I

Өө Бурхан минь! Та махбодод даруу, далд байдаг,

хүн төрөлхтний яллалт, гүжирдлэгийг туулж, бүхий л доромжлолыг тэвчдэг,

гэсэн ч Та хүн төрөлхтнийг аврахын тулд үнэнийг илэрхийлсээр байдаг—хүнд бүх хайраа өгөхийн тулд хамаг зүтгэлээ зориулдаг.

Таны үг үнэн ба амь бөгөөд биднийг өдөр бүр цэвэрлэн, өөрчилдөг билээ.

Таны үгийг туулсан бид асар их хайрыг тань олж хардаг.

Өө Бурхан минь! Таны хайр татам байдал санаанаас гардаггүй.

II

Таны шүүлтийг би туулан, хайрыг тань амслаа.

Таны шүүлтийн үг бүр миний уг чанарыг хурц илд мэт зүсэн, намайг нүүр хийх газаргүй болгодог.

Сатанлаг зан чанараар дүүрсэн гэдгээ эцэст нь би олж харсан.

Та бол ариун, зөвт гэдгийг Таны шүүлтээр дамжуулан би хардаг.

Тун гүнзгий завхарсан би Таны нүүрийг харах эрхгүй.

Таны өмнө газар унаад би шүүлтийг тань хүлээн авахад бэлэн.

Өө Бурхан минь! Таны хайр татам байдал санаанаас гардаггүй.

III

Таны шүүлт л намайг аварсан,

Таны хатуу үг чин санаа зорилгыг тань далдалдаг ч,

үзэлтэйгээ зууралдсан би өчүүхэн ч дуулгаваргүй байдаг.

Цөхрөлд хүртэл унаж, Таныг буруугаар ойлгон, гомдоллодог.

Таны үг намайг ахин дахин тайтгаруулж, зоригжуулсан,

сөрөг, сул дорой байдлаас эргэн гарах боломж олгосон.

Таны зан чанар өгөөмөр, сайхан гэдгийг би харсан.

Өө Бурхан минь! Таны хайр татам байдал санаанаас гардаггүй.

IV

Таны үг бүх бэрхшээлд намайг замчилдаг. Өнөөх чөтгөрүүдийн баривчилгаа өдөр бүр заналхийлдэг;

Гунигийн нулимсыг минь Та л арчиж тусалдаг, шаналант энэ шөнүүд дуусашгүй санагдахаа больдог.

Таны хайр дэргэд байхад итгэл минь улам батаждаг.

Шалгалт, цэвэршүүлэлтээр би үхээд дахин төрсөн,

Үнэнийг ойлгож, Сатаны нөлөөг хөсөр хаясан.

Өө Бурхан минь! Таны хайр татам байдал санаанаас гардаггүй.

Таныг би үүрд хайрлаж, үргэлж дэргэд тань байя.