Үг нь махбодоор илэрсэн

Агуулга
  • Нэгдүгээр хэсэг:Бие махбод болсон Бурханы үйлчлэлээ хэрэгжүүлж байх үеийн айлдварууд
    • Хавсралт: Бурханы үгийн нууцлаг байдлын тайлбарууд
      • Хоёрдугаар хэсэг:Бие махбод болсон Хүний Хүүгийн чуулгануудаар явахдаа хэлсэн үгс (I)
        • Бие махбод болсон Хүний Хүүгийн чуулгануудаар явахдаа хэлсэн үгс (II)
          • Бие махбод болсон Хүний Хүүгийн чуулгануудаар явахдаа хэлсэн үгс (III)
            • Бие махбод болсон Хүний Хүүгийн чуулгануудаар явахдаа хэлсэн үгс (IV)
              • Гуравдугаар хэсэг

                Та нар байр суурийн ерөөлийг хойш тавьж, хүний авралын төлөөх Бурханы хүслийг ойлгох учиртай

                Хүний хувьд, Моабын үр удам бүрэн дүүрэн болгуулах боломжгүй бөгөөд тэд тийм болгуулах эрхгүй. Давидын хөвгүүдэд нөгөө талаар гарцаагүй найдвар байгаа бөгөөд тэд гарцаагүй бүрэн дүүрэн болгуулж чадна. Хэн нэгэн хүн Моабын үр удам бол тэд бүрэн дүүрэн болгуулж чадахгүй. Өнөөдөр ч гэсэн та нарын дунд хийгдсэн ажлын ач холбогдлыг та нар мэдэхгүй хэвээр байгаа; өнөөгийн энэ үе шатыг хүртэл та нар зүрх сэтгэлдээ өөрсдийн хэтийн ирээдүйг агуулдаг бөгөөд тэдгээрийг орхих дургүй байдаг. Бурхан өнөөдөр ажиллахын тулд хамгийн үнэ цэнэгүй бүлэг болох та нарыг яагаад сонгосныг хэн ч тоодоггүй, тэгвэл энэ ажил буруу хийгдсэн үү? Энэхүү ажил нь түр зуурын хайнга явдал уу? Бурхан та нарыг Моабын хөвгүүд гэдгийг хэдийнээ мэдэж байсан мөртлөө яагаад та нарын дунд ажиллахын тулд алагчлалгүйгээр бууж ирсэн бэ? Та нар энэ тухай хэзээ ч бодож байгаагүй юу? Бурхан Өөрийн ажлыг хийхдээ энэ талаар хэзээ ч эргэцүүлж үзээгүй юү? Тэр ийм гэнэтийн шийдвэр гаргасан уу? Та нарыг Моабын үр удам гэдгийг Тэр бүр эхнээсээ мэдээгүй гэж үү? Та нар эдгээр зүйлсийг эргэцүүлж үзэхээ мэдээгүй юү? Та нарын “үзэл” хаашаа явчихсан бэ? Та нарын эрүүл сэтгэлгээ буруу тохиргоотой болсон уу? Та нарын ухаалаг байдал болон мэргэн ухаан хаашаа явчихсан бэ? Та нар тийм уужим байдалтай болохоор ийм жаахан хэрэг явдлыг анхаардаггүй юү? Та нарын оюун санаа өөрсдийн хэтийн ирээдүй болон өөрийн хувь заяа гэх мэт зүйлсэд хамгийн их мэдрэмтгий байдаг боловч өөр бусад зүйлсийн талаар мэдрэмжгүй агаад мангуу, үнэхээр мэдлэггүй байдаг. Та нар яг юунд итгэдэг юм бэ? Өөрсдийн хэтийн ирээдүйд үү? Эсвэл Бурханд уу? Чи зүгээр л өөрийнхөө сайн хүрэх газарт итгэдэггүй гэж үү? Зөвхөн өөрийнхөө хэтийн ирээдүйд үү? Амийн замын хэр ихийг чи одоо ойлгосон бэ? Чи хэр ихийг олж авсан бэ? Одоо Моабын үр удам дээр хийгдэж байгаа ажил чамайг доромжлохын тулд хийгддэг гэж чи бодож байна уу? Энэ нь та нарын булай муухай байдлыг ил гаргахын тулд санаатайгаар хийгддэг үү? Энэ нь та нараар гэсгээлтийг хүлээн зөвшөөрүүлж, дараа нь та нарыг галт нуур луу шидэхийн тулд санаатайгаар хийгддэг үү? Та нарт ямар ч ирээдүй байхгүй гэж Би хэзээ ч хэлээгүй, тэр ч бүү хэл та нар устгагдаж эсвэл мөхлийг туулах болно гэж хэлээгүй; Би олны өмнө тийм зүйл зарласан гэж үү? Та нарт ямар ч найдвар байхгүй гэж чи хэлдэг, гэхдээ энэ нь чиний өөрийн дүгнэлт биш гэж үү? Энэ нь чиний өөрийн сэтгэхүйн үр нөлөө биш гэж үү? Чиний өөрийн дүгнэлт тооцогдох уу? Хэрвээ Би, чи ерөөгдөөгүй гэж хэлбэл та нар гарцаагүй сүйрлийн бай байх болно, хэрвээ Би, чи ерөөгдсөн гэж хэлбэл чи гарцаагүй устгагдахгүй. Би зөвхөн одоо л чи бол Моабын удам гэж хэлж байна. Чи устгагдах болно гэж Би хэлээгүй. Ердөө Моабын үр удам л хараагдсан бөгөөд тэд нэг төрлийн завхарсан хүн төрөлхтөн юм. Нүглийг урьд нь дурдсан; та нар бүгд нүгэлтэй биш гэж үү? Нүгэлтнүүд бүгд Сатанаар завхруулагдаагүй гэж үү? Нүгэлтнүүд бүгд Бурханыг үл ойшоож, Түүний эсрэг босдоггүй гэж үү? Бурханыг үл ойшоодог хүмүүс хараалын бай биш гэж үү? Нүгэлтнүүд бүгд устгагдахгүй гэж үү? Тэр тохиолдолд мах цустай хүмүүсийн дундаас хэн аврагдаж чадах юм бэ? Та нар өнөөдрийг хүртэл хэрхэн амьд үлдэж чадсан юм бэ? Та нар Моабын үр удам учраас сөрөг байдаг, та нар нүгэлт хүн төрөлтөнд харъяалагддаггүй гэж үү? Та нар хэрхэн өнөөдрийг хүртэл үлдсэн юм бэ? Төгс байдлыг дурдах үед та нар жаргалтай болдог. Та нар асар их гай зовлон туулах ёстой гэдгийг сонссон бөгөөд энэ нь бүр ч их ерөөгдсөн гэж та нар боддог. Гай зовлонгоор дамжуулан ялагч болж чадна гэж чи боддог бөгөөд энэ нь бүр ч илүү их Бурханы адислал, чамайг өргөх Түүний агуу өргөмжлөл юм. Моабыг дурдах үед та нарын дунд үймээн сандрал үүсдэг. Насанд хүрэгчид, хүүхдүүд ялгаагүй үгээр хэлэхийн аргагүй гунигийг мэдэрдэг бөгөөд та нарын зүрх сэтгэл зовууриар дүүрдэг; та нар бүгд төрсөндөө харамсдаг. Ажлын энэ үе шат яагаад Моабын үр удам дээр хийгддэгийн ач холбогдлыг та нар ойлгодоггүй; та нар зөвхөн өндөр байр суурийг эрж хайхыг л мэддэг бөгөөд та нарт найдвар байхгүй гэж бодох үедээ та нар ухарч няцдаг. Төгс байдал болон ирээдүйд хүрэх газрыг дурдах үед та нар аз жаргалтай болдог. Бурханд итгэх та нарын итгэл ерөөл олж авч ингэснээр сайн газарт хүрч чадахын төлөө байдаг. Зарим хүмүүс өөрсдийн байр суурийн улмаас одоо айдсыг мэдэрдэг. Тэд дорд үнэ цэнэ, доогуур байр суурьтай учраас тэд төгс болгуулахаар эрж хайхыг хүсдэггүй. Бурхан эхлээд төгс байдлын тухай ярьсан, тэгээд дараа нь Моабын үр удмыг дурдсан, иймээс хүмүүс өмнө нь дагаж байсан төгс байдлын замаа үгүйсгэсэн. Учир нь та нар энэ ажлын ач холбогдлыг хэзээ ч мэддэггүй, мөн үүний ач холбогдлыг тоодоггүй. Та нарын сүнсний өндөр хэтэрхий жаахан бөгөөд та нар өчүүхэн төдий ч үймээнийг тэвчдэггүй. Та нарын байр суурь хэтэрхий доогуур гэдгийг харах үедээ та нарт сөрөг мэдрэмж төрдөг бөгөөд та нар үргэлжлүүлэн эрж хайх ямар ч итгэлгүй байдаг. Хүмүүс ердөө, нигүүлсэлд хүрсэн түвшин болон амар амгалангийн таашаалыг Бурханд итгэх итгэлийн бэлгэ тэмдэг, ерөөлийн эрэл хайгуулыг Бурханд итгэх итгэлийн үндэс гэж үздэг. Тун цөөхөн хүмүүс Бурханыг мэдэхээр эрж хайдаг эсвэл өөрсдийн зан чанар дахь өөрчлөлтийг эрж хайдаг. Хүмүүсийн Бурханд итгэх итгэл нь Бурханаар өөрсөддөө тохирох хүрэх газрыг өгүүлж, наран доорх бүх нигүүлслийг өөрсөддөө өгүүлж, Бурханыг өөрсдийн зарц болгож, тэдэнтэй харилцах амар тайван, нөхөрсөг харилцаагаа хадгалахад Бурханыг хүргэж, тэдний хооронд хэзээ ч ямар нэгэн зөрчилдөөнгүй байхын төлөө байдаг. Өөрөөр хэлбэл Бурханд итгэх тэдний итгэл нь, Бурханаас тэдний бүх хэрэгцээг биелүүлэх амлалт өгч, Библид “Би та нарын бүх залбирлыг сонсох болно” гэж хэлсэн шигээр тэдний залбирсан бүхнийг тэдэнд олгохыг шаарддаг. Бурхан бол хаана ч, хэдийд ч хүмүүстэй сайхан харилцаатай байдаг үргэлжийн эелдэг зөөлөн Аврагч Есүс болохоор тэд хэнийг ч шүүхгүй эсвэл хэнтэй ч харьцахгүй байхыг Бурханаас шаарддаг. Тэдний итгэх байдал нь ийм байдаг: Тэд ичгүүргүйгээр Бурханаас аливаа зүйлийг үргэлж гуйдаг бөгөөд тэд тэрслүү эсвэл дуулгавартай байх нь хамаагүй Бурхан зүгээр л бүх зүйлийг сохроор тэдэнд хайрлана. Хүмүүс зүгээр л Бурханаас тасралтгүйгээр “төлбөр” шаарддаг бөгөөд Бурхан ямар ч эсэргүүцэлгүйгээр төлж, тэднээс ямар нэгэн зүйлийг авсан ч бай, үгүй ч бай Бурхан хоёр дахин ихийг төлөх ёстой. Тэр зөвхөн тэднээс хараат байж л чадна; Тэр хүмүүсийг дур зоргоороо зохион байгуулж чадахгүй, тэр ч бүү хэл Тэр Өөрийн хүссэнээрээ Өөрийнхөө эртний мэргэн ухаан болон зөвт зан чанарыг хүмүүст өөрсдийнх нь зөвшөөрөлгүйгээр илчилж чадахгүй. Тэд зүгээр л өөрсдийн нүглийг Бурханд улайх ба Бурхан зүгээр л тэдгээрийг өршөөж, үүнээс залхаж болохгүй бөгөөд энэ нь үүрд үргэлжилнэ. Библид “Бурханы ирэлт нь хүнээр Өөртөө үйлчлүүлэхийн төлөө биш, харин Тэр хүнд үйлчлэхийн төлөө юм. Тэр хүнд үйлчлэхийн тулд ирсэн” гэж тэмдэглэгдсэн шигээр тэд зүгээр л Бурханд тушааж, Бурхан зүгээр л дуулгавартай дагана. Та нар үргэлж ийм байдлаар итгэдэггүй гэж үү? Та нар Бурханаас юуг ч олж авч чадахгүй үедээ зугтахыг хүсдэг. Та нар ямар нэгэн зүйлийг ойлгохгүй байх үедээ маш их дургүйцэж, бүр бүх төрлийн хараал зүхэл чулууддаг. Та нар зүгээр л Өөрийн мэргэн ухаан, гайхамшгийг бүрэн илэрхийлэх боломжийг Бурханд Өөрт нь олгодоггүй, харин үүний оронд та нар зүгээр л түр зуурын амар амгалан, тав тухыг эдлэхийг хүсдэг. Одоог хүртэл Бурханд итгэх та нарын итгэлийн хандлага нэгэн хэвийн хуучин үзэл бодол байсан. Хэрвээ Бурхан та нарт ердөө бага зэргийн сүр жавхланг харуулах юм бол та нар аз жаргалгүй болдог; та нарын сүнсний өндөр яг ямар болохыг та нар одоо харж байна уу? Үнэн хэрэгтээ та нарын хуучин үзэл бодол өөрчлөгдөөгүй үед та нар бүгдээрээ Бурханд үнэнч гэж бүү бод. Ямар ч муу зүйл чамд тохиолдохгүй үед бүх зүйл амар хөнгөнөөр явагдаж байна гэж чи боддог бөгөөд Бурханыг дээд зэргээр хайрладаг. Гэхдээ ямар нэгэн жаахан зүйл чамд тохиолдох үед чи Үхэгсдийн орон руу унадаг. Чи Бурханд үнэнч байгаа нь энэ үү?

                Хэрвээ байлдан дагуулах ажлын сүүлчийн үе шат Израильд эхлэх байсан бол байлдан дагуулах ажил ямар ч утга учиргүй байх байсан. Уг ажлыг энэ улс оронд, та нар дээр хийх үед л энэ нь хамгийн их ач холбогдолтой. Та нар бол хамгийн ядуу дорой хүмүүс буюу хамгийн дорд байр суурьтай хүмүүс юм. Та нар энэ нийгмийн хамгийн дорд түвшний хүмүүс бөгөөд та нар анхнаасаа Бурханаар хамгийн бага хүлээн зөвшөөрөгдсөн. Та нар Бурханаас хамгийн хол явсан хүмүүс бөгөөд хамгийн их хохирсон хүмүүс юм. Энэ үе шатны ажил зөвхөн байлдан дагуулалтын төлөө учраас дараагийн гэрчлэлийг хийлгүүлэхээр та нарыг сонгох нь хамгийн зохистой биш гэж үү? Хэрвээ байлдан дагуулах ажлын эхний алхам нь та нар дээр хийгдэхгүй байсан бол дараагийн байлдан дагуулах ажлыг урагшлуулахад хэцүү болох байсан, учир нь дараа болох байлдан дагуулах ажил нь өнөөдөр хийгдэж байгаа энэ ажлын бодит байдал дээр үндэслэн үр дүнд хүрэх болно. Өнөөдрийн байлдан дагуулах ажил нь бүхий л байлдан дагуулах ажлын зөвхөн эхлэл юм. Та нар бол байлдан дагуулагдах эхний бүлэг; та нар бол байлдан дагуулагдах бүх хүн төрөлхтний төлөөлөл юм. Хэрвээ үнэхээр ойлгодог хүн байгаа бол, Бурханы өнөөдөр хийж байгаа бүх ажил маш сайн бөгөөд Бурхан хүмүүст өөрсдийн тэрслүү занг мэдэх боломжийг олгоод зогсохгүй Тэр мөн та нарын байр суурийг илчилдэг гэдгийг тэд харах болно. Түүний үгийн зорилго болон утга учир нь хүмүүсийг сөрөг болгох биш, мөн хүмүүсийг унагах биш юм. Ингэснээр тэд илчлэл олж авч, Түүний үгээр дамжуулан аврагдана; энэ нь Түүний үгээр дамжуулан хүний сүнсийг сэрээхийн төлөө байдаг. Дэлхий ертөнц бүтээгдсэнээс эхлээд одоог хүртэл хүн Бурхан байдаг гэдгийг мэдэхгүйгээр мөн Бурхан байдаг гэдэгт итгэхгүйгээр үргэлж Сатаны эзэмшил дор амьдарсаар ирсэн. Эдгээр хүмүүс Бурханы агуу авралд багтаж, Бурханаар ихэд өсгүүлж байгаа нь үнэндээ Бурханы хайрыг харуулдаг; үнэхээр ойлгодог хүмүүс бүгд ингэж бодох болно. Ямар ч ойлголтгүй хүмүүс юу гэж бодох вэ? “Өө, Бурхан биднийг Моабын үр удам гэж хэлдэг. Бид бол Моабын үр удам гэдгийг Тэр Өөрөө хэлсэн. Бид ямар нэгэн сайн зүйлд хүрнэ гэж үү? Хэн биднийг Моабын үр удам болгосон юм бэ? Түүнд өмнө нь маш их үл захирагдахад хэн биднийг хүргэсэн юм бэ? Бурхан биднийг яллахаар ирсэн; биднийг Бурхан бүр эхнээсээ яаж үргэлж шүүж байсныг чи харахгүй байна уу? Бид нэгэнт Бурханд үл захирагдсан учраас бид ийм байдлаар гэсгээгдэх ёстой.” Эдгээр үг зөв үү? Өнөөдөр Бурхан та нарыг шүүж, гэсгээж, ялладаг боловч чамайг ялласнаар чи өөрийгөө мэдэж болох юм гэдгийг мэдэж ав. Ял буруутгал, хараал, шүүлт, гэсгээлт—энэ бүгд байдаг болохоор чи өөрийгөө мэдэж авч, чиний зан чанар өөрчлөгдөж, цаашлаад чи өөрийнхөө үнэ цэнийг мэдэж авч болох бөгөөд Бурханы бүх үйлдлүүд зөвт агаад Түүний зан чанар болон Түүний ажлын хэрэгцээний дагуу байдаг, Тэр хүний авралын төлөө Өөрийн төлөвлөгөөний дагуу ажилладаг, Тэр бол хүнийг хайрладаг, хүнийг авардаг мөн хүнийг шүүж, гэсгээдэг зөвт Бурхан юм гэдгийг хардаг. Хэрвээ чи зөвхөн өөрийнхөө дорд байр суурьтайг болон чи бол завхарсан, дуулгаваргүй гэдгээ л мэддэг боловч Бурхан өнөөдөр чам дээр хийж байгаа шүүлт, гэсгээлтээрээ дамжуулан Өөрийн авралыг тодорхой болгохыг хүсэж байгаа гэдгийг мэддэггүй бол чи цааш үргэлжлүүлж чадах нь байтугай туршлагажих ямар ч аргагүй байх болно. Бурхан хөнөөхийн тулд эсвэл устгахын тулд ирээгүй харин шүүж, харааж, гэсгээж, аврахын тулд ирсэн юм. Түүний 6,000 жилийн удирдлагын төлөвлөгөөний төгсгөлөөс өмнө—Тэр хүний ангилал бүрийн төгсгөлийг тодорхой болгохоос өмнө—газар дээрх Бурханы ажил нь авралын төлөө бөгөөд энэ нь бүгд Түүнийг хайрладаг хүмүүсийг бүрэн дүүрэн болгож, тэднийг Өөрийн ноёрхолдоо буцаан авчрахын төлөө юм. Бурхан хүмүүсийг хэрхэн авардаг нь хамаагүй энэ нь бүхэлдээ, тэднийг сатаны хуучин зангаас нь салгаснаар хийгддэг; өөрөөр хэлбэл тэднээр амийг эрэн хайлгуулснаар Тэр тэднийг авардаг. Хэрвээ тэд амийг эрж хайхгүй бол тэд Бурханы авралыг хүлээн авах ямар ч аргагүй болно. Аврал бол Бурханы Өөрийн ажил бөгөөд авралыг хүлээн авахын тулд хүний эзэмших ёстой зүйл нь амийг эрж хайх юм. Хүний нүдээр аврал бол Бурханы хайр бөгөөд Бурханы хайр нь гэсгээлт, шүүлт, хараал байж болохгүй; аврал нь хайр, энэрэл болон цаашлаад тайтгарлын үгсийг агуулах ёстой мөн Бурханы хайрладаг хязгааргүй их ерөөлийг агуулах ёстой. Бурхан хүнийг аврах үедээ Өөрийн ерөөл болон нигүүлслээр дамжуулан тэдний сэтгэлийг хөдөлггөж, тэдний зүрх сэтгэлийг Өөртөө өгүүлснээр үүнийг хийдэг гэж хүмүүс итгэдэг. Өөрөөр хэлбэл хүний сэтгэлийг хөдөлгөх үедээ Тэр тэднийг авардаг. Ийм аврал нь наймаа хийгдэж байгаа аврал юм. Бурхан тэдэнд зуу дахин ихийг өгөх үед л хүн Бурханы нэрийн дор очиж, Бурханы төлөө сайн ажиллахаар, Түүнд алдрыг авчрахаар хичээдэг. Энэ бол хүн төрөлхтний төлөөх Бурханы хүсэл биш юм. Бурхан завхарсан хүн төрөлхтнийг аврахын тулд газар дээр ажиллахаар ирсэн—үүнд ямар ч худал хуурмаг зүйл байхгүй; эс бөгөөс ажлаа хийхийн тулд Тэр Өөрийн биеэр ирэхгүй байх байсан нь мэдээж. Өмнө нь Түүний авралын арга барил хамгийн их хайр, энэрлийг харуулж байсан бөгөөд Тэр бүх хүн төрөлхтний оронд Өөрт байгаа бүхнээ Сатанд өгсөн юм. Өнөөдөр өнгөрсөн үетэй огт адилгүй: Өнөөдөр та нарын аврал эцсийн өдрүүдэд, бүх зүйл өөрсдийн төрлийнхөө дагуу ангилагдах үед тохиолдож байгаа; та нарыг аврах арга барил нь хайр эсвэл энэрэл биш, харин хүнийг илүү бүрэн дүүрэн аврахын төлөөх гэсгээлт шүүлт юм. Тиймээс та нарын хүлээн авдаг бүхэн нь гэсгээлт, шүүлт болон өршөөлгүй цохилт байх боловч энэ хэрцгий цохилтонд өчүүхэн төдий ч шийтгэл байхгүй гэдгийг мэдэж ав, Миний үг хэчнээн хатуу ширүүн байхаас үл хамааран та нарт тохиолддог зүйл нь ердөө та нарт тун хэрцгий санагддаг цөөхөн хэдэн үг байдаг гэдгийг мэдэж ав, мөн Миний уур хэчнээн их байхаас үл хамааран та нарт ирдэг зүйл нь мөн л сургаалын үг бөгөөд Би та нарыг хорлох гээгүй эсвэл үхэлд аваачих гээгүй гэдгийг мэдэж ав. Энэ нь бүгд баримт биш гэж үү? Өнөөдөр зөвт шүүлт эсвэл хэрцгий цэвэршүүлэлт, гэсгээлт байсан ч бүгд авралын төлөө байдаг гэдгийг мэдэж ав. Өнөөдөр бүх зүйлийг төрөл төрлөөр нь ангилж эсвэл хүний ангиллуудыг ил гаргаж байгаа эсэхээс үл хамааран Бурханы бүх айлдварууд болон ажил нь Бурханыг үнэхээр хайрладаг хүмүүсийг аврахын төлөө байдаг. Зөвт шүүлт нь хүнийг ариусгахын тулд, хэрцгий цэвэршүүлэлт нь хүнийг цэвэрлэхийн тулд, хатуу үг эсвэл цээрлүүлэлт нь бүгд ариусгахын тулд болон авралын төлөө байдаг. Тиймээс өнөөдрийн авралын арга барил нь өнгөрсөн үеийнхтэй адилгүй. Өнөөдөр зөвт шүүлт нь та нарыг авардаг ба энэ нь та нарыг төрөл төрлөөр нь ангилах сайн хэрэгсэл бөгөөд хайр найргүй гэсгээлт нь та нарт дээд зэргийн авралыг авчирдаг—энэхүү гэсгээлт, шүүлтийн нүүрэн дээр та нар юу хэлэх юм бэ? Та нар эхнээсээ дуустлаа авралыг эдлээгүй гэж үү? Та нар бие махбодтой болсон Бурханыг харсан ба Түүний бүхнийг чадагч чадварыг болон мэргэн ухааныг ухаарсан; цаашлаад та нар олон удаагийн цохилт болон сахилгажуулалтыг туулсан. Гэхдээ та нар бас дээд зэргийн нигүүлслийг хүлээн аваагүй гэж үү? Та нарын ерөөл өөр хэнийхээс ч илүү их биш гэж үү? Та нарын нигүүлсэл нь Соломоны эдэлсэн алдар болон эд баялгаас илүү элбэг дэлбэг билээ! Энэ талаар бодоод үз: Хэрвээ Миний ирсэн зорилго та нарыг аврахын тулд биш харин яллаж, шийтгэхийн тулд байсан бол та нарын амьдрал ийм удаан үргэлжлэх байсан гэж үү? Мах цустай нүгэлт оршихуй болох та нар өнөөдрийг хүртэл амьд үлдэж чадах байсан уу? Хэрвээ энэ нь зөвхөн та нарыг шийтгэхийн төлөө байсан бол Би яагаад бие махбодтой болж, ийм том ажил үйлс эхлүүлэх юм бэ? Та нар шиг чадваргүй амьтдыг шийтгэхэд ганцхан үг хэрэгтэй биш гэж үү? Та нарыг ялласныхаа дараа Би та нарыг устгах сэтгэлтэй байсаар байх уу? Та нар Миний энэ үгсэд одоо ч итгэхгүй л байна уу? Би ердөө хайр, энэрлээр л дамжуулан хүнийг аварч чадах уу? Эсвэл Би хүнийг аврахын тулд зөвхөн цовдлол ашиглах уу? Миний зөвт зан чанар нь хүнийг бүрэн дуулгавартай болгоход илүү тохиромжтой биш гэж үү? Энэ нь хүнийг бүрэн дүүрэн аварч чадахгүй гэж үү?

                Би зөвхөн үг хэлж, хүний махан биеийг шийтгэхгүй байгаа болохоор хэдий Миний үгс хатуу байж болох ч тэдгээр нь бүгд хүний авралын төлөө хэлэгддэг. Эдгээр үгс нь хүнийг гэрэлд амьдруулж, гэрэл оршин байдгийг мэдүүлж, гэрэл бол эрхэм нандин гэдгийг мэдүүлж, үүнээс ч илүүтэйгээр эдгээр үгс нь хүнд хэр ач тустайг мэдүүлж мөн Бурхан бол аврал гэдгийг мэдүүлдэг. Хэдийгээр Би гэсгээлт, шүүлтийн олон үгийг хэлсэн боловч тэдгээр нь та нар дээр үнэндээ хийгдээгүй. Би Өөрийн ажлыг хийхээр, Өөрийн үгийг хэлэхээр ирсэн бөгөөд хэдийгээр Миний үг хатуу байж болох ч тэдгээр нь та нарын завхрал болон тэрслүү байдлыг шүүн хэлэгддэг. Үүнийг хийх Миний зорилго нь хүнийг Сатаны эзэмшлээс аварч, хүнийг аврахад Өөрийн үгийг ашиглах явдал хэвээр үлддэг; Миний зорилго бол Өөрийн үгээр хүнийг хорлох явдал биш. Миний үг хатуу болохоор Миний ажил үр дүнд хүрч болох юм. Зөвхөн ийм байдлаар ажилласнаар л хүн өөрсдийгөө мэдэж авч, өөрсдийн тэрслүү зан чанараасаа салж чадна. Үгний ажлын хамгийн их ач холбогдол нь, үнэнийг ойлгосныхоо дараа үнэнийг хэрэгжүүлж, өөрсдийн зан чанартаа өөрчлөлт гаргаж, өөрсдийнхөө тухай болон Бурханы ажлын тухай мэдлэгтэй болох боломжийг хүмүүст олгодог. Зөвхөн үг хэлснээр дамжуулан ажиллах арга барил нь Бурхан болон хүний хоорондын харилцааг холбодог бөгөөд зөвхөн үг л үнэнийг тайлбарлаж чадна. Ийм байдлаар ажиллах нь хүнийг байлдан дагуулах хамгийн сайн арга барил; үгний айлдваруудаас гадна өөр ямар ч арга нь хүнд үнэн болон Бурханы ажлын талаар илүү тодорхой ойлголт өгөх чадваргүй, иймээс Өөрийн ажлын сүүлчийн үе шатанд хүний ойлгодоггүй бүх үнэн болон нууцуудыг хүнд ил болгохын тулд Бурхан хүнтэй ярьдаг бөгөөд жинхэнэ зам болон Бурханы амийг олж авч тэгснээрээ Бурханы хүслийг хангалуун болгох боломжийг тэдэнд олгодог. Хүн дээр хийх Бурханы ажлын зорилго нь тэд Бурханы хүслийг хангалуун болгохын төлөө байдаг бөгөөд энэ нь бүгд хүнийг аврахын тулд хийгддэг, тиймээс хүнийг аврах хугацаандаа Тэр хүнийг шийтгэх ажил хийдэггүй. Хүнийг аврах хугацаандаа Бурхан мууг шийтгэж, сайныг шагнадаггүй, мөн Тэр бүх төрлийн хүмүүсийн хүрэх газрыг ч илчилдэггүй. Үүний оронд Түүний ажлын эцсийн үе шат дууссаны дараа л Тэр мууг шийтгэж, сайныг шагнах ажлыг хийх бөгөөд зөвхөн тэр үед л Тэр бүх өөр төрлийн хүмүүсийн төгсгөлийг илчлэх болно. Шийтгэгдэх хүмүүс нь үнэндээ аврагдаж чадахгүй байх болно, харин тэгэхэд аврагдах хүмүүс нь хүнийг аврах Түүний авралын хугацаанд Бурханы авралыг хүртсэн хүмүүс байх болно. Бурханы авралын ажлын хугацаанд аврагдаж чадах бүх хүмүүс нь дээд хязгаартаа хүртэл аврагдах бөгөөд Бурханы ажлын зорилго нь хүнийг аврах явдал учраас тэдний хэн нь ч хаягдахгүй. Бурхан хүнийг аврах хугацаанд өөрсдийн зан чанартаа өөрчлөлт гаргаж чадаагүй бүх хүмүүс болон Бурханыг бүрэн дуулгавартай дагаж чадаагүй бүхэн нь бүгд шийтгэлийн бай болох болно. Ажлын энэ үе шат—үгний ажил нь—өөрсдийнх нь ойлгодоггүй бүх замууд болон нууцуудыг хүнд ил болгодог болохоор хүн Бурханы хүслийг болон хүнд тавих Бурханы шаардлагыг ойлгодог бөгөөд ингэснээр тэд Бурханы үгийг хэрэгжүүлж, өөрсдийн зан чанартаа өөрчлөлт гаргах нөхцөлтэй болдог. Бурхан Өөрийн ажлыг хийхдээ зөвхөн үгийг ашигладаг бөгөөд бага зэрэг тэрслүү байгаагийнх нь улмаас хүмүүсийг шийтгэдэггүй, учир нь одоо үе бол авралын ажлын үе билээ. Хэрвээ тэрслүү байсан хүн бүхэн шийтгэгдсэн бол хэн ч аврагдах боломжгүй байх байсан; тэд бүгд шийтгэгдэж, Үхэгсдийн орон руу унах байсан. Хүнийг шүүх үгний зорилго нь өөрсдийгөө мэдэж, Бурханд дуулгавартай байх боломжийг тэдэнд олгохын төлөө юм; энэ нь, үгний шүүлтийн арга барилаар тэднийг шийтгэхийн төлөө биш юм. Үгний ажлын хугацаанд олон хүмүүс өөрсдийн тэрслүү байдал болон эсэргүүцлийг ил гаргах бөгөөд тэд бие махбодтой болсон Бурханд хандах өөрсдийн дуулгаваргүй байдлыг ил гаргах болно. Гэхдээ Тэр үүний улмаас энэ бүх хүмүүсийг шийтгэхгүй, үүний оронд Тэр зөвхөн голдоо хүртэл завхарсан агаад аврагдаж чадахгүй хүмүүсийг л хаях болно. Тэр тэдний махан биеийг Сатанд өгөх бөгөөд цөөхөн хэдэн тохиолдолд тэдний махан биеийг дуусгавар болгоно. Үлдсэн хүмүүс нь үргэлжлүүлэн дагаж, харьцалт болон засалтыг туулах болно. Хэрвээ дагаж байх зуураа тэд харьцалт болон засалтыг хүлээн зөвшөөрч чадахгүй хэвээр байж, улам илүү дордвол эдгээр хүмүүс аврагдах боломжоо алдах болно. Үгний байлдан дагуулалтыг хүлээн зөвшөөрсөн хүн нэг бүр аврагдах асар их боломжтой байх болно. Эдгээр хүмүүсийн нэг бүрийг аврах Бурханы аврал нь тэдэнд Түүний дээд зэргийн хүлээцтэй чанарыг харуулдаг өөрөөр хэлбэл тэдэнд дээд зэргийн тэвчээрийг харуулдаг. Хүмүүс буруу замаас буцсан цагт, тэд гэмшиж байгаа цагт Бурхан тэдэнд Түүний авралыг хүртэх боломжийг олгох болно. Хүмүүс эхлээд Бурханы эсрэг босох үед, тэднийг үхүүлэх хүсэл Бурханд байдаггүй харин оронд нь Тэр тэднийг аврахын тулд чадах бүхнээ хийдэг. Хэрвээ хүн үнэхээр аврагдах боломжгүй бол Бурхан тэднийг хаях болно. Бурхан аврагдаж чадах бүхнийг аврахыг хүсдэг учраас Бурхан хэн нэгнийг шийтгэхдээ удаан байдаг. Тэр зөвхөн үгээр хүмүүсийг шүүж, гэгээрүүлж, удирдан чиглүүлдэг бөгөөд тэднийг үхүүлэхийн тулд саваа ашигладаггүй. Хүмүүсийг аврахын тулд үгийг ашиглах нь ажлын сүүлчийн үе шатны зорилго болон ач холбогдол юм.