Үг нь махбодоор илэрсэн

Агуулга

Хүрэх газрын тухай

Хүрэх газрыг дурдах бүрт бид түүнийг тусгайлан нухацтай авч үздэг; та бүгд энэ асуудал дээр онцгой мэдрэмтгий ханддаг билээ. Зарим хүмүүс сайхан газар очихын тулд Бурханд зусардахаа хүлээж ядна. Үгээр илэрхийлэх шаардлагагүй та нарын зүтгэлийг Би таньж байна. Та нар бие махбодоо аюулд, тэр дундаа ирээдүйд удаан үргэлжлэх шийтгэлд унахыг огтхон ч хүсэхгүй байгаа. Та нар илүү их эрх чөлөөтэй, хялбар амьдрахыг л хүсэж байгаа. Тиймээс, хүрэх газрын тухай дурдагдах бүрт та нар сайн анхаарахгүй бол Бурханыг уурлуулж, зохих шийтгэлээ хүлээх вий гэхээс ялангуяа түгшинэ. Хүрэх газрынхаа төлөө та нар буулт хийхээсээ татгалзаагүй бөгөөд та нараас нэгэн цагт мэхэлж, хөнгөмсөг явсан олон хүн гэнэт маш эелдэг, чин үнэнч болсон; та нарын үнэнч сэтгэл нэг л айдас хүргэм. Тэгсэн хэдий ч та бүгдийн сэтгэл чин шударга байж, эхнээсээ авахуулаад дуусталаа сэтгэлийнхээ нууцыг буруутгал, хууралт, сүсэг бишрэл аль нэгнээр нь Надад нээсэн билээ. Ерөнхийдөө, та нар Надад үнэхээр үнэн сэтгэлээсээ хамгийн гүн мухартаа нуусан эдгээр амин чухал зүйлсээ “улайсан”. Мэдээж, эдгээр нь Миний хувьд энгийн зүйл учраас Би ийм зүйлээс хэзээ ч зайлсхийж байгаагүй билээ. Та нар Бурханы зөвшөөрлийг авахын тулд сүүлчийн ширхэг үсээ алдахаасаа илүү эцсийн хүрэх газрынхаа төлөө их гал руу орох байсан биз. Энэ бол Би та нартай хэт ягшмал байгаа хэрэг бус; энэ бол та нарын сүсэг бишрэлийн сэтгэл Миний хийж байгаа бүхэнтэй учрахад огт хангалтгүй байгаа хэрэг юм. Та нар Миний юу хэлж байгааг ойлгохгүй байж магад учраас Би та нарт энгийн жишээ хэлье: Та нарт хэрэгтэй байгаа зүйл үнэн ба амь биш; энэ нь биеэ хэрхэн авч явах зарчим ч биш, тэр дундаа Миний уйгагүй ажил ч биш билээ. Та нарт хэрэгтэй зүйл бол эд баялаг, байр суурь, гэр бүл, гэрлэлт зэрэг та нарын бие махбодоороо эзэмшдэг бүхэн билээ. Та нар Миний үг болон ажлыг хэрэггүй гэж үзэж байна, тиймээс та нарын итгэлийг хайнга гэсэн нэг үгээр дүгнэх байна. Та нар зорьсан зүйлдээ хүрэхийн тулд юуг ч хийдэг, гэхдээ Бурханд итгэх итгэлийн тухайд та нарыг тийм ч тууштай биш болохыг Би олж мэдсэн. Та нар зүгээр л харьцангуй үнэнч бас харьцангуй нухацтай юм билээ. Ийм л учраас Би сэтгэлд нь туйлын үнэнч чанар дутагддаг хүмүүс Бурханд итгэх итгэлдээ амжилтанд хүрдэггүй гээд байгаа юм. Сайн бодоорой—та нарын дунд бүтэлгүйтэл их байна уу?

Хүн өөрийнхөө үйлдлээрээ амжилтанд хүрдэг гэдгийг та нар ойлгох хэрэгтэй; хүмүүс амжилтанд хүрэхийн оронд бүтэлгүйтэх үедээ бусад хүчин зүйлийн нөлөөгөөр бус өөрийнхөө үйлдлээсээ болдог. Та нар илүү чухал гэж үзвэл Бурханд итгэх итгэлээс ч илүү хэцүү, илүү их шаналал зовлонд хүргэх байсан ч түүнд хүрэхийн тулд юугаа ч хайрлахгүй гэдэгт Би итгэлтэй байна. Тэр бүү хэл та нар ямар ч алдаа гаргахыг хүсэхгүй байх байсан; энэ бол та нарын амьдралдаа гаргаж болох шаргуу зүтгэлийн төрлүүд юм. Гэр бүлийнхээ нэг ч гишүүнийг мэхлэж зүрхлэхгүй хэрнээ бие махбодтой Намайг ч хуурч мэхэлж чадах байсан. Энэ бол та нарын амьдралдаа дагаж мөрддөг тууштай зан байдал, зарчим билээ. Та нар хүрэх газрынхаа төлөө, эцсийн мөчид сайхан, аз жаргалтай газар очихын төлөө Намайг мэхлэх хуурамч дүр төрхөө улам боловсронгуй болгосоор л байна уу? Та нарын сүсэг бишрэл, үнэнч сэтгэл хэтэрхий түр зуурын гэдгийг Би мэднэ; та нарын гаргаж байгаа тэмүүлэл, төлж байгаа төлөөс хожмын төлөө биш зөвхөн өнөөдрийн төлөө гэж үү? Та нар сайхан газар очихын төлөө ганцхан шийдвэрлэх зүтгэл гаргахыг хүсээд байна. Та нарын зорилго үнэнд хүрэхийн төлөө биш, тэр дундаа Миний төлсөн төлөөсийг хариулах ч биш харин зөвхөн ашигтай худалдаа хийх явдал юм. Нэг үгээр бол та нар зөвхөн оюун ухаанаа ашиглахад бэлэн байгаа ч түүнийхээ төлөө хичээх хүсэлгүй байна гэсэн үг. Энэ та нарын чин хүсэл гэж үү? Та нар дүр эсгэх гээд, ялангуяа унтаж, идэж чадахгүй болтлоо эцсийн хүрэх газрынхаа төлөө тэгтлээ толгойгоо гашилгах хэрэггүй ээ. Таны эцсийн хүрэх газар амьдралын төгсөлд л тодорхой болно биз дээ? Та нар ямар ч үнээр хамаагүй өөрийнхөө хэмжээнд үүргээ чин үнэнч, шулуун шударга сэтгэлээр биелүүлэх хэрэгтэй. Та нарын хэлснээр цаг нь ирэхэд Бурхан Өөрийнх нь төлөө шаналж, төлөөс төлсөн хэнд ч муу хандахгүй. Энэ итгэл үнэмшлийг байнга баримталж, хэзээд умартахгүй байх хэрэгтэй. Ингэсэн цагт л Би анхаарлаа өөрийн эрхгүй та нарт хандуулах боломжтой болно. Үгүй бол Би хэзээ ч та нарт анхаарлаа хандуулж чадахгүй бөгөөд та нар үргэлж Миний зэвүүцэх нэгэн байх болно. Хэрвээ та нар мөс чанараа дагаж, өөрийгөө бүхэлд нь Надад зориулж чадвал, Миний ажилд хүчин чармайлтаа хайрлалгүй, бүх насаа Миний сайн мэдээний ажилд зориулж чадвал та нарт баярласандаа зүрх сэтгэл минь догдлохгүй гэж үү? Би та нарт бүрэн санаа амар хандахгүй гэж үү? Та нарын хийж чадах зүйл Миний хүлээж байгаа зүйлийн үнэхээр өрөвдөлтэй өчүүхэн, жижиг хэсэг гэдэг нь харамсалтай; энэ тохиолдолд та нар хүсэж байгаа зүйлээ Надаас эрж хайх зүрх зоригтой байж яаж чадаж байна вэ?

Та нарын хүрэх газар, хувь заяа та нарт маш чухал, асар их ач холбогдолтой зүйл. Аливаа зүйлийг маш анхааралтай хийхгүй бол энэ нь та нарыг хүрэх газаргүй болгож, мөн хувь заяагаа сүйрүүлэхэд хүргэнэ гэдэгт та нар итгэдэг. Гэхдээ хүн бүр хүчин чармайлтаа зөвхөн өөрийн хүрэх газрынхаа төлөө зориулбал, энэ бүхэн ямар ч үр дүнгүй ажил болно гэж та нар бодож байв уу? Ийм хичээл зүтгэл жинхэнэ биш — хуурамч, хоосон юм. Хэрвээ тийм бол хүмүүсийн Бурханд итгэх итгэл худал хуурмагаас болж бүтэлгүйтдэг учраас хүрэх газрынхаа төлөө ажиллаж байгаа хүмүүс эцсийн ялагдлаа хүлээдэг. Надад зусардах, долигонох эсвэл Надаар бахдахад Би дургүй гэдгээ өмнө нь хэлсэн билээ. Үнэнч шударга хүмүүс Миний үнэнийг болон хүлээлтийг хүлээж авахад Би дуртай. Хүмүүс Миний сэтгэлийг бодож туйлын анхаарал, хүндэтгэлтэй байгаагаа харуулахад, Миний төлөө бүхнээ зориулахад бэлэн байхад Би бүр их дуртай. Энэ л үед Миний сэтгэл таатай байж чаддаг. Яг одоо та нарт Миний дургүй зүйлс хэчнээн байна вэ? Та нарт Миний дуртай зүйлс хэчнээн байна вэ? Та нарын нэг нь ч хүрэх газрынхаа төлөө өөрсдийнхөө хэчнээн ой гутам чанараа харуулж орхисноо ухаарч чадсангүй гэж үү?

Сэтгэл зүрхэндээ Би эерэг, урам зориг дүүрэн аливаа сэтгэлийг шархлуулж, ялангуяа үүргээ чин сэтгэлээсээ биелүүлж байгаа нэгний эрч хүчийг бууруулахыг хүсэхгүй байна; гэсэн хэдий ч Би, та нарын сэтгэлийн гүнд байгаа хангалтгүй, бохир сүнсийг хүн нэг бүрт сануулах учиртай. Ингэж байгаагийн зорилго нь Би бүхнээс илүү хүмүүс Намайг хуурч мэхлэхэд дургүй учраас та нар чин сэтгэлээ Миний үгийг хүлээж авахад зориулна гэж найдсан явдал юм. Би зөвхөн Миний ажлын сүүлийн шатанд та нар дахин шийдэмгий байж гүйцэтгэлээ гойд, чин үнэнчээр хийнэ гэж найдаж байна. Мэдээж Би мөн хүн бүр эцэстээ сайхан газарт очино гэж найдаж байна. Гэсэн хэдий ч та нарыг цорын ганц, эцсийн үнэнч байдлаа Надад өргөх хамгийн сайн шийдвэр гаргуулахад Өөрийн гэсэн шаардлага Надад байсаар байгаа. Хэрвээ хэн нэгэнд тийм цорын ганц үнэнч байдал байхгүй бол тэр хүн мэдээж Сатаны хувьд эрдэнэ болох тул Би түүнийг цаашид ашиглахгүй. Би түүнийг эцэг эхээр нь асруулахаар гэр лүү нь явуулах болно. Миний ажил та нарт маш ач холбогдолтой байсан; Миний та нараас хүлээж байгаа зүйл бол эерэг, чин үнэнч сэтгэл боловч Миний гар одоог хүртэл хоосон байсаар байна. Энэ тухай бодоорой: Нэгэн цагт Би үгээр хэлэхийн аргагүй хатуурхвал та нарт хандах Миний хандлага ямар байх вэ? Би нөхөрсөг байх болов уу? Миний зүрх сэтгэл амар амгалан байх уу? Та нар хичээнгүйлэн ургуулаад ганц ч үр тариа хурааж чадаагүй хүний сэтгэлийг ойлгох уу? Хүнд цохилт авсан хүний шарх ямар хүнд байж болохыг та нар ойлгож чадах уу? Итгэл дүүрэн хүн хэн нэгэнтэй муухайгаар салахад хэчнээн гунигтай болохыг та нар мэдэрч чадах уу? Уцаарыг нь хүргэсэн хүний уурлахыг та нар харж байсан уу? Дайсагнаж, хууртагдаж байсан хүний заавал өс хонзонгоо авах сэтгэл ямар байдгийг та нар мэдэх юм уу? Хэрвээ та нар энэ хүмүүсийн сэтгэхүйг ойлгож байвал Бурхан шийтгэлээ гүйцэтгэхдээ ямар хандлагатай байхыг төвөггүй ойлгоно! Эцэст нь, Би та бүгдийг хүрэх газрынхаа төлөө сайтар хичээнэ гэж найдаж байна; та нар хичээл зүтгэлдээ хуурмаг арга замыг ашиглахгүй байсан нь дээр бөгөөд үгүй бол Би сэтгэлдээ та нарт урам хугарсан хэвээр байх болно. Энэ урам хугаралт юунд хүргэх бол? Та нар өөрсдийгөө хуурч байгаа биш гэж үү? Хүрэх газрынхаа тухай боддог ч түүнийгээ сүйтгэсэн хүн аврагдах үнэхээр боломжгүй. Ийм хүмүүс уур уцаартай болсон ч гэсэн тэднийг хэн өрөвдөх вэ? Ерөнхийдөө Би та нарт тохирсон, сайхан хүрэх газартаа хүрэхийг хүсэхдээ бэлэн байна. Үүнээс ч илүүгээр Би та нарын нэг нь ч бүү гай гамшигт унаасай гэж хүсэж байна.