Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Чи Бурхантай ямар харилцаатай байгаа вэ

Бурханд итгэснээр чи хамгийн багадаа Бурхантай энгийн харилцаатай байх асуудлыг шийдвэрлэх ёстой. Бурхантай хэвийн харилцаагүй бол Бурханд итгэхийн ач холбогдол алдагддаг. Бурханы өмнө зүрх сэтгэлээ тайван байлгаснаар Бурхантай бүрэн дүүрэн хэвийн харилцаа тогтоож чадна. Бурхантай энгийн харилцаатай байна гэдэг нь Бурханы ямар ч ажилд эргэлзэхгүй эсвэл үгүйсгэхгүй байж, үүнд захирагдах явдал бөгөөд түүнчлэн Бурханы өмнө зөв хүсэл зорилготой байж, өөрийнхөө талаар бодолгүй, чиний юу хийж байгаа хамаагүй Бурханы гэр бүл хамгийн чухал гэдэгт үргэлж сонирхолтой байж, Бурханы ажиглалтыг хүлээн зөвшөөрч, Бурханы зохицуулалтанд захирагдах юм. Чи юу ч хийсэн бай Бурханы өмнө зүрх сэтгэлээ чимээгүй байлгах чадамжтай байж; чи Бурханы хүслийг ойлгохгүй байлаа ч гэсэн өөрийн үүрэг, хариуцлагыг чадлынхаа хирээр биелүүлсээр байх ёстой. Бурханы хүсэл чамд илчлэгдэхийг хүлээж, тэгээд түүнийг хэрэгжүүлэхэд хожимдоно гэж байхгүй. Чиний Бурхантай харилцах харилцаа хэвийн болсноор чи хүмүүстэй мөн хэвийн харилцаатай болох болно. Бүх зүйл Бурханы үгийн үндсэн дээр бий болдог. Бурханы үгсийг идэж уугаад Бурханы шаардлагын дагуу хэрэгжүүлж, харах өнцгөө зөв гаргаж, Бурханыг эсэргүүцэх эсвэл сүмийг үймүүлэх зүйлсийг бүү хий. Ах, эгч нарын аминд ашиг тус өгөхгүй зүйлсийг бүү хий, бусад хүмүүст тус дэм болохгүй зүйлсийг бүү хэл, ичгэвтэр зүйлс бүү хий. Бүх зүйлийг хийхдээ шударга бөгөөд хүндэтгэлтэй байж, Бурханы өмнө тэднийг үзүүлэхүйц байлга. Бие махбод заримдаа сул дорой байдаг хэдий ч чи өөрийн ашиг тусад шуналгүй Бурханы гэр бүлд ашиг тустай байлгахад хамгийн их ач холбогдол өгч, зөвт байдлыг биелүүлж чадна. Хэрэв чи ийм маягаар хэрэгжүүлж чадвал чиний Бурхантай харилцах харилцаа хэвийн болох болно.

Чи аливаа зүйлийг хийхдээ сэдэл чинь зөв эсэхийг шалгах хэрэгтэй. Хэрэв чи Бурханы шаардлагын дагуу үйлдэж чадах аваас чиний Бурхантай харилцах харилцаа хэвийн байгаа хэрэг юм. Энэ бол хамгийн наад захын шалгуур үзүүлэлт. Хэрэв чи өөрийн сэдлийг шалгахад тэндээс буруу зүйлс илэрч, хэрэв чи тэднийг үл тоомсорлож, Бурханы үсгийн дагуу үйлдэж чадах юм бол чи Бурханы өмнө зөв нэгэн болох болно. Энэ нь чиний Бурхантай харилцах харилцаа хэвийн байгааг, мөн чиний хийж байгаа бүхэн өөрийнхөө төлөө бус, Бурханы төлөө гэдгийг харуулах болно. Чи ямарваа нэгэн зүйлийг хийх эсвэл хэлэх бүртээ зүрх сэтгэлээ зөв байлгаж, зөв шударга байж, өөрийн сэтгэл хөдлөлд хөтлөгдөлгүй эсвэл өөрийн хүслийн дагуу үйлдэхгүй байх ёстой. Эдгээр нь Бурханд итгэгчдийн өөрсдийгөө авч явах зарчим юм. Хүний сэдэл болон биеийн хэмжээ нь жижиг зүйлд илчлэгдэж болох ба тиймээс Бурханаар төгс болгуулах замд орох хүмүүсийн хувьд тэд эхлээд өөрсдийн сэдэл болон Бурхантай харилцах харилцаагаа шийдвэрлэх хэрэгтэй. Бурхантай харилцах харилцаа чинь хэвийн болсон цагт л чи Бурханаар төгс болгуулах боломжтой болох ба зөвхөн ингэж байж чиний доторх Бурханы харьцалт, засалт, сахилгажуулалт, цэвэршүүлэлт хүссэн үр дүндээ хүрэх боломжтой болох болно. Өөрөөр хэлбэл хүмүүс хувийн ашиг сонирхлыг хайлгүй, өөрийн ирээдүйн талаар бодолгүй (энд махан биеийг бодохыг хэлж байна), харин илүүтэйгээр амь руу орох ачааг үүрч, үнэнийг эрж хайхын төлөө чадах бүхнээ хийж, Бурханы ажилд захирагдсанаар тэд зүрх сэтгэлдээ Бурханыг байлгаж чадна. Ийм замаар чиний эрж хайж буй зорилго зөв байж, чиний Бурхантай харилцах харьцаа хэвийн болдог. Бурхантай харилцах харилцаагаа засах нь сүнсний аялал руу орох эхний алхам гэж хэлж болно. Хүний хувь заяа Бурханы гарт байж Бурхан урьдаар тогтоосон бөгөөд өөрсдөө өөрчилж чадахгүй хэдий ч Бурханаар төгс болгуулах эсвэл хүлээн авагдаж чадах эсэх нь чиний Бурхантай харилцах харилцаа хэвийн байгаа эсэхээс хамаарна. Магадгүй чамд сул дорой эсвэл дуулгаваргүй тал байгаа хэдий ч үзэл бодол чинь зөв, сэдэл чинь зөв байгаа цагт, мөн Бурхантай харилцах харилцаагаа зөв, хэвийн болгосон цагт чи Бурханаар төгс болгуулах шаардлагыг хангах болно. Хэрэв чи Бурхантай зөв харилцаатай биш бөгөөд махан биеийн эсвэл өөрийн гэр бүлийн төлөө байдаг бол чиний шаргуу хөдөлмөрлөдөг эсэхээс үл хамааран энэ бүгд юунд ч хүргэхгүй. Хэрэв чиний Бурхантай харилцах харилцаа хэвийн бол бусад бүх зүйл утга учиртай болж эхлэх болно. Бурхан өөр юуг ч хардаггүй, харин зөвхөн Бурханд итгэх чиний үзэл зөв байгаа эсэхийг хардаг: чиний хэнд итгэж, хэний төлөө итгэж, яагаад итгэдэгийг. Хэрэв чи эдгээр зүйлийг сайн харж, өөрийн үзэл бодол болон хэрэгжүүлэлтийг зөв тавьж чаддаг бол чиний амьд ахиц дэвшил гарч, чи зөв замд орж чадах нь гарцаагүй. Хэрэв чиний Бурхантай харилцах харилцаа хэвийн бус, Бурханд итгэх итгэлийн талаарх үзэл чинь гажсан бол эдгээр нь бусад бүх зүйлд саад болно. Бурханд хэрхэн итгэдэгээс чинь үл хамааран чи юу ч олж авахгүй. Чиний Бурхантай харилцах харилцаа хэвийн байж, махбодыг орхиж, залбирч, зовж, тэсвэрлэж, дуулгавартай байж, ах, эгч нартаа тусалж, Бурханы төлөө илүү их хүчин чармайлт гаргах зэргээр л чи Бурханаар хүлээн зөвшөөрөгдөнө. Чиний хийдэг ямар нэгэн зүйл үнэ цэнэтэй, ач холбогдолтой байх эсэх нь чиний санаа зорилго зөв, мөн чиний үзэл бодол үнэн зөв эсэхээс хамаардаг. Өнөө үед олон хүний Бурханд итгэх итгэл нь толгойгоо нэг тал руу харуулчихаад цаг руу харахтай адил байна. Тэдний үзэл бодол гажсан байна. Хэрэв энэ үед шийдэл гаргаж чадвал бүх зүйл сайхан болно. Хэрэв энэ асуудал шийдэгдвэл бүх зүйл зүгээр болох ба энэ асуудал шийдэгдэхгүй бол бүх зүйл бүтэлгүйтэх болно. Зарим хүмүүс Миний өмнө сайхан зан гаргах хэдий ч Миний араар тэдний хийдэг бүхэн эсэргүүцэл байдаг. Эдгээр нь шударга бус, зальжин байдлын илэрхийлэл ба ийм төрлийн хүн бол Сатанд үйлчлэгч юм. Тэд бол Бурханыг сорих Сатаны нийтлэг амьд биелэл юм. Хэрэв чи Миний ажил болон Миний үгэнд захирагдах чадамжтай бол гагцхүү зөв хүн. Чи Бурханы үгийг идэж уух чадамжтай байгаа цагт, чиний хийж байгаа бүхэн Бурханы өмнө тэднийг үзүүлэхүйц байлгаж, чиний хийж байгаа бүхэн шударга бөгөөд хүндэтгэлтэй байж, ичгэвтэр зүйлс хийдэггүй, бусдын амьдралд хор нөлөө үзүүлэх зүйлсийг хийдэггүй, чи гэрэлд амьдарч, Сатанаар ашиглагдаагүй байгаа цагт Бурхантай харилцах харилцаа чинь зөв тавигдах болно.

Бурханд итгэснээр чиний санаа зорилго, үзэл бодол зөв тавигдах ёстой; Бурханы үгс, Бурханы ажил, Бурханы бэлтгэсэн орчин, Бурханаар гэрчлэгдсэн хүн болон практик Бурханы талаар зөв ойлгож, зөв харьцах ёстой. Чи өөрийн бодолд нийцүүлэн хэрэгжүүлэлт хийж эсвэл өөрийн жижигхэн төлөвлөгөөг гаргах ёсгүй. Чи бүх зүйлээс үнэнийг хайж, Бурханы бүтээлийн хувьд өөрийн газарт зогсож, Бурханы бүх ажилд захирагдах чадамжтай байх ёстой. Хэрэв чи Бурханаар төгс болгогдож, амийн зөв замд орохыг хүсэж байгаа бол чиний зүрх сэтгэл замаа алдалгүй, Сатаныг дагалгүй, Сатанд ажлаа хийх ямар ч боломж үлдээлгүй, Сатанд өөрийгөө ашиглагдахыг зөвшөөрөхгүй байснаар үргэлжид Бурханы өмнө амьдрах болно. Чи өөрийгөө бүрэн дүүрэн Бурханд өгч, Бурхан чамайг захирахыг зөвшөөрөх ёстой.

Чи Сатаны үйлчлэгч болохыг хүсэж байна уу? Чи Сатанаар ашиглагдахыг хүсэж байна уу? Чи Бурханаар төгс болгуулахын төлөө Бурханд итгэж, Бурханыг эрдэг үү, эсвэл ингэснээрээ чи Бурханы ажлыг товойлгогч болох уу? Чи Бурханаар хүлээн авагдаж, утга учиртай амьдралаар амьдралыг хүсэж байна уу эсвэл чи үнэ цэнэгүй, хоосон амьдралаар амьдрахыг хүсэж байна уу? Чи Бурханаар ашиглагдахыг хүсэж байна уу, эсвэл Сатанаар ашиглагдахыг хүсэж байна уу? Чи Бурханы үгс болон үнэнээр дүүргэгдэхийг хүсэж байна уу, эсвэл нүгэл болон Сатанаар дүүргэгдэхийг хүсэж байна уу? Үүнийг тунгаан бодож, дэнсэлж үз. Чи өдөр тутмын амьдралдаа Бурхантай харилцах харилцааг чинь хэвийн бус болгох чиний хэлдэг тэдгээр үгс, хийдэг зүйлсээ ухаарах хэрэгтэй, тэгээд өөрийгөө засаж, зөв арга барилд ор. Өөрийн үг, үйлдэл, хөдөлгөөн бүрээ мөн бодол, санаагаа цаг ямагт шалга. Өөрийн жинхэнэ төлөв байдлыг ухаарч Ариун Сүнсний ажлын арга барилд ор. Зөвхөн ингэж байж л чи Бурхантай хэвийн харилцаатай болно. Чи өөрийн Бурхантай харилцах харилцааг хэвийн байна уу, үгүй юу гэдгийг дэнсэлж байж өөрийн санаа зорилгыг засаж, хүний мөн чанарыг ойлгож, тэгээд өөрийгөө ойлгож чадна; ингэснээр чи жинхэнэ туршлага руу орж, жинхэнээсээ өөрөөсөө татгалзаж, ухамсартайгаар захирагдахад хүрнэ. Ийнхүү чиний Бурхантай харилцах харилцаа энгийн байна уу гэдгийг туулж үзсэнээр чи Бурханаар төгс болгуулах боломжийг олж харах чадамжтай болж, Ариун Сүнсний ажиллаж байгаа олон нөхцөл байдлыг ойлгож чадах ба Сатаны олон заль мэх, хуйвалдааныг харж чаддаг болно. Зөвхөн энэ замаар л чи Бурханаар төгс болгогдож чадна. Чи Бурхантай харилцах харилцаагаа зөв тавьснаар өөрийгөө Бурханы бүх зохицуулалтанд захируулна. Ингэснээр чи жинхэнэ туршлага руу илүү гүн орж, Ариун Сүнсний ажлыг илүү олж авах болно. Бурхантай хэвийн харилцаатай байхыг хэрэгжүүлж байхдаа ихэнхдээ чи үүнийг махан биеийг орхиж Бурхантай жинхэнээсээ хамтран ажилласнаар хүрэх болно. Чи “хамтран ажиллах зүрх сэтгэлгүйгээр Бурханы ажлыг хүлээн авна гэдэг хэцүү; хэрэв махан бие зовлон зүдүүрийг амсахгүй бол Бурханы ивээл гэж үгүй; хэрэв сүнс тэмцэхгүй бол Сатан ичэж зовно гэж байхгүй” гэдгийг ойлгох хэрэгтэй. Хэрэв чи эдгээр зарчмыг хэрэгжүүлж, сайн ойлгох юм бол Бурханд итгэх итгэлийн талаарх чиний үзэл бодол зөв тавигдана. Та нар одоогийн хэрэгжүүлэлтэндээ “өлсгөлөнгөө дарахын тулд талх хайх” гэсэн үзэл бодлоо орхих хэрэгтэй”, та нар “бүх зүйлийг Ариун Сүнс хийдэг, хүмүүс хөндлөнгөөс оролцож чадахгүй” гэсэн үзэл бодлоо хаях хэрэгтэй. Ингэж хэлдэг хүмүүс бүгд “хүн хийхийг хүсэж байгаа бүхнээ хийж чадна, цаг нь ирэхээр Ариун Сүнс ажиллах ба хүмүүс бие махбодыг ялан дийлэх шаардлагагүй, тэд хамтран ажиллах шаардлагагүй, ганцхан Ариун Сүнс тэднийг хөдөлгөх хэрэгтэй” гэж боддог. Эдгээр үзэл бодол бүгд утгагүй. Ийм нөхцөл байдалд Ариун Сүнс ажиллах боломжгүй. Иймэрхүү төрлийн үзэл бодол нь Ариун Сүнсний ажилд маш том саад болдог. Ихэнхдээ Ариун Сүнсний ажил хүмүүсийн хамтын ажиллагаагаар биелдэг. Хамтын ажиллагаа болон шийдэл байхгүйгээр өөрийн зан чанарыг өөрчилж, Ариун Сүнсний ажлыг хүлээн авч, Бурханаас гэгээрэл ба гэрэлтүүлэлтийг авахыг хүсэх нь бүгд хэрээс хэтэрсэн бодлууд юм; үүнийг “өөрийгөө өөгшүүлж, Сатаныг өршөөж байгаа явдал” гэж хэлнэ. Ийм хүмүүс Бурхантай хэвийн харилцаатай байдаггүй. Чи өөрөөсөө Сатаны олон илрэлийг олж харах бөгөөд чиний урьдын үйл хэргүүдэд Бурханы өнөөгийн шаардлагын эсрэг үйлдэгдсэн олон зүйл бий. Чи одоо тэдгээрээс татгалзаж чадах уу? Бурхантай энгийн харилцаа тогтоож, Бурханы хүсэл зорилгын дагуу үйлдэж, шинэ хүн болж, шинэ амьдралтай бол, өнгөрсөн гэм бурууг бүү эргэж хар, хэтэрхий бүү гэмш, босоод Бурхантай хамтарч ажиллах чадамжтай бай, биелүүлэх ёстой үүрэг даалгавраа биелүүл. Ийм замаар чиний Бурхантай харилцах харилцаа хэвийн болно.

Хэрэв чи эдгээр үгсийг уншсаны дараа тэднийг үгчлэн өнгөц төдий хүлээн авч, харин зүрх сэтгэл чинь хөдлөхгүй, Бурхантай хэвийн харилцаатай байх талаар нухацтай байхгүй бол энэ нь чи Бурхантай харилцах харилцаандаа ач холбогдол өгөхгүй, чиний үзэл бодол зөв тавигдаагүй, чиний хүсэл зорилго Бурханаар өөрийгөө хүлээн авахуулах, Бурханы сүр хүчийг зөвшөөрөхөд чиглээгүй, харин үүнээс илүүтэйгээр хувийн зорилгодоо хүрэхийн төлөө Сатаны хуйвалдааныг илүүд үзэхийг зөвшөөрч байгааг баталж байна. Ийм хүмүүс бүгд буруу сэдэл, үзэл бодолтой байдаг. Бурхан юу хэлсэн эсвэл яаж хэлснээс нь үл хамааран тэд хайхрамжгүй байдаг ба ямар ч өөрчлөлт харуулж чадахгүй. Тэдний зүрх сэтгэл ямар ч айдсыг мэдрэхгүй ба тэд ичгүүр сонжуургүй юм. Ийм төрлийн хүн сүнсгүй төөрөлдсөн хүн байдаг. Бурханы айлдвар бүрд чи үүнийг уншиж, ойлголт олж авсны дараа хэрэгжүүлэх ёстой. Чиний өмнө нь хэрхэн хэрэгжүүлж байсан чинь хамаагүй—магадгүй өнгөрсөнд чиний махбод сул дорой, чи тэрслүү ба эсэргүүцэж байсан байх—энэ нь том асуудал биш бөгөөд өнөөдөр чиний амь өсөхөд энэ саад болж чадахгүй. Өнөөдөр чи Бурхантай хэвийн харилцаатай байж чадаж байгаа тохиолдолд итгэл найдвар бий. Хэрэв Бурханы үгсийг унших бүрт чамд өөрчлөлт гарч, бусад хүмүүст чиний амьдрал илүү дээр болж өөрчлөгдсөн гэдгийг харуулж чадаж байгаа бол энэ нь чи Бурхантай хэвийн харилцаатай, үүнийг зөв тавигдсан гэдгийг харуулж байна. Бурхан хүмүүстэй тэдний гэм буруу дээр үндэслэн харьцдаггүй. Чи ойлгож, ухамсарласныхаа дараа дахин тэрслэхгүй, дахин эсэргүүцэхгүй байх чадамжтай болсон цагт Бурхан чамд энэрэнгүй байх болно. Чамд энэ ойлголт байгаа мөн Бурханаар төгс болгуулахыг зорьж байхад Бурханы өмнө байх чиний нөхцөл хэвийн болно. Юу хийдэг чинь хамаагүй “Хэрэв би үүнийг хийвэл Бурхан юу гэж бодох бол” гэж бодож бай. Энэ нь ах, эгч нарт хэрхэн нөлөөлөх вэ? Залбирал, нөхөрлөл, үг яриа, ажил, хүмүүстэй харилцах харилцаандаа өөрийн хүсэл зорилгоо шалгаж үз, чиний Бурхантай харилцах харилцаа хэвийн байна уу, үгүй юу гэдгийг шалгаж үз. Хэрэв чи өөрийн санаа зорилго, бодлоо ялгаж чадахгүй байгаа бол чамд ялган таних чадвар алга, энэ нь чамайг үнэний талаар маш бага ойлголттой болохыг батлан харуулж байна. Бурханы хийдэг бүх зүйлийн талаар тодорхой ойлголттой бай, аливаа зүйлийг Бурханы үгэнд нийцүүлэн хар, аливаа зүйлийг Бурханы талд зогсоод хар. Ийм замаар чиний үзэл бодол зөв болно. Тиймээс Бурхантай сайн харилцаа тогтоох нь Бурханд итгэж байгаа хүн бүрийн хувьд нэн тэргүүний зүйл юм; хүн бүр үүнийг хамгийн чухал үүрэг даалгавар, тэдний амьдралын гол үйл явдал хэмээн харьцах хэрэгтэй. Хийж байгаа бүхэн чинь чи Бурхантай хэвийн харилцаатай байна уу, үгүй юу гэдгээр дэнслэгддэг байх ёстой. Хэрэв чиний Бурхантай харилцах харилцаа хэвийн, санаа зорилго чинь зөв байгаа бол түүнийгээ хий. Бурхантай харилцах хэвийн харилцаагаа хадгалахын төлөө чи хувийн сонирхлоо алдахаас айж болохгүй, Сатаны ноёрхохыг чи зөвшөөрч болохгүй, Сатан чамайг барихыг зөвшөөрч болохгүй, Сатан чамайг инээдтэй мал болгохыг зөвшөөрч болохгүй. Иймэрхүү санаа зорилго нь чиний Бурхантай харилцах харилцаа хэвийн байгаагийн илрэл юм. Энэ нь махбодын төлөө бус, харин үүнээс илүүтэйгээр сүнсний амар амгалангийн төлөө, Ариун Сүнсний ажлыг хүлээн авахын төлөө, Бурханы хүслийг хангалуун байлгахын төлөө юм. Хэрэв чи зөв төлөвт орсон бол Бурхантай сайн харилцааг бий болгох ёстой, Бурханд итгэх үзэл бодлоо зөв тавих ёстой. Энэ нь Бурхан чамайг хүлээн авах боломжтой болгож, Бурханд Өөрийн үгний үр жимсээ чамд илчлэгдэх боломжтой болох бөгөөд чамайг улам илүү гэгээрүүлж, гэрэлтүүлэхийг зөвшөөрөх явдал юм. Ийм замаар чи зөв арга барилд орно. Бурханы одоогийн үгсийг тасралтгүй идэж уу, Ариун Сүнсний ажлын одоогийн зам руу ор, Бурханы одоогийн шаардлагад нийцүүлэн хий, хуучирсан хэрэгжүүлэлтийг бүү дага, аливаа зүйлийг хийх хуучин аргатай бүү зууралд, одоогийн ажлын төрх байдалд хурдан ор. Ийм замаар чиний Бурхантай харилцах харилцаа бүрэн төгс хэвийн болж, Бурханд итгэх зөв замд орох болно.

Өмнөх:Мянган жилийн хаанчлал ирсэн

Дараах:Бодит байдалд илүү анхаар

Танд таалагдаж магадгүй