Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

Тэнгэрийн хаанчлалд хүрэх замд хэн саад болдог вэ

Мэн’ай, Малайз

Нөхөр минь нас барсан жил би гүнээ цөхрөлд орж, дээр нь үр хүүхдүүдээ өсгөх давхар ачаатай байсан билээ. Амьдралд минь гэнэт хүндрэл бэрхшээл тулгарсан боловч Эзэний хайр надтай байнга хамт байсан бөгөөд ах эгч нарынхаа туслалцаатайгаар энэ бэрх цаг үеийг туулсан юм. Эзэний хайрыг хариулахын тулд би чуулганд хандив өргөж, үйлчилсэн хэвээр байсан бөгөөд 30 гаруй жилийн турш ингэж ирсэн билээ. Энэ хугацаанд би чуулганы өсөн дэвжлийг мэдэрч, Эзэн Есүсийн сайн мэдээ түгсэн суу алдарт үеийг харсан юм. Мөн би чуулганы хоосрол, арга ядсан байдлыг ч нүдээр үзсэн. Ариун Сүнс чуулганд агуу ажлыг хийж эхлэн, бид пасторын номлолыг сонсоод баясаж, их зүйл олж авдаг байсан үеийг би эргэн саналаа. Ах эгч нарын дунд яг л бүгд нэгэн гэр бүл мэт бие биеэ гэсэн хайр байсан бөгөөд хүн бүр сайн мэдээ түгээж, Эзэнд гэрчлэл хийхэд гар нийлүүлж байв. Дараа нь юу болсон юм бүү мэд, пасторын номлосон зүйлд ямар ч гэрэл байхаа болив. Бүх зүйл ахин дахин давтагддаг улиг болсон түүх шиг болж, итгэгчид өөрсдийгөө тэжээх юу ч олж авч чадахгүй байв. Тэдний итгэл, хайр аажмаар буурч, цуглаанд ирдэг хүн улам бүр цөөрөв. Биднээс үйлчлэлд оролцдог хүмүүс нь ердөө л ёс төдий зүйл хийж байв. Бид бүгд ердөөсөө Бурханы үйлчлэлд бус, харин үйлчлэл дэх хүмүүсийн хүслийн дагуу үйлдэж, бусад хүмүүсийн өмнө хүчин зүтгэл гарган, тэдний хүндлэл бишрэлийг олж авахаар хичээж байлаа. Энэ төрлийн үйлчлэл нь Бурханы хүсэлтэй нийцэхгүй гэдгийг би мэддэг байсан тул энэ нь надад их зовлонтой байв. Би мөн аргаа барж, урдах замдаа хэрхэн алхахаа огт мэдэхгүй байлаа. Энэ бүх асуудлыг шийдэхийн тулд Эзэнийг аль болох түргэн ирээсэй гэж би улам бүр найдаж байсан юм.

Би яг учраа олохгүй болоод байх үедээ 2016 онд Төгс Хүчит Бурханы эцсийн өдрүүд дэх ажлыг судалж, Бурханы үгийг ихээхэн уншив. Төгс Хүчит Бурханы Чуулганы ах эгч нарын нөхөрлөж, гэрчлэл хийсэн зүйлийг сонсож, Эзэн Есүс аль хэдийн бие махбодтойгоор эргэн ирсэн гэдгийг эцэст нь ойлголоо. Тэрээр аль хэдийн үг илэрхийлж, хүн төрөлхтнийг бүрэн ариусгах, аврах, хүн төрөлхтнийг тэнгэрлэг хаанчлалд аваачихын тулд эцсийн өдрүүдийн шүүлтийн ажлыг Бурханы гэрээс эхлэн хийсэн гэдгийг олж мэдэв. Төгс Хүчит Бурханы үг миний маш олон жил бодож явсан Эзэний эргэн ирэлтийн нууцыг тодорхой ойлгууллаа. Эзэний эргэн ирэлт нь нууцаар гарч ирэх болон ил тодоор эргэн ирэх гэсэн хоёр хэлбэрт хуваагддаг болохыг би ойлгов. Эзэн эхлээд үгээ илэрхийлж, хүнийг шүүж, цэвэрлэх, гамшгийн өмнө бүлэг ялагчдыг бий болгохын тулд нууцаар гарч ирэхдээ хүний Хүүгийн дүрээр бие махбодтой болсон. Агуу их гамшиг бууж ирэх үед Тэрээр сайныг шагнаж, мууг шийтгэн, бүх улс орон, хүн ардад илрэн, ил тодоор ирэх болно. Тэр үед нууцаар гарч ирсэн бие махбодтой Бурханы ажил аль хэдийн дууссан байх бөгөөд Бурханы эцсийн өдрүүд дэх ажлыг эсэргүүцэж, ялладаг бүх хүн уйлж, шүдээ хавиран гамшигтай нүүр тулна. Ах эгч нар мөн надад хүн төрөлхтнийг аврах Бурханы ажлын гурван үе шат, Бурхан бие махбодтой болохын ач холбогдол болон Бурхан эцсийн өдрүүдэд шүүлтийн ажлыг хэрхэн хийх тухай нөхөрлөлөө. Өмнө нь чуулганд үйлчилж байх үед бидэнд яагаад Бурханы удирдамж байгаагүйг, мөн яагаад судрыг уншиж, залбирч, судлах зам урд маань байгаагүйг би тэр үед ойлгов. Бид яагаад Ариун Сүнс байгааг мэдрэхгүй байсныг би ойлголоо. Бурхан аль хэдийн шинэ ажил хийж, Нигүүлслийн эрин үеийг төгсгөн, Хаанчлалын эрин үеийг авчирсан байв. Ариун Сүнс Нигүүлслийн эрин үеийн чуулганууд дотор ажиллахаа больсон учраас хүмүүсийн сүнс хатаж, харанхуйлж, баяр баясалгүй болж, сүнслэг амьдралдаа ямар ч тэжээлт олж авч чадахгүй байсан юм. Бурханы удирдамж, удирдан чиглүүлгийн ачаар л би Төгс Хүчит Бурханы үгнээс Бурханы дуу хоолойг таньж чадсан билээ. Би Бурханы эцсийн өдрүүд дэх ажлыг баяртайгаар хүлээн зөвшөөрөв. Дараа нь ах эгч нар надтай Төгс Хүчит Бурханы үгийг интернэтээр ойр ойрхон хуваалцах боллоо. Төгс Хүчит Бурханы Чуулганы хийсэн кино, найрал дуут бүжгийн бичлэгүүд болон дууны клипүүдийг үзсэн нь надад их тэжээл болж, намайг сэнтийнхээ өмнө аваачсан явдалд би Бурханд чин сэтгэлээсээ талархаж байв. Би Бурханы үгээр хариулуулж, тэжээгдэхдээ баясаж, Бурхантай нүүр нүүрээ харан амьдрах жаргалант амьдралд орсон юм.

Нэгэн өдөр чуулганы нэг пасторын эхнэр надад гэнэтхэн ингэж бичсэн зурвас илгээв, “Чи яагаад Зүүний Аянгын нийтлэл дээр таалагдлаа гэж дарсан юм бэ? Бас үүнийг таймлайн дээрээ нийтэлсэн чинь Эзэний хүслийн эсрэг байна. Мөргөлчид Зүүний Аянгын талаар нийтлэлийг харж, Төгс Хүчит Бурханы үгийг сонирхдог болбол бүгдээрээ Зүүний Аянга руу явна шүү дээ. Бид яах ёстой юм бэ? Чи дахиж Зүүний Аянгын хүмүүстэй холбоо барьж болохгүй. Тэдний холбоо барих хаягийг даруйхан устгах хэрэгтэй ...” Би ингэж хариуллаа: “Төгс Хүчит Бурханы Чуулганы сайн мэдээний кино, магтан дуу болон дууны клипүүд бүгд нэлээд сайн юм байна, би тэдгээрээс ихийг олж авсан. Интернэтээр би тэдгээрт таалагдлаа гэж дарах эрхтэй байх аа!” Пасторын эхнэрт би дахиад зурвас илгээмээр байсан боловч дараагийн зурвасаа дуусгахаас минь ч өмнө тэр Төгс Хүчит Бурхан руу дайрч давшлан, буруутгаж, Төгс Хүчит Бурханы Чуулганыг гүжирдсэн олон зүйл хэллээ. Тэрээр Эзэний эргэн ирсэн энэ агуу асуудлыг судлах ямар ч зүрх сэтгэлгүй, ердөө л өөрийнхөө тохиромжтой гэж бодсон бүх шүүмжлэл, яллалтыг хэлж байгааг би харав. Би түүнтэй өөр ямар ч зүйл яримааргүй байсан учир сэдвийг солилоо.

Энэ явдал тохиосноос хэд хоногийн дараа Ян пастор надтай ярилцахаар сураглаж ирэв. Жаахан дэл сул ярианы дараа Ян пастор надаас: “Та интернэтээр шашны бусад бүлгийг судалж үзсэн үү?” гэж асуулаа. Ян пастор надаас яагаад ийм асуулт асуусныг би мэдээгүй бөгөөд, “Фэйсбүүкийн маань найзууд олон өөр өөр урсгалд харьяалагддаг, тэдний нийтэлдэг нийтлэл нь зөв зүйтэй, сайн санагдвал тэдгээрийг нь ойлгож, шинэ гэрэл байгаа эсэхийг нь харахыг оролддог. Ингэх нь буруу гэж та хэлээд байна уу?” гэж хариулав. Ян пастор надаас дахин ингэж асуув: “Та хоёр жилийн өмнө Зүүний Аянга руу шилжсэн үү? Яагаад та Зүүний Аянгыг судлах гээд байгаа юм бэ? Бас та ойр ойрхон нөгөө хэнийг (Бурханы эцсийн өдрүүдийн ажлыг хүлээн зөвшөөрсөн бөгөөд зураг нь нийтлэгдэж, хуучин чуулганыхаа пасторт буруутгагдан, хаягдсан эгч) хайж явсан уу? ...” Ян пастороос шил дараалсан асуулт сонсоод миний дургүй хүрч, ингэж хэлэв: “Төгс Хүчит Бурханы Чуулган бол сайн газар, дотор нь үнэн ба Ариун Сүнсний ажил байдаг юм. Би хаана үнэн ба Ариун Сүнсний ажил байна, түүнийг дагана, энэ бол миний хийх ёстой зүйл. Манай чуулганд шинэ гэрэл огт алга, сүнс минь харанхуйлж, тэндээс ямар ч тэжээл олж чадахгүй байна. Би Ариун Сүнсний ажилтай чуулганыг олж, тэндээсээ үнэний тэжээлийг хүлээж авмаар байна. Зүүний Аянгын сургаал надад таалагддаг, бас Төгс Хүчит Бурханы үг бүгдээрээ үнэн. Эдгээр нь надад тэжээл олж авах боломж олгодог. Би Зүүний Аянгыг судалсандаа буруутаагүй, судлах нь миний эрх.” Ян пастор ингэж хэллээ: “Зүүний Аянгын хүмүүсийн номлодог зүйл Библиэс хальдаг. Библиэс өөр Бурханы үг гэж үгүй. Тэдний номлодог зүйл Библиэс гаждаг бол буруу гэсэн үг.” Би ингэж хэллээ: “Нэг удаа би нэг номлогч ингэж хэлэхийг сонссон, би ч өөрөө ингэж боддог байсан. Гэхдээ Төгс Хүчит Бурханы үгийг уншиж, Төгс Хүчит Бурханы Чуулганы ах эгч нарын номлосон зүйлийг сонсоод би эдгээр нь ердөө өөрсдийн маань үзэл, төсөөлөл гэдгийг мэддэг болсон. Эдгээр нь үнэнтэй огт нийцдэггүй бөгөөд бодит байдалтай таардаггүй. Бурхан бол бүхнийг хамаарагч бөгөөд мэргэн ухаанаар баян. Бурханы үг болон ажлыг бид зөвхөн Библиэр хязгаарлаж яаж болох вэ? Библид ингэж хэлдэг: “Түүнчлэн Есүсийн хийсэн өөр олон зүйлс байгаа ба хэрэв тэд тэр бүгдийг бичсэн бол тэдний бичсэн номуудыг ертөнц хүртэл өөрөө багтааж чадахгүй байх байсан гэж би боддог.” (Иохан 21: 25)

Библид тэмдэглэгдсэн Бурханы үг болон ажил хэтэрхий хязгаарлагдмал гэдгийг бид энд харж болно. Эргэн ирсэн Эзэний хэлсэн үг байтугай Эзэн Есүсийн тухайн үед хэлсэн бүхэн Библид бичигдээгүй байдаг. Үүний зэрэгцээ Төгс Хүчит Бурханы ажил нь Эзэн Есүсийн тавьсан суурин дээр босдог. Төгс Хүчит Бурханы ажил болон Эзэн Есүсийн ажил нь нэг Бурханы ажил юм...” Ян пастор миний хэлсэн ганц ч үгийг сонсоогүй бөгөөд эрж хайх, судлах ямар ч сонирхолгүй байлаа. Тэр ердөө л Төгс Хүчит Бурхан болон Төгс Хүчит Бурханы Чуулганыг эсэргүүцэж, ялласан зүйлс үргэлжлүүлэн хэлж, надаас ингэж асуулаа, “Та яаж Төгс Хүчит Бурханы Чуулганы вэб хуудасны талаар мэдэж авсан юм бэ? Танд тэдний номнууд байгаа юу? Та Төгс Хүчит Бурханы ажлыг өөр хүнд номлосон уу? Хүүхдүүддээ номлосон уу? Төгс Хүчит Бурханы Чуулган дахь хүмүүсийн нэрийг надад өгөөдөх...” Тэрээр Төгс Хүчит Бурханы Чуулганы хүмүүстэй цуглаанд дахиж хэзээ ч оролцохгүй байхыг надаас шаардлаа. Үгийг нь сонсолгүй, Төгс Хүчит Бурханы Чуулганы хүмүүстэй холбоо барьсан хэвээр байвал чуулганаас хөөх байв. Тэр намайг дахиж ямар ч чуулганд явуулалгүй, нэр төрийг минь бүрмөсөн гутаах байв. Өмнө минь байсан Ян пасторыг хараад би цочирдлоо. Үргэлж зан сайтай, даруу төлөв байж, аядуу зөөлөн үгээр ярьдаг байсан Ян пастор яаж яаж ийм зэрлэг, үндэслэлгүй хүн болж хувирав аа?” Би Ян пасторт ингэж хэлэв: “Үнэнийг судлах нь миний эрх. Үүнд саад хийх эрх хэнд ч байхгүй. Зүүний Аянгын сургаал нь үнэн зам мөн эсэх тухайд бол юун түрүүнд та сохроор шүүмжилж, яллахгүй байх ёстой. Төгс Хүчит Бурханы Чуулган веб хуудсыг та өөрөө судалж болно, тэнд их зүйл бий. Бурханы үгийн тухай бүх төрлийн ном байгаа. Төгс Хүчит Бурханы үг нь эргэн ирсэн Эзэн Есүсийн дуу хоолой мөн эсэхийг өөрөө очоод хар...” Ян пастор миний хэлсэн зүйлийг огт сонсолгүй, ердөө л үргэлжлүүлэн эсэргүүцэж, ялласаар байв. Намайг сүрдүүлж, Төгс Хүчит Бурханы Чуулганыг орхих ёстой гэлээ. Ян пастор ярих тусмаа хэрээс хэтэрч байв. Би ихэд дургүй хүрч, түүнд ингэж хэллээ: Эзэн Есүс : “Өөрсдөө шүүгдэхгүйн тулд бүү шүү” (Матай 7:1). “Та нар өөрсдийн шүүсэн шүүлтээр шүүгдэх болно: өөрсдийнхөө хэмжсэн хэмжүүрээр хэмжигдэнэ” (Матай 7:2). гэж хэлсэн байдаг. Та Төгс Хүчит Бурханы үг, ажлыг хэзээ ч судлаагүй юм бол хүссэн шүүмжлэл, яллалтаа хэлж яаж болдох юм бэ? Ингэж авирладаг чинь Бурханыг хүндэлж байгаа хэрэг үү?” Ян пастор намайг үгийг нь сонсолгүй, няцаасныг хараад өөр зүйл хэлсэнгүй.

Дараагийн хэд хоногт Ян пастор намайг хараандаа авлаа. Үүнээс болж би ихэд санаа зовон, итгэх эрх чөлөөгөө ч бас алдлаа. Чуулганд Ян пасторын ажлын өрөөг минийхээс заагладаг ганцхан коридор байв. Пастор миний юу хийж байгааг харахаар байн байн өрөөнд минь орж ирж, заримдаа бие засах өрөө явж байна гэж хэлээд, коридороос намайг ажигладаг байв. Нэг өдөр Төгс Хүчит Бурханы Чуулганы хоёр эгч надтай ярилцахаар өрөөнд минь ирэв. Эгч нарыг явсны дараа Ян пастор туслахыг минь олохоор явлаа. Тэр хоёр хүн хэн байсан, яагаад ирсэн бэ гэдгийг Ян пастор асуусан гэж туслах маань дараа нь надад хэлсэн юм ... Ян пастор гэмт хэрэгтнийг хараандаа байлгаж байгаа мэт өдөржин намайг ажигладаг байв. Ингэдэг нь надад их дарамт болж, зүрх сэтгэлд минь ямар ч чөлөө өгсөнгүй. Нэг өдөр би чуулган руу явалгүй зарим ах эгчтэй интернэтээр цуглаанд оролцож байв. Намайг зочны өрөөндөө цуглааны тэмдэглэлийг хичээнгүйлэн бичиж авч байх үед Ян пастор гэнэт миний ард зогсоод (хаалга ялимгүй онгорхой байсан бөгөөд ирсэн хэн боловч өрөөнд орж ирэх боломжтой байсан юм): “Та юу хийж байгаа юм бэ? Юу бичиж байгаа юм бэ?” гэлээ. Гэнэт араас хүн дуугарахаар би айсандаа цочив. Түүний ийм маягаар намайг үймүүлсэн нь эвгүй санагдсан бөгөөд юу ч хийлээ гэсэн би эргэн тайвширч чадсангүй. Түүнд би асар их зэвүүцэж: “Бурханд итгэн үнэн замыг судална гэдэг зөв зүйтэй бөгөөд Христэд итгэгчийн эдлэх ёстой эрх.” гэж бодлоо. Ариун Сүнс манай чуулган дотор ажиллахаа больсон бөгөөд мөргөлчид бүгд сөрөг, сул дорой болж, сүнс нь хатсан байлаа. Тэд харанхуйд живсэн нөхцөлд амьдарч байсан бөгөөд би Ариун Сүнсний ажиллаж байгаа чуулганыг хайж байсан юм. Бурханы мөрийг хайх нь яахаараа буруу гэж? Яагаад тэр намайг цагдах гэсэн юм бэ? Яагаад тэр намайг зүгээр байлгахгүй байна вэ?

Пастор намайг ажиглаж, үймүүлээд зогсохгүй нэг ахлагч намайг дуудаж зовоов. Тэрээр надад ингэж хэлсэн юм: “Төгс Хүчит Бурханы Чуулганы хүмүүсийн номлодог зүйл нь Библиэс хэтэрдэг. Хэрэв чи Эзэнд итгэдэг юм бол чамд ийм их сайхан сэтгэл гаргасан Эзнээс урваж болохгүй. Чи мөс чанаргүй байж болохгүй...” Би бухимдсандаа ингэж хэлэв: “Төгс Хүчит Бурхан болон Эзэн Есүс бол адилхан нэг Бурхан. би Төгс Хүчит Бурханд итгэснээрээ Эзэн Есүсээс яавч урваагүй. Би ердөө л Хурганы хөлийн мөртэй хөл нийлүүлж байгаа төдий...” Гэвч намайг яаж ч тайлбарлалаа гэсэн ахлагч яг пастортой адил байлаа. Тэрээр буруутгал, доромжлол хэлж, Төгс Хүчит Бурханы эцсийн өдрүүд дэх ажлыг хүлээн зөвшөөрөхөд минь саад хийхээс өөрөөр бол миний нөхөрлөж, зөвлөсөн зүйлээс ганц ч үг сонссонгүй. Би түүнтэй цааш ярилцахыг хүсээгүй учраас нэг шалтаг хэлээд утсаа таслав. Гэвч ахлагч намайг зүгээр орхисонгүй. Тэрээр намайг зовоох гэж байнга залгасаар байсан бөгөөд намайг Төгс Хүчит Бурханд итгэснээрээ Эзэний нигүүлслийг мартаж, Түүнээс урвасан гэж хэллээ. Би Илчлэлд: “Тэд бол эмсээр бузарлагдаагүй хүмүүс юм; учир нь тэд ариун билээ. Тэд бол Хургыг хаашаа ч явсан дагадаг хүмүүс юм. Тэднийг Бурхан болон Хурганы анхны үр жимс болгон хүмүүсийн дундаас золин аварчээ” (Илчлэл 14:4). гэж хэлсэн байдгийг санав. Эзэн Есүсийн золин авралын ажлын суурин дээр Төгс Хүчит Бурхан хүмүүсийг үгээр дамжуулан шүүж, ариусгах ажлын өөр нэгэн үе шатыг хэрэгжүүлж буй бөгөөд миний Төгс Хүчит Бурханы эцсийн өдрүүд дэх ажлыг хүлээн зөвшөөрсөн явдал нь Хурганы хөлийн мөртэй хөл нийлүүлэн явж байгааг минь тодорхой харуулсан юм. Намайг Эзэн Есүсээс урвалаа гэж хүмүүс яаж хэлж чадаж байна аа? Эхэндээ Эзэн Есүсийг ажил хийх гэж ирэхэд Ехова Бурханд итгэдэг байсан хүмүүс хуулиас гарч ирж, Эзэн Есүсийн номлосон тэнгэрийн хаанчлалын сайн мэдээг хүлээн зөвшөөрсөн юм. Тэд Эзэн Есүсийг дагасан боловч Ехова Бурханы авралыг мартсан гэж үү? Энэ нь Ехова Бурханаас урвасан хэрэг гэж үү? Энэ буруу ойлголт биш гэж үү? Ийм явдал болсны дараа пастор дахин надад интернэтээр Төгс Хүчит Бурханыг доромжилж, эсэргүүцэж, буруутгасан зарим нэг зурвас илгээв. Ийм муухай үг уншаад би дахин ой гутаж, уур хилэнд автав. Сатан л ийм доромжлол хэлэх чадвартай байдаг. Чуулганы удирдагчдын хувиар тэд яахаараа Бурханаас огт бүх төрлийн доромжлол хэлж зүрхэлдэг билээ? Энэ нь надад Эзэн Есүсийн: “Ариун Сүнсний эсрэг ярьсан бүхэн энэ үед ч, мөн ирэх үед ч уучлагдах боломжгүй” (Матай 12: 31-32). гэх үгийг санагдуулав. Бурханыг доромжилно гэдэг бол томоохон, аймшигт нүгэл! Тэдний өмнөөс сэтгэлд минь айдас хурсан боловч намайг юу гэж ч хэллээ гэсэн тэд чихээ бөглөөд, юу ч сонсохоос татгалзсаар байв. Тэд зүгээр л буруутгаж, эсэргүүцэж, доромжилсоор байлаа. Би огт ойлгож чадахгүй байсан юм: Ахлагч, пастор хоёр хоёулаа Библийн мэдлэгтэй, бас теологи судалсан байж Төгс Хүчит Бурхан үгээ тэгтэл нь тодорхой хэлээд байхад яагаад Түүний үгийг эрж хайж, судлахгүй байна вэ? Яагаад тэд заавал Төгс Хүчит Бурханыг яллаж, эсэргүүцнэ гэж гөжүүдэлсээр байв?

Энэ асуултыг бодон Төгс Хүчит Бурханы Чуулганы ах эгч нартай уулзахаар явлаа. Линь эгч надад ингэж нөхөрлөв: “Ахлагч, пастор хоёр яагаад Төгс Хүчит Бурханы эцсийн өдрүүд дэх ажлыг эрж хайж, судлалгүй, харин Түүнийг улайран буруутгаж, эсэргүүцсэн тухайд бол Төгс Хүчит Бурхан аль хэдийн энэ асуудлын мөн чанар, гарал үүслийг тодорхой болгосон. Төгс Хүчит Бурхан ингэж хэлдэг: “Фарисайчууд яагаад Есүсийг эсэргүүцсэнийг та нар мэдэхийг хүсэж байна уу? Фарисайчуудын мөн чанарыг та нар мэдэхийг хүсэж байна уу? Тэд Мессиагийн талаарх уран зөгнөлөөр дүүрэн байдаг. Түүнээс гадна тэд Мессиаг л ирнэ гэдэгт итгэсэн ч амь үнэнийг эрж хайгаагүй. Тиймээс өнөөдөр ч гэсэн тэд Мессиаг ирэхийг хүлээж байдаг, учир нь тэдэнд амийн замын талаар ямар ч мэдлэг байдаггүй, мөн үнэний замыг мэддэггүй. Ийм тэнэг, зөрүүд хүмүүс Бурханы ерөөлийг хэрхэн олж авах вэ? Тэд Мессиаг хэрхэн олж харах вэ? Тэд Ариун Сүнсний ажлын чиглэлийг ойлгоогүй, Есүсийн хэлсэн үнэний замыг мэдээгүй цаашлаад Мессиаг ойлгоогүй учраас л Есүсийг эсэргүүцсэн. Тэд Мессиаг хэзээ ч харж байгаагүй, Мессиатай хэзээ ч хамт байгаагүй болохоор ямар нэгэн байдлаар Мессиагийн мөн чанарыг эсэргүүцэх зуураа Мессиагийн нэрэнд хоосон хүндэтгэл үзүүлэх алдаа гаргасан. Эдгээр фарисайчууд мөн чанарын хувьд зөрүүд, биеэ тоосон ба үнэнийг дагаагүй. Тэдний Бурханд итгэх зарчим нь энэ: Таны номлол хэр гүнзгий, Таны эрх мэдэл хэр өндөр байсан ч Мессиа гэж нэрлэгдээгүй л бол Та Христ биш. Эдгээр үзэл бодол нь утга учиргүй, хөгийн биш гэж үү?” (Үг нь махбодоор илэрсэн номын “Чи Есүсийн сүнслэг биеийг олж харах үед Бурхан тэнгэр, газрыг шинээр бүтээсэн байх болно”-оос) “Бүхий л шашны урсгал болон бүлэглэлийн удирдагчдыг хар. Тэд бүгд их зантай агаад өөрсдийгөө зөвтгөдөг, тэд өөрсдийнхөө төсөөллийн дагуу, хам сэдвээс тусад нь Библийг тайлбарладаг. Ажлаа хийхийн тулд тэд нар бүгдээрээ авьяас чадвар, эрдэм мэдлэгт найддаг. Хэрвээ тэд ямар нэгэн зүйлийг номлох чадваргүй байсан бол тэр хүмүүс тэднийг дагах уу? Эцсийн эцэст тэд зарим нэг эрдмийг эзэмшдэг бөгөөд бага зэрэг сургаал хэлж чаддаг эсвэл бусдыг хэрхэн ятгаж, зарим нэг арга чаргыг хэрхэн ашиглахаа мэддэг, тэдгээрээр дамжуулан тэд хүмүүсийг өөрсдийнхөө өмнө аваачиж, тэднийг хуурсан. Энэ хүмүүс Бурханд нэр төдий итгэдэг—гэхдээ бодит байдал дээр тэд удирдагчдаа дагадаг. Хэрвээ үнэн замыг номлодог хүмүүстэй уулзвал тэдний зарим нь “Бид Бурханд итгэх итгэлийнхээ талаар түүнтэй зөвшилцөх хэрэгтэй” гэж хэлэх болно. Бурханд итгэхийн тулд тэдэнд хэн нэгний зөвшөөрөл шаардагддаг; энэ нь асуудал биш гэж үү? Тэгвэл тэр удирдагчид юу болох вэ? Хүмүүс үнэн замыг хүлээн зөвшөөрөхөд, тэд Фарисайчууд, хуурамч хоньчид, антихристүүд, мөн саад тээг болсон биш гэж үү?” (Христийн ярианы тэмдэглэл номын “Үнэний эрэл хайгуул л Бурханд итгэх жинхэнэ итгэл юм”-аас) Эзэн Есүс анх ажлаа хийх гэж ирэхдээ Иудейн удирдагчид буюу ахлах тахилчид, хуулийн багш нар болон Фарисайчуудын улайрсан буруутгал, эсэргүүцэлд автсан билээ. Эцэстээ тэд Эзэн Есүсийг цовдолсон. Фарисайчуудын өвөг дээдэс Бурханд итгэдэг, хуулийн мэргэжилтнүүд байсан. Тэгвэл яагаад тэд Эзэн Есүсийг эсэргүүцэж, буруутган, загалмайд цовдлох билээ? Тэдний гөжүүд, биеэ тоосон, үнэнд захирагддаггүй сатанлаг уг чанараас энэ нь үүдэлтэй гэдгийг Бурханы үгнээс бид харж болно. Эзэн Есүс маш их үнэнийг илэрхийлсэн бөгөөд тэд үүнийг эрж хайж, судлахын оронд өөрсдийн үзэл бодлоо дагасан юм. Тэдний өөрсдийнхөө үзэл, төсөөлөлд л түшиглэн Бурханд итгэж, хэсгийг нь хам сэдвээс салгах замаар Библийг тайлбарладаг байсан. Тэд Ариун Сүнсний ажлыг мэддэггүй, үнэнийг ойлгодоггүй, мөн Бурханы дуу хоолойг ч ойлгодоггүй байсан. Энэ нь Библийн “Та нар сонсдог ч ойлгодоггүй; хардаг ч ухамсарладаггүй: Учир нь энэ ардуудын зүрх сэтгэл хатуурч, чих нь дүлийрэн хатуурч, нүд нь хаагджээ; тэд нүдээрээ харж, чихээрээ сонсож, зүрх сэтгэлээрээ ойлгож, эргэж буцсан цагт Би тэднийг эдгээх болно” (Матай 13:14-15). гэх үгийг үнэхээр биелэхэд хүргэсэн юм. Эцсийн өдрүүд дэх шашны хүрээллийн пастор, ахлагчид нь Библийн мэдлэг, теологийн онол судлалд л ач холбогдол өгдөг учраас тухайн үеийн Фарисайчуудтай адил юм. Тэд Эзэний үгийг тайлбарлаж, Эзэний эргэн ирэх арга замыг хязгаарлахдаа өөрсдийн бодол, төсөөлөлд түшиглэдэг. Тэд өөрсдийн үзэл, төсөөлөлтэй гөжүүдээр зууралдаж, үнэнийг огт эрж хайдаггүй. Тэд Бурханы эцсийн өдрүүд дэх ажлыг судалдаггүйгээр зогсохгүй Түүнийг сохроор эсэргүүцэн буруутгаж, өөрсдийн зөрүүд, биеэ тоосон, үнэнд дайсагнасан сатанлаг зан чанараа ил болгодог. Тэд теологи судалж, өөрсдийгөө Библийн мэдлэгээр зэвсэглэдэг боловч энэ нь тэд үнэнд хайртай, үнэнийг хүлээн зөвшөөрч, дуулгавартай дагах чадвартай гэсэн үг биш. Тэд Библийн мэдлэг болон теологийн онолыг тайлбарладаг бөгөөд өөрсдийн алдар хүнд, нэр төрийг л нэмэгдүүлэхээр зорьдог. Тэд өөрсдийн байр суурийг хамгаалж, итгэгчдээр хүндлүүлж, хайрлуулж, дагуулахын тулд ингэдэг. Төгс Хүчит Бурханы илэрхийлдэг үг нь үнэн, мөн хүмүүсийг байлдан дагуулж, аврах чадвартай бөгөөд үнэнийг хайрлаж, Бурханы илрэлтийг хүсэн хүлээдэг олон хүн Төгс Хүчит Бурханы үгийг уншиж, Төгс Хүчит Бурхан руу эргэсэн гэдгийг тэд мэддэг. Тэд Төгс Хүчит Бурханы ажлыг өөрсдийнх нь байр суурь, амь амьжиргаанд аюул занал хэмээн боддог учраас улайран тэмцэж, Төгс Хүчит Бурханыг буруутгаж, эсэргүүцэхийн тулд чадах бүхнээ хийдэг. Бурханыг эсэргүүцдэг ахлагчид болон номлогчид бол өнөө үеийн Фарисайчууд бөгөөд итгэгчид үнэнийг хүлээн зөвшөөрч, тэнгэрлэг хаанчлалд өргөгдөхийг хориглодог саад гэдгийг тэдний ёрын муу үйл хэргээс харж болно. Тэд бол Бурханыг эсэргүүцэж, дайснаа болгодог антихристүүд бөгөөд Бурханы эцсийн өдрүүд дэх ажлаар илчлэгдсэн билээ.”

Би Төгс Хүчит Бурханы үг болон эгч нарын нөхөрлөсөн зүйлийг сонсоод, пастор болон ахлагчийн хэлж хийсэн зүйлтэй харьцууллаа. Төгс Хүчит Бурханы үгийг маш бодитой байдлаар хэлсэн бөгөөд пастор, ахлагч хоёр Библийг ахин дахин уншиж, тайлбарлаж болох ч, энэ нь Бурханыг талаарх мэдлэгтэй хүмүүс гэсэн үг биш гэдгийг би ойлгосон юм. Тэд бусдад шүтэн мөргүүлж, бусдыг дагуулахын тулд ажиллахдаа байгалиас заяасан авьяас мэдлэгтээ түшиглэдэг. Гаднаа тэд Бурханд үйлчилж буй мэт байдаг ч үнэн хэрэгтээ өөрсдийн үзэл төсөөлөл, байр суурь, амь амьжиргаандаа түшиглэж байгаа юм. Пастор, ахлагч хоёр намайг удаа дараа зовоож, саад болсон нь тэдний хэн болохыг надад харуулж чадсан. Тэд бол Бурханд итгэдэг атлаа үнэнийг эрж хайдаггүй, Бурханд үйлчилдэг атлаа Бурханыг эсэргүүцдэг антихристүүд билээ. Пастор, ахлагч хоёр өнөөдрийг хүртэл намайг зовоохоо болиогүй ч, үнэнд дайсагнаж, Бурханыг эсэргүүцдэг тэдний жинхэнэ антихрист уг чанарыг аль хэдийн тод томруун харсан. Би цаашид өөрийгөө тэднээр зовоолгож, хянуулахгүй. Төгс Хүчит Бурханы эцсийн өдрүүд дэх ажил нь үнэн гэдгийг би бүрэн гүйцэд тогтоосон. Би Төгс Хүчит Бурханыг эцсээ хүртэл дагаж, хэзээ ч өөрчлөгдөхгүй байхыг хүсэж байна! Амен!

Өмнөх:“Тагтаа” шуудан

Дараах:Би Эзэнийг ингэж угтсан

Танд таалагдаж магадгүй