Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

БУРХАНЫ БОДИТ БАЙДАЛД ТУЙЛЫН ДУУЛГАВАРТАЙ БАЙЖ ЧАДДАГ ХҮМҮҮС БОЛ БУРХАНЫГ ҮНЭХЭЭР ХАЙРЛАДАГ ХҮМҮҮС ЮМ

Бодит байдлын тухай мэдлэгтэй байж, Бурханы ажлыг тодорхой харах чадвартай байх—энэ бүхэн нь Түүний үгээс харагддаг. Зөвхөн Бурханы үгээс л чи гэгээрлийг олж авч чадна, иймээс чи өөрийгөө Түүний үгээр илүү их зэвсэглэх ёстой. Бурханы үгнээс авсан ойлголтоо нөхөрлөлөөр хуваалц, чиний нөхөрлөлөөр дамжуулан бусад хүмүүс гэгээрлийг олж авч чадах бөгөөд энэ нь хүмүүсийг зам руу хөтөлж чадна—энэ зам бол бодитой зам юм. Бурхан чамд зориулсан орчныг зохион байгуулахаас өмнө эхлээд та нар бүгд өөрсдийгөө Түүний үгээр зэвсэглэх ёстой. Энэ нь хүн бүхний хийх ёстой зүйл—энэ бол хойшлуулшгүй нэн тэргүүний зүйл. Хамгийн эхний хийх зүйл бол Түүний үгийг ууж, идэх чадвартай байх явдал юм. Өөрийнхөө хийж чаддаггүй зүйлүүдийн хувьд, Түүний үгээс хэрэгжүүлэлтийн замыг эрж хайж, өөрийн ойлгодоггүй аливаа асуудал, эсвэл өөртөө байгаа аливаа хүндрэл бэрхшээлийг Түүний үгээс хай. Бурханы үгийг өөрийн хангамж болгож, бодит бэрхшээл болон бодитой асуудлуудыг шийдэхэд чамд туслах боломжийг тэдгээрт олгож, өөрийн амьдралын туслагч болох боломжийг Түүний үгэнд олго—энэ нь хичээл чармайлт гаргахыг чамаас шаарддаг. Бурханы үгийг идэж, ууснаар үр дүнд хүрэх ёстой. Чи Түүний өмнө зүрх сэтгэлээ тайван байлгаж, асуудалтай тулгарах үедээ Түүний үгийн дагуу хэрэгжүүлж, асуудалтай тулгараагүй байх үедээ зүгээр л идэж, уу. Заримдаа чи залбирч, Бурханы хайрын талаар бодож, Бурханы үгийн ойлголтынхоо талаар нөхөрлөл хийж, дотроо мэдэрсэн гэгээрэл, гэрэлтүүлэлт болон тэдгээрийг унших үед чамд гарсан хариу үйлдлийнхээ талаар нөхөрлөл хийж чаддаг ба чи хүмүүсийг замд хөтөлж чадна—энэ нь бодитой зүйл юм. Үүнийг хийхийн зорилго нь Бурханы үгийг өөрийн бодитой хангамж болохыг зөвшөөрөх явдал юм.

Нэг өдрийн хугацаанд хэдэн цагийг чи үнэхээр Бурханы өмнө өнгөрүүлдэг вэ? Өдөр хоногийнхоо хэр ихийг Бурханд өгдөг вэ? Хэр ихийг махан биед өгдөг вэ? Зүрх сэтгэлээ үргэлж Түүн рүү хандуулж байх нь Бурханаар төгс болгуулах зөв зам дээрх эхний алхам юм. Чи өөрийн зүрх сэтгэл, биеийг болон өөрийн бүхий л жинхэнэ хайрыг Бурханд зориулж, тэдгээрийг Түүний өмнө тавьж, Түүнд бүрэн дуулгавартай байж, Түүний хүслийг туйлын анхаарч чадна. Махан биеийн төлөө биш, гэр бүлийнхээ төлөө биш, өөрийнхөө хувийн хүслийн төлөө биш харин Бурханы гэрийн ашиг сонирхлын төлөө. Бүх зүйл дээр чи Бурханы үгийг зарчим болгон, суурь болгон авч үзэж чадна. Тийм байдлаар санаа зорилго болон үзэл бодол чинь зөв байх бөгөөд чи Бурханы өмнө магтаалыг нь хүртдэг хүн байх болно. Бурханы дуртай хүмүүс бол Түүнд туйлын ханддаг хүмүүс буюу Түүнд үнэнч хүмүүсээс өөр хэн ч биш. Түүний дургүйцдэг хүмүүс бол Түүнд тоомсоргүй ханддаг, Түүний эсрэг тэрсэлдэг хүмүүс юм. Түүнд итгэдэг бөгөөд Түүнийг үргэлж таашаахыг хүсдэг боловч өөрсдийгөө Түүний төлөө бүрэн зарцуулж чаддаггүй хүмүүст Тэр дургүйцдэг. Түүнд хайртай гэж хэлдэг боловч зүрх сэтгэлдээ Түүний эсрэг тэрсэлдэг хүмүүст Тэр дургүйцдэг. Арга заль гаргахын тулд сайхан үг ашигладаг хүмүүст Тэр дургүйцдэг. Бурханд жинхэнээсээ зориулдаггүй, эсвэл Түүнд жинхэнээсээ дуулгавартай байдаггүй хүмүүс бол урвамтгай хүмүүс юм; тэд угаасаа хэтэрхий биеэ тоосон байдаг. Хэвийн агаад бодитой Бурханы өмнө чин сэтгэлээсээ дуулгавартай байж чаддаггүй хүмүүс бол бүр ч их биеэ тоосон байдаг бөгөөд тэд ялангуяа тэргүүн тэнгэрэлчийн ачлалт үр удам юм. Өөрсдийгөө Бурханы төлөө үнэхээр зарлагаддаг хүмүүс өөрсдийн бүхий л оршихуйг Түүний өмнө тавьдаг. Түүний бүх айлдварыг чин сэтгэлээсээ дуулгавартай дагадаг ба Түүний үгийг хэрэгжүүлэх чадвартай байдаг. Тэд Бурханы үгийг оршин тогтнолынхоо суурь болгодог бөгөөд Бурханы үгэн дэх хэрэгжүүлэлтийн нэг хэсгийг чин сэтгэлээсээ эрж хайж чаддаг. Энэ бол үнэхээр Бурханы өмнө амьдардаг хүн юм. Хэрвээ чиний хийдэг зүйл аминд чинь ашиг тустай бөгөөд Түүний үгийг идэж, ууснаар дамжуулан чи өөрийнхөө дотоод хэрэгцээ болон дутагдлыг хангаж, улмаар амь зан чанар чинь өөрчлөгдвөл энэ нь Бурханы хүслийг хангалуун байлгах болно. Хэрвээ чи Бурханы шаардлагуудын дагуу үйлдэх юм бол, хэрвээ чи махан биеийг хангалуун байлгалгүй харин Түүний хүслийг хангалуун байлгах юм бол энэ нь Түүний үгийн бодит байдалд орж буй явдал юм. Бурханы үгийн бодит байдалд илүү бодитоор орох тухай ярих үед энэ нь, чи өөрийн үүргээ биелүүлж, Бурханы шаардлагыг хангана гэсэн үг юм. Зөвхөн ийм бодитой үйлдлүүдийг л Түүний үгийн бодит байдалд орох гэж нэрлэж болно. Хэрвээ чи энэ бодит байдалд орох чадвартай бол чамд үнэн байна. Энэ нь бодит байдалд орохын эхлэл юм; чи эхлээд энэ сургалтыг хэрэгжүүлэх ёстой ба зөвхөн үүний дараа л чи илүү гүн гүнзгий бодит байдалд орж чадах болно. Тушаалуудыг хэрхэн мөрдөх тухай, Бурханы өмнө хэрхэн үнэнч байх тухай бод. Чи хэзээ хаанчлалд орж чадах тухайгаа үргэлж бүү бод—хэрвээ чиний зан чанар өөрчлөгдөхгүй бол чиний боддог юу ч хэрэггүй байх болно! Бурханы үгийн бодит байдалд орохын тулд чи эхлээд өөрийн санаа бодлыг бүгдийг нь Бурханы төлөө болгож чадах ёстой—энэ нь хамгийн үндсэн шаардлага юм.

Одоогоор олон хүн шалгалтуудын дунд байдаг; тэд Бурханы ажлыг ойлгодоггүй. Гэвч Би чамд хэлье—хэрвээ чи үүнийг ойлгохгүй бол энэ талаар шүүлт хийхгүй байсан нь дээр. Магадгүй бүх үнэн ил гарах өдөр ирэх бөгөөд тэр үед чи үүнийг мэдэх болно. Шүүлт хийхгүй байх нь чамд ач тустай боловч чи зүгээр л идэвхгүйгээр хүлээж болохгүй. Чи идэвхтэйгээр орохыг эрж хайх ёстой—зөвхөн энэ л бодитой оролттой хүн юм. Тэрслүү байдлынхаа улмаас хүмүүс үргэлж бодитой Бурханы талаарх үзлийг бий болгож байдаг. Бодитой Бурхан бол хүн төрөлхтний хувьд тоймгүй их шалгалт учраас энэ нь бүх хүнээс дуулгавартай байж сурахыг шаарддаг. Хэрвээ чи бат зогсож чадахгүй бол бүх зүйл дуусна; хэрвээ чамд бодитой Бурханы бодит байдлын талаарх ойлголт байхгүй бол чи Бурханаар төгс болгуулж чадахгүй. Хүмүүс төгс болгуулж чадах уу, үгүй юү гэдгийн шийдвэрлэх чухал алхам нь Бурханы бодит байдлын тухай ойлгох явдал юм. Бие махбодтой болсон Бурхан газар дээр ирсэн бодит байдал нь хүн нэг бүрийн хувьд шалгалт мөн. Хэрвээ чи энэ тал дээр бат зогсох чадвартай бол Бурханыг мэддэг хүн мөн бөгөөд Түүнийг үнэхээр хайрладаг хүн юм. Хэрвээ чи энэ тал дээр бат зогсож чадахгүй бол, хэрвээ чи зөвхөн Сүнсэнд л итгэдэг ба Бурханы бодит байдалд итгэлтэй байж чаддаггүй бол Бурханд итгэх итгэл чинь хэчнээн агуу байх нь хамаагүй энэ нь нэмэргүй. Хэрвээ чи нүдэнд үзэгдэх Бурханд итгэж чаддаггүй бол Бурханы Сүнсэнд итгэж чадна гэж үү? Чи Бурханыг хуурахаар оролдож байгаа биш гэж үү? Чи нүдэнд үзэгдэж, гарт баригдах Бурханд дуулгавартай байдаггүй, иймээс чи Сүнсэнд дуулгавартай байж чадах уу? Сүнс бол үзэгдэж, баригддаггүй, иймд чи Бурханы Сүнсэнд дуулгавартай байдаг гэж хэлэх үедээ утгагүй юм ярьж байгаа биш гэж үү? Тушаалуудыг мөрдөх гол түлхүүр нь бодитой Бурханы талаар ойлголттой байх явдал юм. Нэгэнт чамд бодитой Бурханы талаарх ойлголт байх юм бол чи тушаалуудыг мөрдөх чадвартай байх болно. Тушаалуудыг мөрдөх нь хоёр бүрэлдэхүүн хэсгийг агуулдаг: Нэг нь Түүний Сүнсний мөн чанарт итгэх тууштай итгэлийг[a] хадгалж, Түүний өмнө Сүнсний шинжилгээг хүлээн зөвшөөрөх чадвартай байх. Нөгөө нь махбод болсон Биеийн талаар үнэн зөв ойлголттой байх чадвартай байж, чин сэтгэлийн дуулгавартай байдалд хүрэх. Махан биеийн өмнө байлаа ч, эсвэл Сүнсний өмнө байлаа ч гэсэн Бурханд дуулгавартай байх зүрх сэтгэл болон Бурханаас айх айдсыг үргэлж хадгалах ёстой. Зөвхөн ийм хүн л төгс болгуулах эрхтэй. Хэрвээ чамд бодитой Бурханы бодит байдлын талаарх мэдлэг байгаа бол энэхүү шалгалтад бат зогсож байгаа хэрэг бөгөөд тэгвэл юу ч хэцүү байхгүй.

“Тушаалуудыг мөрдөхөд амархан. Чи зүгээр л Бурханы өмнө очиж, дохиж зангалгүйгээр үнэн сэтгэлээсээ илэн далангүй ярих хэрэгтэй ба энэ нь л тушаалуудыг мөрдөх явдал юм” гэж зарим хүн хэлдэг. Тэр нь зөв үү? Иймээс чи нүднээс далдуур Бурханыг эсэргүүцэх зүйл хийдэг—үүнийг тушаалуудыг мөрдөж байна гэж тооцогдох уу? Та нар тушаалуудыг сахих асуудлыг бүрэн ойлгох ёстой. Энэ нь бодитой Бурханыг мэддэг үү, үгүй юү гэдэгтэй чинь холбогддог; хэрвээ чамд бодит байдлын тухай ойлголт байдаг бөгөөд энэхүү шалгалтанд бүдэрч, унахгүй бол чамд хүчтэй гэрчлэл байна гэж тооцогддог. Бурханы төлөө цангинасан гэрчлэл хийх нь чамд бодитой Бурханы талаарх мэдлэг байгаа юу, үгүй юү гэдэгтэй болон эгэл жирийн гаад хэвийн энэ хүний өмнө дуулгавартай байж, бүр үхэх хүртлээ дуулгавартай байж чадах уу, үгүй юү гэдэгтэй чинь үндсэндээ хамаатай. Хэрвээ чи энэ дуулгавартай байдлаар дамжуулан Бурханы төлөө үнэхээр гэрчлэл хийж чадвал, Бурханаар авхуулсан гэсэн үг юм. Үхэх хүртлээ дуулгавартай дагах чадвартай байх болон Түүний өмнө гомдолгүй байх, шүүлт хийхгүй байх, гүжирдэхгүй байх, үзэлгүй байх, өөр ямар нэгэн далд санаагүй байх—ийм байдлаар Бурхан алдрыг олж авна. Хүмүүсийн үл тоомсорлодог жирийн хүний өмнө дуулгавартай байх явдал болон үхэх хүртлээ ямар ч үзэлгүйгээр дуулгавартай дагах чадвартай байх—энэ нь жинхэнэ гэрчлэл юм. Бурханы хүмүүсээс орохыг шаарддаг бодит байдал нь Түүний үгийг дуулгавартай дагах чадвартай байж, Түүний үгийг хэрэгжүүлэх чадвартай байж, бодитой Бурханы өмнө бөхийж, завхралаа мэдэх чадвартай байж, Түүний өмнө зүрх сэтгэлээ нээж, эцэст нь эдгээр үгээр нь дамжуулан Түүгээр авхуулах чадвартай байх явдал юм. Эдгээр үг чамайг байлдан дагуулж, чамайг Түүнд бүрэн дуулгавартай болгох үед Бурхан алдрыг олж авдаг; үүгээр дамжуулан Тэр Сатаныг шившиг болгож, Өөрийн ажлыг дуусгадаг. Бие махбодтой болсон Бурханы бодит байдлын талаар ямар нэгэн үзэлгүй байх үедээ буюу энэ шалгалтад бат зогсох үедээ чи сайн гэрчлэл хийдэг. Хэрвээ чамд, бодитой Бурханы талаар бүрэн мэдлэгтэй байж, Петр шиг үхэх хүртлээ дуулгавартай байж чадсан өдөр байсан бол чи Бурханаар авхуулж, Түүгээр төгс болгуулна. Бурханы хийдэг, чиний үзэлтэй нийцдэггүй зүйл бол чамд зориулсан шалгалт юм. Хэрвээ энэ нь чиний үзэлтэй нийцэж байсан бол энэ нь чамаас зовохыг, эсвэл цэвэршүүлэгдэхийг шаардахгүй. Учир нь Түүний ажил маш бодитой, чиний үзэлтэй нийцдэггүй бөгөөд энэ нь чамаас өөрийн үзлийг хаяхыг шаарддаг. Ийм учраас энэ нь чиний хувьд шалгалт юм. Бурханы бодит байдлын улмаас л бүх хүн шалгалтуудын дунд байгаа; Түүний ажил бодитой бөгөөд ер бусын биш. Түүний бодитой үгсийг, Түүний бодитой айлдваруудыг ямар ч үзэлгүйгээр бүрэн ойлгосноор, мөн Түүний бодитой ажил их байх тусам Түүнийг илүү чин сэтгэлээсээ хайрлах чадвартай байснаар чи Түүгээр авхуулах болно. Бурханы олж авах бүлэг хүмүүс нь Бурханыг мэддэг буюу Түүний бодит байдлыг мэддэг хүмүүс бөгөөд үүнээс ч илүүтэйгээр тэд бол Бурханы бодитой ажлыг дуулгавартай дагах чадвартай хүмүүс юм.

Бие махбодод байх хугацаандаа Бурханы хүмүүсээс шаарддаг дуулгавартай байдал нь хүмүүсийн төсөөлдөг шиг шүүлт хийхгүй, эсэргүүцэхгүй байх явдал биш. Харин ч, Түүний үгийг өөрсдийн амьдралын зарчим, оршин тогтнох сууриа болгож, Түүний үгийн мөн чанарыг амьдралд туйлын хэрэгжүүлж, Түүний хүслийг туйлын хангалуун байлгахыг Бурхан хүмүүсээс шаарддаг. Хүмүүсээс бие махбодтой болсон Бурханд дуулгавартай байхыг шаардахын нэг тал нь Түүний үгийг хэрэгжүүлэхтэй хамаатай бөгөөд нөгөө тал нь Түүний хэвийн байдал болон бодит байдалд дуулгавартай байж чадахтай хамаатай. Энэ хоёр нь хоёулаа туйлын байх ёстой. Энэ талуудын аль алийг хэрэгжүүлж чадах хүмүүс бол Бурханыг гэсэн жинхэнэ хайрын зүрх сэтгэлтэй хүмүүс юм. Тэд бол Бурханаар авхуулсан хүмүүс бөгөөд бүгд өөрсдийн амийг хайрладаг шигээ Бурханыг хайрладаг. Бие махбодтой болсон Бурхан хэвийн болон бодитой хүн чанараар ажилладаг. Ийм байдлаар Түүний хэвийн болон бодитой хүн чанарын хоёулангийнх нь гадаад бүрхүүл хүмүүсийн хувьд тоймгүй их шалгалт болдог; энэ нь тэдний хамгийн их хүндрэл бэрхшээл болдог. Гэсэн хэдий ч Бурханы хэвийн байдал болон бодит байдлаас зайлсхийж чадахгүй. Бурхан шийдэл олохын тулд бүхнийг оролдож үзсэн боловч эцэст нь Өөрийгөө хэвийн хүн чанарын гадаад талын бүрхүүлээс салгаж чадаагүй, учир нь эцсийн эцэст нь Тэр бол тэнгэр дэх Сүнсний Бурхан биш, харин махбод болсон Бурхан билээ. Тэр бол хүмүүсийн харж чаддаггүй Бурхан биш, харин бүтээлийн нэгний бүрхүүлийг өмссөн Бурхан юм. Ингэхээр Өөрийгөө хэвийн хүн чанарын бүрхүүлээс салгах нь яавч амархан биш байх болно. Иймээс ямар ч байсан Тэрээр хийхийг хүссэн ажлаа махан биеийн өнцгөөс хийдэг. Энэ ажил нь хэвийн болон бодитой Бурханы илэрхийлэл юм, иймээс хүмүүсийн хувьд дуулгавартай дагахгүй байх нь яаж зүгээр байх юм бэ? Хүмүүс Бурханы үйлдлүүдийн талаар яг юу хийж чадах юм бэ? Тэр Өөрийн хийхийг хүссэн юуг ч хийдэг; Түүний баярладаг юу ч тийм л байх болно. Хэрвээ хүмүүс дуулгавартай байхгүй бол тэдэнд өөр ямар эрүүл саруул төлөвлөгөө байх юм бэ? Одоог хүртэл зөвхөн дуулгавартай байдал л хүмүүсийг аварч чадна; өөр ямар ч мэргэн санаа байхгүй. Хэрвээ Бурхан хүмүүсийг туршихыг хүсвэл, тэд энэ талаар юу хийж чадах юм бэ? Гэхдэ энэ бүхэн нь тэнгэр дэх Бурханы санаа биш; энэ бол бие махбодтой болсон Бурханы санаа юм. Тэр үүнийг хийхийг хүсдэг, иймээс нэг ч хүн үүнийг өөрчилж чадахгүй. Тэнгэр дэх Бурхан Түүний хийдэг зүйлд хөндлөнгөөс оролцдоггүй, иймээс хүмүүс Түүнд бүр ч их дуулгавартай байх ёстой бус уу? Хэдийгээр Тэр бодитой агаад хэвийн аль аль нь боловч бүхэлдээ махан биетэй болсон Бурхан юм. Өөрийнхөө санаан дээр үндэслээд Тэр хүссэн бүхнээ хийдэг. Тэнгэр дэх Бурхан бүх үүрэг даалгаврыг Түүнд шилжүүлэн өгсөн; чи Түүний хийсэн бүхэнд дуулгавартай байх ёстой. Хэдийгээр Түүнд хүн чанар байдаг бөгөөд Тэр тун хэвийн боловч энэ бүхэн нь Түүний зориуд зохицуулсан зүйл юм, иймээс хүмүүс Түүнийг яаж үл зөвшөөрсөн, гайхсан нүдээр харж болох юм бэ? Тэр хэвийн байхыг хүсдэг, иймээс Тэр хэвийн байдаг. Тэр хүн чанарын дотор амьдрахыг хүсдэг, иймээс хүн чанарын дотор амьдардаг. Тэр бурханлаг чанарын дотор амьдрахыг хүсдэг, иймээс бурханлаг чанарын дотор амьдардаг. Хүмүүс үүнийг хүссэнээрээ харж болно. Бурхан үргэлж Бурхан байх ба хүмүүс үргэлж хүмүүс байх болно. Зарим нэг ялимгүй зүйлээс болж Түүний мөн чанарыг үгүйсгэж болохгүй, мөн ганц жаахан зүйлээс болж Түүнийг Бурханы “үнэн биеэс” гадагш түлхэж болохгүй. Хүмүүст хүмүүний эрх чөлөө байдаг ба Бурханд Бурханы эрхэм чанар байдаг; эдгээр нь нэг нэгэндээ саад болдоггүй. Хүмүүс Бурханыг хүссэнээрээ яллаж, эсвэл ойлгож болно. Бурхан арай илүү жирийн байхыг тэд тэвчиж чадахгүй юу? Маш нухацтай бүү бай—хүн бүхэн нэг нэгнийгээ хүлцэх ёстой, тэгвэл бүх зүйл шийдэгдэхгүй гэж үү? Тэгэх юм бол ямар нэгэн хөндий байдал байсаар байна гэж үү? Хэрвээ хүн тийм жаахан зүйлийг ч тэвчиж чадахгүй юм бол яаж уужим сэтгэлтэй хүн, жинхэнэ хүн байх тухай бодож болох юм бэ? Бурхан хүн төрөлхтнийг зовоож байгаа биш, харин хүн төрөлхтөн Бурханыг зовоож байгаа. Тэд үргэлж туулайн чинээ цагааныг уулын чинээ хар болгосноор аливааг зохицуулдаг—тэд үнэхээр сүржигнэн хэтрүүлдэг ба энэ нь огт хэрэггүй! Бурхан хэвийн болон бодитой хүн чанар дотор ажиллах үед, Түүний хийдэг зүйл нь хүн төрөлхтний ажил биш, харин Бурханы ажил юм. Гэсэн хэдий ч хүмүүс Түүний ажлын мөн чанарыг хардаггүй—тэд үргэлж Түүний хүн чанарын гадаад бүрхүүлийг хардаг. Тэд ийм агуу ажлыг хараагүй боловч Бурханы жирийн агаад хэвийн хүн чанарыг харахаар зүтгэдэг ба үүнийг тавьж явуулдаггүй. Үүнийг яаж Бурханд дуулгавартай байна гэж хэлж болох юм бэ? Тэнгэр дэх Бурхан одоо газар дээрх Бурхан “болж хувирсан” бөгөөд газар дээрх Бурхан бол одоо тэнгэр дэх Бурхан юм. Тэдний гадаад талын илрэлт адилхан уу, эсвэл Тэдний ажил ямархуу вэ гэдэг нь хамаагүй. Ерөнхийдөө Бурханы ажлыг хийдэг Тэр бол Бурхан Өөрөө юм. Чи хүссэн ч, хүсээгүй ч дуулгавартай байх ёстой—энэ нь чиний сонгох зүйл биш! Бурханд хүмүүс дуулгавартай байх ёстой ба өчүүхэн төдий ч худлаа дүр үзүүлэлгүйгээр Бурханыг туйлын дуулгавартай дагах ёстой.

Бие махбодтой болсон Бурханы өнөөдөр олж авахыг хүсдэг бүлэг хүмүүс бол Түүний хүсэлд тохирсон хүмүүс юм. Хүмүүс тэнгэр дэх Бурханы санаа бодолд үргэлж анхаарч, тодорхойгүй байдалд амьдарч, эсвэл бие махбодтой болсон Бурханд бэрхшээл учруулахгүйгээр зөвхөн Түүний ажлыг дуулгавартай дагах хэрэгтэй. Түүнд дуулгавартай байж чаддаг хүмүүс бол Түүний үгийг туйлын сонсож, Түүний зохицуулалтыг дуулгавартай дагадаг хүмүүс юм. Энэ хүмүүс тэнгэр дэх Бурхан яг ямар болох, эсвэл тэнгэр дэх Бурхан хүн төрөлхтөнд одоогоор ямар ажил хийж байгаа талаар огтхон ч анхаарал хандуулдаггүй, харин газар дээрх Бурханд зүрх сэтгэлээ бүрэн өгдөг бөгөөд өөрсдийн бүхий л оршихуйг Түүний өмнө тавьдаг. Тэд өөрсдийнхөө аюулгүй байдлыг хэзээ ч анхаардаггүй ба бие махбодтой болсон Бурханы хэвийн байдал болон бодит байдлын тухайд хэзээ ч төвөг уддаггүй. Бие махбодтой болсон Бурханд дуулгавартай байдаг хүмүүс Түүгээр төгс болгуулж чадна. Тэнгэр дэх Бурханд итгэдэг хүмүүс юу ч олж авахгүй. Учир нь тэнгэр дэх Бурхан биш харин газар дээрх Бурхан л хүмүүст амлалт, ерөөл хайрладаг билээ. Хүмүүс тэнгэр дэх Бурханыг үргэлж агуу хэмээн үзэж, газар дээрх Бурханыг жирийн хүн мэт үзэх ёсгүй, энэ нь шударга бус. Тэнгэр дэх Бурхан бол гайхалтай мэргэн ухаантай агуу агаад гайхамшигтай боловч энэ нь огтхон ч оршин байдаггүй. Газар дээрх Бурхан маш жирийн агаад өчүүхэн; Тэр бас маш хэвийн. Түүнд ер бусын оюун ухаан юм уу тэнгэр газрыг доргиом үйлс байдаггүй. Тэр зүгээр л маш хэвийн, бодит байдлаар ажиллаж, үгээ хэлдэг. Тэр аянгаар дамжуулан ярьдаггүй, эсвэл салхи бороог захирдаггүй ч гэсэн үнэхээр бие махбодтой болсон тэнгэр дэх Бурхан бөгөөд үнэхээр хүмүүсийн дунд амьдарч буй Бурхан юм. Хүмүүс өөрсдийн ойлгож чадах, өөрсдийнх нь төсөөлөлд таарсан нэгнийг Бурхан гэж томруулан харж, эсвэл өөрсдийн хүлээн зөвшөөрч чадахгүй, огтхон ч төсөөлж чадахгүй Нэгнийг дорд хэмээн үзэх ёсгүй. Энэ бүхэн нь хүмүүсийн тэрслүү байдал юм; энэ бүхэн нь хүн төрөлхтний Бурханыг эсэргүүцэх эсэргүүцлийн эх сурвалж юм.

Тайлбар:

a. Эх бичвэрт “тууштай итгэл” гэдэг үг байдаггүй.

Өмнөх:БҮГД БУРХАНЫ ҮГЭЭР БИЕЛДЭГ

Дараах:ТӨГС БОЛГУУЛАХ ХҮМҮҮС ЦЭВЭРШҮҮЛЭЛТ ТУУЛАХ ЁСТОЙ

Холбогдох агуулга

  • АЖИЛ БА ОРОЛТ (9)

    Бат бөх тогтсон “үндэстний соёл уламжлал” ба “оюун санааны төлөв” нь хүний ариун, төлөвшөөгүй цайлган зүр сэтгэлд аль хэдийн сүүдрээ тусгасан ба тэдг…

  • ЯЛЗАРСАН ХҮН ТӨРӨЛХТӨНД МАХБОД БОЛСОН БУРХАНЫ АВРАЛ ИЛҮҮ ИХ ХЭРЭГТЭЙ

    Бурханы ажлын бай нь Сатаны сүнс, эсвэл ямар нэг биегүй хоосон зүйл биш, харин махан биеэс бүтсэн, Сатанаар ялзруулагдсан хүн учраас Тэр махбод болсо…

  • БАЙЛДАН ДАГУУЛАХ АЖЛЫН ДОТООД ҮНЭН (4)

    Төгс болгуулна гэж юу гэсэн үг вэ? Байлдан дагуулагдана гэж юу гэсэн үг вэ? Байлдан дагуулагдахын тулд хүн ямар шалгуурыг хангах ёстой вэ? Төгс болгуу…

  • АЖИЛ БА ОРОЛТ (10)

    Хүн төрөлхтөн өнөөг хүртэл хөгжсөн нь урьд өмнө нь тохиолдож байгаагүй нөхцөл байдал юм. Бурханы ажил болон хүний оролт нь мөр зэрэгцэн урагшилсан бө…