Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

60-Р БҮЛЭГ

Амь өснө гэдэг хялбар зүйл биш; энэ нь үйл явцыг шаарддаг, түүнчлэн төлөөс төлж, нэг санаатайгаар Надтай хамтарч ажиллах чадвартай байхыг та нараас шаарддаг бөгөөд ийм байдлаар та нар Миний магтаалыг хүртэнэ. Тэнгэр, газар болон бүх зүйл Миний амнаас гарах үгээр байгуулагдаж, бүрэн төгс болгуулсан ба Надтай хамт байхад юуг ч гүйцэтгэж болно. Миний цорын ганц хүсэл бол та нар хурдан өсөж, Миний мөрнөөс ачаа авч, өөрсдийн болгож, Миний өмнөөс Миний ажлыг хийх явдал бөгөөд энэ нь Миний зүрх сэтгэлийг хангана. Ямар хүү эцгийнхээ ачаанаас татгалзах билээ? Ямар эцэг хүүгийнхээ төлөө өдөр, шөнөгүй ажиллахгүй байх билээ? Гэтэл та нар Миний хүслийг ойлгодоггүй, Миний ачаанд хайхрамжгүй ханддаг, Миний үг та нарт нөлөөлдөггүй ба та нар Миний үгэнд хэлсэнчлэн хийдэггүй. Та нар үргэлж өөрсдийнхөө эзэн байдаг; ямар хувиа хичээсэн юм бэ! Та нар зөвхөн өөрсдийгөө л боддог!

Чи үнэхээр Миний хүслийг ойлгодог уу, эсвэл ердөө ойлгодоггүй дүр эсгэж байна уу? Яагаад чи үргэлж ийм садар араншин гаргадаг юм бэ? Шударгаар хэлэхэд, энэ чинь Миний зэрэгт хүрэх зам мөн үү? Өвчний учир шалтгааныг олох үедээ яагаад чи надаас эмчилгээ хүсэн нөхөрлөдөггүй юм бэ? Би чамд хэлье: Энэ өдрөөс эхлээд та нарын бие ямар ч өвчин тусахгүй. Хэрэв биеийн чинь аль нэгэн хэсэг сайнгүй санагдвал гадаад шалтгаан хайж цагаа бүү үр. Оронд нь, Миний өмнө ирж, Миний санаа зорилгыг мэдэхээр хичээ—үүнийг санаж явах уу? Энэ бол Миний амлалт: Энэ өдрөөс эхлээд та нар махан биеэсээ бүрмөсөн явж, сүнслэг ертөнцөд орох хэрэгтэй, тэгснээр та нарын бие цаашид өвчнөөр зовохгүй. Үүнд сэтгэл чинь ханаж байна уу? Баяр баясгалантай байна уу? Энэ бол Миний амлалт, цаашлаад та нарын удаан найдаж байсан зүйл. Өнөөдөр, ерөөгдсөн та нар дээр энэ нь биелдэг; хэчнээн хэмжээлшгүй, гайхалтай билээ!

Миний ажил өдөр, шөнөгүй, хором хормоор урагшлан, хэзээ ч зогсдоггүй. Яагаад гэвэл, Миний хойшлуулшгүй хүсэл бол чамайг Өөрийн зүрх сэтгэлийн дагуу болгох ба Миний зүрх сэтгэлийг та нар удалгүй тайтгаруулна. Миний хөвгүүд ээ! Миний сайны ерөөлөөс хуваалцах цаг чинь ирлээ! Өнгөрсөнд, Миний нэрийн төлөө та нар зовж шаналсан, харин одоо та нарын шалгалтын өдөр хоногууд дууслаа. Хэн нэгэн Миний хөвгүүдийн толгойн үсэнд хор хөнөөл учруулж зүрхлэх аваас Би тэднийг амархан өршөөхгүй бөгөөд тэд хэзээ ч чөлөөтэй байхгүй. Энэ бол Миний захиргааны зарлиг, үүнийг зөрчсөн хэн ч өөрийгөө аюулд учруулна. Миний хөвгүүд ээ! Сэтгэлээ ханатал баяс! Баярлан дуулж, хашхир! Та нар дээрэлхүүлэн, дарлагдахаа болино, хавчлагад өртөхөө болино. Та нар Надад, айдастайгаар үргэлжлүүлэн итгэхээ болих ёстой, итгэл чинь дэлхийд[a] нээлттэй болж болно. Миний ариун нэрийг дууд, тэгснээр энэ нь дэлхийн цаад хязгаарт нижигнэж болох юм. Өөрсдийнх нь дорд үзэж, сүйтгэж, тамлаж байсан хүмүүс өнөөдөр дээр нь зогсож, тэднийг удирдаж, захирч, бүр шүүж байгааг тэдэнд харуул.

Та нар өөрсдийнхөө оролтод л анхаар, Би та нарт илүү дээр ерөөлүүдийг хайрлана, тэгснээр та нар үүнийг эдэлж болох ба , харьцуулшгүй жаргалыг илүү сайн амталж, ухаарахад хэтэрхий гүн гүнзгий, дуусашгүй нууцыг нь гүнээ мэдрэх боломжийг эдгээр ерөөл олгоно!

Тайлбар:

a. Эх бичвэрт “дэлхийд” гэдэг үг байдаггүй.

Өмнөх:59-Р БҮЛЭГ

Дараах:61-Р БҮЛЭГ

Холбогдох агуулга

  • ЖИНХЭНЭ ХҮН БАЙХЫН УТГА УЧИР

    Хүнийг удирдах нь үргэлж Миний үүрэг байж ирсэн. Түүнчлэн хүнийг байлдан дагуулах нь дэлхийг бүтээж байхдаа Миний тогтоосон зүйл юм. Эцсийн өдрүүдэд Б…

  • БУРХАНЫ АЖИЛ, БУРХАНЫ ЗАН ЧАНАР БА БУРХАН ӨӨРӨӨ I

    Өнөөдөр бид нэг чухал сэдвийг ярилцъя. Энэ нь Бурханы ажил эхэлснээс хойш одоо хүртэл хэлэлцэж байгаа сэдэв бөгөөд хүн нэг бүрд тун чухал юм. Өөрөөр…

  • ХҮРЭХ ГАЗРЫНХАА ТӨЛӨӨ ХАНГАЛТТАЙ САЙН ҮЙЛ БЭЛД

    Би та нарын дунд их ажил хийсэн бөгөөд мэдээж нэлээд хэдэн айлдвар ч хэлсэн. Гэсэн ч Миний үг болон ажил эцсийн өдрүүд дэх ажлын маань зорилгыг бүрэн…

  • УДИРТГАЛ

    Хэдийгээр олон хүн Бурханд итгэдэг ч Бурханд итгэх итгэл гэж юу болохыг, мөн Түүний зүрх сэтгэлийн хойноос явахын тулд юу хийх ёстойгоо цөөн хүн л ойл…