37-Р БҮЛЭГ

Миний байгаад итгэх итгэл та нарт үнэхээр дутагддаг бөгөөд та нар юм хийхдээ үргэлж өөрсдөдөө найддаг. “Надгүйгээр та нар юу ч хийж чадахгүй!” Гэвч ялзарсан хүмүүс та нар Миний үгийг үргэлж нэг чихээрээ оруулаад нөгөө чихээрээ гаргачихдаг. Өнөөгийн амьдрал бол үгийн амьдрал; үг үгүй бол амь үгүй, туршлага үгүй бөгөөд ямар ч итгэл байхгүй гэдгийг дурдахын ч хэрэггүй. Итгэл нь үг дотор байдаг; Бурханы үгэнд илүү анхаарсан цагт л та нар бүх юмтай байж чадна. Өсөхгүй байх тухай бүү санаа зов; санаа зовсноор биш, харин өсөлтөөр дамжуулан амь ирдэг.

Та нар үргэлж бачимдуу болох талтай бөгөөд Миний заавруудыг сонсдоггүй. Та нар үргэлж Надаас түрүүлж алхахыг хүсдэг. Энэ яг юу вэ? Энэ бол хүмүүсийн жолоогүй хүсэл эрмэлзэл юм. Та нар Бурханаас ирж байгаа зүйл болон өөрсдөөсөө ирж байгаа зүйлийг тодорхой ялгах хэрэгтэй. Миний өмнө сэтгэлийн хөөрөл хэзээ ч магтагдахгүй. Та нар эхнээсээ эцэс хүртэл Намайг чин сэтгэлээр дагах чадвартай байгаасай гэж Би хүсдэг. Гэвч ингэж үйлдэх нь Бурханд зориулах зориулалт гэж та нар итгэдэг. Сохор хүмүүс! Та нар яагаад Миний өмнө илүү их ирж, эрж хайдаггүй юм бэ? Та нар яагаад гагцхүү сохроор үйлдээд байгаа юм бэ? Та нар тодорхой харах ёстой! Эдүгээ ажиллаж байгаа нь хүн биш, харин бүгдийн Захирагч, нэгэн жинхэнэ Бурхан—Төгс Хүчит билээ! Та нар үл ойшоох биш, харин ч өөрт байгаа бүхнээсээ зуурах ёстой, учир нь Миний өдөр ойрхон байна. Энэ удаа та нар бас л сэрэхгүй гэж үү? Та нар одоо ч гэсэн тодорхой харахгүй л байна уу? Та нар дэлхий ертөнцөд нийцүүлсээр байдаг ба үүнээс ангижирч чаддаггүй. Яагаад? Та нар үнэхээр Намайг хайрладаг уу? Надад харуулахын тулд зүрх сэтгэлээ ил болгож чадах уу? Бүх оршихуйгаа Надад өргөн барьж чадах уу?

Миний үгийн талаар илүү их бодож, тэдгээрийг үргэлж тодорхой ойлгож бай. Хольж хутгаж, будилж, тоомсоргүй байж болохгүй. Миний өмнө илүү их цаг өнгөрөөж, Миний цэвэр үгийг илүү хүлээн авч бай, Миний санаа зорилгыг буруугаар бүү ойлго. Би та нарт өөр юу хэлж болох вэ? Хүмүүсийн зүрх сэтгэл хатуу бөгөөд үзэл нь дэндүү ноцтой. Тэд амь зуух нь л хангалттай гэж үргэлж боддог бөгөөд амиараа үргэлж тоглож байдаг. Мунхаг хүүхдүүд! Цаг эрт биш байна, тоглож байх цаг биш. Та нар нүдээ нээгээд цаг хугацааг харах хэрэгтэй. Нар мандаж, дэлхийг гийгүүлэх гэж байна. Нүдээ нээгээд, сайтар хар, хайхрамжгүй бүү бай.

Та нар ийм том асуудлыг хөнгөхнөөр авч үзэж, үүнд ингэж ханддаг! Зүрх сэтгэл минь зовниж байна, гэхдээ Миний зүрх сэтгэлийг анхаардаг, Миний сайн захиасыг сонсож, Миний зөвлөгөөг чагнаж чаддаг цөөн хүн бий! Үүрэг даалгавар хүнд боловч Миний төлөө ачааг хуваалцаж чаддаг хүмүүс та нарын дунд цөөхөн бий; та нарт ийм хандлага байсаар байдаг. Өнгөрсөнтэй харьцуулахад та нар бага зэрэг ахиц гаргасан ч, энэ нөхцөл байдалдаа байгаад байж болохгүй! Миний мөр маш хурдан урагшилж байгаа ч та нар мөн л ийм алхаатай байна. Та нар яаж өнөөдрийн гэрэлтэй алхаа нийлүүлж, Миний алхмуудтай хөл нийлүүлж чадах юм бэ? Дахин бүү тээнэгэлз. Би та нарт ахин дахин онцлон хэлсэн, Миний өдөр цаашид хойшлохгүй!

Өнөөдрийн гэрэл бол эцсийн эцэст өнөөдрийнх. Үүнийг өчигдрийн гэрэлтэй харьцуулж болохгүй, мөн маргаашийн гэрэлтэй харьцуулж болохгүй. Шинэ илчлэл, шинэ гэрэл өдөр бүр илүү хүчтэй, илүү хурц байдаг. Гайхширахаа боль, мунхаг байхаа боль, хуучинсаг байхаа боль, Миний цагийг хойшлуулахаа боль, эсвэл Миний цагийг дэмий үрэхээ боль.

Сэрэмжтэй бай! Сэрэмжтэй бай! Надад улам их залбир, Миний өмнө илүү их цагийг өнгөрөө, тэгээд та нар гарцаагүй бүхнийг олж авна! Ийм маягаар гарцаагүй бүхнийг олж авна гэж итгэ!

Өмнөх: 36-Р БҮЛЭГ

Дараах: 38-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ЧИ АМЬ ОРСОН ХҮН МӨН ҮҮ?

Завхарсан зан чанараа хаяж, хэвийн хүн чанарыг амьдран харуулдаг болсон үедээ л чи төгс болгуулна. Чи зөгнөл хэлж чадахгүй, аливаа нууцын...

14-Р БҮЛЭГ

Эрин үеүдийн туршид нэг ч хүн хаанчлалд ороогүй, тиймээс хэн ч Хаанчлалын эрин үеийн нигүүлслийг эдлээгүй, хаанчлалын Хааныг ч хараагүй....

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх