Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХӨГШИН ЗАЛУУ ХҮМҮҮСТ ХЭЛЭХ ҮГ

Би газар дээр маш их ажил хийсэн бөгөөд хүн төрөлхтний дунд маш олон жилийн турш алхсан. Гэсэн ч хүмүүс Миний дүр зураг, Миний зан чанарын талаар мэдлэгтэй байх нь ховор бөгөөд Миний хийж байгаа ажлыг цөөхөн хүн л бүхэлд нь тайлбарлаж чадна. Хүмүүст хэтэрхий их зүйл дутагддаг, тэдэнд Миний хийж байгаа зүйлийн талаарх ойлголт үргэлж дутагддаг бөгөөд Би тэднийг өөр нөхцөл байдалд аваачаад, дараа нь тэдэнд ямар ч анхаарал хандуулахгүй гэдгээс гүнээ айж байгаа мэт зүрх сэтгэл нь үргэлж сэрэмжтэй байдаг. Тиймээс Надад хандах хүмүүсийн хандлага үргэлж асар их сэрэмжлүүлэгтэй хосолсон бүлээн байдаг. Учир нь хүмүүс Миний хийж байгаа ажлыг ойлгохгүйгээр өнөөдрийг хүрсэн бөгөөд ялангуяа Миний тэдэнд хэлсэн үгээс болж учраа олохоо больдог. Тэд Миний үгийг гартаа барьж, итгэхээр хатуу шийдэх ёстой юу, эсвэл шийдэмгий бусаар үүнийг мартах ёстой юу гэдгээ мэддэггүй. Тэд үүнийг хэрэгжүүлэх ёстой юу, эсвэл харзнах ёстой юу гэдгээ мэддэггүй. Тэд бүх зүйлийг хаяж, зоригтойгоор дагах ёстой юу, эсвэл дэлхий ертөнцтэй өмнөх шигээ үргэлжлүүлэн “нөхөрсөг” байх ёстой юу гэдгээ мэддэггүй. Хүмүүсийн дотоод ертөнц маш төвөгтэй агаад тэд маш зальтай. Хүмүүс Миний үгийг тодорхой харж чаддаггүй бөгөөд тэдгээрийг бүрэн харж чаддаггүй, тэдний ихэнхийн хувьд тэдгээрийг хэрэгжүүлэхэд бэрх байдаг ба Миний өмнө зүрх сэтгэлээ тавихад хэцүү байдаг. Би та нарын бэрхшээлийг гүнээ ойлгодог. Махан бие дотор амьдарч байхад олон сул талаас зайлсхийхийн аргагүй бөгөөд олон бодит хүчин зүйл та нарт бэрхшээл учруулдаг. Та нар гэр бүлээ тэжээж, шаргуу ажиллан өдөр хоногийг өнгөрөөдөг ба цаг хугацаа хүнд бэрхээр урсан өнгөрдөг. Махан биед амьдрахад олон бэрхшээл бий—Би үүнийг үгүйсгэхгүй бөгөөд мэдээж та нарт тавих Миний шаардлага бэрхшээлд чинь нийцсэн байдаг. Миний хийдэг ажлын шаардлага бүгд та нарын бодит биеийн хэмжээнд үндэслэдэг. Хүмүүсийг өнгөрсөнд ажиллаж байх үед та нарт тавих тэдний шаардлага нь хэрээс хэтэрсэн байдлын хэсэгтэй холилдсон байсан байж магадгүй, гэхдээ Өөрийн хэлж, хийж байгаа зүйлээрээ Би та нарт хэзээ ч хэтэрхий их шаардлага тавьж байгаагүй гэдгийг та нар мэдэх ёстой. Энэ нь бүгд хүмүүсийн уг чанар, махан бие болон тэдэнд юу хэрэгтэйд үндэслэн шаардагддаг. Би хүмүүсийн зарим нэг ухаалаг сэтгэлгээ болон анхдагч уг чанарыг эсэргүүцдэггүй гэдгийг та нар мэдэх ёстой ба Би та нарт тун тодорхой хэлж болно. Тэднээс шаардах Миний шаардлагын стандарт үнэндээ юу болохыг хүмүүс ойлгодоггүй, мөн өнөөг хүртэлх Миний үгийн анхдагч утга учрыг ойлгодоггүй учраас л хүмүүс Миний үгийн талаар эргэлзсэн хэвээр байдаг ба хүмүүсийн хагасаас ч илүү цөөхөн нь л Миний үгэнд итгэдэг. Үлдсэн нь үл итгэгчид бөгөөд бүр ч илүү олон нь Миний “үлгэр ярихыг” сонсох дуртай хүмүүс байдаг. Цаашлаад үүнийг зугаа цэнгэл гэж үздэг олон хүн бий. Би та нарт анхааруулж байна: Миний үгийн олонх нь Надад итгэдэг хүмүүст ил болсон бөгөөд хаанчлалын сайхан дүр зургийг “таалдаг” боловч хаалганых нь гадна талд түгжигдсэн хүмүүс Надаар аль хэдийн таягдуулсан. Та нар ердөө Надаар жигшигдэн, гологдсон үрийн сүүл биш гэж үү? Та нар яаж Намайг үдэн гаргаад, дараа нь Миний эргэн ирэлтийг баяр хөөртэйгээр угтаж чадах юм бэ? Ниневегийн хүмүүс Еховагийн ууртай үгийг сонссоныхоо дараа таар болон үнсэн дотор нэн даруй гэмшсэн гэдгийг Би та нарт хэлж байна. Тэд Түүний үгэнд итгэсэн учраас айдас хүйдсээр дүүрэн байсан бөгөөд таар болон үнсэн дунд гэмшсэн юм. Хэдийгээр өнөөгийн хүмүүс ч бас Миний үгэнд “итгэдэг”, мөн өнөөдөр та нарын дунд Ехова дахин нэгэнтээ ирсэн гэдэгт бүр ч илүү их итгэдэг боловч хэдэн мянган жилийн өмнө Иудейд төрсөн Есүс одоо та нарын дунд буун ирснийг ажиглаж байгаа юм шиг хандлага чинь шал хүндэтгэлгүй байдаг. Та нарын зүрх сэтгэл дотор байгаа хуурмаг занг Би гүнээ ойлгодог; та нарын ихэнх нь Намайг сониуч зангаасаа болж дагадаг бөгөөд хоосон байдлынхаа улмаас Намайг эрж хайхаар ирсэн. Амар амгалан, аз жаргалтай амьдралын төлөөх та нарын гурав дахь хүсэл сүйрэх үед сониуч зан чинь ч бас сарнидаг. Та бүхний зүрх сэтгэлд оршиж байгаа хуурмаг зан та нарын үг болон үйл хэргээр дамжуулан илчлэгддэг. Шулуухан хэлэхэд, та нар зүгээр л Миний талаар сонирхдог ба айдаггүй; та нар хэл яриагаа тоодоггүй, өөрсдийн зан авирыг бүр ч бага хазаарладаг. Тэгвэл та нарын итгэл үнэндээ ямар вэ? Энэ нь жинхэнэ үү? Та нар санаа зовнилоо сарниулж, уйтгар гунигаа нимгэлж, өөрсдийн амьдрал дахь үлдсэн хоосон зайгаа дүүргэхийн тулд л Миний үгийг ашигладаг. Та нарын дундаас хэн тэдгээрийг хэрэгжүүлсэн бэ? Хэнд жинхэнэ итгэл байгаа вэ? Та нар Бурхан бол хүмүүсийн зүрх сэтгэлийн гүнийг хардаг Бурхан гэж хашхирсаар байдаг боловч зүрх сэтгэлдээ дууддаг Бурхан чинь яаж Надтай зохицож чадах юм бэ? Нэгэнт та нар ингэж хашхирдаг юм чинь яагаад тийм байдлаар үйлддэггүй юм бэ? Та нар Миний ачийг энэ хайраар хариулахыг хүсэж байгаа юм уу? Та нарын уруул дээр багагүй хэмжээний зориулалт байдаг боловч та нарын тахил, та нарын сайн үйл хаана байна вэ? Та нарын үг Миний чихэнд хүрээгүй байсан бол Би та нарыг яаж ийм их үзэн ядах юм бэ? Хэрвээ та нар Надад үнэхээр итгэдэг байсан бол яаж ийм зовуурьтай байдалд унах юм бэ? Та нар Үхэгсдийн орны шүүх хуралд орж байгаа юм шиг нүүрэн дээрээ цөхөрсөн байдалтай байдаг. Та нарт ямар ч эрч хүч байхгүй бөгөөд та нар өөрсдийн дотоод дуу хоолойны талаар сулхан ярьдаг; та нар бүр гомдол, хараалаар дүүрэн байдаг. Та нар Миний хийж байгаа зүйлд итгэх итгэлээ аль эрт алдсан бөгөөд бүр та нарын анхдагч итгэл ч гэсэн алга болсон, иймээс та нар яаж эцсийг нь хүртэл дагаж чадах юм бэ? Та нар яаж ийм байдлаар аврагдаж чадах юм бэ?

Хэдийгээр Миний ажил та нарт тун тустай боловч Миний үг та нар дээр үргэлж талаар болж, юу ч биш болдог. Надаар төгс болгуулах байг олоход хэцүү бөгөөд өнөөдөр Би та нарт найдах найдвараа бараг алдсан. Би та нарын дундаас хэдэн жилийн турш хайсан боловч итгэл хүлээж чадах хүнийг олоход бэрх байдаг. Та нар дээр үргэлжлүүлэн ажиллах итгэл болон та нарыг үргэлжлүүлэн хайрлах хайр Надад байхгүй мэт санагддаг. Учир нь Би аль эртнээс та нарын туйлын өчүүхэн, өрөвдөлтэй амжилтуудад зэвүү хүрсэн; Би та нарын дунд хэзээ ч үгээ хэлээгүй, мөн та нар дээр хэзээ ч ажиллаагүй юм шиг л байдаг. Та нарын амжилт маш огиудас хүрэм—та нар үргэлж үл хүндлэгдсэн ба бараг ямар ч үнэ цэнгүй. Би та нараас хүнтэй адил шинжийг арай ядан олж, эсвэл хүний үнэрийг арай гэж үнэрлэдэг. Та нарын шинэхэн үнэр хаана байна вэ? Олон жилийн туршид та нарын төлсөн төлөөс хаана байна, мөн үр дүн хаана байна вэ? Та нар үүнийг хэзээ ч олоогүй юу? Миний ажилд одоо шинэ эхлэл, шинэ гараа байгаа. Би агуу их төлөвлөгөө биелүүлэх гэж байгаа бөгөөд бүр ч илүү том ажил өрнүүлэхийг хүсдэг атал та нар урьдынх шигээ шавар шавхайд хөрвөөн, өнгөрсөн үеийн бохир заваан усанд амьдарсаар байгаа ба үнэн хэрэгтээ өөрсдийн анхдагч таагүй байдлаа хаяагүй. Тиймээс та нар Миний үгээс юу ч олж аваагүй хэвээр байгаа. Нэгэнт та нар анхдагч шавар шавхай, бохир заваан устай газраа хаяагүй тул зөвхөн Миний үгийг мэддэг боловч үнэндээ та нар Миний үгийн эрх чөлөөний хүрээнд ороогүй болохоор Миний үг хэзээ ч та нарт нээгдээгүй ба тэдгээр нь мянга мянган жилийн туршид битүүмжлэгдсэн зөгнөлийн ном шиг байдаг. Би та нарын амьдралд илрэн үзэгдсэн боловч та нар үргэлж тоомжиргүй байдаг бөгөөд Намайг ч таньдаггүй. Миний хэлдэг үгийн бараг хагас нь та нарыг шүүх шүүлт байдаг бөгөөд тэдгээрийн хагас нь л үр нөлөөтэй байдаг болохоор та нар бүгд анхаарал сарниулах зүйлсэд хөтлөгддөг. Үлдсэн хагас нь амьдралын тухай, биеэ хэрхэн авч явах тухай та нарт заадаг үг байдаг боловч тэдгээр нь та нарын хувьд оршин байдаггүй юм шиг, та нар тоглож байгаа хүүхдүүдийн үгийг сонсоод үргэлж “нууцхан” инээмсэглэж, дараа нь юу ч хийдэггүйтэйгээ адил байдаг. Та нар эдгээр зүйлийн талаар хэзээ ч санаа зовж байгаагүй; та нар сониуч зангийнхаа улмаас Миний үйлдлүүдийг үргэлж ажигладаг болохоор одоо харанхуйд унасан ба гэрлийг харж чаддаггүй—та нар харанхуйд хөөрхийлөлтэйгээр уйлж байгаа. Миний хүсэж байгаа зүйл бол та нарын дуулгавартай байдал буюу та нарын ямар ч болзолгүй дуулгавартай байдал бөгөөд түүнээс ч илүүтэйгээр Миний хэлж байгаа бүхний талаар бүрэн итгэлтэй байхыг Би та нараас шаарддаг. Та нар үл ойшоосон хандлага баримтлах ёсгүй бөгөөд та нар үүнийг ялангуяа шилж сонгон биелүүлэх ёсгүй, мөн та нар Миний үг болон Миний ажлын талаар үргэлж хайхрамжгүй байдгийг дурдахын ч хэрэггүй. Миний ажил та нарын дунд хийгддэг бөгөөд Би та нарт Өөрийн асар их үгийг хайрласан боловч хэрвээ та нар Намайг ийм маягаар залилах юм бол Би та нарын олж аваагүй болон хэрэгжүүлээгүй зүйлсийг Харь үндэстний гэр бүлүүдэд өгөх болно. Бүтээлийн дундаас юу Миний гарт байдаггүй вэ? Та нарын дундаас олонх нь “боловсорч гүйцсэн ахимаг насандаа” байгаа бөгөөд Миний ийм төрлийн ажлыг хүлээн авах эрч хүч та нарт байхгүй. Та нар яг Ханхао шувуу[a] шиг арай ядан амь зуудаг ба Миний үгэнд хэзээ ч нухацтай хандаагүй. Залуучууд тун нэрэлхүү, хэт эрхэлсэн бөгөөд Миний ажлыг бүр ч бага анхаардаг. Тэдэнд Миний цайллаганы амттангуудыг зоогломоор санагддаггүй; тэд хол явахаар торноосоо ниссэн бяцхан шувуу шиг байдаг. Ийм төрлийн хөгшин залуу хүмүүс яаж Надад хэрэгтэй байх юм бэ? Ахимаг насны хүмүүс Миний үгийг булшиндаа орох хүртлээ тэтгэвэр болгон ашиглахад бэлэн байдаг, ингэснээр тэднийг нас барсны дараа сүнс нь тэнгэр лүү явж чадах бөгөөд тэр л хангалттай. Тийм учраас одоогийн байдлаар тэд “агуу тэмүүллийг” нандигнадаг ба “тун итгэл дүүрэн” байдаг. Хэдийгээр тэд Миний ажлын төлөө тэвчээрээр дүүрэн байж, халдашгүй хэрэм шиг хэнд ч, эсвэл юунд ч чангаагдаж, ялагдахгүй хөгшин хүний сэтгэл санааны байдал шиг шулуун шударга, тууштай байдаг боловч энэ хүмүүсийн итгэл нь үхдлийн мухар сүсэгтэй сэтгэлээр дүүрэн байдаггүй гэж үү? Тэдний зам хаана байна вэ? Тэдний хувьд зам нь хэтэрхий урт, хэтэрхий алслагдмал биш гэж үү? Тэд Миний хүслийг хэрхэн мэдэх юм бэ? Тэдний итгэл үнэмшлийг магтууштай ч гэсэн эдгээр “ахмадын” хэчнээн нь төөрөлдөж будилсан байдлаар дагаж байгаа биш, харин амийг эрэлхийлж байгаа вэ? Хэчнээн нь Миний ажлын бодитой ач холбогдлыг үнэхээр ойлгодог вэ? Хэнийх нь зорилго, өнөөдрийн энэ дэлхийд Намайг дагаснаараа ойрын ирээдүйд Үхэгсдийн орон руу буухгүйгээр харин Надаар өөр ертөнц рүү хүргүүлэхийн төлөө байдаггүй вэ? Та нарын хүрэх газар тийм энгийн асуудал гэж та нар бодож байна уу? Хэдийгээр залуу хүмүүс та нар бүгд залуу арслан шиг байдаг боловч зүрх сэтгэлд чинь үнэн зам байх нь ховорхон байдаг. Та нарын залуу нас Миний ажлаас яавч илүү ихийг олж авч чадахгүй боловч та нар үргэлж Миний зэвүүцлийг өдөөдөг. Хэдий та нар залуу ч гэсэн та нарт эрч хүч дутагддаг, эсвэл эрмэлзэл дутагддаг, та нар ирээдүйнхээ талаар үргэлж булзамтгай байдаг; та нар хайхрамжгүй, мөн түүнчлэн бодлогоширсон мэт байдаг. Залуу хүмүүст байх учиртай эрч хүч, туйлын хүслэн болон байр суурь та нараас огтхон ч олдохгүй гэж хэлж болно; иймэрхүү залуу хүмүүс та нар байр суурьгүй бөгөөд зөв буруу, сайн муу, сайхан муухайг ялгах ямар ч чадваргүй байдаг. Та нараас ямар ч шинэхэн хэсэг олох боломжгүй. Та нар бараг бүхэлдээ хуучинсаг бөгөөд ийм төрлийн залуу хүмүүс та нар мөн урсгалаараа явахыг болон бодлогогүй байхыг сурсан. Та нар зөвийг буруугаас илт салгаж хэзээ ч чаддаггүй, хэрэг явдлын үнэн худлыг хооронд нь ялгаж чаддаггүй, өндөр ур чадварын төлөө хэзээ ч чармайдаггүй, мөн юу зөв, юу буруу, юу үнэн, юу хуурамч болохыг хэлж чаддаггүй. Та нарт хөгшин хүмүүст байдгаас илүү их, илүү ноцтой шашны таагүй үнэр үлддэг. Та нар бүр биеэ тоосон агаад бодлогогүй, та нар нэлээд өрсөлдөөнтэй бөгөөд түрэмгий зан чинь маш ноцтой—ийм төрлийн залуу хүн яаж үнэнийг эзэмшиж чадах юм бэ? Байр сууриа илэрхийлж чаддаггүй хүн яаж гэрчлэлд зогсож чадах юм бэ? Зөв, бурууг хооронд нь ялгах чадваргүй хүнийг яаж залуу хүн гэж нэрлэх юм бэ? Залуу хүний эрч хүч, бяр тэнхээ, шинэлэг байдал, тайван, туйлбартай зан байхгүй хүнийг яаж Миний дагалдагч гэж нэрлэх юм бэ? Ямар ч үнэн эсвэл шударга ёсны мэдрэмж байхгүй боловч тоглож, тэмцэлдэх дуртай хүн яаж Миний гэрчлэгч байх эрхтэй байх юм бэ? Хууралтаар дүүрэн нүд болон хүмүүсийг ялгаварлан гадуурхах нь залуу хүмүүст байх ёстой зүйл биш бөгөөд хор хөнөөлтэй, олиггүй үйл хийдэг хүмүүс нь залуу хүмүүс байх ёсгүй. Тэд туйлын хүслэн, тэмүүлэл, эсвэл урам зоригтойгоор ахин дэвших зангүй байх ёсгүй; тэд өөрсдийн хэтийн ирээдүйн талаар зориг алдрах ёсгүй, мөн амьдралд итгэл найдвараа алдаж, эсвэл ирээдүйд итгэх итгэлээ алдах ёсгүй; тэд бүхий л амьдралаа Миний төлөө зориулах хүслээ биелүүлэхийн тулд одоо сонгосон үнэний замаар үргэлжлүүлэх тэвчээртэй байх ёстой; тэд үнэнгүйгээр байх ёсгүй мөн хуурамч дүр, шударга бус байдлыг өвөрлөх ёсгүй, харин зүй зохистой байх сууринд бат зогсох учиртай. Тэд зүгээр л урсгал даган хөвөх ёсгүй, харин шударга ёс болон үнэний төлөө золиосолж, тэмцэж зүрхлэх цог золбоотой байх ёстой. Залуу хүмүүс харанхуйн хүчний дарангуйлалд орохгүй байж, өөрсдийн оршин тогтнолын ач холбогдлыг өөрчлөх зориг зүрхтэй байх ёстой. Залуу хүмүүс гай зовлонд буулт хийх ёсгүй, харин ах эгч нараа уучлах сэтгэлтэйгээр илэн далангүй, эрс шулуун байх ёстой. Мэдээж эдгээр нь хүн бүхэнд тавих Миний шаардлага, мөн түүнчлэн хүн бүхэнд өгөх Миний зөвлөгөө юм. Үүнээс ч илүүтэйгээр тэдгээр нь бүх залуу хүнд хэлэх Миний тайвшруулах үг юм. Та нар Миний үгийн дагуу хэрэгжүүлэх ёстой. Ялангуяа залуу хүмүүс асуудлыг танин мэдэх, мөн шударга ёс болон үнэнийг эрж хайх шийдвэргүй байх ёсгүй. Та нарын эрэлхийлэх ёстой зүйл бол сайн сайхан бүх зүйл бөгөөд та нар бүх эерэг зүйлийн бодит байдлыг олж авч, түүнчлэн амьдралдаа хариуцлагатай байх ёстой—та нар үүнийг хөнгөхнөөр авч үзэх учиргүй. Хүмүүс газар дэлхий дээр ирээд Надтай учрах нь ховорхон бөгөөд үнэнийг эрж хайж, олж авах боломжтой байх нь ч мөн ховорхон. Яагаад та нар энэ сайхан цаг хугацааг энэ амьдрал дахь эрэл хайгуулын зөв зам хэмээн үнэлдэггүй юм бэ? Яагаад та нар үнэн болон шударга ёсыг үргэлж үл тоомсорлодог юм бэ? Яагаад та нар хүмүүсээр тоглодог тэрхүү шударга бус байдал болон бузар заваан байдлын төлөө өөрсдийгөө үргэлж гишгэлэн, сүйрүүлж байдаг юм бэ? Яагаад та нар, хөгшин хүмүүс мэтийн шударга бусчуудын хийдэг зүйлд оролцдог юм бэ? Яагаад та нар хуучин зүйлсийн хуучин арга замыг дуурайдаг юм бэ? Та нарын амьдрал шударга ёс, үнэн болон ариун байдлаар дүүрэн байх ёстой; энэ нь тун удалгүй улам их дордож, Үхэгсдийн орон руу унах ёсгүй. Энэ нь хэтэрхий золгүй юм гэдгийг та нар мэдрэхгүй байна гэж үү? Та нарын хувьд энэ нь хэтэрхий шударга бус гэдгийг мэдрэхгүй байна гэж үү?

Бүх хүн туйлын төгс ажил хийж, үүнийг Надад өгөх өөрсдийн хамгийн сайн, цор ганц тахил болгон Миний тахилын ширээн дээр өргөх ёстой. Та нар бүгд өөрсдийн байр сууриндаа бат зогсож, сэвэлзүүр салхи үлээх болгонд тэнгэр дэх үүл мэт хөвөхгүй байх ёстой. Та нар амьдралынхаа хагаст нь л шаргуу ажилладаг, тиймээс яагаад өөрсдийн хүрэх ёстой газраа эрж хайхгүй гэж? Та нар бүхий л амьдралынхаа хагаст хөдөлмөрлөдөг ч гахай, нохой мэт эцэг эх чинь та нарын хувийн амьдрах чадварын үнэн болон ач холбогдлыг булш руугаа чирдэг. Энэ нь үнэ цэнтэй биш гэж чамд санагдахгүй байна гэж үү? Ийм маягаар амьдрах нь үнэхээр утга учиргүй амьдрал гэж чамд санагдахгүй байна гэж үү? Ийм маягаар үнэнийг болон зөв замыг эрж хайх нь асуудал үүсгэж дуусах болохоор хөршүүд тайван бус, бүхий л гэр бүл аз жаргалгүй байх ба энэ нь хөнөөлт гай гамшгийг дуудна—чи ийм байдалтай байх нь хамгийн утга учиргүй амьдрал биш гэж үү? Хэний амьдрал чинийхээс илүү азтай байх юм бэ, бас хэний амьдрал чинийхээс илүү инээдтэй байх юм бэ? Намайг эрж хайж байгаа чинь Миний баяр хөөрийг олж авахын төлөө, чамайг тайвшруулах үгийн төлөө биш гэж үү? Гэхдээ нэг насны амьдралынхаа хагаст ийш тийш гүйснийхээ дараа чи Намайг уур хилэнгээр дүүрч, чамайг тоохгүй, эсвэл чамайг магтахгүй байхад хүргэдэг, тэгвэл бүхий л амьдрал чинь хий дэмий болохгүй гэж үү? Тэгээд чи ариутгалын ертөнцөөс чөлөөлөгдсөн, эрин үеүдийн туршид байсан ариун хүмүүсийн сүнсийг харахаар явах нүүртэй байж яаж чадах юм бэ? Чи Надад хайхрамжгүй ханддаг бөгөөд эцэст нь хөнөөлт гай гамшгийг өдөөсөн—энэ боломжийг ашиглаад өргөн уудам далайгаар баяр хөөртэй аялал хийж, дараа нь Миний “томилолтыг” сонссон нь дээр. Өнөөдөр ийм хайхрамжгүй байгаа мөртлөө холдон явах хүсэлгүй байдаг чи эцэст нь Миний бий болгосон давлагаанд автагдаж залгигдах болно гэдгийг Би та нарт аль хэдийн хэлсэн. Та нар өөрсдийгөө хамгаалж үнэхээр чадах уу? Эрэл хайгуулын одоогийн арга барил чинь чамайг гарцаагүй төгс болгуулах болно гэдэгт чи үнэхээр итгэлтэй байна уу? Чиний зүрх сэтгэл маш хатуу биш гэж үү? Ийм төрлийн дагах явдал, ийм төрлийн эрэл хайгуул, ийм төрлийн амьдрал, ийм төрлийн ёс жудаг—энэ нь яаж Миний магтаалыг хүртэж чадах юм бэ?

Тайлбар:

a. Ханхао шувууны түүх нь шоргоолж, царцаа хоёрын тухай Эзопын ёгт үлгэртэй тун адилхан. Ханхао шувуу өөрийн хөрш, алаг шаазгайн олон удаагийн анхааруулгыг үл харгалзан—цаг агаар дулаахан байх зуур үүрээ барихын оронд унтахыг илүүд үздэг. Өвөл болоход уг шувуу хөлдөж үхдэг.

Өмнөх:ЗОЛИН АВРАЛЫН ЭРИН ҮЕИЙН АЖЛЫН ЦААД ҮНЭН ТҮҮХ

Дараах:ӨНӨӨГ ХҮРТЭЛ БҮХ ХҮН ТӨРӨЛХТӨН ХЭРХЭН ХӨГЖСӨНИЙГ ЧИ МЭДЭХ ЁСТОЙ

Холбогдох агуулга

  • АЖИЛ БА ОРОЛТ (9)

    Бат бөх тогтсон “үндэстний соёл уламжлал” ба “оюун санааны төлөв” нь хүний ариун, төлөвшөөгүй цайлган зүр сэтгэлд аль хэдийн сүүдрээ тусгасан ба тэдг…

  • ХОРЬДУГААР БҮЛЭГ

    Миний гэрийн баялаг тоо томшгүй бөгөөд хэмжээлшгүй атал тэдгээрийг эдлэхийн тулд хүн Над руу хэзээ ч ирээгүй. Тэр тэдгээрийг бие даан эдлэх чадваргүй…

  • НЭН НОЦТОЙ АСУУДАЛ: УРВАЛТ (2)

    Хүний уг чанар Миний мөн чанараас тэс өөр; учир нь хүний ялзарсан уг чанар бүхэлдээ Сатанаас үүсэлтэй бөгөөд хүний уг чанарыг Сатан эвдэж, бас ялзру…

  • БУРХАНЫ АЖИЛ ХҮНИЙ ТӨСӨӨЛДӨГ ШИГ МАШ ЭНГИЙН ҮҮ?

    Бурханд итгэдэг хүн болохын хувьд өнөөдөр эцсийн өдрүүд дэх Бурханы ажлыг болон Бурханы чамд төлөвлөсөн бүх ажлыг хүлээн авснаараа Бурханаас үнэхээр …