Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ПЕТРИЙН АМЬДРАЛЫН ТУХАЙД

Петр бол Бурханы хүн төрөлтхтөнд танилцуулсан үлгэр дуурайл бөгөөд алдартай хүн юм. Яагаад тийм эгэл хүн Бурханаар үлгэр дуурайл болгуулж, хожмын үеийнхэнд магтагдсан бэ? Мэдээж энэ нь Бурханыг гэсэн түүний хайрын илэрхийлэл болон шийдэмгий зантай салшгүй холбоотой гэдгийг дурдахын ч хэрэггүй. Петрийн Бурханыг гэсэн хайрын зүрх сэтгэл хаана илэрхийлэгдэж байсан болон насан туршийн дадлага туршлага нь үнэндээ яг ямар байсан тухайд гэвэл тухайн үеийн Петрийг харахын тулд бид Нигүүлслийн эрин үе рүү буцан очиж, тэр үеийн ёс заншлыг дахин нэг харах учиртай.

Петр жирийн иудей тариачны гэр бүлд төрсөн. Түүний эцэг эх нь тариа тарьж бүх гэр бүлээ тэжээдэг байсан бөгөөд тэрээр ууган хүүхэд нь байжээ; тэр дөрвөн дүүтэй байв. Мэдээж энэ нь ярих гэж байгаа түүхийн гол хэсэг биш—Петр бол ердөө манай гол дүр. Түүнийг таван настай байхад эцэг эх нь түүнд хэрхэн уншихыг зааж эхэлсэн. Тухайн үед иудей хүмүүс нэлээд эрдэм мэдлэгтэй байлаа—тэд хөдөө аж ахуй, аж үйлдвэр, арилжаа наймаа зэрэг салбарт тун дэвшилттэй байсан юм. Тийм нийгмийн орчны нөлөөн дор Петрийн эцэг, эх хоёулаа өндөр боловсрол эзэмшсэн байв. Хэдий тэд хөдөөнийх байсан боловч тэд өнөөгийн их сургуулийн дундаж оюутантай харьцуулахуйц нэлээд баялаг мэдлэгтэй байсан юм. Ийм сайн нийгмийн нөхцөл байдалд төрсөн нь Петрийн зол завшаан байсан нь тодорхой. Тэр тун сэргэлэн байсан бөгөөд шинэ зүйлийг амархан сурч байлаа. Сургуульд орсныхоо дараа хичээл дээрээ ямар нэгэн хичээл чармайлт гаргаж байгаа мэт харагдалгүйгээр өөр бусад зүйлсээс дүгнэлт гаргах чадвартай байв. Түүний эцэг эх тийм ухаалаг хүүтэйдээ бахархаж байсан учраас түүнийг сургуульд явуулахын тулд бүх чадлаараа мэрийж, түүнийг амжилтад хүрч, тухайн үеийн нийгэмд ямар нэгэн албан тушаалтай болж чадна гэж найддаг байжээ. Үүнийг нь мэдэлгүйгээр Петр Бурханыг сонирхож эхэлсэн, иймээс тэр дунд сургуульд, арван дөрвөн настай байхдаа өөрийн судалж байсан Эртний Грекийн Соёлын сургалтын хөтөлбөрөөс залхсан ба ялангуяа эртний Грекийн түүхэн дэх зохиомол хүмүүс болон зүйлсэд дургүйцдэг байсан. Тэр үеэс эхлээд дөнгөж ид залуу насандаа байсан Петр хүний амьдралыг судалж шинжлэн, нийгэмтэй харилцаж эхэлжээ. Тэр эцэг эхийнхээ туулсан зовлонг мөс чанартайгаар хариулаагүй, учир нь хүмүүс бүгд өөрсдийгөө мунхруулсан орон зайд амьдарч, бүгд утга учиргүй амьдралаар амьдарч, алдар нэр, эд хөрөнгийн төлөө тэмцэхийн тулд амьдралаа сүйрүүлж байгааг тэр тодорхой харсан юм. Тэр үүнийг харсны шалтгаан нь түүний амьдарч байсан нийгмийн орчинтой ихээхэн хамаатай байлаа. Хүмүүс хэдий чинээ их мэдлэгтэй байна, хүмүүсийн хоорондын харилцаа төдий чинээ төвөгтэй, хүмүүсийн дотоод ертөнц төдий чинээ ярвигтай болох бөгөөд тэгснээр хүмүүсийн байгаа газар төдий чинээ хоосон байдаг. Эдгээр нөхцөл байдлын дор Петр завтай үедээ хаа сайгүй асууж сураглаж эхэлсэн бөгөөд түүний асууж сурагласан хүмүүсийн дийлэнх нь шашны хүмүүс байв. Хүний ертөнцийн бүх нууцлаг зүйлийг шашны ертөнцөд тодорхой болгож болох юм гэсэн бүдэг бадаг мэдрэмж түүний зүрх сэтгэлд байгаа мэт байсан, иймээс тэр мөргөлд оролцохын тулд өөрийн гэртэй ойр байх жижиг сүмд ойр ойрхон очдог байв. Эцэг эх нь энэ талаар мэдээгүй бөгөөд үргэлж биеэ гойд сайн авч явдаг, онц сурдаг байсан Петр тун удалгүй сургуульд явахыг үзэн ядаж эхэлсэн. Эцэг эхийнхээ хараа хяналт дор тэр арай ядан дунд сургуулиа төгсжээ. Тэр мэдлэгийн далайгаас эрэг рүү нь сэлж, гүнзгий амьсгаа авсан бөгөөд тэр цагаас хойш хэн ч түүнийг сургаж, эсвэл хязгаарлаагүй юм.

Сургуулиа төгссөний дараа тэр бүх төрлийн ном уншиж эхэлсэн боловч арван долоон насанд нь түүнд нийгмийн туршлага дутагдсан хэвээр байсан. Төгсөөд сургуулиа орхисныхоо дараа тэр тариа тарьж өөрийгөө тэжээж байх зуураа мөн ном уншиж, шашны хүндэтгэлийн үйл ажиллагаанд оролцоход аль болох их цаг гаргаж байв. Түүнд бүрэн найдаж байсан эцэг эх нь энэ “тэрслүү хүү”-гээсээ болж Тэнгэрийг олон удаа хараасан юм. Гэхдээ үүнийг үл харгалзан, зөв шударгын төлөө өлсөж, цангаж байсан түүний зүрх сэтгэл зогсоогүй. Тэр туршлагаараа багагүй хэмжээний бүтэлгүйтэл амссан боловч шунан тэмүүлсэн зүрх сэтгэлтэй байсан, иймээс тэр борооны дараах өвс ногоо мэт ургасан. Төд удалгүй тэрээр шашны ертөнцийн өндөр түвшний хүмүүстэй нүүр тулах “хувьтай” болсон бөгөөд түүний хүсэн тэмүүлсэн зүрх сэтгэл маш хүчтэй байсан учраас тэр хүмүүстэй улам олон удаа холбогдож, бараг бүх цаг хугацаагаа тэдний дунд өнгөрүүлжээ. Өөрийн сэтгэл ханамжийн жаргалд умбаж байх үедээ, тэдгээр хүмүүсийн дундаас ихэнх нь зөвхөн үгэн дээрээ л итгэлтэй боловч нэг нь ч зүрх сэтгэлээ зориулдаггүй юм байна гэдгийг тэрээр гэнэт олж мэдсэн юм. Шулуун шударга, цайлган зүрх сэтгэлтэй Петр ийм цохилтыг хэрхэн тэсвэрлэж чадах билээ? Түүний харьцсан бараг бүх хүн хүний өмсгөлтэй араатнууд байж гэдгийг тэр олж мэдсэн—тэд хүн төрхтэй амьтад байлаа. Тухайн үед Петр тун гэнэн байсан учир хэд хэдэн удаа тэдэнд чин сэтгэлээсээ сануулсан боловч овжин зальхай шашны хүмүүс эрч хүч, бяр тэнхээтэй залуу хүний хүсэлтийг хэрхэн сонсох билээ дээ? Тэр үед л Петр хүний амьдралын үнэхээр утгагүй хоосон байдлыг мэдэрсэн бөгөөд амьдралын эхний алхмаа хийхдээ тэр бүтэлгүйтсэн юм… Нэг жилийн дараа тэр сүмээс нүүн явж, бие даасан амьдралаа эхэлжээ.

18 настай Петр нэг бүтэлгүйтэл амссаныхаа дараа хамаагүй илүү төлөвшиж, хашир болов. Түүний залуу насны бүхий л гэнэн байдал зүгээр л алга болсон бөгөөд түүнд байсан залуу насны цайлган сэтгэл болон гэнэн байдал бүгд тэрхүү бүтэлгүйтлээс болж өршөөлгүйгээр унтарсан юм. Тэр үеэс эхлээд тэрээр загасчны амьдралаа эхлүүллээ. Үүний дараа загас агнуурын завин дээр нь хүмүүс түүний тунхаглаж байсан зүйлийг сонсдог байсан гэдгийг харж болно; тэр амин зуулгынхаа төлөө загасчилж, хаа сайгүй номлож байв. Түүний ярьж байсан зүйл нь тухайн үеийн жирийн хүмүүсийн зүрх сэтгэлд тун нийцэж байсан учраас номлосон хүн бүхэн нь түүний номлолд ховсдуулж байсан юм. Түүний шударга занд хүмүүс бүгд гүнээ сэтгэл хөдөлсөн бөгөөд тэрээр, бусадтай зүрх сэтгэлээсээ харьцаж, бүх юман дээр тэнгэр, газар бүх зүйлийн Эзэнийг дуудаж, мөс чанараа үл ойшоон, муу нэртэй зүйлийг хийхгүй байж, харин өөрсдийн зүрх сэтгэлээсээ хайрладаг Бурханыг бүх зүйл дээр сэтгэл хангалуун байлгахыг хүмүүст ихэвчлэн сургадаг байлаа… Түүний номлолыг сонссоныхоо дараа хүмүүсийн сэтгэл ихэвчлэн гүнээ хөдөлдөг байв. Тэд бүгд түүгээр зоригжуулагдаж, ихэнхдээ гашуунаар цурхиран уйлдаг байлаа. Тухайн үед түүнийг дагаж байсан хүн бүхэнд түүнийг гэсэн гүн гүнзгий бишрэл байсан. Тэд бүгд ядуу зүдүү байсан бөгөөд тухайн үеийн нийгмийн нөлөөгөөр мэдээж түүнд цөөхөн дагалдагч байсан; тэр мөн тухайн үеийн нийгэм дэх шашны ертөнцийн хавчлагад өртөж байв. Энэ учир шалтгааны улмаас тэр байнга нэг газраас нөгөөд нүүж байсан бөгөөд хоёр жилийн туршид ганц бие амьдралаар амьдарчээ. Тэр ер бусын дадлага туршлагатай тэрхүү хоёр жилд нэлээд их мэдлэг ухааныг олж авсан бөгөөд өмнө нь мэдээгүй байсан асар их зүйлийг сурчээ. Петр тэр үед 14 настай үеийнхээсээ бүрэн өөр хүн болсон байсан—тэдэнд адилхан зүйл юу ч үгүй мэт харагдаж байв. Энэ хоёр жилийн хугацаанд тэр төрөл бүрийн хүмүүстэй нүүр тулсан бөгөөд нийгмийн тухай бүх төрлийн үнэнийг харсан; түүнээс хойш тэрээр шашны ертөнцийн бүх төрлийн зан үйлээс өөрийгөө аажмаар ангижруулсан. Тэр үеийн Ариун Сүнсний ажлын чиг хандлага түүнд гүнээ нөлөөлсөн юм. Тухайн үед Есүс ч бас хэдэн жилийн турш ажиллаж байсан, иймээс түүний ажилд бас тэр үеийн Ариун Сүнсний ажил нөлөөлсөн, гэсэн хэдий ч тэр Есүстэй хараахан уулзаагүй байсан юм. Тэрхүү шалтгааны улмаас, номлож байх үедээ тэрээр өнгөрсөн үеийн ариун хүмүүст хэзээ ч байгаагүй олон зүйлийг олж авчээ. Мэдээж тухайн үед тэр Есүсийн талаар бага зэрэг мэдэж байсан боловч Түүнтэй нүүр нүүрээ харан уулзах боломж хэзээ ч түүнд байгаагүй. Тэр зөвхөн Ариун Сүнснээс төрсөн тэнгэрлэг хүнийг харахаар зүрх сэтгэлдээ найдаж, цангаж байсан юм.

Тэрээр нэгэн орой харуй бүрийд өөрийн завиар загасчилж байсан (тухайн үеийн Галил нуурын эргийн ойролцоо) бөгөөд хэдий түүний гарт загасны уурга байсан ч оюун ухаанд нь өөр зүйл байв. Үдшийн гэгээ усны гадаргууг өргөн уудам далай дахь цусан сан мэт гэрэлтүүлж байлаа. Гэрэл Петрийн залуу боловч тайван, тогтуун царайд тусахад тэр гүн бодолд дарагдсан мэт байв. Тэрхүү мөчид сэвэлзүүр салхи хөдөлж, өөрийнх нь амьдрал ганцаардмал болохыг Петр гэнэт мэдэрсэн, тиймээс тэр хоосролын мэдрэмжийг гэнэт мэдэрсэн юм. Нуурын ус давлагаалан гэрлийг ойлгож байсан бөгөөд түүнд загасчлах зүрх сэтгэл байгаагүй нь илэрхий байлаа. Тэр бүх төрлийн хэрэг явдлын тухай бодолд автангаа ард нь хэн нэгэн хүн: “Ионагийн хүү, Иудейн Симон оо, чиний амьдралын өдрүүд ганцаардмал юм. Чи Намайг дагах уу?” хэмээн хэлэхийг гэнэт сонсжээ. Петр үүнийг сонсоод цочирдож, гартаа байсан загасны уургаа унагаасан бөгөөд өнөөх нь удалгүй усны ёроол руу живлээ. Петр яаран эргээд завин дээр нь зогсож буй нэгэн эрийг харав. Тэр Түүнийг дээрээс нь доош нь харахад: Түүний мөрийг нь бүрхсэн үс нь нарны гэрэлд бага зэрэг алтан шаргал байсан бөгөөд хувцас нь саарал байлаа. Тэр дунд зэргийн өндөртэй, өмсгөл нь бүхэлдээ иудей эрэгтэйнх байв. Харуй бүрийн гэрэлд Түүний саарал хувцас бага зэрэг хар харагдаж байсан ба Түүний нүүр царай ялимгүй гялалзан үзэгдэж байлаа. Петр Есүстэй олон удаа уулзахаар оролдсон боловч тухай бүртээ чадаагүй юм. Тухайн мөчид энэ хүн бол гарцаагүй өөрийнх нь зүрх сэтгэл дэх ариун нэгэн байх ёстой гэдэгт тэр сүнсээрээ итгэсэн, иймээс тэр завин дээрээ нүүрээрээ унан мөргөж, “Та тэнгэрийн хаанчлалын сайн мэдээг тунхаглахаар ирсэн Эзэн мөн юм гэж үү? Би Таны туршлагын талаар сонссон боловч Таныг хэзээ ч харж байгаагүй. Би Таныг дагахыг хүссэн боловч Таныг олж чадаагүй” гэжээ. Есүс аль хэдийн түүний завины агуулахын хэсэг рүү алхаж, чимээгүйхнээр доош суулаа. Тэр ингэж хэлсэн:[a] “Босоод Миний хажууд суу. Би Намайг үнэхээр хайрладаг хүмүүсийг эрж хайхаар, мөн тэнгэрийн хаанчлалын сайн мэдээг түгээхээр ирсэн. Надтай нэг зүрх сэтгэлтэй хүмүүсийг эрж хайхаар Би хаа сайгүй явж байна. Чи бэлэн байна уу?” Петр хариуд нь “Би тэнгэрлэг Эцгийн илгээсэн хүнийг дагах ёстой. Би Ариун Сүнсээр сонгогдсон хүнийг хүлээн зөвшөөрөх ёстой. Тэнгэрлэг Эцгийг хайрладаг болохоор би яаж дагахыг хүсэхгүй байх билээ дээ?” гэв. Хэдийгээр Петрийн үгэн дэх шашны үзэл нэлээд хүчтэй байсан боловч Есүс инээмсэглэн, сэтгэл ханамжтайгаар толгойгоо дохисон юм. Тэр мөчид Түүний дотор Петрийг хайрлах эцгийн хайрын мэдрэмж төрсөн.

Петр Есүсийг хэдэн жилийн турш дагасан бөгөөд хүмүүст байдаггүй олон зүйлийг Есүсээс харсан. Түүнийг нэг жил дагасны дараа тэр Есүсийн арван хоёр шавийн тэргүүнээр сонгогджээ. (Мэдээж энэ нь Есүсийн зүрх сэтгэлийн хэрэг байсан бөгөөд хүмүүс үүнийг огтхон ч харах чадваргүй байсан юм.) Есүсийн хөдөлгөөн бүр түүний амьдралд үлгэр жишээ болсон бөгөөд ялангуяа Есүсийн номлол түүний зүрх сэтгэлд буусан. Тэр Есүст тун их анхаарал тавьдаг, үнэнч байсан ба түүнд Есүсийн талаарх гомдол хэзээ ч байгаагүй. Ийм учраас Есүс хаашаа ч явсан тэр итгэлтэй бараа бологч нь болсон юм. Петр Есүсийн сургаалыг, Түүний эелдэг үгсийг, Түүний идэж, өмсөж байгаа зүйлийг, Түүний өдөр тутмын амьдралыг болон Түүний аяллыг ажигласан. Тэр бүх талаараа Есүсийн үлгэр жишээг дагасан билээ. Тэр өөрийгөө зөвтгөдөггүй байсан боловч урьдын хоцрогдсон зүйлсээ бүгдийг нь хаяж, үг болон үйл хэргээрээ Есүсийн үлгэр жишээг дагасан. Тэгэхэд л тэр тэнгэр, газар, бүх зүйл Төгс Хүчитийн гарт байдаг гэдгийг мэдэрсэн бөгөөд энэхүү шалтгааны улмаас түүнд хувийн сонголт байгаагүй, харин ч Есүс өөрийнх нь үлгэр жишээ болж ажилладаг гэдгийг бүх зүйлээс олж харж байлаа. Есүс хийж байгаа зүйлдээ Өөрийгөө зөвтгөдөггүй, мөн Өөрийнхөө талаар онгирдоггүй, харин оронд нь хүмүүсийг хайраар хөдөлгөдөг гэдгийг тэр өөрийнхөө амьдралаас харж байв. Өөр өөр нөхцөл байдалд Петр Есүсийн юу болохыг харж чадаж байлаа. Тийм учраас Есүсийн бүх зүйл нь Петрийн үлгэр дуурайллаа болгосон зүйл байв. Өөрийн туршлагаар тэр Есүсийн хайр татам байдлыг улам илүү мэдэрсэн. Тэр: “Би орчлон ертөнцөөс Төгс Хүчитийг хайсан бөгөөд тэнгэр, газар, бүх зүйлийн гайхамшгийг харсан, тиймээс Төгс Хүчитийн хайр татам байдлыг гүнээ мэдэрсэн. Гэхдээ миний зүрх сэтгэлд хэзээ ч жинхэнэ хайр байгаагүй ба би Төгс Хүчитийн хайр татам байдлыг хэзээ ч өөрийн нүдээр хараагүй. Өнөөдөр Төгс Хүчитийн нүдэнд би таалал хүртэж, эцэстээ Бурханы хайр татам байдлыг мэдэрч, эцэстээ Бурханы хувьд Түүнийг хайрлахад хүн төрөлхтнийг хүргэдэг зүйл нь зөвхөн бүх зүйлийг бүтээсэн явдал биш юм байна гэдгийг олж мэдсэн. Өдөр тутмын амьдралдаа би Түүний хязгааргүй хайр татам байдлыг олсон; энэ нь яаж зөвхөн өнөөдрийн энэ нөхцөл байдлаар хязгаарлагдаж болох юм бэ?” гэсэн зүйл хэлсэн. Цаг хугацаа өнгөрөхийн хэрээр Петрээс ч мөн олон сэтгэл татам зүйл олдсон. Тэр Есүст маш дуулгавартай байсан бөгөөд мэдээж нэлээд хэдэн бүтэлгүйтэл амссан. Есүс тунхаглал хийхээр түүнийг олон янзын газар аваачих бүрд тэр үргэлж даруухан байж, Есүсийн номлолыг сонсдог байв. Тэр дагасан он жилүүдээсээ болж хэзээ ч биеэ тоогоогүй. Өөрийнх нь ирсэн шалтгаан бол ажлаа дуусгахын тулд цовдлогдох явдал гэж Есүсийг хэлсний дараа Петр үргэлж тун гунигтай болж, ганцаараа нууцаар цурхиран уйлдаг байв. Гэсэн ч, тэрхүү “золгүй” өдөр ирсэн. Есүсийг баривчлагдсаны дараа Петр завин дээрээ ганцаараа уйлж, үүний төлөө асар их залбирсан боловч зүрх сэтгэлдээ тэр, энэ бол Эцэг Бурханы хүсэл бөгөөд хэн ч үүнийг өөрчилж чадахгүй гэдгийг мэдэж байлаа. Хайрын үр нөлөөний улмаас тэр байнга уй гунигтай байж, уйлж байсан—мэдээж энэ нь хүний сул тал, иймээс Есүсийг загалмай дээр цовдлогдоно гэдгийг мэдсэн үедээ тэр Есүсээс: “Та явсныхаа дараа бидний дунд эргэн ирж, биднийг харж хандах уу? Бид Таныг харж чаддаг хэвээр байх уу?” гэж асуужээ. Хэдий эдгээр үг нэлээд гэнэн агаад хүний үзлээр дүүрэн байсан боловч Есүс Петрийн зовлон шаналлын амтыг мэдэж байсан, иймээс Өөрийн хайраар дамжуулан Тэр түүний сул талыг анхаарч үзсэн юм: “Петр ээ, Би чамайг хайрласан. Чи тэрийг мэдэх үү? Хэдийгээр чиний хэлж байгаа зүйлд ямар ч учир шалтгаан байхгүй боловч амилсныхаа дараа Би хүн төрөлхтөнд 40 өдрийн турш харагдах болно гэдгийг Эцэг амласан. Миний Сүнс та бүхэнд үргэлж нигүүлсэл хүртээх болно гэдэгт чи итгэхгүй байна уу?” Түүний дараа Петр бага зэрэг тайвширсан боловч бусад талаараа төгс байсан зүйлд дутагдалтай тал байгааг тэр үргэлж мэдэрч байв. Иймээс Есүс амилсныхаа дараа түүнд анх удаа ил тод үзэгдсэн боловч Петрийг үзлээ үргэлжлүүлэн баримтлахаас сэргийлэхийн тулд Есүс Петрийн Өөрт нь зориулан бэлтгэсэн элбэг арвин хоолноос татгалзаж, нүд ирмэхийн төдийд алга болсон. Тэр мөчид Петр эцэстээ Есүсийн талаар илүү гүнзгий ойлголттой болсон бөгөөд Эзэн Есүсийг улам илүү хайрласан юм. Өөрийн амиллын дараа Есүс Петрт олон дахин харагдсан. 40 өдрийн дараа тэнгэр лүү одох үедээ Тэр Петрт гурван удаа харагдсан. Түүний илрэн гарч ирэх бүр нь Ариун Сүнсний ажил бараг дуусах гэж, шинэ ажил бараг эхлэх гэж байсан үе байлаа.

Петр бүхий л амьдралынхаа туршид загасчилж амьдардаг байсан боловч үүнээс ч илүүтэйгээр номлохын төлөө амьдарсан. Амьдралынхаа сүүлийн жилүүдэд тэрээр Петрийн нэг, хоёр дахь захидлыг бичсэн бөгөөд тухайн үеийн Филаделфийн чуулганд хэд хэдэн захиа бичсэн. Тухайн үеийн хүмүүсийн сэтгэлийг тэр маш их хөдөлгөсөн. Тэр хэзээ ч өөрийн итгэмжлэл дээр үндэслэн хүмүүст сургаагүй боловч тэднийг амийн зохистой тэжээлээр хангажээ. Амьдралдаа тэрээр Есүсийн бүхий л амьдралдаа хэлсэн сургаалыг хэзээ ч мартаагүй—тэр урам зоригтой хэвээр үлдсэн юм. Есүсийг дагаж байх үедээ тэр Эзэний хайрыг өөрийн үхлээр хариулж, бүх зүйл дээр Есүсийн үлгэр жишээг дагах болно гэж шийдсэн. Есүс түүнд амласан тул түүнийг 53 настай байхад (Есүсийг явснаас 20 гаруй жилийн дараа) түүний шийдвэрийг биелүүлэхийн тулд Есүс түүнд үзэгджээ. Үүний дараагийн долоон жилд Петр өөрийгөө мэдэхэд амьдралаа зориулсан. Энэ долоон жилийн төгсгөлд, нэгэн өдөр тэрээр толгойгоо доош харуулан цовдлогдож, ер бусын амьдралаа төгсгөсөн юм.

Тайлбар:

a. Эх бичвэрт “Тэр ингэж хэлсэн” гэдэг үг байдаггүй.

Өмнөх:ЗУРГААДУГААР БҮЛЭГ

Дараах:НАЙМДУГААР БҮЛЭГ

Холбогдох агуулга