Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ТА НАР ҮНЭНИЙГ ОЙЛГОМОГЦОО ХЭРЭГЖҮҮЛ

Бурханы ажил болон үг нь бүгд та нарын зан чанарт өөрчлөлт авчрахын төлөө юм; Түүний зорилго нь та нарт Өөрийн ажил болон үгийг л ойлгуулж, мэдүүлж, тэгээд л болох явдал биш. Бурханы ихэнх хүний хэлээр бичигдсэн, тун ойлгомжтой байдаг болохоор хүлээн авах чадвартай нэгэн болохын хувьд та нарт үүнийг ойлгох нь хэцүү байх учиргүй. Жишээ нь Бурхан та нараас юуг ойлгож, хэрэгжүүлээсэй гэж хүсэж байгааг та нар ойлгож чадна; энэ бол ойлгох чадвартай хэвийн хүний хийж чадах зүйл. Бурханы одоо хэлж байгаа зүйл маш тодорхой, ил тод байгаа бөгөөд хүмүүсийн харгалзан үзээгүй олон зүйл болон хүний янз бүрийн нөхцөлийг Бурхан зааж өгдөг. Түүний үг бүхнийг хамарсан, тэргэл сарны гэрэл шиг тод байдаг. Тиймээс хүмүүс одоо олон асуудлыг тодорхой ойлгодог болсон; тэдэнд дутагдаж байгаа зүйл бол Түүний үгийг хэрэгжүүлэх явдал юм. Хүмүүс зүгээр л тэдэнд бэлэн өгөгдөх зүйлийг хүртэх гэж хүлээх бус, үнэний бүх талыг нарийвчлан туулж, үүнийг маш нарийн судалж, эрж хайх ёстой; эс бөгөөс тэд хүний хөдөлмөрөөр амьдрагч нэгнээс нэг их дээрдэхгүй. Тэд Бурханы үгийг мэддэг боловч хэрэгжүүлдэггүй. Ийм хүн үнэнийг хайрладаггүй бөгөөд эцсийн дүнд таягдуулах болно. 90-ээд оны Петр шиг хэв маягтай байна гэдэг нь хүн нэг бүр Бурханы үгийг хэрэгжүүлж, өөрсдийн туршлагад жинхэнээр орж, Бурхантай хамтран ажилласнаар дамжуулан улам илүү, бүр их гэгээрлийг олж авч, өөрийн аминд бүр илүү их дэмжлэгийг авчрах ёстой гэсэн үг юм. Хэрэв та нар Бурханы маш олон үгийг уншсан ч зөвхөн бичвэрийн утгыг ойлгож, өөрсдийн бодит туршлагаар дамжуулан Бурханы үгийг биеэр мэдрэхгүй л бол Бурханы үгийг мэдэж авахгүй. Та нарын тухайд гэвэл Бурханы үг амь биш, харин гагцхүү амьгүй бичиг үсэг юм. Хэрэв чи зөвхөн амьгүй бичиг үсэгтэй зууралдаад байвал Бурханы үгийн мөн чанарыг ухаарч чадахгүй, Түүний хүслийг ч ойлгохгүй. Чи өөрийн бодит туршлагаар Түүний үгийг мэдэрсэн үед л Бурханы үгийн сүнслэг утга өмнө чинь нээгдэх бөгөөд зөвхөн туршлагаараа чи олон үнэний сүнслэг утгыг ухаарч, зөвхөн туршлагаар л дамжуулан Бурханы үгийн нууцыг тайлж чадна. Хэрэв чи үүнийг хэрэгжүүлдэггүй бол Түүний үг хэдий тодорхой байсан ч чиний ухаарч авсан ганц зүйл нь хоосон бичиг үсэг, онол байх бөгөөд энэ нь чиний хувьд шашны дүрэм болсон байдаг. Энэ нь фарисайчуудын хийсэн зүйл бус уу? Хэрэв та нар Бурханы үгийг хэрэгжүүлж, туулах аваас энэ нь та нарын хувьд бодит зүйл болно; хэрэв та нар үүнийг хэрэгжүүлэхээр зорихгүй бол Бурханы үг та нарын хувьд гуравдагч тэнгэрийн домгоос бараг ялгаагүй болно. Үнэндээ Бурханд итгэх үйл явц бол та нар Түүний үгийг мэдэрч, Түүгээр авхуулах үйл явц бөгөөд үүнийг илүү тодорхой байдлаар хэлбэл Бурханд итгэх гэдэг нь Түүний үгийн талаар мэдлэг болон ойлголттой байж, Түүний үгийг туулж, амьдран харуулах явдал юм; энэ бол Бурханд итгэх итгэлийн чинь бодит байдал. Хэрэв та нар Бурханд итгээд зөвхөн мөнх амь олж авахыг хүсэж, харин Бурханы үгийг хэрэгжүүлэхийг өөрсдийн дотор байгаа бүхнээ болгохоор эрж хайхгүй бол та нар мунхаг байна; энэ нь найранд очоод чухамдаа идэж үзэхгүйгээр зөвхөн тэнд ямар идэх зүйлс байгааг тэмдэглэж авахтай яг адил юм. Ийм хүн тэнэг биш гэж үү?

Хүний эзэмших шаардлагатай, хүнд хамгийн ашиг тустай, хэрэгтэй үнэн нь Бурханы үгэн дотор байдаг. Энэ бол та нарын бие махбодод хэрэгтэй ханд, тэжээл бөгөөд хэвийн хүн чанараа сэргээхэд нь хүнд тусалдаг зүйл, хүний зэвсэглэх ёстой үнэн юм. Бурханы үгийг хэдий чинээ их хэрэгжүүлнэ, та нарын амь төдий чинээ хурдан цэцэглэх болно; та нар Бурханы үгийг хэдий чинээ их хэрэгжүүлнэ, үнэн төдий чинээ тодорхой болно. Биеийн хэмжээ чинь өсөх тусам та бүхэн сүнслэг ертөнцийн зүйлсийг илүү тодорхой харах бөгөөд Сатаныг ялан дийлэх илүү их хүч чадалтай болно. Бурханы үгийг хэрэгжүүлснээр ойлгохгүй байсан олон үнэн та нарт тодорхой болно. Ихэнх хүмүүс Бурханы үгийн бичвэрийг ойлгох төдийдөө сэтгэл ханадаг бөгөөд үүний гүн утгыг бодит байдалд хэрэгжүүлж мэдрэхгүйгээр, өөрсдийгөө онолоор зэвсэглэхэд төвлөрдөг; энэ фарисайчуудын зам бус уу? Ийм байхад “Бурханы үг бол амь юм” гэсэн хэллэг тэдний хувьд яаж үнэн байж чадах юм бэ? Хүн Бурханы үгийг хэрэгжүүлснээр л түүний амь жинхэнэ утгаар цэцэглэнэ; энэ нь ердөө Түүний үгийг уншсанаар л өсдөггүй. Хэрэв Бурханы үгийг ойлгох нь амьтай байх болон биеийн хэмжээтэй болоход шаардлагатай бүхэн юм гэж чи итгэж байгаа бол ойлголт чинь ташаа байна. Үнэнийг хэрэгжүүлсэн цагт Бурханы үгийг жинхэнээр ойлгох бөгөөд “үнэнийг хэрэгжүүлснээр л үүнийг ойлгож чадна” гэдгийг чи ойлгож авах ёстой. Өнөөдөр чи Бурханы үгийг уншсаныхаа дараа Бурханы үгийг мэдлээ гэж л хэлж болох боловч үүнийг ойлгосон гэж хэлж чадахгүй. Үнэнийг хэрэгжүүлэх цорын ганц зам бол эхлээд үүнийг ойлгох явдал гэж зарим хүн хэлдэг ч энэ нь ердөө хагас дутуу үнэн бөгөөд бүхэлдээ үнэн зөв биш юм. Үнэнийг мэддэг болохынхоо өмнө чи тэр үнэнийг туулаагүй байдаг. Номлолоос сонсдог зүйлээ ойлгодог гэж чамд санагдах нь үнэндээ ойлгож байгаа хэрэг биш. Харин зүгээр л үнэний бичиг үсгийг эзэмшсэн төдий бөгөөд энэ нь үнэний жинхэнэ утгыг эзэмшихтэй адилгүй. Үнэний талаар зөвхөн өнгөц төдий мэдлэгтэй байгаа чинь үүнийг ойлгосон, эсвэл таньсан гэсэн үг биш; үнэний жинхэнэ утга нь үүнийг туулснаас гарч ирдэг. Тиймээс зөвхөн үнэнийг туулдаг цагт л чи үүнийг ойлгож чадна, үнэнийг туулах үедээ л чи далд хэсгүүдийг нь ухаарч чадна. Үнэнийг гүн гүнзгий туулах нь үнэний дотоод утгыг ухаарах, үүний мөн чанарыг ойлгох цорын ганц зам юм. Ингээд чамд үнэн байвал чи хаа сайгүй явж чадна, гэхдээ чиний дотор үнэн байхгүй бол шашны хүмүүс байтугай, гэр бүлийн чинь гишүүд ч чамд үнэмшихгүй. Үнэн байхгүй бол чи будрах цастай л адил байх болно, харин үнэнтэй бол аз жаргалтай, эрх чөлөөтэй байж чадах бөгөөд хэн ч чам руу дайрч чадахгүй. Онол хэр хүчтэй байх нь хамаагүй үнэнийг даван гарч чадахгүй. Үнэнтэй байхад дэлхий ертөнц өөрөө хөдөлж, уулс хийгээд тэнгис далай нүүдэг бол үнэн дутмаг байх нь өтөнд идүүлж сүйрэхэд хүргэнэ; энэ бол илэрхий бодит байдал.

Одоо юу чухал байна вэ гэвэл эхлээд үнэнийг мэдээд дараа нь үүнийг хэрэгжүүлэх, мөн өөрийгөө үнэний жинхэнэ утгаар илүү их зэвсэглэх явдал юм. Тэр бол та нарын хүрэх ёстой зүйл, бусад хүмүүсийг ердөө үгээрээ дагуулах бус, харин хэрэгжүүлэлтээрээ дагуулах ёстой, ингэж байж л чи утга учиртай зүйлийг олно. Чамд юу тохиолдох нь хамаагүй, ямар хүнтэй учрах нь хамаагүй чамд үнэн байснаар л бат зогсож чадна. Бурханы үг хүнд үхэл бус, амьдрал авчирдаг зүйл. Хэрэв Бурханы үгийг уншсаныхаа дараа чи амь орж сэргэхгүй, харин үхмэл хэвээр байгаа бол чиний ямар нэгэн зүйл буруу байна. Хэрэв чи хэсэг хугацааны дараа Бурханы үгийг нэлээд уншиж, олон бодитой номлол сонссон ч үхлийн нөхцөл байдалтай хэвээр байгаа бол чи үнэнийг нандигнадаг нэгэн биш бөгөөд үнэнийг эрэлхийлдэг хүн ч биш гэдгийг энэ нь нотолдог. Хэрэв та нар Бурханыг олж авахаар үнэхээр эрж хайсан бол өөрсдийгөө өндөр онолоор зэвсэглэж, бусдыг ятгахдаа тэдгээрийг ашиглахад төвлөрөхгүй, харин үүний оронд Бурханы үгийг туулж, хэрэгжүүлэхэд төвлөрөх байсан; энэ бол одоо та нарын орох ёстой зүйл биш гэж үү?

Бурханд Өөрийн ажлыг хүн дотор хийх хязгаарлагдмал хугацаа байдаг, хэрэв чи Түүнтэй хамтран ажиллахгүй бол ямар үр дүн гарах билээ? Түүний үгийг ойлгомогцоо хэрэгжүүлэхийг Бурхан та нараас яагаад үргэлж хүсдэг вэ? Учир нь Бурхан Өөрийн үгийг та нарт илчилсэн бөгөөд дараагийн алхам бол та нар тэдгээрийг хэрэгжүүлэх явдал юм, та нар эдгээр үгийг хэрэгжүүлэхэд Бурхан гэгээрэл болон удирдамжийн ажлаа гүйцэтгэнэ. Ингээд л гүйцэлддэг. Бурханы үг бол гажуудал, эсвэл сөрөг байдал үүсгэхгүйгээр амиа цэцэглүүлэх боломжийг хүнд олгох учиртай. Чи Бурханы үгийг уншиж, хэрэгжүүлсэн гэж хэлдэг боловч Ариун Сүнсний ямар ч ажлыг хүлээн аваагүй байгаа—чиний хэлдэг зүйл зөвхөн хүүхэд л хуурч чадна. Чиний санаа зорилго зөв эсэхийг хүн мэдэхгүй, гэхдээ чи Бурхан мэдэхгүй гэж бодож байна уу? Бусад хүмүүс Бурханы үгийг хэрэгжүүлээд Ариун Сүнсний гэгээрлийг хүлээн авч байгаа боловч чи Түүний үгийг хэрэгжүүлээд Ариун Сүнсний гэгээрлийг хүлээн авахгүй байгаа бол энэ юу вэ? Бурхан сэтгэлийн хөдөлгөөнтэй юу? Хэрэв санаа зорилго чинь үнэхээр зөв бөгөөд чи хамтран ажилладаг бол Бурханы Сүнс чамтай хамт байх болно. Зарим хүн үргэлж төв тайзыг эзлэхийг хүсдэг ч Бурхан яагаад тэднийг өргөж, чуулганыг удирдуулдаггүй вэ? Яагаад зарим хүн зүгээр л өөрсдийн үүргийг биелүүлж байгаад, өөрсдөө ч мэдэлгүйгээр Бурханд тоогддог вэ? Яагаад ингэдэг юм бэ? Бурхан хүний зүрх сэтгэлийн гүнийг шалгадаг бөгөөд үнэнийг эрэлхийлдэг хүмүүс зөв санаа зорилготой байх ёстой—санаа зорилго нь зөв биш бол бат зогсож чадахгүй. Та нарын эрж хайх хамгийн гол зүйл бол Бурханы үгээс өөрсдийн дотор үр өгөөж гаргах явдал юм. Өөрөөр хэлбэл, Бурханы үгийг хэрэгжүүлэхдээ үүний талаар жинхэнэ ойлголтой байх явдал мөн. Бурханы үгийг хүлээж авах та нарын чадвар ядмаг байж магадгүй, гэхдээ Бурханы үгийг хэрэгжүүлэх үед чинь Тэрээр ядмаг чадварын чинь дутагдлыг нөхөж чадна, иймээс та нар зөвхөн олон үнэнийг мэдээд зогсохгүй, бас тэдгээрийг хэрэгжүүлэх ёстой. Энэ бол үл ойшоох учиргүй гол цөм билээ. Есүс ч бас үнэнийг хэрэгжүүлсэн учраас гучин гурван жил хагасын хугацаандаа их зовсон. Баримт тэмдэглэлүүдэд яагаад Түүнийг хавчигдсан гэж үргэлж хэлдэг вэ? Тэр ихэд зовсон гэдгийг тайлбарлахын тулд юм. Тэрээр үнэнийг хэрэгжүүлж, Бурханы хүслийг гүйцэтгэсэн учраас тэгж их зовсон билээ. Тэр зүгээр л үнэнийг мэдээд хэрэгжүүлдэггүй байсан бол зовлон шаналлыг туулахгүй байх байлаа. Хэрэв Есүс иудейчүүдийн сургаалыг дагаж, фарисайчуудыг дагасан бол зовохгүй байх байсан. Бурханы ажлын үр нөлөө хүний хамтын ажиллагаанаас гардаг болохыг чи Есүсийн туршлагаас мэдэж болно, энэ бол та нарын ойлгож ухаарах ёстой зүйл. Хэрэв Есүс үнэнийг хэрэгжүүлээгүй бол Тэр загалмайд цовдлогдох зовлонг туулах байсан уу? Хэрэв Тэр Бурханы хүсэлд нийцүүлэн үйлдээгүй байсан бол тийм зовлонт залбирлаар залбирах байсан уу? Тиймээс та нар үнэнийг хэрэгжүүлэхийн төлөө зовох ёстой; энэ бол хүний туулах ёстой зовлон юм.

Өмнөх:БУРХАН ХҮНИЙГ АШИГЛАХ ТАЛААР

Дараах:АВРАЛД ХҮРДЭГ ХҮН НЬ ҮНЭНИЙГ ХЭРЭГЖҮҮЛЭХИЙГ ХҮСДЭГ ХҮН ЮМ

Танд таалагдаж магадгүй

  • ЗАМ… (1)

    Өөрсдийн амьдрах хугацаандаа тэдэнд ямар төрлийн бүтэлгүйтэл тулгарахыг нэг ч хүн мэдэхгүй, мөн тэд ямар төрлийн цэвэршүүлэлтэнд орох вэ гэдгээ мэдэхг…

  • ТӨГС БОЛСОН ХҮМҮҮСТ ӨГӨХ АМЛАЛТ

    Бурхан хүнийг төгс болгодог зам гэж юу вэ? Ямар талууд багтдаг вэ? Чи Бурханаар төгс болгуулахыг хүсэж байна уу? Бурханы шүүлт, гэсгээлтийг хүлээн ав…

  • ӨНӨӨГ ХҮРТЭЛ БҮХ ХҮН ТӨРӨЛХТӨН ХЭРХЭН ХӨГЖСӨНИЙГ ЧИ МЭДЭХ ЁСТОЙ

    6,000 гаруй жилийн ажил бүхэлдээ цаг хугацааны явцад аажмаар өөрчлөгдөж иржээ. Энэ ажлын өөрчлөлт нь бүх дэлхийн нөхцөл байдлын дагуу болсон. Бурханы…

  • АРВАН ДОЛООДУГААР БҮЛЭГ

    Миний дуу хоолой аянга шиг нүргэлж, бүх дөрвөн зүг, бүхэл дэлхийг гэрэлтүүлдэг бөгөөд аянга цахилгааны дунд хүмүүс цохигдон унадаг. Нэг ч хүн энэхүү а…