Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ЖАРАН НАЙМДУГААР БҮЛЭГ

Миний үг бүх улс орон, газар, үндэстэн, урсгалд хэрэгжиж, хэдийд ч булан тохой бүрд биелж байна. Хаа сайгүй тохиолддог гай гамшгууд нь хүмүүсийн хоорондох тулаан биш бөгөөд буу зэвсгээр ч байлддаггүй. Дараа нь дайн дажин гэж байхаа болино. Бүгд Миний гарт байна. Бүгд Миний шүүлттэй нүүр тулж, гай гамшиг дунд зовж зүдэрнэ. Намайг эсэргүүцдэг, Надтай хамтран ажиллах санаачилга гаргадаггүй хүмүүс янз бүрийн гай гамшгийн зовлон шаналлыг амсаг. Тэд үүрд уйлж, шүдээ хавирч, харанхуйд үүрд үлдэг. Тэд амьд үлдэхгүй. Би шулуун шударгаар, хөнгөн шаламгай үйлддэг бөгөөд урьд нь Надад хэчнээн үнэнч байсныг чинь харгалзан үздэггүй. Чи Намайг эсэргүүцсээр байгаа цагт Миний шүүлтийн гар огт цааргалалгүй, ганц секунд ч хүлээлгүй, ямар ч өршөөлгүйгээр уур хилэнгээ чам дээр үтэр түргэн гаргана. Би хэлсэндээ хүрдэг Бурхан гэдгээ чамд хэлсээр ирсэн. Миний хэлсэн үг бүр биелж, та нар бүгдийг нь харна.

Миний хайрт, Миний хөвгүүдэд агуу гамшиг мэдээж тохиолдохгүй. Би хөвгүүдээ агшин тутам, секунд бүрд харж хандана. Та нар тэрхүү шаналал, зовлонг туулахгүй нь гарцаагүй; харин ч энэ нь Миний хөвгүүдийг төгс болгож, Миний үг тэдэнд биелэхийн төлөө байдаг, ингэснээр та нар Миний бүхнийг чадагч байдлыг танин мэдэж, амиа өсгөж, Миний ачааг удалгүй үүрч, Миний удирдлагын төлөвлөгөөг гүйцэлдүүлэхийн төлөө өөрсдийгөө бүрэн зориулж болох юм. Үүнээс болоод чи талархаж, аз жаргалтай байж, баярлах хэрэгтэй. Би та нарт бүхнийг өгч, хяналтыг гартаа авахыг зөвшөөрнө. Хэрвээ хүү нь эцгийнхээ бүхий л хөрөнгийг өвлөж авдаг бол Миний ууган хөвгүүд та нар хэчнээн илүү ихийг авах билээ? Та нар үнэхээр ерөөгдсөн. Агуу гамшигт зовохын оронд та нар дуусашгүй ерөөл эдэлнэ. Яасан их алдар суу вэ! Яасан их алдар суу вэ!

Хурдаа нэмж, Миний мөрийг цаг үргэлж, газар сайгүй дага, бүү хоцор! Зүрх сэтгэл чинь Миний зүрх сэтгэлийг дагаг; оюун санаа чинь Миний оюун санааг дагаг. Надтай нэг зүрх сэтгэл, нэг оюун санаагаар хамтран ажилла. Надтай хамт идэж, амьдарч, эдэл! Та нарыг эдэлж, аваг гээд гайхалтай ерөөлүүд хүлээж байна. Миний дотор үнэхээр харьцуулшгүй элбэг дэлбэг байдал бий. Өчүүхнийг нь ч өөр хэн нэгэнд зориулж бэлтгээгүй—Би үүнийг бүхэлд нь Өөрийн хөвгүүдийн төлөө хийдэг.

Одоо, оюун санаанд минь байгаа зүйл биелнэ. Намайг та нартай ярьж дуусмагц эдгээр асуудал хэдийнээ гүйцэлдсэн. Ажил үнэхээр ийм хурдан үргэлжилж, хором бүрд өөрчлөгдөж байна. Хэрвээ та нарын анхаарал хором ч атугай хадуурах аваас, “төвөөс холдох” үзэгдэл тохиож, та нар маш хол хаягдаж, энэ урсгалыг орхих болно. Хэрвээ та нар чин сэтгэлээр эрж хайдаггүй бол Миний уйгагүй хичээл чармайлтыг хий дэмий болгоно. Хожим янз бүрийн улс үндэстний хүмүүс цаг үргэлжид цугларна. Одоогийн түвшнээрээ та нар тэднийг удирдаж чадах уу? Өөрийн даалгаврыг гүйцэлдүүлэх үүднээс Би та нарыг энэ богинохон хугацаанд сайн цэргүүд болгохоор нэгд нэггүй сургана. Та нар Миний нэрийг бүх талаар алдаршуулж, Надад гайхалтай гэрчлэл хийгээсэй гэж Би хүсдэг. Тэдний үзэн ядсан хүмүүс дээр нь зогсож, тэднийг удирдаж, захираг. Миний санаа зорилгыг ойлгож байна уу? Миний уйгагүй хичээл чармайлтыг ухаарав уу? Би энэ бүхнийг та нарын төлөө л хийдэг. Та нар Миний ерөөлийг эдэлж чадах эсэхээс энэ нь шалтгаалдаг.

Хүний оюун ухаан, зүрх сэтгэлийг хайдаг Бурхан Би газар дэлхийн зах хязгаар луу аялдаг. Хэн Надад үйлчлэхгүй байж зүрхлэх билээ? Бүх улс үндэстний дунд нөхцөл байдал хурцдаж, хорсолтойгоор тэмцэлддэг ч эцэст нь тэд Миний атганаас зугтахгүй. Би тэднийг амархан хэлтрүүлэхгүй нь лавтай. Тэдний үйлдэл, газар дэлхийн байр суурь, зугаа цэнгэлд үндэслэн нэг нэгээр нь шүүнэ. Би хэнийг ч өршөөхгүй. Миний уур хилэн илчлэгдэж эхэлсэн бөгөөд бүгд тэдэн дээр очно. Тэдэн дээр бүгд нэг нэгээрээ биелнэ, энэ нь бүхэлдээ тэдний өөрсөд дээрээ авчирсан зүйл байх болно. Намайг мэдэж чадаагүй, урьд нь Намайг жигшдэг байсан хүмүүс одоо Миний шүүлттэй нүүр тулна. Урьд нь Миний хөвгүүдийг хяхаж хавчсан хүмүүсийн тухайд бол, Би ялангуяа хэлсэн, хийсэн зүйлийнх нь дагуу гэсгээнэ. Би хүүхдүүдийг ч өршөөхгүй. Тэд бүгд Сатаны төрөл. Тэд юу ч хэлээгүй, хийгээгүй ч гэсэн, зүрх сэтгэлдээ Миний хөвгүүдийг үзэн ядах л юм бол Би нэгийг нь ч өршөөхгүй. Өнөөдөр засаглаж, эрх мэдэл барьдаг хүмүүс нь гарцаагүй тэд биш, харин энэ бүлэг хүмүүс бид гэдгийг Бид бүгдэд нь харуулна. Энэ шалтгааны улмаас, газар нутаг, өнцөг булан, шашин, урсгал болгонд Миний нэрийг алдаршуулж, гэрчилж, бүх орчлон ертөнцийн зах хязгаар хүртэл түгээхийн тулд та нар бүх хүч чадлаа улам их зориулж, чин сэтгэлээсээ өөрсдийгөө Миний төлөө зарлагадах ёстой.

Өмнөх:ЖАРАН ДОЛООДУГААР БҮЛЭГ

Дараах:ЖАРАН ЕСДҮГЭЭР БҮЛЭГ

Холбогдох агуулга