Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

17-Р БҮЛЭГ

Үнэндээ Бурханы амнаас гарсан бүх үг нь хүний мэддэггүй зүйлс юм; тэдгээр нь бүгд хүмүүсийн сонсоогүй хэл, иймээс үүнийг ийнхүү хэлж болно: Бурханы үг нь өөрөө нууц юм. Хүмүүсийн үзэл бодлоороо хүрч чаддаггүй ганцхан зүйл, одоо Бурхан хүмүүст мэдэх боломж олгодог тэнгэрийн хэрэг явдлууд, эсвэл сүнсний ертөнцөд Бурханы хийдэг зүйлсийн тухай үнэн нь нууцууд гэж ихэнх хүмүүс эндүүрэн итгэдэг. Хүмүүс Бурханы бүх үгэнд эн тэнцүү ханддаггүй, мөн тэдгээрийг нандигнадаггүй боловч тэд “нууцууд” хэмээн итгэдэг зүйлдээ анхаардаг гэдгийг энэ нь харуулдаг. Хүмүүс Бурханы үг юу болохыг, эсвэл нууцууд юу болохыг мэддэггүй—тэд өөрсдийн үзэл дотроос гарсан Бурханы үгийг л уншдаг гэдгийг энэ нь батална. Бодит байдал дээр Бурханы үгийг үнэхээр хайрладаг ганц ч хүн байхгүй—яагаад “хүмүүс Намайг хуурахдаа гарамгай” хэмээн хэлсний үндэс яг энд оршдог. Бурхан, хүмүүс ямар ч ач гавьяагүй, эсвэл тэд туйлын замбараагүй гэж хэлээгүй нь маргаангүй. Энэ бол хүн төрөлхтний бодит нөхцөл байдал. Өөрсдийнх нь зүрх сэтгэлд Бурханы үнэндээ хэр их зай эзэлдгийг хүмүүс өөрсдөө ч тийм тодорхой мэддэггүй—зөвхөн Бурхан Өөрөө л бүрэн мэддэг. Иймээс яг одоо хүмүүс хөхүүл хүүхэд шиг байдаг—тэд яагаад сүү ууж байгаагаа, юуны төлөө амьдарч байгаагаа огт мэддэггүй. Тэдний хэрэгцээг ээж нь л ойлгож, тэднийг өлсгөж үхүүлэхгүй ба үхтэл нь их идүүлэхгүй. Бурхан хүмүүсийн хэрэгцээг хамгийн сайн мэддэг болохоор хааяа Түүний хайр үгэнд нь биеллээ олж, хааяа Түүний шүүлт үгэнд нь илчлэгдэж, хааяа Түүний үг хүмүүсийн зүрх сэтгэлийн гүнийг шархлуулж, заримдаа Түүний үг маш чигч агаад шударга байдаг. Энэ нь хүмүүст, Түүний эелдэг байдал болон Түүнд хүрч болохуйц байдлыг мэдрэх боломж олгодог бөгөөд Тэр бол хүний хүрч чадашгүй төсөөллийн “сүрлэг хүн” биш, мөн Тэр нүүр лүү нь шууд харж болдоггүй, хүмүүсийн оюун ухаанд байдаг “Тэнгэрийн Хүү” ч биш бөгөөд ялангуяа Тэр, хүмүүсийн төсөөлдөг шиг гэмгүй хүнийг хөнөөдөг “зандалчин” биш юм. Бурханы бүхий л зан чанар Түүний ажилд илчлэгддэг, өнөөдрийн махбод дахь Бурханы зан чанар нь мөн л Түүний ажлаар дамжуулан биеллээ олдог, иймээс Бурханы гүйцэтгэдэг үйлчлэл нь гадаад талдаа Тэр юу хийдэг, эсвэл Тэр хэрхэн харагддаг нь биш, харин үгийн үйлчлэл билээ. Эцэстээ бүх хүн Бурханы үгээс сургамж олж авч, тэдгээрийн улмаас бүрэн дүүрэн болгуулна. Бурханы үгийн улмаас өөрсдийн дадлага туршлагаар тэд хэрэгжүүлэлтийн замыг олж авах бөгөөд Бурханы амнаас гарсан үгээр дамжуулан хүмүүс Түүний бүхий л зан чанарыг мэдэх болно. Үгийн улмаас Бурханы бүх ажил биелж, хүмүүс амьдарч, бүх дайсан ялагдана. Энэ бол үндсэн ажил бөгөөд хэн ч үүнийг үл ойшоож чадахгүй. Би Түүний дараах үгийг авч үзсэн нь дээр: “Миний дуу хоолой аянга шиг нүргэлж, дөрвөн зүг найман зовхис, даян дэлхийг гэрэлтүүлдэг бөгөөд аянга, цахилгаан дунд хүмүүс цохигдон унадаг. Аянга, цахилгаан дунд нэг ч хүн бат зогссон нь үгүй: Миний гэрэл ирэхэд ихэнх хүн ухаан алдталаа айж, яах учраа олдоггүй.” Бурханыг амаа ангайхад үг зүгээр л урсан гардаг. Тэрээр бүх зүйлийг үгээр дамжуулан хэрэгжүүлдэг бөгөөд бүх зүйл Түүний үгээр хувирч өөрчлөгдөн, бүх хүн Түүний үгээр дамжуулан шинэчлэгддэг. “Аянга, цахилгаан” гэдэг нь юуг хэлж байгаа вэ? Мөн “гэрэл” нь юуг хэлдэг вэ? Бурханы үгээс зугтаж чадах ганц ч зүйл байхгүй. Тэр хүмүүсийн оюун ухааныг ил болгож, тэдний муу муухайг дүрслэхийн тулд Өөрийн үгийг ашигладаг; Тэрээр хүмүүсийн хуучин уг чанартай харьцаж, Өөрийн бүх ардыг бүрэн дүүрэн болгохын тулд үгийг ашигладаг. Энэ нь Бурханы үгийн чухал ач холбогдол биш гэж үү? Бүхий л орчлон ертөнц дээр Бурханы үгийн тусламж, дэмжлэг байгаагүй бол бүх хүн төрөлхтөн оршин тогтнохоо болих хэмжээнд хүртэл аль хэдийн устгагдчих байлаа. Энэ бол Бурханы хийдэг зүйлийн зарчим бөгөөд энэ нь Түүний зургаан мянган жилийн удирдлагын төлөвлөгөөний ажлын арга барил юм. Түүний үгийн ач холбогдлыг үүнээс тодорхой харж болно. Бурханы үг хүн төрөлхтний сэтгэлийн гүн рүү шууд нэвтэрдэг. Түүний үгийг хармагцаа тэд гайхан балмагдаж, айдаст автан, яаран зугтдаг. Тэд Түүний үгийн бодит байдлаас зугтахыг хүсдэг ба ийм учраас энэ “дүрвэгчдийг” хаа сайгүй харж болно. Бурханыг үгээ айлдсаны дараахан хүмүүс шилээ харуулан зугтаадаг. Энэ бол Бурханы дүрслэн өгүүлсэн, хүн төрөлхтний муу муухай төрхийн нэг тал юм. Яг одоо бүх хүн ухаан алдсан байдлаас аажмаар сэрж байгаа. Өмнө нь бүх хүн сэтгэцийн өвчтэй байсан мэт байдаг бөгөөд одоо тэд Бурханы үгийг хараад, тэдэнд өвчний дараах сунжирсан үр нөлөө байсаар байгаа мэт, өмнөх байдалдаа эргэн орох чадваргүй байдаг. Энэ бол бүх хүний бодит нөхцөл байдал бөгөөд энэ нь бас энэхүү өгүүлбэрийн жинхэнэ дүрслэл юм: “энэ өчүүхэн гэрэлд сэтгэл хөдөлсөн олон хүн өөрсдийн хий хоосон санаанаас даруй сэрнэ. Гэвч газар дэлхий дээр Миний гэрэл буух өдөр ирснийг хэн ч, хэзээ ч ухаараагүй.” Ийм учраас Бурхан: “Хүмүүсийн дийлэнх олонх нь энэ гэрлийг гэнэт ирэхэд мэл гайхаж, цэл хөхөрдөг” хэмээн хэлсэн юм. Ингэж хэлэх нь тун зохистой. Хүн төрөлхтний талаарх Бурханы тодорхойлолт зүү орох ч зай үлдээдэггүй—Тэрээр үүнийг яг таг, алдаа мадаггүйгээр хийсэн, ийм учраас бүх хүн бүрэн үнэмшсэн бөгөөд өөрийн мэдэлгүйгээр Бурханыг гэсэн тэдний хайр зүрх сэтгэлийнх нь гүнд өсөн нэмэгдэж эхэлсэн. Зөвхөн ийм байдлаар л хүмүүсийн зүрх сэтгэл дэх Бурханы байр суурь улам илүү жинхэнэ болдог ба энэ нь бас Бурханы ажилладаг нэг арга зам юм.

“Хүмүүсийн дийлэнх олонх нь ердөө л балмагддаг; гэрэлд нүд нь шархалж, тэд шаварт унадаг.” Тэд Бурханы хүслийн эсрэг явдаг (өөрөөр хэлбэл, Бурханыг эсэргүүцдэг) учраас тийм төрлийн хүн Бурханы үг ирэх үед тэрслүү байдлынхаа улмаас гэсгээлт амсдаг; ийм учраас тэд гэрлээс болж нүдэндээ шархадсан гэж хэлсэн юм. Ийм төрлийн хүн аль хэдийн Сатанд өгөгдсөн, иймээс шинэ ажилд орох үед тэдэнд ямар ч гэгээрэл, гэрэлтүүлэлт байдаггүй. Ариун Сүнсний ажилгүй тэр бүх хүн Сатанд эзлэгдсэн бөгөөд зүрх сэтгэлийнх нь гүнд Бурханд зориулсан ямар ч зай байдаггүй, тиймээс тэд “шаварт унадаг” гэж хэлсэн. Ийм нөхцөл байдалд байгаа хүмүүс бүгд эмх замбараагүй байдалд байдаг. Тэд зөв замд орж чаддаггүй, тэд хэвийн байдлаа олж авч чаддаггүй, оюун санаандаа тэдний боддог зүйл бүгд эсрэг тэсрэг байдаг. Газар дээрх бүх хүн туйлдаа хүртэл Сатанаар завхруулагдсан. Тэдэнд ямар ч эрч хүч байдаггүй ба тэд цогцосны үнэрээр дүүрэн байдаг. Газар дээрх бүх хүн нянгийн тахал дунд амь зууж байгаа бөгөөд хэн ч үүнээс зугтаж чадахгүй. Тэд газар дээр амь зуухыг хүсдэггүй боловч ямар нэгэн том зүйл тохиолдож, хүмүүс үүнийг биеэрээ үзнэ гэж тэдэнд үргэлж санагддаг, иймээс хүмүүс бүгд үргэлжлүүлэн амьдрахаар өөрсдийгөө хүчилдэг. Хүмүүс аль хэдийнээс зүрх сэтгэлдээ ямар ч хүчгүй болсон, тэд өөрсдийн үл үзэгдэх найдварыг сүнслэг багана болгон ашигладаг, иймээс тэд зүгээр л толгойгоо барин хүн шиг үйлдэж, газар дээрх өдөр хоногийг өнгөрүүлдэг. Бүх хүн бие махбодтой болсон диаволын хөвгүүд шиг байдаг. Ийм учраас Бурхан: “Дэлхийг эмх замбараагүй байдалд нэрвэгдэн тэсвэрлэхийн аргагүй өрөвдөлтэй харагдах газар дэлхийг сайтар ажвал дааж давшгүй уй гуниг төрдөг” хэмээн хэлсэн юм. Ийм нөхцөл байдал бий болсны улмаас Бурхан бүхий л орчлон ертөнцөд хандан “Сүнснийхээ үрийг цацаж” эхэлсэн бөгөөд Тэр Өөрийн авралын ажлыг бүхий л газар дээр гүйцэтгэж эхэлсэн. Энэхүү ажил урагшилсны улмаас Бурхан бүх төрлийн гай гамшгийг буулгаж, тэгснээрээ хатуу зүрх сэтгэлтэй хүмүүсийг аварч эхэлсэн юм. Бурханы ажлын үе шатанд аврал нь мөн л янз бүрийн гамшгийн хэлбэртэй байдаг бөгөөд тоологдсон хүмүүсээс нэг нь ч зугтаж чадахгүй. Зөвхөн эцэст нь л “гуравдагч тэнгэр шиг амгалан байдаг: Тэнд том, жижиг амьтад хэзээ ч ‘хэл ам хийлгүй’ эв эетэй зэрэгцэн оршдог” нөхцөл байдалд хүрэх боломжтой. Бурханы ажлын нэг тал нь бүх хүн төрөлхтнийг байлдан дагуулж, Түүний үгээр дамжуулан сонгогдсон хүмүүсийг олж авах явдал; нөгөө тал нь янз бүрийн гамшгаар дамжуулан бүх тэрслүү хөвгүүдийг байлдан дагуулах явдал юм. Энэ нь Бурханы өргөн цар хүрээтэй ажлын нэг хэсэг билээ. Ийм маягаар л Бурханы хүсдэг газар дээрх хаанчлал бүрэн хэрэгжих бөгөөд энэ нь шижир алт мэт Бурханы ажлын нэг хэсэг юм.

Тэнгэрийн хөдөлгөөнийг ойлгохыг Бурхан хүмүүсээс үргэлж шаардаж байгаа. Тэд үнэхээр түүнийг биелүүлж чадах уу? Бодит байдалд Сатанаар 5,900 жил гаруй завхруулагдсан хүмүүсийн одоогийн бодит байдалд үндэслэвэл тэднийг Петртэй харьцуулж болохгүй, тиймээс тэд зүгээр л үүнийг хийж чадахгүй. Энэ бол Бурханы ажлын арга барилуудын нэг. Тэр хүмүүсийг идэвхгүй хүлээлгэхгүй харин Тэр тэднээр идэвхтэйгээр эрж хайлгуулна. Зөвхөн ийм байдлаар л Бурхан хүмүүс дээр ажиллах боломжтой болно. Үүнийг арай их тайлбарласан нь дээр байх, эс бөгөөс хүмүүс ердөө өнгөц ойлголттой болох болно. Бурхан хүн төрөлхтнийг бүтээж, сүнс өгснийхөө дараа, хэрвээ Бурханыг дуудан хашхирахгүй бол тэд Түүний Сүнстэй холбогдож чадахгүй, тиймээс тэнгэрийн “хиймэл дагуулын телевизийн” дохиог газар дээр хүлээн авч чадахгүй гэж Тэр тэдэнд тушаасан. Бурхан хүмүүсийн сүнсэнд байхаа больсон үед бусад зүйлсэд зориулсан хоосон суудал үргэлж үлдэх ба ийнхүү Сатан орох боломжийг шүүрч авдаг. Хүмүүс зүрх сэтгэлээрээ Бурхантай холбогдох үед Сатан нэн даруй тэвдэн сандарч, зугтахаар яаравчилдаг. Хүн төрөлхтний хашхираанаар дамжуулан Бурхан тэдэнд хэрэгтэй зүйлийг нь өгдөг, гэхдээ Тэр эхлээд тэдний дотор “оршин суудаггүй.” Тэдний хашхираанаас болж Тэр зүгээр л тэдэнд байнга тусламж үзүүлдэг бөгөөд тэрхүү дотоод хүч чадлаас хүмүүс зориг зүрх олж авдаг, ингэснээр Сатан хүссэнээрээ “тоглохын” тулд энд ирж зүрхэлдэггүй. Ийм маягаар хэрвээ хүмүүс байнга Бурханы Сүнстэй холбогдох юм бол Сатан үймүүлэхээр ирж зүрхлэхгүй. Сатаны үймээнгүйгээр бүх хүний амьдрал хэвийн болох ба Бурхан ямар ч саад тотгоргүйгээр тэдний дотор ажиллах боломжтой болдог. Ийм маягаар Бурханы хийхийг хүсдэг зүйл хүмүүсээр дамжин биелэх болно. Яагаад Бурхан хүмүүсээс итгэлээ нэмэгдүүлэхийг шаардаж, мөн “Би газар дээрх хүний биеийн хэмжээнд тохируулан зохих ёсны шаардлага тавьдаг. Би хэнийг ч хүнд байдалд оруулж байсан удаагүй, мөн Миний таалалд нийцэхийн тулд ‘цусаа шавх’ гэж хэнээс ч, хэзээ ч шаардаж байгаагүй” хэмээн хэлснийг үүнээс мэдэж болно. Ихэнх хүмүүс Бурханы шаардлагаас болж тэвддэг ба хүмүүст тэрхүү эрхтэн байхгүй, тэд эргэлт буцалтгүйгээр Сатанаар завхруулагдсан гэж хэлдэг атлаа яагаад Бурхан тэдэнд шаардлага тавьсаар байдаг юм бэ? гэж хэлдэг. Бурхан хүмүүсийг хэцүү байр сууринд тавьж байгаа биш гэж үү? Хүмүүсийн буурьтай царайг хараад, дараа нь тэдний маш эвгүй төрхийг хараад чи инээхгүй байж чадахгүй. Хүмүүсийн янз бүрийн муу муухай байдал хамгийн инээдтэй—хааяа тэд тоглох дуртай хүүхэд шиг байдаг, хааяа тэд “ээж” болж тоглож байгаа бяцхан охин шиг байдаг. Заримдаа тэд хулгана идэж буй нохой мэт байдаг. Тэдний бүх муу муухай байдал нь хачин инээдтэй бөгөөд ихэнхдээ хүмүүс Бурханы хүслийг хэдий чинээ ойлгож чадахгүй байна, тэд төдий чинээ хэрэг түвэгт орж болзошгүй байдаг. Ийм учраас “Би бүх бүтээлийг чимээгүй байлгадаг Бурхан юм гэж үү?” хэмээх Бурханы үгээс хүмүүс хэр тэнэг болохыг харж болох ба нэг ч хүн Бурханы хүслийг ойлгодоггүй гэдгийг энэ нь харуулдаг. Тэр Өөрийн хүсэл юу болохыг хэлсэн ч гэсэн тэд үүнийг анхаарч чаддаггүй. Тэд зөвхөн хүний хүсэл дээр үндэслэн Бурханы ажлыг хийдэг, тэгвэл тийм байдлаар тэд яаж Түүний хүслийг ойлгож чадах юм бэ? “Би газар дэлхийгээр алхан, анхилуун үнэрээ хаа сайгүй түгээж, Өөрийн дүрийг газар бүрд үлдээдэг. Миний дуу хоолой энд тэндгүй цуурайтдаг. Газар газрын хүмүүс өчигдрийн сайхан зураглалыг санан мөрөөддөг, учир нь бүх хүн өнгөрснийг санаж байна…” Энэ нь хаанчлал бүрэлдэх нөхцөл байдал байх болно. Үнэндээ хэд хэдэн газарт Бурхан хаанчлалын хэрэгжилтийн сайн сайхныг зөгнөсөн ба хэрвээ тэдгээрийг бүгдийг нь нийлүүлбэл, энэ нь хаанчлалын бүрэн гүйцэд дүр зураг байх юм. Гэхдээ хүмүүс үүнд анхаарлаа хандуулдаггүй—тэд үүнийг зүгээр л хүүхэлдэйн кино шиг үздэг.

Сатаны хэдэн мянган жилийн завхралын улмаас хүмүүс үргэлж харанхуйд амьдарсан, иймээс тэд харанхуйгаас болж санаа зовдоггүй, мөн гэрлийг ч хүсэн тэмүүлдэггүй. Иймээс өнөөдөр гэрэл хүрэлцэн ирэхэд: “бүгд ирсэнд минь дургүйцэж, Намайг тэнгэр дэх дайсан нь мэт үзэн, айсуй гэрлийг үлдэн хөөдөг. Хүн Надтай болгоомжилсон харцаар мэндчилдэг.” Хэдийгээр ихэнх хүмүүс Бурханыг чин зүрх сэтгэлээр хайрладаг боловч Тэр үүнд сэтгэл ханадаггүй ба хүн төрөлхтнийг мөн л ялладаг. Энэ нь хүмүүсийн хувьд учрыг нь олоход бэрх байдаг. Хүмүүс харанхуйд амьдардаг учраас Бурханд үйлчлэх тэдний үйлчлэл гэрэл дутмаг нөхцөл байдалд байгаатай адилхан байдлаар хийгддэг. Өөрөөр хэлбэл, хүмүүс бүгд өөрсдийн үзлийг ашиглан Бурханд үйлчилдэг бөгөөд Бурханыг ирэх үед хүмүүс бүгд ийм байдал дунд байдаг, тэд шинэ гэрлийг хүлээн зөвшөөрснөөр Бурханд үйлчлэх чадваргүй байдаг боловч Түүнд үйлчлэхийн тулд тэд өөрсдийн бүх туршлагыг ашигладаг. Хүн төрөлхтний “үнэнч зангаас” Бурхан таашаал авдаггүй, иймээс харанхуйд байгаа хүн төрөлхтөн гэрлийг магтдаггүй. Ийм учраас Бурхан үүнийг хэлсэн—энэ нь бодит байдалтай огтхон ч харшилдаггүй ба энэ нь Бурхан хүн төрөлхтнийг ад үзэж байгаа хэрэг биш, мөн Тэр тэдэнд шударга бус хандаж байгаа юм биш. Дэлхий ертөнцийн бүтээлээс эхлээд өнөөдрийг хүртэл ганц ч хүн Бурханы халуун дулааныг үнэхээр амсаагүй—тэд Бурхан тэднийг цохиж, тэднийг устгана гэдгээс гүнээ айн, Бурханд хандахдаа хянуур байсаар ирсэн. Иймээс энэ 6,000 жилийн туршид Бурхан хүмүүсийн чин сэтгэлийн хариуд халуун дулаан байдлыг үргэлж ашигласан бөгөөд тэднийг үргэлж тэвчээртэйгээр ахин дахин залж чиглүүлсэн. Яагаад гэвэл хүмүүс маш сул дорой, тэд Бурханы хүслийг бүрэн мэдэж чаддаггүй бөгөөд Түүнийг үнэн сэтгэлээсээ хайрлаж чаддаггүй, учир нь тэд Сатаны арга залинд автахгүй байж чаддаггүй. Гэхдээ ийм байсан ч гэсэн Бурхан бас л тэвчээртэй байдаг ба Тэр тодорхой нэг өдрийг хүртэл үүнийг тэвчихдээ өөрөөр хэлбэл, дэлхий ертөнцийг шинэчлэх үедээ хүмүүсийг ээж шиг нь асарч халамжлахаа болино. Оронд нь Тэр хүн төрөлхтөнд тохирох цээрлүүлэлтийг өгөх ба ийм учраас үүний дараа: “Далайн мандал дээр хүүр цогцос хөвнө”, харин “усгүй газруудад инээд хөөр, дуу хөгжим цалгин, Миний өгсөн амлалтыг бусад хүн эдэлсээр байна.” Энэ бол шийтгүүлсэн болон шагнуулсан хүмүүсийн хүрэх газрын хоорондох харьцуулалт юм. “Далайн мандал” гэдэг нь Бурханы хэлсэн, хүнийг гэсгээх ёроолгүй ангалыг хэлж байна. Энэ нь Сатаны эцсийн хүрэх газар бөгөөд Өөрийг нь эсэргүүцдэг бүх хүнд зориулан Бурханы бэлтгэсэн “амрах газар” юм. Бурхан хүн төрөлхтний жинхэнэ хайрыг үргэлж хүссээр байсан боловч үүнийг мэдэлгүйгээр хүмүүс өөрсдийн ажлыг хийсээр байгаа. Ийм учраас Өөрийнхөө бүх үгэнд Бурхан хүмүүст үргэлж шаардлага тавьж, тэдний дутагдлыг, мөн түүнчлэн хэрэгжүүлэлтийн замыг нь заан харуулсан, ингэснээр тэд эдгээр үгийн дагуу хэрэгжүүлж чадах юм. Бурхан хүмүүст хандах Өөрийн хандлагыг бас ил болгосон: “Гэхдээ Би тоглоом шиг үзэн тоглох гэж ганц ч хүний амийг хээв нэг авсан удаагүй. Би хүний гаргасан хүчин чармайлтыг ажиглаж, төлсөн төлөөсийг нь ойлгодог. Өмнө минь зогсоо хүнийг Би гэнэдүүлэн гэсгээхийг хүсдэггүй, мөн таагүй зүйл өгөхийг ч хүсдэггүй. Харин ч энэ бүх хугацаанд Би гагцхүү хүнийг хангаж, хүнд юм өгсөн.” Хүмүүс Бурханы эдгээр үгийг унших үедээ Түүний халуун дулаан байдлыг нэн даруй мэдэрдэг: Үнэндээ өмнө нь би Бурханы төлөө төлөөс төлсөн боловч би бас Түүнд хааш яаш хандсан бөгөөд заримдаа би Түүнд гомдоллосон. Бурхан Өөрийнхөө үгээр үргэлж намайг залж чиглүүлсэн ба миний аминд маш их анхаарал хандуулдаг, гэсэн ч заримдаа би энэ нь тоглоом байгаа юм шиг үүгээр тоглодог. Энэ нь үнэхээр хэрэггүй. Бурхан намайг маш их хайрладаг, тэгвэл би яагаад хангалттай их хичээдэггүй юм бэ? Энэ тухай бодох үедээ хүмүүс үнэхээр өөрийгөө алгадахыг хүсдэг, эсвэл зарим хүмүүсийн хувьд хамар нь сарталзаж, чангаар хашхиран уйлдаг. Бурхан хүмүүсийн зүрх сэтгэлийг ойлгож, үүнд нийцүүлэн ярьдаг бөгөөд хатуу ч биш, зөөлөн ч биш энэ хэдэн үг нь Бурханыг гэсэн хүмүүсийн хайрыг өдөөдөг. Эцэст нь Бурхан, газар дээр хаанчлал байгуулагдах үеийн Өөрийн ажил дахь өөрчлөлтийг зөгнөсөн: Бурханыг газар дээр байх үед хүмүүс гай гамшиг, аюулаас ангид байж чадах ба нигүүлсэлд умбаж чадах болно, гэвч Тэр агуу өдрийн шүүлтийг эхлэх үе нь Тэр бүх хүний дунд илрэх үе байх бөгөөд газар дээрх Түүний бүх ажил бүрэн гүйцэлдэх болно. Тэр үед, цаг нь ирсэн учраас Библид ийнхүү хэлсэн шиг байх болно: “Шударга бус хүн, шударга бусаараа байг: бузар нь бузар чигээрээ байг.” Зөвт бус хүмүүс гэсгээлтэд буцан очиж, ариун хүмүүс нь сэнтийн өмнө буцаж очих болно. Ганц ч хүн, бүр хаанчлалын хөвгүүд, ардууд хүртэл Түүний найр тавихыг хүртэж чадахгүй. Энэ нь бүгд Бурханы зөвт байдал байх ба энэ нь бүгд Түүний зан чанарын илчлэл байх болно. Тэрээр хүний сул доройг хоёр дахь удаагаа өрөвдөн энэрэхгүй.

Өмнөх:16-Р БҮЛЭГ

Дараах:18-Р БҮЛЭГ

Холбогдох агуулга