Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

28-Р БҮЛЭГ

Цаг хугацаа маш богино бөгөөд Ариун Сүнсний ажил хурдан урагшилж, ийм агуу ерөөл хүртэн, ертөнцийн Хаан, гэрэлт Нар болох Төгс Хүчит Бурхан, хаанчлалын Хааныг хүлээн авахад чамайг хүргэж байгааг чи харж байна—энэ бүгд нь Миний нигүүлсэл болон өршөөл билээ. Чамайг Миний хайраас салгах зүйл юу байх билээ? Сайтар тунгаа, зугтах гэж бүү оролд, агшин тутамд Миний өмнө тайван хүлээ, битгий үргэлж гадуур сэлгүүц. Зүрх сэтгэл чинь Миний зүрх сэтгэлтэй ойрхон наалдах ёстой бөгөөд юу ч тохиолдсон бай аливааг сохроор, эсвэл дур зоргоороо хийх ёсгүй. Миний хүсэлд найдаж, Миний хүссэн болгоныг хийх ёстой ба Миний хүсээгүйг орхихоор сэтгэл шулуудсан байх ёстой. Чи сэтгэл хөдлөлдөө автан үйлдэж болохгүй, харин оронд нь Миний адилаар зөвт байдлыг хэрэгжүүлэх ёстой; эцэг, эхдээ ч уяхан сэтгэл гаргах нь хүлээн зөвшөөрч боломгүй юм. Чи үнэнд нийцдэггүй бүхнийг хаяж, Надад өөрийгөө өргөж, Намайг хайрладаг ариун зүрх сэтгэлээр Миний төлөө зарлагадах ёстой. Ямар нэг хүн, юмс болон зүйлийн хяналтад бүү зов; Миний хүсэлтэй нийцэж л байвал Миний үгийн дагуу хэрэгжүүл. Миний гар чамайг дэмжих учир бүү ай, Би чамайг муу бүхнээс гарцаагүй хамгаалах болно. Чиний амь Миний аминд түшиглэж амьдардаг учир чи зүрх сэтгэлээ хамгаалж, үргэлжид Миний дотор байх хэрэгтэй; хэрвээ чи Намайг орхивол тэр дороо хатах болно.

Одоо бол эцсийн өдрүүд гэдгийг чи мэдэх хэрэгтэй. Архирах арслан мэт диавол Сатан залгих хүмүүсээ хайн гэтэж явдаг. Бүх төрлийн тахал одоо ихээр дэлгэрч байгаа ба олон өөр төрлийн муу ёрын сүнснүүд байдаг. Зөвхөн Би л жинхэнэ Бурхан; зөвхөн Би чиний хоргодох газар. Чи одоо л Миний дотор, Миний нууц газарт нуугдаж болох ба аюул гамшиг чамд тохиолдохгүй, ямар ч гай зовлон чиний майхан руу ойртохгүй. Чи Надад илүү ойртож, Надтай нууц газар нөхөрлөх ёстой; бусад хүмүүстэй дур зоргоороо бүү нөхөрлө. Чи Миний үгийн утгыг ойлгох ёстой, Би чамайг нөхөрлөж болохгүй гэж хэлээгүй, гагцхүү чамд одоо ялган таних чадвар алга. Энэ үед муу ёрын сүнснүүдийн хийсэн ажил хурдан тархаж байна. Тэд чамд бүхий л төрлийн хүмүүсээр дамжуулан нөхөрлөл өгдөг. Тэдний үг маш сайхан сонсогддог ч дотроо хор агуулдаг. Тэдгээр нь чихрээр бүрсэн сумнууд бөгөөд чамайг мэдэхээс өмнө дотор чинь хор суулгах болно. Өнөөдрийн ихэнх хүмүүс согтуу мэт тогтворгүй гэдгийг чи мэдэх хэрэгтэй. Хэцүү бэрхшээлтэй байх үедээ бусадтай нөхөрлөвөл, тэдний чамд хэлдэг зүйл нь ердөө дүрэм болон хоосон сургаал л байх болно, энэ нь Надтай шууд нөхөрлөж байгаатай адил сайн биш. Миний өмнө ирж, дотроо байгаа хуучин зүйлсийг бүрэн уудлан гарга, Надад зүрх сэтгэлээ нээ, Миний зүрх сэтгэл чамд гарцаагүй илчлэгдэнэ. Чиний зүрх сэтгэл Миний өмнө хичээнгүй байх ёстой. Залхуу бүү бай, харин оронд нь Надтай байнга ойртох ёстой; энэ бол амь чинь өсөх хамгийн хурдан зам юм. Чи миний дотор амьдрах ёстой ба Би чиний дотор амьдрах болно, Би чиний дотор Хаан болон хаанчилж, бүх зүйл дээр чамайг чиглүүлэх бөгөөд чи хаанчлалын хувь хүртэнэ.

Өөрийгөө залуу гэж бүү үл ойшоо; чи Надад өөрийгөө өргөх хэрэгтэй. Би хүмүүсийн гадна үзэмж болон нас сүүдрийг хардаггүй. Би зөвхөн Намайг чин сэтгэлээсээ хайрладаг эсэхийг нь, мөн бусад бүх зүйлийг үл хайхран Миний замыг дагаж, үнэнийг хэрэгжүүлдэг эсэхийг нь л хардаг. Маргааш ямар байх, эсвэл ирээдүй ямар байх талаар бүү санаа зов. Өдөр бүр амьдрахдаа Надад найдсаар байгаа цагт Би чамайг гарцаагүй чиглүүлэх болно. Сатаны илгээсэн санаа болох “Миний амь хэтэрхий төлөвшөөгүй, би юу ч ойлгодоггүй” гэсэн санаатай зууралдах хэрэггүй. Надад байнга ойртохын тулд, Миний мөрийг замын төгсгөл хүртэл дагахын тулд өөрийнхөө зүрх сэтгэлийг л ашигла. Чи Миний зэмлэл болон сэрэмжлүүлэг, мөн сэрээх үгийг сонсвол тэр дороо урагш гүйх ёстой; Надтай ойртохоо бүү зогсоо, сүргийн мөртэй эн зэрэгцэж, урагш тэмүүлсээр бай. Миний өмнө чи бүх зүрх сэтгэл, сүнсээрээ өөрийн Бурханыг хайрлах ёстой. Үйлчлэх замд Миний үгийг ойлгох гэж хичээ. Үнэнийг хэрэгжүүлэхдээ чи сул дорой зүрх сэтгэлтэй байх ёсгүй, харин ч хүчтэй зүрх сэтгэлтэй, эрэгтэй хүүхдийн шийдэмгий байдал, хатуужил, тэвчээртэй зүрх сэтгэлтэй байх ёстой. Хэрвээ Намайг хайрламаар байвал, Миний чамд гүйцэтгэхийг хүсэж байгаа бүх зүйлээр чи Намайг хангалуун байлгах ёстой. Хэрэв Намайг дагахыг хүсвэл чи байгаа бүхнээ, хайрладаг бүхнээ хаяж, Миний өмнө даруухнаар дуулгавартай байж, энгийн оюун санаатай байх ёстой ба таамгаараа аливааг судалж, анхаарч үзэх ёсгүй; чи үргэлж Ариун Сүнсний ажилтай эн зэрэгцэх ёстой.

Би чамд зөвлөгөө өгье: Чиний дотор гэгээрүүлсэн бүхнээс минь чи зуурч, хэрэгжүүлэх ёстой!

Өмнөх:27-Р БҮЛЭГ

Дараах:29-Р БҮЛЭГ

Холбогдох агуулга

  • ЗАМ… (6)

    Бурханы ажлын улмаас бид өнөө үед хүрэлцэн ирсэн. Иймээс бид бүгд Бурханы удирдлагын төлөвлөгөөний амьд үлдэгсэд бөгөөд биднийг өнөөг хүртэл авч үлд…

  • ЗОЛИН АВРАЛЫН ЭРИН ҮЕИЙН АЖЛЫН ЦААД ҮНЭН ТҮҮХ

    Миний бүхий л удирдлагын төлөвлөгөө болох зургаан мянган жилийн удирдлагын төлөвлөгөө нь эхний Хуулийн эрин үе; Нигүүлслийн эрин үе (энэ нь бас Золин…

  • БҮЛЭГ

    Хүн төрөлхтний төрөлхийн зан араншингийн, өөрөөр хэлбэл хүн төрөлхтний жинхэнэ нүүр царайны дагуу одоог хүртэл “үргэлжлүүлэх” чадвартай байх нь үнэхээ…

  • АЖИЛ БА ОРОЛТ (10)

    Хүн төрөлхтөн өдий хүртэл ахиж дэвшсэн нь урьд өмнө тохиолдож байгаагүй нөхцөл байдал юм. Бурханы ажил, хүний оролт зэрэгцэн урагшилдаг тул Бурханы аж…