Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ЖАРАН ГУРАВДУГААР БҮЛЭГ

Өөрийн нөхцөл байдлыг ойлго, түүнчлэн алхах хэрэгтэй замынхаа талаар тодорхой мэд; чихийг чинь нээж, чамд аливааг заахыг Надаас хүлээхээ боль. Би хүний зүрх сэтгэлийн гүнийг ажигладаг Бурхан бөгөөд чиний бодол, санаа нэг бүрийг мэддэг, түүгээр ч зогсохгүй чиний үйлдэл, зан авирыг ойлгодог. Харин чиний үйлдэл ба зан авир Миний амлалтыг агуулдаг уу? Миний хүслийг агуулдаг уу? Чи үнэхээр үүнийг хайж үзсэн үү? Чи үнэхээр энэ зүйлд ямар нэг цаг хугацаа зарцуулсан уу? Чи үнэхээр ямар нэгэн хүчин чармайлт гаргасан уу? Би чамайг шүүмжилж байгаа юм биш. Та нар зүгээр л энэхүү талыг үл тоомсорлодог! Та нар үргэлж будилдаг ба юуг ч тодорхой харж чаддаггүй. Үүний шалгаан нь юу болохыг чи мэдэх үү? Учир нь та нарын бодол санаа тодорхой бус бөгөөд үзэл чинь хэтэрхий бат бэхэжсэн, мөн үүн нэмээд та нар Миний хүсэлд ямар ч анхаарал тавьдаггүй. Зарим хүн, “Бид таны хүсэлд ямар анхаарал хандуулдаггүй гэж Та яаж хэлж чадаж байна вэ? Бид байнга Таны хүслийг ойлгохоор хичээж байна, гэхдээ бид үүнийг хэзээ ч ухаарч чаддаггүй, тиймээс бид юу хийж чадах юм бэ? Биднийг ямар ч хүчин чармайлт гаргадаггүй гэж Та үнэхээр хэлж чадах уу?” гэх болно. Чамаас асууя: Чи Надад үнэхээр үнэнч гэж хэлж зүрхлэх үү? Мөн өөрсдийгөө туйлын үнэнчээр Надад өргөдөг гэж хэн хэлж зүрхлэх вэ? Та нарын дундаас нэг нь ч ингэж хэлж чадахгүй гэдгээс Би айдаг. Учир нь та нарт бүгдэд нь өөрсдийн сонголт болон дуртай зүйл байдаг, үүнээс ч илүүтэйгээр өөрсдийн гэсэн санаа зорилго байдаг гэдгийг хэлэх нь илүүц юм. Ов мэхтэй бүү бай! Зүрх сэтгэлдээ боддог бүхнийг чинь Би аль эрт сайтар ойлгосон; Би үүнийг одоо ч гэсэн тодруулах шаардлагатай юу? Чи бүх талаас (өөрийн бодол, санаа, өөрийн ярьдаг бүхэн, үг бүр, хийдэг үйл хөдлөл бүрийнхээ санаа зорилго болон сэдэл) илүү их шалгах ёстой; ийм маягаар чи бүх тал руу орж, түүнээс ч илүүтэйгээр өөрийгөө бүрэн гүйцэд үнэнээр зэвсэглэж чадна.

Би та нарт ийм маягаар хэлээгүй бол та нар Миний хүсэлд анхаарлаа хандуулах ямар ч хүсэлгүй, өдөржингөө махан биеийн зугаа цэнгэлийг хүсэмжлэн одоог хүртэл мунгинах байсан. Би та нарыг аврахын тулд Өөрийн хайрын гарыг үргэлж ашиглаж байна, та нар үүнийг мэдэх үү? Та нар үүнийг ухаарсан уу? Би чамайг чин сэтгэлээсээ хайрладаг; чи чин сэтгэлээсээ Надад хайртай гэж хэлж зүрхлэх үү? Өөрөөсөө асуу, чи өөрийн бүх үйлдлийг шалгуулахаар Миний өмнө үнэхээр ирж чадах уу? Чи өөрийн бүх зан авирыг Надаар үнэхээр шалгуулж чадах уу? Би чамайг замбараагүй, өөрийгөө хамгаалахаар зүтгэдэг гэж хэлдэг. Миний шүүлт чам дээр ирдэг; одоо чи үнэнийг ухаарах ёстой! Миний ярьдаг бүхэн үнэн бөгөөд чиний доторх бодит нөхцөл байдлыг заан үзүүлдэг. Аяа, хүн төрөлхтөн! Харьцахад маш хэцүү юм. Бодит нөхцөл байдлыг чинь онцлон заах үед л та нар зүрх сэтгэлдээ болон үгээрээ үнэмшсэн. Хэрвээ Би үүнийг хийдэггүй бол та нар өөрсдийн хуучин үзэл санаатай үргэлж зууралдаж, өөрсдийн бодох арга барилаас зуурч, та нараас илүү ухаантай хэн ч газар дэлхий дээр байхгүй хэмээн боддог. Энэ нь өөрийгөө зөвтгөж байгаа хэрэг биш үү? Чи өөрийнхөө сэтгэл ханамж болон бардамналд ташуурч, биеэ тоосон, ихэрхүү байгаа хэрэг биш үү? Одоо чи үүнийг ухаарах ёстой! Өөрийгөө ухаантай, эсвэл ер бусын гэж бүү бод, харин ч өөрийнхөө дутагдал болон сул талыг байнга мэдэж байх ёстой. Ингэвэл Намайг хайрлах шийдвэр чинь багасахгүй, харин улам илүү хүчтэй болж, нөхцөл байдал чинь улам дээрдэнэ; хамгийн гол нь чиний амь өдөр өдрөөр өсөж дэвших болно.

Миний хүслийг ойлгох үедээ чи өөрийгөө мэдэж, тэгснээр Намайг илүү сайн мэдэж, Миний талаарх итгэл чинь өсөх болно. Одоо энэ цаг мөчид хэрэв хэн нэгэн Надад ерэн хувь итгэлтэй байж чадахгүй, харин нэг хоромд дээш, дараагийн хоромд доош болж, халуун, хүйтнээр үлээдэг бол тэр хүн гарцаагүй орхигдон хаягдах бай юм гэж Би хэлнэ. Үлдсэн арван хувь нь бүхэлдээ Миний гэрээрэл, гэрэлтүүлэлтээс хамаардаг, тийнхүү Надад зуун хувь итгэлтэй болдог. Яг одоо буюу өнөөдөр хэчнээн хүн ийм биеийн хэмжээнд хүрч чадах вэ? Би чамд Өөрийн хүслийг тасралтгүй илчилж байгаа бөгөөд чиний дотор амийн мэдрэмж зогсолтгүй явагддаг, гэтэл чи яагаад Сүнсний дагуу үйлддэггүй юм бэ? Чи алдаа гаргахаас айж байна уу? Тэгвэл яагаад чи сургуулилтад огт анхаарал хандуулдаггүй юм бэ? Би чамд хэлье, чи ганц хоёр удаа оролдоод Миний хүслийг ухаарч чадахгүй; үйл явц байх ёстой. Би өмнө нь үүнийг олон удаа хэлж байсан, гэтэл чи яагаад үүнийг хэрэгжүүлдэггүй юм бэ? Чи өөрийгөө дуулгаваргүй байгаа гэж бодохгүй байна уу? Чи ямар нэг хүчин чармайлт гаргаж, эсвэл аливаад ямар нэг цаг хугацаа зарцуулахыг огт хүсэхгүйгээр бүх зүйлийг агшин зуур дуусгахыг хүсдэг. Чи ямар мунхаг, үүнээс ч илүүтэйгээр ямар мэдлэггүй юм бэ!

Би Өөрийн үгийг зөөлрүүлэхгүйгээр аливаа зүйлийн талаар байнга ярьдгийг та нар мэдэхгүй гэж үү? Та нар яагаад үргэлж авхаалжгүй, хөшүүн, ухаангүй байдаг юм бэ? Та нар өөрсдийгөө илүү их шалгаж, ямар нэг ойлгохгүй зүйл байвал Миний өмнө байнга ирэх ёстой. Би чамд хэлье, Би Өөрийнхөө өмнө та нарыг ирүүлэхийн тулд энэ бүх өөр өөр арга замаар ярьдаг; ийм урт хугацааны дараа яагаад та нар одоо хүртэл ойлгодоггүй юм бэ? Миний үг та нарыг будилуулсан болохоор уу? Эсвэл та нар Миний үг нэг бүрийг нухацтай хүлээж аваагүйгээс үү? Та нар Миний үгийг харахдаа өөрсдийнхөө талаар сайн мэдлэгтэй болж, Надад өртэй, эсвэл Миний хүслийг ухаарч чадахгүй байна гэж хэлдэг. Тэгээд дараа нь? Чи зүгээр л Бурханд итгэдэг хүн биш юм шиг, эдгээр зүйлтэй ямар ч холбоогүй мэт байдаг. Чи өөртөө боловсруулж тунгаах цаг өгөхгүйгээр мэдээллийг зүгээр л ховдоглон идэж байгаа биш гэж үү? Миний үгийг таашаахдаа чи, Миний үгэн дотроос хүслийг минь ойлгох гэж хэзээ ч оролдохгүйгээр, морин дэл дээр давхихдаа цэцэгсийг зэрвэс гүйлгэн харж байгаатай адил байдаг. Хүмүүс яг л ийм байдаг: Тэд үргэлж даруу харагдах дуртай байдаг бөгөөд энэ төрлийн хүн хамгийн жигшмээр байдаг. Тэд бусадтай нөхөрлөхөөр цугларах үедээ үргэлж бусад хүмүүсийн өмнө өөрсдийнхөө мэдлэгийг хуваалцах дуртай, мөн өөрсдийгөө Миний ачаанд анхаарал хандуулдаг нэгэн мэт бусдад харагдуулдаг, харин үнэн хэрэгтээ тэд бол хамгийн тэнэг мунхгууд юм. (Миний тухай жинхэнэ ойлголт болон мэдлэгийг тэд ах эгч нартайгаа нөхөрлөдөггүй, харин үүний оронд өөрсдийгөө бусдын өмнө харуулж гайхуулдаг; тэд Намайг доромжилж, дорд үзэж байгаа тул Би энэ хүмүүсийг хамгийн их үзэн яддаг.)

Би та нарт Өөрийн агуу гайхамшгийг олон удаа харуулдаг—та нар тэдгээрийг харж чадахгүй байна уу? Бодит байдал гэгч нь Намайг чин сэтгэлээсээ хайрладаг хүмүүсийн амьдран харуулдаг зүйл юм—та нар үүнийг хараагүй гэж үү? Энэ бол та нар Намайг мэдэж чадах хамгийн шилдэг нотолгоо биш гэж үү? Энэ нь Намайг илүү дээр гэрчилдэггүй гэж үү? Гэвч та нар үүнийг таньж мэддэггүй. Надад хэлээч, Сатаны завхруулсан, бохир, бузар энэ замбараагүй дэлхий дээр хэн бодит байдлыг амьдран харуулж чадах вэ? Хүмүүс бүгд ялзарсан, хоосон биш гэж үү? Ямартай ч, Миний үг дээд цэгтээ хүрсэн; эдгээрээс илүү амархан ойлгож болохуйц үг байхгүй. Адгийн тэнэг ч Миний үгийг уншиж, ойлгох боломжтой, тийм болохоор та нар ердөө ямар ч хүчин чармайлт гаргаагүй юм биш үү?

Өмнөх:ЖАРАН ХОЁРДУГААР БҮЛЭГ

Дараах:ЖАРАН ДӨРӨВДҮГЭЭР БҮЛЭГ

Холбогдох агуулга