1 Хүн хэр их үнэнийг ойлгодог ч бай, хэчнээн олон үүрэг биелүүлсэн ч бай, тэдгээр үүргийг биелүүлж байхдаа хэдий их зүйл туулсан ч бай, биеийн хэмжээ нь хэчнээн том ч бай, жижиг ч бай, эсвэл ямар орчинд байгаа ч бай, хийдэг бүхэндээ заавал Бурханд хандаж, Бурханд найдах ёстой. Энэ бол хамгийн агуу мэргэн ухаан юм. Хүн олон үнэнийг ойлгож авлаа ч гэсэн Бурханд найдахгүй байж болно гэж үү? Зарим хүн Бурханд жаахан удаан итгэснийхээ дараа зарим үнэнийг ойлгож авч, цөөн хэдэн шалгалт туулсан байдаг. Тэд жаахан бодит туршлагатай байж болох ч хэрхэн Бурханд хандаж, Бурханд найдахаа ойлгодоггүй. Ийм хүмүүс мэргэн ухаантай юу? Тэд хамгийн мунхаг хүмүүс бөгөөд өөрсдийгөө ухаалаг гэж бодогсод юм; тэд Бурханаас эмээж, муугаас зайлдаггүй.

2 Сүнслэг сургаалын талаар ихийг ярих нь үнэнийг ойлгодог гэсэн үг биш, мөн бүх зүйл дээр Бурханы хүслийг ойлгодог гэсэн үг бүр ч биш. Энд маш чухал хичээл бий: Хүмүүс хийдэг бүхэндээ Бурханд хандах ёстой. Хэрвээ тэд хийдэг бүхэндээ Бурханд ханддаг бол Бурханд найдаж чадах бөгөөд Бурханд найддаг хүмүүс л урагшлах замтай байдаг. Энд нэг ноцтой асуудал бий—хүмүүс өөрсдийн туршлага, ойлгодог дүрэм журам болон төсөөлдөг зарим зүйлд үндэслэн олон зүйлийг хийдэг. Тэгэх юм бол Бурханд хандаж, Бурханд найдахад нэлээд хэцүү, харин өөрийнхөө хүслээр үйлдэхэд амархан байдаг. Тийм хүмүүс ямар ч ёрын муу зүйл хийдэггүй байж болох ч Бурхан мөн л сэтгэл ханадаггүй. Тиймээс бүх зүйл дээр Бурханд хандаж, Түүнд найдах нь хамгийн агуу мэргэн ухаан билээ.

“Үг. III Боть: Эцсийн өдрүүдийн Христийн яриа. Бурханд итгэх итгэл дэлхий ертөнцийн ёрын муу чиг хандлагыг нэвт харснаар эхлэх ёстой”-оос шинэчлэн найруулав