114-Р БҮЛЭГ

Би энэ орчлон ертөнцийг бүтээсэн; Би уулc, гол мөрөн, бүх зүйлийг бүтээсэн; Би орчлон ертөнц болон газар дэлхийн зах хязгаарыг бүтээсэн; Би Өөрийн хөвгүүд болон ардуудыг хөтөлсөн; Би бүх зүйл болон юмсад тушаасан. Одоо, Би Өөрийн ууган хөвгүүдийг хөтлөн Өөрийн Сион уул руу, Өөрийнхөө амьдардаг газар луу буцах бөгөөд энэ нь Миний ажлын эцсийн алхам байх болно. Миний хийсэн бүхэн (дэлхийг бүтээснээс эхлээд одоог хүртэл хийсэн бүхэн) Миний ажлын өнөөдрийн үе шатны төлөө байсан бөгөөд түүнчлэн энэ нь маргаашийн засаглал, маргаашийн хаанчлалын төлөө, Би болон Миний ууган хөвгүүдийн үүрдийн таашаалын төлөө юм. Энэ нь бүх зүйлийг бүтээх Миний зорилго ба эцсийн амжилт байх болно. Миний хэлдэг, хийдэг зүйлд зорилго, төлөвлөгөө бий; юу ч санаандгүй хийгддэггүй. Миний хувьд бүх зүйл эрх чөлөөтэй, юунд ч баригддаггүй гэж Би хэлдэг ч, Миний хийдэг бүх зүйл зарчимтай бөгөөд Миний хийдэг бүхэн Миний мэргэн ухаан болон зан чанар дээр суурилдаг. Та нар үүний талаар ямар нэгэн зүйл харж байсан уу? Дэлхийг бүтээснээс эхлээд өнөөг хүртэл, Миний ууган хөвгүүдээс гадна, хэн ч Намайг мэдэж аваагүй, хэн ч Миний жинхэнэ царайг харж байгаагүй. Ууган хөвгүүдээс бусад гэж хэлдгийн учир нь ууган хөвгүүд бол Миний үнэн биеийн салшгүй хэсэг билээ.

Би дэлхийг бүтээхдээ Өөрийн шаардлагын дагуу хүнийг дөрвөн ангилалд хуваасан, эдгээр нь: Миний хөвгүүд, Миний ардууд, үйлчлэл үзүүлэгчид болон устгагдах хүмүүс. Яагаад Миний ууган хөвгүүд энэ жагсаалтад байхгүй байна вэ? Үүний учир нь Миний ууган хөвгүүд бүтээгдсэн зүйлс биш; тэд Надаас ирсэн болохоос хүн төрөлхтөнд харьяалагдахгүй. Би махбод болохоосоо өмнө Өөрийн ууган хөвгүүдэд зориулсан зохицуулалт хийсэн; тэд ямар гэр бүлд төрөхийг болон тэдэнд үйлчлэхээр эргэн тойронд нь ямар хүмүүсийг зохицуулахыг—энэ бүх зүйлийг Би төлөвлөсөн. Би ямар цаг үед тэдний хэнийг нь буцаан олж авахаа төлөвлөсөн бөгөөд эцэст нь бид Сион руу хамтдаа буцна. Энэ бүгдийг бүтээлээс өмнө төлөвлөсөн, иймээс үүнийг хэн ч мэддэггүй, энэ нь ямар ч номд бичигдээгүй, учир нь энэ бол Сионы хэрэг юм. Түүнчлэн, Би махбод болохдоо хүнд энэ эрхтэнг өгөөгүй, иймд хэн ч эдгээр зүйлийг мэдээгүй юм. Сион руу буцахдаа та нар өнгөрсөнд ямар байснаа, одоо ямар байгаагаа болон энэ амьдралдаа юу хийснээ мэдэх болно. Яг одоо, Би та нарт эдгээрийг ил тод, бага багаар ярьж байгаа төдий л юм, эс тэгвээс та нар хэчнээн хүч чармайлт гаргалаа ч ойлгохгүй бөгөөд Миний удирдлагад саад болох болно. Өнөөдөр, хэдийгээр Би махбодын хувьд Өөрийн ихэнх ууган хөвгүүдээс салсан ч гэсэн, бид бол нэг Сүнснийх бөгөөд бидний бие махбодын гадаад төрх өөр байж болох ч, эхнээсээ төгсгөл хүртэл бид нэг Сүнснээс ирсэн юм. Хэдий тийм байлаа ч, Сатаны үр удам үүнийг завшихаар оролдох ёсгүй. Чи яаж ч өнгөлөн далдалсан бай, энэ нь өнгөцхөн хэвээр үлддэг ба Би үүнийг хүлээн зөвшөөрөхгүй. Иймээс, өнгөцхөн талд анхаарлаа төвлөрүүлж, Намайг гадна талдаа дуурайхаар хичээдэг хүмүүс бол зуун хувь Сатан байх нь тодорхой гэдгийг үүнээс харж болно. Тэдний сүнс өөр бөгөөд тэд Миний хайртай хүмүүсийн нэг биш учир Намайг хэчнээн дуурайлаа ч тэд Надтай төстэй биш. Түүнчлэн, Миний ууган хөвгүүд угаасаа Надтай нэг Сүнснийх учир, Намайг дуурайгаагүй байлаа ч, Надтай адилхан байдлаар ярьж, үйлддэг ба бүгд үнэнч, цайлган бөгөөд нээлттэй юм (мэргэн ухаан дутуу дулимаг хүмүүсийн хувьд энэ нь дэлхий ертөнцийн туршлага хязгаарлагдмал байдгаас нь л болдог, иймээс мэргэн ухаан дутах нь Миний ууган хөвгүүдийн дутагдал биш; тэднийг биед буцаж очиход бүгд зүгээр байх болно). Иймд, дээр дурдсан шалтгааны улмаас Би тэдэнтэй яаж ч харьцсан, ихэнх хүмүүс өөрсдийн хуучин уг чанарыг өөрчилдөггүй. Харин Миний ууган хөвгүүдийн хувьд, тэдэнтэй харьцах шаардлагагүйгээр тэд Миний санаа зорилготой нийцдэг, учир нь бид Нэг Сүнснийх билээ. Тэд бүхэлдээ Миний төлөө зарлагадахад бэлэн байдлыг сүнсэндээ мэдэрдэг. Иймээс Миний ууган хөвгүүдээс гадна хэн ч үнэн голоосоо, чин сэтгэлээсээ Миний хүслийг анхаарч үзээгүй; Би Сатаныг байлдан дагуулсны дараа л тэд Надад үйлчлэл үзүүлэхийг хүсдэг.

Миний мэргэн ухаан, Миний ууган хөвгүүд бүгдээс дээр байж, бүгдийг ялдаг ба ямар ч зүйл, хүн эсвэл үйл явдал саад болж зүрхэлдэггүй. Түүнчлэн, ямар ч хүн, үйл явдал, эсвэл зүйл тэднийг ялж чадахгүй, харин оронд нь Миний үнэн биеийн өмнө бүгд дуулгавартай захирагддаг. Энэ бол нүдэн өмнө тохиолддог баримт, мөн Миний хэдийнээ хэрэгжүүлсэн баримт юм. Дуулгаваргүй хэвээр үлддэг хэнийг ч (дуулгаваргүй нэгэн гэдэг нь мөн л Сатаныг хэлдэг ба Сатаны эзэмдсэн хүмүүс нь маргаангүй Сатан юм) Би үндсээр нь устгаж, хойшдын зовлонг арилгана; Миний гэсгээлтээс тэд шууд үхэх болно. Энэ төрлийн Сатан нь Надад үйлчлэл үзүүлэхийг хүсдэггүй амьтад бөгөөд дэлхийг бүтээснээс хойш эдгээр зүйл үргэлж Миний эсрэг зөрүүдлэн зогссон ба өнөөдөр ч гэсэн тэд Надад дуулгаваргүй байсаар (энэ нь ердөө сүнсний талаарх асуудал учраас хүмүүс юу ч харахгүй байдаг. Энэ төрлийн хүн энэ төрлийн Сатаныг төлөөлдөг). Бүх зүйл бэлэн болохоос өмнө Би эхлээд тэднийг устгаж, тэдэнд хүнд шийтгэлийн сахилгажуулалт (энд, “устгах” гэдэг нь цаашид оршихгүй байхыг хэлдэггүй, харин оронд нь тэдний хүлээн авах догшин хэрцгий байдлын хэмжээг хэлдэг ба “устгах” гэдэг үг нь устгагдах хүмүүс гэдэгт ашиглагддаг “устгах” гэдэг нэр томьёоноос ялгаатай юм) үүрд өгөх бөгөөд тэд эцэс төгсгөлгүйгээр, үүрдийн үүрд уйлж, шүдээ хавирна. Хүн ийм дүр зургийг огтхон ч төсөөлж чаддаггүй. Хүн бие махбодын сэтгэхүйгээр сүнсэн дэх зүйлийг ухан ойлгох боломжгүй, тийм ч учраас Сион руу буцсаныхаа дараа л та нар илүү олон зүйлийг ойлгоно.

Миний ирээдүйн гэрт Миний ууган хөвгүүд болон Би л байх бөгөөд зөвхөн тэр үед л Миний зорилго биелж, Миний төлөвлөгөө амжилттай хэрэгжих болно, учир нь бүгд анхны байдалдаа орж, бүгд өөр өөрсдийн төрлийн дагуу ангилагдах болно. Миний ууган хөвгүүд Надад харьяалагдаж, Миний хөвгүүд болон ардууд бүтээгдсэн зүйлсийн ертөнцөд харьяалагдаж, үйлчлэл үзүүлэгчид болон устгагдсан хүмүүс Сатанд харьяалагдана. Би болон Миний ууган хөвгүүд дэлхийг шүүсний дараа дахин нэг удаа ариун дээд амьдралыг эхлүүлнэ, тэд Надаас хэзээ ч салахгүй бөгөөд Надтай үргэлж хамт байх болно. Хүний оюун санаагаар ойлгож болох бүхий л нууц бага багаар та нарт илчлэгдэнэ. Түүхийн туршид, өөрсдийгөө Надад бүхэлд нь өргөн Надаас болж амиа зориулсан тоймгүй олон хүн байсан хэдий ч эцсийн эцэст хүмүүс бол бүтээгдсэн зүйл бөгөөд хэчнээн сайн байлаа ч тэднийг Бурхан гэж ангилж болохгүй; энэ бол зайлшгүй чиг хандлага, хэн ч үүнийг өөрчилж чадахгүй. Эцсийн эцэст, Бурхан бол бүх зүйлийг бүтээгч, харин хүн бол бүтээгдсэн зүйл, Сатан бол эцсийн эцэст Миний устгалын бай, Миний үзэн яддаг дайсан—энэ нь “тэнгэрийн муухай арилдаг, хүний муухай арилдаггүй” гэдгийн жинхэнэ утга юм. Одоо энэ нөхцөл байдалд болон энэ үе шатанд байна гэдэг нь Би болон Миний ууган хөвгүүд амралтад орохын тэмдэг юм. Үүний учир нь ертөнц дэх Миний ажил бүхэлдээ дууссан ба Өөрийн ажлын дараачийн алхмыг гүйцээхийн тулд Би бодит биед буцах шаардлагатай. Энэ бол Миний ажлын алхмууд бөгөөд Би эдгээрийг эрт дээр үеэс төлөвлөсөн. Энэ талаар заавал тодорхой харах ёстой, эс тэгвээс ихэнх хүмүүс Миний захиргааны зарлигийг зөрчих болно.

Өмнөх: 113-Р БҮЛЭГ

Дараах: 115-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ЦОР ГАНЦ БУРХАН ӨӨРӨӨ II

Бурханы зөвт зан чанарТа нар Бурханы эрх мэдлийн тухай өмнөх нөхөрлөлийг сонссон болохоор энэ талаарх үгээр нэлээд сайн зэвсэглэсэн гэдэгт...

БИЕ МАХБОДТОЙ БОЛОХЫН НУУЦ (4)

Та нар Библийн ар дахь түүх болон туурвилыг мэдэх ёстой. Бурханы шинэ ажлыг хүлээн зөвшөөрөөгүй хүмүүст ийм мэдлэг байдаггүй. Тэд...

ЗАМ… (2)

Эх газрын Хятад дахь Бурханы ажлын эрэмбэ дараа, алхам, арга барилын талаар манай ах эгч нар бага зэрэг ойлголттой байж болох ч эдгээрийг...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх