89-Р БҮЛЭГ

Хийдэг бүхэндээ Миний санаа зорилгод нийцнэ гэдэг амаргүй; энэ нь дүр эсгэхээр өөрсдийгөө хүчлэх тухай асуудал бус, харин Надаас шалтгаалдаг бөгөөд дэлхий ертөнцийг бүтээхээсээ өмнө Би чамд Өөрийн хэв чанарыг хайрласан эсэхээс хамаардаг. Энэ бол хүмүүсийн хийж чадах зүйл биш. Би хайрлахыг хүсдэг хүмүүсээ хайрладаг, Миний ууган хөвгүүн гэсэн хэн боловч ууган хөвгүүн лавтай мөн. Энэ бол яг үнэн! Чи дүр эсгэхийг хүсэж болох ч, тэр чинь талаар болно! Би чамайг танихгүй гэж бодоо юу? Миний өмнө сахилгатай байхад л хангалттай юу? Ийм энгийн гэж үү? Хэрхэвч үгүй. Чамд Миний амлалт, Миний урьдчилан тогтоолт байх хэрэгтэй. Миний ар хударгаар юу хийдгийг чинь мэддэггүй гэж бодоо юу? Эх захаа алдсан юм! Надад хийх үйлчлэл чинь дуусмагц гал, хүхрийн нуурандаа үтэр түргэн буц! Миний ой гутаж, чамайг харахаас зэвүү хүрч байна. Миний төлөө үнэнчээр зарцуулдаггүй, завхай, цадиггүй, Миний санаа зорилгыг ойлгодоггүй, Надад үйлчилдэг бүх хүн үйлчлэлээ дууссаны дараа Миний нүднээс зайл! Үгүй бол, Би чамайг өшиглөж явуулна! Энэ хүмүүс Миний гэрт (өөрөөр хэлбэл, чуулган) дахиад нэг хором ч байж болохгүй. Миний нэрэнд шившиг тарьж, Миний нэр хүндийг унагахаас зайлсхийхийн тулд тэд эндээс явах ёстой. Энэ хүмүүс бүгд агуу улаан лууны үр удам бөгөөд Миний удирдлагад саад хийлгэхээр агуу улаан луу тэднийг илгээсэн юм. Тэд Миний ажилд саад хийхийн тулд заль мэхэнд гаршдаг. Миний хүү! Чи үүнийг нэвт харах ёстой! Энэ хүмүүстэй бүү нийл. Ийм төрлийн хүмүүсийг харвал, тэдэнд урхидуулж, өөрийн аминд хор хүргэхээс зайлсхийхийн тулд хурдан холд! Би, хайхрамжгүй ярьдаг, бодолгүй үйлддэг, зүгээр л наргиж инээдэг, хоосон хов ярьдаг хүмүүсийг хамгаас жигшдэг. Би энэ хүмүүсийн хэнийг ч хүсдэггүй, тэд бүгд Сатаны төрөл! Ямар ч шалтгаангүй тохуу хийдэг, тэд юу гээч вэ? Дэмий хоосон зүйл хэлж, хийгээд, тэд бас л ичдэггүй гэж үү? Үнэн хэрэгтээ, ийм хүн хамгийн үнэ цэнгүй бөгөөд Би тэднийг аль эрт нэвт харж, аль эрт хаясан. Үгүй сэн бол тэд Миний сахилгажуулалтад оролгүйгээр ахин дахин хоосон зүйл юу гэж ярих вэ дээ? Тэд бол үнэхээр агуу улаан лууны үр удам! Одоо Би эдгээр зүйлийг нэг нэгээр нь зайлуулж эхэлсэн. Би Сатаны үр удмыг Өөрийн ууган хөвгүүд, Өөрийн хөвгүүд болон ардууд болгон ашиглаж чадах уу? Тэгвэл Би будилсан хэрэг болохгүй гэж үү? Би яавч тэгэхгүй. Та нар үүнийг тодорхой ойлгов уу?

Өнөөдөр та нарт тохиосон бүх зүйлийг сайн ч бай, муу ч бай, бүгдийг нь Миний ухаалаг гар зохицуулсан; бүх зүйлийг Би зохион байгуулж, хянасан. Энэ бол хүн төрөлхтний амархан хийж чадах зүйл яавч биш. Зарим хүн Миний тухай санаа зовж, гарын алга нь хөлөрсөөр л байна; тэд үнэхээр санаа зовох хэрэггүй! Тэд гол ажлаа огоорч, сүнсэнд ордоггүй атлаа амийн өсөлт хүссээр байдаг; тэд хий дэмий найдаж байна! Тэд огт сэтгэл түгшдэггүй атлаа Миний санаа зорилгыг бас л хангахыг хүсдэг! Чи Миний өмнөөс санаа зовдог боловч Би санаа зовдоггүй. Чи юунд санаа зовоо вэ? Чи улайм цайм худал хэлэнгээ Миний төлөөх ажилдаа хайрамжгүй ханддаг. Би чамд хэлчихье! Би энэ мөчөөс эхлэн ийм хүнийг Өөрийн гэрээс хөөн гаргах болно. Тэр хүн Миний гэрт Надад үйлчлэхэд тэнцэхгүй. Намайг үйлдлээрээ доромжилдог учраас ийм төрлийн хүнийг Би жигшдэг. “Миний эсрэг доромжлол бол өршөөхийн аргагүй нүгэл” гэж хэлэх үед энэ нь хэнийг хэлж байсан бэ? Та нар үүнийг тодорхой ойлгож байна уу? Ийм төрлийн хүн аль эрт энэ нүглийг үйлдсэн атлаа асуудал хараахан ноцтой болоогүй гэдэгт итгэдэг. Энэ будилсан хүн үнэхээр сохор, мэдлэггүй, сүнс нь хаалттай юм! Би чамайг хөөж явуулна! (Энэ нь Сатан Намайг сорьж байгаа хэрэг тул Би ийм их үзэн яддаг бөгөөд энэ сэдэв ахин дахин хөндөгдөж, тэгэх бүртээ Намайг хилэгнүүлсээр ирсэн. Үүнийгээ Би хорьж чадахгүй, үүнийг хэн ч зогсоож дийлэхгүй. Хэрэв цаг нь ирээгүй байсан бол Би түүнтэй аль эрт харьцчихсан байсан юм.) (Одоо ч харийнхан Хятадад олноороо орж ирэхээр хичээнэ гэдэгт итгэдэггүй олон хүн байна; одоо ч гэсэн тэд итгэдэггүй нь Миний уур хилэнг хөөргөн, дэвэргэдэг.)

Миний гэрт ямар төрлийн хүн Миний зүрх сэтгэлийн дагуу байдаг вэ? Өөрөөр хэлбэл, Би бүтээлийн өмнө ямар төрлийн хүмүүсийг Өөрийн гэрт мөнх амьдруулахаар урьдчилан тогтоосон бэ? Та нар мэдэх үү? Та нар Намайг ямар хүмүүст хайртай, ямар хүмүүсийг үзэн яддаг тухай бодож үзсэн үү? Надтай үзэл бодол нэгтэй, сайхан цаг үе, зовлон бэрхшээлийг Надтай хамт туулдаг, өөрөөр хэлбэл, ерөөл, зовлонгийн аль алийг хуваалцдаг хүмүүст Миний гэр зориулагдсан юм. Энэ хүмүүс бүгд Миний хайрладгийг хайрлаж, Миний үзэн яддагийг үзэн яддаг. Миний жигшдэг зүйлийг тэд хаяж чаддаг. Би өөрсдөд нь идэж болохгүй гэж хэлбэл тэд Миний санаа зорилгыг биелүүлэхийн тулд ходоод хоосон явахад ч бэлэн байдаг. Ийм хүн Надад үнэнч үлдэж, Миний төлөө өөрийгөө зарлагадахад бэлэн байж, Миний уйгагүй хүчин чармайлтад хайхрамжтай хандан, Миний төлөө үргэлж шаргуу ажиллаж чаддаг. Иймээс Би ийм төрлийн хүнд ууган хүүгийн байр суурь болон Өөрт буй бүхнээ өгдөг: Би бүх чуулганыг удирдах чадвартай, үүнийгээ тэдэнд өгдөг; Би мэргэн ухаантай, үүнийгээ ч бас тэдэнд өгдөг; үнэнийг хэрэгжүүлснийхээ төлөө Би зовж чадна, бас Би энэ хүмүүст хүсэл өгч, Миний төлөө бүхнийг туулах чадвартай болгоно; Би сайн шинж чанартай, үүнийгээ ч бас тэдэнд өгч, бусад хүмүүс тэднээс Намайг олж хараг гэсэндээ тэднийг яг Өөртэйгөө адил, өчүүхэн ч ялгаагүй болгоно. Одоо Би тэдэнд, Миний бүрэн бурханлаг чанарын нэг талыг амьдран харуулж, Миний бүрэн илрэл байх боломж олгохын тулд Өөрийн бүрэн бурханлаг чанарыг энэ хүмүүсийн дотор оруулж байна; энэ бол Миний санаа зорилго. Гадаад зүйлсийн тухайд (Надтай адилхан идэж, Надтай адил хувцас өмсөх) Над шиг байх гэж бүү оролд, энэ бүхэн нэмэргүй бөгөөд эдгээр зүйлийг эрж хайх үедээ та нар өөрсдийгөө л сүйтгэх болно. Учир нь Намайг гаднаа даган дуурайх гэдэг хүмүүс бол Сатаны боолууд бөгөөд энэхүү хичээл зүтгэл нь Сатан явуулга, Сатаны хүсэл эрмэлзэл юм. Чи надтай адил байхыг чармайдаг, гэхдээ ингэх үнэ цэнтэй юу? Би чамайг үхтэл чинь дэвслэх болно! Миний ажил үргэлж хэрэгжиж, дэлхийн улс орон бүрд өргөжиж байна. Миний мөрийг түргэн дага!

Өмнөх: 88-Р БҮЛЭГ

Дараах: 90-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ХҮН БҮР ҮҮРГЭЭ ГҮЙЦЭТГЭХ ТУХАЙ

Одоогийн урсгалд Бурханыг чин сэтгэлээсээ хайрладаг хүн бүрд Түүгээр төгс болгуулах боломж бий. Хөгшин залуу нь хамаагүй, зүрх сэтгэлдээ...

ЗАМ… (1)

Амьдрах хугацаандаа ямар бүтэлгүйтэлтэй тулгарахаа хэн ч мэддэггүй, ямар төрлийн цэвэршүүлэлтэд өртөхөө ч мэддэггүй. Энэ нь зарим хүний...

32-Р БҮЛЭГ

Хүмүүс Надтай хамт цугларахад Миний зүрх сэтгэл баяр хөөрөөр дүүрдэг. Тэр даруй Би Өөрийн гар дахь ерөөлийг хүмүүсийн дунд хайрладаг ба...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх