Үг нь махбодоор илэрсэн

Агуулга

Үнэнийг хэрэгжүүлдэггүй хүмүүст өгөх сануулга

Ах эгч нарын дундаас өөрсдийн сөрөг байдлыг үргэлжид гаргагчид нь Сатаны боолууд ба тэд чуулганыг үймүүлдэг. Эдгээр хүмүүс нэг л өдөр хөөгдөн, таягдуулах учиртай. Хэрэв хүмүүс Бурханд итгэхдээ дотроо Бурханыг хүндэтгэн бишрэх сэтгэлийг тээдэггүй бол, хэрэв тэдэнд Бурханд дуулгавартай байх зүрх сэтгэл байхгүй бол тэд Бурханы төлөө ямар ч ажил хийж чадахгүй байгаад зогсохгүй, харин ч эсрэгээрээ Бурханы ажлыг үймүүлэн, Бурханыг эсэргүүцдэг хүмүүс болно. Бурханд итгэгч хүн нь Бурханд дуулгавартай бус эсвэл Бурханыг хүндэтгэн биширдэггүй, харин үүний оронд Түүнийг эсэргүүцдэг бол энэ нь итгэгчийн хувьд асар том гутамшиг юм. Итгэгчийн үг хэл, үйл хөдлөл нь хэзээ ямагт хайхрамжгүй ба итгэгч бус хүний адил хориогүй бол тэрхүү итгэгч нь итгэгч бус хүнээс хавь илүү хорон муу юм; тэд бол нийтлэг чөтгөр. Чуулган дотор хорон яриагаа дэгдээгч хүмүүс, ах эгч нарын дотроос хов живийг тараагч, зөрчлийг өдөөгч, бүлэглэлийг үүсгэгч хүмүүс нь чуулганаас хөөгдөх нь зүйтэй. Гэвч энэ цаг үе нь Бурханы ажлын өөр нэгэн эрин тул эдгээр хүмүүс нь хоригдсон байгаа, учир нь тэд бол таягдалтын бай болох хувь төөрөгтэй юм. Сатанаар завхруулагдсан хүмүүс бүгд ялзармал зан чанартай байдаг. Гэтэл зарим хүмүүс зөвхөн ялзармал зан чанартай байхад, ийм байдаггүй өөр бусад хүмүүс бий, тэд зөвхөн ялзармал сатаны зан чанартай байгаад зогсохгүй, тэдний уг чанар нь мөн туйлын хорлонтой байдаг. Ийм хүмүүсийн хийдэг, хэлдэг бүхэн нь зөвхөн тэдний ялзармал сатаны зан чанарыг илэрхийлээд зогсохгүй, тэд өөрсдөө жинхэнэ диавол Сатан юм. Тэдний хийдэг бүхэн Бурханы ажилд саад болж, үймүүлэх ба ах эгч нарын амийн оролтыг үймүүлж, чуулганы хэвийн амьдралыг сүйрүүлдэг. Хонины арьс нөмөрсөн эдгээр чоно эрт орой хэзээ нэгэн цагт цэвэрлэгдэх ёстой ба Сатаны эдгээр боолд яасан ч эелдэг сайхнаар хандахгүй байх нь зүйтэй; тэдэнтэй хаяж орхисон хандлагаар хандах хэрэгтэй. Ийнхүү үйлдсэнээр л Бурханы талд зогсож чадах ба ийнхүү үйлдэж чадаагүй хүмүүс Сатантай хуйвалдаж байгаа хэрэг юм. Бурханд үнэхээр итгэдэг хүмүүсийн зүрх сэтгэл дотор Бурхан үргэлжид байх ба тэд хэзээ ямагт дотроо Бурханыг хүндэтгэн биширсэн сэтгэл, Бурханыг хайрласан сэтгэлийг тээдэг. Бурханд итгэгч хүмүүс аливаа зүйлийг хашир, хянуур сэтгэлээр хийх нь зүйтэй ба тэдний хийж байгаа бүхэн Бурханы шаардлагад нийцэж, Бурханы зүрх сэтгэлийг хангалуун байлгах чадамжтай байх хэрэгтэй. Тэд дур зоргоороо байж, таалагдсан зүйл бүхнээ хийх ёсгүй; энэ нь ариун хүний ёс журамтай байдалд нийцэхгүй. Хүмүүс Бурханы туг далбааг намируулан, энэ тэрүүгээр ухаан жолоогүй давхиж, газар сайгүй пээдэгнэж, хууран мэхэлж болохгүй; ийнхүү үйлдэх нь хамгийн тэрслүү зан авир юм. Гэр бүлд дүрэм журам, үндэстэнд хууль цааз гэж бий, тэгэхээр Бурханы гэр бүлд илүү их хатуу чанд хэм хэмжээ байх бус уу? Илүү их захиргаадалтын тушаал шийдвэр байх бус уу? Хүмүүс юу хүссэнээ хийх эрхтэй, гэвч Бурханы захиргаадалтын тушаал шийдвэрийг хүслээрээ өөрчилж чадахгүй. Бурхан бол Түүнийг доромжлохыг хүмүүст зөвшөөрдөггүй Бурхан, Бурхан бол хүмүүсийг үхүүлдэг Бурхан юм – хүмүүс үүнийг аль эртний мэдэх бус уу?

Чуулган бүрт чуулганыг үймүүлэгч хүмүүс, Бурханы ажилд саад бологч хүмүүс бий. Эдгээр хүмүүс нь бүгд Бурханы гэр бүлийн дотор баг зүүсэн Сатан юм. Ийм хүн Миний өмнө дүрд тоглож, хүндэтгэл үзүүлж, бөхөлзөн тонголзож, хамуурсан нохой шиг ааль гаргаж, өөрийн хувийн зорилгодоо хүрэхийн төлөө өөрийн “бүхэн”-ийг зориулахдаа онцгой сайн, гэвч тэд муухай дүр төрхөө ах эгч нарын өмнө харуулдаг. Тэд үнэнийг хэрэгжүүлж байгаа хүнийг харахаараа тэдэн рүү дайрч давшлан, тэднийг ялгаварлан гадуурхах ба тэднээс илүү аймшигтай нэгнийг харахаараа тэдэнд долигнож, зусардан чуулган дотор дураараа дургигч шиг аашилна. Ихэнх чуулганд тэдний дунд иймэрхүү “тэр газрыг хорлогч могой”, иймэрхүү “долоодог нохой” бий гэж хэлж болно. Тэд хамтдаа сэм гэтэцгээж, нэгэн рүүгээ нууцаар ирмэн дохилцох ба хэн нь ч үнэнийг хэрэгжүүлдэггүй. Хамгийн хорт нэгэн нь “ахлагч чөтгөр” ба хамгийн нэр хүндтэй нь тэднийг удирдаж, өөрсдийн тугийг өндөрт байлгана. Эдгээр хүмүүс чуулганы дотор ямар ч хяналтгүй аашилж, өөрсдийн сөрөг хандлагыг тарааж, үхлийг чөлөөлж, дуртайгаараа үйлдэж, юу дуртайгаа хэлнэ, хэн ч тэднийг зогсоож зүрхлэхгүй ба тэд тэр чигтээ сатаны зан чанараар дүүрсэн байдаг. Тэд үймээн тарьж эхлэнгүүт үхлийн уур амьсгал чуулганд нэвтрэн ордог. Үнэнийг хэрэгжүүлдэг хүмүүс чуулганы дотор хаягдаж, өөрсдийн хүчин чадалд хүрч чадахгүй болж байхад чуулганыг үймүүлж, үхлийг тараагч хүмүүс чуулганы дотор ямар ч хяналтгүй аашилна. Түүгээр үл барам ихэнх хүмүүүс тэднийг дагадаг. Ийм чуулган гагцхүү Сатаны хяналтанд байгаа бөгөөд чөтгөр бол тэдний хаан юм. Хэрэв чуулганы ард босож, эдгээр ахлагч чөтгөрүүдийг хөөн зайлуулахгүй бол тэд мөн эрт орой хэзээ нэгэн цагт сүйрэх болно. Одооноос эхлэн ийм чуулганд арга хэмжээ авах шаардлагатай. Үнэнийг бага зэрэг хэрэгжүүлэх чадамжтай хүмүүс эрлийг хийхгүй бол тэр чуулган тэгээд хориглогдох болно. Чуулганд үнэнийг хэрэгжүүлэх хүсэлтэй нэг ч хүн үгүй, Бурханы гэрчлэлд зогсох хэн ч байхгүй бол тэр чуулган тэгээд нэг мөсөн тусгаарлагдаж, бусад чуулгантай холбогдох тэдний холбоо таслагдах болно. Үүнийг үхлийг булшилж, Сатаныг хөөн зайлуулах гэж нэрлэдэг. Хэрэв чуулган дотор хэд хэдэн хорлогч могой, мөн тэднийг дагадаг ямар ч ялган таних чадваргүй зарим нэгэн жижиг ялаа байгаа бол, хэрэв тэдгээр чуулган үнэнийг харсны дараа ч тэдгээр могойны нягт холбоо, арга залиас салж чадахгүй байгаа бол тэдгээр мунхагууд эцсийн дүнд таягдуулах болно. Эдгээр жижиг ялаа хэдий ямар нэгэн аймшигтай зүйл хийгээгүй ч тэд бүр ч илүү зальтай, бүр ч илүү аргатай, бултагч ба ийм хүн бүр таягдуулах болно. Нэг ч хүнийг үлдээхгүй байх болно! Сатанд харьяалагдах хүмүүс Сатан руу буцах бол Бурханд харьяалагдах хүмүүс гарцаагүй үнэний эрэлд явах болно; үүнийг тэдний уг чанар тодорхойлно. Сатаныг дагагч хүмүүс устгагдах болтугай! Эдгээр хүмүүсийг өрөвдөх зүйл үгүй. Үнэнийг эрэгч хүмүүс хангагдаж, зүрх сэтгэлийнхээ гүнд Бурханы үгэнд баясах болтугай. Бурхан бол зөвт; Тэр хүмүүст шударга бус ханддаггүй. Хэрэв чи чөтгөр бол үнэнийг хэрэгжүүлэх чадамжгүй байх болно. Хэрэв чи үнэнийг эрэлхийлэгч нэгэн бол Сатанаар олзлогдохгүй нь тодорхой—энэ бол эргэлзээгүй зүйл.

Ахиж дэвшихийг эрэлхийлдэггүй хүмүүс бусдыг өөр шигээ сөрөг ба хойрго байгаасай гэж байнга хүсдэг, үнэнийг хэрэгжүүлдэггүй хүмүүс үнэнийг хэрэгжүүлдэг хүмүүст атаархдаг. Үнэнийг хэрэгжүүлдэггүй хүмүүс толгой муутай ба ялган таних чадвараар дутмаг хүмүүсийг хэзээ ямагт хуурч мэхлэхийг хүсдэг. Эдгээр хүмүүсийн гаргадаг зүйлс нь чамайг доройтож, хөл алдаж, хэвийн бус төлвийг бий болгож, дотроо харанхуйгаар дүүрэхэд хүргэж болно; тэд чамайг Бурханаас холдуулах ба чамайг махан биеэ анхааран халамжлагч, өөрийн тавыг хангагч болгодог. Үнэнийг хайрладаггүй, Бурхантай үргэлжид хааш яаш харьцаж байгаа хүмүүс өөрийгөө таниагүй ба тэдний зан чанар нь хүмүүсийг уруу татан нүгэл үйлдэж, Бурханыг эсэргүүцэхэд хүргэдэг. Тэд үнэнийг хэрэгжүүлдэггүй ба бусдад мөн үнэнийг хэрэгжүүлэхийг зөвшөөрдөггүй. Тэд нүгэлийг анхааран халамжлах ба өөрсдийгөө жигшин зэвүүцнэ гэж байдаггүй. Тэд өөрсдийгөө мэддэггүй ба бусдын өөрсдийгөө танин мэдэх явдлыг хаадаг бөгөөд тэд бусдын үнэний төлөөх тэмүүллийг гацаадаг. Тэдний мэхэлсэн хүмүүс гэрлийг харж чадахгүй болж, харанхуйд унаж, өөрсдийгөө танин мэдэлгүй, үнэний талаар мэдэлгүй, Бурханаас улам бүр холддог. Тэд үнэнийг хэрэгжүүлдэггүй ба бусдын үнэнийг хэрэгжүүлэх явдлыг зогсоож, тэдгээр мунхаг хүмүүсийг өөрсдийн өмнө авчирдаг. Тэд Бурханд итгэдэг гэж хэлэхээс илүүтэйгээр тэд өөрсдийн өвөг дээдэст итгэдэг, тэдний итгэдэг тэр зүйл нь зүрх сэтгэлд нь байгаа шүтээнүүд гэдгийг хэлэх нь зүйтэй. Бурханыг дагадаг хэмээн хэлэгч хүмүүсийн хувьд тэд нүдээ нээгээд яг хэнд итгэж байгаагаа сайн харах маш хэрэгтэй байна: Итгэж байгаа зүйл чинь үнэхээр Бурхан мөн үү эсвэл Сатан уу? Хэрэв чиний итгэдэг зүйл Бурхан биш, харин чиний өөрийн шүтээнүүд гэдгийг мэдэж байгаа бол өөрийгөө итгэгч гэж хэлэхгүй байсан нь дээр. Хэрэв чи хэнд итгээд байгаагаа үнэхээр мэдэхгүй байгаа бол мөн л өөрийгөө итгэгч гэж хэлэхгүй байсан нь дээр. Тийнхүү хэлэх нь доромжлол болно! Хэн ч чамайг Бурханд итгэ гэж хүчилдэггүй. Та нар Надад итгэдэг гэж бүү хэл, учир нь энэ үгсийг Би хэдийнэ хангалттай их сонссон, Би үүнийг дахин сонсохыг хүсэхгүй байна, учир нь та нарын итгэж байгаа зүйл бол шүтээнүүд ба та нарын дунд байгаа тэр газрыг хорлогч могойнууд юм. Үнэнийг сонсох үедээ толгойгоо сэгсрэх ба үхлийн талаарх яриа сонсохдоо учиргүй мишээж байгаа хүмүүс бол Сатаны үр сад ба тэд бүгд таягдалтын бай юм. Чуулганд ялган таних чадваргүй олон хүн бий, тэд хуурмаг ямар нэгэн зүйл болоход зүгээр л Сатаны талд зогсдог. Тэднийг Сатаны боол гэж нэрлэхэд тэд маш ихээр буруутгагдсан мэт болдог. Тэднийг ялган таних чадваргүй гэж хэлдэг, харин тэд үргэлжид үнэн үгүй талд зогсдог. Тэд үнэний талд зогссон шийдвэрлэх үе нэг ч байхгүй, үнэний төлөө босож, маргалдаж байсан үе гэж нэг ч байхгүй, тэгэхээр тэд үнэхээр ялган таних чадваргүй гэж үү? Тэд яагаад үргэлж Сатаны талд зогсдог юм бэ? Яагаад тэд хэзээ ч үнэний төлөө шулуун шударга эсвэл үндэслэлтэй нэг ч болтугай үг хэлж байгаагүй вэ? Энэ нь үнэхээр тэдний тухайн үеийн төөрөгдлөөс болсон хэрэг үү? Тухайн хүнд ялган таних чадвар хэдий чинээ бага байна, тэд төдий чинээ үнэний талд зогсох чадваргүй байдаг. Энэ юуг харуулж байна вэ? Энэ нь ялган таних чадваргүй хүмүүс хорон мууд хайртай гэдгийг харуулж байгаа хэрэг бус уу? Энэ нь ялган таних чадваргүй хүмүүс Сатаны үнэнч үр сад гэдгийг харуулж байгаа хэрэг бус уу? Яагаад тэд үргэлж Сатаны талд зогсож, түүнтэй адил хэлээр ярьж чаддаг юм бэ? Тэдний үг, үйлдэл бүхэн, мөн тэдний илэрхийлэмжүүд нь тэд бол ямар нэг байдлаар үнэнийг хайрлагч бус, харин илүүтэйгээр тэд бол үнэнийг жигшдэг хүмүүс гэдгийг хангалттай нотолно. Тэд Сатаны талд зогсож чадаж байгаа нь Сатаны төлөө бүхэл амьдралынхаа туршид тэмцэгч эдгээр өчүүхэн чөтгөрт Сатан үнэхээр хайртай гэдгийн хангалттай нотолгоо юм. Эдгээр бүх баримт дэндүү ойлгомжтой бус уу? Хэрэв чи үнэнийг хайрлагч нэгэн үнэхээр мөн бол яагаад үнэнийг хэрэгжүүлдэг хүмүүсийг хүндэтгэж чадахгүй байна вэ, яагаад дүрх төрх нь жаахан өөрчлөгдөх төдийд үнэнийг хэрэгжүүлдэггүй хүмүүсийг тэр даруй дагана вэ? Энэ ямар гээчийн асуудал вэ? Чамд ялган таних чадвар байгаа эсэх Надад хамаагүй, хичнээн их үнэ төлсөн чинь Надад хамаагүй, чиний хүч хичнээн их болох нь Надад хамаагүй, чи тэр газрыг хорлогч могой байна уу, эсвэл туг барьсан удирдагч байна уу Надад хамаагүй. Хэрэв чиний хүч агуу их байгаа бол энэ чинь зөвхөн Сатаны хүч чадлын тусламжтайгаар боломжтой; хэрэв нэр хүнд чинь өндөр байгаа бол энэ нь ердөө чиний эргэн тойронд үнэнийг хэрэгжүүлдэггүй хүмүүс дэндүү олон байгаа учраас юм; хэрэв чи хөөгдөөгүй байгаа бол энэ нь одоо бол хөөн зайлуулах ажилд зориулсан цаг үе биш, харин таягдалтын ажилд зориулсан цаг үе учраас юм. Чамайг одоо хөөн зайлуулах гэж яарах хэрэг үгүй. Би гагцхүү чиний таягдуулсны дараах шийтгэлийн өдрийг чинь хүлээх хэрэгтэй. Үнэнийг хэрэгжүүлдэггүй хэн бүхэн таягдуулах болно!

Бурханд үнэхээр итгэгч хүмүүс бол Бурханы үгийг хэрэгжүүлэхийг хүсэж байгаа хүмүүс, тэд бол үнэнийг хэрэгжүүлэхийг хүсэж байгаа хүмүүс юм. Бурханы гэрчлэлд үнэнхүү зогсож чадах хүмүүс нь мөн Түүний үгийг хэрэгжүүлэхийг хүсэж байгаа хүмүүс, тэд бол үнэний талд жинхэнээр зогсож чадах хүмүүс юм. Хууран мэхлэлтийг ашиглагч, шударга бусыг хийгч хүмүүс нь бүгд үнэн байхгүй хүмүүс ба тэд бүгд Бурханд ичгүүрийг авчирдаг. Чуулганы дотор хэрүүл маргаанд оролцогч хүмүүс нь Сатаны боолууд ба Сатаны биежсэн төрх юм. Ийм хүн дэндүү хорлонтой байдаг. Ялган таних чадваргүй, үнэний талд зогсох чадамжгүй хүмүүс бүгд хорон муу санаа зорилго өвөрлөх ба үнэнийг булингартуулдаг. Эдгээр хүмүүс бүр ч илүү Сатаны маш нийтлэг төлөөлөл юм; тэд авралын гадна байх ба хэлэх ч шаардлагагүйгээр тэд бүгд таягдуулалтын бай болно. Үнэнийг хэрэгжүүлдэггүй хүмүүс Бурханы гэр бүлд үлдэх эрхгүй, чуулганыг санаатайгаар сүйтгэгчид ч мөн ялгаагүй. Гэвч одоо бол зайлуулах ажлыг хийх цаг нь биш. Тэд төгсгөлд зүгээр л гарч ирэн, таягдуулах болно. Үүнээс өөр шаардлагагүй нэмэлт ажлыг эдгээр хүмүүст хийх хэрэггүй; Сатанд харьяалалтай хүмүүс үнэний талд зогсох чадамжгүй бол үнэнийг эрэлхийлэгч хүмүүс үнэний талд зогсож чаддаг. Үнэнийг хэрэгжүүлдэггүй хүмүүс үнэний замыг сонсох эрхгүй ба үнэнийг гэрчлэх эрхгүй юм. Үнэн бол үндсэндээ тэдний чихэнд зориулагдаагүй, харин илүүтэйгээр үүнийг хэрэгжүүлдэг хүмүүсийн чихэнд зориулан хэлэгдсэн зүйл юм. Хүн нэг бүрийн төгсгөл илчлэгдэхээс өмнө сүмийг үймүүлэгч ба ажилд саад хийгчдийг эхлээд нэг талд үлдээх болно. Ажил дуусахад энэ хүмүүсийг таягдан хаяхаасаа өмнө нэг нэгээр нь ил гаргах болно. Үнэнийг өгөх үеэр түр хугацаанд тэдэнд анхаарал ер хандуулахгүй. Үнэн бүхэлдээ хүн төрөлхтөнд илчлэгдэх тэр үед эдгээр хүмүүсийг таягдан хаях нь зүйтэй, учир нь тэр нь мөн бүх хүмүүс өөрсдийн чанарын дагуу ангилагдсан цаг үе байх болно. Өөрсдийн өчүүхэн хов живээс болж, ялган таних чадваргүй хүмүүс хорон муу хүмүүсийн гарт сүйрэх ба тэд хорон муу хүмүүсээр удирдуулан төөрөлдөж, буцаж чадахгүйд хүрнэ. Энэ хүмүүс үнэнийг хайрладаггүй тул, тэд үнэний талд зогсох чадамжгүй учраас, тэд хорон муу хүмүүсийг дагаж, хорон муу хүмүүсийн талд зогсдог учраас, тэд хорон муу хүмүүстэй сүлбэлдэж, Бурханыг эсэргүүцдэг учраас тэдэнтэй ийнхүү харьцах нь зүйтэй. Хорон муу хүмүүс хорон мууг цацраана гэдгийг тэд маш сайн мэддэг, гэвч тэд зүрх сэтгэлээ чангалан тэднийг дагаж, үнэний эсрэг хөдөлдөг. Үнэнийг хэрэгжүүлдэггүй мөртлөө сүйтгэгч бөгөөд ой гутам зүйлсийг хийгч эдгээр хүмүүс бүгд хорон мууг үйлдэж байгаа хэрэг бус уу? Тэдний дунд өөрсдийгөө “хаан” гэж хэлбэрдсэн хүмүүс, мөн араас мөрдөн мөшгигч хүмүүс байгаа хэдий ч тэдний Бурханыг эсэргүүцэх уг чанар нь бүгд адил бус уу? Ямар шалтгаанаар тэд Бурхан тэднийг авардаггүй гэж хэлж чадах вэ? Ямар шалтгаанаар тэд Бурханыг зөвт бус гэж хэлж чадах вэ? Тэднийг сүйрүүлэх зүйл нь өөрсдийнх нь хорон муу биш гэж үү? Тэднийг там руу чирэх зүйл нь өөрсдийнх нь тэрслүү чанар биш гэж үү? Үнэнийг хэрэгжүүлэгч хүмүүс эцсийн дүнд үнэнээр аврагдах ба төгс болгогдох болно. Үнэнийг хэрэгжүүлдэггүй хүмүүс эцсийн дүнд үнэнээр мөхлийг дуудах болно. Эдгээр бол үнэнийг хэрэгжүүлдэг ба хэрэгжүүлдэггүй хүмүүсийг хүлээж байгаа төгсгөл юм. Би үнэнийг хэрэгжүүлэх төлөвлөгөөгүй байгаа хүмүүст хандаж бүр их нүгэл үйлдэхээсээ өмнө нэн даруй чуулганыг орхи гэж зөвлөж байна. Цаг нь болоход гэмшил хүртэл хэтэрхий оройтсон байх болно, ялангуяа бүлэг үүсгэж, хуваагдал бий болгогч хүмүүс болон чуулган доторх тэр газрыг хорлогч могойнууд бол цаг алдалгүй явах хэрэгтэй. Хорт муу чоно адил уг чанартай энэ хүмүүс өөрчлөгдөх чадамжгүй ба тэд аль болох эртхэн боломж байгаа дээр чуулганыг орхиж, дахин хэзээ ч ах эгч нарын зөв зохист амьдралыг үймүүлэхгүй байсан нь дээр, ингэснээр Бурханы шийтгэлээс зайлсхийнэ. Тэднийг дагалдагч хүмүүс та нар энэ боломжийг ашиглаж, өөрсөд дээрээ сайн эргэцүүлэл хийх хэрэгтэй. Та нар хорон муу этгээдүүдийг чуулганы гадна дагамаар байна уу эсвэл үлдэж, бүрэн дүүрэн чин сэтгэлээр дагамаар байна уу? Та нар энэ асуудлыг анхаарал болгоомжтой авч үзэх хэрэгтэй. Би та нарт дахин нэг удаа сонголт хийх боломж өглөө. Та нарын хариуг Би хүлээж байя.