Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХЭВИЙН БАЙДАЛД ХЭРХЭН ОРОХ ТУХАЙ

Бурханы үгийг хүмүүс хэдий чинээ их хүлээж авна, төдий чинээ их гэгээрдэг бөгөөд Бурханы тухай мэдлэгийг эрэлхийлэхдээ төдий чинээ өлсөж, цангадаг. Бурханы үгийг хүлээн авдаг хүмүүс л илүү гүн гүнзгий, баялаг туршлагатай болж чаддаг; тэд бол амь нь улам бүр хөгжин цэцэглэдэг хүмүүс юм. Амийг эрэлхийлдэг хэн бүхэн үүнийг өөрсдийн бүтэн цагийн ажил мэт үзэх ёстой бөгөөд Бурхангүйгээр амьдарч чадахгүй, Бурхангүй бол ямар ч амжилт олохгүй, Бурхангүйгээр бүгд хоосон гэх мэдрэмж тэдэнд байх учиртай. Мөн Ариун Сүнс хамт байхгүй бол юу ч хийхгүй, Бурханы үгийг унших нь үр дүнгээ өгөхгүй бол юу ч хийхийг хүсэхгүй гэсэн шийдвэртэй байх ёстой. Тэд өөрсдийгөө өөгшүүлэхийн тулд үйлдэх ёсгүй. Бурханы гэгээрэл, удирдамжаар дамжуулан амийн туршлага ирдэг бөгөөд тэдгээр нь бас та нарын бодит хичээл чармайлтын үр дүн юм. Та нар амийн туршлагадаа шалтаг тоочихгүй байх шаардлагыг өөртөө тавих хэрэгтэй.

Заримдаа нөхцөл байдал чинь хэвийн бус болж, чи Бурханыг дэргэдээсээ алдаж, залбирах үедээ ч Түүнийг мэдэрдэггүй; тийм үед айж эмээх нь хэвийн байдал юм. Чи даруйхан эрж хайх ёстой, эс тэгвэл Бурхан чамаас улам холдож, нэг, хоёр өдөр, бүр цаашлаад нэг, хоёр сар Ариун Сүнс чамтай хамт байхгүй бөгөөд үүнээс гадна чамд Түүний ажил байхгүй байх болно. Ийм нөхцөл байдалтай тулгарах үедээ чи тодорхой хэмжээнд хөшүүн болж, дахин нэгэнтээ Сатанд олзлогддог бөгөөд мөнгөнд шунах, ах эгч нараа хууран мэхлэх, кино, видео үзэх, маажан тоглох, бүр ямар ч сахилгажуулалтад захирагдахгүйгээр тамхи татаж, архи уух гэх мэт юуг ч хийх чадвартай болно. Зүрх сэтгэл чинь Бурханаас холдож, чи бие даахаар нууцхан хичээж, Бурханы ажлыг дураараа шүүмжилж эхлэдэг. Зарим тохиолдолд энэ нь маш ноцтой байдаг бөгөөд хүмүүс ичиж, зовох мэдрэмжгүйгээр эсрэг хүйсийн хүнтэй нүгэл үйлддэг. Ийм хүмүүсийг Ариун Сүнс хаядаг бөгөөд үнэндээ тэд удаан хугацаанд Ариун Сүнсний ажилгүй байсан байдаг. Тэд улам бүр завхарч, өөрсдийн ёрын муу гарыг улам хол сунгасаар эцэст нь энэ замын оршин тогтнолыг үгүйсгэдэг—тэд нүглээсээ болоод Сатаны хоригдол болдгийг тэднээс харж болно. Ариун Сүнс чамтай хамт байгаа хэдий ч Түүний ажил байхгүй байгааг олж илрүүлбэл чи аль хэдийн тун аюултай байдалд байна. Ариун Сүнсний байгааг мэдэрч чадахгүй байх үедээ чи үхлийн ирмэг дээр байдаг. Хэрвээ чи гэмшиж чадахгүй л байвал Сатан руу бүрмөсөн буцаж очих бөгөөд таягдан хаягдах хүмүүсийн нэг болно. Иймээс ердөө Ариун Сүнс хажууд чинь байгаа (нүгэл үйлдэхгүй, садар самуунд автахгүй, эсвэл Бурханыг илт эсэргүүцэхгүй байх) боловч чамд Ариун Сүнсний ажил дутагдаж байна (залбирах үедээ сэтгэл чинь хөдлөхгүй, Бурханы үгийг идэж уух үедээ ямар ч тодорхой гэгээрэл, гэрэлтүүлэлтийг олж авахгүй, Бурханы үгийг идэж уухаас залхуурч, амийн өсөлт үргэлж дутагдаж, удаан хугацаанд ямар ч онцгой гэрэлтүүлэлтгүй байх) гэдгийг ухаарах үедээ илүү их анхаарал болгоомжтой байх ёстой. Чи цаашид өөрийгөө өөгшүүлж, эсвэл дур зоргоороо байж болохгүй. Ариун Сүнсний оролцоо хэдийд ч алга болж болох учир эдгээр нөхцөл байдал нь хамгийн түгшүүртэй цаг үе юм. Хэрвээ чи ийм байдалд орвол байдлыг аль болох хурдхан засаж залруулах ёстой. Эхлээд чи Бурханд гэмшиж залбиран, Бурханы өршөөлийг гуйж, үнэн сэтгэлээсээ залбирах ёстой; үүнээс гадна чи зүрх сэтгэлээ тайван байлгаж Бурханы үгийг илүү их ууж идэх ёстой бөгөөд энэ суурин дээрээ илүү их залбирах ёстой. Магтан дуу дуулах, залбирах, Бурханы үгийг идэж уух болон үүргээ биелүүлэхдээ хичээл чармайлтаа илүү их бэхжүүл. Чамайг хамгийн сул дорой байх үед зүрх сэтгэл чинь Сатанд хамгийн амархан эзлэгддэг; хэрвээ тийм бол чиний зүрх сэтгэл Бурханаас булаагдаж, Сатан руу буцан очих болно; дараа нь Ариун Сүнс чамтай хамт байхаа болих бөгөөд Ариун Сүнсний ажлыг буцаан олж авах нь тун хэцүү байх болно. Ариун Сүнс чамтай хамт байгаа үед ажлыг нь эрж хайж, мөн чамайг улам гэгээрүүлж, орхин одохгүй байхыг Бурханаас гуйсан нь дээр. Чи залбирч, магтан дуу дуулж, үүргээ биелүүлж, Бурханы үгийг идэж уух ёстой, ингэснээр Сатан ажлаа хийх боломжгүй болдог. Ингэвэл чи Ариун Сүнсний ажлыг олж авна. Хэрвээ чи ийм байдлаар олж авахгүй, харин зүгээр л хүлээх юм бол Ариун Сүнс хамт байхаа болих үед Ариун Сүнс чамайг хөдөлгөж, гэрэлтүүлж, гэгээрүүлэхгүй л бол үүнийг буцаан олж авахад хэцүү байх болно; харин ч чиний энэ байдал ганц, хоёр өдөр, эсвэл бүр хагас жилийн дотор ч хэвийн байдалдаа эргэн орохгүй. Энэ нь хүмүүс алгуурлаж, туршлагаа зохих ёсоор үргэлжлүүлж чаддаггүйгээс болдог; тиймээс тэднийг Ариун Сүнс орхидог. Хэвийн байдалдаа эргэн орсон ч гэсэн, чи доош хүчтэй унасан мэт амийн туршлагаараа маш их хоцорсон байдаг учраас Бурханы одоогийн ажлын талаар тун тодорхой мэдэхгүй байна. Энэ нь аминд хүрэх аюултай зүйл биш гэж үү? Гэхдээ Би ийм хүмүүст ингэж хэлдэг: Одоо гэмшихэд тийм ч их оройтоогүй байна, харин ганцхан болзол бий, чи залхууралгүй, шаргуу хөдөлмөрлөх ёстой. Хэрвээ бусад хүн өдөрт таван удаа залбирч байвал чи арван удаа залбирах ёстой; хэрвээ бусад хүн өдөрт хоёр цаг Бурханы үгийг идэж ууж байвал чи дөрвөөс зургаан цагийг зарцуулах ёстой; хэрвээ хүмүүс магтан дууг хоёр цаг сонсож байвал чи дор хаяж хагас өдрийг зарцуулах ёстой. Бурханы өмнө өөрийгөө үргэлж тайван байлгаж, Бурханы хайрын тухай бод; сэтгэл чинь хөдөлж, зүрх сэтгэл чинь Түүн рүү эргэж, Түүнээс холдож зүрхлэхээ болих үед л үр дүн гарна. Эдгээр хэрэгжүүлэлтээр л дамжуулан чи урьд нь байсан хэвийн байдалдаа эргэн орж чадна.

