Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХОРИН ЗУРГААДУГААР БҮЛЭГ

Миний хөвгүүд ээ, Миний үгийг анхааралтай сонс, Миний дуу хоолойг чимээгүй сонс, Би чамд илчлэх болно. Миний дотор чимээгүй бай, учир нь Би чиний Бурхан, Би та нарын цорын ганц Золин Аврагч. Та нар зүрх сэтгэлээ цаг үргэлжид тайван байлгаж, Миний дотор амьдар; Би чиний хад, та нарын дэмжигч. Өөр санаа тээлгүй, үнэн сэтгэлээсээ Намайг түш, Би та нарт мэдээжийн хэрэг харагдах болно—Би та нарын Бурхан! Аа тэр эргэлзэгчид! Тэд мэдээж бат зогсож чадахгүй, юу ч олж авахгүй. Одоо ямар цаг үе гэдгийг, ямар чухал цаг үе гэдгийг мэдэх ёстой! Ямар чухал цэг билээ! Ямар ч хэрэггүй зүйлсийн талаар самгардах хэрэггүй; үтэр түргэн Надад ойрт, Надтай нөхөрлө, Би та нарт бүх нууцыг илчилнэ.

Та нар Ариун Сүнсний заадаг бүх үгийг сонсох ёстой; замын хажуугаар тэдгээрийг бүү унагаа. Маш олон удаа та нар Миний үгийг сонссон ч, мартсан. Өө, бодолгүй хүмүүс! Та нар маш их ерөөлийг алдсан! Одоо та нар Миний үгийг болгоомжтой, чухалчилж сонс, Надтай илүү их нөхөрлөж, Надад улам ойрт. Би ойлгодоггүй бүхнийг чинь чамд зааж өгч, та нарыг урагш хөтөлнө. Бичиг үсэг, хоосон сургаал номлодог хүмүүс олон бий, Миний бодит байдлыг чин сэтгэлээсээ эзэмшдэг хүмүүс хэтэрхий цөөн тул бусад хүмүүстэй нөхөрлөхөд их анхаарал бүү тавь. Тэдний нөхөрлөлийг сонсох нь хэрхэн урагшлахаа мэдэхгүйгээр будилж, мэдрэлээ алдахад чамайг хүргэх болно. Хэдий тэднийг сонслоо ч, бичиг үсэг болон хоосон сургаалын талаар бага сагыг л мэдэж авна. Чи алхаа, гишгээгээ болгоомжтой харж, зүрх сэтгэлээ хамгаалж, үргэлж Миний өмнө амьдарч, Надтай ярилцаж, Надад ойртох ёстой ба Би ойлгохгүй байгаа зүйлийг чинь харуулна. Чи юу хэлж ярихаа анзаарч, цаг үргэлжид зүрх сэтгэлээ анхааралтай ажиглаж, Миний алхдаг замаар алхах ёстой.

Одоо удахгүй ээ, цаг бага үлдсэн. Надаас бусад бүх зүйлийг хаяхаар яаравчил, ирээд Намайг дага! Би та нарт зохисгүй хандахгүй. Маш олон удаа та нар Миний үйлдлүүдийг буруугаар ойлгосон, гэтэл та нарт ямар их хайртайг минь чи мэдэх бил үү? Аа, та нар Миний зүрх сэтгэлийг ердөө ойлгодоггүй. Өнгөрсөнд Надад хэр их эргэлзэж, Надад хэчнээн их өртэй байсан ч Би үүнийг чинь санахгүй. Харин ч би та нарыг урагшлуулж, Өөрийн хүслийн дагуу үйлдүүлэхийн тулд та нарыг сонгосон.

Одоо үе бол огт хойшлуулж болохгүй цаг үе юм. Хэрэв одооноос ямар нэгэн өөр санаа зорилгыг тээх аваас Миний шүүлт та нарт тохиолдоно. Хэрвээ намайг нэг агшин л орхих аваас та нар Лотын эхнэр мэт болох болно. Ариун Сүнсний ажлын алхам одоо хурдаа нэмж байгаа ба шинэ гэрэлтэй хөл нийлүүлж чадахгүй хүмүүс аюулд өртөнө. Хянуур байдаггүй хүмүүс хаягдана; та нар өөрсдийгөө хамгаалах ёстой. Чамайг хүрээлэн буй бүх орчин Миний зөвшөөрлөөр оршдог гэдгийг мэдэх хэрэгтэй, Би бүгдийг нь зохицуулдаг. Миний чамд өгсөн орчинд Миний зүрх сэтгэлийг тодорхой харж, зүрх сэтгэлийг минь хангалуун байлга. Бүү ай, олон түмний Төгс Хүчит Бурхан гарцаагүй чамтай хамт байна; Тэр та нарыг хамгаалж, бамбай чинь болно. Өнөөдөр хүмүүст хэтэрхий олон үзэл байдаг бөгөөд энэ нь Намайг, бусдад дорд үзэгддэг хүмүүсээр л дамжуулж Өөрийн хүслийг илэрхийлэх боломжтой болгодог; биеэ өмөөрдөг, ихэрхүү, бардам, хэрээс хэтэрсэн хүсэлтэй, их зантай бүхэн ичих болно. Миний ачаанд чин сэтгээлээсээ анхаарал хандуулж л байвал Би та нарын төлөө бүхнийг бэлдэнэ. Зүгээр л Намайг дага!

Өмнөх:ХОРИН ТАВДУГААР БҮЛЭГ

Дараах:ХОРИН ДОЛООДУГААР БҮЛЭГ

Холбогдох агуулга

  • НЭРШИЛ БОЛОН ЯЛГАМЖ ЧАНАРЫН ТАЛААР

    Хэрвээ чи Бурханаар ашиглагдахад тохирсон байхыг хүсвэл Бурханы ажлыг мэдэх ёстой; өмнө нь Түүний хийсэн (Шинэ болон Хуучин Гэрээний) ажлыг мэдэх ёст…

  • ТӨГСГӨЛИЙН ҮГ

    Хэдийгээр эдгээр үгс нь Бурханы бүх илэрхийлэл биш боловч тэдгээр нь, Бурханыг мэдэж, зан чанараа өөрчлөх хүмүүсийн зорилгыг биелүүлэхэд хангалттай юм…

  • ЗАМ… (6)

    Бурханы ажлын улмаас бид өнөө үед хүрэлцэн ирсэн. Иймээс бид бүгд Бурханы удирдлагын төлөвлөгөөний амьд үлдэгсэд бөгөөд биднийг өнөөг хүртэл авч үлд…

  • БУРХАНЫ ӨНӨӨДРИЙН АЖЛЫГ МЭДДЭГ ХҮМҮҮС Л БУРХАНД ҮЙЛЧИЛЖ БОЛНО

    Бурханыг гэрчилж, агуу улаан лууг шившиглэхийн тулд чамд зарчим болоод нөхцөл байх ёстой: Зүрх сэтгэлдээ чи Бурханыг хайрлаж, Бурханы үгэнд орох ёстой…