ХЯТАДЫН СОНГОГДСОН ХҮМҮҮС ИЗРАИЛИЙН ЯМАР Ч ОВГИЙГ ТӨЛӨӨЛӨХ ЧАДВАРГҮЙ

Давидын гэр Еховагийн амлалтыг хүлээн авсан бөгөөд энэ нь Еховагийн өвийг хүлээн авсан гэр бүл байсан юм. Энэ нь анх Израилийн овгуудын нэг байсан бөгөөд сонгогдсон хүмүүст харьяалагдаж байв. Тухайн үед Ехова, Давидын гэрт харьяалагдаж байсан бүх иудей хүмүүс болон тэнд төрсөн бүхэн Өөрийнх нь өвийг хүлээн авах болно хэмээх хуулийг израильчуудын төлөө тогтоосон. Тэд зуу дахин ихийг хүлээн авч, ууган хүүгийн байр суурийг олж авах байсан юм. Тухайн үед тэд бүх израильчуудын дундаас хамгийн их өргөгдсөн нь байсан—тэд Израилийн бүх гэр бүлийн дундаас хамгийн өндөр байр суурьтай нь байсан бөгөөд тахилчийн хувцас, титэм өмсөн сүмд Еховад шууд үйлчилдэг байв. Тухайн үед Тэр тэднийг итгэлтэй агаад ариун зарц нар хэмээн дуудсан бөгөөд тэд Израилийн бусад бүх овгийн хүндлэлийг хүлээсэн. Тиймээс тухайн үед тэднийг бүгдийг нь хүндэтгэн эзэд мэт үздэг байлаа—энэ бол Хуулийн эрин үе дэх Еховагийн ажил байв. Өнөөдөр тэд мөн л ийм маягаар сүмд Еховад үйлчилсээр байгаа, иймээс тэд үргэлж Еховагаар томилогдсон хаад байх болно. Тэд анхнаасаа Давидын гэрт харьяалагдаж байсан учраас хэн ч тэдний титмийг булаан авч чадахгүй ба хэн ч тэдний үйлчлэлийг өөрчилж чадахгүй; энэ бол Еховагийн тэдэнд хайрласан зүйл юм. Та нар Давидын гэрт харьяалагддаггүйн шалтгаан нь та нар Израилийнх биш харин та нар Израилийн гаднах гэрүүдэд харьяалагддаг. Түүнчлэн та нарын уг чанар Еховаг шүтэн мөргөхийн төлөө биш, харин Түүнийг эсэргүүцэхийн төлөө байдаг, иймээс та нарт Давидын гэрийн хүмүүстэй адил ялгамж чанар байхгүй бөгөөд та нар бол Миний өвийг хүлээн авах хүмүүсийн нэг биш юм. Ялангуяа та нар зуу дахин ихийг авах хүмүүсийн нэг биш билээ.

Израильд тэр үед олон өөр гэр, олон өөр овог байсан боловч тэд бүгд сонгогдсон хүмүүс байлаа. Гэсэн хэдий ч, бусад улс орнуудаас ялгаатай нь Израильд өөр өөр овгийнх нь дагуу хүмүүсийг ангилж, Еховагийн өмнөх тэдний байр суурийг ялгаж салгаж, хүн нэг бүрийн орон нутгийг нь байрлуулдаг. Израилиас өөр орнуудад хүмүүс өөрсдийгөө Давид, Иаков эсвэл Мосегийн гэрт харьяалагддаг гэж зүгээр л санамсаргүйгээр хэлж чаддаггүй. Энэ нь бодит баримтын эсрэг байх байсан—Израилийн овгуудын нэрийг[a] бусад орнуудад хааш яаш буруугаар ашиглаж болохгүй. Хүмүүс Давид, Абрахам, Есав гэх зэрэг нэрийг олон дахин буруугаар ашигладаг, эсвэл тэд: “Бид одоо Бурханыг хүлээн зөвшөөрлөө, иймээс бид бол Иаковын гэрийнхэн” гэж хэлдэг. Эдгээр зүйлийг хэлэх нь хүний ул үндэсгүй шалтгаас өөр юу ч биш бөгөөд Еховагаас шууд ирдэггүй, мөн энэ нь Миний Өөрийн бодол санаанаас ч гардаггүй. Энэ нь гагцхүү хүний утгагүй үг юм! Зөв бурууг хольж хутгадаг уран илтгэгч шигээр хүмүүс өөрсдийгөө Давидын удам эсвэл Иаковын гэр бүлийн нэг хэсэг хэмээн үндэслэлгүйгээр боддог бөгөөд өөрсдийгөө ингэх эрхтэй гэж итгэдэг. Давидын гэрийн хүмүүс аль хэдийн Еховагаар томилогдсон бөгөөд Давид өөрийгөө хаанд өргөмжлөөгүй гэдгийг хүмүүс мэддэггүй гэж үү? Гэхдээ, өөрсдийгөө Давидын гэрийн удам хэмээн ичгүүргүйгээр зарладаг олон хүн бий—хүмүүс тун мэдлэггүй! Үнэн нь гэвэл Израилийн хэрэг явдлууд Харь үндэстнүүдтэй ямар ч хамаагүй—тэд бол хоёр өөр зүйлс бөгөөд огтоос хамааралгүй. Израилийн хэрэг явдлуудыг зөвхөн Израилийн ард иргэдэд л ярьж болно, харин Харь үндэстнүүд үндсэндээ оролцохгүй бөгөөд Харь үндэстнүүдийн дунд одоогоор хийгдсэн ажил нь Израилийн ард түмэнтэй ямар ч хамаагүй юм. Харь үндэстнүүдийн талаар хэлсэн зүйл Миний одоогийн хэлж байгаа зүйлээр тодорхойлогдох бөгөөд Израильд хийгдсэн ажил нь Харь үндэстнүүдийн дундах ажлын зөн болж чадахгүй. Тэр нь Бурханыг хэтэрхий тэнэг, хэтэрхий хуучинсаг гэж харагдуулахгүй гэж үү? Харь үндэстнүүдийн дунд ажил тархаж эхлэх үед л тэдний талаар ярьсан зүйлс эсвэл тэдний үр дүн илчлэгдэх болно, иймээс “Бид бол Давидын удам” эсвэл “Есүс бол Давидын хүү” хэмээх өнгөрсөн үеийн хүмүүсийн үг нь хэлэхэд бүр ч илүү утгагүй зүйл болно. Миний ажил хэсэгчлэн хуваагддаг. Би бугыг морь гэж үзэхгүй; харин ч дэс дарааллынхаа дагуу ялгагддаг.

Тайлбар:

а. Эх бичвэрт “нэрийг” гэдэг үг байдаггүй.

Өмнөх: СУРАЛЦДАГГҮЙ АГААД МЭДЛЭГГҮЙ ХЭВЭЭР ҮЛДДЭГ ХҮМҮҮС: ТЭД АРААТАН БИШ ГЭЖ ҮҮ?

Дараах: ЕРӨӨЛҮҮДИЙГ ТА НАР ЮУ ГЭЖ ОЙЛГОДОГ ВЭ?

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

БИЕ МАХБОДТОЙ БОЛОХЫН НУУЦ (1)

Нигүүлслийн эрин үед Иохан Есүст зориулан зам тавьсан. Иохан Бурханы Өөрийн ажлыг хийж чадаагүй, харин ердөө хүний үүргийг л биелүүлсэн юм....

ЗАМ… (2)

Эх газрын Хятад дахь Бурханы ажлын эрэмбэ дараа, алхам, арга барилын талаар манай ах эгч нар бага зэрэг ойлголттой байж болох ч эдгээрийг...

Төгсгөлийн үг

Хэдийгээр эдгээр үгс нь Бурханы бүх илэрхийлэл биш боловч тэдгээр нь, Бурханыг мэдэж, зан чанараа өөрчлөх хүмүүсийн зорилгыг биелүүлэхэд...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх