Хүний Хүүг гэрчилсний дараа, Төгс Хүчит Бурхан зөвт байдлын Нар болж Өөрийгөө бидэнд ил тодоор илчилсэн. Энэ бол уулан дээрх хувирал юм! Одоо энэ нь улам жинхэнэ, улам бодит байдал болж байна. Бид Ариун Сүнс хэрхэн ажилладгийг харсан, Бурхан Өөрөө махбодоос гарч ирсэн. Тэрээр хүн, орон зай, газар зүйн алины ч хяналтан дор байдаггүй; Тэр хуурай газар, далай тэнгисийн хилийг давж, бүхий л орчлон ертөнц даяар түгдэг бөгөөд бүх улс үндэстэн, бүх ард түмэн Түүний дуу хоолойг амьсгаа даран чагнаж байна. Сүнслэг нүдээ нээхдээ бид Бурханы үг алдар суутай биеэс нь гарсныг хардаг; энэ бол махбодоос гарч ирж буй Бурхан Өөрөө юм. Тэрээр бодит агаад бүрэн төгс Бурхан Өөрөө билээ. Тэд бидэнтэй ил тод ярьдаг, бидэнтэй нүүр нүүрээ харан уулзаж, бидэнд зөвлөж, биднийг өрөвдөж, биднийг хүлээж, биднийг тайтгаруулж, биднийг сахилгажуулж, бас шүүдэг. Тэр биднийг хөтлөн чиглүүлж, биднийг гэсэн анхаарал халамж нь Түүний дотор гал мэт дүрэлздэг; тэмүүлсэн зүрх сэтгэлээр Тэр биднийг сэрээж, Өөр лүүгээ оруулах гэж яардаг. Түүний ер бусын амь бид бүгдэд өгөгдсөн ба Түүн рүү орсон бүх хүн дэлхий ертөнц болон ёрын муу бүхнийг даван гарч, ялан дийлж, Түүнтэй хамт хаанчилна. Төгс Хүчит Бурхан бол Бурханы сүнслэг бие билээ. Хэрвээ Тэр зарлигдвал ёсоор болно; хэрвээ Тэр яривал гүйцэлдэнэ; хэрвээ Тэр тушаавал биелнэ. Тэр бол нэгэн жинхэнэ Бурхан! Сатан Түүний хөл дор, ёроолгүй нүхэнд байдаг. Орчлон ертөнц, бүх зүйл Түүний гарт бий; цаг нь ирлээ, бүх зүйл үгүй болж, шинээр төрөх болно.