26-Р БҮЛЭГ

Хэн Миний гэрт амьдарсан бэ? Хэн Миний төлөө зогссон бэ? Хэн Миний оронд зовсон бэ? Хэн Миний өмнө ам өчгөө өгсөн бэ? Өнөөг хүртэл Намайг дагасан ч хайхрамжгүй болоогүй хэн байна вэ? Яагаад хүмүүс бүгдээрээ хүйтэн хөндий, хатуу сэтгэлтэй байдаг юм бэ? Хүн төрөлхтөн яагаад Намайг орхисон бэ? Хүмүүс яагаад Надаас залхсан бэ? Хүний ертөнцөд яагаад халуун дулаан байдал байдаггүй вэ? Сионд байхдаа Би тэнгэрт байдаг халуун дулааныг амсаж, тэнгэрт байдаг ерөөлийг эдэлсэн. Дахин хүн төрөлхтний дунд амьдраад Би хүний ертөнцийн гашуун зовлонг амсаж, хүмүүсийн дунд байдаг янз бүрийн байр байдлыг бүгдийг нь Өөрийн нүдээр харсан. Хүн өөрөө ч мэдэлгүй Миний өөрчлөлттэй хамт өөрчлөгдөж, гагцхүү ийм маягаар өнөөдөртэй золгожээ. Миний төлөө юу ч хийж чаддаг бай гэж Би хүнээс шаарддаггүй, Миний дансыг өсгө гэж ч шаарддаггүй. Надад дуулгаваргүй хандахгүйгээр, эсвэл ичгүүрийн тэмдэг бололгүйгээр Миний төлөвлөгөөтэй зохицож, Надад хангинасан гэрчлэл хийж чаддаг байгаасай гэж л хүсдэг. Хүмүүсийн дунд Надад сайн гэрчлэл хийж, Миний нэрийг алдаршуулсан хүмүүс байсан, гэвч хүний хэрэгжүүлэлт, биеэ авч явах байдал Миний сэтгэлийг хангалуун болгож яахан чадах билээ? Хүн Миний хүсэлд нийцэж, Миний хүслийг биелүүлж яахан чадах вэ дээ? Газар дээрх уул ус, газар дээрх цэцэг ногоо, өвс ургамал, модод бүгд Миний гарын урыг харуулж, бүгд Миний нэрийн төлөө оршин тогтнодог. Гэтэл хүн яагаад Миний шаардсан стандартад хүрч чаддаггүй юм бэ? Адгийн дорд байдлаасаа болж тэр үү? Би түүнийг өргөмжилснөөс болоод тэр үү? Хүнд Би хэт харгис хандсанаас болоод тэр үү? Хүн Миний шаардлагаас яагаад цаг үргэлж айна вэ? Өнөөдөр хаанчлал дахь олон түмний дундаас та нар дуу хоолойг минь л сонсохоос биш, царайг минь харахыг яагаад хүсдэггүй юм бэ? Миний үгийг Миний Сүнстэй тааруулах гэж оролдолгүйгээр яагаад та нар зүгээр л харж байдаг юм бэ? Яагаад Намайг дээд тэнгэр, доод газарт тус тусад нь заагладаг юм бэ? Газар дээр байхдаа Би тэнгэрт байдгаасаа өөр байдаг гэж үү? Тэнгэрт байхдаа Би газарт буун ирж чадахгүй гэж үү? Газарт байхдаа Би тэнгэрт хүрэх үнэ цэнгүй байдаг юм гэж үү? Газарт байх үедээ Би дорд амьтан мэт, тэнгэрт байх үедээ Би өргөмжит оршихуй мэт, тэнгэр газрын дунд эвлэршгүй ан цав байгаа мэт байдаг. Гэвч хүний ертөнцийнхөн эдгээр зүйлийн гарал үүслийн талаар юу ч мэдэхгүй мэт байцгаан, Миний үг дуу чимээнээс цаашгүй, ямар ч утга учиргүй мэтээр үргэлж Миний эсрэг явж ирлээ. Бүх хүн Миний үгэнд зүтгэл гаргаж, гадаад байр байдлыг минь өөрсдөө шинжилдэг ч бүгд л үзүүлэх ямар ч үр дүнгүй бүтэлгүйтэж, оронд нь Миний үгэнд цохигдоод дахин босож зүрхэлдэггүй.

Хүн төрөлхтний итгэлийг турших үед минь нэг ч хүн жинхэнэ гэрчлэл хийж чаддаггүй, нэг ч хүн бүхнээ зориулж чаддаггүй; харин ч зүрх сэтгэлээ Надад булаалгачих гэж байгаа мэтээр хүн мөн л нуугдан, сэтгэлээ нээхээс татгалзсаар байдаг. Иов хүртэл шалгалтад хэзээ ч үнэхээр тууштай зогсоогүй, мөн зовлон шаналал дунд сайхан байдал гаргаагүй. Хавар цагийн дулаанд бүх хүн ялимгүй ногоордог; өвлийн хүйтэн жаварт тэд хэзээ ч ногооноороо байдаггүй. Яс арьс болж, турж эцсэн биеийн хэмжээтэй хүн Миний санаа зорилгыг биелүүлж чадахгүй. Бүх хүн төрөлхтний дунд бусдадаа үлгэр дуурайл болох нэг ч хүн байхгүй, учир нь хүмүүс үндсэндээ адилхан, нэг нэгээсээ бараг ялгаагүй, өөр хоорондоо ялгарах зүйл багатай. Иймээс хүмүүс өнөөдөр ч гэсэн Миний ажлыг бүрэн дүүрэн мэдэх чадваргүй хэвээр байна. Миний гэсгээлт бүх хүн төрөлхтөн дээр буух үед л хүмүүс Миний ажлыг өөрийн эрхгүй мэддэг болно, мөн Би юу ч хийгээгүй, хэнийг ч албадаагүй байхад хүмүүс Намайг мэдэж аваад, улмаар Миний ажлыг харна. Энэ бол Миний төлөвлөгөө, Миний үзүүлсэн ажлын нэг тал бөгөөд хүний мэдэх ёстой зүйл юм. Хаанчлалд үй олон бүтээгдсэн зүйл дахин сэргэж, амийн хүчээ дахин олж авч эхэлдэг. Газар дэлхийн байр байдал өөрчлөгдсөний улмаас нутаг хоорондын хил хязгаар ч бас өөрчлөгдөж эхэлдэг. Өмнө нь Би ингэж зөгнөсөн: Газар нь газраас тасарч, газар нь газартай нэгдэх үед Би үндэстнүүдийг бут цохино. Энэ үед Би бүх бүтээлийг шинэчлэн бүхий л орчлон ертөнцийг дахин хуваарилж, улмаар орчлон ертөнцийг эмх цэгцэд оруулж, хуучин байр байдлыг нь шинэ болгон хувиргана. Энэ бол Миний төлөвлөгөө. Эдгээр нь Миний ажил. Дэлхийн улс үндэстэн, ард түмэн бүгд Миний сэнтийн өмнө буцаж ирэх үед Би тэнгэрийн бүх хишгийг аваад хүний ертөнцөд хүртээнэ, ингээд хүний ертөнц Миний ачаар зүйрлэшгүй хишгээр бялхах болно. Гэхдээ хуучин ертөнц оршсоор байгаа цагт Би Өөрийн уур хилэнг улс үндэстнүүд рүү нь буулгаж, захиргааны зарлигаа орчлон ертөнц даяар ил тод зарлаж, түүнийг зөрчсөн хэнд ч гэсгээлт үзүүлнэ:

Намайг үг хэлэхээр орчлон ертөнцийн зүг царайгаа хандуулахад бүх хүн төрөлхтөн Миний дуу хоолойг сонсож, орчлон ертөнц даяар Миний хийсэн бүх ажлыг хардаг. Миний хүслийн эсрэг явдаг хүмүүс буюу хүний үйл хэргээр Намайг эсэргүүцдэг хүмүүс Миний гэсгээлт дор унана. Би тэнгэр дэх тоймгүй олон одыг авч шинэчилнэ, Миний ачаар нар сар ч шинэчлэгдэнэ—хурмаст тэнгэр урьдынхаасаа өөр болно; газар дээрх тоо томшгүй олон зүйл шинэчлэгдэнэ. Миний үгээр дамжуулан бүх зүйл бүрэн дүүрэн болно. Орчлон ертөнц дэх олон үндэстэн шинээр хуваагдаж, Миний хаанчлалаар солигдоно, ийнхүү газар дээрх үндэстнүүд үүрд үгүй болж, Намайг шүтэн мөргөдөг нэг хаанчлал болно; газар дээрх бүх үндэстэн сөнөж, оршин тогтнохоо болино. Орчлон ертөнц дэх хүмүүсээс диаволд харьяалагддаг нь бүгд устана; Сатаныг шүтдэг бүх хүн Миний дүрэлзсэн галд унана. Өөрөөр хэлбэл, одоо энэ урсгалд байгаа хүмүүсээс бусад нь үнс нурам болно. Олон ард түмнийг гэсгээх үед минь шашны ертөнц дэх хүмүүс цагаан үүл хөлөглөн айсуй Ариун Нэгнийг харсан байх тул Миний ажлаар байлдан дагуулагдаж, янз бүрийн түвшинд Миний хаанчлалд эргэн ирнэ. Бүх хүн төрлөө дагаж, хийсэн үйлээсээ хамааран янз бүрийн гэсгээлт хүртэнэ. Миний эсрэг зогссон хүмүүс бүгд мөхнө; газар дээрх үйл хэрэг нь Надтай хамаагүй байсан хүмүүс харин биеэ авч явсан байдлаасаа үүдэн Миний хөвгүүд, Миний ардын засаглал дор энэ дэлхийд оршсоор байна. Би тоо томшгүй олон хүн, тоймгүй олон үндэстэнд Өөрийгөө илчилж, агуу ажлынхаа биелэлтийг газар дэлхий дээр Өөрийн дуу хоолойгоор тунхаглан, бүх хүн төрөлхтөн үүнийг өөрсдийнхөө нүдээр харна.

Дуу хоолой минь эрчимжих зуур Би орчлон ертөнцийн байр байдлыг ч бас ажиглаж байгаа. Бүтээгдсэн үй олон зүйл бүгд Миний үгээр шинэчлэгддэг. Тэнгэр өөрчлөгдөж, газар ч бас өөрчлөгддөг. Хүн төрөлхтөн анхдагч хэлбэрээрээ ил болж, хүмүүс дор бүрнээ төрлийнхөө дагуу гэр бүлийнхээ тэвэрт буцан очих замаа аажмаар, санаандгүй олно. Үүнийг Би ихэд таална. Би саад тотгороос ангид бөгөөд хэн ч мэдээгүй байхад Миний агуу ажил гүйцэлдэж, хэн ч мэдээгүй байхад бүтээгдсэн үй олон зүйл өөрчлөгддөг. Би дэлхийг бүтээхдээ бүх зүйлийг төрлөөр нь загварчилж, хэлбэр дүрстэй бүх зүйлийг өөрсдийнх нь төрөлтэй хамт тавьсан. Миний удирдлагын төлөвлөгөөний төгсгөл ойртож байгаа тул Би бүтээлийн хуучин байр байдлыг сэргээн бүх зүйлийг анхдагч байдалд нь оруулж, бүхнийг ул суурьтай өөрчилнө, ингэснээр бүх зүйл Миний төлөвлөгөөнд эргэж ирнэ. Цаг нь иржээ! Миний төлөвлөгөөний сүүлчийн үе шат дуусах гэж байна. Аяа, бузар хуучин ертөнц өө! Чи Миний үгийн дор гарцаагүй унана! Миний төлөвлөгөөгөөр чи гарцаагүй юу ч үгүй болно! Аяа, бүтээгдсэн үй олон зүйл ээ! Та бүгд Миний үгэн дотроос шинэ амь олж авна—та нар одоо захирагч Эзэнтэй болно! Аяа, цэвэр ариун, өө сэвгүй шинэ ертөнц өө! Миний алдар дотор чи гарцаагүй сэргэнэ! Аяа, Сион Уул аа! Чимээгүй байхаа боль. Би ялгууснаар эргэж ирлээ! Бүтээлийн дундаас Би бүх газар дэлхийг шинждэг. Газар дээр хүн төрөлхтөн шинэ амьдрал эхэлж, шинэ итгэл найдвартай болсон. Аяа, Миний ардууд аа! Миний гэрэл дор та нар эргэн амилахгүй байж яаж чадах юм бэ? Миний удирдамж дор та нар баярлан дэвхцэхгүй байж яаж чадах юм бэ? Газар баясан хашхирч, ус хөгжөөнтэйгөөр инээн долгилж байна! Аяа, дахин амилсан Израиль аа! Миний урьдчилан тогтоосныг чи бахдахгүй байж яаж чадах юм бэ? Хэн мэгшин уйлсан бэ? Хэн цурхиран уйлсан бэ? Хуучны Израиль үгүй болж, өнөөгийн Израиль дэлхий дээр өндийн, сүндэрлэн байгуулагдаж, бүх хүн төрөлхтний зүрх сэтгэлд бослоо. Өнөөдрийн Израиль Миний ардаар дамжуулан оршин тогтнолын эх үүсвэрт гарцаагүй хүрнэ! Аяа, заналт Египет ээ! Чи Миний эсрэг зогсохоо болио байлгүй дээ? Чи Миний өршөөлийг далимдуулж, Миний гэсгээлтээс зугтаахыг оролдож яаж чадна вэ? Чи Миний гэсгээлт дотор оршихгүй байж яаж чадах юм бэ? Миний хайрладаг бүх хүн гарцаагүй үүрд мөнх амьдарна, харин Миний эсрэг зогсдог бүхнийг Би гарцаагүй мөнхөд гэсгээнэ. Би хартай Бурхан учраас хүний хийсэн бүхнийг амархан хэлтрүүлэхгүй. Би бүхий л газрыг ажиглан харж, зөвт байдал, сүр жавхлан, уур хилэн болоод гэсгээлттэйгээр ертөнцийн зүүн зүгт гарч ирээд Өөрийгөө тоймгүй олон хүнд илчилнэ!

1992 оны 3 дугаар сарын 29

Өмнөх: ХҮМҮҮС ЭЭ, БҮГД БАЯРЛАН ХӨӨРЦГӨӨ!

Дараах: 27-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ЗАЛБИРЛЫГ ХЭРЭГЖҮҮЛЭХ ТУХАЙ

Та нар өдөр тутмын амьдралдаа залбиралд анхаарал хандуулдаггүй. Хүмүүс залбирлыг үргэлж орхигдуулж ирсэн. Өмнөх залбирал нь хүн Бурханы...

15-Р БҮЛЭГ

Хүн бол өөрийгөө мэддэггүй амьтан юм. Гэхдээ өөрийгөө ч мэдэж чадахгүй атлаа тэр бусад бүх хүнийг гарын алга шигээ мэддэг ба бусдын хийсэн,...

10-Р БҮЛЭГ

Хаанчлалын эрин үе нь эцсийн эцэст өнгөрсөн үеэс ялгаатай. Энд хүн яаж авирладаг нь хамаагүй; харин ч Би ажлаа биечлэн гүйцэтгэхээр газар...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх