900 Бурхан хүнийг дээд зэргээр авардаг
1 Бурхан энэ удаа хүмүүсийг цохихоор ирээгүй, харин ч хүмүүсийг боломжит дээд хэмжээгээр аврах гэж ирсэн. Ямар ч алдаа дутагдалгүй хэн байна вэ? Хэрэв хүн бүрийг цохих юм бол үүнийг яаж “аврал” гэж нэрлэж болох юм бэ? Зарим гэм бурууг зориуд хийдэг бол заримыг нь санаандгүй хийдэг. Санамсаргүй зүйлсийн хувьд тэдгээрийг ухамсарласныхаа дараа чи өөрчилж болдог бол өөрчлөгдөхөөс чинь өмнө Бурхан чамайг цохих уу? Тийм маягаар Бурхан хүмүүсийг аварч чадах уу? Ийм зүйл байдаггүй! Чи санаандгүй, эсвэл тэрслүү уг чанараараа гэм буруу үйлдсэн эсэхээс үл хамааран үүнийг санаж байх ёстой: Дараа нь чи шалавлаж, бодит байдлыг сэхээрч, урагшаа зүтгэх ёстой; ямар нөхцөл байдал гарч ирэх нь хамаагүй, урагшаа зүтгэх ёстой.
2 Бурханы хийж байгаа ажил бол авралын ажил бөгөөд аврахыг хүсдэг хүмүүсээ Тэр хааш яаш цохихгүй. Өөрчлөгдөж чадах түвшнээс чинь үл хамааран эцэст нь Бурхан чамайг цохисон ч гэсэн, Тэр үүнийг зөвт байдлаар хийх нь гарцаагүй; цаг нь ирэхэд Тэр чамд ойлгуулна. Яг одоо та нар үнэний төлөө чармайж, амийн оролтод анхаарлаа төвлөрүүлж, үүргээ биелүүлэхээр эрэлхийлэх ёстой. Үүнд ямар ч алдаа мадаг үгүй! Эцэст нь, Бурхан чамд яаж ч хандсан бай, энэ нь үргэлж зөвт байдлаар хийгддэг; чи үүнд эргэлзэх юм уу санаа зовох хэрэггүй. Чи Бурханы зөвт байдлыг яг одоо ойлгож чадахгүй байлаа ч нэг л өдөр үүнд үнэмших болно.
“Үг. III Боть: Эцсийн өдрүүдийн Христийн яриа. Гуравдугаар хэсэг”-ээс шинэчлэн найруулав
