Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Байлдан дагуулах ажлын дотоод үнэн (3)

Байлдан дагуулах ажлын улмаас хүрэх үр дүн нь үндсэндээ хүний махан бие эсэргүүцэхээ болих явдал бөгөөд өөрөөр хэлбэл хүний үзэл санаа Бурханы талаар шинэ ойлголтыг олж авч, түүний зүрх сэтгэл бүхэлдээ Бурханд дуулгавартай хандаж, хүн Бурханы төлөө байхаар шийдэх явдал юм. Хүний зан араншин эсвэл махан биеийн өөрчлөлт нь тэр байлдан дагуулагдсан эсэхийг тодорхойлдоггүй. Харин ч тэдний бодол, ухамсар болон мэдрэмж өөрчлөгдсөн үед—өөрөөр хэлбэл сэтгэл санааны бүхий л хандлага нь өөрчлөгдсөн үед—тэд Бурханаар байлдан дагуулагдсан байна. Чи дуулгавартай байхаар шийдэж, шинээр сэтгэж эхлэх үед, чи өөрийн ямар ч үзэл, санаа бодлыг Бурханы үг болон ажилтай холихоо больсон үед, чиний уураг тархи хэвийн тунгаан бодох үед өөрөөр хэлбэл чи бүхий л зүрх сэтгэлээрээ Бурханы төлөө зүтгэх үед ийм төрлийн хүн нь бүрэн байлдан дагуулагдсан байх юм. Шашны ертөнцөд, өөрсдийн биеэ захирч, загалмайгаа үүрэн, бүр эцсийн амьсгал хүртлээ зовж тэвчин насан туршдаа багагүй зовдог олон хүмүүс бий! Зарим нь насан эцэслэх өглөө ч гэсэн мацаг барьж байдаг. Бүхий л амьдралдаа тэд сайн хоол хүнс, сайхан хувцас хунараас татгалзаж зөвхөн зовлонг онцолдог. Тэд биеэ дарангуйлан захирч, махан биеэс татгалзах чадвартай байдаг. Зовлон бэрхшээлийг тэвчих тэдний дотоод эрч хүчийг магтууштай. Гэвч тэдний бодол санаа, тэдний үзэл, тэдний сэтгэл санааны хандлага болон тэдний хуучин уг чанар—эдгээр нь харьцалтыг огт туулаагүй байдаг. Тэдэнд өөрсдийнх нь талаарх жинхэнэ ойлголт байдаггүй. Сэтгэл санаандаа төсөөлсөн Бурханы дүр төрх нь хийсвэр, тодорхойгүй Бурханы тухай уламжлалт ойлголт байдаг. Бурханы төлөө зовж шаналах тэдний шийдвэр нь өөрсдийнх нь хүчин чармайлт, эерэг зан аашаас нь үүдэн гардаг. Хэдий тэд Бурханд итгэдэг ч тэд Бурханыг ойлгодоггүй, мөн Түүний хүслийг ч мэддэггүй. Тэд ердөө л Бурханы төлөө сохроор ажиллаж, сохроор зовж шаналдаг. Тэд ажигч гярхай байхад ямар ч ач холбогдол өгдөггүй ба өөрсдийнх нь үйлчлэл Бурханы хүслийг үнэхээр биелүүлж байгаа талаар тун бага анхаардаг. Тэр ч байтугай тэд Бурханы талаарх ойлголтонд хэрхэн хүрэхээ мэддэггүй. Тэдний үйлчилдэг Бурхан нь Өөрийн анхдагч дүр төрхөөрөө байгаа Бурхан биш харин тэдний өөрсдийн зохиосон Бурхан, тэдний сонссон Бурхан эсвэл ном зохиолд байдаг үлгэр домгийн Бурхан байдаг. Дараа нь тэд Бурханы төлөө зовж, Бурханы хийхийг хүсэж байгаа ажлыг Бурханы төлөө хариуцахын тулд өөрсдийн баялаг төсөөлөл болон өөрсдийн үнэн сүсэгт зүрх сэтгэлээ ашигладаг. Тэдний үйлчлэл хэтэрхий оновчтой бус, тэгснээр Түүний хүслийг биелүүлдэг байдлаар Бурханд үнэхээр үйлчилж байгаа нэг ч хүн чухамдаа байдаггүй. Тэд зовж шаналахад хэчнээн бэлэн байх нь хамаагүй үйлчлэлийн талаарх тэдний анхдагч үзэл бодол болон Бурханы талаарх тэдний сэтгэл санааны төсөөлөл өөрчлөгдөөгүй хэвээр үлддэг, учир нь тэд Бурханы шүүлт, гэсгээлт болоод Бурханы цэвэршүүлэлт, төгс төгөлдөржилтийг туулаагүй, мөн хэн ч тэднийг үнэнээр хөтлөөгүй байдаг. Хэдий тэд Аврагч Есүст итгэдэг ч тэдний нэг нь ч Аврагчийг харж байгаагүй байдаг. Тэд үлгэр домог болон дам ярианаас л Түүний талаар мэддэг. Тиймээс тэдний үйлчлэл нь сохор хүн эцэгтээ үйлчлэхтэй адилаар нүдээ анин таамгаар үйлчлэхээс илүү хэтрэхгүй. Ийм төрлийн үйлчлэлээр дамжуулан эцэстээ ямар үр дүнд хүрэх вэ? Хэн үүнийг хүлээн зөвшөөрөх юм бэ? Эхнээсээ эцсээ хүртэл тэдний үйлчлэл хэзээ ч ердөө ч өөрчлөгддөггүй. Тэд зөвхөн бусад хүмүүсийн өгсөн сургаал зааврыг хүлээн авдаг бөгөөд өөртөө таалагдсан арга хэлбэрээр, өөрсдийн төрөлхийн чанарын дагуу үйлчилдэг. Энэ нь ямар шагнал хүртэж чадах юм бэ? Есүсийг харсан Петр хүртэл Бурханы хүслийг биелүүлэхэд хэрхэн үйлчлэх талаар мэдээгүй. Эцэстээ бүр хөгширсөн хойноо л тэр ойлгож эхэлсэн. Тиймээс ямар ч харьцалт, засалтыг мэдрээгүй бөгөөд зааж чиглүүлэх хэн ч байхгүй тэдгээр сохор хүмүүсийн тухайд юу хэлэх вэ? Та нарын өнөөгийн үйлчлэлийн дийлэнх нь эдгээр сохор хүмүүсийнхтэй адилхан биш гэж үү? Шүүлтийг хүлээн аваагүй, харьцалт засалтыг хүлээн аваагүй бөгөөд өөрчлөгдөөгүй бүх хүмүүс нь огтхон ч байлдан дагуулагдаагүй хүмүүс биш гэж үү? Ийм хүмүүс ямар хэрэгтэй юм бэ? Хэрвээ чиний бодол, амьдралын талаарх ойлголт болон Бурханы талаарх ойлголт ямар ч шинэ өөрчлөлтийг харуулахгүй, өчүүхэн төдий ч зүйлийг олж аваагүй бол чи өөрийн үйлчлэлээрээ хэзээ ч ямар нэгэн гайхалтай үр дүнд хүрэхгүй! Бурханы ажлын талаар ямар ч үзэгдэлгүй, шинэ ойлголтгүй бол чи байлдан дагуулагдсан хүн байж чадахгүй. Бурханы хүслийг дагах чиний зам зовон зүдэрч, мацаг барьдаг хүмүүсийнхтэй адилхан байх бөгөөд энэ нь өчүүхэн үнэ цэнэтэй байх болно! Тэдний хийсэн зүйлд өчүүхэн гэрчлэл байдаг учраас л тэдний үйлчлэл хий дэмий гэж Би хэлдэг! Тэдгээр хүмүүс насан туршдаа зовж, шоронд цагийг өнгөрөөж, бүхий л цаг мөчид тэвчээртэй байж, загалмайгаа үүрэн хайр, энэрлийг онцлон, зовж зүдэрч амьдардаг. Тэднийг дэлхий ертөнцөд гүтгэгдэн, гологддог, бүх зовлон зүдгүүрийг туулдаг. Тэд эцсээ хүртэл дуулгавартай байдаг ч байлдан дагуулагдаагүй тул тэд байлдан дагуулагдах тухай ямар ч гэрчлэл хийж чаддаггүй. Тэд багагүй зовлон амсдаг ч дотроо тэд Бурханыг огтхон ч мэддэггүй. Тэдний хуучин сэтгэхүй, хуучин үзэл, шашны зан үйл, хүний бий болгосон ойлголтууд болон хүний үзэл санааны юу ч харьцалт амсаагүй. Тэдэнд ямар ч шинэ ойлголт байдаггүй. Бурханы талаарх тэдний ойлголтын өчүүхэн төдий нь ч үнэн эсвэл нарийн зөв биш. Тэд Бурханы хүслийг буруугаар ойлгосон. Энэ нь Бурханд үйлчилж байгаа хэрэг үү? Чи өмнө нь Бурханыг яаж ойлгодог байсан, өнөөдөр ч гэсэн үүнийгээ хадгалж, Бурхан юу ч хийлээ гэсэн Бурханы талаарх ойлголт чинь өөрийн үзэл, санаандаа суурилдаг. Өөрөөр хэлбэл, чи Бурханы талаар ямар ч шинэ, үнэн ойлголттой болоогүй ба Бурханы жинхэнэ дүр төрх болон жинхэнэ зан чанарыг мэдэж чадаагүй. Бурханы талаарх чиний ойлголт одоо ч феодалын нийгмийн, мухар сүсгээр удирдуулж, хүний төсөөлөл болон үзлээс төрөн гарсан