19-Р БҮЛЭГ

Хүмүүсийн төсөөлөлд Бурхан маш сүрлэг агаад ойлгошгүй юм шиг санагддаг. Бурхан хүмүүсийн дунд оршин суудаггүй мэт, Тэр маш сүрлэг болохоороо хүмүүсийг дорд үздэг мэт байдаг. Гэсэн хэдий ч Бурхан хүний үзлийг эвдэж, тэдний бүх үзлийг үнс нурам болгон хувиргах “булшин” дотор булж, тэдгээрийг бүгдийг нь арилгадаг. Хүний үзэлд хандах Бурханы хандлага нь үхэгсдэд хандах Түүний хандлагатай адилхан, тэднийг дур зоргоороо тодорхойлж байдаг. Үзлээс ямар ч хариу үйлдэл байхгүй байгаа юм шиг байдаг. Иймээс дэлхий ертөнц бүтээгдсэнээс эхлээд өнөөдрийг хүртэл Бурхан энэ ажлыг хийсээр байгаа бөгөөд хэзээ ч зогсоогүй. Махан биеэс болж хүмүүс Сатанаар завхруулагдсан бөгөөд газар дээрх Сатаны үйлдлүүдээс болж хүмүүс дадлага туршлагаараа дамжуулан бүх төрлийн үзлийг бий болгодог. Үүнийг “ердийн үүсэл” гэж нэрлэдэг. Ажлын энэ үе шат нь газар дээрх Бурханы ажлын сүүлчийн хэсэг юм, иймээс Бурханы ажлын арга барил оргилдоо хүрсэн ба Тэр хүмүүсийг сургах сургалтаа эрчимжүүлж байгаа, ингэснээр тэд Түүний сүүлчийн ажилд бүрэн төгс болгуулж, Бурханы хүсэл эцэстээ хангалуун болох болно. Өмнө нь хүмүүсийн дунд зөвхөн Ариун Сүнсний гэгээрэл, гэрэлтүүлэлт байсан боловч Бурханы Өөрийнх нь ярьсан ямар ч үг байхгүй байв. Бурхан Өөрийн дуу хоолойгоор ярих үед хүн бүхэн цочсон бөгөөд өнөөдөр Түүний үг бүр ч илүү самгардмаар байгаа. Түүний үгийн утга учрыг танин мэдэхэд бүр ч илүү бэрх бөгөөд Түүний үгийн тавин хувь нь хашилт дунд байдаг учраас хүмүүс нүд эрээлжлэм байдалд байгаа мэт байдаг. “Намайг үг хэлэх үед хүн Миний дуу хоолойг анхаарлаа төвлөрүүлэн сонсдог; харин Намайг үг хэлэхээ болиход өөрийн ‘ажил хэргийг’ дахин эхлүүлдэг.” Энэ хэсэгт хашилтан дотор үг бий. Бурханы үг хэдий чинээ инээдтэй байна, тэд хүмүүсийн унших дурыг төдий чинээ хөдөлгөдөг. Нэг тал нь гэвэл, хүмүүс тайван байх үедээ харьцалтыг хүлээн зөвшөөрөх чадвартай байдаг. Үндсэн тал нь гэвэл, Бурханы үгийг ойлгоогүйгээсээ болж илүү олон хүмүүс урам хугарч, сэтгэлээр унахаас сэргийлэх явдал юм. Энэ бол Сатантай хийх Бурханы дайны тактик билээ. Зөвхөн ийм байдлаар л хүмүүс Бурханы үгийг сонирхож, будилсан үедээ ч гэсэн тэдгээрт анхаарал хандуулах болно. Гэхдээ хашилтаар хүрээлэгдээгүй бүх үгэнд ч гэсэн асар их увдис байдаг, иймээс тэдгээр нь илүү анзаарагдахуйц бөгөөд тэдэнд Түүний үгийн сайхан амтыг зүрх сэтгэлдээ мэдрэх боломжийг олгон, Бурханы үгийг бүр илүү хайрлахад хүмүүсийг хүргэдэг. Бурханы үг асар олон янзын хэлбэртэйгээр ирдэг агаад баялаг, олон янз байдаг тул, мөн Бурханы олон үгэн дунд нэр үг давтагддаггүй учраас Бурхан үргэлж шинэ, хэзээ ч хуучин биш гэдэгт хүмүүс бүгдээрээ гурав дахь мэдрэхүйдээ итгэж байдаг. Жишээлбэл: “Би хүнийг ‘хэрэглэгч’ төдий бай гэж хүсдэггүй, харин Сатанд ялагдал учруулах ‘үйлдвэрлэгч’ бай гэж хүсдэг.” Энэ өгүүлбэрт байгаа “хэрэглэгч” болон “үйлдвэрлэгч” хэмээх үг нь өмнөх үед хэлэгдсэн зарим үгтэй адилхан утгатай боловч Бурхан хатуу хөшүүн биш. Харин ч Тэр, Түүний шинэлэг байдлыг мэдэж, тэгснээр Бурханы хайрыг нандигнахад хүнийг хүргэдэг. Бурханы үгэн дэх хошигнол нь Түүний шүүлт болон хүнд тавих Түүний шаардлагыг агуулдаг. Бурхан үгэнд бүгдэд нь зорилго байдаг, бүгдэд нь утга учир байдаг тул Түүний хошигнол зүгээр л уур амьсгалыг зөөлрүүлж, эсвэл хүнийг нирхийтэл инээлгэж, эсвэл зүгээр л тэдний булчин шөрмөсийг суллах зорилготой биш. Харин ч, Бурханы хошигнол нь хүнийг таван мянган жилийн хүлээснээс чөлөөлж, дахин хэзээ ч хүлэгдэхгүй байлгахаар зорьдог, ингэснээр тэд Бурханы үгийг илүү сайн хүлээн зөвшөөрч чадах юм. Бурханы арга барил бол “эмийг шингээхэд тусалдаг халбага элсэн чихэр” юм; Тэр хүнд гашуун эм залгиулахаар хүчилдэггүй. Чихэр дотор гашуун амт байдаг бөгөөд мөн гашууны дотор чихэрлэг амт байдаг.

“Зүүн зүгт бүдэгхэн сүүмэлзэх гэрэл харагдаж эхлэх үед түүнээс болж орчлон ертөнц дээрх бүх хүн Зүүн зүг дэх гэрэлд бага зэрэг анхаарал хандуулдаг. Хүн нойронд умбахаа болиод зүүний гэрлийн эх сурвалжийг ажиглахаар явах боловч хүний хүч чадлын хязгаарын улмаас гэрэл гарч байгаа газрыг хэн ч харж чаддаггүй.” Энэ бол зөвхөн Бурханы хөвгүүд, ардуудын дунд ч биш, харин орчлон ертөнцөд хаа сайгүй тохиолдож байгаа зүйл юм. Шашны хүрээ болон үл итгэгчид бүгд энэхүү хариу үйлдлийг мэдэрдэг. Бурханы гэрэл гэрэлтэх мөчид хүн бүхний зүрх сэтгэл аажмаар өөрчлөгддөг ба амьдрах нь утга учиргүй, хүний амьдрал үнэ цэнэгүй гэдгийг тэд өөрийн эрхгүй мэдэж эхэлдэг. Хүмүүс ирээдүйг эрж хайж, маргаашийг бодож, эсвэл маргаашийн талаар санаа зовдоггүй, харин оронд нь “залуу” байгаа дээрээ илүү их идэж, уух ёстой, эцсийн өдөр ирэхэд энэ бүхэн үнэ цэнтэй байна гэсэн үзэл санааг баримталдаг. Хүнд дэлхий ертөнцийг эмх цэгцэнд оруулах хүсэл байдаггүй. Дэлхий ертөнцийг гэсэн хүний хайрын эрч хүчийг бүгдийг нь “диавол” хулгайлсан боловч Бурханы өдөр хараахан ирээгүй байгаа учраас эх үндэс нь юу болохыг хэн ч мэдэхгүй бөгөөд тэдний хийж чадах бүхэн нь нэг нэгэндээ мэдээлэн нааш цааш гүйх юм. Нэг л өдөр бүх ойлгошгүй нууцын хариултыг хүн бүр харах болно. Энэ нь “хүн зүүд нойрноос сэрж, Миний өдөр дэлхий дээр аажмаар ирж буйг дөнгөж л ухаарна” хэмээх Бурханы үгийн жинхэнэ утга учир юм. Тэр цаг ирэх үед Бурханд харьяалагддаг бүх хүн “Намайг газар дээр байх хугацаанд өөрсдийн хувийг Надад зориулахаар хүлээж” буй ногоон навчис шиг байх болно. Хятад дахь Бурханы хүмүүсийн дундаас маш олон нь, Бурхан Өөрийн дуу хоолойг айлдсаны дараа мөн л хуучин гэм нь хөдөлдөг, иймээс Бурхан “гүйцэлдсэн баримт нэгэнтээ өөрчлөгдөшгүй болж, зөвхөн ял тулгахыг Минь хүлээхээс өөр аргагүй байдаг билээ” гэдэг. Тэдний дунд таягдан хаягдах зарим хүн мөн л байх болно—бүгд өөрчлөгдөлгүй үлдэхгүй. Харин ч хүмүүс зөвхөн туршилт туулсныхаа дараа л стандартад нийцэх ба тэгснээр “чанарын гэрчилгээ” нь хэвлэгдэх болно; эс бөгөөс тэд хогийн овоон дээрх хог новш болох болно. Бурхан хүний жинхэнэ байдлыг үргэлж заан харуулдаг, иймээс хүн Бурханы нууцлаг байдлыг улам илүү их мэдэрдэг. “Хэрвээ Тэр Бурхан биш байсан бол бидний жинхэнэ байдлыг яаж ийм сайн мэдэж чадах юм бэ?” Гэхдээ хүний сул талаас болж “хүмүүсийн зүрх сэтгэлд Би агуу дээд ч биш, эгэл дорд ч биш байдаг. Хүмүүсийн хувьд Миний оршдог эсэх нь ямар ч ялгаагүй.” Энэ нь яг, бодит байдалд хамгийн их тохирох бүх хүний байдал биш гэж үү? Хүмүүсийн тухайд гэх юм бол тэд Бурханыг эрж хайх үед Тэр оршдог ба Түүнийг эрж хайгаагүй үед Тэр оршдоггүй. Өөрөөр хэлбэл, хүмүүст Түүний тусламж хэрэгтэй үед Бурхан хүмүүсийн зүрх сэтгэлд нэн даруй оршдог боловч Тэр тэдэнд хэрэггүй болох үед оршин байхаа больдог. Энэ бол хүмүүсийн зүрх сэтгэлд байдаг зүйл юм. Бодит байдал дээр, Бурханы талаарх сэтгэгдэл нь бүрхэг агаад хийсвэр байдаг бүх бурхангүй үзэлтнүүдийг оролцуулаад газар дээрх хүн бүхэн ингэж боддог.

“Тиймээс, уулс хуурай газар дээрх улс үндэстнүүдийн хооронд хил хязгаар болж, ус хуурай газруудын хооронд хүмүүсийг тусгаарлах хаалт болж, агаар нь газар дэлхий дээрх орон зайд хүнээс хүн рүү урсдаг зүйл болдог.” Энэ нь дэлхий ертөнцийг бүтээх үед Бурханы хийсэн ажил байв. Үүнийг энд дурдах нь хүмүүсийн хувьд гайхмаар байдаг: Бурхан өөр ертөнцийг бүтээхийг хүссэн юм гэж үү? Ингэж хэлэх нь зүйтэй юм: Бурханыг ярих болгонд, Түүний үг нь бүтээл, удирдлага, дэлхий ертөнцийн сүйрлийг агуулдаг; зүгээр л заримдаа энэ нь тодорхой, заримдаа хоёрдмол утгатай байдаг. Бурханы бүх удирдлага Түүний үгэнд биеллээ олдог; цорын ганц асуудал бол хүн тэдгээрийг ялган салгаж чаддаггүй. Хүнд өгдөг Бурханы ерөөл нь тэдний итгэлийг зуу дахин өсгөдөг. Гадна талаасаа Бурхан хүмүүст амлалт өгч байгаа мэт санагддаг боловч мөн чанартаа энэ нь, Өөрийн хаанчлалын хүмүүст тавих Бурханы шаардлагын хэмжүүр юм. Тэр стандартад нийцдэг хүмүүсийг байлгах ба нийцдэггүй хүмүүс тэнгэрээс буулгасан гай гамшигт залгиулах болно. “Тэнгэрт аянга нүргэлэх үед хүнийг ниргэн унагаадаг; өндөр уулс нуран унахдаа хүнийг булшилдаг, зэрлэг араатнууд өлссөндөө хүнийг ховдоглон иддэг; далай тэнгис давлагаалах үедээ хүнийг толгой дээгүүр нь нөмрөн авдаг. Хүмүүс хоорондоо хөнөөн тэмцэлдэх үед хүний дундаас урган гардаг гамшгаас болж бүх хүн өөрсдийн сүйрлийг хүлээх болно.” Энэ бол стандартад нийцэхгүй, дараа нь Бурханы хаанчлалд аврагдахгүй хүмүүст оноогдох “тусгай үйлчилгээ” юм. Бурхан, “Та нар Миний гэрлийн удирдамж дор харанхуйн хүчний дарлалаас гарцаагүй ангижирч, харанхуйн дунд өөрсдийг чинь замчлах гэрлийг алдахгүй нь лавтай” гэх мэтийн зүйлсийг хэдий чинээ их хэлнэ, хүмүүс өөрсдийнхөө хүндтэй байдлыг төдий чинээ их мэддэг бөгөөд иймээс шинэ амийг эрж хайх итгэл тэдэнд төдий чинээ их байдаг. Хүмүүс Түүнээс гуйхын хэрээр Бурхан тэднийг хангадаг. Бурхан тэднийг тодорхой түвшинд илчилмэгцээ Өөрийнхөө ярианы байдлыг өөрчилж, хамгийн сайн үр дүнд хүрэхийн тулд ерөөлийнхөө хэв маягийг ашигладаг. Ийм байдлаар хүнд шаардлага тавих нь илүү их практик үр ашиг өгдөг. Хүмүүс бүгд, хамтрагчидтайгаа ажил хэрэг ярих дуртай байдаг—тэд бүгд ажил хэрэгтээ мэргэжилтнүүд—энэ нь, үүнийг хэлснээрээ Бурханы тодруулсан яг тэр зүйл юм. Тэгвэл “Синим” гэж юу вэ? Энд буй Бурханы утга учир нь Сатанаар завхруулагдсан газар дээрх хаанчлал биш, харин энэ нь Бурханаас ирсэн бүх тэнгэрэлчүүдийн цуглаан юм. “Шийдэмгий, тууштай” хэмээх үг нь, тэнгэрэлчүүд Сатаны бүх хүчийг бут цохиж, бүхий л орчлон ертөнцөд Синим байгуулагдана гэсэн утгатай. Иймээс Синимийн бодит утга учир нь газар дээрх бүх тэнгэрэлчүүдийн цуглаан юм; энд энэ нь газар дээр байгаа хүмүүсийг хэлж байна. Иймээс хожим газар дээр орших хаанчлал нь “хаанчлал” гэж биш харин “Синим” гэж нэрлэгдэнэ. Газар дээрх “хаанчлалд” ямар ч бодит утга учир байхгүй бөгөөд энэ нь Синимийн мөн чанар юм. Иймээс үүнийг зөвхөн Синимийн утга учиртай холбосноор л хүн, “бүхий л орчлон ертөнц даяар Миний алдрыг цацруулах нь дамжиггүй.” хэмээх үгийн жинхэнэ утгыг мэдэж болно. Энэ нь хожмын газар дээрх бүх хүний ангиллыг харуулдаг. Синимийн хүмүүс бүгдээрээ гэсгээлт туулсныхаа дараах газар дээрх бүх хүнийг захирах хаадууд байх болно. Синимийн хүмүүсийн удирдлагаас болж газар дээрх бүх зүйл хэвийн ажиллах болно. Энэ нь нөхцөл байдлын ноорог зураглалаас өөрцгүй. Бүх хүн Бурханы хаанчлал дотор үлдэх болно, тэд Синимийн дотор үлдэнэ гэсэн үг юм. Газар дээрх хүмүүс тэнгэрэлчүүдтэй харилцан ярилцах чадвартай байна. Иймээс тэнгэр, газар холбогдох болно, өөрөөр хэлбэл газар дээрх бүх хүн, тэнгэр дэх тэнгэрэлчүүдийн адилаар Бурханд захирагдаж, Түүнийг хайрлах болно. Тэр үед Бурхан газар дээрх бүх хүнд ил тод харагдаж, энгийн нүдээр Түүний үнэн царайг харах боломжийг тэдэнд олгох бөгөөд Тэр хэдийд ч хүнд харагдах болно.

Өмнөх: 18-Р БҮЛЭГ

Дараах: 20-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ТУН НОЦТОЙ АСУУДАЛ: УРВАЛТ (2)

Хүний уг чанар Миний мөн чанараас нэлээд өөр, учир нь хүний завхарсан уг чанар бүхэлдээ Сатанаас үүсэлтэй; хүний уг чанарыг Сатан...

ЖИНХЭНЭ ХҮН БАЙХЫН УТГА УЧИР

Хүнийг удирдах нь үргэлж Миний үүрэг байж ирсэн. Түүнчлэн хүнийг байлдан дагуулах нь дэлхийг бүтээж байхдаа Миний тогтоосон зүйл юм. Эцсийн...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх