Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ГУЧИН ТАВДУГААР БҮЛЭГ

Долоон аянга сэнтийнээс гарч, ертөнцийг чичрээж, тэнгэр газрыг эргүүлж, тэнгэрээр цуурайтна! Дуу нь ихэд цангинасан байх тул хүмүүс үүнээс зугтаж ч, нуугдаж ч чадахгүй. Аянгын гялбаа болон тэнгэрийн дуу гарч, тэнгэр газрыг тэр дор нь орвонгоор нь эргүүлж, хүмүүс үхлийн ирмэг дээр ирдэг. Дараа нь, догшин шуургатай аадар бороо гэрлийн хурдаар бүхэл сансар огторгуйг хамран тэнгэрээс бууна! Дэлхийн хамгийн алс буланд, ганц ч толбо үлдээлгүй аадар бороо булан тохойгүй орж, толгойноос хөл хүртэл бүгдийг нь шүршихэд, юу ч үүнээс нуугдаж, хэн ч үүнээс хоргодож чадахгүй. Аянгын нижигнээн, гэрлийн гялбааны жихүүн цацраг адил хүмүүсийг айн чичрэхэд хүргэдэг! Хоёр иртэй хурц сэлэм тэрслэлтийн хөвгүүдийг цохиж, орогнох газаргүй дайсан гамшигтай нүүр тулж, толгой нь шуурганы хүчирхийлэлд эргэлдэн, ухаангүй болтлоо цохигдож, урсах усанд тэр дороо үхэтхийн унаж хөвөн одно. Тэдэнд амиа аврах ямар ч арга замгүйгээр зүгээр л үхнэ. Долоон аянга Надаас гардаг ба тэд Египетийн ууган хөвгүүдийг устгаж, хорлонт мууг шийтгэж, Миний чуулгануудыг цэвэрлэх санаа зорилгыг минь дамжуулдаг, ингэснээр бүгд өөр хоорондоо ойртож, ижил замаар бодож, үйлдэх ба тэд Надтай нэг зүрх сэтгэлтэй байдаг, ингэснээр орчлон ертөнцийн бүх чуулган нэг болон баригдах болно. Энэ бол Миний зорилго.

Аянга дуугарахад уйлааны давалгаанууд гарч ирдэг. Зарим нэг нь зүүрмэглэж байснаа сэрж, ихэд түгшиж, сүнсэндээ гүнзгий хайж, сэнтийн өмнө яаран буцдаг. Тэд заль мэх хэрэглэж, хуурч, гэмт хэрэг үйлдэхээ зогсоодог ба ийм хүмүүсийн хувьд сэрэхэд их оройтоогүй байдаг. Би сэнтийнээс хардаг. Би хүмүүсийн зүрх сэтгэлийн гүнийг хардаг. Би Намайг үнэхээр, цогтойгоор хүсдэг хүмүүсийг аварч, тэднийг өрөвддөг. Зүрх сэтгэлдээ өөр юунаас ч илүүгээр Намайг хайрладаг, Миний хүслийг ойлгодог, Намайг замын эцэс хүртэл дагадаг хүмүүсийг Би мөнхөд аврах болно. Миний гар тэднийг аюулгүй барина, тэгснээр тэд энэ дүр зурагтай тулгарахгүй бөгөөд тэдэнд аюул учрахгүй. Зарим нь, аянгын энэ гялбалтыг хараад бодож санаж байгаагаа хэлэхэд ч хэцүү болж зүрх сэтгэлдээ зовлон тээдэг ч, тэдний харуусал хэтэрхий оройтсон байдаг. Хэрвээ тэд ийм маягаар авирласан хэвээр байвал энэ нь харин ч тэдний хувьд хэтэрхий оройтно. Өө бүх зүйл, бүх зүйл ээ! Энэ бүгд дуусгавар болох болно. Энэ бол Миний авралын арга барилын нэг юм. Намайг хайрладаг хүмүүсийг Би аварч, хорон мууг цохидог. Иймд, Миний хаанчлал газар дээр тайван агаад тогтвортой байж, бүх орчлон ертөнц даяар бүх улс үндэстний хүмүүс Би бол сүр жавхлан, Би бол дүрэлзэх гал, Би бол хүн бүрийн зүрх сэтгэлийн гүнийг хайдаг Бурхан гэдгийг мэдэх болно. Энэ цагаас эхлэн, агуу цагаан сэнтийн шүүлт олон нийтэд ил тод илчлэгдсэн ба шүүлт эхэлсэн гэдэг нь бүх хүнд зарлагдсан! Өөрсдийн зүрх сэтгэлд байгааг ярьдаггүй, эргэлздэг, итгэлтэй байж зүрхэлдэггүй, цагийн дэмий өнгөрөөдөг, Миний хүслийг ойлгодог ч хэрэгжүүлэх дургүй бүх хүн шүүгдэх ёстой гэдэг нь эргэлзээгүй юм. Та нар өөрсдийн санаа зорилго, сэдлийг нарийвчлан шалгаж, зохих байр сууриа эзэлж, Миний хэлснийг нэгд нэггүй хэрэгжүүлж, амийн туршлагадаа ач холбогдол өгөх ёстой, гаднаа урам зоригтой бүү үйлд, харин өөрсдийн амийг өсгөж, боловсруулж, тогтвортой болгож, туршлагажуулсан цагт л та нар Миний зүрх сэтгэлийн дагуу байх болно.

Аливааг өөрсдөдөө ашигтайгаар эргүүлэхийн тулд Миний байгуулж байгаа аливаа боломжийг үймүүлж, утсгадаг Сатаны зарц нар болон муу ёрын сүнснүүдийг үгүйсгэ. Тэднийг чанд хязгаарлаж, хориглох ёстой ба тэдэнтэй зөвхөн хурц илд ашиглан харьцаж болно. Хамгийн муу хүмүүсийг даруйхан үндсээр нь тасдах ёстой, ингэснээр тэд ирээдүйд аюул занал учруулахгүй. Мөн чуулганыг төгс болгоно, чадваргүй байдал гэж байхаа болих бөгөөд энэ нь эрүүл саруул, эрч хүч болон энергиэр дүүрэн байх болно. Гялбасан гэрлийн дараа, аянгын дуу нижигнэдэг. Чи үл ойшоож, бууж өгөх ёсгүй, харин хөл нийлүүлэхийн тулд чадах бүхнээ хий, мэдээжийн хэрэг Миний гар юу хийдгийг, Би юуг олж авдгийг, Би юуг хаядгийг, Би юуг төгс болгодгийг, Би юуг үндсээр нь тасддагийг, Би юуг цохин унагадгийг харж чадах болно. Энэ бүхэн та нарын нүдний өмнө дэлгэгдэх ба ингэснээр та нар Миний бүхнийг чадагч хүчийг тодорхой харж болох юм.

Сэнтийнээс эхлээд бүхий л ертөнцийн төгсгөл хүртэл долоо аянга цуурайтдаг. Бөөн хүн аврагдаж, Миний сэнтийн өмнө захирагдах болно. Амийн энэ гэрлийг дагаад, хүмүүс амьд гарах аргыг эрж хайх боловч Миний өмнө ирж, шүтэн мөргөхөөр сөгдөж, ам нь төгс хүчит жинхэнэ Бурханы нэрийг дуудаж, гуйхаас өөр яаж ч чаддаггүй. Харин Намайг эсэргүүцдэг, зүрх сэтгэлээ хатуужуулдаг хүмүүсийн чихэнд аянга нижигнэх ба тэд мөхөх ёстой нь эргэлзээгүй. Энэ бол тэдний хувьд ердөө л эцсийн үр дүн юм. Миний ялгуусан хайрт хөвгүүд Сионд үлдэж, бүх хүн тэдний юу олж авахыг харах бөгөөд энгүй их алдар суу та нарын өмнө гарч ирэх болно. Энэ бол жаргалыг нь үгээр илэрхийлэхийн аргагүй, үнэхээр нэн агуу ерөөл билээ.

Долоон аянгын нүргээн гарахад Намайг хайрладаг, Намайг үнэн зүрх сэтгэлээсээ хүсдэг хүмүүсийн аврал бий болдог. Надад харьяалагддаг, Миний урьдаас тогтоосон болон сонгосон хүмүүс бүгд Миний нэрийн дор ирэх боломжтой. Тэд Бурханы дуудлага буюу Миний хоолойг сонсож чадна. Ертөнцийн зах хязгаарт байгаа хүмүүст Би бол зөвт, Би бол итгэмжит, Би бол хайр, Би бол энэрэл, Би бол сүр жавхлан, Би бол дүрэлзэх гал, эцэст нь Би бол өршөөлгүй шүүлт гэдгийг харуул.

Дэлхийд байгаа бүхэнд Би бол жинхэнэ, бүрэн төгс Бурхан Өөрөө гэдгийг харуул. Бүх хүн чин сэтгэлээсээ үнэмшиж, хэн ч Намайг дахин эсэргүүцэж, Намайг шүүж, Намайг гүтгэж зүрхлэхгүй. Эс тэгвээс, тэд өөрсдөд нь тохиолдох хараал болон гамшигтай нэн даруй учрах болно. Тэд ердөө уйлж, шүдээ хавирах ба өөрсдийнхөө сүйрлийг авчирна.

Бүх хүмүүст мэдэгдэж, ертөнцийн зах хязгаарт хэл хүргэ, ингэснээр хүн нэг бүр мэдэж авна. Төгс Хүчит Бурхан бол нэг жинхэнэ Бурхан, бүх хүн нэг нэгнийхээ ар араасаа өвдөг сөгдөн Түүнийг шүтэж, дөнгөж хэлд орсон хүүхэд хүртэл “Төгс Хүчит Бурхан” хэмээн дуудах болно! Эрх мэдэл эзэмшиж байгаа албан тушаалтнууд өмнө нь жинхэнэ Бурхан гарч ирэхийг нүдээрээ харах бөгөөд тэд ч мөн нүүрээрээ газар унан шүтэн мөргөж, өршөөл, уучлал гуйх боловч үхэх цаг нь ирсэн учир хэтэрхий оройтсон байх болно; тэднийг асар том ангалд хаяхаар яллах нь тэдний төлөө хийгдэх ёстой. Би бүхэл бүтэн эрин үеийг төгсгөлд нь аваачиж, Өөрийн хаанчлалыг улам хүчирхэгжүүлэх болно. Бүх улс үндэстэн, хүмүүс Надад мөнхөд захирагдах болно!

Өмнөх:ГУЧИН ДӨРӨВДҮГЭЭР БҮЛЭГ

Дараах:ГУЧИН ЗУРГААДУГААР БҮЛЭГ

Танд таалагдаж магадгүй