83-Р БҮЛЭГ

Намайг төгс хүчит Бурхан гэдгийг чи мэддэггүй; бүх хэрэг явдал, эд зүйл Миний хяналтад байдгийг мэддэггүй! Бүх зүйлийг Би бүтээж, бүрэн төгс болгодог гэдэг ямар учиртай вэ? Хүн бүрийн ерөөл, золгүйтэл бүгд Миний биелэлт, Миний үйлдлээс шалтгаалдаг. Хүн юу хийж чаддаг билээ? Хүн бодлоо гээд юу биелүүлж чаддаг билээ? Эх захаа алдсан энэхүү эцсийн эрин үед, тодорхой хэмжээнд Сатаны завхруулсан энэ харанхуй ертөнцөд Миний хүсэлд нийцэж чадах нь яасан цөөхөн бэ? Өнөөдөр ч бай, өчигдөр ч бай, эсвэл ойрын ирээдүйд ч бай хүн бүрийн амьдралыг Би тодорхойлдог. Тэд ерөөл хүлээн авах уу, эсвэл золгүйтэл амсах уу, Надаар хайрлуулах уу, эсвэл үзэн ядуулах уу гэдэг Миний ганц цохилтоор л яг шийдэгдсэн. Та нараас хэн чинь алхаагаа өөрсдөө шийддэг гэж, бас хувь заяа чинь өөрсдийн чинь гарт байдаг гэж баталж зүрхлэх вэ? Хэн тэгж хэлж зүрхлэх вэ? Хэн тийм эрээ цээргүй байж зүрхлэх вэ? Хэн надаас айдаггүй вэ? Хэн сэтгэлийнхээ гүнд Надад дуулгаваргүй байдаг вэ? Хэн дураараа аашилж зүрхлэх вэ? Би тэднийг газар дээр нь гэсгээж, хүн төрөлхтөнд өршөөл үзүүлж, аврахаа гарцаагүй болино. Та нар Миний нэрийг дөнгөж хүлээн зөвшөөрсөн энэ удаад Би хүн төрөлхтөнд сүүлчийн удаа өршөөл үзүүлнэ. Өөрөөр хэлбэл Би, ерөөл нь мөнх биш ч гэсэн Миний нигүүлслээс ихээхэн эдэлсэн нэг хэсгийг хүн төрөлхтнөөс сонгосон; тиймээс чамайг мөнхөд ерөөнө гэж урьдчилан тогтоогоогүй байлаа ч, Би чамд зүй бус хандахгүй, чи шууд золгүйтэл амсах хүмүүсээс хамаагүй дээр.

Миний шүүлт үнэхээр дээд цэгт хүрч, урьд үзэгдээгүй бүс нутагт орж байна. Миний энэ удаагийн хилэнт шүүлт хүн бүрд хүрдэг. Урьд нь байсан сүр жавхлант шүүлт одоогийнхоос хамаагүй өөр юм. Урьд нь хүмүүс шүүлтэд орж буй жишээтэй тулгартлаа өчүүхэн ч айдас мэдэрдэггүй байсан, одоо тэд ганц үг сонсоод л ухаан алдталаа айдаг; зарим нь бүр Намайг амаа ангайхаас ч айдаг. Надаас дуу гарч, Намайг ярьж эхэлмэгц тийм хүн ихэд мэгдэн, яахаа мэдэхээ больж, газар дээрх нүхний хамгийн харанхуй мухарт нь өөрийгөө нуухыг чин сэтгэлээсээ хүсдэг. Ийм хүн муу ёрын сүнсэнд эзэмдүүлсэн тул аврагдаж чадахгүй. Би балар эртний могой болох агуу улаан лууг шүүх үед тэр хүн бүрэг ноомой байж, бүр хүмүүст үзэгдэхээс ч айх болно; тэр бол харанхуйд төрсөн Сатаны үр удам үнэхээр мөн.

Урьд нь Би “урьдчилан тогтоолт, сонголт” зэрэг үг үргэлж хэрэглэдэг байсан нь ямар учиртай вэ? Би хэрхэн урьдчилан тогтоож, сонгодог вэ? Хүн яагаад урьдчилан тогтоогдсон, сонгогдсон хүмүүсийн нэг биш байдаг вэ? Үүнийг яаж ойлгох вэ? Энэ бүгдэд Би тодорхой тайлбар хийж, шууд ярих шаардлагатай. Хэрэв Би эдгээр зүйлийг та нарын дотор илчилсэн бол мулгуу хүмүүс үүнийг Сатаны өгсөн бодол гэж эндүүрэн итгэх байсан! Намайг хилсээр гүтгэх байсан! Одоо Би юу ч нуулгүй, илэн далангүй ярья: Би бүх зүйлийг бүтээхдээ, эхлээд хүн төрөлхтөнд үйлчлэх биет зүйлсийг (цэцэг, өвс ногоо, мод, ой шугуй, уулс, гол, нуур, хуурай газар, тэнгис, бүх төрлийн шавж, шувууд, амьтад; заримыг нь хүн төрөлхтөнд идүүлэх гэж, заримыг нь хүн төрөлхтөнд харуулах гэж) бүтээсэн. Өөр өөр газар нутгийн ялгаанаас хамааран янз бүрийн үр тариаг хүн төрөлхтөнд зориулан бүтээсэн; энэ бүхнийг бүтээснийхээ дараа л Би хүмүүсийг бүтээж эхэлсэн юм. Хоёр төрлийн хүмүүс байдаг: Нэг дэх нь Миний сонгож, урьдчилан тогтоосон хүмүүс; хоёр дахь нь Сатаны шинж чанартай бөгөөд энэ төрлийн хүмүүс дэлхий ертөнцийг бүтээхээс минь өмнө бүтээгдсэн боловч Сатан бүрэн завхруулсан тул Би тэднийг орхисон юм. Дараа нь Би дор бүрнээ Миний шинж чанарыг өөр өөр түвшинд эзэмшдэг Өөрийн сонгосон, урьдчилан тогтоосон төрлийг бүтээсэн; иймээс өнөөдөр Надаар сонгогдсон хүмүүс тус бүртээ Миний шинж чанарыг өөр өөр түвшинд эзэмшдэг. Хэдийгээр тэднийг Сатан завхруулсан ч тэд Надад харьяалагддаг хэвээрээ; алхам бүр нь Миний удирдлагын төлөвлөгөөний нэг хэсэг юм. Хаанчлалын үнэнч шударга дүрмийг Би бүгдийг нь урьдаас төлөвлөсөн; шударга бус, зальхай хүмүүс Сатаны үр төл, мөн Сатанд эзэмдүүлсэн учир юу ч боллоо гэсэн үнэнч байж чадалгүй, үргэлж Сатаны тушаал доорх зарц нар нь байх боловч энэ бүхэн Миний хүслийг биелүүлэхийн төлөө юм. Та нарын таамгийг арилгахын тулд Би үүнийг тодорхой болголоо. Би төгс болгодог хүмүүсээ халамжилж, хамгаална; харин Миний жигшдэг хүмүүсийн хувьд гэвэл үйлчлэл нь эцэс болсны дараа Миний газраас явах болно. Энэ хүмүүсийг дурдахаар Би уурлан хилэгнэж, тэднийг дурдмагц л тэр үедээ учрыг нь олчихмоор их санагддаг ч үйлдлээ хязгаарлан барьдаг; Би үйлдэл, үгээрээ хэмжигддэг. Би уурандаа автан дэлхий ертөнцийг дарлаж чадна, харин Өөрийн урьдчилан тогтоосон хүмүүсийг биш; тайвширсныхаа дараа Би дэлхийг Өөрийн гарын алганд атгаж чадна, өөрөөр хэлбэл, Би бүхнийг хянадаг. Дэлхий ертөнц хүмүүсийн тэвчихээргүй хэмжээнд хүрч завхарсныг харвал Би үүнийг даруй устгана. Би ганцхан үг айлдаад л ингэж чадах бус уу?

Би бол бодитой Бурхан Өөрөө; Би ер бусын тэмдэг, гайхамшиг үйлддэггүй боловч хаа сайгүй Миний гайхамшигт үйлс дүүрэн байдаг. Урдах зам харьцуулшгүй илүү гэрэлтэй болох болно. Алхам бүрийн тухай Миний илчлэл бол Өөрийн удирдлагын төлөвлөгөөг та нарт хэлэх арга юм. Өөрөөр хэлбэл, цаашид илчлэл бүр ч олширч, улам тодорхой болно. Ойрын ирээдүйд—Мянган жилийн хаанчлалд ч гэсэн—та нар Миний илчлэлийн дагуу урагшилж, Миний мөрийг дагах ёстой. Бүгд хэлбэрээ олж, бүгд бэлтгэгдсэн, ерөөгдсөн хүмүүс та нарыг мөнхийн ерөөл хүлээж байна; ташуурдуулсан хүмүүсийг мөнхийн гэсгээлт хүлээж байна. Миний нууц та нарт хэтэрхий ихэддэг, Надад хамгийн энгийн байдаг үг та нарт хамгаас хэцүү байж болно; иймээс та нар хэтэрхий багыг ойлгодог тул Би улам ихийг хэлдэг, та нарт Би үг бүрчлэн тайлбарлах хэрэгтэй болдог, гэхдээ санаагаа хэтэрхий бүү чилээ, Би та нарт Өөрийн ажлын дагуу ярих болно.

Өмнөх: 82-Р БҮЛЭГ

Дараах: 84-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ЧИ АМЬ ОРСОН ХҮН МӨН ҮҮ?

Завхарсан зан чанараа хаяж, хэвийн хүн чанарыг амьдран харуулдаг болсон үедээ л чи төгс болгуулна. Чи зөгнөл хэлж чадахгүй, аливаа нууцын...

27-Р БҮЛЭГ

Хүний үйлдэл хэзээ ч Миний зүрх сэтгэлийг хөдөлгөөгүй, Надад хэзээ ч эрхэм нандин гэж санагдаж байгаагүй. Хүний нүдээр бол Би түүнд үргэлж...

ЗАЛБИРЛЫГ ХЭРЭГЖҮҮЛЭХ ТУХАЙ

Та нар өдөр тутмын амьдралдаа залбиралд анхаарал хандуулдаггүй. Хүмүүс залбирлыг үргэлж орхигдуулж ирсэн. Өмнөх залбирал нь хүн Бурханы...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх