94-Р БҮЛЭГ

Сионд Би Өөрийн ууган хөвгүүдтэй хамт буцдаг гэх үгийн жинхэнэ утга учрыг та нар үнэхээр ойлгож байна уу? Би та нарыг хурдан өсөж том болж, Надтай хамт хаанчлаасай гэж хүсдэгээ ахин дахин сануулсан. Та нар санаж байна уу? Эдгээр зүйл нь бүгд Би бие махбодтой болсонтой шууд холбоотой юм: Би Өөртэйгөө нэг бодолтой бүлэг хүмүүсийг махбодоор дамжуулж олж авахын тулд Сионоос ертөнцөд махбод болж ирсэн бөгөөд дараа нь бид Сион руу буцдаг. Энэ нь бид махбодоос анхны биедээ буцдаг гэсэн үг юм. Энэ бол “Сионд буцдаг” гэдгийн жинхэнэ утга учир. Энэ нь бас Миний бүхий л удирдлагын төлөвлөгөөний жинхэнэ утга учир, гол асуудал гэдгээр зогсохгүй Миний удирдлагын төлөвлөгөөний хэн ч саад болж чадахгүй, бас нэн даруй биелэх хамгийн чухал хэсэг юм. Хэрэв чи махбодод байвал хүний үзэл, бодол санаанаас хэзээ ч ангижрахгүйгээр зогсохгүй газрын агаарыг хаяж, тоосыг сэгсэрч чадалгүй, үргэлж шавар байх болно; чи биед байх үедээ л ерөөл эдлэх эрхтэй болно. Ерөөл гэж юу вэ? Та нар санаж байна уу? Махбодод, ерөөл олох ямар ч боломжгүй, тиймээс ууган хүү бүр махбодоос биед чиглэсэн замыг дагах ёстой. Махбодод та нар агуу улаан лууд дарлагдаж, хавчигдсан (та нар ямар ч хүч чадалгүй учир алдар суу огт олоогүй) боловч биед их өөр байх бөгөөд та нар бахархалтай, баяр хөөртэй байх болно. Дарлуулах өдөр бүрмөсөн үгүй болж, та нар үүрд суллагдаж, чөлөөтэй болно. Би та нарт Өөрийн юу болох, Өөрт минь юу байгааг нэмэхийн тулд ийм байх ёстой. Эс тэгвээс та нарт Миний чанар л байх болно. Хүн өөр нэг хүнийг гаднаа хэчнээн даган дуурайлаа ч, яг адилхан болж чадахгүй. Зөвхөн ариун сүнслэг биед л (биеийг хэлж байна) бид яг адил байж чадна (энэ нь адилхан чанартай, адилхан оршихуйтай, адилхан эзэмшилтэй байж, санаа нэгтэй, нэгдмэл, салшгүй, салангид бус байж чадахыг хэлдэг, учир нь энэ бүгд ариун сүнслэг бие юм).

Яагаад одоо та нар ертөнцийг үзэн ядаж эхлэн, идэх, өмсөх гэх мэт яршигтай зүйлд ой гутаж, тэдгээрийг орхино гэхээс байж ядаж байгаа вэ? Энэ бол та нар сүнсний ертөнц (бие) рүү орохын тэмдэг бөгөөд та нарт бүгдэд нь ийм совин байгаа (бүгдэд нь ижил хэмжээнд биш ч гэлээ). Би Өөрийн хамгийн чухал алхамд үйлчлүүлэхээр бүхий л янзын өөр өөр хүн, өөр өөр үйл явдал, өөр өөр зүйлсийг ашиглах бөгөөд тэд бүгд Надад үйлчлэл хийх болно. Би тэгэх ёстой. (Мэдээж цаг нь ирээгүй тул Би үүнийг махбодод байхдаа биелүүлж чадахгүй, Миний Сүнс л Өөрөө энэ ажлыг хийж чадна.) Энэ бол бүхий л орчлон ертөнцийн эцсийн өчүүхэн жижиг чиг үүрэг юм. Хүн бүр Намайг магтаж, Намайг баяр хөөртэйгээр хүлээн авна. Миний агуу ажил гүйцэлдлээ. Миний гараас долоон аяга тахал асгарч, долоон аянга нүргэлж, долоон бүрээ дуугарч, долоон лац орчлон ертөнцөд, бүх улс үндэстэн, бүх ард түмэнд, уул нуруудад, гол мөрөнд, бүх зүйлд нээгддэг. Долоон аяга тахал нь юу вэ? Тэд юунд чиглэдэг вэ? Би яагаад тэднийг гараас минь асгарна гэж байна вэ? Хүн бүр үнэмшиж, хүн бүр гүйцэд ойлготол урт удаан хугацаа өнгөрөх болно. Би одоо та нарт хэллээ ч, та нар ердөө багахан хэсгийг л ойлгоно. Хүний төсөөллийн дагуу бол долоон аяга тахал ертөнцийн бүх улс орон, ард түмэнд хандсан мэт боловч үнэн хэрэгтээ тийм биш. Энэ долоон аяга тахал гэдгээр диавол Сатаны нөлөө, агуу улаан лууны хуйвалдааныг хэлдэг (Би Өөртөө үйлчлэл хийхээр ашигладаг зүйлс юм). Тэр үед Би хөвгүүд, ардуудыг гэсгээхээр Сатан болон агуу улаан лууг чөлөөлж, улмаар хэн нь хөвгүүд, хэн нь ардууд болохыг илчилнэ. Мэхлэгдсэн хүмүүс нь Миний урьдчилан тогтоосон бай биш, харин Миний ууган хөвгүүд тэр үед Надтай хамт хаанчилж байх болно. Ийм маягаар Би хөвгүүд болон ардуудыг бүрэн төгс болгоно. Долоон аяга тахлыг асгах нь бүх улс үндэстэн, бүх ард түмэнд нөлөөлөхгүй, зөвхөн Миний хөвгүүд, Миний ардуудад нөлөөлнө. Ерөөл амар олддоггүй, бүх төлөөсийг нь төлөх ёстой. Хөвгүүд, ардууд өсөж том болоход долоон аяга тахал бүрмөсөн үгүй болж, цаашид оршин байхгүй. Долоон аянга нүргэлэх гэдэг нь юу вэ? Үүнийг ойлгоход хэцүү биш. Би болон Миний ууган хөвгүүд бие болох мөчид долоон аянга нүргэлнэ. Энэ нь тэнгэр, газар орвонгоороо эргэсэн мэт бүхий л орчлонг доргионо. Хүн бүр үүнийг мэднэ, хэн ч мэдэлгүй хоцрохгүй. Тэр цаг үед Би болон Миний ууган хөвгүүд алдар сууд хамт байж, ажлын дараагийн алхмыг эхэлнэ. Долоон аянгын нүргээнээс болж олон хүн өвдөг сөгдөн өршөөл, уучлал эрнэ. Гэвч Нигүүлслийн эрин үе байхаа болино: Энэ нь уур хилэнгийн цаг үе байх болно. Хорон мууг үйлддэг хүмүүсийн хувьд (Миний сонгосон хүмүүсээс бусад завхайрдаг, бохир мөнгөөр наймаалцдаг, эр эмийн хоорондох зааг хязгаарыг зөрчдөг, Миний удирдлагад саад, хор учруулдаг хүмүүс, эсвэл сүнс нь хаагдсан, муу ёрын сүнсэнд эзэмдүүлсэн гэх мэт бүх хүн) нэгийг нь ч зүгээр өнгөрөөж, өршөөлгүй, бүгдийг нь Үхэгсдийн оронд унагаж, үүрд мөхөөнө! Долоон бүрээ дуугарах гэдэг томоохон муу орчныг хэлж байгаа юм биш, ертөнцөд ямарваа зүйл тунхаглагдаж байгааг хэлдэг ч юм биш, эдгээр нь бүгд хүний үзэл юм. Долоон бүрээ гэдгээр Миний хилэнт айлдварыг хэлж байна. Миний дуу хоолой (сүр жавхлант шүүлт болон уур хилэнт шүүлт) гарахад долоон бүрээ дуугардаг. (Яг одоо, Миний гэрт энэ хамгийн ноцтой нь бөгөөд хэн ч үүнээс зайлж чадахгүй.) Үхэгсдийн орон болон там дахь бүх чөтгөр том ч бай, жижиг ч бай гараараа толгойгоо бариад, зүг бүрд зугтан, ичиж, нүүр хийх газаргүйгээр уйлж, шүдээ хавирна. Энэ мөчид долоон бүрээ дуулдаж эхлээгүй байгаа ч, энэ нь хэний ч зугтаж чадахгүй, бүгдийнх нь туулах ёстой Миний дүрэлзсэн уур хилэн, бас Миний хамгийн хатуу шүүлт билээ. Энэ удаад илчлэгдсэн зүйл бол долоон лацны агуулга биш юм. Долоон лац бол та нарын ирээдүйд эдлэх ерөөл мөн. Нээх гэдэг нь ердөө л та нарт мэдэгдэхийг хэлж байгаа боловч та нар энэ ерөөлийг хараахан эдлээгүй. Та нар ерөөлийг үнэхээр эдлэх үедээ долоон лацны агуулгыг мэдэх болно. Одоо та нар хараахан бүрэн төгс болоогүй нэг хэсэгт л хүрч байна. Би ирээдүйн ажлын үеэр гарч ирэхэд нь л алхам бүрийн талаар хэлж өгч чадна, тиймээс та нар үүнийг биечлэн туулж, зүйрлэшгүй алдар сууг мэдэрч, эцэс төгсгөлгүй хөөрч баярласан байдалтай оршино.

Ууган хөвгүүдийн ерөөлийг эдэлж чадна гэдэг амар зүйл ч биш, ерийн хүний хүрч чаддаг зүйл ч биш. Би Өөрийн ууган хөвгүүдэд хатуу шаардлага тавих ёстой гэдгээ дахин нэг онцолж, илүү хүч нэмж хэлье. Эс тэгвэл тэд Миний нэрийг алдаршуулж чадахгүй. Би ертөнцөд муу нэртэй хэнийг ч болов голно, ёс зүйгүй, завхай хүмүүсийг бүр ч их голно. (Тэд Бурханы ардууд болох хувьгүй–үүнийг Би ихэд онцолдог.) Өнгөрсөнд хийсэн зүйл чинь элэрч, баларсан гэж бүү бод–тийм сайхан зүйл гэж хаа байна! Ууган хөвгүүний байр суурийг олох тийм эгэл хэрэг үү? Ийм маягаар Би Өөрийн минь эсрэг байдаг, махбод дахь Намайг таньдаггүй, хүслээ биелүүлэхэд минь саад болдог, Намайг хяхан хавчдаг хэнийг ч голдог–Би ийм хатуу (учир нь Би Өөрийн хүч чадлыг бүрэн эргүүлж авсан)! Эцэст нь, амьдралд нь бүтэлгүйтэл гэж байгаагүй хэн бүхнийг Би адилхан аргаар голдог. Жаахан зовлон байсан ч бай, Над шиг зовлон зүдгүүрээ даван гарсан хүмүүсийг Би хүсдэг. Тэгээгүй бол тийм хүмүүсийг Би өшиглөн гаргана. Миний ууган хөвгүүд болохыг хүсэж, Миний өмнө өөрсдийгөө гайхуулж, бүү ичгүүргүй аашил. Надаас холд! Өмнө нь чи Миний тааллыг олж авах гэж жижиг сажиг асуудлаа Надад хэлж байсан! Тэр чинь сохор явдал! Чамайг үзэн яддагийг минь мэддэггүй юу, олиггүй амьтан минь! Намайг шударга бус явдлыг чинь мэддэггүй гэж бодоо юу? Чи ахин дахин нуугдах юм! Чи өөрийнхөө диавол царайг үзүүлчихсэн гэдгээ мэдэхгүй байна уу? Энийг чинь хүмүүс харж чаддагүй байлаа ч, Намайг бас харж чадахгүй гэж чи бодоо юу? Надад үйлчлэл хийдэг хүмүүс сайн хүмүүс бус, хэдэн олиггүй амьтад. Би тэдэнтэй харьцах ёстой, тэднийг ёроолгүй нүхэнд хаяад, шатаах болно!

Сүсэг бишрэлгүй байдлаар ярьдаг, итгэлгүй үйлддэг, бусадтай зохих ёсоор хамтран ажилладаггүй хүн хаан байх хүсэлтэй. Чи зүүдлээгүй биз? Чи хий юм хараад байна уу? Өөрийнхөө юу болохыг харахгүй байна уу? Олиггүй амьтан! Ийм хүний хэрэг гэж байна уу? Миний нүднээс бушуу далд ор! Хүн бүр Миний хэлж байгааг тодорхой ойлгож, үгнээс минь онгод авч, Миний бүхнийг чадагч чанарыг хүлээн зөвшөөрч, Миний мэргэн ухааныг мэдэх хэрэгтэй. Ариун сүнслэг бие илэрсэн гэж их хэлсэн. Эцсийн эцэст та нар ариун сүнслэг бие илэрсэн гэх үү, үгүй гэх үү? Миний хэлдэг зүйл хоосон яриа юу? Ариун сүнслэг бие гэж юу вэ? Ямар нөхцөлд ариун сүнслэг бие байдаг вэ? Хүмүүст энэ нь төсөөлшгүй, ойлгогдошгүй байдаг. Би та нарт хэлье: Би бол өө сэвгүй, Миний дотор бүгд нээлттэй, бүх зүйл чөлөөлөгдсөн байдаг (учир нь Миний хийдэг зүйл ухаалаг, бас Би чөлөөтэй ярьдаг). Миний хийдэг зүйлийн дотор ичгүүртэй зүйл огт үгүй, бүх зүйл гэрэлд хийгддэг тул хүн бүрийг үнэхээр үнэмшүүлж чадна. Түүнчлэн, Миний эсрэг ашиглах зүйл хэн ч олж чадахгүй. Энэ бол ариун сүнслэг бие гэдгийн “ариун” гэдэг үгийн тайлбар юм. Би ичгүүртэй зүйл хийдэг хэнийг ч хүсдэггүй гэдгээ удаа дараа онцолсон. Энэ бол Миний захиргааны зарлигийн нэг зүйл бөгөөд Миний зан чанарын бас нэг хэсэг юм. Сүнслэг бие гэдэг нь Миний айлдварыг хэлдэг. Миний хэлдэг зүйл үргэлж зорилготой, үргэлж мэргэн ухаантай байдаг ч, үгийг минь хянаж болохгүй. (Би хүссэн зүйлээ хэлдэг, Миний Сүнс дуу хоолойгоо айлдаж байгаа ба Миний үнэн бие ярьж байгаа.) Миний хэлдэг зүйл чөлөөтэй гардаг ба хүмүүсийн үзэлтэй тулгарахгүй байх үед хүмүүст илчлэх цаг нь ирсэн байна. Энэ бол Миний зохистой зохицуулалт юм. Тиймээс хүн Миний ярих, үйлдэх бүр үргэлж Сатаны мөн чанарыг илчлэх сайхан боломж болдог. Хүн Намайг тосолсон тэр цаг үед ариун сүнслэг бие гарч ирдэг. Ирээдүйд, ариун сүнслэг бие гэдэг биеийг хэлэх бөгөөд хоёр талын утга бий: Нэг талын утга нь өнөө үед, нөгөө талын утга нь ирээдүйд байдаг. Гэхдээ ирээдүйн ариун сүнслэг бие одоогийнхоос их өөр, тэнгэр газар шиг ялгаатай байна. Хэн ч үүнийг төсөөлж чадахгүй бөгөөд Би үүнийг та нарт биечлэн илчлэх ёстой болно.

Өмнөх: 93-Р БҮЛЭГ

Дараах: 95-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

35-Р БҮЛЭГ

Долоон аянга сэнтийгээс гарч, орчлонг чичрүүлж, тэнгэр газрыг орвонгоор нь эргүүлж, тэнгэрээр цуурайтна! Дуу нь чихэнд хадаж, хүмүүс үүнээс...

ХУУЛИЙН ЭРИН ҮЕ ДЭХ АЖИЛ

Израильчууд дээр хийсэн Еховагийн ажил нь газар дээрх Бурханы эх нутаг буюу Түүний байдаг ариун газрыг хүн төрөлхтний дунд байгуулжээ....

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх