40-Р БҮЛЭГ

Та нар яагаад ийм мулгуу юм бэ? Яагаад ийм хөшүүн юм бэ? Хэд хэдэн сануулга та нарыг сэрээсэнгүй; энэ нь Намайг бухимдуулж байна. Миний хөвгүүд ийм байхыг харах зүрх Надад үнэхээр байхгүй. Зүрх сэтгэл минь үүнийг хэрхэн тэвчиж чадах билээ? Ээ халаг! Би та нарыг Өөрийн гараар сургах хэрэгтэй болжээ. Миний алхаа үргэлжлэн хурдасдаг. Хөвгүүд минь! Хурдан босоод Надтай хамтран ажилла. Хэн одоо өөрийгөө Миний төлөө чин сэтгэлээсээ зарцуулдаг вэ? Хэн өчүүхэн ч гомдолгүйгээр өөрийгөө бүрэн зориулж чаддаг вэ? Та нар үргэлж маш хөшүүн, мулгуу байдаг! Хэчнээн хүн Миний мэдрэмжийг анхаарч чаддаг вэ, хэн Миний үгийн Сүнсийг үнэхээр ухаарч чаддаг вэ? Би гагцхүү зовнин хүлээж, найдаж л чадна; та нарын хөдөлгөөн нэг бүр зүрх сэтгэлийг минь хангалуун болгож чадахгүй байгааг харахаар Би юу хэлж чадах билээ? Хөвгүүд минь! Эцэгийн өнөөдөр хийдэг бүхэн хөвгүүдийн минь төлөө байдаг. Миний хөвгүүд яагаад зүрх сэтгэлийг минь ер нь ойлгож чаддаггүй юм бэ? Миний хөвгүүд яагаад өөрсдийн Эцэг болох Миний санааг үргэлж зовоодог юм бэ? Хэзээ Миний хөвгүүд өсөж, Миний санааг зовоохоо больж, Намайг санаа амар байлгах вэ? Хэзээ Миний хөвгүүд бие даан амьдарч, өндийн босож, Эцэгийн мөрөн дээрх ачааг хөнгөлж чадах вэ? Би зүгээр л хөвгүүдийнхөө төлөө чимээгүйхэн нулимс урсгаж, Бурханы удирдлагын төлөвлөгөөний биелэлтийн төлөө болон Өөрийн хайртай хүмүүс болох хөвгүүдээ аврах гэж хамгаа зориулдаг. Надад өөр сонголт үгүй.

Миний амлалтууд биелсэн ба та нарын нүдний өмнө ил байна. Та нар яагаад Миний зүрх сэтгэлийг хайхрахгүй байна вэ? Яагаад? Яагаад? Эдүгээг хүртэл чи үүнийг тоолсон уу: Миний зүрх сэтгэлийг хангалуун болгосон, чуулганыг тэтгэж тэжээсэн зүйл чи хэр ихийг хийсэн бэ? Үүнийг сайтар тунгаан бод, хайнга бүү бай. Ганц ч гэсэн үнэн зөв нөхцөл байдлыг бүү тавьж явуул. Зөвхөн гадаад үзэмжийг анхаараад мөн чанарыг орхигдуулж болохгүй. Үг, үйлдэл бүр чинь, хөдөлгөөн нэг бүр чинь Христийн суудлын өмнөх шүүлтийг туулсан эсэхийг, мөн хуулбарлан дуурайж биш, харин дотоод гүнээсээ амийн илэрхийллийг гаргадаг шинэ хүний дүр төрхтэй болж хувирсан эсэхээ цаг үргэлжид шинжилж байх ёстой. Хохирол амсахаас зайлсхийхийн тулд өөрийн амийг бүү саатуул. Хурдхан энэ нөхцөл байдлыг засаж, Миний зүрх сэтгэлийг хангалуун болго, мөн биеэ авч явах зарчмуудыг санаж яв: Аливаа зүйлийг зөвт байдалтайгаар, ёс жудагтайгаар үйлдэж, Миний зүрх сэтгэлийг хангалуун болго. Бодлогогүй бүү бай. Чи үүнийг санаж явах уу?

Өмнөх: 39-Р БҮЛЭГ

Дараах: 41-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

4-Р БҮЛЭГ

Миний өмнө үйлчилдэг Миний бүх ард өнгөрснөө эргэн санах хэрэгтэй: Намайг хайрлах та нарын хайр ариун бусаар сэвтсэн үү? Надад өгсөн үнэнч...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх