Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХОРИН ХОЁРДУГААР БҮЛЭГ

Бурханд итгэх нь амархан хийдэг зүйл биш. Та нар төөрөлдсөн байдлаар дагаж, бүхнийг ховдоглон идээд бүгдийг нь ямар сонирхолтой, ямар амттай юм бэ гэж боддог! Зарим нь магтан сайшаасаар байх болно—тэдэнд ердөө сүнсээрээ ялган таних чадвар байдаггүй. Энэ туршлагыг нэгтгэн дүгнэхэд цаг зарцуулваас зохистой. Эцсийн өдрүүдэд бүх төрлийн сүнснүүд өөрсдийн үүргийг гүйцэтгэхээр гарч ирэн, Бурханы хүүхдүүдийн цаашдын алхмуудыг илт эсэргүүцэж, чуулганы барилгыг нураахад оролцдог. Хэрэв та нар үүнийг хөнгөхнөөр авч үзвэл, Сатанд ажиллах боломж өгвөл тэр чуулганыг эмх замбараагүй болгож, хүмүүс сандарч, цөхрөх бөгөөд ноцтой тохиолдолд хүмүүс үзэгдлүүдийг алдана. Ийм байдлаар олон жилийн турш уйгагүй төлсөн төлөөс маань юу ч биш болно.

Чуулганы бүтээн байгуулалтын цаг үе нь мөн Сатаны хамгийн улангассан үе юм. Цөөн тооны хүмүүсээр дамжуулан Сатан байнга саад, түвэг учруулдаг бөгөөд сүнсийг мэддэггүй хүмүүс эсвэл шинэ итгэгчид Сатаны үүргийг хамгийн амархан гүйцэтгэдэг. Ихэнхдээ хүмүүс Ариун Сүнсний ажлыг ойлгодоггүй учраас өөрсдийн дураар, өөрсдийн аливааг хийдэг арга зам, үзлийн дагуу гараа сунгаж, юмыг дур зоргоороо хийдэг. Амаа хамхи—чамайг хамгаалахын тулд үүнийг хэлж байна. Сайн сонсоод, дуулгавартай дага. Чуулган хийгээд нийгэм бол өөр зүйлс. Хүссэн зүйлээ, эсвэл бодсон болгоноо чи шууд хэлчихэж болохгүй. Энэ нь Бурханы гэр учраас энд тэгдэггүй. Бурхан хүмүүсийн аливааг хийх арга замыг хүлээн зөвшөөрдөггүй. Чи Сүнсийг даган аливааг үйлдэж, Бурханы үгийг амьдран харуулах ёстой, тэгвэл бусад хүмүүс чамайг бишрэх болно. Чи Бурханд найдаж өөрийн доторх бүх хүндрэлийг юун түрүүнд шийдвэрлэх ёстой. Доройтсон зан чанараа төгсгөл болгож, өөрийн нөхцөл байдлыг үнэхээр ойлгох чадвартай байж, аливааг хэрхэн хийх ёстойгоо мэддэг байх ёстой; ойлгохгүй байгаа зүйлээ үргэлжлүүлэн нөхөрлө. Өөрийгөө мэдэхгүй байна гэдэг хүлээн зөвшөөршгүй зүйл. Эхлээд өвчнөө илааршуул, тэгээд Миний үгийг илүү их идэж уун, Миний үгийг эргэцүүлэн тунгааж, Миний үгийн дагуу амьдар; гэртээ эсвэл өөр газар байхаас үл хамааран Бурхан чиний дотор хүч чадал эзэмшихийг зөвшөөр. Махан бие хийгээд төрөлхийн чанараас татгалз. Өөрийн дотор Бурханы үгийг үргэлж ноёрхуул. Амь чинь өөрчлөгдөхгүй байна гэж санаа зовох шаардлагагүй; чиний зан чанар асар их өөрчлөгдсөн болохыг чи аажмаар мэдэрч эхлэх болно. Өмнө нь чи анхаарлын төвд орохдоо хурдан, хэнийг ч сонсдоггүй, хэрээс хэтэрсэн хүсэлтэй, өөрийгөө зөвтгөдөг, бардам байсан бол аажмаар эдгээр зүйлийг хаях болно. Хэрэв чи эдгээрийг яг одоо хаяхыг хүсэж байгаа бол энэ боломжгүй! Учир нь хуучин бие чинь бусдыг үүндээ хүргэхгүй бөгөөд энэ нь чиний дотор гүн гүнзгий үндэслэсэн байгаа. Тиймээс чи бодит хүчин чармайлт гаргаж, Ариун Сүнсний ажлыг эерэгээр, идэвхтэйгээр дуулгавартай дагаж, Бурхантай хамтран ажиллахад өөрийн хүслийг ашиглаж, Миний үгийг хэрэгжүүлэхэд бэлэн байх ёстой. Хэрэв чи нүгэл үйлдвэл Бурхан чамайг сахилгажуулах болно. Буцаж ирээд ойлгох үед чинь чиний дотор нэн даруй амар тайван болно. Хэрэв чи дур зоргоороо яривал нэн даруй дотроос чинь сахилгажуулна. Бурхан иймэрхүү зүйлд баярладаггүй гэдгийг харж болно, тиймээс хэрэв чи үүнийг нэн даруй зогсоовол дотоод амар амгаланг мэдэрнэ. Амийн мэдрэмж гэж юу болох эсвэл амийн мэдрэмж дотор хэрхэн амьдрах талаар ойлгодоггүй шинэ итгэгчид байдаг. Заримдаа чи юу ч хэлээгүй хэрнээ дотроо яагаад ийм тайван бус байгаагаа гайхдаг. Энэ үед бодол болон оюун санаа чинь буруу зөрүү байдаг. Заримдаа чамд өөрийн гэсэн сонголт, өөрийн гэсэн үзэл, санал байдаг; заримдаа чи бусдыг өөрөөсөө доогуур гэж үздэг; заримдаа чи өөрийн хувиа хичээсэн тооцооллыг хийх бөгөөд залбирч эсвэл өөрийгөө эргэцүүлдэггүй учраас дотроо тайван бус хэвээр үлддэг. Асуудал юу болохыг чи мэдэж байгаа байх, иймээс шууд л Бурханы нэрийг зүрх сэтгэлдээ дуудаж, Бурханд ойртдог бол чи сэргэх болно. Зүрх сэтгэл чинь маш их хямарсан, тайван бус байх үед Бурхан чамд ярихыг чинь зөвшөөрч байна гэж огт бодох ёсгүй. Ялангуяа шинэ итгэгчдийн хувьд энэ тал дээр Бурханд маш дуулгавартай байх ёстой. Бурхан хүний дотор амар амгалан, баяр баясгалан, тодорхой, баттай мэдрэмжийг өгдөг. Ихэвчлэн хүмүүс ойлгодоггүй бөгөөд аливааг будлиантуулж, юмыг дур зоргоороо хийдэг—эдгээр нь бүгд саад болдог бөгөөд чи үүнийг маш сайн анхаарах хэрэгтэй. Хэрэв чи ийм нөхцөлд өртөмтгий бол эхлээд сэргийлэх эм уух хэрэгтэй, эс бөгөөс чи саад учруулж, Бурхан чамайг цохих болно. Өөрийгөө бүү зөвтгө; бусдын давуу талыг авч, өөрийн дутагдлыг нөхөхөд ашигла, бусад хүмүүс Бурханы үгээр хэрхэн амьдарч байгааг ажигла, тэдний амьдрал, үйлдэл, үг ярианаас сурах зүйл байгаа эсэхийг хар. Хэрэв чи бусдыг өөрөөсөө доогуур хэмээн үздэг бол чи өөрийгөө зөвтгөдөг, биеэ тоосон бөгөөд хэнд ч ач тус болдоггүй. Тэгэхээр гол түлхүүр нь амь дээр төвлөрч, Миний үгийг илүү их идэж уун, Миний үгийг мэдэрч туулж, Миний үгийг мэдэж, Миний үгийг үнэхээр өөрийн амь болгох явдал юм—энэ бол гол зүйл. Бурханы үгээр амьдарч чадахгүй хүний амь төлөвшиж чадах уу? Үгүй, чадахгүй. Чи цаг үргэлжид Миний үгээр амьдрах ёстой. Амьдрал дээр Миний үг, биеэ авч явах дүрэм журам чинь байх ёстой. Аливаа зүйлийг ийм байдлаар хийвэл Бурхан баясдаг, харин өөр байдлаар хийвэл Бурхан үзэн яддаг гэдгийг энэ нь чамд мэдрүүлэх болно; аажимдаа чи зөв замаар алхаж эхэлнэ. Ямар зүйл Бурханаас гардаг, ямар зүйл Сатанаас гардаг болохыг чи ойлгох ёстой. Бурханаас гардаг зүйл нь, үзэгдлийн тухай илүү тодорхой мэддэг болоход чамайг хүргэж, Бурханд улам илүү ойр болгож, ах эгч нартайгаа үнэн сэтгэлээсээ хайрыг хуваалцдаг болгоно; чи Бурханы ачаанд санаа тавих чадвартай болох ба Бурханыг хайрлах сэтгэл чинь багасахгүй; чамд цааш алхах зам байгаа. Сатанаас гарч ирдэг зүйлс, үзэгдлүүдийг алдаж, өмнө нь байсан бүхнээ алдахад чамайг хүргэдэг; чи Бурханаас холдож, ах эгч нараа гэсэн хайр чинь үгүй болж, үзэн ядах сэтгэлтэй болно. Чи цөхрөлд орж, цаашид чуулганы амьдралаар амьдрах хүсэлгүй болох бөгөөд Бурханыг хайрлах зүрх сэтгэл чинь үгүй болдог. Энэ бол Сатаны ажил бөгөөд мөн муу ёрын сүнсний хийсэн ажлын үр дагавар юм.

Одоо үе бол шийдвэрлэх мөч. Та нар эцсийн минут хүртэл шаргуу хөдөлмөрлөж, сайн мууг ялгаж чаддаг байхын тулд сүнсний нүдээ тунгалаг болгож, чуулганыг байгуулахын төлөө хамаг хүчээрээ чармайх хэрэгтэй. Сатаны зарц нар, шашны үймээн самуун, муу ёрын сүнсний ажлыг арилга. Чуулганыг ариусгаж, Миний хүслийг саадгүй хэрэгжүүл, гамшгийн өмнөх энэ маш бага хугацаанд Би та нарыг аль болох хурдан бүрэн төгс болгож, алдар луу аваачих болно.

Өмнөх:АРВАН ЕСДҮГЭЭР БҮЛЭГ

Дараах:ХОРИН ЗУРГААДУГААР БҮЛЭГ

Танд таалагдаж магадгүй