Үг нь махбодоор илэрсэн

Агуулга

“Ерөөлүүдийг” та нар юу гэж ойлгодог вэ?

Энэ эрин үед төрөгсөд нь Сатан болон бохир чөтгөрүүдийн ялзрал дор байгаа боловч энэ ялзралаас болж агуу авралыг авах боломжтой гэдэг нь ч үнэн билээ. Тэр нь Иовын олж авсан уулс ба талыг бүрхэх мал хуй хийгээд гэр бүлийн үлэмж хөрөнгөөс ч агуу төдийгүй шалгалтынхаа дараа Еховаг харахдээ Иовын хүлээн авсан ерөөлөөс ч агуу билээ. Иов үхлийн шалгалтыг туулсныхаа дараа л Еховагийн үгсийг сонсож, үүлнээс Түүний нүргээнт дууг сонссон. Гэхдээ тэрээр Еховагийн царайг хараагүй бөгөөд Түүний зан чанарыг мэдээгүй. Иов ердөө махан биеийг баясгадаг биет эд хөрөнгийг, мөн ойр тойрны хотуудын доторх хамгийн хөөрхөн хүүхдүүдийг, мөн тэнгэрийн тэнгэрэлчүүдийн хамгаалалтыг л олж авсан. Тэр Еховаг хэзээ ч хараагүй бөгөөд шулуун шударга гэж нэрлэгдсэн ч Еховагийн зан чанарыг хэзээ ч мэдээгүй юм. Өнөөгийн хүмүүс материаллаг цэнгэлд түр зуур ядуу байж, гадаад орчноос дайсагналыг амсаж байгаа ч гэлээ, өнгөрсөн эрин үеийн хүн төрөлхтөнд хэзээ ч нээж байгаагүй, үргэлж нууц байсан зан чанараа болон энэ эрин үеүдийн урьдах нууцаа Би хамгийн дорд хүмүүст илчилсэн, Би тэдэнд хамгийн агуу авралыг бас өгсөн бөгөөд анх удаа ингэж хийсэн минь энэ болой. Энэ төрлийн ажлыг Би өмнө нь хэзээ ч хийж байгаагүй бөгөөд хэдий та нар Иовоос хамаагүй дорд боловч та нарын олж авсан зүйл ба та нарын үзсэн зүйл Иовыг хол давсан. Хэдийгээр та нар зүсэн бүрийн зовлон, тарчлал амссан боловч тэр зовлон Иовын шалгалттай адилгүй, гэхдээ энэ нь өөрсдийн тэрслүү байдал, эсэргүүцэл болон Миний зөвт зан чанараас болж хүмүүсийн хүлээн авч байгаа шүүлт ба гэсгээлт юм. Энэ бол зөвт шүүлт, гэсгээлт ба хараал. Иов нь Еховагийн агуу хайр, өршөөлийг хүлээн авсан израильчуудын нэг буюу шударга хүмүүсийн нэг байсан. Тэр ямар ч бузар муу үйл үйлдээгүй ба Еховаг эсэргүүцээгүй; харин Еховад итгэлтэйгээр зүтгэж, шулуун шударга байдлынхаа улмаас шалгалтуудад орж, Еховагийн итгэлт зарц байсан учраас ширүүн догшин шалгалтуудыг туулсан. Өнөөгийн хүмүүс өөрсдийн бохир заваан байдал, шударга бус байдлаас болж Миний шүүлт ба хараалыг амсдаг. Иов өөрийн мал хуй, эд хөрөнгө, зарц нар, үр хүүхэд, үнэтэй бүхнээ алдах үедээ амссан зовлонтой тэдний зовлон огт адилгүй хэдий ч хүмүүсийн эдэлж байгаа нь догшин ширүүн цэвэршүүлэлт ба шатаалт болой; Иовын амссанаас илүү ноцтой зүйл нь гэвэл, энэ төрлийн шалгалт нь тэдний сул дорой байдлаас болж багасах юмуу зайлуулагдахгүй, харин тэдний амьдралын сүүлчийн өдөр нь хүртэл удаан үргэлжилнэ. Энэ бол шийтгэл, шүүлт, хараал, энэ нь өршөөлгүй шатаалт бөгөөд үүнээс ч илүүгээр энэ нь хүн төрөлхтөний зүй ёсны “өв” мөн. Энэ бол тэдэнд таарсан зүйл бөгөөд энэ нь Миний зөвт зан чанар илэрхийлэгдэх газар. Энэ бол мэдээжийн үнэн. Гэхдээ хүмүүсийн олж авсан зүйл нь тэдний одоо туулж байгаагаас нь хамаагүй давсан. Та нарын зовж байгаа чинь ердөө мунхаглалаас болж буй бэрхшээл, гэхдээ та нарын ашиг нь зовлонгоос чинь зуу дахин илүү их. Хуучин Гэрээн дэх Израилийн хуулийн дагуу, Намайг эсэргүүцдэг бүхэн, Намайг илт шүүдэг бүхэн, Надад бузар тахилыг зоригтой өргөдөг ч Миний замыг дагадаггүй бүхэн сүм дотор заавал галаар устгагдана, эсвэл сонгогдсон хүмүүсийн зарим нь тэднийг үхтэл нь чулуу шидэж, тэдний гэрийн үр удам нь төдийгүй бусад садан төрөл нь Миний хараалыг амсах бөгөөд ирэх үеүдэд тэд эс чөлөөлөгдөж, харин Миний боолуудын боол болж, Би тэднийг харь үндэстнүүдийн дунд цөллөгт хөөж, тэд эх нутагтаа эргэн ирж чадахгүй болно. Тэдний үйлдэл, зан суртахуунд нь үндэслэвэл, өнөөгийн хүмүүсийн амсаж байгаа зовлон израильчуудын амссан шийтгэл шиг тийм ч ноцтой биш. Одоо үзэж байгаа зовлон чинь та нарын шийтгэл гэж хэлдэг нь зүгээр ч нэг үг биш бөгөөд та нар үнэхээр зураасыг давсан болохоор ийм байгаа юм, хэрвээ та нар Израильд байсан бол мөнх нүгэлтнүүдийн нэг болох байсан бөгөөд аль хэдийн израильчуудаар хэдэн хэсэг тасчуулж, Еховагийн сүмд тэнгэрээс буух галд шатах байсан. Тэгвэл эдүгээ та нар юуг олж авсан юм бэ? Та нар юуг хүлээн авсан, юуг таалан болгоож байна вэ? Би та нарт Өөрийн зөвт зан чанарыг илчилсэн, гэхдээ хамгийн чухал нь хүн төрөлхтний золин авралын төлөөх тэвчээрээ Би илчилсэн. Та нарын дотор хийсэн бүхэн минь тэвчээрийн ажил бөгөөд энэ нь Миний удирдлагын төлөө, бүр цаашилбал хүн төрөлхтний баяр цэнгэлийн төлөө юм гэж хэлж болно.

Хэдийгээр Иов Еховагаас ирсэн шалгалтыг туулсан ч тэр ердөө л Еховад шүтэн мөргөдөг шударга хүн байсан ба тэдгээр шалгалтыг туулж байхдаа ч тэр Түүний талаар гомдоллоогүй, харин Еховатай учирсанаа эрхэмлэн хайрласан. Өнөөгийн хүмүүс Еховагийн байгааг эрхэмлэдэггүйн дээр, Түүний илрэлтийг голж, жигшиж, гомдоллож, доромжилдог. Та нар багаас илүүг авсан биш үү? Та нарын зовлон үнэхээр маш их байсан уу? Та нарын ерөөлүүд Мариа, Иаков нарынхаас илүү их байсан биш үү? Та нарын эсэргүүцэл өчүүхэн байсан гэж үү? Миний та нараас шаардсан зүйл, Миний та нараас гуйсан зүйл хэтэрхий том, хэтэрхий их байсан юм гэж үү? Миний уур хилэн, шууд та нар дээр биш, Намайг эсэргүүцсэн израильчуудын дээр л зөвхөн асгарсан боловч та нарын олж авсан зүйл нь зөвхөн Миний өршөөлгүй шүүлт ба тодруулгууд, мөн уйгагүй догшин ширүүн цэвэршүүлэлтүүд байсан. Тэгсэн ч гэсэн хүмүүс, өчүүхэн төдий дуулгаваргүйгээр Намайг эсэргүүцэж, няцааж байна. Мөн Надаас өөрсдийгөө холдуулдаг, Намайг үгүйсгэдэг хүмүүс ч байна; тийм хүн болвоос Мосег эсэргүүцсэн Кора, Датан нарын бүлэглэлээс дээрдэх юмгүй. Хүмүүсийн зүрх сэтгэл хэтэрхий хатуу бөгөөд тэдний уг чанар дэндүү хөшүүн байна. Тэд өөрсдийн хуучин замуудаа хэзээ ч өөрчлөхгүй. Тэд Миний үгээр өдрийн хурц гэрэлд янхан шиг нүцгэрсэн бөгөөд Миний үгс маш хатуу учраас “нийцгүй мэт” боловч хүмүүсийн уг чанарыг өдрийн гэрэлд ил болгодог. Гэвч хүмүүс зөвхөн толгой дохиж, хэдхэн нулимс унагаж, багахан харамсдаг. Тэгээд бүх юм дуусмагц уулын араатнуудын хаан мэт догширдог ба үнэндээ юу ч ойлгоогүй байдаг. Ийм зан чанартай хүмүүс Иовоос зуу дахин илүү ерөөлийг эдэлж байгаагаа яаж мэдэх юм бэ? Бусад үеийнхний үзээгүй, өмнө нь ямар ч хүний эдлээгүй ерөөлүүдийг амсаж байгаагаа тэд хэрхэн ойлгож чадах юм бэ? Шийтгэлийг агуулдаг ийм ерөөлийг хүмүүсийн ухамсар хэрхэн мэдэрч чадах билээ? Шуудхан хэлэхэд, Би та нараас шаардаад байгаа бүхэн маань гэвэл, та нар Миний ажлуудын үлгэр жишээ болж, Миний бүх зан чанар ба Миний үйлдэл бүрийг гэрчлэх чадвартай байх явдал бөгөөд ингэснээр та нар Сатаны гаслан зовлонгуудаас чөлөөлөгдөж болох юм. Гэхдээ хүн төрөлхтөн хэзээд Миний ажилд дургүйцдэг бөгөөд санаатайгаар үүнд дайсагнадаг. Ийм хүнээс болж Би Израилийн хуулийг эргүүлэн авчирч, Израильд үзүүлсэн уур хилэнгээ тэдэн дээр буулгахгүй гэж үү? Хэдийгээр та нарын дунд Надад “дуулгавартай” хүн олон байгаа ч гэлээ, “Корагийн бүлгийн” адил хүмүүс түүнээс ч олон байна. Би бүрэн цог жавхлантай болох үедээ тэнгэрээс гал буулгаж тэднийг үнс болтол шатаах болно. Би хүмүүсийг үгээрээ гэсгээхээ болино гэдгийг та нар мэдэх хэрэгтэй, гэхдээ Израилийн ажлыг хийхээс өмнө Би, Намайг эсэргүүцсэн, эрт үед Надаар таягдан хаягдсан “Корагийн бүлгийг” бүрмөсөн үнс болгоно. Надад баясан цэнгэх боломжийг хүн төрөлхтөн дахиж үзэхгүй, харин тэдний үзэх бүхэн нь уур хилэн ба тэнгэрээс буух Миний “гал” болой. Би бүх хүний үр дүнг илчилж, бүх хүнийг өөр өөр ангилалд хуваана. Би тэдний тэрслүү үйл бүрийг анхааралдаа аваад Өөрийн ажлыг дуусгана, тэгснээр хүмүүсийн үр дүн нь нь газар дээр байх үеийн Миний тогтоол, мөн түүнчлэн Надад хандах тэдний хандлага дээр үндэслэн шийдэгдэнэ. Тэр цаг ирэх үед, тэдний үр дүнг өөрчилж чадах зүйл юу ч үгүй. Хүмүүс өөрсдийн үр дүнгээ илчлэг! Хүмүүсийн үр дүнг Би тэнгэрлэг Эцэгт гардуулъя!