Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

АРВАН ТАВДУГААР БҮЛЭГ

Бурханы илрэлт аль хэдийн бүх чуулганд үзэгджээ. Ярьж байгаа нь Сүнс билээ, Тэр бол догшрох гал, Түүнд сүр жавхлан бий бөгөөд Тэр шүүж байна; Тэр бол хөлөө хүрсэн дээл өмсөж, цээжээрээ алтан бүс бүсэлсэн хүний Хүү билээ. Түүний толгой ба үс ноос адил цагаан, нүд нь галын дөл адил; хөл нь зууханд улайсгасан цэвэр хүрэл мэт; харин дуу хоолой нь их усны шуугиан мэт байдаг. Тэр баруун гартаа долоон од барьж, хоёр талдаа иртэй хурц илд аманд нь байх бөгөөд нүүр царай нь хурцаар гэрэлтэх нар мэт билээ!

Хүний Хүү гэрчлэгдэж, Бурхан Өөрөө ил тод илчлэгдэж, хурцаар гэрэлтэх нар мэт Бурханы алдар гарч ирлээ! Бурханы алдар суут нүүр царай нүд гялбам гэрэлтэнэ; хэний нүд үүнийг эсэргүүцэж зүрхлэх билээ? Эсэргүүцэл гэдэг үхэл гэсэн үг! Чи зүрх сэтгэлдээ юу ч гэж бодсон, ямар ч үг хэлсэн, эсвэл юу ч хийсэн бай, өчүүхэн төдий ч өршөөл гэж үгүй. Миний шүүлтээс өөр юу ч олж аваагүй гэдгээ та нар бүгд ойлгож, харах болно! Чи Миний үгийг идэж, уух гэж хичээдэггүй хэрнээ Миний бүтээсэн зүйлийг дур зоргоороо тасалдуулж, устгаж байхад Би тэвчээд өнгөрүүлж чадна гэж үү? Би ийм төрлийн хүнд зөөлөн хандахгүй! Бүр ноцтой бол чи галын дөлд залгиулна! Төгс хүчит Бурхан толгойноосоо өлмий хүртлээ өчүүхэн ч мах, цусны холбоогүйгээр сүнслэг биед биеллээ олдог. Тэрээр орчлон ертөнцийг даван гарч, гурав дахь тэнгэрт алдар суут сэнтийдээ залран, бүх зүйлийг захирдаг! Орчлон дээрх бүх зүйл Миний гарт бий. Би хэлбэл, тэр нь биеллээ олно. Би тушаавал, тэр ёссор болно. Сатан Миний хөл дор, ёроолгүй нүхэнд байдаг! Миний дуу гарахад тэнгэр газар өнгөрөн одож, хумхын тоос болно! Бүх зүйл шинэчлэгдэнэ, энэ бол дэндүү бодитой хувирашгүй үнэн. Би дэлхийг ялан дийлж, бүх ёрын хүнийг ялан дийлсэн. Би энд суугаад та нартай ярьж байна; чихтэй бүхэн сонсогтун, амьтай бүхэн хүлээн авагтун.

Өдөр хоногууд төгсгөл болно; дэлхий дэх бүх зүйл оргүй хоосон болж, бүх зүйл шинээр төрнө. Үүнийг санагтун! Үүнийг санагтун! Ямар ч ойлгомжгүй байдал байж болохгүй! Тэнгэр газар өнгөрөн одно, гэхдээ Миний үг өнгөрөн одохгүй! Би та нарт дахин нэг удаа зөвлөе: Дэмий бүү гүйлд! Сэрцгээ! Гэмшицгээ, аврал ойрхон байна! Би та нарын дунд хэдийн гарч ирж, Миний дуу хоолой сонсогдсон. Миний дуу хоолой та нарын өмнө гарч, өдөр бүр та нартай нүүр тулж, өдөр бүр шинэ сэргэг байдаг. Чи намайг, Би чамайг хардаг, Би чамтай нүүр тулан байнга ярьдаг. Гэсэн ч чи Намайг голдог, Намайг мэддэггүй; Миний хонь Миний дуу хоолойг сонсож чадна, гэсэн ч чи тээнэгэлзсээр байдаг! Чи тээнэгэлздэг! Зүрх сэтгэл чинь хатуурч, нүдийг чинь Сатан сохлоод, чи Миний алдар суут нүүр царайг харж чаддаггүй—хэчнээн өрөвдөлтэй вэ! Хэчнээн өрөвдөлтэй вэ!

Миний сэнтийн өмнөх долоон Сүнс дэлхийн өнцөг булан бүрд илгээгдэж, чуулгануудад хандан яриг гээд Би Өөрийн Элчийг илгээнэ. Би бол зөвт агаад итгэмжит, Би бол хүний зүрх сэтгэлийн хамгийн гүнийг шалгадаг Бурхан. Сүнс чуулгануудад хандан айлдаж байгаа, энэ бол Миний Хүүгээс урсан гардаг Миний үг юм; чихтэй бүхэн сонсох ёстой! Амьдардаг бүхэн хүлээн авах ёстой! Тэдгээрийг зүгээр л идэж уу, бүү эргэлз. Миний үгийг дуулгавартай дагаж, анхаардаг бүх хүн агуу ерөөл хүртэнэ! Миний нүүр царайг чин сэтгэлээсээ эрж хайдаг бүх хүн гарцаагүй шинэ гэрэл, шинэ гэгээрэл, шинэ ойлголттой болно; бүгд шинэлэг, шинэ байна. Миний үг хэдийд ч чамд үзэгдэж сүнсний нүдийг чинь нээнэ, ингэснээр чи сүнсний ертөнцийн бүх нууцыг харж, хаанчлал хүмүүсийн дунд байгааг харж болох юм. Хоргодох газарт ор, тэгвэл бүх нигүүлсэл болон ерөөл чам дээр ирж, өлсгөлөн тахал чамд хүрч чадахгүй, чоно, могой, бар, цоохор ирвэс ч чамд хөнөөл учруулж чадахгүй. Чи Надтай хамт байж, Надтай хамт алдар луу алхана!

Төгс хүчит Бурхан! Түүний алдар суут бие ил тод үзэгдэж, ариун сүнслэг бие гарч ирэх бөгөөд Тэр бол бүрэн төгс Бурхан Өөрөө мөн! Дэлхий ертөнц, бие махбод хоёулаа өөрчлөгддөг бөгөөд уулан дээрх Түүний хувирал бол Бурханы үнэн бие билээ. Тэр толгойдоо алтан титэм зүүдэг, Түүний хувцас нь цав цагаан, цээжээрээ алтан бүстэй ба ертөнцийн бүх зүйл Түүний хөлийн гишгүүр юм. Түүний нүд галын дөл адил, хоёр талдаа иртэй хурц илд аманд нь байх бөгөөд Түүний баруун гарт долоон од байдаг. Хаанчлалд хүрэх зам хязгааргүй гэгээлэг, Түүний алдар мандан гэрэлтэнэ; уулс баяр хөөртэй байж, ус инээн баясаж, нар сар, од эрхэс бүгд өөрсдийн зохих зүй тогтлоор эргэлдэж, ялгуусан эргэн ирэлт нь зургаан мянган жилийн удирдлагын төлөвлөгөө гүйцэлдсэнийг зардадаг цор ганц, жинхэнэ Бурханыг угтан авдаг. Бүгд баяр хөөртэйгөөр дэвхрэн бүжнэ! Хөөрөн баясацгаа! Төгс хүчит Бурхан алдар суут сэнтийдээ залардаг! Дуулцгаа! Төгс Xүчитийн ялгуусан туг далбаа сүр жавхлант, гайхамшигт Сион уулан дээр өндөрт мандлаа! Бүх үндэстэн уухайлж, бүх хүн дуулж, Сион уул баяр хөөртэйгээр инээж байна, Бурханы алдар мандсан! Би зүүдэндээ ч Бурханы царайг харна гэж огт бодож байгаагүй, гэлээ ч өнөөдөр Би үүнийг харлаа. Би Түүнтэй өдөр бүр нүүр нүүрээ харан уулзаж, Түүнд зүрх сэтгэлээ нээдэг. Тэр идэж, уудаг бүхнийг харамгүй хангадаг. Амьдрал, үг, үйлдэл, бодол, санаа гээд бүгдийг Түүний алдар суут гэрэл гэрэлтүүлдэг. Тэр замын алхам бүрд хөтөлдөг, хэрвээ ямар нэгэн тэрслүү зүрх сэтгэл байвал Түүний шүүлт нэн даруй бууна.

Бурхантай хамт идэж, хамт үлдэж, хамт амьдарч, хамт байж, хамт алхаж, хамт баясаж, хамт алдар, ерөөлийг олж авч, Бурхантай хамт хааны хэргэмийг хуваалцаж, хаанчлалд хамт байх—өө, ямар таатай вэ! Өө ямар сайхан бэ! Өдөр бүр нүүр нүүрээ харж, өдөр бүр үг хэлж, байнга ярилцаж, өдөр бүр шинэ гэгээрэл, шинэ ойлголттой болдог. Бидний сүнслэг нүд нээгдэж, бүхнийг, бидэнд илчлэгдсэн сүнсний бүх нууцыг хардаг. Ариун амьдрал үнэхээр амарлингуй. Хурдан гүй, бүү зогс, үргэлж урагш тэмүүл, илүү гайхалтай амьдрал урд чинь байна. Чихэрлэг амтанд бүү цад, харин үргэлж Бурхан руу орохоор эрж хай. Тэр бүхнийг хамардаг, элбэг өгөөмөр бөгөөд бидэнд дутагддаг юм бүхэн Түүнд бий. Идэвх санаачилгатайгаар хамтран ажиллаж, Түүн рүү ор, юу ч урьдынх шигээ байхгүй. Бидний амьдрал ер бусын байх бөгөөд хэн ч, юу ч, ямар ч зүйл бидэнд саад болж чадахгүй.

Ер бусын! Ер бусын! Үнэхээр ер бусын! Бурханы ер бусын амь дотор орших ба бүх зүйл үнэхээр уужуу тайван болдог! Бид дэлхий ертөнц, ертөнцийн юмсыг даван гарч, нөхөр, хүүхдүүддээ сэтгэл хоргоддоггүй. Бид өвчин эмгэг, орчны хяналтыг даван гардаг. Сатан бидэнд саад болж зүрхэлдэггүй. Бүх гамшгийг бүрэн давж гарах—энэ нь Бурханд хаанчлах боломж олгож буй хэрэг! Бид Сатаныг хөл доороо гишгэлж, чуулганы төлөө гэрчлэлд зогсож, Сатаны муухай царайг бүрэн илчилдэг. Чуулганы барилга байгууламж Христ дотор бий, алдар суут бие гарч ирлээ—энэ нь өргөгдөн амьдарч буй хэрэг билээ!

Өмнөх:НАЙМДУГААР БҮЛЭГ

Дараах:ХОРЬДУГААР БҮЛЭГ

Холбогдох агуулга

  • БИЕ МАХБОДТОЙ БОЛОХЫН НУУЦ (2)

    Есүс Иудейд ажиллаж байх үедээ үүнийгээ ил тод хийсэн, харин одоо Би та нарын дунд нууцаар ажиллаж, үг хэлдэг. Үл итгэгчид үүнийг огт мэддэггүй. Та на…

  • АРВАН НАЙМДУГААР БҮЛЭГ

    Цахилгааны гялбаанд амьтан бүр өөрийн үнэн төрхийг харуулдаг. Тиймээс ч Миний гэрлээр гэрэлтүүлэгдээд хүмүүс нэгэнтээ эзэмшиж байсан ариун байдлаа эр…

  • ГУРВАН САНУУЛГА

    Бурханд итгэгчийн хувиар чи бүх зүйл дээр Түүнээс өөр хэнд ч үнэнч байх ёсгүй ба бүх зүйл дээр Түүний хүсэлд нийцэх чадвартай байх ёстой. Гэхдээ хэдий…

  • АРВАН ЗУРГААДУГААР БҮЛЭГ

    Би хүнд маш их юм хэлмээр байна, түүнд хэлж өгөх ёстой маш их зүйл байна. Гэвч хүний хүлээн авах чадвар хэтэрхий дутуу дулимаг: Миний үгийг Миний өгс…