Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ГУРАВДУГААР БҮЛЭГ

Ялгуусан Хаан алдар суут сэнтийдээ заларна. Тэрээр золин авралыг гүйцэлдүүлж, Өөрийн бүх ардыг алдартайгаар гарч ирэхэд удирдан хөтөлсөн юм. Тэрээр орчлон ертөнцийг гартаа атгаж, бурханлаг мэргэн ухаан болон сүр хүчээрээ Cионыг барьж, батжуулсан. Сүр жавхлангаараа Тэр муу ертөнцийг шүүдэг; Тэрээр бүх үндэстэн, бүх хүн, газар дэлхий, тэнгис далай хийгээд тэдгээрт оршин буй бүхий л амьд зүйлийг, мөн түүнчлэн садар самууны дарсанд согтогсдыг шүүдэг. Бурхан тэднийг шүүж, тэдэнд уурсах нь гарцаагүй бөгөөд үүгээр Бурханы сүр жавхлан илчлэгдэнэ. Ийм шүүлт нь эгшин зуур, сааталгүйгээр хийгдэнэ. Бурханы уур хилэнгийн гал жигшүүрт гэмт хэргийг нь шатааж, гай гамшиг хэдийд ч хамаагүй тэдэнд тохиолдоно; тэд зугтан зайлах ямар ч арга зам мэдэхгүй, нуугдах ямар ч газаргүй байх ба уйлж, шүдээ хавирна, тэд өөрсдөдөө сүйрэл авчирна.

Бурханы ялгуусан хайрт хөвгүүд Сионд үлдэх нь эргэлзээгүй бөгөөд хэзээ ч үүнийг орхин явахгүй. Олон түмэн Түүний дуу хоолойг сайтар сонсож, Түүний үйлдэлд анхаарал хандуулах бөгөөд Түүнийг магтах дуу хоолой нь хэзээ ч зогсохгүй. Цорын ганц жинхэнэ Бурхан гарч ирлээ! Бид сүнсээрээ Түүнд итгэлтэй болох бөгөөд Түүнийг ойр дотно дагаж, эргэлзээгүйгээр урагш тэмүүлэхийн тулд чадах бүхнээ хийнэ. Дэлхийн төгсгөл бидний өмнө дэлгэгдэж байгаа; чуулганы зөв зохистой амьдрал болон биднийг хүрээлэн буй хүмүүс, юмс, хэрэг явдал бидний сургуулилалтыг эрчимжүүлдэг. Дэлхий ертөнцийг дэндүү их хайрладаг зүрх сэтгэлээ буцаан авцгаа! Маш бүдэгхэн хараагаа буцаан ав! Бид хил хязгаарыг даван гарах вий гэсэндээ цааш алхахаа больж, мөн амаа хамхина, ингэснээр бид Бурханы үгээр амьдарч магад бөгөөд өөрсдийн ашиг, алдагдлын төлөө арцалдахаа болино. Шашны бус ертөнц болон эд хөрөнгөд дурладгаа зогсоо! Нөхөр, хөвгүүд, охидоо хайрлахаас өөрсдийгөө чөлөөл! Өөрсдийн үзэл санаа, атгаг сэжгээс татгалз! Сэр, учир нь хугацаа богино байна! Сүнсээрээ дээш хар, дээш хар, Бурханаар удирдуул. Лотын эхнэр шиг битгий бол. Хаягдана гэдэг маш өрөвдөлтэй! Ямар өрөвдөлтэй гээч! Сэр!

Өмнөх:ХОЁРДУГААР БҮЛЭГ

Дараах:ДӨРӨВДҮГЭЭР БҮЛЭГ

Холбогдох агуулга