66-Р БҮЛЭГ

Миний ажил одоогийн үе шат хүртэл үргэлжилж, бүгд Миний гарын ухаалаг зохицуулалтуудыг дагаж, мөн Миний агуу амжилт боллоо. Хүмүүсийн дундаас хэн ийм зүйл хийж чадах вэ? Харин ч тэд Миний удирдлагад саад болдоггүй гэж үү? Гэхдээ хэн ч Миний оронд Миний ажлыг хийж чадахгүй, саад болж бүр ч чадахгүй, учир нь Миний хэлж, хийдэг зүйлсийг хэлж, хийж чадах хэн ч байхгүй гэдгийг чи мэдэх ёстой. Хэдий тийм ч, хүмүүс ухаалаг Төгс Хүчит Бурхан Намайг мөн л мэддэггүй! Чи гаднаа Намайг ил тод эсэргүүцэж зүрхэлдэггүй ч зүрх сэтгэл болон оюун санаандаа өөрийгөө Миний эсрэг тавьдаг. Тэнэгүүд! Намайг хүний дотоод зүрх сэтгэлийг хардаг Бурхан гэдгийг мэддэггүй юм уу? Би үг, үйлдэл бүрийг чинь хардгийг мэддэггүй юм уу? Би чамд хэлье, Би амнаасаа дахин хэзээ ч зөөлөн үг айлдахгүй. Харин ч бүгд хатуу шүүлтийн үг байх бөгөөд тэсэж чадах эсэхийг чинь Би харна. Одоогоос эхлэн, зүрх сэтгэл нь Надад ойр биш хүмүүс буюу Намайг чин сэтгэлээсээ хайрладаггүй хүмүүс бол Намайг ил тод эсэргүүцдэг хүмүүс юм.

Өнөөдөр, Ариун Сүнсний ажлын урьдын арга барил хэрэглэгдэхээ болих цэгт хүрч, харин оронд нь шинэ арга барилд орсон. Надтай эергээр, идэвхтэйгээр хамтран ажилладаггүй хүмүүс Үхэгсдийн орон буюу үхлийн хөндий рүү унана (энэ хүмүүс үүрд мөхөх болно). Шинэ арга барил бол энэ: Хэрвээ зүрх сэтгэл, оюун санаа чинь зөв биш бол Миний шүүлт чам дээр тэр даруй ирнэ, энэ нь дэлхий ертөнц, эд баялаг, гэр бүл, нөхөр, эхнэр, хүүхдүүд, эцэг эх, хоол, унд, хувцас хунар болон сүнсний ертөнцийн гадна орших ийм бүх зүйлтэй зууралдах явдлыг хамардаг. Ариун хүмүүсийн гэгээрэл улам бүр ил болно, өөрөөр хэлбэл, амийн мэдрэмжүүд улам бүр илт болж, байнга хөдөлгөөнд байна. Өчүүхэн төдий саад тотгор үүсгэсэн хэн боловч гамшигт унаж, амийн уралдааны зам дээр хол хоцорно. Хайхрамжгүй, сүсэг бишрэлтэйгээр эрж хайдаггүй хүмүүсийг Би бүрмөсөн орхиж, нэгийг нь ч үлдээлгүйгээр бүгдийг нь үл ойшоох бөгөөд тэд мянган жилийн турш гамшигт зовж зүдэрнэ. Гал цогтойгоор эрж хайдаг хүмүүс буюу үргэлж саад болдог хүмүүсийн мэдлэггүй байдлыг хаяж, тэднийг Өөртөө үнэнч болгоно, түүнчлэн тэд мэргэн ухаан, оюун ухаантай болж, улмаар бүр ч их итгэлтэйгээр эрж хайна. Өөрийн ууган хөвгүүдэд өгөх ерөөлүүдээ Би хоёр дахин ихэсгэж, Миний хайр цаг үргэлжид та нарт ирнэ. Би цаг үргэлжид та нарыг харж, хамгаалдаг бөгөөд та нарыг Сатаны торонд унагахгүй. Би Өөрийн ажлыг бүх хүний дунд явуулж эхэлсэн, өөрөөр хэлбэл, Би өөр нэгэн ажлын төслийг нэмсэн; энэ хүмүүс бол мянган жилийн турш Христэд үйлчлэл үзүүлдэг хүмүүс бөгөөд асар олон тооны хүмүүс Миний хаанчлал руу шавна.

Миний хөвгүүд ээ, та нар сургалтаа эрчимжүүлэх ёстой. Дааж аваад, хийж дуусгах ёстой ихээхэн ажил та нарыг хүлээж байгаа. Та нар хурдан төлөвшиж, Миний даалгасан ажлыг дуусгаасай гэж л Би хүсдэг. Энэ бол та нарын ариун хариуцлага ба Миний ууган хөвгүүд та нарын гүйцэтгэх ёстой үүрэг билээ. Би та нарыг замын эцэс хүртэл хамгаалж, Надтай хамт үүрд аз жаргал эдлээсэй гэсэндээ та нарыг хамгаална. Та нарыг төгс болгохын тулд Би олон золиос гаргаж, олон орчныг зохицуулсан гэдэг баримтыг та нар дор бүрнээ мэдэж авах ёстой. Эдгээр нь бүгд Миний ерөөл гэдгийг та нар мэднэ биз дээ? Та нар бүгд Миний хайртай хөвгүүд. Намайг чин сэтгэлээсээ хайрласаар байгаа цагт Би та нарын нэгийг ч хаяхгүй, гэхдээ энэ нь Надтай эв зохицолтойгоор хамтран ажиллах чадвартай эсэхээс чинь хамаардаг.

Өмнөх: 65-Р БҮЛЭГ

Дараах: 67-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

10-Р БҮЛЭГ

Хаанчлалын эрин үе нь эцсийн эцэст өнгөрсөн үеэс ялгаатай. Энд хүн яаж авирладаг нь хамаагүй; харин ч Би ажлаа биечлэн гүйцэтгэхээр газар...

АЖИЛ БА ОРОЛТ (10)

Хүн төрөлхтөн өдий хүртэл ахиж дэвшсэн нь урьд өмнө тохиолдож байгаагүй нөхцөл байдал юм. Бурханы ажил, хүний оролт зэрэгцэн урагшилдаг тул...

24-Р БҮЛЭГ

Миний гэсгээлт бүх хүн дээр ирдэг мөртөө бүх хүнээс хол хэвээр байдаг. Хүн бүрийн бүхий л амьдрал Надад хандах хайр, үзэн ядалтаар дүүрсэн...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх