Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

АВРАЛД ХҮРДЭГ ХҮН БОЛ ҮНЭНИЙГ ХЭРЭГЖҮҮЛЭХИЙГ ХҮСДЭГ ХҮН ЮМ

Зүй зохистой чуулганы амьдралтай байх шаардлагатайг номлолуудад аль эртнээс дурдсан. Тэгвэл яагаад чуулганы амьдрал хараахан дээрдээгүй, хуучин хэвээр байна вэ? Амьдралын цоо шинэ, өөр зам яагаад байхгүй байна вэ? Ерээд оны хүн аль өнгөрсөн үеийн эзэн хаан шиг амьдрах нь зохистой байж чадах уу? Хоол унд нь, өмнөх эрин үеүдэд ховорхон амсаж байсан амтат идээнүүд байж болох боловч чуулганы нөхцөл байдалд томоохон эргэлт гарсангүй. Хуучин дарсыг шинэ тулманд хийж байгаагаас ялгаа алга. Тэгвэл Бурхан ийм их үг хэлэхийн хэрэг юу байна вэ? Ихэнх газрын чуулганууд ер өөрчлөгдсөнгүй. Үүнийг Би нүдээрээ үзсэн бөгөөд энэ нь Миний зүрх сэтгэлд тодорхой байна; хэдий Би чуулганы амьдралыг Өөрөө туулаагүй ч, чуулганы цугларалтын нөхцөл байдлыг гарын арван хуруу шигээ мэддэг. Тэд тийм ч их ахиц гаргаагүй. Өмнө хэлсэнчлэн—хуучин дарсыг шинэ тулманд хийж байгаатай яг адилхан. Юу ч өөрчлөгдсөнгүй, өчүүхэн ч өөрчлөгдсөнгүй! Хэн нэгэн өөрсдийг нь хариулж байхад тэд гал шиг шатдаг боловч өөрсдийг нь дэмжих хэн ч байхгүй байх үед хэсэг мөс шиг байдаг. Бодитой зүйлсийн талаар ярьж чадах хүн олон биш бөгөөд удирдлагыг гартаа авч чадах хүн тун ховорхон. Номлолууд сүрлэг хэдий ч хүн орох нь бараг үгүй. Цөөн хүн Бурханы үгийг нандигнадаг. Тэд Бурханы үгийг хүлээн авах үедээ гунигтай болж, үүнийг хойш тавихаараа баяр хөөртэй болдог; тэд үүнээс холдохоороо барайж, уруу царайлдаг. Шулуухан хэлэхэд, та нар зүгээр л Бурханы үгийг нандигнадаггүй бөгөөд өнөөдөр Түүний амнаас гардаг үгийг эрдэнэс гэж хэзээ ч үздэггүй. Түүний үгийг уншихдаа та нар түгшиж, цээжлэхэд хэцүү санагддаг ба Түүний үгийг хэрэгжүүлэх тухайд гэвэл баршгүй ажилтай тулгарсан мэт болдог—та нар үүнийг хийж чаддаггүй. Бурханы үгийг уншихдаа үргэлж сэргэдэг атлаа хэрэгжүүлэх үедээ хайнга байдаг. Үнэндээ энэ үгийг ингэж уйгагүй хэлж, ийм тэвчээртэй давтах хэрэггүй юм; хүмүүс зүгээр л сонсдог боловч хэрэгжүүлдэггүй, тиймээс энэ нь Бурханы ажилд саад болсон. Би үүнийг хэлэхгүй байж чадахгүй нь, энэ талаар ярихгүй байж чадахгүй нь. Би аргагүйн эрхэнд ингэж байна; бусдын сул талыг ил гаргах дуртайдаа ингэж байгаа юм биш. Хэрэгжүүлэлт чинь яг л хангалттай гэж та нар боддог бөгөөд илчлэл оргилдоо хүрэхэд та нар ч бас тэр оргил руу орсон гэж бодож байна уу? Ийм энгийн гэж үү? Өөрсдийн чинь туршлага үндсэндээ бий болсон суурийг та нар хэзээ ч нягталдаггүй. Энэ мөчид л гэхэд, та нарын цугларалтыг чуулганы зохистой амьдрал гэж нэрлэж огт болохгүй, мөн сүнслэг амьдрал бол бүр ч биш. Ердөө чалчиж, дуулах дуртай хэдэн хүмүүсийн л цугларалт юм. Хатуухан хэлэхэд, үүнд бодит байдал нэг их алга. Арай жаахан тодруулж хэлбэл, хэрвээ чи үнэнийг хэрэгжүүлдэггүй бол бодит байдал хаана байна вэ? Өөрийгөө бодит байдалтай гэж хэлдэг чинь сайрхал бус уу? Байнга ажил гүйцэтгэдэг хүмүүс биеэ тоосон, ихэмсэг байдаг байхад байнга дуулгавартай дагадаг хүмүүс хэрэгжүүлэх ямар ч боломжгүйгээр дуугүй байж, толгой гудайж байдаг. Ажил хийдэг хүмүүс ярихаас өөрийг хийлгүй, сүржин яриагаа л үргэлжлүүлсээр байдаг бөгөөд дагалдагчид зөвхөн сонсдог, ямар ч өөрчлөлт байдаггүй, энэ нь бүхэлдээ өнгөрсөн үеийн арга зам юм! Өнөөдөр, захирагдаж чадаж байгаа чинь, мөн саад болох юм уу дур зоргоороо авирлаж зүрхлэхгүй байгаа чинь Бурханы захиргааны зарлиг ирснээс болж байгаа юм; энэ нь туршлагаар дамжуулан чиний туулсан өөрчлөлт биш. Өчигдөр хийчих байсан ч өнөөдөр хийдэггүй олон зүйл байгаагийн шалтгаан гэвэл Бурханы ажил маш илэрхий болохоор хүмүүсийг байлдан дагуулсантай холбоотой. Би хэн нэгнээс ингэж асууя, чиний өнөөдрийн ололт амжилтын хэчнээн нь өөрийн чинь шаргуу ажлын хөлс хөдөлмөрөөр олдсон бэ? Үүний хэчнээнийг нь Бурхан чамд шууд хэлж өгсөн бэ? Чи юу гэж хариулах вэ? Чи цочин мэгдэж, хэлэх үггүй болох уу? Хэлээ гаргах уу? Бусад нь чамайг тэжээж хангах гэж өөрсдийнхөө олон бодитой туршлагын талаар ярьж чадаж байхад чи зүгээр л бусдын хийсэн хоолыг таашаан суудаг нь ямар учиртай юм бэ? Чамд ичгүүртэй санагдахгүй байна уу? Ичиж зовохгүй байна уу?

Харьцангуй сайн хүмүүсийг шинжлэхээр та нар баримт-олох шинжилгээ явуулж болох юм: Чи хэр их үнэнийг ойлгодог вэ? Эцсийн дүндээ үнэхээр хэр ихийг хэрэгжүүлдэг вэ? Чи хэнийг нь илүү хайрладаг вэ, Бурханыг уу, эсвэл өөрийгөө юу? Чи ихэвчлэн өгдөг үү, эсвэл авдаг уу? Санаа зорилго чинь буруу байх үед чи хэчнээн удаа өөрийн хуучин биеийг хаяж, Бурханы хүслийг хангасан бэ? Энэ хэдхэн асуулт л олон хүнийг тэвдүүлнэ. Ихэнх хүмүүсийн хувьд өөрсдийнх нь санаа зорилго буруу байгааг ухаарсан ч гэсэн бурууг санаатайгаар хийдэг бөгөөд өөрсдийн махан биеийг огт хаяж чаддаггүй. Өөрсдийнх нь доторх нүгэл хяналтаас гарахыг ихэнх хүн зөвшөөрч, үйлдэл бүрээ нүгэлт байдлаар удирдуулахыг зөвшөөрдөг. Тэд өөрсдийн нүглийг ялан дийлж чаддаггүй бөгөөд нүгэл дотроо үргэлжлүүлэн амьдардаг. Одоогийн энэ шатанд ирчихээд, хэчнээн олон муу үйл хийснээ мэдэхгүй хэн байна вэ? Хэрвээ чи мэдэхгүй гэж хэлбэл, Би чамайг худлаа ярьж байна гэнэ. Шулуухан хэлэхэд, энэ чинь тэр чигтээ өөрийн хуучин биеийг хаяхыг хүсэхгүй байгаа хэрэг юм. Үнэ цэнгүй өчнөөн олон гэмшсэн “үгийг зүрх сэтгэлээсээ” хэллээ гээд ямар ашигтай юм бэ? Амиа өсгөхөд чинь энэ тусалж чадах уу? Өөрийгөө мэднэ гэдэг нь бүтэн цагийн ажил юм гэж хэлж болно. Хүмүүсийн хүлцэнгүй байдал болон Бурханы үгийг хэрэгжүүлдгээр нь дамжуулан Би тэднийг төгс болгодог. Хэрвээ чи хувцас өмсдөг шигээ ухаалаг, гоё ганган харагдахын тулд л Бурханы үгийг өмсдөг бол өөрийгөө болон бусдыг хуурч байгаа бус уу? Хэрвээ чи зөвхөн яриад үүнийгээ хэзээ ч хэрэгжүүлдэггүй бол юунд хүрэх юм бэ?

Олон хүн хэрэгжүүлэлтийн тухай бага сага ярьж, өөрсдийн хувийн сэтгэгдлийн тухай ярьж чаддаг боловч үүний дийлэнх нь бусдын үгээс олж авсан гэрэлтүүлэлт байдаг. Энэ нь тэдний өөрсдийнх нь хувийн хэрэгжүүлэлтийн юуг ч агуулдаггүй, туршлагаасаа харсан зүйлийг нь ч агуулдаггүй. Энэ асуудлыг Би өмнө нь задлан шинжилсэн; Намайг юу ч мэдэхгүй гэж бүү бод. Чи цаасан бар төдий мөртөө Сатаныг ялж, ялгуусан гэрчлэл хийж, Бурханы дүрийг амьдран харуулах тухай ярих юм гэж үү? Энэ чинь тэр чигтээ ямар ч утгагүй! Бурханы өнөөдөр хэлсэн бүх үг чамайг бишрүүлэхийн тулд байдаг гэж чи бодож байна уу? Чиний ам, хуучин биеэ хаях хийгээд үнэнийг хэрэгжүүлэх тухай ярьдаг атал гар чинь өөр үйл үйлдэж, зүрх сэтгэл чинь өөр төлөвлөгөө сэддэг—чи ямар гээч хүн бэ? Гар, зүрх сэтгэл хоёр чинь яагаад ав адил биш юм бэ? Өчнөөн олон номлол хоосон үг болжээ; зүрх шимшрэм биш гэж үү? Хэрвээ чи Бурханы үгийг хэрэгжүүлж чаддаггүй бол Ариун Сүнсний ажилладаг замд хараахан ороогүй, чиний дотор Ариун Сүнсний ажил хараахан байхгүй, мөн Түүний удирдамж чамд хараахан байхгүй гэдгийг энэ нь баталдаг. Хэрвээ чи Бурханы үгийг ойлгож л чаддаг боловч хэрэгжүүлж чаддаггүй гэж хэлбэл чи үнэнийг хайрладаггүй хүн юм. Бурхан ийм хүмүүсийг аврах гэж ирдэггүй. Есүс нүгэлтнүүдийг аврахын тулд, ядуусыг аврахын тулд, даруу хүмүүсийг аврахын тулд цовдлогдох үедээ асар их өвдөлт туулсан. Түүний цовдлол нүглийн тахилыг авчирсан. Хэрвээ чи Бурханы үгийг хэрэгжүүлж чаддаггүй бол аль болох хурдан явах хэрэгтэй; Бурханы гэрт бусдыг сорон мөлжигч мэт залхууран сууж болохгүй. Бурханыг илт эсэргүүцэх зүйлсийг хийхээ болих нь олон хүнд хэцүү байдаг. Тэд үхлээ хайж байгаа хэрэг биш үү? Тэд яаж Бурханы хаанчлалд орох тухай ярьж чадна вэ? Түүний царайг харах зүрх зориг тэдэнд байх уу? Бурханы өгдөг хоолыг идэж, Түүнийг эсэргүүцдэг гажиг юмсыг хийж, муу санаатай, дотуур тамиртай, далд явуулгатай байсан мөртөө чамд соёрхсон ерөөлүүдийг эдлэх боломжийг Бурхан олгох үед—тэдгээрийг хүлээн авахад гарыг чинь түлж байгаа мэт чамд санагддаггүй гэж үү? Нүүр чинь улайхыг чи мэдэрдэггүй юм уу? Бурханы эсрэг ямар нэг зүйл хийж, “дураараа дургах” арга ухаан сэдчихээд чи айж эмээдэггүй юм уу? Хэрвээ чамд юу ч мэдрэгдэхгүй байгаа бол чи яаж ирээдүйн тухай ярьж чадна вэ? Угаасаа чамд аль дээрээс ирээдүй гэж байгаагүй, тиймээс чамд илүү их ямар горьдлого бас байх юм бэ? Хэрвээ чи ямар нэгэн ичгүүргүй зүйл хэлдэг атлаа буруугаа мэдэрдэггүй, зүрх сэтгэл чинь ямар ч мэдрэмжгүй бол чамайг Бурхан аль хэдийнээ хаячихсан гэсэн үг биш гэж үү? Зоргоороо, дураараа ярьж, үйлдэх нь чиний уг чанар болжээ; ийм байвал чи яаж ер нь Бурханаар төгс болгуулах юм бэ? Чи ертөнцийг алхаад туулж чадах уу? Хэн чамд үнэмших юм бэ? Чиний жинхэнэ уг чанарыг мэддэг хүмүүс зай барих болно. Энэ нь Бурханы шийтгэл биш гэж үү? Ерөнхийдөө, зөвхөн яриад хэрэгжүүлдэггүй бол ямар ч өсөлт гэж байхгүй. Ярьж байхад чинь Ариун Сүнс чам дээр ажиллаж байж болох ч гэсэн, хэрвээ чи хэрэгжүүлдэггүй бол Ариун Сүнс ажиллахаа болино. Хэрвээ чи энэ чигээрээ үргэлжлүүлбэл ирээдүйн тухай, эсвэл Бурханы ажилд бүх оршихуйгаа зориулах тухай яриа яаж байх юм бэ? Чи бүх оршихуйгаа өгөх тухай л ярьдаг ч Бурханыг үнэхээр хайрладаг зүрх сэтгэлээ Түүнд өгдөггүй. Бурханы хүлээн авсан бүхэн нь чиний үгийн зүрх сэтгэл бөгөөд хэрэгжүүлэлтийн зүрх сэтгэл биш. Биеийн чинь жинхэнэ хэмжээ энэ юм гэж үү? Хэрвээ чи энэ чигээрээ үргэлжлүүлсээр байвал хэзээ Бурханаар төгс болгуулах юм бэ? Өөрийнхөө харанхуй, бүрхэг ирээдүйн төлөө чи зовнихгүй байна гэж үү? Бурхан чамд найдвар тасарсныг чи мэдрэхгүй байна гэж үү? Бурхан илүү олон, шинэ хүмүүсийг төгс болгохыг хүсэж байгааг чи мэддэггүй гэж үү? Хуучин зүйлс үлдэж чадах уу? Чи Бурханы өнөөдрийн үгэнд анхаарал хандуулахгүй байна: Чи маргаашийг хүлээж байна уу?

Өмнөх:ТА НАР ҮНЭНИЙГ ОЙЛГОМОГЦОО ХЭРЭГЖҮҮЛ

Дараах:ТОХИРОМЖТОЙ ХОНЬЧНЫ ЗЭВСЭГЛЭХ ЁСТОЙ ЗҮЙЛ

Холбогдох агуулга

  • ГУЧИН НЭГДҮГЭЭР БҮЛЭГ

    Хүмүүсийн зүрх сэтгэлд Миний зай хэзээ ч байгаагүй. Би хүмүүсийг үнэхээр хайх үед тэд нүдээ анин Миний үйлдлүүдийг үл тоож, Миний хийдэг бүхэн тэдний…

  • АРВАН ХОЁРДУГААР БҮЛЭГ

    Бүх хүн анхааралтай байж, бүх зүйл шинэчлэгдэн, сэргэж, хүн бүхэн эргэлзэх юмгүйгээр Бурханд захирагдаж, Бурханы ачааны хүнд хариуцлагыг үүрэхэд бэл…

  • ХОРИН ДОЛООДУГААР БҮЛЭГ

    Хүний үйлдэл хэзээ ч Миний зүрх сэтгэлийг хөдөлгөөгүй, мөн Надад хэзээ ч эрхэм нандин гэж санагдаж байгаагүй. Хүний нүдээр бол Би түүнд үргэлж маш хат…

  • АЖИЛ БА ОРОЛТ (4)

    Хэрвээ хүн Ариун сүнсний ажлын дагуу үнэхээр орж чадах юм бол түүний амь хаврын борооны дараа ургасан хулсны навч шиг маш хурдан нахиалах болно. Ихэ…