Үг нь махбодоор илэрсэн

Агуулга

Арван зургаа дахь айлдвар

Би хүнд хэлэхийг хүссэн маш их зүйл, хэлэх ёстой маш олон үгс байгаа. Гэвч хүмүүсийн хүлээн авах чадвар нь дутмаг байна: Тэд Миний өгч байгаа үгийн бүрэн утгыг ойлгох чадваргүй, ба тэд зөвхөн нэг л талыг нь ойлгож бусдыг нь үл ойшоосон хэвээр. Гэсэн ч Би хүмүүсийг тэдний хүчгүй байдлаас болж үхүүлж эсвэл түүний сул талаас нь болж гуниглахгүй. Хүмүүс Миний хүслийг ойлгодоггүй ч Би Өөрийн ажлыг урьдын адил саадгүй хийдэг; цаг нь ирэхэд хүмүүс Намайг өөрийн зүрхний гүнд ойлгох ба өөрсдийн бодолдоо Намайг санах болно. Би энэ дэлхийгээс явах үед хүмүүсийн зүрхний хаант улсад заларна, өөрөөр хэлбэл бүх хүмүүс Намайг мэдэх болно. Тиймээс, энэ нь Миний хөвгүүд болон ард дэлхийг эзлэх үед болно. Миний талаар мэдэх хүмүүс нь Миний хаант улсын тулгуур нь болох ба тэд Миний хаант улсад захирах хүчтэй байх болно. Намайг мэдэх болон Намайг агуулсан бүхэн, бүх хүмүүсийн дунд Намайг амьдран харуулна. Би хүмүүсийн Миний талаар мэдэх хэм хэмжээг хамаарахгүй: Хэн ч ямар нэг аргаар Миний ажилд саад болж чадахгүй ба хүмүүс Надад тусламж үзүүлж чадахгүй Миний төлөө юу ч хийж чадахгүй. Хүн зөвхөн Миний зааврыг, гэрлийг дагаж чадах ба энэ гэрэлд Миний хүслийг хайх боломжтой. Өнөөдөр, хүмүүс мэргэжсэн, тэд Миний урд ихэмсэг зан гаргаж өчүүхэн ч ичгүүргүйгээр инээж хошин зүйл ярьж өөрсдийгөө ижил хэмжээнд ирсэн мэт боддог болсон. Одоог хүртэл хүмүүс Намайг мэдэхгүй, одоог хүртэл бидний мөн чанар адил, бид хоёулаа бие махбод болон цусаар бүтсэн, хоёулаа хүний ертөнцөд оршдог хэмээн итгэдэг. Түүний Миний төлөө гэсэн шүтлэг маш дутмаг, тэр зөвхөн Миний урд ирэхээрээ л Намайг шүтдэг гэвч Сүнсний өмнө Надад зүтгэх чадваргүй. Яг л хүнд Сүнс гэж ерөөсөө оршдоггүй мэт. Үр дүнд нь, ямар ч хүн Сүнсний талаар мэдэхгүй ба бүх хүмүүс бие махбодтой болсон Миний махан бие болон цусыг хардаг ч, Бурхны Сүнсийг хардаггүй. Миний хүсэл ийм замаар хэрэгжих боломжтой юу? Хүмүүс Намайг хуурахдаа гарамгай; тэднийг Сатан Намайг хуурахын тулд маш сайн сургасан мэт харагддаг. Гэвч Би Сатанд үймүүлэгдэхгүй. Би Өөрийн Мэргэн ухааныг ашиглан бүх хүн төрөлхтнийг байлдан дагуулж бүх хүн төрөлхтнийг ялзруулагчийг ялж Өөрийн хаанчлалыг дэлхий дээр байгуулна.

Хүмүүсийн дунд, одны хэмжээг эсвэл огторгуйн зайг тооцож олох гэж оролдсон хүмүүс байгаа. Гэсэн ч тэдний судалгаа хэзээ ч үр дүнтэй байгаагүй, батлагдсан тэд мохохдоо толгойгоо санжилж, бүтэлгүйтлээ зөвшөөрөхөөс аргагүйд хүрдэг. Бүх хүмүүсийг хараад тэдний алдааны динамикийг ажигласны дараа тэдний хэн нь ч Надад бүрэн итгэдэггүй, хэн нь ч Надад дуулгавартай байж Намайг дагадаггүй болохыг харсан. Хүмүүсийн санаархал ямар цадиггүй вэ! Ёроолгүй гүний гадаргууд булингартаж байсан үед, хүмүүсийн дунд Би ертөнцийн гашуун зовлонг амсаж эхэлсэн. Миний Сүнс дэлхийгээр аялж хүмүүсийн зүрхийг ажиглан хүн төрөлхтөнг Өөрийн бие махбодоор байлдан дагуулдаг. Хүн сохор учраас Намайг хардаггүй; тэр хөшингө учраас Намайг мэддэггүй; тэр дуулгаваргүй учраас Намайг эсэргүүцдэг, тэр Надаар байлдан дагуулагдсан учраас Миний өмнө ирж сөгддөг; Би хүний хайрыг хүртэх үнэ цэнэтэй учраас тэр намайг хайрлахаар ирдэг; Миний хүч болон мэргэн ухаан түүнийг Миний зүрхний дараах болгодог учраас Намайг амьдран харуулж, Намайг илэрхийлдэг. Би хүний зүрхэнд зай эзэлдэг боловч хэзээ ч сүнсэнд нь түүний хайрыг хүртэж байгаагүй. Хүний сүнсэнд юу юунаас илүү хайрладаг зүйл байдаг ч тэдний нэг нь Би биш, тиймээс хүний хайр бол савангийн бөмбөлөгтэй адил: Салхи үлээх үед хагараад алга болдог шиг хэзээ ч дахин харагдахгүй. Би хэзээ ч хүний талаарх Өөрийн хандлагаа өөрчилж байгаагүй. Хүмүүсийн дунд үүн шиг үйлдэж чадах хүн байгаа болов уу? Хүний нүдэнд, Би агаар шиг мэдрэгддэггүй харагддаггүй, энэ л шалтгааны улмаас хүмүүс зөвхөн хязгааргүй тэнгэр, эсвэл давалгаалах далай тэнгис ба дөлгөөн нуур, аль эсвэл хоосон сургаал номлол хайдаг. Хүний мөн чанарыг мэдэх нэг ч хүн байхгүй, Миний доторх үл тайлагдах нууцыг ч бас мэдэхгүй ба тиймээс Би хүмүүсийг тэдний боддог шиг их өндөр шалгуур тавьж шахаж шаарддаггүй.

Миний үгсээр уулс нуран унаж, ус сөрөн урсаж, хүн Намайг дагаж, тэнгис нуур зогсолтгүйгээр урсаж эхэлдэг. Давалгаалах далайн давалгаа тэнгэр лүү ууртай нь аргагүй тэмүүлэхэд тэд Миний үгсээр тогтуун нуур адил болдог. Миний гарын жижигхэн хөдөлгөөнд л хүчтэй шуурга Надаас холдож хүний ертөнц буцан амгалан байдалдаа орно. Гэвч Би Өөрийн хилэнгээ үзүүлэх үед, уул газартай тэгширч, газар цуурч, ус нэн даруй хатаж, хүмүүс дээр гамшиг ирдэг. Учир нь Миний хилэнгээс болж, Би хүмүүсийн хашгираанд анхаарал тавьдаггүй, Миний уур хүрсэн учир тэдний нулимсанд хариулдаггүй. Намайг диваажинд байхад, Миний байдлаас болж одод хэзээ ч сандралдаж байгаагүй. Оронд нь тэд өөрсдийн сэтгэл зүрхээ Надад зориулдаг ба тиймээс Би тэдэн дээр илүү их гэрлийг өгч илүү тодоор гялалзуулж Надаас илүү их шагнал хүртдэг. Диваажин тодорч, доорх дэлхий харладаг; үнэхээр маш олон хүн Миний зохицуулгыг шудрага бус хэмээн гомдоллож; үнэхээр маш олон хүн Надаас урвахдаа хэрэглэх өөрийн хаант улсыг байгуулж, харанхуйн одоогийн төлөвийг буцаахын тулд Намайг орхисон. Гэхдээ одоог хүртэл хэн өөрсдийн шийдвэрээр үүнийг хийж чадсан бэ? Хэн өөрийн шийдвэрээр амжилттай яваа вэ? Хэн Миний гараар хийгдсэн зүйлийг буцаах боломжтой вэ? Хавар газар дэлхий дээр ирэх үед, Би дэлхий рүү нууцаар чимээгүйхэн гэрэл явуулж дэлхий дээр хүмүүст цэвэр агаарыг мэдрүүлдэг. Гэсэн ч яг тэр мөчид Би хүний нүдийг балартуулдаг, тиймээс тэр зөвхөн газар дээрх мананг харж, бүхий л хүмүүс болоод аливаа зүйлс тодорхойгүй болдог. Хүмүүс шүүрс алдаж болно, яагаад гэрэл хэсэгхэн зуур үргэлжилдэг вэ? Яагаад Бурхан хүмүүст зөвхөн манан болон мананцар өгдөг вэ? Хүмүүсийн цөхрөл дунд, манан шууд алга болно, гэвч хэсэг гэрлийг анзаарах үед нь Би тэдэнд дээр бороо оруулж, тэднийг унтах үед аянга цахилгаан сонсгон чихнийх нь хэнгэргийг дэлддэг. Цочсондоо болоод, тэд аюулгүй газар бараадаж амжилгүй, бороонд цохиулдаг. Агшин зуур, диваажингийн доорх бүхий л зүйл Миний уур хилэнгээр цэвэрлэгддэг. Хүмүүс хүнд борооны талаар гомдлохоо болиод бүхий л хүнд хүндэтгэл төрж эхэлнэ. Борооноос болж, хүмүүсийн ихэнх нь усанд живэн алга болж цогцос болон хөвж гарч ирнэ. Би дэлхийг бүхэлд нь хардаг, олон зүйл сэрж байгааг, олон хүн гэмшиж, олон хүн жижиг усан онгоцноос усны эх сурвалж хайж байгааг, олон хүмүүс Надад бөхийж Миний уучлалыг хүсэж байгааг, олон хүмүүс гэрлийг харж, олон хүний Миний царайг харж, олон хүн амьдрах зоригтой болж байгааг Би харсан ба дэлхий тэр аяараа өөрчлөгдсөн байна. Хүчтэй борооны дараа, бүхий л зүйл Миний бодолд харагдсаны дагуу болж дуулгаваргүй байхаа болино. Удалгүй, бүхий л газар инээд хөөрөөр баясаж, газар сайгүй магтаал өрнөж Намайг алдаршуулна. Миний мэргэн ухаан дэлхий дээр болоод сансар огторгуйд тэр аяараа бий. Бүх зүйлийн дунд Миний ухааны жимс, бүхий л хүний дунд Миний бодлын бүтээлүүд дүүрэн; Миний хаант улстай адил бүх зүйл адилхан ба бүхий л хүмүүс Миний диваажингийн дор бэлчээр дээрээ байгаа хонь мэт амарсан. Би бүх хүний дээрээс бүхий л зүйлсийг харж байгаа. Ямар ч зүйл хуучин харагдахгүй, ямар ч хүн хуучин шигээ байхгүй болсон. Би сэнтийдээ амарч, бүхий л огторгуйг хянана, бүхий л зүйл ариун байдлаа олсон учир Миний сэтгэл амарч, Би Сиондоо дахин амар амгалан амьдрах боломжтой болж, бүхий л хүмүүс Миний удирдамж дор нам гүм үргэлжлүүлэн амьдарна. Бүхий л хүмүүс Миний гарт байгаа бүх зүйлийг зохицуулж, бүх хүмүүс өөрсдийн хуучин ухаан болоод анхны төрхөө эргүүлэн олно. Тэд тоосонд дарагдaхаа болино, харин ч Миний хаант улсад тэд Миний хаант улс хүмүүсийн дунд байгуулагдсан учраас цэвэр хаш чулуу мэт бүх царай хүний зүрхэнд орших ариун нэгний адил дүртэй болно.

1992 оны Гуравдугаар сарын 14