Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ДАЛАН ЕСДҮГЭЭР БҮЛЭГ

Сохор юм! Мэдлэггүй юм! Үнэ цэнгүй, овоорсон новш! Чи Миний хэвийн хүн чанарыг Миний бүрэн бурханлаг чанараас салгадаг! Та нар үүнийгээ Миний эсрэг нүгэл гэж боддоггүй юу? Тэгээд ч энэ чинь уучлахад бэрх зүйл! Өнөөдөр практик Бурхан та нарын дунд ирээд буй боловч та нар Миний хэвийн хүн чанар гэсэн нэг л талыг мэддэг, харин бүрэн бурханлаг талыг минь огт харж байгаагүй. Миний араар хэн Намайг хуурахаар оролддогийг мэддэггүй гэж чи бодоо юу? Би одоо чамайг шүүмжлэлгүй, ямар түвшинд хүрэхийг чинь, бас эцсийн төгсгөл чинь ямар байхыг л харж байна. Би олон мянган үг хэлж, та нар ч олон муу зүйл хийлээ. Яагаад та нар Намайг хуурах гэж ахин дахин оролддог юм бэ? Амиа алдахаас болгоомжил! Хэрэв Миний уурыг тодорхой түвшинд өдөөвөл Би чамд өршөөл огт үзүүлэлгүй, хөөн явуулах болно. Би өмнө нь ямар байсныг чинь, үнэнч, шүтлэгтэй байсан эсэхийг чинь, Миний төлөө хэр их гүйж, хэчнээн зарлагдсан гэдгийг чинь харахгүй–Би эдгээр зүйлийг огт харахгүй. Чи Намайг одоо өдөх л юм бол Би чамайг ёроолгүй нүх рүү хаях болно. Намайг бас хуурахаар оролдож зүрхэлдэг хэн байна? Үүнийг санаж яв! Одоогоос эхлээд Би уурлавал хэн байх нь хамаагүй, чамайг даруй зайлуулж, тэгснээр хожмын гай бэрхшээл гэж үгүй, бас чамайг дахиж харахгүй болно. Намайг үл ойшоовол Би чамайг тэр дор нь гэсгээнэ, та нар үүнийг санаж явах уу? Ухаалаг хүмүүс даруй гэмших болно.

Өнөөдөр, өөрөөр хэлбэл одоо Би уур хилэнтэй байна. Та нар бүгд Надад үнэнч байж, өөрийн бүх оршихуйг Надад зориулах хэрэгтэй. Дахиж хойшлуулж болохгүй. Хэрэв Миний үгийг анхаарахгүй бол Би Өөрийн гарыг сунгаж, чамайг цохиж унагах болно. Үүгээр Би бүх хүнд Өөрийгөө мэдүүлэх ба өнөөдөр Би бүгдэд уур хилэнтэй, сүр жавхлантай байх болно (энэ нь Миний шүүлтээс ч хатуу). Би маш олон үг хэлсэн ч, та нар хариу үйлдэл огт үзүүлсэнгүй; та нар үнэхээр ийм сүйхээгүй юм уу? Би та нарыг тийм гэж бодохгүй байна, тийм үү? Та нарын доторх хөгшин диавол доог тохуу хийж байна–та нар үүнийг тодорхой хардаг уу? Яаравчилж, эрс өөрчлөлт гарга! Өнөөдөр, Ариун Сүнсний ажил энэ үе шатанд хүртэл ахиж дэвшлээ–та нар үүнийг хараагүй юу? Миний нэр дөрвөн зүг, найман зовхист, мөн бүх улс үндэстний айлаас айлд түгж, орчлон ертөнц даяар хөгшин, залуу хүмүүс ялгаагүй ам уралдан хашхирах болно; энэ бол туйлын үнэн. Би бол цор ганц Бурхан Өөрөө, түүнээс ч чухал нь Би бол Бурханы цорын ганц үнэн бие, бас Би, махбод бүхэлдээ Бурханы бүр ч бүрэн илрэл юм. Намайг хүндлэхгүй байж зүрхэлдэг, үл ойшоож байгаагаа нүдээрээ харуулж зүрхэлдэг, Миний эсрэг үл ойшоосон үг хэлж зүрхэлдэг хэн ч бай Миний хараал, уур хилэнгээс болж үхэх нь лавтай (Миний уур хилэнгээс хараал үүднэ). Мөн Надад үнэнч, ачлалтай биш байж зүрхэлдэг, Намайг мэхлэхээр оролдож зүрхэлдэг хэн боловч Миний үзэн ядалтад үхэх нь лавтай. Миний зөвт байдал, сүр жавхлан, шүүлт үүрдийн үүрд байх болно. Эхэндээ Би элэгсэг, өршөөнгүй байсан ч, энэ нь Миний бүрэн бурханлаг зан чанар биш юм; зөвт байдал, сүр жавхлан, шүүлт нь бүрэн төгс Бурхан Өөрөө болох Миний зан чанар билээ. Нигүүлслийн эрин үед, Би элэгсэг, өршөөнгүй байсан. Өөрийн дуусгах ёстой байсан ажлаас үүдэн Би хайр энэрэлтэй, бас өршөөлтэй байсан юм (тэр үеэс хойш огт байхгүй болсон). Миний хэвийн хүн чанар, Миний бүрэн бурханлаг чанарын хослолын бүрэн гүйцэд зан чанар нь бүгд зөвт байдал, сүр жавхлан, шүүлт юм.

Намайг мэддэггүй хүмүүс ёроолгүй нүхэнд мөхөж, Намайг бат мэддэг нь Миний хайранд халамжлуулж, хамгаалуулан үүрд амьдрах болно. Намайг нэг үг хэлэхэд бүх орчлон ертөнц нэг зах хязгаараас нөгөөд хүртэл тэр чигтээ чичирдэг–Миний үгийг сонсоод, айн чичрэхгүй байж хэн чадах вэ? Хэн Намайг хүндлэх зүрх сэтгэлтэй болж чадахгүй вэ? Хэн Миний үйл хэргээс Миний зөвт байдал, сүр жавхланг мэдэж чаддаггүй билээ! Хэн Миний үйл хэрэг дэх Миний төгс хүчит байдал, мэргэн ухааныг харж чаддаггүй билээ! Болгоомжгүй байдаг хэн ч бай үхэх нь лавтай. Учир нь болгоомжгүй байдаг хүмүүс бол Намайг үл ойшоодог, Намайг мэддэггүй хүмүүс бөгөөд хамгаас догшин тэргүүн тэнгэр элч юм. Өөрсдийгөө шалгацгаа–догшин, өөрийгөө зөвтгөдөг, ихэрхүү, биеэ тоосон хэн боловч Миний үзэн ядалтын бай болж, мөхөх болно!

Одоо Би Өөрийн хаанчлалын захиргааны зарлигийг сонордуулъя: Бүх зүйл Миний шүүлт, Миний зөвт байдал, Миний сүр жавхлан дотор байдаг бөгөөд зөвт байдлыг бүгдэд хэрэгжүүлдэг. Надад итгэдэг гэж хэлдэг ч зүрх сэтгэлдээ Надтай зөрчилддөг, эсвэл зүрх сэтгэл нь Намайг хаясан хүмүүс бүгд Миний тогтоосон цагт хөөгдөх болно. Хүмүүс анзаарахгүй байдлаар Миний тухай егөөдөн ярьдаг хүмүүс даруй үхэх болно (тэд сүнс, бие, сэтгэлээрээ үхнэ). Миний хайрладаг хүмүүсийг дарлаж, үл тоомсорлодог хүмүүсийг Миний уур хилэн даруй шүүх болно. Өөрөөр хэлбэл Миний хайрладаг хүмүүст атаархдаг, Намайг зөвт бус гэж боддог хүмүүсийг Өөрийн хайртай хүмүүсээр шүүлгэхээр шилжүүлэн өгөх болно. Төлөв томоотой, энгийн, үнэнч бүх хүн (мэргэн ухаан дутмаг хүмүүсийг оролцуулаад), мөн Миний хүсэлд гуйвшгүй чин үнэнчээр ханддаг бүх хүн Миний хаанчлалд үлдэх болно. Сургалтад ороогүй, өөрөөр хэлбэл, мэргэн ухаан, мэдлэгээр дутмаг энэ үнэнч хүмүүс Миний хаанчлалд эрх мэдэлтэй байх болно. Гэвч тэд ч бас харьцалт, эвдэлтийг туулсан. Тэд сургалтад хамрагдаагүй гэдэг нь зайлшгүй биш боловч эдгээр зүйлээр дамжуулан Би Өөрийн төгс хүчит байдал, мэргэн ухааныг хүн бүхэнд үзүүлэх болно. Би одоо Өөрт минь эргэлзсээр байгаа тэр хүмүүсийг хөөн явуулна, Надад тэднээс ганц нь ч хэрэггүй (энэ мэт цаг үед Надад эргэлзсэн хэвээр байдаг хүмүүсийг Би жигшдэг). Бүхий л орчлон ертөнц даяар Өөрийн хийдэг үйл хэргээр Би Өөрийн үйлдлийн гайхамшигт байдлыг үнэнч хүмүүст үзүүлж, тэгснээрээ тэдний мэргэн ухаан, мэдлэг, ялган таних чадварыг хөгжүүлнэ, мөн Өөрийн гайхамшигт үйл хэргийн дүнд Би зальхай хүмүүсийг хормын дотор устгана. Миний нэрийг хамгийн түрүүнд хүлээн зөвшөөрсөн бүх ууган хөвгүүн (ариун, хир толбогүй, үнэнч тэр хүмүүсийг хэлж байна) эхлээд хаанчлалд орж, бүх улс үндэстэн, бүхий л ард түмнийг Надтай хамт захирч, хаанчлалд хаан суун, хамтдаа бүх улс үндэстэн, бүх ард түмнийг шүүх болно (өөр хэнийг ч бус, хаанчлал дахь бүх ууган хөвгүүнийг хэлж байна). Бүх улс үндэстэн, бүх ард түмний дундаас шүүгдэж, гэмшсэн хүмүүс Миний хаанчлалд орж, Миний ардууд болох ба зөрүүд, гэмшдэггүй хүмүүс ёроолгүй нүхэнд (үүрд мөхөхөөр) хаягдах болно. Хаанчлал дахь шүүлт эцсийнх байх бөгөөд үүгээр хаягдах болно. Хаанчлал дахь шүүлт эцсийнх байх бөгөөд ний дундаас шүүгдэж, гэмшсэн , хамтдаа байхаа болино, тэр ч бүү хэл дэлхий ертөнц гэж байхгүй болно. Бүгд Христийн илрэл болж, бүгд Христийн хаанчлал байх болно. Аяа, суу алдартай яа! Аяа, суу алдартай яа!

Өмнөх:ДАЛАН НАЙМДУГААР БҮЛЭГ

Дараах:НАЯН ДӨРӨВДҮГЭЭР БҮЛЭГ

Танд таалагдаж магадгүй

  • ХҮРЭХ ГАЗРЫН ТУХАЙ

    Хүрэх газрыг дурдах бүрт бид түүнийг тусгайлан нухацтай авч үздэг; та бүгд энэ асуудал дээр онцгой мэдрэмтгий ханддаг билээ. Зарим хүмүүс сайхан газар…

  • БУРХАНЫ АЖЛЫН ҮЗЭГДЭЛ (2)

    Нигүүлслийн эрин үе нь гэмшлийн сайн мэдээг тунхагласан бөгөөд хүн итгэх л юм бол аврагдах байсан. Өнөөдөр авралын оронд байлдан дагуулалт болон төгс …

  • НЭН НОЦТОЙ АСУУДАЛ: УРВАЛТ (2)

    Хүний уг чанар Миний мөн чанараас тэс өөр; учир нь хүний ялзарсан уг чанар бүхэлдээ Сатанаас үүсэлтэй бөгөөд хүний уг чанарыг Сатан эвдэж бас ялзруул…

  • ГУЧИН ХОЁРДУГААР БҮЛЭГ

    Хүмүүс Надтай хамт цугларахад Миний зүрх сэтгэл баяр хөөрөөр дүүрдэг. Тэр даруй Би Өөрийн гар дахь ерөөлийг хүмүүсийн дунд хайрладаг ба тэгснээр хүмү…