бол чи байлдан дагуулагдаагүй байх юм. Энэ бүх үгийг одоо чамд хэлж байгаа Миний зорилго бол чамайг нарийн зөв, шинэ ойлголт руу хөтлөхийн тулд энэхүү мэдлэгийг ойлгож, ашиглах боломжийг чамд олгохын төлөө юм. Тэдгээр нь чамд байгаа хуучин үзэл, хуучин мэдлэгээс салахад чиглэдэг бөгөөд ингэснээр чи шинэ ойлголтыг эзэмшиж чадна. Хэрвээ чи Миний үгийг үнэхээр идэж уувал, чиний ойлголт мэдэгдэхүйц өөрчлөгдөх болно. Бурханы үгийг идэж, уухдаа чи дуулгавартай зүрх сэтгэлээ хэвээр хадгалсаар байгаа цагт чиний үзэлт өөрчлөгдөх болно. Чи удаа дараагийн гэсгээлтийг хүлээн зөвшөөрөх чадвартай байсаар байгаа цагт чиний хуучин сэтгэхүй аажмаар өөрчлөгдөх болно. Чиний хуучин сэтгэхүй бүхэлдээ шинээр солигдсон цагт чиний хэрэгжүүлэлт ч бас үүнийг даган өөрчлөгдөнө. Ийм байдлаар чиний үйлчлэл төдий чинээ илүү оновчтой, төдий чинээ Бурханы хүслийг биелүүлэх чадвартай байх болно. Хэрвээ чи өөрийн амьдрал, амьдралын талаарх өөрийн ойлголт болон Бурханы талаарх олон үзлээ өөрчилж чадваас чиний өөрийн төрөлхийн зүйл аажмаар багасна. Энэ нь, гагцхүү энэ нь Бурхан хүнийг байлдан дагуулсны дараах үр дүн юм; энэ нь хүнд харагдах өөрчлөлт юм. Хэрвээ Бурханд итгэхдээ, мэддэг бүхэн чинь өөрийн биеэ захирч, зовлонг туулах бөгөөд чиний хийж байгаа зүйл зөв, буруу эсэхийг мэдэхгүй, тэр ч бүү хэл энэ нь хэний төлөө вэ гэдгийг мэдэхгүй бол ийм төрлийн хэрэгжүүлэлт нь хэрхэн өөрчлөлт рүү хөтөлж чадах юм бэ?

Миний та нараас шаардаж байгаа зүйл бол биеийг чинь боолчлолд байлгаж эсвэл уураг тархийг чинь хянан дураараа бодож сэтгэхээс сэргийлэх явдал биш юм гэдгийг та нар ойлгох ёстой. Энэ нь ажлын зорилго биш, мөн яг одоо хийх хэрэгтэй ажил ч биш юм. Яг одоо та нар эерэг өнцгөөс ойлголттой байх хэрэгтэй, ингэснээр та нар өөрсдийгөө өөрчилж чадна. Та нарын хамгийн их хийх хэрэгтэй зүйл бол өөрсдийгөө Бурханы үгээр зэвсэглэх буюу өөрсдийгөө өмнөө байгаа үзэгдэл болон үнэнээр бүрэн зэвсэглэж, цаашлаад тэдгээрийг хэрэгжүүлэх явдал юм. Энэ бол та нарын хариуцлага. Би та нараас бүр илүү их гэрэлтүүлэлтийг эрж хайж, олж авахыг гуйгаагүй байна. Одоогоор та нарт тийм биеийн хэмжээ ердөө байхгүй. Та нарын хийх хэрэгтэй зүйл бол Бурханы үгийг идэж, уухын тулд чадах бүхнээ хийх явдал юм. Та нар Бурханы ажлыг ойлгож, өөрийн уг чанар, өөрийн мөн чанар болоод өөрийн хуучин амьдралаа танин мэдэх хэрэгтэй. Та нар ялангуяа өөрсдийн өнгөрсөн үеийн андуу ташаа хэрэгжүүлэлт болон хийсэн үйлдлээ танин мэдэх хэрэгтэй. Өөрчлөгдөхийн тулд та нар өөрсдийн үзэл санааг өөрчлөхөөс эхлэх ёстой. Эхлээд хуучин үзэл санаагаа шинээр сольж, шинэ үзэл санаагаараа өөрийн үг, үйлдэл болоод амьдралаа удирдуул. Одоо үүнийг л та бүгдээс хүсэж байгаа билээ. Сохроор бүү хэрэгжүүл эсвэл сохроор бүү дага. Та нар үндэс суурь ба зорилготой байх ёстой. Өөрсдийгөө бүү хуур. Бурханд итгэх та нарын итгэл яг юуны төлөө болох, үүнээс юуг олж авах ёстой болон та нар яг одоо юунд орох ёстой талаар мэдэж байх ёстой. Чи энэ бүхнийг мэдэх шаардлагатай.

Та нарын одоо орох ёстой зүйл бол өөрийнхөө амьдралыг болон хэв чанараа сайжруулах явдал юм. Нэмж хэлэхэд, та нар өөрсдийн өмнөх хуучин үзэл бодлыг өөрчилж, өөрсдийн бодлыг өөрчилж, өөрсдийн үзлийг өөрчлөх хэрэгтэй. Та нарын бүхий л амьдралд шинэчлэлт хэрэгтэй. Бурханы үйл хэргийн талаарх чиний ойлголт өөрчлөгдөх үед, чи Бурханы хэлсэн бүх үнэний талаар шинэ ойлголттой болох үед, чиний дотоод ойлголт өргөгдөх үед амьдрал чинь илүү сайн тал руугаа эргэх болно. Одоо хүмүүсийн хийж, хэлдэг бүхэн бодитой. Эдгээр нь хоосон сургаал биш, харин ч хүмүүсийн аминд хэрэгтэй зүйл бөгөөд тэдний эзэмших ёстой зүйл юм. Энэ нь, байлдан дагуулах ажлын үеэр хүмүүст гардаг өөрчлөлт, хүний туулах ёстой өөрчлөлт бөгөөд энэ нь хүн байлдан дагуулагдсаны дараах үр дүн билээ. Чи бодлоо өөрчилж, сэтгэл санааны шинэ хандлагыг хүлээн авч, өөрийн үзэл, санаа болоод өнгөрсөн үеийн учир зүйн шалтгаанаа эргүүлж, өөрийнхөө дотор гүн шигдсэн тэдгээр зүйлсийг хаяж, Бурханд итгэх итгэлийн талаар шинэ ойлголтыг олж авсан үед чиний өгөх гэрчлэл чинь өргөгдөж, чиний бүхий л оршихуй үнэхээр өөрчлөгдсөн байх болно. Энэ бүхэн нь хамгийн практик, хамгийн бодит, хамгийн үндсэн зүйлс—өнгөрсөн үед хүмүүсийн хувьд хүрэхэд хэцүү байсан зүйлс бөгөөд тэдний харилцаж чаддаггүй байсан зүйлс юм. Тэдгээр нь Сүнсний жинхэнэ ажил билээ. Чи өмнө нь Библийг яг хэрхэн ойлгож байсан бэ? Өнөөдөр харьцуулмагцаа чи мэдэх болно. Өмнө нь чи Мосе, Петр, Паул эсвэл тэдгээр бүх библийн мэдэгдэл болон үзэл бодлыг өргөмжилсөн. Одоо хэрвээ чамаас Библийг өргөмжлөхийг хүсвэл чи үүнийг хийх үү? Библи, хүний бичсэн хэтэрхий олон тэмдэглэлийг агуулдаг ба Библи бол ердөө Бурханы ажлын хоёр үе шатны тухай хүний бүртгэл юм гэдгийг чи ойлгоно. Энэ нь түүхийн ном юм. Энэ нь, үүний талаарх чиний ойлголт өөрчлөгдсөн гэсэн үг биш гэж үү? Хэрвээ чи одоо Матайн Сайн мэдээнд бичигдсэн Есүсийн угийн бичгийг харвал “Есүсийн угийн бичиг ээ? Утгагүй юм! Энэ бол Есүсийн биш Иосефын угийн бичиг. Есүс болон Иосефийн хооронд ямар ч холбоо байхгүй” хэмээн хэлэх болно. Одоо Библийг харах үед үүний талаарх чиний ойлголт өөр байдаг, чиний өнцөг өөрчлөгдсөн гэсэн үг бөгөөд чи хуучны шашны эрдэмтдээс илүү өндөр түвшний ойлголтыг авчирдаг. Энэхүү угийн бичигт ямар нэгэн зүйл байна гэж хэн нэгнийг хэлэх үед чи, “Үүнд юу байх юм бэ? Тэгвэл тайлбарлаад өг дөө. Есүс, Иосеф хоёр хоорондоо хамаагүй. Чи тэрийг мэддэггүй гэж үү? Есүст угийн бичиг байж болох уу? Есүс яаж өвөг дээдэстэй байх юм бэ? Тэр яаж хүний үр удам байж болох юм бэ? Түүний махан бие Мариагаас төрсөн; Түүний Сүнс бол хүний сүнс биш харин Бурханы Сүнс. Есүс бол Бурханы хайртай хүү, иймд Тэр угийн бичигтэй байж болох уу? Газар дээр байхдаа Тэр хүн төрөлхтний нэгэн гишүүн байгаагүй, иймээс Тэр яаж угийн бичигтэй байх юм бэ?” гэх болно. Чи угийн бичгийг шинжилж, үнэнийг тодорхой тайлбарлаж, ойлгосон зүйлээ хуваалцах үед тэр хүн хэлэх үггүй болох болно. Зарим хүмүүс Библийг эш татаж “Есүс угийн бичигтэй байсан. Чиний өнөөдрийн Бурхан угийн бичигтэй юү?” гэж асуух болно. Чи тэгэхэд тэдэнд өөрийн хамгийн бодитой ойлголтоо хэлэх болно. Ийм маягаар чиний ойлголт үр дүнд хүрнэ. Үнэндээ Есүс Иосефтэй огтхон ч хамаагүй бөгөөд Абрахамтай бүр ч холбоогүй. Есүс зүгээр л Израильд төрсөн юм. Гэхдээ Бурхан бол Израиль хүн биш эсвэл Израильчуудын үр удам ч биш. Есүс Израильд л төрсөн учраас Бурхан бол зөвхөн Израильчуудын Бурхан гэсэн үг биш. Өөрийн ажлын зорилгын төлөө л Тэр бие махбодтой болох энэ алхмыг хийсэн юм. Бурхан бол орчлон ертөнц дээрх бүх бүтээлийн Бурхан билээ. Тэр зүгээр л ажлын нэг үе шатыг Израильд хийсэн бөгөөд дараа нь Харь үндэстнүүдэд ажиллаж эхэлсэн. Гэсэн ч хүмүүс Есүсийг Израильчуудын Бурхан гэж үзсэн бөгөөд цаашлаад Түүнийг Израильчуудын дунд болон Давидын үр удмын дунд тавьсан. Эцсийн мөчид Еховагийн нэр Харь үндэстнүүдийн дунд алдартай болох болно гэж Библид байдаг, энэ нь Бурхан эцсийн өдрүүдэд Харь үндэстнүүдэд ажиллах болно гэсэн үг юм. Тухайн үед Тэр Иудейд бие махбодтой болсон нь Бурхан зөвхөн Иудейчүүдыг хайрладаг гэдгийг илтгэхгүй. Ажил үүнийг шаардсан учраас л энэ нь болсон. Бурхан Израильд бие махбодтой болох ёстой (Израильчууд Түүний сонгосон хүмүүс байсан учраас) гэж хэлж болохгүй. Бурханы сонгосон хүмүүс Харь үндэстнүүдэд ч бас байдаггүй гэж үү? Есүс Иудейд ажиллаж дууссаны дараа ажил Харь үндэстнүүдэд өргөжсөн. (Израилиас гаднах үндэстнүүдийг ерөнхийдөө “Харь үндэстнүүд” гэдэг байсан; “Харь үндэстнүүд” гэдэг нь ямар ч сонгогдсон хүмүүсгүй газруудыг илтгэдэггүй; харин ч Израилийн гаднах үндэстнүүдийг нь нийтэд нь “Харь үндэстнүүд” гэж нэрлэдэг.) Үнэндээ тэдгээр Харь үндэстнүүдэд ч бас Бурханы сонгосон хүмүүс суурьшдаг; зүгээр л тухайн үед тэнд ямар ч ажил хараахан хийгдээгүй байгаа юм. Харь үндэстнүүдэд ямар ч ажил хийгдээгүй байхад Израильд ажлын хоёр үе шат явагдсан учраас хүмүүс Израилийг тийм их онцлон тэмдэглэдэг. Харь үндэстнүүд дэх ажил өнөөдөр л эхэлж байгаа бөгөөд тийм учраас үүнийг хүлээн зөвшөөрөхөд хүмүүст хэцүү байгаа. Хэрвээ чи энэ бүхнийг тодорхой ойлгож, энэ бүх хэрэг явдлуудыг нарийн зөв хүлээн авч, зөвөөр харж чадвал чи өнөөдрийн болон урьдны Бурханы талаар нарийн зөв ойлголттой байх бөгөөд энэ нь түүхэн туршид ариун хүмүүсийн эзэмшиж байсан Бурханы талаарх ойлголтоос илүү өндөр байх болно. Хэрвээ чи өнөөдрийн ажлыг туулж, Бурханы хувийн айлдварыг өнөөдөр сонссон ч Бурханыг бүхэлд нь огтхон ч ойлгохгүй байвал; хэрвээ чиний эрэл хайгуул үргэлж өмнө нь байсан шигээ л үлдэж, ямар ч шинэ зүйлээр солигдоогүй бол; ялангуяа хэрвээ чи энэ бүх байлдан дагуулах ажлыг мэдэрч туулсан ч эцэстээ чамаас ямар ч өөрчлөлт харагдахгүй бол чиний итгэл, өлсгөлөнгөө дарахын тулд л талх хайдаг хүмүүсийнхтэй адил биш гэж үү? Тэр тохиолдолд байлдан дагуулах ажил чам дээр ямар ч үр дүнд хүрээгүй байх болно. Тэгвэл чи таягдагдах нэгэн болохгүй гэж үү?

Бүх байлдан дагуулах ажлын эцэст, Бурхан бол зөвхөн Израильчуудын Бурхан биш харин ч бүх бүтээлийн Бурхан гэдгийг та бүхэн ойлгох нь маш чухал юм. Тэр зөвхөн Израильчуудыг биш бүх хүн төрөлхтнийг бүтээсэн. Хэрвээ чи Бурхан бол зөвхөн Израильчуудын Бурхан эсвэл Израилиас гадна өөр ямар ч үндэстэнд Бурхан бие махбодтой болох боломжгүй гэж хэлбэл, чи байлдан дагуулах ажлын үеэр ямар ч ойлголтонд хүрээгүй бөгөөд Бурхан бол чиний Бурхан гэдгийг огтхон ч хүлээн зөвшөөрөхгүй байна. Чиний хүлээн зөвшөөрч байгаа бүхэн чинь, Бурхан Израилиас Хятад руу шилжсэн бөгөөд чиний Бурхан байхаас аргагүй болсон гэдэг юм. Хэрвээ чи аливааг ингэж үздэг бол Миний ажил чамд ямар ч үр өгөөжгүй байсан ба чи Миний хэлсэн нэг ч зүйлийг ойлгоогүй байна. Эцэст нь хэрвээ чи Матай шиг Миний төлөө дахин угийн бичиг бичиж, Надад тохирох “өвөг дээдсийг” олж, Надад зөв уг үндсийг олж өгвөл—ингэснээр Бурхан хоёр удаа бие махбод болохдоо хоёр угийн бичигтэй байвал энэ нь дэлхий дээрх хамгийн том доог тохуу байхгүй гэж үү? Чи, Надад угийн бичиг олж өгсөн энэ “сайн санаатай хүн” нь Бурханыг хуваасан хүн болохгүй гэж үү? Чи энэ нүглийн ачааг үүрч чадах уу? Энэ бүх байлдан дагуулах ажлын дараа хэрвээ чи одоо ч Бурхан бол бүх бүтээлийн Бурхан гэдэгт итгэхгүй байгаа бол, хэрвээ чи одоо ч Бурхан бол зөвхөн Израильчуудын Бурхан гэж бодсоор байгаа бол чи Бурханыг илтэд эсэргүүцдэг хүн биш гэж үү? Өнөөдөр чамайг байлдан дагуулахын зорилго нь, Бурхан бол чиний Бурхан, бусдын Бурхан, хамгийн чухал нь Түүнийг хайрладаг бүхний Бурхан, бүх бүтээлийн Бурхан гэдгийг чамаар хүлээн зөвшөөрүүлэх юм. Тэр бол Израильчуудын Бурхан бөгөөд Египетийн ард түмний ч Бурхан юм. Тэр бол Англичуудын Бурхан, Америкчуудын Бурхан билээ. Тэр бол зөвхөн Адам Евагийн Бурхан биш, мөн түүнчлэн Адам Евагийн бүх үр удмын Бурхан. Тэр бол тэнгэр дэх бүх зүйлийн мөн газар дахь бүх зүйлийн Бурхан билээ. Израильчуудын гэр бүл болон бүх харь үндэстний гэр бүлүүд бүгд адилхан нэгэн Бурханы гарт байдаг. Тэр Израильд хэдэн мянган жил ажиллаж, Иудейд нэгэнтээ төрөөд зогсохгүй өнөөдөр Тэр, агуу улаан луугийн цагариглан хэвтэж байгаа Хятадад бууж ирсэн. Хэрвээ Иудейд төрсөн нь Түүнийг Иудейчүүдийн Хаан болгодог юм бол та бүхний дунд өнөөдөр бууж ирэх нь Түүнийг та нарын Бурхан болгохгүй гэж үү? Тэр Израильчуудыг удирдаж Иудейд төрсөн бөгөөд Тэр мөн Харь үндэстнүүдийн нутагт төрсөн. Түүний бүх ажил нь Өөрийн бүтээсэн бүх хүн төрөлхтний төлөө биш гэж үү? Тэр Израильчуудыг зуу дахин хайрлаж, Харь үндэстнүүдийг мянга дахин жигшдэг үү? Энэ та нарын үзэл биш гэж үү? Бурханыг хүлээн зөвшөөрдөггүй хүмүүс нь та нар; энэ нь, Бурхан хэзээ ч та нарын Бурхан байгаагүйгээс болоогүй. Бурханыг голсон хүмүүс нь та нар; энэ нь, Бурхан та нарын Бурхан байхыг хүсээгүйгээс болоогүй. Бүтээгдсэн зүйлийн дотроос хэн Төгс Хүчитийн гарт байдаггүй вэ? Та нарыг өнөөдөр байлдан дагуулах үед, Бурхан бол та нарын Бурханаас өөр хэн ч биш гэдгийг та нараар хүлээн зөвшөөрүүлэх нь үүний зорилго биш гэж үү? Хэрвээ та нар, Бурхан бол зөвхөн Израильчуудын Бурхан гэсэн хэвээр, мөн Израиль дахь Давидын гэр бол Бурханы төрөлтийн эх үндэс бөгөөд Израилиас өөр ямар ч үндэстэн Бурханыг “бий болгох” эрхгүй, тэр ч бүү хэл ямар ч Харь үндэстний гэр бүл өөрийн биеэр Еховагийн ажлыг хүлээн авч чадахгүй гэж бодсон хэвээр байвал—хэрвээ чи ингэж бодсоор байвал энэ нь чамайг зөрүүд эсэргүүцэгч болгохгүй гэж үү? Үргэлж Израиль дээр сэтгэлээ бүү тогтоо. Бурхан өнөөдөр яг энд та нарын дунд байгаа. Түүнчлэн тэнгэр лүү бүү ширтсээр бай. Өөрсдийн тэнгэр дэх Бурханаа санахаа боль! Бурхан та нарын дунд ирсэн, иймээс Тэр яаж тэнгэрт байх юм бэ? Чи Бурханд тийм ч удаан итгээгүй, гэсэн ч чи Израильчуудын Бурхан Өөрийн биеэр та нарыг нигүүлсэх болно гэдгийг нягтлан бодохгүй байж зүрхлэх хэмжээнд хүртэл, Түүний тухай зөндөө олон үзэл чамд байдаг. Өөрсдөө тэвчихийн аргагүй бохир болохоор та нар Бурхан биечлэн үзэгдэхийг хэрхэн харах тухайгаа бодож ч зүрхэлдэггүй. Та нар мөн Бурхан Харь үндэстний нутагт хэрхэн биечлэн бууж ирэх талаар хэзээ ч бодож байгаагүй. Тэр Синаи Уул эсвэл Чидун Уулан дээр буун ирж Израильчуудад харагдах учиртай. Харь үндэстнүүд (өөрөөр хэлбэл Израилийн гаднах хүмүүс) нь бүгдээрээ Түүний жигшил зэвүүцлийн обьект биш гэж үү? Тэр тэдний дунд хэрхэн биечлэн ажиллаж чадах юм бэ? Энэ бүхэн нь та нарын олон жилийн туршид хөгжүүлсэн, гүн үндэстэй үзэл юм. Та нарыг өнөөдөр байлдан дагуулахын зорилго нь та нарын эдгээр үзлийг эвдэх юм. Тиймээс Бурхан Синаи Уулан дээр эсвэл Чидун Уулан дээр биш харин өнгөрсөн үед Өөрийн хэзээ ч удирдаж байгаагүй хүмүүсийн дунд—та нарын дунд өөрийн биеэр илрэхийг та нар харсан. Бурхан Өөрийн ажлын хоёр үе шатыг Израильд хийсний дараа Израильчууд болон бүх Харь үндэстнүүд адилхан энэ үзлийг өвөрлөх болсон: Бурхан бүх зүйлийг бүтээсэн нь үнэн боловч Тэр Харь үндэстнүүдийн Бурхан биш зөвхөн Израильчуудын Бурхан байхыг хүсэж байгаа. Израильчууд дараах зүйлд итгэдэг: Бурхан зөвхөн бидний Бурхан байх болно, харин Харь үндэстнүүд та нарын Бурхан биш, та нар Еховаг хүндэлдэггүй учраас бидний Бурхан—Ехова та нарыг жигшдэг. Цаашлаад тэдгээр Иудейчүүд ингэж итгэдэг: Эзэн Есүс Иудей хүмүүс бидний дүр төрхийг өөртөө авсан бөгөөд энэ нь Иудей хүмүүсийн тэмдгийг өөртөө авсан Бурхан юм. Бидний дунд л Бурхан ажилладаг. Бурханы дүр төрх болон бидний дүр төрх адилхан; бидний дүр төрх Бурханыхтай төстэй. Эзэн Есүс бол Иудейчүүд бидний Хаан; Харь үндэстнүүд нь тийм агуу авралыг хүлээн авах эрхгүй. Эзэн Есүс бол Иудейчүүд бидний төлөөх нүглийн тахил. Зөвхөн ажлын тэр хоёр үе шатны үндсэн дээр л Израильчууд болон Иудей хүмүүс ийм олон үзлийг бий болгосон. Бурхан бол тэднийх гэж тэд түрэмгийгээр зарласан, Бурхан бол мөн Харь үндэстнүүдийн Бурхан гэдгийг зөвшөөрдөггүй. Ийм байдлаар Харь үндэстнүүдийн зүрх сэтгэлд Бурхан хоосон болсон. Учир нь, Бурхан Харь үндэстнүүдийн Бурхан болохыг хүсдэггүй, Тэр зөвхөн Израильчуудад буюу Өөрийн сонгосон хүмүүст дуртай ба Тэр ялангуяа Түүнийг дагаж байсан шавь нар болох Иудейчүүдэд дуртай гэж хүн бүхэн итгэх болсон юм. Ехова болон Есүсийн хийсэн ажил нь хүн төрөлхтнийг амьд үлдээхийн төлөө гэдгийг чи мэдэхгүй гэж үү? Бурхан бол Израилиас гадна төрсөн та бүхний Бурхан юм гэдгийг чи одоо хүлээн зөвшөөрч байна уу? Бурхан өнөөдөр яг энд та нарын дунд байгаа биш гэж үү? Энэ нь зүүд биш, тийм үү? Та нар энэ бодит байдлыг хүлээн зөвшөөрөхгүй юу? Та нар үүнд итгэж эсвэл үүнийг бодож зүрхэлдэггүй. Та нар үүнийг хэрхэн харахаас үл хамааран, Бурхан яг энд та нарын дунд байгаа биш гэж үү? Та нар одоо ч энэ үгэнд итгэхээс айж байна уу? Энэ өдрөөс эхлээд бүх байлдан дагуулагдсан хүмүүс болон Бурханы дагалдагчид болохыг хүсэж буй бүхэн нь Бурханы сонгосон хүмүүс биш гэж үү? Өнөөдрийн дагалдагчид та бүхэн, Израилийн гаднах сонгогдсон хүмүүс биш гэж үү? Та нарын байр суурь Израильчуудынхтай адилгүй гэж үү? Та нарын хүлээн зөвшөөрөх ёстой зүйл чинь энэ бүхэн биш үү? Энэ нь та нарыг байлдан дагуулах ажлын зорилго биш гэж үү? Нэгэнт та нар Бурханыг харж чадах учраас Тэр эхнээсээ аваад ирээдүйд ч үүрд та нарын Бурхан байх болно. Та бүхэн Түүнийг дагаж, Түүний үнэнч дуулгавартай бүтээл байхыг хүссээр байгаа цагт Тэр та нарыг орхихгүй.

Бурханыг хайрлах тэдний өнөөгийн шийдвэр хэр хүчтэй байхаас үл хамааран хүн ерөнхийдөө дуулгавартай болж, энэ өдрийг хүртэл дагасан. Ажлын энэ үе шат дуусч, эцэстээ хүрэх үед л хүн бүрэн дүүрэн гэмших болно. Тэр нь хүмүүс үнэхээр байлдан дагуулагдсан байх үе юм. Яг одоо тэд зөвхөн байлдан дагуулагдах үйл явцад байгаа. Ажил дуусах мөчид тэд бүрэн байлдан дагуулагдах болно, гэхдээ яг одоо тийм биш! Хүн болгон үнэмшсэн байлаа ч тэр нь тэд бүрэн байлдан дагуулагдсан гэсэн үг биш юм. Учир нь одоогоор хүмүүс бодит үйл явдлыг биш зөвхөн үгийг харсан бөгөөд тэд хэчнээн гүн гүнзгий итгэж байх нь хамаагүй тэдэнд тодорхойгүй санагдсаар байдаг. Тийм учраас тэрхүү хамгийн сүүлчийн бодит үйл явдлаар л үг бодит байдал болж, хүмүүс бүрэн байлдан дагуулагдах болно. Яг одоо хүмүүс урьд өмнө нь хэзээ ч сонсож байгаагүй олон нууцуудыг сонсож байгаа учраас тэд байлдан дагуулагдаж байгаа. Гэхдээ дотроо тэд, Бурханы үг нэг бүр биелж байгааг тэдэнд харуулах зарим нэг бодит үйл явдлыг эрж хайж, хүлээсээр байдаг. Зөвхөн тэр үед л тэд бүрэн үнэмших болно. Эцэстээ бүгд эдгээр биелсэн бодит байдлыг харж, эдгээр бодит байдал нь тэднийг итгэлтэй болгох үед тэд зүрх сэтгэлдээ, хэлж буй үгэндээ, нүдэндээ итгэл үнэмшлийг харуулах бөгөөд тэд зүрх сэтгэлийнхээ гүнээс бүрэн үнэмших болно. Энэ нь хүний уг чанар юм. Та нар үг бүгдээрээ биелж байгааг харах хэрэгтэй, та нар бодитой үйл явдлууд тохиолдож байгааг харж, зарим хүмүүст гай гамшиг тохиолдож байгааг харах хэрэгтэй, тэгвэл та нар сэтгэлийнхээ гүнд бүрэн үнэмших болно. Иудейчүүдийн адилаар та нар тэмдэг, гайхамшгуудыг харахад асар их ач холбогдол өгсөөр байдаг. Гэсэн ч та нар тэмдэг, гайхамшиг байгаа гэдгийг, мөн та нарын нүдийг асар ихээр нээх учиртай бодит байдал тохиолдсоор байгаа гэдгийг хардаггүй. Хэн нэгэн тэнгэрээс бууж ирэх ч бай эсвэл үүлэн багана та нартай ярих эсвэл та нарын нэгнээс Би чөтгөр, шулмыг зайлуулах эсвэл Миний дуу хоолой та нарын дунд аянга шиг нүргэлэх ч бай, та нар үргэлж иймэрхүү төрлийн үйл явдлыг харахыг хүссэн, хүссээр ч байгаа. Бурханд итгэхэд чиний хамгийн том хүсэл бол Бурхан ирж, та нарт биечлэн тэмдэг үзүүлэхийг харах явдал гэж хэлж болно. Тэгвэл та нар сэтгэл ханах болно. Хүмүүсийг байлдан дагуулахын тулд Би дэлхийг бүтээхтэй төстэй хэмжээний ажлыг гүйцэтгэж, дараа нь тэмдэг нэмэх хэрэгтэй. Тэгвэл та нарын зүрх сэтгэл бүрэн байлдан дагуулагдах болно.

Өмнөх:Байлдан дагуулах ажлын дотоод үнэн (2)

Дараах:Байлдан дагуулах ажлын дотоод үнэн (4)

Танд таалагдаж магадгүй