Зарим хүн урам зоригтойгоор эрж хайдаг боловч зөв замд орж чаддаггүй. Учир нь тэд хэтэрхий хайхрамжгүй ба сүнслэг зүйлсэд огтхон ч анхаарал хандуулдаггүй. Тэд Бурханы үгийг хэрхэн туулахыг огтхон ч мэддэггүй, мөн Ариун Сүнсний оролцоо, Ариун Сүнсний ажил юу болохыг мэддэггүй. Ийм хүмүүс урам зоригтой байдаг ч төөрч будилдаг; тэд амийг эрэлхийлж байгаа биш. Учир нь тэд Сүнсийг өчүүхэн төдий ч мэддэггүй, эсвэл Ариун Сүнсний ажлын хөдөлгөөнийг мэддэггүй бөгөөд өөрсдийн сүнслэг байдлыг сайн мэддэггүй. Энэ нь төөрч будилсан итгэл биш гэж үү? Ийм хүмүүс эцэст нь хүртэл эрж хайсан ч гэсэн юу ч олж авахгүй. Хүний Бурханд итгэх итгэлийн болон амийн өсөлттэй байхын гол цөм нь, туршлагаар чинь дамжуулан Бурхан ямар ажил гүйцэтгэдгийг ойлгож, Бурхан хэр хайр татам болохыг харж, Түүний хүслийг ойлгоход оршдог, ингэснээр чи Бурханы бүх зохицуулалтад захирагдаж, Түүний үгийг амиа болгохын тулд өөртөө шингээж, Бурханыг сэтгэл хангалуун байлгаж чадна. Хэрвээ чи зөвхөн будилуу төрлийн итгэлтэй, сүнслэг хэрэг явдалд юм уу амь зан чанарын өөрчлөлттэй холбоотой хэрэг явдалд анхаарал хандуулдаггүй, үнэний төлөө хичээл чармайлт гаргадаггүй бол Түүний хүслийг ухаарч чадна гэж үү? Хэрвээ чи Бурханы шаардлагыг ойлгодоггүй бол туршлагатай байж чадахгүй бөгөөд хэрэгжүүлэх замыг олохгүй. Бурханы үгийг туулахын гол нь Бурханы үгийн чамд үзүүлэх үр дүнг онцолж, түүгээр дамжуулан Бурханыг мэдэх явдал юм. Хэрвээ чи Бурханы үгийг зөвхөн уншдаг боловч хэрхэн туулахаа мэддэггүй бол чамд сүнслэг ойлголт байхгүй байгааг энэ нь харуулдаг бус уу? Ихэнх хүмүүс одоо Бурханы үгийг туулж чаддаггүй болохоор Түүний ажлыг мэддэггүй; энэ нь хэрэгжүүлэлт дэх дутагдал биш гэж үү? Хэрвээ энэ хэвээрээ үргэлжилбэл хэзээ амийн баялаг туршлага болон өсөлтөд хүрэх юм бэ? Энэ нь хоосон яриа болохгүй гэж үү? Та нарын дунд хоосон сургаалд анхаарал хандуулдаг олон хүн байгаа; та нар сүнслэг зүйлсийн талаар ямар ч ойлголтгүй байдаг боловч Бурхан та нарыг ямар нэгэн агуу зүйлийн төлөө ашиглаж, ерөөгөөсэй гэж л хүсдэг. Энэ нь огтхон ч бодитой биш! Тиймээс та нар энэ дутагдлаа залруулах ёстой, ингэснээр та нар сүнслэг амьдралын зөв замд орж, жинхэнэ туршлагатай болж, Бурханы үгийн бодит байдалд үнэхээр орж болох юм.

Өмнөх:ХОРОН МУУ ХҮМҮҮС ГАРЦААГҮЙ ШИЙТГҮҮЛНЭ

Дараах:ХЭРХЭН БУРХАНЫ ХҮСЭЛД НИЙЦҮҮЛЭН ҮЙЛЧЛЭХ ВЭ

Холбогдох агуулга

  • АЖИЛ БА ОРОЛТ (6)

    Ажил болон оролт нь угаас бодитой гэдэг нь Бурханы ажил болон хүний оролтыг хэлдэг. Бурханы жинхэнэ царай болон Бурханы ажлыг хүн огт ойлгодоггүй уч…

  • ДӨЧИН НЭГДҮГЭЭР БҮЛЭГ

    Би нэгэнтээ хүмүүсийн дунд агуу ажил үйлс эрхэлсэн боловч тэд олж мэдээгүй, иймээс Би үүнийг тэдэнд илчлэхийн тулд Өөрийн үгийг ашиглах хэрэгтэй болс…

  • ХААНЧЛАЛЫН ЭРИН ҮЕ БОЛ ҮГНИЙ ЭРИН ҮЕ ЮМ

    Хаанчлалын эрин үед Бурхан үг ашиглан шинэ эрин үеийг эхлүүлж, Өөрийн ажлын арга барилыг өөрчилж, бүхий л эрин үеийн ажлыг хийдэг. Энэ нь Үгийн эрин …

  • БУРХАНЫ АЖИЛ ХҮНИЙ ТӨСӨӨЛДӨГ ШИГ МАШ ЭНГИЙН ҮҮ?

    Бурханд итгэдэг хүн болохын хувьд өнөөдөр эцсийн өдрүүд дэх Бурханы ажлыг болон Бурханы чамд төлөвлөсөн бүх ажлыг хүлээн авснаараа Бурханаас үнэхээр …