Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Хорин зургаа дахь айлдварын тайлбар

Бурханы ярьсан бүх үгнээс, өдөр хоног өнгөрөхийн хэрээр Бурханы өдөр ойртож байгааг харж болно. Энэ өдөр яг хүмүүсийн нүдний өмнө байгаа мэт, энэ нь маргааш хүрэлцэн ирэх юм шиг байдаг. Тиймээс Бурханы үгийг уншсаны дараа бүх хүмүүс айдаст автаж, дэлхий ертөнцийн хоосролын талаар зарим нэг мэдрэмжтэй болдог. Навчис унаж, бороо шивэрч, бүх хүн ул мөргүй алга болсон мэт, тэд бүгд газрын хөрснөөс арчигдсан мэт байдаг. Тэдэнд бүгдэд нь муу ёрлосон мэдрэмж байдаг. Хэдий тэд шаргуу оролдож, Бурханы санаа бодлыг хангалуун байлгахыг хүсэж, бүгд Бурханы санааг биелүүлэхийн тулд өөртөө байгаа бүх хүч чадлаа ашиглаж, ингэснээр Бурханы хүсэл саадгүйгээр, түвэггүй урагшилж болох боловч, тийм сэтгэл нь мууг ёрлосон мэдрэмжтэй үргэлж холилдож байдаг. Өнөөдрийн айлдваруудыг аваад үз: Хэрвээ тэдгээрийг олон нийтэд цацаж, бүхий л орчлон ертөнцөд зарлах байсан бол бүх хүн нүүрээрээ газар унан мөргөж, цурхиран уйлах байв, учир нь “Би бүхий л газрыг ажиглан харж, зөвт байдал, сүр жавхлан, уур хилэн болоод гэсгээлттэйгээр ертөнцийн Зүүн зүгт гарч ирнэ, Би Өөрийгөө тоо томшгүй олон хүн төрөлхтөнд илчлэх болно!” хэмээх үгнээс, хэн ч Бурханы гэсгээлтээс зугтаж чадахгүй бөгөөд гэсгээлтийн зовлонг туулсны дараа бүгд өөрсдийнхөө төрлийг дагах болно гэдгийг сүнслэг хэрэг явдлыг ойлгодог хүн бүхэн хардаг. Үнэхээр энэ бол Бурханы ажлын алхам бөгөөд хэн ч үүнийг өөрчилж чадахгүй. Бурхан дэлхийг бүтээх үедээ, хүн төрөлхтнийг удирдан хөтлөх үедээ Өөрийнхөө мэргэн ухаан болон гайхалтай байдлыг харуулсан ба Тэр энэ эринийг төгсгөсөн үед л хүмүүс Түүний жинхэнэ зөвт байдал, сүр жавхлан, уур хилэн болон гэсгээлтийг хардаг. Цаашлаад зөвхөн гэсгээлтээр дамжуулан тэд Түүний зөвт байдал, сүр жавхлан, уур хилэнг харж чаддаг; эцсийн өдрүүдэд Бурханы бие махбод бололт шаардлагатай агаад зайлшгүй хэрэгтэй байдаг шиг энэ бол явах ёстой зам юм. Бүх хүн төрөлхтний төгсгөлийг тунхагласны дараа, Өөрийнхөө өнөөдөр хийдэг ажлыг Бурхан хүнд үзүүлдэг. Жишээлбэл, Бурхан “Хуучны Израиль оршихоо больсон ба өнөөгийн Израиль ертөнц дээр сүндэрлэн байгуулагдаж, бүх хүн төрөлхтний зүрх сэтгэлд боссон. Өнөөдрийн Израиль Миний ардаар дамжуулан оршин тогтнолын эх үүсвэрт гарцаагүй хүрэх болно! Аа, заналт Египет! ... Чи Миний гэсгээлт дотор оршихгүй байж яаж чадах юм бэ?” гэж хэлдэг. Хоёр эсрэг тэсрэг орны Бурханы гараас олж авсан үр жимсийг Бурхан хүмүүст санаатайгаар үзүүлдэг, нэг талаараа Израилийг хэлж байгаа ба энэ нь материаллаг зүйл, нөгөө талаараа Бурханы сонгосон бүх хүнийг—өөрөөр хэлбэл Израиль өөрчлөгдөхийн хэрээр Бурханы сонгосон хүмүүс хэрхэн өөрчлөгддөгийг онцолж байгаа. Израиль анхдагч хэлбэр төрхөндөө бүрэн эргэж очих үед сонгогдсон бүх хүн дараа нь бүрэн дүүрэн болгуулах болно—өөрөөр хэлбэл, Израиль нь Бурханы хайртай хүмүүсийн хувьд утга учиртай бэлгэ тэмдэг билээ. Харин тэгэхэд Египет бол Бурханы үзэн яддаг хүмүүсийн төлөөлөгчдийн давхцал юм. Энэ нь хэдий чинээ их илжирхий болно, Бурханы үзэн яддаг хүмүүс төдий чинээ их завхарсан байдалтай болдог—мөн Вавилон дараа нь нуран унадаг. Энэ нь тодорхой ялгааг бүрдүүлдэг. Израиль болон Египетийн төгсгөлийг тунхагласнаараа Бурхан бүх хүмүүсийн хүрэх газрыг илчилдэг; тиймээс Израилийг дурдах үедээ Бурхан бас Египетийн талаар ярьж байдаг. Үүнээс, Египетийн сүйрлийн өдөр нь дэлхий устгагдах өдөр, Бурхан бүх хүнийг гэсгээх өдөр байх юм гэдгийг харж болно. Энэ нь удахгүй тохиолдох болно; үүнийг Бурхан биелүүлэх гэж байгаа бөгөөд энэ нь хүний энгийн нүдэнд харагдашгүй зүйл боловч мөн энэ нь зайлшгүй хэрэгтэй агаад хэний ч өөрчилж чадашгүй зүйл юм. Бурхан, “Миний эсрэг зогсдог бүхэн гарцаагүй Надаар мөнхөд гэсгээгдэх болно. Би хартай Бурхан учраас хүний хийсэн бүхнийг өчүүхэн ч хэлтрүүлэхгүй” гэж хэлдэг. Яагаад Бурхан ийм туйлын нөхцөлтэйгээр ярьдаг вэ? Мөн Тэр яагаад агуу улаан луугийн үндэстэнд бие махбод болсон бэ? Бурханы үгнээс Өөрийнх нь зорилгыг харж болно: Тэр хүмүүсийг аврахын тулд, эсвэл тэдэнд өршөөнгүй хандахын тулд эсвэл тэднийг халамжилж, хамгаалахын тулд ирээгүй—харин Өөрийг нь эсэргүүцдэг бүх хүнийг гэсгээхийн тулд ирсэн. Учир нь Бурхан “Хэн ч Миний гэсгээлтээс зугтаж чадахгүй” гэж хэлдэг. Бурхан махбодод амьдардаг, түүнчлэн Тэр бол энгийн хүн—гэсэн ч Тэр, Түүнийг бодитоор мэдэж чадахгүй байгаа сул талынх нь төлөө хүмүүсийг уучилдаггүй; оронд нь Тэр энгийн учраас, хүмүүсийг бүх нүглийнх нь төлөө ялладаг, Тэрээр Өөрийнх нь махбодыг хардаг хүмүүсийг гэсгээгдэх хүмүүс болгодог бөгөөд тэд тиймээс агуу улаан луугийн орны хүмүүст харьяалагддаггүй хүмүүсийн төлөөх золиос болдог. Гэхдээ энэ нь Бурхан бие махбодтой болохын үндсэн зорилгуудын нэг биш юм. Бурхан, махан биеэр агуу улаан луутай тулалдаж, тулаанаар дамжуулан түүнд ичгүүр авчрахын тулд л үндсэндээ махбодтой болсон. Агуу улаан луутай Сүнсээр биш харин махан биеэр тулалдсанаар Бурханы агуу хүч чадал илүү их батлагддаг ба Өөрийн үйл хэрэг болон бүхнийг чадагч байдлыг харуулахын тулд Бурхан махан биеэр тулалддаг. Бие махбодтой болсон Бурханаас болж, тоогүй олон хүн “гэмгүйгээр” яллагдсан, тоо томшгүй олон хүн там руу шидэгдэж, гэсгээлтэнд хаягдаж, махан биед зовж байгаа. Энэ бол Бурханы зөвт зан чанарын баталгаа бөгөөд Бурханыг эсэргүүцдэг хүмүүс өнөөдөр хэрхэн өөрчлөгдөхөөс үл хамааран, Бурханы шударга зан чанар хэзээ ч өөрчлөгдөхгүй. Нэгэнт яллагдмагцаа хүмүүс үүрд яллагддаг бөгөөд хэзээ ч дахин өндийж чадахгүй. Хүний зан чанар нь Бурханых шиг байх чадваргүй. Бурханыг эсэргүүцдэг хүмүүст хандахдаа хүмүүс ээлжлэн халуун, хүйтэн байдаг, тэд баруун, зүүн тийш ганхаж, дээш, доош болж, байнга нэгэн хэвийн байх чадваргүй байдаг бөгөөд заримдаа тэднийг голдоо ортол үзэн ядаж, заримдаа тэднийг ойр дотно байлгадаг; хүмүүс Бурханы ажлыг мэддэггүйгээс болж өнөөдрийн нөхцөл байдал бий болсон. Яагаад Бурхан “Тэнгэрэлч бол эцсийн эцэст тэнгэрэлч; Бурхан бол эцсийн эцэст Бурхан; чөтгөр бол эцсийн эцэст чөтгөр; шударга бус нь мөн л шударга бус; ариун нь мөн л ариун” гэх мэт үгсийг хэлдэг вэ? Та нар үүнийг ойлгохгүй байна уу? Бурхан сайн санахгүй байсан байж таарах уу? Тиймээс Бурхан, “өөрсдийнхөө төрлийн дагуу хүмүүс, гэр бүлийнхнийхээ тэвэрт буцан очих замаа санаандгүй олно” гэж хэлдэг. Үүнээс, өнөөдөр Бурхан аль хэдийн бүх зүйлийг гэр бүлүүд рүү нь ангилсан бөгөөд ингэснээр энэ нь “хязгааргүй ертөнц” байхаа больж, хүмүүс нэгэн том тогооноос идэхээ больж, харин өөрсдийн гэртээ өөрсдийн үүргийг биелүүлж, өөрсдийнхөө дүрд тоглодог гэдгийг харж болно. Энэ нь дэлхий ертөнцийг бүтээх үеийн Бурханы анхдагч төлөвлөгөө байв; төрлийнхөө дагуу ангилагдсаныхаа дараа хүмүүс “дор бүрнээ өөрсдийнхөө хоолыг иддэг”—Бурхан шүүлтийг эхлэх болно. Үүний үр дүнд Бурханы амнаас дараах үгс гарсан юм: “Би бүх зүйлийг гүнээ өөрчлөн бүтээлийн хуучин байдлыг сэргээж, анхнаасаа байсан байдлаар нь бүх зүйлийг сэргээх болно, ингэснээр бүх зүйл Миний төлөвлөгөө рүү эргэн ирэх болно.” Энэ бол яг нарийндаа Бурханы бүх ажлын зорилго бөгөөд үүнийг ойлгоход хэцүү биш. Бурхан Өөрийн ажлыг дуусгах болно—хүн Түүний ажилд саад тотгор учруулж чадах уу? Бурхан, хүн Тэр хоёрын хооронд байгуулагдсан гэрээг зөрчиж чадах уу? Бурханы Сүнсний хийсэн зүйлийг хэн өөрчилж чадах юм бэ? Энэ нь хүмүүсийн дундах хэн нэгэн байж болох уу?

Өмнө нь хүмүүс, Бурханы үгэнд хууль байгааг ухаарсан: Бурханыг ярьмагц баримтууд нэн даруй биелэгдэж байлаа. Үүнд ямар ч худал зүйл байхгүй. Бурхан бүх хүнийг гэсгээх болно гэж хэлсэн тул, түүнчлэн Тэр захиргааны зарлиг гаргасан тул Бурханы ажил тодорхой хэмжээнд гүйцэтгэгдсэн гэдгийг харж болно. Өмнө нь бүх хүнд зориулж гаргасан үндсэн хууль нь тэдний амьдрал болоод Бурханд хандах хандлагад чиглэсэн байв. Энэ нь уг язгуурт хүрч очоогүй; энэ нь Бурханы урьдчилан тогтоосон зүйлд үндэслэсэн гэж хэлээгүй, харин тухайн үеийн хүний ааш авирт үндэслэж байлаа. Өнөөдрийн захиргааны зарлиг нь ер бусын, тэдгээр нь хэрхэн “Бүх хүн төрөлхтөн өөрсдийн адил төрлийн хүмүүсээ дагах ба өөрсдийн хийсэн зүйлээс хамааран янз бүрийн гэсгээлтийг хүлээн авах” тухай хэлдэг. Сайтар уншихгүйгээр, эндээс ямар ч асуудал олдохгүй. Зөвхөн сүүлчийн эрин үед л Бурхан бүх зүйлийг өөрсдийнхөө төрлийг дагахад хүргэдэг учраас үүнийг уншсаныхаа дараа хүмүүс самуурч, будилсан хэвээр үлддэг, тэд бүлээндүү хэвээр байж, цаг хугацааны яаралтай байдлыг хардаггүй бөгөөд иймээс тэд үүнийг анхааруулга гэж авч үздэггүй. Яагаад энэ мөчид, бүхий л орчлон ертөнцөд зарласан Бурханы захиргааны зарлиг хүнд харагддаг юм бэ? Энэ хүмүүс орчлон ертөнц даяарх бүх хүнийг төлөөлдөг үү? Дараа нь Бурхан энэ хүмүүст хандан улам илүү энэрлийг нэмэх юм гэж үү? Энэ хүмүүст хоёр толгой ургаа юу? Бурхан бүхий л орчлон ертөнцийн хүмүүсийг гэсгээх үед, бүх төрлийн гамшиг тохиолдох үед, эдгээр гамшгийн улмаас нар, сар хоёрт өөрчлөлт гарах бөгөөд эдгээр гамшиг төгсөх үед нар, сар хоёр өөрчлөгдсөн байх болно—үүнийг шилжилт өөрчлөлт гэж нэрлэдэг. Хожмын гай гамшиг аймшигтай бэрх байх болно гэдгийг хэлэх нь зүйтэй. Өдрийн оронд шөнө болж, нар жилийн турш харагдахаа больж, хэдэн сарын туршид төөнөсөн халуун болж, бөхөж буй сар үргэлж хүн төрөлхтөнд тулгарч, нар сар хоёр хамтдаа гарах хачин гаж байдал ч харагдаж болох юм. Хэд хэдэн мөчлөгийн өөрчлөлтийн дараа, эцэстээ өдөр хоног өнгөрөхийн хэрээр тэдгээр нь шинэчлэгдэх болно. Бурхан диаволын хүмүүсийн зохицуулалтанд онцгой анхаарал хандуулдаг. Тиймээс, Тэр зориудаар “Орчлон ертөнц дэх хүмүүсээс диаволд харьяалагддаг бүх хүмүүс хөнөөгдөх болно” гэж хэлдэг. Энэ “хүмүүс” өөрсдийн үнэн царайг хараахан харуулаагүй байх үед Бурхан үргэлж тэдний үйлчлэлийг ашигладаг; үүний үр дүнд Тэр тэдний хийж байгааг огт анхаардаггүй, тэд хэчнээн сайн хийсэн ч хамаагүй Тэр тэдэнд “шагнал” өгдөггүй, мөн тэд хэчнээн муу хийсэн ч Тэр тэдний “цалинг” хасдаггүй. Тийнхүү Тэр тэднийг үл тоомсорлож, тэдэнд хүйтэн хөндий ханддаг. Тэдний “сайн зангаас” болж Тэр гэнэтхэн өөрчлөгддөггүй, учир нь Бурхан, хүн хоёрын хоорондох гэрээний адилаар, “тэнгис хуурайшиж, хад үйрч байсан ч гэсэн ямар ч өөрчлөлт байхгүй байх болно” хэмээн хүний хэлдэг шигээр цаг хугацаа, орон зайнаас үл хамааран хүний мөн чанар өөрчлөгддөггүй. Тиймээс Бурхан зүгээр л хүмүүсийг ангилдаг бөгөөд тэднийг амархан анхаардаггүй. Бүтээлийн цаг үеэс эхлээд өнөөг хүртэл диавол хэзээ ч биеэ сайн авч явж байгаагүй. Тэр үргэлж саад болж, үймүүлж, санал зөрж байсан. Бурханыг үйлдэж эсвэл ярих үед тэр үргэлж оролцохыг хичээдэг—гэхдээ Бурхан огт анзаардаггүй. Диаволыг дурдмагц, Бурханы уур хилэн намжаахын аргагүйгээр оргилдог; тэр Сүнстэй нэгэн биш учраас ямар ч холбоо байхгүй, зөвхөн зай болон салалт л байдаг. Долоон лацны тухай илчлэлийг дагаад газрын байдал улам жигшүүртэй байдалтай болж, бүх зүйл өчүүхэн төдий ч хоцролгүйгээр “долоон лацтай хамт мөр зэрэгцэн урагшилдаг”. Бурханы үгэнд бүхэлдээ, Бурхан хүмүүсийг мулгуу гэж үздэг боловч тэд огтхон ч сэрээгүй. Илүү өндөр түвшинд хүрч, бүх хүний хүч чадлыг авчрахын тулд, түүнчлэн Бурханы ажлыг оргилд нь дуусгахын тулд Бурхан хүмүүсийн гэдсийг хийгээр дүүргэж байгаа юм шиг тэднээс цуврал асуултууд асууж, тэгснээр Тэр бүх хүнийг дүүргэдэг. Энэ хүмүүст ямар ч бодит биеийн хэмжээ байхгүй учраас бодит нөхцөл байдалд тулгуурлаад хийгээр дүүргүүлсэн хүмүүс бол стандартад нийцэх бараа, тэгээгүй нь хэрэггүй хог хаягдал юм. Энэ бол хүнд тавих Бурханы шаардлага бөгөөд Түүний ярьдаг арга барилын зорилго билээ. Ялангуяа Бурханыг “Газар дээр байхдаа Би тэнгэрт байдагтайгаа адил биш байж болох уу? Би тэнгэрт байхдаа газар дээр буун ирж чаддаггүй байж болох уу? Би газар дээр байх үедээ тэнгэрт аваачигдах үнэ цэнэгүй байж болох уу?” хэмээн хэлэх үед эдгээр асуулт нь хүмүүст Бурханыг улам илүү их мэдүүлдэг. Бурханы үгнээс тэд Бурханы яаралтай хүслийг хардаг; хүмүүс үүнд хүрэх чадваргүй бөгөөд Бурхан удаа дараа болзол нэмж, тэгснээрээ газар дээрх тэнгэрлэг Бурханыг мэдэж, мөн тэнгэрт байдаг боловч газар дээр амьдардаг Бурханыг мэдэхийг бүх хүнд сануулдаг.

Бурханы үгнээс хүний төлөв байдлыг харж болно: “Бүх хүмүүс Миний үгэнд хичээл чармайлт гаргаж, Миний гадаад байдалд өөрсдийн хувийн мөрдлөгийг явуулсан ч тэд үзүүлэх ямар ч үр дүнгүй бүтэлгүйтэлтэй тулгарч, харин үүний оронд Миний үгэнд цохигдож дахин босож зүрхлээгүй.” Бурханы уй гашууг хэн ойлгож чадах юм бэ? Бурханы зүрх сэтгэлийг хэн тайвшруулж чадах юм бэ? Бурханы шаардсан зүйлд хэн Бурханы зүрх сэтгэлийн дагуу байдаг вэ? Хүмүүс ямар ч үр дүнгүй байх үедээ өөрсдийгөө үгүйсгэдэг ба үнэхээр Бурханы зохион байгуулалтын дагуу байдаг. Аажмаар үнэн зүрх сэтгэлээ харуулангаа тэд дор бүрнээ өөрсдийн төрлийг дагадаг бөгөөд тиймээс тэнгэрэлчийн мөн чанар бол Бурханд дуулгавартай байдал гэдгийг харж болно. Иймээс Бурхан “Хүн төрөлхтний анхдагч дүр төрх ил болдог” гэж хэлдэг. Бурханы ажил энэ алхамд хүрэх үед Бурханы бүх ажил дууссан байх болно. Бурхан Өөрийн хөвгүүд болон ардууддаа үлгэр жишээ болж байсан талаараа юу ч хэлдэггүй, харин оронд нь бүх хүмүүсийг анхдагч дүр төрхөө харуулахад анхаарлаа хандуулдаг. Та нар эдгээр үгний жинхэнэ утга учрыг ойлгов уу?

Өмнөх:Хорин дөрөв болон Хорин тав дахь айлдварын тайлбар

Дараах:Хорин долоо дахь айлдварын тайлбар

Танд таалагдаж магадгүй