Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ЕСДҮГЭЭР БҮЛЭГ

Хүмүүсийн төсөөлөлд Бурхан бол Бурхан, хүн бол хүн. Бурхан хүний хэлээр ярьдаггүй, мөн хүн Бурханы хэлээр ярьж чадахгүй бөгөөд Бурханы хувьд хүний шаардлага хялбархан байдаг байхад хүнд тавих Бурханы шаардлагууд нь хүний хувьд хүрэхийн аргагүй, төсөөлөхийн аргагүй байдаг. Гэхдээ бодит баримт яг эсрэгээрээ байдаг: Бурхан хүний ердөө “0.1 хувийг” л шаарддаг. Энэ нь хүн бүхэнд хачирхалтай байгаад зогсохгүй мөн далайд байгаа мэт аргаа барахад тэднийг хүргэдэг. Зөвхөн Бурханы гэгээрэл болон Бурханы нигүүлслийн ачаар л хүмүүс Бурханы хүслийн талаар бага зэрэг мэдлэг олж авсан. Гэхдээ 3 дугаар сарын 1-нд бүх хүн, дахин нэгэнтээ цөхөрч сандран, толгойгоо маажин үлдсэн юм. Бурхан Өөрийнхөө ардуудаас хөвөгч үүл биш, харин гялтганах цас байхыг гуйсан. Тэгвэл энэхүү “цас” юуг хэлдэг вэ? Мөн “хөвөгч үүл” нь юуг илтгэдэг вэ? Энэ мөчид, Бурхан эдгээр үгийн дотоод утга учрын талаар санаатайгаар юу ч хэлэхгүй байгаа. Энэ нь хүмүүсийг төөрөгдөлд умбуулж, тэрчлэн эрж хайх зуур нь тэдний итгэлийг өсгөдөг—энэ бол өөр юу ч биш, харин Бурханы ардуудад тавих онцгой шаардлага учраас хүмүүс, эдгээр ойлгошгүй үгийн талаар бодоход илүү их цагийг аяндаа зарцуулж байдаг. Үүний үр дүнд хөвж буй цасан ширхэг нүднийх нь өмнүүр гялтганаж, тэнгэрт хөвөгч үүл нэн даруй оюун ухаанд нь харагдан, тэдний уураг тархинд янз бүрийн санаа цэцэглэдэг. Бурхан яагаад Өөрийнхөө ардуудаас хөвөгч үүл биш, харин цас байхыг хүсдэг вэ? Энд байгаа жинхэнэ утга учир юу вэ? Эдгээр үг яг юуг хэлж байна вэ? “Цас” нь зөвхөн газрын гадаргууг үзэсгэлэнтэй сайхан харагдуулаад зогсохгүй, мөн хөдөө аж ахуйн бүс нутагт ч бас хэрэгтэй—энэ нь бактерийг устгахдаа сайн. Их цас орсны дараа бүх бактерийг гялтганах цас бүрхдэг бөгөөд бүхий л орон зай нэн даруйдаа амьдралаар бялхдаг. Түүнчлэн, Бурханы ардууд зөвхөн бие махбодтой болсон Бурханыг мэдэх ёстойгоор үл барам мөн Бурхан бие махбодтой болсон баримтан дээр өөрсдийгөө дарангуйлж, хэвийн хүн чанарыг амьдран харуулах ёстой. Цас ийнхүү газрын гадаргууг үзэсгэлэнтэй болгодог; эцсийн эцэст Бурханы ардуудын төлөвшил нь газар дээр Бурханы хаанчлалыг байгуулж, Бурханы ариун нэрийг түгээж, алдаршуулан агуу улаан лууд төгсгөл авчрах болно, ингэснээр газар дээрх хаанчлал бүхэлдээ Бурханы зөвт байдлаар дүүрч, Бурханы гялбаагаар гэрэлтэж, Бурханы алдраар очтон гялалзах ба амар тайван болон сэтгэл хангалуун байдал, аз жаргал болон гүйцэтгэл, мөн үүрд шинэчлэгдсэн гоо үзэсгэлэнгийн дүр зураг хаа сайгүй байдаг. Одоо үед оршин байгаа янз бүрийн тахал гамшиг—зөвт бус байдал, гажууд байдал, хуурмаг зан, ёрын муу хүсэл гэх мэтийн завхарсан сатаны зан чанар нь—бүгд устгагддаг, тэгснээр тэнгэр, газар хоёулаа шинэчлэгддэг. Энэ бол “их цас орсны дараа” гэдгийн жинхэнэ утга учир юм. Хөвөгч үүл шиг хүмүүс нь Бурханы ярьсан, бусдыг даган дуурайдаг төрлийн хүмүүс юм; хэрвээ Сатаны уруу таталт, эсвэл Бурханы шалгалт байвал тэд нэн даруй урсгал даган хөвж, цаашид оршин байхаа болино. Тэдний аль хэдийн үгүй болсон мөн чанар ч гэсэн амьд үлдэж чадахгүй. Хэрвээ хүмүүс хөвөгч үүл бол тэд Бурханы дүр төрхийг амьдран харуулах чадваргүйгээр үл барам мөн Бурханы нэрэнд ичгүүр авчирдаг, учир нь тийм хүмүүс хэдийд ч, хаана ч булаагдан одох аюултай байдаг, тэд бол Сатаны иддэг хоол бөгөөд Сатан тэднийг олзлох үед тэд Бурханаас урваж, Сатанд үйлчлэх болно. Энэ нь Бурханы нэрэнд ичгүүр авчирдаг нь тодорхой бөгөөд Бурханы хамгийн их дургүйцдэг зүйл, тэд бол Бурханы дайснууд юм. Тиймээс тэдэнд, хэвийн хүмүүсийн мөн чанар, ашиглагдах бодит үнэ цэнийн аль аль нь байдаггүй. Үүний улмаас Бурхан Өөрийн ардуудад тийм шаардлага тавьдаг. Гэвч эдгээр үгээс зарим нэг зүйлийг ойлгосныхоо дараа хүмүүс дараа нь юу хийхээ мэддэггүй, учир нь Бурханы үгийн сэдэв Бурхан руу Өөр лүү нь эргэсэн ба энэ нь тэднийг хэцүү байр сууринд тавьдаг: “Би ариун газраас ирсэн учраас зөвхөн нэр зүүсэн ба мөн чанаргүй бадамлянхуа цэцэгтэй адил биш, учир нь тэр ариун газраас биш, харин намаг балчгаас гарсан билээ.” Өөрийн хүмүүст тавих шаардлагынхаа талаар ярьсныхаа дараа Бурхан яагаад Бурханы Өөрийн төрөлтийг дүрсэлдэг вэ? Энэ хоёрын хооронд холбоо байгаа юм гэж үү? Үнэндээ тэдгээрийн хооронд төрөлхийн холбоо байдаг—эс бөгөөс Бурхан хүмүүст ийнхүү хэлэхгүй байх байсан юм. Ногоон навчсын дундах бадамлянхуа цэцэг зөөлөн салхины аясаар үргэлж нааш цааш ганхаж байдаг. Энэ нь нүдэнд тааламжтай агаад асар ихээр нандигнан хайрлагддаг. Хүмүүс зүгээр л үүнийг хайрлаж ханадаггүй бөгөөд ишнээс нь тасдан авч, ойроос харахын тулд усанд шумбахыг тэсэн ядан хүсэж байдаг. Гэсэн ч Бурхан, бадамлянхуа цэцэг намаг балчгаас гардаг ба мөн чанаргүй, зөвхөн нэр төдий гэж хэлдэг. Бурхан бадамлянхуа цэцгэнд ямар ч ач холбогдол өгдөггүй нь харагддаг бөгөөд Тэр тэдгээрийг бага зэрэг үзэн яддаг гэдгийг үгээс нь тодорхой харж болно. Тэдгээр нь бохир заваан газраас бохирдолгүй гарч ирдэг болохоор эрин үеүдийн туршид олон хүн, тэдгээр нь бараг юутай ч харьцуулахын аргагүй, үгээр хэлэхийн аргагүй гайхалтай гэж хэлэх хэмжээнд бадамлянхуа цэцгэнд магтаалаа урсгасан. Гэхдээ Бурханы нүдээр бадамлянхуа цэцэг бол үнэ цэнгүй—энэ нь Бурхан, хүн хоёрын хоорондох яг тэр ялгаа юм. Энэ нь Бурхан, хүн хоёрын хоорондох зайг буюу тэнгэрийн орой, газрын ёроол хоёрын хоорондох шиг асар их зайг харуулахад хангалттай. Бадамлянхуа цэцэг намаг балчгаас ургадаг учраас үүнд шаардлагатай шим тэжээл бүгд тэндээс гардаг. Зүгээр л бадамлянхуа цэцэг зүсээ хувиргаж, тэгснээрээ нүд хужирлах чадвартай. Олон хүн бадамлянхуа цэцэгний үзэсгэлэнтэй сайхан гадаад талыг нь л хардаг боловч бадамлянхуа цэцгийн доторх амь бузар, бохир гэдгийг хэн ч хардаггүй. Тиймээс Бурхан, энэ нь мөн чанаргүй, зөвхөн нэр төдий гэж хэлдэг—энэ нь бүхэлдээ үнэн, зөв юм. Бурханы хүмүүс өнөөдөр яг ийм байгаа биш гэж үү? Тэд зөвхөн гадна талдаа л Бурханд дуулгавартай байж, итгэдэг. Бурхан өөрсдөд нь сэтгэл хангалуун байхын тулд Бурханы өмнө тэд ая тал засаж, өөрсдийгөө харуулдаг; гэсэн хэдий ч дотроо тэд завхарсан сатаны зан чанараар дүүрсэн, ходоод нь бохир бузраар дүүрсэн байдаг. Тиймээс, Бурхан хүнд асуулт тавьж, хүний Бурханд хандах үнэнч зан бохир зүйлээр сэвтсэн эсэхийг, мөн энэ нь ариун агаад чин үнэнч эсэхийг асуудаг. Үйлчлэл үзүүлэгчид байх үедээ олон хүн Бурханыг амаараа магтсан боловч зүрх сэтгэлдээ Түүнийг хараасан. Амаараа тэд Бурханд дуулгавартай байсан боловч зүрх сэтгэлдээ Бурханд дуулгаваргүй хандсан. Тэдний ам сөрөг үгсийг хэлж, зүрх сэтгэлдээ тэд Бурханыг эсэргүүцэх эсэргүүцлээ нуусан. Үйлдлүүд нь хоорондоо авцалдаатай хүмүүс хүртэл байсан: Тэд амаараа бүдүүлэг хараал урсгаж, гараараа дохиж занган, туйлын замбараагүй байж, агуу улаан лууны жинхэнэ төрхийн тод томруун, бодит илэрхийллийг үзүүлсэн. Тэд агуу улаан лууны үр сад гэж нэрлэгдэхэд үнэхээр тохирно. Гэхдээ өнөөдөр тэд үнэнч үйлчлэл үзүүлэгчдийн байранд зогсож, Бурханы үнэнч ардууд шиг авирладаг—хэчнээн ичгүүр сонжуургүй вэ! Гайхах юмгүй; тэд намаг балчгаас гарсан, иймээс тэд өөрсдийн жинхэнэ царайг харуулахгүй байж чаддаггүй. Бурхан ариун агаад цэвэр, бодит агаад жинхэнэ учраас Түүний махбод Сүнснээс ирдэг. Энэ нь лавтай агаад маргаангүй. Бурханд Өөрт нь гэрчлэл хийж чадахаар үл барам Бурханы хүслийг бүрэн гүйцэтгэх чадвартай байдаг: энэ бол Бурханы мөн чанарын нэг тал юм. Дүр төрхтэй Сүнснээс махбод ирсэн гэдэг нь, Сүнсний Өөрийгөө хувцасласан махбод бол хүний махан биеэс мөн чанараараа өөр бөгөөд энэхүү ялгаа нь үндсэндээ тэдний сүнсэнд оршдог. Дүр төрхтэй Сүнс гэж юуг хэлж байна вэ гэвэл хэвийн хүн чанараар халхлагдсаны үр дүнд бурханлаг чанар нь дотроо хэвийн ажиллаж чаддаг бөгөөд энэ нь огтхон ч ер бусын биш, мөн хүн чанараар хязгаарлагддаггүйг хэлж байна. “Сүнсний дүр төрх” гэдэг нь бүрэн бурханлаг чанарыг хэлж байгаа ба энэ нь хүн чанараар хязгаарлагддаггүй. Тийм болохоор Бурханы төрөлх зан чанар болон жинхэнэ дүр төрхийг, зөвхөн хэвийн агаад тууштай төдийгүй сүр жавхлан, уур хилэнтэй Бурханы махбод болсон биеэр бүрэн амьдран харуулж болно. Бурханы махбод болсон эхний бие нь хүмүүсийн үзлийн Бурханыг л харуулж байсан, өөрөөр хэлбэл, Тэр зөвхөн тэмдэг, гайхамшиг үзүүлж, зөгнөл хэлэх чадвартай байсан юм. Тийм болохоор Тэр Бурханы бодит байдлыг бүрэн амьдран харуулаагүй, иймээс дүр төрхтэй Сүнсний биелэл байгаагүй юм; Тэр ердөө бурханлаг чанарын шууд илрэл байлаа. Мөн хэвийн хүн чанарыг даван гарсан учраас Тэрээр бүрэн бодитой Бурхан Өөрөө гэж нэрлэгдээгүй, харин Түүнд тэнгэр дэх тодорхойгүй Бурханы зүйл бага зэрэг байсан, Тэр бол хүмүүсийн үзлийн Бурхан байсан юм. Энэ нь Бурханы махбод болсон хоёр биеийн үндсэн ялгаа билээ.

Орчлон ертөнцийн хамгийн өндөр цэгээс Бурхан хүн төрөлхтний хөдөлгөөн бүрийг, хүмүүсийн хэлж, хийж байгаа бүхнийг хардаг. Тэдний зүрх сэтгэлийн гүний бодлыг хүртэл орхигдуулахгүйгээр, туйлын тодорхой ажиглаж байдаг—иймээс Бурханы үг хүмүүсийн бодол болгоныг нь цохин, зүрхийг шууд зүсдэг бөгөөд Түүний үг сүйхээтэй агаад алдаа мадаггүй байдаг. “Хүн Миний Сүнсийг ‘мэддэг’ боловч тэр мөн Миний Сүнсийг уурлуулдаг. Миний үгс бүх хүний муухай царайг ил гаргаж, бүх хүний сэтгэлийн хамгийн гүний бодлуудыг ч ил гаргадаг бөгөөд газар дээрх хүн бүхэн Миний ажиглалтын дунд нуран унахад хүрдэг.” Хүнд тавих Бурханы шаардлага хэдийгээр өндөр биш боловч хүмүүс Бурханы Сүнсний ажиглалтыг тэвчиж чаддаггүй гэдгийг үүнээс харж болно. “Гэхдээ хэдий хүн унаж, бүтэлгүйтсэн ч түүний зүрх сэтгэл Надаас холдон явж зүрхэлдэггүй. Бүтээлийн дунд Миний үйл хэргээс болоод Намайг хайрладаггүй хэн байна?” Энэ нь Бурханы бүхий л мэргэн ухаан, бүхнийг чадагч байдлыг бүр ч их харуулдаг, тэгснээр үйлчлэл үзүүлэгчдийн байр сууринд байх үедээ Бурханы ардуудын бодсон бүхнийг илчилдэг: Хэдийгээр бүтэлгүйтсэн “арилжааг” дагаад тэдний тархин дахь “хэдэн зуун мянга” эсвэл “хэдэн сая” нь юу ч биш болсон боловч Бурханы захиргааны зарлигаас болж, мөн Бурханы сүр жавхлан, уур хилэнгээс болж хэдий тэд толгойгоо уй гашуутайгаар унжуулсан боловч сөрөг байдлын дунд мөн л Бурханд үйлчилсэн, өнгөрсөн үеийн тэдний бүх хэрэгжүүлэлт хоосон яриа болж, бүрэн мартагдсан; үүний оронд тэд цаг өнгөрөөж, нөхцөөхийн төлөө, өөрсдийгөө зугаацуулахын тулд өөрсдийг нь болон хүн бүхнийг баярлуулах зүйлийг хүссэнээрээ хийсэн… Хүмүүсийн дунд яг ийм зүйл болсон юм. Тиймээс Бурхан хүнд хандан, ийнхүү хэлдэг: “Миний үгийн үр дүнд Намайг хүсэн эрмэлздэггүй хэн байна вэ? Миний хайраас болоод сэтгэл татагдаагүй хүн байна уу?” Үнэнийг хэлэхэд хүмүүс бүгд Бурханы үгийг хүлээн зөвшөөрөхөд бэлэн байгаа ба Бурханы үгийг унших дургүй нэг ч хүн байхгүй—өөрсдийнх нь уг чанар саад болдог учраас тэд зүгээр л Бурханы үгийг хэрэгжүүлж чаддаггүй юм. Бурханы үгийг уншсаныхаа дараа олон хүн Бурханы үгээс салж тэвчдэггүй бөгөөд Бурханы хайр тэдний дотор ундардаг. Тиймээс Бурхан дахин нэгэнтээ Сатаныг хараадаг ба түүний муу муухай царайг дахин нэгэнтээ илчилдэг. “Сатан цадиггүй аашлан галзуу мэт эзэрхэг байдаг эрин” гэдэг нь бас Бурхан газар дээрх албан ёсны, агуу ажлаа эхэлдэг яг тэр эрин үе юм. Дараа нь Тэр дэлхий ертөнцийг үндсээр нь устгах ажлаа эхэлдэг. Өөрөөр хэлбэл, Сатан хэдий чинээ их үймээн самуун дэгдээнэ, Бурханы өдөр төдий чинээ ойртдог, иймд Бурхан Сатаны завхайрлын талаар төдий чинээ их ярьдаг, тэгснээр Бурхан дэлхий ертөнцийг үндсээр нь устгах өдөр ойртож байгааг энэ нь харуулдаг. Энэ нь Сатанд өгөх Бурханы тунхаглал юм.

Яагаад Бурхан, “... Миний араар тэд тэдгээр ‘магтууштай’ бохир ажил хийдэг. Миний Өөрийгөө хувцасласан бие махбод чиний үйлдэл, зан авир, үг хэлний талаар юу ч мэдэхгүй гэж чи бодож байна уу?” хэмээн ахин дахин хэлдэг юм бэ? Тэр ийм үгийг ганц, хоёрхон удаа хэлээгүй—яагаад тэр вэ? Хүмүүс Бурханаар тайвшруулагдаж, хүнийг гэсэн Бурханы уй гашууг мэдмэгц тэдний хувьд урагш тэмцэнгээ өнгөрснөө амархан мартдаг. Гэхдээ Бурхан хүнд өчүүхэн ч гэсэн өршөөнгүй ханддаггүй: Тэр хүмүүсийн бодлыг мөшгөсөөр байдаг. Тиймээс Тэр, өөрсдийгөө мэдэж, садар самуун явдлаа зогсоож, тэдгээр “магтууштай” бохир ажил хэрэгт оролцохоо больж, махбод дахь Бурханыг дахин хэзээ ч хууран мэхлэхгүй байхыг хүмүүсээс олон удаа гуйдаг. Хэдийгээр хүмүүсийн уг чанар өөрчлөгддөггүй боловч тэдэнд хэдэн удаа сануулах нь ач тустай байдаг юм. Үүний дараа Бурхан, доторх нууцуудыг нь илчлэхийн тулд хүний өнцгөөс ярьдаг: “Олон жил Би салхи, бороог тэссэн ба хүний ертөнцийн гашууныг ч мөн амссан, гэхдээ сайн эргэцүүлэн бодвол, ямар ч их зовлон шаналал махан биетэй хүнийг Надад итгэж найдахаа болиход хүргэхгүй, ямар ч сайхан байдал махан биетэй хүнийг Надад хүйтэн, гутарсан буюу орхин явсан байдлаар хандахад хүргэж бүр ч чадахгүй. Миний төлөө гэсэн хүний хайр үнэхээр зовлон шаналалгүй, эсвэл сайхан байдалгүй байхаар хязгаарлагддаг юм уу?” “Нарны доорх бүхэн хий хоосон” эдгээр үгэнд үнэндээ дотоод утга учир бий. Тиймээс Бурхан, юу ч хүнийг Түүнд найдах найдвараа алдахад хүргэж, эсвэл Түүнд хүйтэн хөндий хандахад хүргэж чадахгүй гэж хэлж байна. Хэрвээ хүмүүс Бурханыг хайрладаггүй бол тэд бараг үхсэн нь дээр; хэрвээ тэд Бурханыг хайрладаггүй бол тэдний зовлон хий дэмий, тэдний ерөөл нь хоосон бөгөөд нүгэл дээр нь нэмэгдэнэ. Бурханыг үнэхээр хайрладаг ганц хүн байдаггүй учраас Бурхан, “Миний төлөө гэсэн хүний хайр үнэхээр зовлон шаналалгүй, эсвэл сайхан байдалгүй байхаар хязгаарлагддаг юм уу?” гэж хэлдэг. Хүний ертөнцөд зовлон шаналал, сайхан байдалгүйгээр хүн яаж оршин тогтнож чадах юм бэ? Бурхан ахин дахин “Хэн ч, хэзээ ч Миний царайг үнэхээр хараагүй, Миний дуу хоолойг үнэхээр сонсоогүй, учир нь хүн Намайг үнэхээр мэддэггүй” гэдэг. Хүн Түүнийг үнэхээр мэддэггүй гэж Бурхан хэлдэг ч яагаад Тэр хүнээс Өөрийг нь мэдэхийг гуйдаг юм бэ? Энэ нь зөрчилдөөн биш гэж үү? Бурханы үг бүр тодорхой зорилготой байдаг. Хүн хатуу сэтгэлтэй болсон учраас Бурхан, эцэстээ хүний зүрх сэтгэл дэх 0.1 хувьд хүрэхийн тулд хүн дэх Өөрийн ажлыг 100% хийх зарчмыг ашигладаг. Энэ нь Бурханы ажилладаг арга бөгөөд Бурхан Өөрийнхөө зорилгод хүрэхийн тулд ийнхүү ажиллах ёстой байдаг. Энэ нь бас яг нарийндаа Бурханы үгийн мэргэн ухаан билээ. Та нар үүнийг ухаарав уу?

Бурхан: “Би махбодоор Өөрийн нууцыг шууд илчилж, Өөрийн хүслийг ил болгох үед та нар анзаардаггүй; та нар дуу авиаг сонсдог боловч утга учрыг нь ойлгодоггүй. Би уйтгар гунигт автдаг. Хэдийгээр Би махбодод байгаа боловч махбодын үйлчлэлийн ажлыг хийж чаддаггүй” гэж хэлдэг. Нэг талаараа эдгээр үг, мэдрэмжгүй байдлаасаа болж хүмүүс Бурхантай хамтран ажиллах санаачилга гаргахад хүргэдэг; нөгөө талаараа Бурхан махбод дахь Өөрийн бурханлаг чанарын жинхэнэ төрхийг илчилдэг. Хүмүүсийн биеийн хэмжээ хэтэрхий жаахан учраас Бурханыг махбодод байх үеийн бурханлаг чанарын илчлэл нь зөвхөн хүний хүлээн зөвшөөрөх чадварын дагуу байдаг. Ажлын энэ үе шатанд ихэнх хүмүүс бүрэн хүлээн зөвшөөрөх чадваргүй хэвээр үлддэг ба энэ нь тэдний хүлээн зөвшөөрөх чадвар хэчнээн ядмаг болохыг хангалттай харуулдаг. Тиймээс ажиллах үедээ бурханлаг чанар нь анхдагч чиг үүргээ бүрэн биелүүлдэггүй; энэ нь гэхдээ өчүүхэн хэсэг юм. Хожмын ажилд, хүний сэргээлтийн байдлын дагуу бурханлаг чанар аажмаар илчлэгдэх болно гэдгийг энэ нь харуулдаг. Гэсэн хэдий ч бурханлаг чанар аажмаар өсдөггүй, харин энэ нь бие махбодтой болсон Бурханд байгаа зүйл бөгөөд энэ нь хүний биеийн хэмжээтэй адилгүй.

Бурхан хүнийг бүтээсэн явдалд зорилго болон утга учир байсан, тиймээс Бурхан “Хэрвээ хүн Миний уур хилэнд устгагдах байсан юм бол, Миний тэнгэр газрын бүтээлийн утга учир юу байх байсан бэ?” гэж хэлсэн. Хүн завхруулагдсаны дараа Бурхан Өөрийнхөө таашаалын төлөө хүмүүсийн нэг хэсгийг олж авахаар төлөвлөсөн; бүх хүн устгагдах юм биш, эсвэл Бурханы захиргааны зарлигийг өчүүхэн төдий зөрчмөгцөө үндсээрээ устгагдах юм биш. Энэ нь Бурханы хүсэл биш юм. Бурханы хэлсэнчлэн, тэр нь утга учиргүй байх болно. Яг энэхүү “утгагүй байдлын” улмаас Бурханы мэргэн ухаан ил болдог. Бүх хүнийг гэсгээж, шүүж, цохихын тулд олон арга барилаар Бурхан ярьж, ажиллаж, эцэстээ Өөрийг нь үнэхээр хайрладаг хүмүүсийг сонгох нь илүү их ач холбогдолтой байдаггүй гэж үү? Яг ийм байдлаар Бурханы үйл хэрэг илчлэгддэг, иймээс хүнийг бүтээсэн явдал илүү их утга учиртай болдог. Тиймээс Бурханы үгийн ихэнх нь өнгөрөн оддог; энэ нь зорилгодоо хүрэхийн төлөө бөгөөд энэ нь л Түүний зарим үгийн бодит байдал билээ.

Өмнөх:НАЙМДУГААР БҮЛЭГ

Дараах:НЭМЭЛТ 1: НЭГДҮГЭЭР БҮЛЭГ

Холбогдох агуулга

  • БУРХАНД ҮНЭНЧ ЗҮРХ СЭТГЭЛЭЭР ДУУЛГАВАРТАЙ БАЙДАГ ХҮМҮҮСИЙГ БУРХАН ГАРЦААГҮЙ ОЛЖ АВНА

    Ариун Сүнсний ажил өдрөөс өдөрт, алхам тутамдаа улам өндөрт дээшлэн өөрчлөгддөг; маргаашийн илчлэл алхам алхмаар бүр ч өндөрт өгсөн өнөөдрийнхөөс ч ил…

  • АРВАН ДОЛООДУГААР БҮЛЭГ

    Миний дуу хоолой аянга шиг нүргэлж, бүх дөрвөн зүг, бүхэл дэлхийг гэрэлтүүлдэг бөгөөд аянга цахилгааны дунд хүмүүс цохигдон унадаг. Нэг ч хүн энэхүү а…

  • ШИНЭ ЭРИН ҮЕИЙН ТУШААЛ

    Өөрсдийгөө Бурханы үгээр зэвсэглэ гэж та нарт хэлсэн, та нарын төлөө юу зохицуулсан байх нь хамаагүй, бүгд Бурханы гараар зохион байгуулагдсан ба та н…

  • АЖИЛ БА ОРОЛТ (6)

    Ажил болон оролт нь угаас бодитой гэдэг нь Бурханы ажил болон хүний оролтыг хэлдэг. Бурханы жинхэнэ царай болон Бурханы ажлыг хүн огт ойлгодоггүй уч…