол бодит туршлагаас гарсан мэдлэг ухаан юм. Бурхан маш хурдан ажилладаг гэж хүмүүс бүгд боддог бөгөөд тэдэнд ямар ч ойлголт байхгүй, будилж төөрөлдөж байх зуур Бурханы ажил хүмүүст мэдэгдэхгүйгээр дуусчихдаг гэж тэд боддог. Түүний ажлын алхам бүр ийм байдалтай байдаг. Ихэнх хүмүүс, Бурхан хүмүүсээр тоглож байгаа гэж итгэдэг боловч Түүний ажлын цаад санаа нь тийм биш. Түүний ажиллах арга нь эхлээд ерөнхий түвшинд ажиллаад, дараа нь нарийвчлан хийж, түүний дараа эдгээр нарийн учрыг бүрэн боловсронгуй болгодог. Энэ нь хүмүүст гэнэт тулгардаг. Хүмүүс бүгд Бурханыг хуурахыг хүсдэг бөгөөд хэрвээ тэд зүгээр л аргацааж чадвал Бурханыг сэтгэл хангалуун байлгаж чадах түвшинд очиж чадна гэж итгэдэг боловч бодит байдал дээрх хүний аргацаах оролдлогын улмаас Бурхан яаж сэтгэл хангалуун байж чадах юм бэ? Бурхан хамгийн өндөр үр дүнд хүрч, хүмүүст Өөрийн мэргэн ухааныг илүү сайн мэдүүлж, Өөрийн зөвт байдал, сүр хүч болон халдашгүй зан чанарыг илүү сайн ойлгуулахын тулд хүмүүсийг гэнэ сэнэгүй, мэдээгүй байхад нь тэдэнд нөлөөлөх арга барилаар дамжуулан ажилладаг.

Бурхан одоо албан ёсоор хүмүүсийг төгс болгож эхэлсэн. Бүрэн төгс болохыг хүсэж байгаа бол хүмүүс Бурханы үгийн илчлэл, шүүлт, гэсгээлтийг туулж, Түүний үгийн шалгалт болон цэвэршүүлэлтийг (үйлчлэл үзүүлэгчдийн шалгалт гэх мэт) амсах ёстой. Нэмж хэлэхэд, хүмүүс үхлийн шалгалтыг тэсвэрлэх чадвартай байх ёстой. Өөрөөр хэлбэл, Бурханы хүслийг үнэхээр биелүүлдэг хүн нь Бурханы шүүлт, гэсгээлт, шалгалтын дунд зүрх сэтгэлийнхээ гүнээс магтаал ундруулах чадвартай байдаг бөгөөд мөн Бурханд бүрэн дуулгавартай байж, өөрийгөө хаяж, тэгснээр чин үнэнч, нэгэн зорилготой, ариун зүрх сэтгэлээр Бурханыг хайрлах чадвартай байдаг; ийм хүн бол бүрэн төгс хүн бөгөөд энэ нь бас Бурханы хийхийг хүсэж байгаа ажил, гүйцэлдүүлэхийг хүсэж байгаа зүйл юм. Хүмүүс Бурханы ажиллах арга барилын талаар хөнгөн хуумгай дүгнэлт хийж болохгүй бөгөөд зөвхөн амийн оролтыг эрэлхийлж болно. Энэ бол суурь. Бурханы ажиллах арга барилыг байнга бүү нягтлан шалга; энэ нь зөвхөн хэтийн ирээдүйд чинь л саад болно. Чи одоогоор Түүний ажиллах арга барилыг хэр их харсан бэ? Чи хэр дуулгавартай байсан бэ? Чи ажиллах арга барил бүрээс хэр ихийг олж авсан бэ? Чи Бурханаар төгс болгуулахыг хүсэж байна уу? Чи бүрэн төгс хүн байхад бэлэн үү? Эдгээр нь та нарын тов тодорхой ойлгох ёстой зүйл. Мөн та нарын орох учиртай зүйлс юм.

Тайлбар:

а. Эх бичвэрт “цаг үе” гэдэг үг байдаггүй.

Өмнөх:ИТГЭГЧИД ЯМАР ҮЗЭЛ БОДОЛТОЙ БАЙХ УЧИРТАЙ ВЭ

Дараах:ЯЛЗАРСАН ХҮН БУРХАНЫГ ТӨЛӨӨЛЖ ЧАДАХГҮЙ

Холбогдох агуулга

  • НЭРШИЛ БОЛОН ЯЛГАМЖ ЧАНАРЫН ТАЛААР

    Хэрвээ чи Бурханаар ашиглагдахад тохирсон байхыг хүсвэл Бурханы ажлыг мэдэх ёстой; өмнө нь Түүний хийсэн (Шинэ болон Хуучин Гэрээний) ажлыг мэдэх ёст…

  • ХҮМҮҮС ЭЭ! БАЯСАГТУН!

    Миний гэрэлд хүмүүс гэрлийг дахин хардаг. Миний үгээс хүмүүс зугаацах зүйлээ олдог. Би Зүүн зүгээс ирсэн, бас тэндээс гардаг. Миний суу алдар туяара…

  • АРВАН ХОЁРДУГААР БҮЛЭГ

    Аянга зүүн зүгээс цахих үед—энэ нь бас Миний ярьж эхлэх яг тэр мөч байх бөгөөд—аянга цахих мөчид бүхий л дээд тэнгэр гэрэлтэж, бүх од хувирч эхэлдэг. …

  • ОРШИЛ

    “Бүх орчлон ертөнцөд хандсан Бурханы үг” бол Христ, Бурханы Өөрийн ялгамж чанарыг ашиглан илэрхийлсэн айлдваруудын хоёр дахь хэсэг юм. Тэдгээр нь 19…