Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ЕРЭН ЗУРГААДУГААР БҮЛЭГ

Надаас төрсөн атлаа Намайг мэддэггүй бүх хүнд Өөрийн уур хилэнг үзүүлж, Өөрийн агуу хүч, бүх мэргэн ухаанаа харуулахын тулд Би тэднийг гэсгээх болно. Надад бүх зүйл зөвт бөгөөд зөвт бус, заль мэхтэй, шударга бус байдал огт байхгүй; шударга бус, зальхай хэн боловч нь тамын хүү байх ёстой—Үхэгсдийн оронд төрөх ёстой. Надад бүх зүйл ил тод; Миний биелнэ гэж хэлсэн болгон биелж, бий болно гэж хэлсэн бүхэн бий болдог бөгөөд Би цорын ганц Бурхан Өөрөө тул эдгээр зүйлийг хэн ч өөрчилж, даган дуурайж чадахгүй. Ирэх гэж буй хэрэг явдалд, Миний урьдчилан тогтоож, сонгосон ууган хөвгүүдийн бүлэгт багтсан хүн бүр нэг нэгээрээ илчлэгдэж, ууган хөвгүүдийн бүлэгт ороогүй хүн бүрийг Би үүгээр дамжуулж таягдан хаях болно. Би Өөрийн ажлыг ингэж хийж, гүйцээдэг. Яг одоо Би зөвхөн Өөрийн ууган хөвгүүдэд Өөрийн гайхамшигт үйл хэргийг харуулахын тулд зарим хүнийг илчилж байгаа ч, дараа нь Би ийм маягаар ажиллахгүй. Харин ч, Би тэдний үнэн төрхийг нэг нэгээр нь ил болгохын оронд ерөнхий нөхцөл байдлаас эхлэх болно (чөтгөрүүд бүгд ерөнхийдөө адилхан учир ердөө цөөхнийг нь л жишээ болгон авахад хангалттай). Миний бүх ууган хөвгүүний зүрх сэтгэл нь тодорхой бөгөөд үүнийг Би цааш ярих шаардлагагүй (учир нь тогтсон цагт тэд нэг нэгээрээ илчлэгдэх нь лавтай).

Өөрийн амлалтыг биелүүлэх нь Миний уг чанар бөгөөд Надад нууж, далдалсан зүйл байдаггүй. Би та нарын ойлгох хэрэгтэй юу ч бай бүгдийг нь хэлнэ, харин та нарыг бат зогсож чадахгүй байх вий гэсэндээ та нарын мэдэх учиргүй юуг ч бай Би яасан ч хэлэхгүй. Ялихгүй юмнаас ямааны гарз бүү гарга–ингэх нь үнэхээр дэмий хэрэг болно. Намайг төгс хүчит Бурхан гэдэгт итгэ, тэгвэл бүх зүйл биелж, бүгд амархан, таатай болох болно. Би аливааг ингэж хийдэг. Итгэдэг хэнд ч бай Би харах боломж олгодог ба итгэдэггүй хэнд ч бай, Би мэдэх боломж олгохгүй, хэзээ ч түүнд ойлгуулахгүй. Надад сэтгэл хөдлөл, өршөөл гэж үгүй, Миний гэсгээлтийг зөрчсөн хэнийг ч болов Би өршөөлгүй хөнөөж, бүгдэд нь адилхан хандана. Би бүгдэд ижил байдаг–Надад хувийн сэтгэл хөдлөл гэж үгүй бөгөөд ямар ч байдлаар сэтгэл хөдлөн үйлддэггүй. Би хүмүүст Өөрийн зөвт байдал, сүр жавхланг харуулахгүй байж яаж чадах вэ? Энэ бол хэний ч өөрчилж чадахгүй, бас хэний ч бүрэн мэдэж чадахгүй Миний мэргэн ухаан, Миний зан чанар юм. Миний гар үргэлж, цаг үргэлжид бүгдэд тушаадаг, Би Өөртөө дуулгавартай үйлчлэл хийлгэх гэж үргэлж бүхнийг зохицуулдаг. Миний удирдлагын төлөвлөгөөг биелүүлэхийн тулд олон хүн үйлчлэл хийж байгаа, харин эцэстээ тэд ерөөлийг харах ч эдэлж чаддаггүй нь яасан өрөвдөлтэй вэ! Гэвч Миний зүрх сэтгэлийг хэн ч өөрчилж чадахгүй. Энэ бол Миний захиргааны зарлиг (захиргааны зарлигийн тухайд, хэн ч өөрчилж чаддаггүй учир Би хожим нь ярих үедээ хэрэв Өөрийн оюун ухааныг нэг зүйлд төвлөрүүлсэн бол тэр нь лавтайяа Миний захиргааны зарлиг мөн. Санаж яв! Энэ бол зөрчишгүй! Та нар хохирол амсах вий), мөн энэ бол Миний удирдлагын төлөвлөгөөний нэг хэсэг юм. Энэ бол дурын хүний хийж чадах зүйл бус, Миний Өөрийн ажил билээ. Би үүнийг хийх ёстой–Би үүнийг зохицуулах ёстой, Миний бүхнийг чадагч чанарыг харуулж, Миний уур хилэнг үзүүлэхэд энэ нь хангалттай.

Ихэнх хүн Миний хүн чанарын талаар одоо ч мэддэггүй, тодорхой ойлгодоггүй. Би хэдэн удаа хэлсэн ч, та нар будилсан хэвээр байж, нэг ихийг ойлгодоггүй. Гэвч энэ бол Миний ажил, тэгээд одоо, энэ цаг үед мэддэг нь мэддэгээрээ байж, мэддэггүй хэнийг ч Би хүчлэхгүй. Энэ ийм л байж болно. Би тодорхой хэлсэн тул дараа нь үүнийг ярихгүй (учир нь Би хэтэрхий ихийг хэлсэн, үүнийг маш тодорхой хэлсэн. Намайг мэддэг хүн үнэхээр Ариун Сүнсний ажилтай, Миний ууган хөвгүүдийн нэг гэдэг нь эргэлзээгүй. Намайг мэддэггүй хүн ууган хөвгүүн яавч биш бөгөөд Би тэр хүнээс Өөрийн Сүнсийг аль хэдийн буцаан авсныг нотолдог). Гэвч эцэстээ Би хүн бүрд Өөрийгөө мэдүүлнэ–Өөрийн хэвийн хүн чанар, Өөрийн бурханлаг чанарын аль алинд Өөрийгөө бүрэн мэдүүлнэ. Эдгээр нь Миний ажлын алхам бөгөөд Би ийм маягаар ажиллах ёстой. Энэ нь мөн Миний захиргааны зарлиг юм. Хүн бүр Намайг цорын ганц жинхэнэ Бурхан гэж дуудаж, зогсолтгүй шагшин магтах ёстой.

Миний удирдлагын төлөвлөгөө аль хэдийн бүрэн биелж, бүх зүйл аль эртнээс гүйцэлдээд байна. Хүний нүдээр бол Миний олон ажил одоо ч ид дундаа яваа мэт боловч Би үүнийг аль хэдийн зохих ёсоор зохицуулсан бөгөөд Миний алхмын дагуу нэг нэгээрээ биелэх л үлдээд байна (учир нь ертөнцийн бүтээлээс өмнө Би хэн нь шалтгалтыг давж чадах, хэн нь Надаар сонгогдож, урьдчилан тогтоогдож чадахгүй болох, хэн нь Миний зовлонг хуваалцаж чадахгүйг урьдчилан тогтоосон юм. Миний зовлонг хуваалцаж чадах хүмүүс, өөрөөр хэлбэл Миний урьдчилан тогтоож, сонгосон хүмүүсийн хувьд Би тэднийг лавтай үлдээж, бүхнийг даван гарах боломж олгоно). Чиг үүрэг болгон дээр хэн байхыг Би зүрх сэтгэлдээ тодорхой мэдэж байдаг. Би хэн нь Надад үйлчлэл хийдгийг, хэн нь ууган хөвгүүн, хэн нь Миний хөвгүүд, ардуудын нэг гэдгийг сайтар мэддэг. Би үүнийг Өөрийн алган дээр байгаа мэт мэддэг. Урьд нь Би ууган хөвгүүн гэж хэлсэн хэн боловч одоо бас л ууган хөвгүүн хэвээрээ, харин ууган хөвгүүн биш гэж Миний өмнө нь хэлсэн нь ууган хөвгүүн биш хэвээр байна. Би юу ч хийсэн харамсдаггүй, хийснээ амархан өөрчилдөггүй. Би хэлье гэснээ хэлдэг (Надад хөнгөн хуумгай зүйл байдаггүй), тэгээд энэ нь хэзээ ч өөрчлөгддөггүй! Надад үйлчлэл хийдэг хүмүүс үргэлж үйлчлэлээ хийдэг: Тэд бол Миний мал; тэд бол Миний адуу юм (гэхдээ энэ хүмүүс сүнсэндээ хэзээ ч гэгээрдэггүй; Би тэднийг ашиглаж байхад тэд хэрэгтэй, харин ашиглахгүй байх үедээ Би тэднийг хөнөөдөг. Би мал, адууны талаар ярихдаа сүнсэндээ гэгээрээгүй, Намайг мэддэггүй, Надад дуулгаваргүй байдаг хүмүүсийг хэлж байна, тэд хэчнээн дуулгавартай, номхон, энгийн, үнэнч байлаа ч, жинхэнэ мал, адуу мөн хэвээрээ). Одоо ихэнх хүмүүс Миний өмнө садар самуун, эрээ цээргүй байж, хамаагүй ярьж, инээж хөхрөн, хүндлэлгүй аашилдаг–тэд зөвхөн Миний хүн чанарыг харж, Миний бурханлаг чанарыг хардаггүй. Миний хүн чанар эдгээр ааш авирыг өнгөрөөж, Би тэднийг өршөөж чаддаг ч, Миний бурханлаг чанарт энэ тийм ч амаргүй. Би ирээдүйд Намайг доромжлон нүгэл үйлдсэн гэдгийг чинь шийдэх болно. Өөрөөр хэлбэл, Миний хүн чанарыг уурлуулж болох ч, Миний бурханлаг чанарыг бол болохгүй, тэгээд Надтай жаахан ч болов сөргөлдсөн хэнийг ч бай Би тэр даруйд нь, огт хойшлуулалгүй шүүх болно. Чи Надтай олон жил холбоотой байж, Намайг мэддэг болсон гээд, хайнга ярьж, авирлаж болно гэж бүү бод! Би үнэндээ их хайхрахгүй! Тэр хүн хэн байх нь хамаагүй Би зөвт байдлаар хандах болно. Энэ бол Миний зөвт байдал.

Илчлэлийн үе шатуудыг даган Миний нууц өдөр өдрөөр хүмүүст илчлэгдэж, өдрөөс өдөрт тодорхой болж байгаа нь Миний ажлын алхааг харуулахад хангалттай юм. Энэ бол Миний мэргэн ухаан (Би үүнийг шууд хэлдэггүй. Би Өөрийн ууган хөвгүүдийг гэгээрүүлж, агуу улаан лууны үр сад нарыг сохолдог). Цаашилбал, өнөөдөр Би та нарт Өөрийн Хүүгээр дамжуулан Өөрийн нууцыг илчлэх болно. Өнөөдөр та нарт бүрэн мэдэгдэж, тодорхой ойлголттой болгохын тулд хүмүүсийн ой тойнд багтахгүй зүйлийг Би та нарт илчилнэ. Үүнээс гадна энэ нууц Миний ууган хөвгүүдээс гадна хүн бүрийн дотор байдаг ч, хэн ч үүнийг ойлгож чаддаггүй. Хэдийгээр энэ нь хүн бүрийн дотор байдаг ч хэн ч үүнийг таньж чаддаггүй. Би юу гэж хэлж байна вэ? Энэ үе дэх Өөрийн ажил, Өөрийн айлдварт Би үргэлж агуу улаан луу, Сатан, диавол, тэргүүн тэнгэрэлчийн тухай дурддаг. Тэдгээр нь юу вэ? Тэд ямар холбоотой вэ? Эдгээр зүйлд юу илэрдэг вэ? Агуу улаан лууны илрэл нь Намайг эсэргүүцдэг, Миний үгийн утгыг ойлгож, ухаарах нь дутмаг, Намайг дандаа хавчдаг, Миний удирдлагад саад хийхийн тулд явуулга ашиглах гэдэг. Сатан дараах байдлаар илэрдэг: Надтай эрх мэдлийн төлөө тэмцэлддэг, Миний сонгосон ардуудыг эзэмшихийг хүсдэг, Миний ардуудыг мэхлэх гэж сөрөг үг гаргадаг. Диаволын илрэл нь (Миний нэрийг хүлээн зөвшөөрдөггүй, итгэдэггүй хүмүүс бүгд диавол) дараах байдалтай: махан биеийн таашаалд шунахайрдаг, хорон муу хуял тачаалд автдаг, Сатаны хүлээсэнд амьдардаг, Намайг зарим нь эсэргүүцэж, зарим нь дэмждэг (гэхдээ тэд бол Миний хайртай хөвгүүд гэдгийг нотолдоггүй). Тэргүүн тэнгэрэлчийн илрэл дараах шинжтэй: бүдүүлгээр ярьдаг, сүсэг бишрэлгүй байдаг, үргэлж Миний дууны өнгийг дуурайж хүмүүст зааж сургадаг, гаднаа Намайг дагаж дуурайхад л анхаарч, иддэгийг минь идэж, ашигладгийг минь ашигладаг; товчхондоо Надтай нэг түвшинд байх хүсэлтэй, алдар хүндэд дуртай ч Миний чанар дутмаг, Миний амьгүй, хэрэггүй амьтан байдаг. Сатан, диавол, тэргүүн тэнгэрэлч гурав нь бүгд агуу улаан лууны нийтлэг жишээ тул Надаар урьдчилан тогтоогдож, сонгогдоогүй хүмүүс бүгд агуу улаан лууны үр сад мөн: Энэ бол гарцаагүй! Тэд бүгд Миний дайснууд. (Гэвч Сатаны үймээнийг оролцуулаагүй. Хэрэв уг чанар чинь Миний чанар бол хэн ч үүнийг өөрчилж чадахгүй. Та нар одоо махбодод амьдарсаар байгаа тул үе үе Сатаны сорилттой тулгарах болно–энэ бол зайлшгүй–гэхдээ та нар үргэлж болгоомжтой байх ёстой.) Тиймээс Би Өөрийн ууган хөвгүүдээс бусад агуу улаан лууны бүх үр садыг хаях болно. Тэдний уг чанар хэзээ ч өөрчлөгдөж чадахгүй, энэ нь Сатаны чанар юм. Тэд диаволыг илтгэдэг, тэд тэргүүн тэнгэрэлчийг амьдран харуулдаг. Энэ үнэхээр үнэн. Миний ярьж байгаа агуу улаан луу бол том улаан луу биш; харин ч энэ нь Намайг эсэргүүцдэг муу ёрын сүнс бөгөөд “агуу улаан луу” гэдэгтэй ойролцоо утгатай. Тэгэхээр Ариун Сүнсний гаднах бүх сүнс бол муу ёрын сүнс бөгөөд агуу улаан лууны үр сад гэж хэлэхэд болно. Үүнийг хүн бүр тов тодорхой ойлгох хэрэгтэй.

Өмнөх:ЕРЭН ТАВДУГААР БҮЛЭГ

Дараах:ЕРЭН ДОЛООДУГААР БҮЛЭГ

Танд таалагдаж магадгүй