35-Р БҮЛЭГ

Би хүмүүсийн дунд Өөрийн ажлыг хийж эхлэн, Надтай хамт нэг урсгалд амьдрах боломжийг тэдэнд олгосон. Би хүмүүсийн дунд байх зуураа Өөрийн ажлыг дуусгах болно, учир нь тэд бол Өөрийн бүхий л удирдлагын төлөвлөгөөндөө Миний удирддаг бай бөгөөд тэд бүх зүйлийн эзэд болох нь Миний хүсэл билээ. Тиймээс Би хүмүүсийн дунд үргэлжлүүлэн алхдаг. Хүмүүстэй хамт одоогийн эринд орох үед Миний сэтгэл маш их уужирч байна, учир нь Миний ажлын алхаа түргэссэн. Энэ хүмүүс хэрхэн мөр зэрэгцэн алхаж чадах вэ? Би мэдрэмжгүй, мангуу хүмүүс дээр маш их ажил хийсэн боловч тэд Намайг нандигнан хайрладаггүй учраас юу ч олж аваагүй. Би бүх хүний дунд оршиж, тэдний хөдөлгөөнийг газрын дээр, доороос хоёулангаас нь ажигласан. “Хүмүүс” гэж ангилагддаг бүхэн Намайг эсэргүүцэж, “Намайг эсэргүүцэх” нь тэдний ажлын тодорхойлолтонд байдаг мэт. Яг ингэж хийхгүй л бол тэд хэний ч өргөж аваагүй тэнэмэл өнчин хүүхэд шиг байдаг. Гэсэн хэдий ч хүмүүсийн үйлдэл болон зан байдалд үндэслэн Би тэдэнд дур зоргоороо ял оногдуулдаггүй. Үүний оронд Би тэдний биеийн хэмжээнд нийцүүлэн тэднийг дэмжиж, хангадаг. Хүн бол Миний бүхий л удирдлагын төлөвлөгөөний гол дүр учраас “хүн” хэмээх энэ дүрд байгаа хүмүүст Би илүү их удирдамжийг зориулдаг, ингэснээр тэд үүнийг үнэн сэтгэлээсээ, чадлынхаа хэрээр тоглох ба ингэснээр Миний найруулж буй энэ жүжиг бүрэн амжилттай болох болно. Энэ нь хүн төрөлхтөнд тавих Миний хүсэлт юм. Энэ залбиралгүйгээр тэд чадах чинээгээрээ дүрдээ сайн тоглож чадах болов уу? Хүмүүсийн Надаас гуйдаг зүйлийг Би биелүүлж чадна, гэхдээ Миний тэднээс хүссэн зүйлийг тэд биелүүлж чадах уу? Би хүмүүсийг сүр хүчээрээ дарладаг гэж хэлж болохгүй. Энэ бол Миний эцсийн хүсэлт: Би тэдгээрийг үнэн зүрхнээсээ, чин сэтгэлээсээ гуйж байна. Тэд Миний гуйсан зүйлийг үнэхээр хийж чадахгүй гэж үү? Би хүмүүст олон жилийн турш өгсөөр ирсэн боловч эргүүлээд юу ч аваагүй. Хэзээ нэгэн цагт хэн Надад ямар нэгэн зүйлийг өгсөн бэ? Миний цус, хөлс, нулимс зүгээр л уулсын дээрх үүл шиг гэж үү? Би хүмүүст олон удаа “урьдчилан сэргийлэх тарилга” өгч, тэдэнд тавих Миний шаардлага хатуу чанд биш гэдгийг тэдэнд хэлсэн. Тэгвэл яагаад хүмүүс Надаас байнга зайлсхийдэг юм бэ? Би тэдэнд, баригдмагцаа алагдах тахианы дэгдээхий шиг ханддаг учраас тэр үү? Би үнэхээр тийм харгис агаад догшин хэрцгий гэж үү? Хүмүүс Намайг үргэлж өөрсдийн үзлээрээ хэмждэг. Миний талаарх тэдний үзэл тэнгэр дэх Миний бодит байдалтай[a] тохирдог уу? Би хүмүүсийн үзлийг Өөрийн зугаа цэнгэлийн бай гэж үздэггүй. Харин ч Би тэдний зүрх сэтгэлийг үнэлэгдэхүйц зүйл гэж хардаг. Гэсэн хэдий ч Би тэдний мөс чанараас нэлээд залхдаг, учир нь тэдний дагуу Надад Өөрт минь тэр нь байдаггүй. Тиймээс Би тэр сэдэв дээр нэмэлт саналуудыг боловсруулсан. Гэсэн хэдий ч Би тэдний мөс чанарыг шууд шүүмжлэхээс татгалздаг; үүний оронд Би тэднийг тэвчээртэйгээр, алхам алхмаар залж чиглүүлдэг. Эцсийн эцэст хүмүүс сул дорой учраас ямар ч ажлыг биелүүлэх чадваргүй юм.

Өнөөдөр Би хэмжээ хязгааргүй гэсгээлтийн ертөнц рүү албан ёсоор алхан орсон бөгөөд үүнийг хүнтэй хамт таашаан эдэлж байна. Би мөн тэднийг гараараа удирдан чиглүүлж байгаа ба Миний удирдамж дор хүн бүхэн ёс журамтай байж, эсэргүүцэж зүрхлэх нэг ч хүн байхгүй. Бүгд Миний гарт байж, Миний тэдэнд даалгасан үүргийг биелүүлж байдаг, учир нь энэ нь тэдний “оногдсон ажил” юм. Тэнгэр дэх болон тэнгэр доорх бүх зүйлсийн дундаас хэн Миний төлөвлөгөөнд захирагдахгүй бэ? Хэн Миний хяналтад байдаггүй вэ? Хэн Миний үг болон ажлын төлөө магтаал, сайшаал хэлдэггүй вэ? Хүмүүс Миний үйл хэрэг болон үйлдлүүдийг гайхан биширдэг, иймээс тэд Миний үйл хөдлөл бүрийн улмаас өөрсдийгөө Миний ажлын урсгалд зориулдаг. Хэн зайлан одож чадах юм бэ? Хэн Миний зохицуулсан ажлаас холдож чадах юм бэ? Миний захиргааны зарлигийн улмаас хүмүүсийг албадан үлдээдэг; үүнгүйгээр тэд бүгд “тэргүүн шугамаас” зугтан одож, “оргодлууд” болох байсан юм. Үхлээс айдаггүй хэн байна вэ? Хүн үнэхээр өөрийгөө золиосолсон уу? Би аль хэдийн хүний уг чанарын талаар бүрэн гүйцэд ойлголттой болсон болохоор Би хэнийг ч шахдаггүй. Тиймээс Би үргэлж хүмүүсийн хэзээ ч хийж байгаагүй төслүүдийг хийсээр ирсэн билээ. Хэн ч Миний ажлыг хийж чадахгүй учраас Сатантай үхэх сэхэхээ үзэх тулалдаанд орохын тулд Би тулааны талбарт биечлэн хөл тавьсан юм. Өнөөдөр Сатан туйлын догширсон байгаа. Өөрийн агуу хүч чадлыг илчлэхийн тулд Өөрийн ажлын гол хэсгийг харуулахад Би яагаад энэ боломжийг ашиглахгүй гэж? Миний өмнө хэлснээр Би Сатаны ов мэхийг Өөрийн товойлгогч болгон ашигладаг; энэ нь дээд зэргийн боломж биш гэж үү? Одоо л Би тааламжтай инээмсэглэлийг харуулдаг, учир нь Би Өөрийнхөө зорилгыг биелүүлсэн билээ. Би цаашид ийш тийшээ гүйж, хүмүүсээс “тусламж” гуйхгүй. Би тэвдэн сандрахаа больсон ба цаашид тэнүүлчийн амьдралаар амьдрахгүй. Одооноос эхлээд Би амар тайван амьдрах болно. Хүмүүс ч мөн адил эсэн мэнд, эрүүл саруул байх болно, учир нь Миний цаг үе ирсэн. Газар дээр Би завгүй хүний амьдрал буюу олон шударга бус явдал тохиолдсон мэт санагддаг амьдралаар амьдарсан. Хүмүүсийн нүдээр Би тэдний баяр хөөр, уй гашууг, мөн түүнчлэн тэдний золгүй явдлыг хуваалцсан. Хүмүүсийн адилаар Би ч бас газар дээр, тэнгэрийн дор амьдарсан. Тэд тиймээс Намайг үргэлж бүтээгдсэн зүйл шиг үзсэн. Хүмүүс тэнгэр дэх Намайг хараагүй учраас хичээл зүтгэлээ Надад төдийлөн гаргаагүй. Гэсэн хэдий ч, өнөөдрийн нөхцөл байдлыг авч үзвэл хүмүүс Намайг өөрсдийнх нь хувь заяаны эзэн бөгөөд үүлнээс илтгэдэг илтгэгч гэдгийг хүлээн зөвшөөрөхөөс өөр аргагүй. Хүмүүс тиймээс л Миний өмнө шүтэн мөргөж толгойгоо газарт хүргэсэн юм. Энэ нь Миний ялгуусан эргэн ирэлтийн баталгаа биш гэж үү? Энэ нь бүхий л дайсны хүчийг ялсан Миний ялалтын дүр зураг биш гэж үү? Бүх хүнд, дэлхий ертөнц төгсгөлдөө ирж байгаа ба хүн төрөлхтөн асар их цэвэрлэлтийг туулах болно гэсэн зөн байсан. Гэсэн хэдий ч тэд үнэндээ Миний тэднээс гуйсан зүйлийг ухамсартайгаар хийж чаддаггүй, иймээс тэд Миний гэсгээлтийн дор цурхиран уйлахаас өөр аргагүй. Юу хийж болох вэ? Хэн энэ хүмүүст дуулгаваргүй бай гэж хэлсэн юм бэ? Хэн тэдэнд сүүлчийн эрин үед ор гэж хэлсэн юм бэ? Яагаад тэд сүйрлийн өмнөх энэ ертөнцөд хүн болж төрсөн юм бэ? Бүх зүйл Надаар биечлэн зохицуулагддаг. Хэн гомдоллож чадах юм бэ?

Дэлхий ертөнц бүтээгдсэн үеэс хойш Би хүмүүсийн дунд хэсүүчилж, газар дээр оршин тогтноход нь тэдэнд хань болж байсан. Гэхдээ өмнөх үеийнхнээс ганц ч хүн Надаар сонгогдоогүй; Өөрийн чимээгүй байдлаараа хүн бүхнээс татгалзсан. Учир нь өнгөрсөн үеийн хүмүүс нэгэн сэтгэлээр Надад үйлчлээгүй; тиймээс Би ч бас тэднийг нэгэн сэтгэлээр хайрлаагүй. Тэд Сатаны “бэлэгнүүдийг” авсан ба дараа нь эргээд тэдгээрийгээ Надад өгсөн; энэ нь Миний эсрэг доромжлол биш гэж үү? Тийм тахилуудыг хийж байх зуур Би Өөрийн зэвүүцлийг харуулаагүй; оронд нь Би эдгээр “бэлгийг” Өөрийн удирдлагад ашиглагдах эд материалуудад нэмснээр тэдний арга мэхийг Өөртөө ашигтайгаар эргүүлэхээр оролдсон. Хожим тэднийг машин боловсруулсаны дараа Би үүссэн бүх хог хаягдлыг шатааж орхино. Хэдийгээр одоогийн энэ үеийн хүмүүс Надад олон “бэлэг” өгөөгүй боловч Би тэднийг үүнийх нь төлөө зэмлэдэггүй. Энэ хүмүүс үргэлж ядуу даржин агаад гар хоосон байсан; тиймээс тэдний нөхцөл байдлын бодит байдлыг ажигласнаар Би хүний ертөнцөд ирснийхээ дараа тэдэнд ямар нэгэн үндэслэлгүй шаардлага хэзээ ч тавиагүй. Үүний оронд тэдэнд “эд материал” өгснийхөө дараа Би зүгээр л Өөрийн хүссэн “бэлэн бүтээгдэхүүнийг” гуйсан, учир нь энэ бол хүн төрөлхтний биелүүлж чадах цорын ганц зүйл билээ. Би зүй зохистой хүсэлт бодож олохоосоо өмнө хүн шиг амьдрах нь юу гэсэн үг болохыг суралцаж, олон жилийг зовлон бэрхшээлтэйгээр өнгөрүүлсэн. Би хүний амьдралыг туулаагүй байсан бол тэдний хувьд хэлэлцэхэд хэцүү байдаг хэрэг явдлуудыг Би хэрхэн ойлгож чадах билээ? Гэсэн хэдий боловч хүмүүс үүнийг ингэж үздэггүй; тэд гагцхүү Би бол хэмжээлшгүй эрхтэй, ер бусын Бурхан Өөрөө гэж хэлдэг. Энэ нь нарийндаа түүхэн туршид, тэр ч бүү хэл өнөөдрийг хүртэл бүх хүнд байдаг үзэл биш гэж үү? Газар дээр Намайг үнэхээр зуун хувь мэддэг нэг ч хүн байхгүй гэж Би хэлсэн. Энэ сануулга нь өөрийн гэсэн далд утгатай; энэ нь зүгээр л хий хоосон яриа биш. Би үүнийг Өөрөө туулж, ажигласан, иймээс Надад нарийн учрын талаарх ойлголт байдаг. Би хүний ертөнцөд бууж ирээгүй байсан бол хэн Намайг мэдэх боломжтой байх юм бэ? Хэн Миний үгийг биечлэн сонсож чадах юм бэ? Хэн Миний биеийг өөрсдийнхөө дунд харж чадах юм бэ? Эрт үеэс хойш Би үргэлж үүлэнд нуугдан байдаг байсан. Тэдэнд үлгэр дуурайл болон үйлчлэхийн тулд эцсийн өдрүүдэд хүний ертөнцөд бууж ирнэ гэдгээ Би эртнээс зөгнөсөн. Ийм учраас өнөөдөр хүмүүс өөрсдийн мэдлэгийн хүрээгээ өргөжүүлэх хувьтай юм. Энэ нь тэдэнд хайрласан Миний сайхан сэтгэл биш гэж үү? Тэд Миний нигүүлслийг огтхон ч ойлгохгүй байж болох уу? Яагаад хүмүүс маш мэдрэмжгүй, мангуу байдаг юм бэ? Энэ хүртэл ирчихээд тэд яагаад одоо ч сэрээгүй байгаа юм бэ? Би энэ ертөнцөд олон жилийн турш байсан боловч хэн Намайг мэддэг вэ? Би хүмүүсийг гэсгээдэгт гайхах хэрэггүй. Тэд Өөрийнхөө эрх мэдлийг ашиглах бай мэт санагддаг; тэд Миний бууны сум шиг санагддаг ба Намайг гал нээмэгц бүгд зугтах болно. Энэ нь тэдний төсөөлөл. Би хүмүүсийг үргэлж хүндэлсэн; Би хэзээ ч тэднийг боолууд шиг дур зоргоороо дарлан мөлжиж эсвэл худалдаагүй. Учир нь Би тэднийг орхиж чадахгүй, тэд ч Намайг орхиж чадахгүй. Тиймээс бидний хооронд амин чухал холбоо бий болсон. Би хүнийг үргэлж нандигнан хайрладаг. Хэдийгээр тэрхүү хайр сэтгэл хэзээ ч харилцан хоёр талынх байгаагүй боловч тэд үргэлж Надад найдсан, энэ нь Би тэдний төлөө үргэлжлүүлэн хичээл чармайлтаа зориулсны шалтгаан юм. Би хүмүүсийг Өөрийн эрдэнэс мэт хайрладаг, учир нь тэд бол газар дээрх Миний удирдлагын “үндсэн хөрөнгө” билээ; тиймээс Би гарцаагүй тэднийг таягдахгүй. Хүмүүст хандах Миний хүсэл хэзээ ч өөрчлөгдөхгүй. Тэд Миний тангарагт үнэхээр итгэж чадах уу? Тэд Намайг хэрхэн хангалуун болгож чадах вэ? Энэ нь бүх хүн төрөлхтний үүрэг; энэ нь Миний тэдэнд үлдээсэн “гэрийн даалгавар” юм. Тэд бүгд шаргуу ажиллаж, үүнийг биелүүлэх нь Миний найдвар билээ.

1992 оны 4 дүгээр сарын 23

Тайлбар:

a. Эх бичвэрт “бодит байдалтай” гэдэг үг байдаггүй.

Өмнөх: 34-Р БҮЛЭГ

Дараах: 36-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

6-Р БҮЛЭГ

Сүнсний доторх хэрэг явдалд, чи нарийн мэдрэмжтэй байх хэрэгтэй; Миний үгийг хичээнгүйлэн анхаарах ёстой. Миний Сүнс ба Миний бие махбодыг,...

АЖИЛ БА ОРОЛТ (8)

Бурханы эцсийн өдрүүдийн ажил нь хүн бүрийн сүнсийг өөрчилж, хүн болгоны оюун санааг өөрчлөхийн төлөө байдаг болохоор асар их гэмтэл авсан...

Өмнөх үг

Хэдийгээр олон хүн Бурханд итгэдэг ч Бурханд итгэх итгэл гэж юу болохыг, мөн Түүний зүрх сэтгэлийн хойноос явахын тулд юу хийх ёстойгоо...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх